നിലന്പൂർ: പെരുന്പാന്പിനെ പിടികൂടി പാചകം ചെയ്തു കഴിക്കുന്നതിനിടെ നാലു പേരെ വനപാലകർ പിടികൂടി. അകന്പാടം എരഞ്ഞിമങ്ങാട് പൈങ്ങാക്കോട് പുത്തൻപുരക്കൽ രതീഷ്(30), എടവപ്പറന്പിൽ സതീഷ്(30), അന്പലക്കുന്ന് പ്രദീപ്(27), എളഞ്ചീരി അന്പാഴത്തൊടി ദിനേശ്(33) എന്നിവരാണ് പിടിയിലായത്. അകന്പാടം എരഞ്ഞിമങ്ങാട് വച്ചാണ് കഴിഞ്ഞ ദിവസം രാത്രി ഇവരെ അറസ്റ്റ് ചെയ്തത്. വെള്ളിയാഴ്ച രാത്രി ഒന്നോടെ എടവണ്ണ വനം റേഞ്ച് ഓഫീസർ അബ്ദുൾ ലത്തീഫിനു ലഭിച്ച രഹസ്യവിവരത്തെ തുടർന്നു നടത്തിയ പരിശോധനയിലാണ് നാലംഗസംഘം പിടിയിലായത്. ഷെഡ്യൂൾ ഒന്നിൽ വരുന്ന ജീവിയാണ് പെരുന്പാന്പ്. ഒന്നു മുതൽ ഏഴു വർഷം വരെ തടവ് ലഭിക്കാവുന്ന കുറ്റമാണിത്. ഒരുകിലോ വേവിച്ചതും വറുത്തതുമായ ഇറച്ചിയാണ് സംഘത്തിൽ നിന്നു കണ്ടെടുത്തത്. ഇതോടൊപ്പം പാന്പിന്റെ തലയും തൊലിയും പിടിച്ചെടുത്തിട്ടുണ്ട്. പ്രദേശത്തെ ഒരു വീട്ടിലെ കോഴിക്കൂട്ടിൽ കയറിയ പാന്പിനെയാണ് സംഘം കൊന്നത്.
Read MoreCategory: Kozhikode
കാർ അംബാസിഡർ ആണോ..? സാമൂഹികസുരക്ഷാ പെൻഷൻ കിട്ടും! സർക്കാർ ഇറക്കിയ മാനദണ്ഡങ്ങൾ ഇങ്ങനെ…
മുക്കം: വീട്ടിലുള്ള കാർ അംബാസിഡറാണെങ്കിൽ സാമൂഹികസുരക്ഷാ പെൻഷൻ ലഭിക്കും. എന്നാൽ ആയിരം സിസിയിൽ കൂടുതൽ എഞ്ചിൻ കപ്പാസിറ്റിയുള്ള, ടാക്സി അല്ലാത്ത നാലുചക്ര വാഹനങ്ങൾ സ്വന്തമായുള്ള ഗുണഭോക്താക്കളെ പെൻഷൻ ലിസ്റ്റിൽ നിന്ന് ഒഴിവാക്കും. സാമൂഹിക സുരക്ഷാ പെൻഷൻ കൈപ്പറ്റുന്നതിന് സർക്കാർ ഇറക്കിയ പുതിയ മാനദണ്ഡത്തിലാണ് അംബാസിഡർ കാർ ഉത്പാദനം നിർത്തിയിട്ട് വർഷങ്ങളായി എന്ന സാഹചര്യം കണക്കിലെടുത്ത് അംബാസിഡർ കാർ ഉടമകളെ ഡേറ്റാ ബേസിൽ നിലനിർത്തിയത്. ലോറി, ബസ്, ടെമ്പോ ട്രാവലർ തുടങ്ങിയ നാല് ചക്രത്തിൽ കൂടുതൽ ചക്രങ്ങളുള്ള വാഹനങ്ങളുടെ ഉടമകൾക്കും ഇനി മുതൽ സാമൂഹ്യ സുരക്ഷാ പെൻഷന് അർഹതയുണ്ടായിരിക്കില്ല. ഇത്തരക്കാരെ ഡേറ്റാബേസിൽ നിന്ന് ഒഴിവാക്കാൻ അതാത് പ്രാദേശിക സർക്കാർ സെക്രട്ടറിമാർക്ക് സർക്കാർ കർശനനിർദേശം നൽകി. നിലവിൽ പെൻഷൻ വാങ്ങി വരുന്ന ഗുണഭോക്താക്കളിൽ അനേകംപേർ വളരെ വില കൂടിയതും ആയിരം സിസിയിൽ കൂടുതൽ എൻജിൻ കപ്പാസിറ്റിയുള്ള വാഹനങ്ങളും സ്വന്തമായി ഉള്ളവരാണെന്നും…
Read Moreകണ്ടത്തുവയൽ ഇരട്ടക്കൊലപാതകം; അന്വേഷണ സംഘത്തിൽ ഭിന്നസ്വരം; കേസ് ക്രൈം ബ്രാഞ്ചിനെ ഏൽപ്പിച്ച് തടിയൂരാൻ ഉന്നത മേധവികൾ
വെള്ളമുണ്ട: തൊണ്ടർനാട് പന്ത്രണ്ടാം മൈലിൽ നവദന്പതികൾ കൊല്ലപ്പെട്ടിട്ട് ഒരു മാസം തികയാൻ രണ്ട് ദിവസം മാത്രം ബാക്കി നിൽക്കെ പ്രതികളെ പിടികൂടാനാകാത്തതിൽ അന്വേഷണ സംഘത്തിനുള്ളിൽ ഭിന്നതയെന്ന് സൂചന. ജില്ലയിലെ ഉയർന്ന പോലീസ് ഉദ്യോഗസ്ഥർക്ക് പ്രതികളെ കണ്ടെത്തുന്നതിൽ വേണ്ടത്ര താൽപ്പര്യമില്ലെന്നതുൾപ്പെടെയുള്ള ചർച്ചകളാണ് പോലീസ് സേനക്കുള്ളിൽ നടക്കുന്നത്. കേസ് ക്രൈം ബ്രാഞ്ചിനെ ഏൽപ്പിച്ച് തടിയൂരാൻ ഉന്നത മേധവികൾ ശ്രമിക്കുന്പോൾ മേധാവികളുടെ സഹകരണമുണ്ടെങ്കിൽ പ്രതികളെ കണ്ടെത്താനാവുമെന്നാണ് ഭൂരിഭാഗം സംഘാംഗങ്ങളുടെയും പ്രതീക്ഷ. അന്വേഷണ സംഘത്തിനുള്ളിൽ അന്വേഷണ രീതി സംബന്ധിച്ചും അഭിപ്രായ ഭിന്നതയുള്ളതായി സൂചനയുണ്ട്. മാനന്തവാടി ഡിവൈഎസ്പി കെ.എം. ദേവസ്യയുടെ നേതൃത്വത്തിലുള്ള മുപ്പതംഗ അന്വേഷണ സംഘത്തിൽ മാനന്തവാടി, സുൽത്താൻ ബത്തേരി സിഐമാരും ഉൾപ്പെടും. അന്വേഷണ ഉദ്യോഗസ്ഥർ തമ്മിലുള്ള ഏകോപനമില്ലായ്മയും താഴെക്കിടയിലുള്ള ഉദ്യോഗസ്ഥർ നൽകുന്ന വിവരങ്ങൾ മേലുദ്യോഗസ്ഥർ മുഖവിലക്കെടുക്കാൻ തയാറാകാത്തതുമാണ് പ്രതികളെ പിടികൂടാൻ കഴിയാത്തതിലുള്ള പ്രധാന തടസമെന്നാണ് സേനക്കുള്ളിലെ സംസാരം. അന്യസംസ്ഥാന തൊഴിലാളികളെയടക്കം ചോദ്യം ചെയ്യുന്ന…
