പരിയാരം: കോരന്പീടികയില് യുവാവിനെ വീട്ടില് കയറി വെട്ടിക്കൊല്ലാന് ശ്രമിച്ച സംഘത്തെ കണ്ടെത്താന് പോലീസ് അന്വേഷണം ഊര്ജിതമാക്കി. തളിപ്പറമ്പ് സിഐ പി.കെ.സുധാകരന്റെ നേതൃത്വത്തില് ഇന്ന് പുലർച്ചെ വിവിധ സ്ഥലങ്ങളില് റെയ്ഡ് നടത്തി. കോരന്പീടികയിലെ മാടാളന് വള്ളിയോട്ട് ഉമീർ, റഹീസ്, റമീസ് എന്നിവരുടെ നേതൃത്വത്തിലുള്ള പത്തംഗ സംഘം വീട്ടുവാതില് തകര്ത്ത് അകത്തുകയറി മാട്ടൂല് സ്വദേശി വി.വി.റസാഖിനെ (32) മാരകമായി വെട്ടി പരിക്കേല്പ്പിക്കുകയായിരുന്നു. റസാഖ് മംഗളൂരുവിലെ സ്വകാര്യ ആശുപത്രിയില് ചികിത്സയിലാണ്. അക്രമം നടത്തിയത് ക്വട്ടേഷന് സംഘമാണെന്ന് തിരിച്ചറിഞ്ഞതായി പോലീസ് പറഞ്ഞു. ഒരു വര്ഷത്തോളമായി തുടരുന്ന കുടിപ്പകയുടെ ഭാഗമായി നാല് ലക്ഷം രൂപയ്ക്കാണ് റസാഖിനെ വധിക്കാന് ക്വട്ടേഷനെടുത്തതെന്ന് പോലീസ് പറഞ്ഞു. വ്യാഴാഴ്ച്ച രാത്രി പത്തോടെയായിരുന്നു സംഭവം. ഇരുസംഘങ്ങളുടെ കുടിപ്പകയെതുടര്ന്ന് വീട്ടില് അതിക്രമിച്ചുകടന്ന് കുടുംബാംഗങ്ങളുടെ കണ്മുന്നിലിട്ട് യുവാവിനെ വെട്ടിക്കൊല്ലാനായിരുന്നു സായുധസംഘത്തിന്റെ ശ്രമം. ഇരുമ്പുവടിയുടെ അടിയേറ്റ ഭാര്യാ സഹോദരന് റഫീഖി (29) നെയും മംഗളൂരുവിലെ…
Read MoreCategory: Kozhikode
ഭരിക്കുന്നത് ഞങ്ങളുടെ പാർട്ടി..! എസ്എഫ്ഐ മാർച്ചിന് ആളെ എത്തിക്കാൻ കെഎസ്ആർടിസി പാതി വഴിക്ക് ട്രിപ്പ് മുടക്കി; ട്രിപ്പ്മുടക്കിയിട്ടില്ലെന്നു കെഎസ്ആർടിസി അധികൃതരും
കൽപ്പറ്റ: എസ്എഫ്ഐയുടെ കളക്ടറേറ്റ് മാർച്ചിന് ആളെയെത്തിക്കാൻ കെഎസ്ആർടിസി ട്രിപ്പ് പകുതിയിൽ റദ്ദാക്കി പ്രത്യേക സർവീസ് നടത്തി. കൽപ്പറ്റ സബ് ഡിപ്പോ അധികൃതരാണ് നിരവധി യാത്രക്കാരെ പെരുവഴിയിലാക്കി എസ്എഫ്ഐക്കുവേണ്ടി പ്രത്യേക സർവീസ് നടത്തിയത്. കൽപ്പറ്റയിൽനിന്ന് 