കായംകുളം: നഗരസഭയുടെ അലംഭാവം കാരണം കായംകുളം ഗവണ്മെന്റ് ഐടിഐക്ക് പതിനഞ്ചു വർഷമായിട്ടും സ്വന്തമായി കെട്ടിടമോ സ്ഥലമോയില്ല. ഇതുമൂലം ഐടിഐ അടച്ചുപൂട്ടൽ ഭീഷണയിൽ. സ്വന്തമായി സ്ഥലവും കെട്ടിടവും അടിസ്ഥാന സൗകര്യങ്ങളും ഇല്ലാത്തതിനാൽ അടുത്ത അധ്യയനവർഷത്തേക്കുള്ള അഡ്മിഷൻ സ്വീകരിക്കേണ്ടതില്ലെന്ന് ഡയറക്ടർ നിർദേശം നൽകിയിരിക്കുകയാണ്. ഇതിനു മുമ്പ് നിരവധിതവണ ഡയറക്ടർ നിർദേശം നൽകിയെങ്കിലും ജനപ്രതിനിധികളുടെ ഇടപെടലിനെത്തുടർന്ന് വീണ്ടും ഐടിഐക്ക് പ്രവർത്തനാനുമതി നൽകുകയായിരുന്നു. ഉടൻ സ്ഥലം കണ്ടെത്തി കെട്ടിടം നിർമിക്കുമെന്ന ഉറപ്പിലാണ് അന്ന് ഡയറക്ടർ അനുമതി നൽകിയത്. എന്നാൽ, ഉറപ്പ് പാലിച്ചില്ലെന്ന് മാത്രമല്ല യാതൊരു അടിസ്ഥാന സൗകര്യവും ഇല്ലാതെയാണ് ഇപ്പോൾ ഐടിഐ പ്രവർത്തിച്ചുവരുന്നത്. 2009ല് പ്രവര്ത്തനം ആരംഭിച്ച ഐടിഐ ഇപ്പോഴും നഗരസഭാവക ഷോപ്പിംഗ് കോംപ്ലക്സിലെ വ്യാപാരസ്ഥാപനങ്ങള്ക്കിടയിലെ കടമുറികളില് അടിസ്ഥാന സൗകര്യമില്ലാതെ പ്രവർത്തിക്കുകയാണ്. ഇതുമൂലം വിദ്യാർഥികളും ദുരിതത്തിലാണ്.ഐടിഐക്കും സ്റ്റേഡിയത്തിനുമായി കെപി റോഡിനു സമീപത്തെ വെട്ടത്തേത്ത് വയൽ ഏറ്റെടുക്കാൻ നഗരസഭാ ഭരണസമിതി മൂന്നു കോടി രൂപ…
Read MoreCategory: Edition News
പുനലൂർ-കൊല്ലം പാതയിൽ ആദ്യ എൽഎച്ച്ബി ട്രെയിൻ സർവീസ് 17 മുതൽ
കൊല്ലം: പുനലൂർ-കൊല്ലം പാതയിൽ എൽഎച്ച്ബി കോച്ചുകളുടെ ആദ്യ ട്രെയിൻ സർവീസ് 17 മുതൽ ഓടിത്തുടങ്ങും. നിലവിൽ ഈ പാതയിൽ ഐസിഎഫ് കോച്ചുകൾ മാത്രമുള്ള ട്രെയിനുകളാണ് ഓടുന്നത്. താംബരം -കൊച്ചുവേളി ദ്വൈവാര സമ്മർ സ്പെഷലാണ് ഇതുവഴി കടന്നുപോകുന്ന ആദ്യ എൽഎച്ച്ബി ട്രെയിൻ. 16 എൽഎച്ച്ബി കോച്ചുകളാണ് ഈ വണ്ടിയിൽ ഉൾപ്പെടുത്തിയിട്ടുള്ളത്.