Read Moreമാവോയിസ്റ്റു ഭീഷണി; പെരുവണ്ണാമൂഴി ഡാമിനു കാവൽ നിൽക്കുന്ന ആറ്സുരക്ഷാ ഉദ്യോഗസ്ഥർക്കു അഞ്ചു മാസമായി ശമ്പളമില്ല
പേരാമ്പ്ര: മാവോയിസ്റ്റു ഭീഷണിയടക്കം വിവിധ പ്രശ്നങ്ങൾ അഭിമുഖീകരിക്കുന്ന പെരുവണ്ണാമൂഴിയിലെ കുറ്റ്യാടി ജലസേചന പദ്ധതിക്കും ടൂറിസ്റ്റു കേന്ദ്രത്തിനും രാപകൽ കാവൽ നിൽക്കുന്ന ആറ്സുരക്ഷാ ഉദ്യോഗസ്ഥർക്കു അഞ്ചു മാസമായി ശമ്പളമില്ല. വകുപ്പുദ്യോഗസ്ഥരുടെയും സർക്കാരിന്റെയും പിടിപ്പുകേടും അലംഭാവവും നിമിത്തമാണ് വിമുക്ത ഭടൻമാർ പട്ടിണി കിടക്കേണ്ടി വരുന്നത്. ജലസേചന പദ്ധതിയിൽ കനാലുകൾ വൃത്തിയാക്കുന്നതുൾപ്പടെയുള്ള ജോലികൾ ചെയ്യുന്ന ഇരുപതോളം സിഎൽആർ തൊഴിലാളികൾക്കും ഇവരോടൊപ്പം ശമ്പളം കിട്ടാത്ത ദുരവസ്ഥയുണ്ട്. അക്കൗണ്ടിൽ പണമില്ല എന്ന കാരണമാണു അന്വേഷിക്കുമ്പോൾ മേലുദ്യോഗസ്ഥർ പറഞ്ഞിരുന്നത്. കൂടുതൽ അന്വേഷിച്ചപ്പോൾ ഇവരുടെ ശമ്പള കാര്യങ്ങളുടെ ഹെഡ് ഓഫ് അക്കൗണ്ടൂ തന്നെ സർക്കാർ രേഖയിൽ നിന്നു അപ്രത്യക്ഷമായ വിവരമാണു ലഭിച്ചത്. ജലസേചന പദ്ധതിയിലെ സ്ഥിര ജീവനക്കാർക്കു കൃത്യമായി ശമ്പളം ലഭിക്കുമ്പോൾ പാവപ്പെട്ട സെക്യൂരിറ്റിക്കാരും താത്കാലിക തൊഴിലാളികളും ദുരിതമനുഭവിക്കുകയാണ്. പ്രശ്നങ്ങൾ പരിഹരിക്കാനുള്ള നടപടികൾ സെക്രട്ടറിയേറ്റിലെ വിവിധ വിഭാഗം ഓഫീസുകളിലെ ഫയലിൽ ഉറങ്ങുകയാണ്. സ്ഥലം എംഎൽഎ കൂടിയായ മന്ത്രി…
Read Moreവെസ്റ്റ് നൈൽ പനി;പുതിയ കേസുകൾ റിപ്പോർട്ട് ചെയ്തിട്ടില്ല; ഭയപ്പെടേണ്ട സാഹചര്യമില്ലെന്ന് ആരോഗ്യവകുപ്പ്