9.40ന് മുണ്ടക്കൈയിലേക്കുള്ള സർവീസ് മേപ്പാടിയിൽ അവസാനിപ്പിച്ച് ബസ് കൽപ്പറ്റയിലേക്ക് തിരിക്കുകയായിരുന്നു. പോളിടെക്നിക്കിൽനിന്നുള്ള എസ്എഫ്ഐ പ്രവർത്തകർ ആവശ്യപ്പെട്ടിട്ടാണ് ട്രിപ്പ് പകുതിയിൽനിന്ന് കൽപ്പറ്റയിലേക്ക് തിരിച്ചത്. കൽപ്പറ്റയിൽനിന്ന് മാനന്തവാടിയിലേക്ക് പോകേണ്ട ട്രിപ്പ് പൂർത്തിയാക്കുകയും ചെയ്തു. എസ്എഫ്ഐ പ്രവർത്തകരായ വിദ്യാർഥികൾ കഴിഞ്ഞ ദിവസം ഡിപ്പോയിലെത്തി അധികൃതരുമായി ബസിന്റെ റൂട്ട് ഉൾപ്പടെയുള്ള കാര്യങ്ങൾ അന്വേഷിച്ചിരുന്നു. തുടർന്ന് കഐസ്ആർടിസി ജീവനക്കാരുമായി ഉണ്ടാക്കിയ ധാരണയെത്തുടർന്നാണ് മേപ്പാടിയിൽ സർവീസ് അവസാനിപ്പിച്ച് വിദ്യാർഥികളുമായി കൽപ്പറ്റയ്ക്ക് തിരിച്ചത്. നൂറോളം വിദ്യാർഥികൾ ഉണ്ടാകുമെന്നാണ് എസ്എഫ്ഐ പ്രവർത്തകർ അറിയിച്ചിരുന്നത്. എന്നാൽ 65 പേരാണ് ബസിൽ കയറിയത്. സർവീസ് റദ്ദാക്കിയതോടെ മേപ്പാടിയിൽനിന്ന് മുണ്ടക്കൈയിലേക്കുള്ള നിരവധി യാത്രക്കാരാണ് പെരുവഴിയിലായത്. സർവീസിന് സാധ്യമായ നാലുബസുകൾ…
Read Moreഎല്ലാം വെറും വാക്കായിരുന്നു..! ജോയിയുടെ കുടുംബത്തോട് കരുണ കാട്ടാതെ സർക്കാർ; മന്ത്രിസഭായോഗം തീരുമാനമൊന്നുമെ ടുക്കാതെ പിരിഞ്ഞു; ഭാര്യയും മക്കളും നിരാഹാര സമരത്തിനൊരുങ്ങുന്നു
പേരാമ്പ്ര: ചെമ്പനോട വില്ലേജോഫീസിൽ ജീവനൊടുക്കിയ കാവിൽ പുരയിടത്തിൽ ജോയിയുടെ കുടുംബത്തോട് കരുണ കാട്ടാതെ സംസ്ഥാന സർക്കാർ. ജോയിയുടെ മരണശേഷം നടന്ന രണ്ടാമത്തെ മന്ത്രിസഭാ യോഗം ബുധനാഴ്ചയായിരുന്നു. അതിനു മുമ്പ് സഹായം അഭ്യർത്ഥിച്ചു ജോയിയുടെ ഭാര്യയും മക്കളും കഴിഞ്ഞ ദിവസം കോഴിക്കോട് കളക്ടറെ കണ്ടിരുന്നു. കുടുംബത്തിനു മതിയായ സഹായവും സംരംക്ഷണവും ലഭ്യമാക്കാനായി സർക്കാരിനു റിപ്പോർട്ട് നൽകുമെന്ന് അദ്ദേഹം കുടുംബാംഗങ്ങളെ ആശ്വസിപ്പിക്കുകയും ചെയ്തു. കുടുംബത്തിന്റെ കടങ്ങൾ എഴുതി തള്ളണം, ധനസഹായം അനുവദിക്കുക, മക്കളിലൊരാൾക്കു ജോലി നൽകുക തുടങ്ങിയ ആവശ്യങ്ങളായിരുന്നു ജോയിയുടെ കുടുംബം ഉന്നയിച്ചിരുന്നത്. പക്ഷെ സർക്കാർ ഭാഗത്തു നിന്നും യാതൊരു നടപടിയുമുണ്ടായിട്ടില്ല. ജോയി മരണത്തിന് പിറ്റേന്ന് കോഴിക്കോട്ടുണ്ടായിരുന്ന മന്ത്രി എം.എം.മണി ഒഴികെ മറ്റാരു മന്ത്രിയും ജോയിയുടെ കുടുംബത്തെ സന്ദർശിച്ചിട്ടില്ല. പോലീസും വിജിലൻസും റവന്യു സ്ക്വാഡുമൊക്കെ ജോയിയുടെ മരണകാരണം അന്വേഷിച്ച് രംഗത്തുണ്ട്. 80 സെന്റ് സ്ഥലത്തിന്റ് നികുതി സ്വീകരികരിക്കാനായി ചെമ്പനോട വില്ലേജ്…
Read Moreകുട്ടികളാണെന്ന് ഓർക്കണം..! വിദ്യാർഥികളെ അസഭ്യം പറഞ്ഞ് മാനസികമായി പീഡിപ്പിച്ച ഹോസ്റ്റൽ ജീവനക്കാരെ ശിക്ഷിച്ചു; രണ്ടര വർഷത്തെ തടവും പതിനായിരം രൂപയുമാണ് ശിക്ഷ
മഞ്ചേരി: പട്ടിക വർഗ വിദ്യാർഥികളെ അസഭ്യം പറഞ്ഞ് മാനസികമായി പീഡിപ്പിച്ച ഹോസ്റ്റൽ ജീവനക്കാരെ മഞ്ചേരി അഡീഷണൽ ജില്ലാ സെഷൻസ് കോടതി (ഒന്ന്) ശിക്ഷിച്ചു. എടക്കര ചുരുളി പട്ടിക വർഗ വികസന വകുപ്പിനു കീഴിൽ പ്രവർത്തിക്കുന്ന ചുങ്കത്തറ പ്രീ പ്രൈമറി ഹോസ്റ്റലിലെ വാച്ച്മാൻ തിരുവനന്തപുരം മരുതൂർകോണം രാജേന്ദ്ര ഭവനിൽ രാജീവ് കുമാർ (44), പാചകക്കാരനായ തൃശൂർ കൊടകര മൂന്ന്മുറി വലിയപറന്പിൽ രവീന്ദ്രദാസ് (55) എന്നിവരെയാണ് ജഡ്ജി കെ.പി.സുധീർ ശിക്ഷിച്ചത്. എസ് സി/എസ്ടി ആക്ട് പ്രകാരം രണ്ടു വർഷം കഠിന തടവ്, 10000 രൂപ പിഴ, ജുവനൈൽ ജസ്റ്റിസ് ആക്ട് പ്രകാരം ആറു മാസം തടവ് എന്നിങ്ങനെയാണ് ശിക്ഷ. ഹോസ്റ്റലിലെ വാർഡൻ ഗോപാലനാണ് പരാതിക്കാരൻ.പെരിന്തൽമണ്ണ ഡിവൈഎസ്പിയാണ് കേസന്വേഷണം നടത്തി കുറ്റപത്രം സമർപ്പിച്ചത്.