താംബരത്ത് നിന്ന് പുറപ്പെടുന്ന വണ്ടി ചെങ്കോട്ട, പുനലൂർ, കൊല്ലം വഴിയാണ് കൊച്ചുവേളിക്ക് പോകന്നത്. താംബരം-കൊച്ചുവേളി ഈ മാസം 16 മുതൽ ജൂൺ 29 വരെ വ്യാഴം ശനി, ദിവസങ്ങളിലാണ് സർവീസ് നടത്തുക. തിരികെയുള്ള കൊച്ചുവേളി -താംബരം എക്സ്പ്രസ് ഈ മാസം 17 മുതൽ അടുത്ത മാസം 30 വരെ വെള്ളി, ഞായർ ദിവസങ്ങളിലാണ് സർവീസ് ക്രമീകരിച്ചിട്ടുള്ളത്. താംബരത്ത് നിന്ന് രാത്രി 7.30 ന് യാത്ര തിരിക്കുന്ന വണ്ടി പിറ്റേദിവസം രാവിലെ 9.45 ന് കൊച്ചുവേളിയിൽ എത്തും. കൊച്ചുവേളിയിൽ നിന്ന്…
Read Moreപൂതക്കുളത്ത് അമ്മയുടെയും മകളുടെയും മരണം; ചികിത്സയിൽ തുടരുന്ന ഭർത്താവിന്റെ അറസ്റ്റ് ഉടൻ
ചാത്തന്നൂർ: ഭാര്യയും മകളും കഴുത്തറുത്ത് മരിച്ച നിലയിൽ കണ്ടെത്തിയ സംഭവത്തിൽ ഭർത്താവിന്റെ അറസ്റ്റ് ഉടനുണ്ടാകുമെന്ന് പോലീസ്. തിരുവനന്തപുരം മെഡിക്കൽ കോളജിൽ പോലീസ് നിരീക്ഷണത്തിലാണ് ഭർത്താവ് പുതക്കുളം വേപ്പിൻ മൂട് തെങ്ങിൽ വീട്ടിൽ ശ്രീജു എന്ന് വിളിക്കുന്ന സുജിത്ത്. സുജിത്തിന്റെ ഭാര്യ പ്രീത (39), മകൾ ശ്രീനന്ദ (14) എന്നിവരാണ് മരിച്ചത്. പതിനേഴുകാരനായ മകൻ ശ്രീരാഗ് ഗുരുതരാവസ്ഥയില് കൊട്ടിയത്തെ സ്വകാര്യ ആശുപത്രിയില് ചികിത്സയിലാണ്. ശ്രീരാഗിന് അടിയന്തിര ശസ്ത്രക്രിയ നടത്തി. സ്ഥിതി മെച്ചപ്പെട്ടു വരികയാണെന്നാണ് അറിവ്. തിരുവനന്തപുരം മെഡിക്കല് കോളേജില് ചികിത്സയില് കഴിയുന്ന ശ്രീജുവിന്റെ നിലയും ഗുരുതരമാണ്. ഇയാള് ഭാര്യയ്ക്കും മക്കള്ക്കും വിഷം നല്കിയ ശേഷമാണ് കഴുത്തറത്തതെന്ന് പോലീസ് സംശയിക്കുന്നു. ശ്രീരാഗും ശ്രീജുവും ഗുരുതരാവസ്ഥയിലായതിനാൽ മൊഴി രേഖപ്പെടുത്താൻ പോലീസിനായിട്ടില്ല. ഇവരുടെ വിശദമായ മൊഴി രേഖപ്പെടുത്തിയ ശേഷമായിരിക്കും ശ്രീജുവിന്റെ അറസ്റ്റ് ഉൾപ്പെടെയുള്ള നടപടികൾ എന്നാണ് പരവൂർ എസ് എച്ച് ഒ പ്രമോദ്…
Read Moreമേയർ വിവാദം: നാളെ യദുവിന്റെ മൊഴിയെടുക്കും; ആര്യാ രാജേന്ദ്രനും സച്ചിൻ ദേവിനുമെതിരെ എഫ്ഐആറിൽ ഗുരുതര ആരോപണം