കോഴിക്കോട്: കൊതുകുകള് പരത്തുന്ന വെസ്റ്റ് നൈല് പനി ലക്ഷണങ്ങളോടെ പുതിയ കേസുകൾ റിപ്പോർട്ട് ചെയ്തിട്ടില്ലെന്ന് കോഴിക്കോട് മെഡിക്കൽ കോളജ് സൂപ്രണ്ട് ഡോ. കെ.ജി. സജിത് കുമാർ. രോഗം സ്ഥിരീകരിക്കുന്നതിന് ഒരാഴ്ച്ച സമയമെടുക്കുമെന്നും അദ്ദേഹം രാഷ്ട്രദീപികയോട് പറഞ്ഞു. രോഗം നിപ്പാ വൈറസ് പോലെ അത്ര തീവ്രമല്ലെന്നും ഭയപ്പെടേണ്ട സാഹചര്യമില്ലെന്നും ആരോഗ്യവകുപ്പും അറിയിച്ചു. വെസ്റ്റ് നൈൽ പനി ലക്ഷണങ്ങളോടെ പാവങ്ങാട് സ്വദേശിയായ 24 കാരിയെ കഴിഞ്ഞ 13നാണ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. രോഗലക്ഷണത്തെ തുടർന്ന് ഇവരുടെ ശ്രവങ്ങളുടെ സാന്പിൾ പൂന വൈറോളജി ഇന്സ്റ്റിറ്റ്യൂട്ടിലേക്ക് അയച്ചിരുന്നു. ആദ്യ സാമ്പിള് പരിശോധനാഫലം പോസിറ്റീവായാണ് സ്ഥിരീകരിച്ചത്. എന്നാല് രണ്ടാമത്തെ സാമ്പിള്കൂടി പരിശോധിച്ചമശഷം മാത്രമേ രോഗം സ്ഥിരീകരിക്കുകയൂള്ളൂവെന്ന് ഡിഎംഒ വി. ജയശ്രീ ഇന്നലെ വ്യക്തമാക്കിയിരുന്നു. ആദ്യഫലം വന്നതിനുശേഷം പത്ത് മുതല് 14 ദിവസം കഴിഞ്ഞുമാത്രമേ രണ്ടാമത്തെ പരിശോധന നടത്താന് കഴിയൂ. അതേസമയം ചികിത്സയിലുള്ള യുവതിയുടെ…
Read Moreബലേം അന്താരാഷ്ട്ര വംശീയ ജൈവശാസ്ത്ര കോണ്ഗ്രസ്: ചെറുവയൽ രാമനും ജയ്ശ്രീകുമാറും ബ്രസീലിലേക്ക്
കൽപ്പറ്റ: പാര ഫെഡറൽ സർവകലാശാലയും പാരമീസ് എമിലിയോഗോൾഡി മ്യൂസിയവും സംയുക്തമായി ബ്രസീലിയൻ പട്ടണമായ ബലേമിൽ ഏഴ് മുതൽ 10 വരെ നടത്തുന്ന പതിനാലാമത് അന്താരാഷ്ട്ര വംശീയ ജൈവശാസ്ത്ര കോണ്ഗ്രസിലും പന്ത്രണ്ടാമത് ബ്രസീലിയൻ വംശീയ ജൈവശാസ്ത്ര സിംപോസിയത്തിലും ഇന്ത്യയെ പ്രതിനിധാനം ചെയ്യുന്നതിനു വയനാട്ടിലെ പാരന്പര്യ കർഷകൻ ചെറുവയൽ രാമനും നരവംശശാസ്ത്രഞ്ജനും കോഴിക്കോട് ക്രസ്റ്റ്(സെന്റർ ഫോർ റിസർച്ച് ആൻഡ് എഡ്യുക്കേഷൻ ഫോർ സോഷ്യൽ ട്രാൻസ്ഫർമേഷൻ)പ്രൊജക്ട് അസോസിയേറ്റുമായ ജയ്ശ്രീകുമാറും യാത്രതിരിച്ചു. നെടുന്പാശേരിയിൽനിന്നു ദുബായ്, സാവോപോളോ വഴിയാണ് ബലേമിലേക്കു ഇരുവരുടെയും യാത്ര. ഗോത്രജനതയുടെ അവകാശങ്ങളും ജൈവവൈവിധ്യത്തിന്റെ സംരക്ഷണവും എന്ന വിഷയത്തിലാണ് ഇത്തവണ ബലേമിൽ അന്താരാഷ്ട്ര വംശീയ ജൈവശാസ്ത്ര സമ്മേളനം. അന്താരാഷ്ട്ര വംശീയ ജൈവ വൈവിധ്യ സൊസൈറ്റി, ബ്രസീലിയൻ സൊസൈറ്റി ഓഫ് എത്നോബയോളജി ആൻഡ് എത്നോ ഇക്കോളജി എന്നിവ സമ്മേളനവുമായി സഹകരിക്കുന്നുണ്ട്. തദ്ദേശീയ ജനവിഭാഗങ്ങളുടെയും ഗോത്രവിഭാഗങ്ങളുടെയും പരന്പരാഗത ജീവിതശീലങ്ങളും പ്രകൃതിവിഭവങ്ങളുടെ ഉപയോഗവും ആസ്പദമാക്കി ശാസ്ത്രീയ,…
Read More“തോക്കിൻകുഴൽ വിപ്ലവം’ കാടിറങ്ങുന്നു; ജനം ഭീതിയിൽ; ജനവാസ മേഖലയിൽ മാവോയിസ്റ്റ് അനുകൂല പോസ്റ്ററുകൾ…
സ്വന്തം ലേഖകൻ കോഴിക്കോട്: “വിപ്ലവം തോക്കിൻകുഴലിലൂടെ’ എന്ന മുദ്രാവാക്യം ഉയർത്തുന്ന മാവോയിസ്റ്റുകളെ അനുകൂലിക്കുന്ന പോസ്റ്ററുകൾ ജനവാസ മേഖലയിൽ പ്രത്യക്ഷപ്പെടുന്നത് പതിവാകുന്നു.ഉൾവനത്തിൽ കേന്ദ്രീകരിച്ച് പ്രവർത്തിക്കുന്ന മാവോയിസ്റ്റ് സംഘങ്ങളെ അനുകൂലിക്കുന്ന പോസ്റ്ററുകളാണ് കഴിഞ്ഞ ആഴ്ചയിലായി നഗരത്തിന്റെ വിവിധയിടങ്ങളിൽ പ്രത്യക്ഷപ്പെട്ടത്. വനമേഖലയിൽ നിന്ന് ഏറെ ദൂരമുള്ള നഗരപ്രദേശങ്ങളിൽ ഇത്തരം പോസ്റ്ററുകൾ കണ്ടെത്തുന്നത് പോലീസിനെ വലയ്ക്കുകയാണ്. രാത്രിയിൽ അജ്ഞാതർ പതിക്കുന്ന പോസ്റ്ററുകൾ എവിടെനിന്ന് ആര് കൊണ്ടുവന്ന് പതിക്കുന്നുവെന്ന് കണ്ടെത്തുക അത്ര എളുപ്പമല്ലെന്ന് പോലീസും പറയുന്നു. എന്നാൽ അടിക്കടി മാവോയിസ്റ്റ് അനുകൂല പോസ്റ്ററുകൾ നാട്ടിൽ പ്രത്യക്ഷപ്പെടുന്നത് ജനങ്ങളെ ഏറെ ഭീതിയിലാഴ്ത്തിയിരിക്കുക യാണ്. വാർത്തകളിൽ മാത്രം വായിച്ചറിവുള്ള മാവോയിസ്റ്റുകൾ തങ്ങളുടെ നാട്ടിലുമെത്തിയെന്ന ഭീതിയിലാണ് ജനങ്ങൾ. ഇന്നലെയാണ് മാവോയിസ്റ്റ് അനുകൂല പോസ്റ്റർ ഏറ്റവും ഒടുവിലായി സിറ്റി പോലീസിന്റെ പരിധിയിലാണ് കണ്ടെത്തിയത്.മെഡിക്കൽ കോളജ് സ്റ്റേഷൻ പരിധിയിലെ കുറ്റിക്കാട്ടൂർ അങ്ങാടിയിലെ ബസ് കാത്തിരിപ്പ് കേന്ദ്രത്തിലാണ് ഇന്നലെ മാവോയിസ്റ്റ് അനുകൂല പോസ്റ്റർ…