Read Moreആരുടെയൊക്കെ പോക്കറ്റിലോട്ട്..! ആദിവാസി കോളനികളുടെ സമഗ്ര വികസനം എന്ന് പറഞ്ഞ് ഭരണകൂടങ്ങൾ ചെലവിടുന്നത് ലക്ഷങ്ങൾ; എങ്കിലും കാക്കത്തോട് കോളനിയിലെ ദുരവസ്ഥ കണ്ടാൽ നമ്മൾ ഞെട്ടും
സുൽത്താൻ ബത്തേരി: ആദിവാസി കോളനികളുടെ സമഗ്ര വികസനം എന്ന് പറഞ്ഞ് ലക്ഷങ്ങൾ പൊടിക്കുന്ന ഭരണകൂടങ്ങളുടെ കണ്ണിൽ പെടാതെ ദുരിതക്കയത്തിൽ കാക്കത്തോട് കോളനി. വാസയോഗ്യമായ വീടുകൾ പോലുമില്ലാതെ പ്ലാസ്റ്റിക് കൂരകൾക്ക് കീഴിലാണ് നൂൽപ്പുഴയിലെ കല്ലൂരിൽ നിന്നു ഒന്നര കിലോമീറ്റർ സഞ്ചരിച്ചാൽ എത്തുന്ന കാക്കത്തോട് കോളനിക്കാരുടെ വാസം. വയനാട് സന്പൂർണ വെളിയിട വിസർജന മുക്ത (ഒഡിഎഫ്) ജില്ലയായെങ്കിലും ഇവർക്ക് ഇതുവരെ കക്കൂസ് സൗകര്യം പോലും എത്തിയിട്ടില്ല. 28 പണിയ വിഭാഗം കുടുംബങ്ങളാണ് കോളനിയിലുള്ളത്. ഏതു നിമിഷവും നിലം പതിക്കാറായ വാസയോഗ്യമല്ലാത്ത വീടുകളിലാണ് കുട്ടികളും സ്ത്രീകളുമടങ്ങുന്നവർ കഴിയുന്നത്. മഴക്കാലമെത്തിയതോടെ ഇവരുടെ ദുരിതം ഇരട്ടിയായിരിക്കുകയാണ്. കോളനിയിലേക്കെത്താൻ റോഡ് സൗകര്യവും ഇവർക്ക് അന്യമാണ്. ഇതിനുപുറമെ കോളനിയിലെ കിണറ്റിൽ വെള്ളവും ഇല്ലാതായതോടെ കുടുംബങ്ങൾ കുടിവെള്ളത്തിനും നോട്ടോട്ടമോടേണ്ട ഗതിയാണ്. ശക്തമായ മഴപെയ്താൽ സമീപത്തെ തോട്ടിൽ നിന്നു വെള്ളം കയറി കോളനി ഒറ്റപ്പെടും. പിന്നീട് ഇവരുടെ ജീവതം വെള്ളം…
Read Moreടി.പി വധക്കേസ് പ്രതി മുഹമ്മദ് ഷാഫിക്ക് പ്രണയസാഫല്യം; ആശംസ അറിയിക്കാൻ ഷംസീർ എംഎൽഎ വീട്ടിലെത്തി; ടിപികേസി ൽ ബന്ധമില്ലെന്ന് പറയുന്ന സിപി എമ്മിന് എംഎൽയുടെ വരവ് തലവേദനയാകും
ടി.പി.ചന്ദ്രശേഖരൻ വധക്കേസിലെ പ്രതികളിൽ ഒരാളായ മുഹമ്മദ് ഷാഫിക്ക് വിവാഹ ആശംസ നേരാൻ സിപിഎം എംഎൽഎ എ.എൻ.ഷംസീർ വീട്ടിലെത്തി. ഇന്ന് വൈകുന്നേരം നാലിന് ഗ്രാമതി ജുമാ മസ്ജിദിലാണ് ഷാഫിയുടെ വിവാഹം. തുടർന്ന് വൈകുന്നേരം നാല് മുതൽ എട്ട് വരെ ഷാഫിയുടെ വീട്ടിൽ വിരുന്നും സംഘടിപ്പിച്ചിട്ടുണ്ട്. വിവാഹ ആശംസകൾ അറിയിക്കാനായി ബുധാനാഴ്ച വൈകിട്ടാണ് ഷംസീർ വീട്ടിലെത്തിയത്. ടി.പി വധക്കേസിലെ അഞ്ചാം പ്രതിയാണ് ചൊക്ലി പറന്പത്ത് വീട്ടിൽ കെ.കെ.മുഹമ്മദ് ഷാഫി. കൊലപാതകത്തിൽ നേരിട്ട് പങ്കുണ്ടെന്ന് കണ്ടെത്തിയ ഏഴ് പ്രതികളിൽ ഒരാളുമാണ്. കേസിൽ ജീവപര്യന്തം തടവിനും അരലക്ഷം രൂപ പിഴയുമാണ് ഷാഫി ഉൾപ്പടെ ഏഴ് പ്രതികൾക്ക് ലഭിച്ചത്. പിഴയടച്ചില്ലെങ്കിൽ ഒരു വർഷം കൂടി അധികം തടവ് അനുഭവിക്കേണ്ടിയും വരും. വിവാഹത്തിനായി ഷാഫിക്ക് പരോൾ ലഭിച്ചിട്ടുണ്ട്. ടി.പി വധക്കേസുമായി ബന്ധപ്പെട്ട് സിപിഎമ്മിന് ഒരു ബന്ധമില്ലെന്ന് നേതാക്കൾ ആവർത്തിച്ച് പറയുന്പോഴാണ് പാർട്ടി എംഎൽഎ തന്നെ കേസിലെ…
Read Moreസ്കൂൾ വീട്ട് വീട്ടിലേയ്ക്ക് നടന്നുപോകവേ കാറിൽ തട്ടിക്കൊണ്ടുപോകാൻ ശ്രമം; കടന്നുപിടിച്ചപ്പോൾ പെണ്കുട്ടി കുതറിമാറിയതോടെ യുവാവ് രക്ഷപെടുകയായിരുന്നു; കാറിന്റെ നന്പരാണ് പ്രതിയെ കുടുക്കാൻ സഹായിച്ചത്
വടകര: റോഡരികിലൂടെ നടന്നുപോവുകയായിരുന്ന പതിനഞ്ചുകാരിയെ കാറിൽ തട്ടിക്കൊണ്ടുപോകാൻ ശ്രമമെന്നു പരാതി. ഇതു സംബന്ധിച്ച് മടപ്പള്ളി പൂതംകുനി ഹാരിസിനെ (34) വടകര സിഐ ടി.മുധുസൂദനൻ നായർ അറസ്റ്റ് ചെയ്തു. കഴിഞ്ഞ ദിവസം വൈകുന്നേരമായിരുന്നു സംഭവം. സ്കൂൾ വിട്ട് ബസിറങ്ങിയ പെണ്കുട്ടി ചോറോട് ദേശീയപാതക്കരികിലൂടെ തനിച്ചു വീട്ടിലേക്കു നടന്നുപോവുന്പോൾ ഇയാൾ കെഎൽ 18 ക്യൂ 8864 നന്പർ ആൾട്ടോ കാറിൽ കയറ്റിക്കൊണ്ടുപോകാൻ ശ്രമിക്കുകയായിരുന്നു. കടന്നുപിടിച്ചപ്പോൾ പെണ്കുട്ടി കുതറിമാറിയതോടെ ഹാരിസ് കാറുമായി സ്ഥലംവിട്ടു. കാറിന്റെ നന്പർ മനസിലാക്കിയ പെണ്കുട്ടി സംഭവം വീട്ടുകാരെ അറിയിക്കുകയായിരുന്നു. തുടർന്നാണ് വടകര പോലീസിൽ പരാതി നൽകിയതും പ്രതിയെ അറസ്റ്റ് ചെയ്തതും. പോക്സോ പ്രകാരമാണ് കേസ്. ഇയാളെ റിമാന്റ് ചെയ്തു.