Read Moreസെനറ്റിലെ തോൽവി; സിപിഎമ്മിലെ രാഷ്ട്രീയധ്രുവീകരണത്തിന്റെ ഭാഗമെന്ന് .പി.എ. കരീം
കൽപ്പറ്റ: കാലിക്കട്ട് യൂണിവേഴ്സിറ്റി സെനറ്റിലേക്ക് നടന്ന ജനപ്രതിനിധികളുടെ തെരഞ്ഞെടുപ്പിൽ യുഡിഎഫിനുണ്ടായ വൻവിജയം ജില്ലയിൽ സിപിഎമ്മിന്റെ പുതിയ നേതൃത്വത്തിനെതിരായി ഉരുത്തിരിഞ്ഞ് വരുന്ന രാഷ്ട്രീയധ്രുവീകരണത്തിന്റെ ഭാഗമാണെന്ന് മുസ്്ലിം ലീഗ് ജില്ലാ പ്രസിഡന്റ് പി.പി.എ. കരീം. മുട്ടിൽ പഞ്ചായത്തിൽ എൽഡിഎഫിന് ഭരണം നഷ്ടപ്പെട്ടതും പടിഞ്ഞാറത്തറയിൽ സ്വന്തം അംഗം പ്രസിഡന്റിനെതിരായി അവിശ്വാസത്തിന് നോട്ടീസ് നൽകിയതും ജില്ലാ നേതൃത്വത്തോടുള്ള അസംതൃപ്തിയുടെ ഭാഗമാണ്. ഇതിന്റെ തുടർച്ചയാണ് സെനറ്റ് തെരഞ്ഞെടുപ്പിലുണ്ടായ ദയനീയ പരാജയവും. എൽഡിഎഫിന് സ്വന്തമായി 227 വോട്ടുകൾ കിട്ടേണ്ട സ്ഥാനത്ത് 207 വോട്ടുകൾ മാത്രമാണ് ലഭിച്ചത്. 196 വോട്ടുകൾ കിട്ടേണ്ട സ്ഥാനത്ത് 209 വോട്ടുകൾ യുഡിഎഫിന് ലഭിക്കുകയും ചെയ്തു. ബിജെപിയുടെ വോട്ടുകൾ അവർക്ക് തന്നെയാണ് ലഭിച്ച്. യുഡിഎഫ് സ്ഥാനാർഥിയുടെ പൊതുസ്വീകാര്യത കണക്കിലെടുത്ത് സിപിഎമ്മിന്റെ പതിമൂന്ന് ജനപ്രതിനിധികൾ യുഡിഎഫ് സ്ഥാനാർത്ഥിക്ക് അനുകൂലമായി വോട്ട് നൽകുകയും ഏഴ് പേർ മനപൂർവം വോട്ട് അസാധുവാക്കിയതുമാണ് എൽഡിഎഫ് തോൽവിയുടെ യഥാർത്ഥ കാരണം.…
Read Moreപണത്തിന് വേണ്ടി മകളെ കാമുകന് പീഡിപ്പിക്കാൻ കൂട്ടുനിന്ന കേസിൽ മാതാവിനെ ജയിലിലടച്ചു; പ്രതി വിദേശത്തേക്ക് കടന്നു