Read Moreചതിച്ചത് കമ്പിയോ ജീവനക്കാരോ? വൈദ്യുതി ലൈൻ പൊട്ടിവീണ് പാടത്ത് തീറ്റയെടുത്തുകൊണ്ടിരുന്ന ഇരുപതോളം പോത്തുകൾ ചത്തു; കാലപ്പഴക്കം മൂലമാണ് കമ്പികൾ പൊട്ടി വീണതെന്ന്
എടപ്പാൾ: വയലിനു നടുവിലൂടെ കടന്നുപോകുന്ന വൈദ്യുതി ലൈൻ കമ്പി പൊട്ടിവീണു വയലിൽ തീറ്റയെടുത്തുകൊണ്ടിരുന്ന നാല് പോത്തുകൾ ഷോക്കേറ്റു ചത്തു. ഇന്നലെ ഉച്ചക്കുശേഷം മൂന്നരയോടെയായിരുന്നു അപകടം. കടകശേരി സി.പി അബ്ദുള്ളയുടെ പോത്തുകളാണ് ചത്തത്. ഇരുപതോളം പോത്തുകളാണ് ഈ സമയം വയലിലുണ്ടായിരുന്നത്. വയൽ വരന്പിൽ സ്ഥാപിച്ചിരുന്ന വൈദ്യുതി ലൈനാണ് പൊട്ടി വീണത്. കാലപ്പഴക്കത്താലാണ് കന്പികൾ പൊട്ടിവീണതെന്നാണ് നാട്ടുകാർ പറയുന്നത്. വിവരമറിഞ്ഞു തവനൂർ വൈദ്യുതി സെക്ഷൻ ഓഫീസ് ഉദ്യോഗസ്ഥർ സ്ഥലത്തെത്തി അന്വേഷണം നടത്തി. തവനൂർ വെറ്ററിനറി സർജൻ സ്ഥലത്തെത്തി പോത്തുകളെ പോസ്റ്റുമോർട്ടം നടത്തി.
Read Moreസന്തോഷം കൊണ്ട് ഇരിക്കാൻ വയ്യേ..! മദ്യശാല നിരോധനത്തിൽ നിന്നൊഴിവാകാൻ നഗരത്തിലെ റോഡുകളെ പുനർവിജ്ഞാപനം ചെയ്ത നടപടിയിൽ തെറ്റില്ലെന്ന സുപ്രീം കോടതി;ആഹ്ലാദിച്ച് മദ്യലോബികൾ
വടകര: മദ്യശാല നിരോധനത്തിൽ നിന്നൊഴിവാകാൻ നഗരത്തിലെ റോഡുകളെ പുനർവിജ്ഞാപനം ചെയ്ത നടപടിയിൽ തെറ്റില്ലെന്ന സുപ്രീം കോടതി നിലപാടിൽ സംസ്ഥാനത്തെ മദ്യലോബിക്ക് ആഹ്ലാദം. നഗരങ്ങളിൽ ദേശീയ-സംസ്ഥാന പാതയോരത്ത് അടച്ചുപൂട്ടിയ മദ്യശാലകൾ ഇതോടെ വീണ്ടും തുറന്നു പ്രവർത്തിക്കാൻ സാധ്യത തെളിഞ്ഞു. സൂപ്രീംകോടതി നിലപാടോടെ ഇക്കാര്യത്തിലുള്ള തടസം നീങ്ങുകയാണെന്ന് എക്സൈസ് ഉദ്യോഗസ്ഥർ അഭിപ്രായപ്പെട്ടു. ദേശീയ-സംസ്ഥാന പാതയുടെ അഞ്ഞൂറ് മീറ്റർ പരിധിക്കുള്ളിൽ മദ്യശാലകൾ പാടില്ലെന്നാണ് ഇക്കഴിഞ്ഞ മാർച്ച് അവസാനം സൂപ്രിംകോടതി വിധിച്ചത്. ഉയർന്ന വേഗത്തിൽ സഞ്ചരിക്കുന്ന വാഹനങ്ങളുടെ ഡ്രൈവർമാർ മദ്യപിക്കുന്നത് തടയുന്നതിനാണ് ദേശീയ-സംസ്ഥാന പാതയോരത്തെ മദ്യശാലകൾ നിരോധിച്ചത്. എന്നാൽ നഗരങ്ങളിലെ റോഡുകളിൽ ഇത്തരത്തിലുള്ള പ്രശ്നങ്ങളില്ലെന്നാണ് സൂപിം കോടതി ഇന്നലെ അഭിപ്രായപ്പെട്ടത്. റോഡുകൾ പുനർ വിജ്ഞാപനം ചെയ്യുന്നതിൽ വിവേചന ബുദ്ധികാണിക്കണമെന്നും കോടതി പറഞ്ഞു. സുപ്രീം കോടതി വിധി മറികടക്കാൻ ചണ്ഡീഗഡ് ഭരണകൂടം റോഡുകൾ പുനർവിജ്ഞാപനം ചെയ്തുവെന്ന ഹർജിയിൽ വാദം കേൾക്കവെയാണ് സുപ്രീം കോടതി ഇങ്ങനെ…
Read Moreമഴചതിച്ചു..! കനത്ത മഴയിൽ ഓട്ടോയിൽ നിന്നിറങ്ങി കുട തുറക്കുന്നതിനിടെ വണ്ടി വിട്ടു; ഉറക്കെ വിളിച്ചെങ്കിലും മഴയിൽ ഒന്നും കേട്ടില്ല; യാത്രക്കാരന് നഷ്ടമായത് ഒരു ലക്ഷം രൂപയടങ്ങിയ ബാഗ്
പയ്യോളി: കനത്ത മഴയത്ത് ഓട്ടോയിൽ നിന്നിറങ്ങി കുട തുറക്കുന്നതിനിടെ ഓട്ടോ പുറപ്പെട്ടതിൽ യാത്രക്കാരന് ഒരു ലക്ഷം രൂപ പണമടങ്ങിയ ബാഗ് നഷ്ടമായി. ഇക്കഴിഞ്ഞ ശനിയാഴ്ച പയ്യോളി ടൗണിൽ നിന്ന് പുറപ്പെട്ട് പെരുമാൾപുരത്ത് ഇറങ്ങുന്ന ഓട്ടോ യാത്രക്കിടെയാണ് പയ്യോളിയിലെ വ്യാപാരിയായ അന്പാടി രവീന്ദ്രന് പണം നഷ്ടപ്പെട്ടത്. കൊയിലാണ്ടി ഭാഗത്തേക്ക് പോവുന്ന ഓട്ടോയിൽ ആയിരുന്നു കയറിയത്. ഓട്ടോ പെരുമാൾ പുരത്ത് നിർത്തിയശേഷം സീറ്റിൽ ഇരുന്ന് തന്നെ ഓട്ടോ ചാർജ്ജ് നൽകി പുറത്തിറങ്ങി കുട തുറന്ന ശേഷം ബാഗ് എടുക്കാനായി ശ്രമിക്കുന്നതിനിടെ ഓട്ടോ പുറപ്പെടുകയായിരുന്നു. ഉറക്കെ വിളിച്ച് കൂവിയെങ്കിലും കനത്ത മഴയിൽ ഓട്ടോ ഡ്രൈവർ വിളിക്കുന്നത് ശ്രദ്ധിച്ചില്ല. പുറകെ വന്ന നിരവധി വാഹനങ്ങൾക്ക് കൈ കാണിച്ചെങ്കിലും ആരും നിർത്തിയില്ല. സംഭവം സംബന്ധിച്ച് പയ്യോളി, കൊയിലാണ്ടി പോലീസ് സ്റ്റേഷനുകളിൽ പരാതി നൽകി.
Read More