ചങ്ങരംകുളം: പതിനൊന്ന് വയസുകാരിയായ മകളെ പീഡിപ്പിക്കാൻ കൂട്ടുനിന്ന കേസിൽ അറസ്റ്റിലായ യുവതി റിമാൻഡിൽ. രണ്ട് വർഷം മുന്പാണ് കേസിനാസ്പദമായ സംഭവം നടന്നത്.ആറാം ക്ലാസിൽ പഠിച്ചിരുന്ന മകളെ പണത്തിന് വേണ്ടി കാമുകന് പീഡിപ്പിക്കാൻ യുവതി കൂട്ടുനിൽക്കുകയായിരുന്നുവെന്നാണ് കേസ്. യുവതിക്കെതിരെയും കാമുകനെതിരെയും ചങ്ങരംകുളം പോലീസ് പോക്സോ ചുമത്തി കേസെടുത്തത്. സ്കൂൾ കൗണ്സിലിംഗിനിടെ സംഭവം അറിഞ്ഞ അധ്യാപകർ ചൈൽഡ് ലൈൻ വിഭാഗത്തിനെ വിവരം അറിയിക്കുകയും ചൈൽഡ്ലൈൻ നൽകിയ പരാതിയുടെ അടിസ്ഥാനത്തിൽ പോലീസ് മാതാവിനും കാമുകനുമെതിരെ കേസെടുക്കുകയുമായിരുന്നു. മഞ്ചേരി നിർഭയ ചിൽഡ്രൻ ഹോമിലേക്ക് മാറ്റി. കാമുകനായ പ്രതി വിദേശത്തേക്ക് കടന്നു.
Read Moreഗോൾഡ് ഇരണ്ട… ചങ്ങരംകുളം ചിയ്യാനൂർ പാടത്ത് അപൂർവ്വയിനം ഇരണ്ടയെ കണ്ടെത്തി; ഇരണ്ടകളെ കാണാൻ നാട്ടുകാരുടെ തിരക്ക്
ചങ്ങരംകുളം: കൂളിരണ്ട വിഭാഗത്തിൽപ്പെട്ട ഇരണ്ടയെ കണ്ടെത്തി. ചങ്ങരംകുളം ചിയ്യാനൂർ പാടത്താണ് കണ്ടെത്തിയത്. താറാവിന്റെ രൂപ സാദൃശ്യമുള്ള ഇവ ഇരണ്ട വിഭാഗത്തിൽ പെട്ടതാണന്നും ഗോൾഡ് ഇരണ്ടയാണന്നും നാട്ടുകാർ പറഞ്ഞു. താറാവിനെ അപേക്ഷിച്ച് ദീർഘ ദൂരം പറക്കുന്നത് ശ്രദ്ധയിൽ പതിഞ്ഞതോടെ കൂടുതൽ പേരാണ് ഈ പക്ഷികളെ കാണാനെത്തുന്നത്. ഒരാഴ്ചയിലേറയായി ചങ്ങരംകുളം തൃശ്ശൂർ റോഡിൽ ഗ്യാസ് പന്പിന് മുൻ വശത്തെ പാടത്താണ് ഇവ എത്തുന്നത്. കാലത്ത് എട്ട് മുതൽ പത്ത് മണി വരെയുള്ള സമയത്താണ് ഇവ കാണാറുള്ളത്. പൊന്നാനി കോൾ മേഖലയിൽ സമാനരീതിയിലുള്ള വെള്ളിരണ്ടയും എത്താറുണ്ടെന്ന് നാട്ടുകാരിൽ ചിലർ അനുഭവം പങ്കുവച്ചു. പ്രധാനമായും കേരളത്തിന് പുറത്തും ബർമ, മലേഷ്യ, ഇൻഡോ ചൈന സ്ഥലങ്ങളിലുമാണ് ഈ വിഭാഗത്തിൽപ്പെട്ടവയെ കാണാറുള്ളത്. മണ്ണിര, തവള, മത്സ്യം എന്നിവയാണ് ഇവയുടെ തീറ്റ.സാധാരണയായി കൂളിരണ്ടയും കാക്ക ഇരണ്ടയും കണ്ട് മടുത്ത നാട്ടുകാർക്ക് ഇവപുത്തൻ കാഴ്ചയാവുകയാണ്.
Read More