തിരുവനന്തപുരം: കെഎസ്ആർടിസി ഡ്രൈവറും തിരുവനന്തപുരം മേയറും തമ്മിലുള്ള തർക്കത്തിൽ ഡ്രൈവർ യദുവിന്റെ മൊഴി പോലീസ് രേഖപ്പെടുത്തും. നാളെ കന്റോൺമെന്റ് സ്റ്റേഷനിലെത്തി മൊഴി നൽകാൻ യദുവിന് നിർദേശം നൽകിയിട്ടുണ്ട്. ഡ്രൈവറുടെ മൊഴിയെടുത്ത ശേഷമാകും മേയർ ആര്യാ രാജേന്ദ്രൻ, സച്ചിൻ ദേവ് എംഎൽഎ എന്നിവരുടെ മൊഴിയെടുക്കുക. കെഎസ്ആർടിസി ബസ് തടഞ്ഞ സംഭവത്തിൽ ഡ്രൈവർ യദു കോടതിയിൽ സമീപിച്ചതിനെത്തുടർന്ന് മേയർ ആര്യാ രാജോന്ദ്രനും ഭർത്താവ് സച്ചിൻ ദേവ് എംഎൽഎയ്ക്കുമെതിരേ കേസെടുക്കാൻ കോടതി നിർദേശിച്ചിരുന്നു. മേയർ ആര്യ രാജേന്ദ്രൻ, സച്ചിൻ ദേവ് എംഎൽഎ എന്നിവർക്കെതിരെ ഗുരുതര ആരോപണങ്ങളാണ് എഫ്ഐആറിലുള്ളത്. മേയർ ആര്യാ രാജേന്ദ്രനും ഭർത്താവ് സച്ചിൻദേവ് എംഎൽഎയ്ക്കും എതിരായ കേസിൽ വാദികളുടെയും സാക്ഷികളുടെയും മൊഴി രേഖപ്പെടുത്താൻ നടപടി പോലീസ് ആരംഭിച്ചിരുന്നു. അഭിഭാഷകനായ ബൈജു നോയൽ, കെഎസ്ആർടിസി ഡ്രൈവർ യദു എന്നിവർ വാദികളായി രണ്ടു കേസുകളാണ് കന്റോൺമെന്റ് പോലീസ് രജിസ്റ്റർ ചെയ്തിട്ടുള്ളത്.
Read Moreവേനൽ മഴയിൽ പെരുകി കൊതുകുകൾ; പനികൾപലതരം; കൊതുകിന്റെ ഉറവിട നശീകരണം പ്രധാനം
കോട്ടയം: ഇടവിട്ടുള്ള വേനല്മഴയ്ക്കൊപ്പം മലയോര മേഖലയില് കൊതുകുശല്യം രൂക്ഷം. കാഞ്ഞിരപ്പള്ളി, മുണ്ടക്കയം പ്രദേശങ്ങളില് ഡെങ്കിപ്പനി രണ്ടാഴ്ചയായി റിപ്പോര്ട്ട് ചെയ്യുന്നുണ്ട്. ചിരട്ടകള്, ഉപയോഗിക്കാത്ത പാത്രങ്ങള്, കൊക്കോത്തോട്, വാട്ടര് ടാങ്ക് എന്നിവയില് കൊതുകു പെരുകാന് അനുവദിക്കരുതെന്നാണ് ആരോഗ്യവകുപ്പിന്റെ മുന്നറിയിപ്പ്. ടാപ്പിംഗ് മുടങ്ങിയ തോട്ടങ്ങളില് ചിരട്ട കമിഴ്ത്തി വയ്ക്കണം. വടക്കന് ജില്ലകളില് വെസ്റ്റ് നൈല് പനി റിപ്പോര്ട്ട് ചെയ്ത സാഹചര്യത്തില് കൊതുകു നശീകരണം പ്രധാനമാണ്.വെസ്റ്റ് നൈല് പനി ജപ്പാന് ജ്വരവും ഡെങ്കിയും പോലെ ഗുരുതരമാകാറില്ലെങ്കിലും കരുതല് വേണം. വൈസ്റ്റ് നൈല് പനി മുതിര്ന്നവരെയാണ് കൂടുതലായി ബാധിക്കുന്നത്. ഇതിന് വാക്സിന് ലഭ്യമല്ല. തലവേദന, പനി, പേശീവേദന, തലചുറ്റല്, ഓര്മ നഷ്ടപ്പെടല് എന്നിവയാണ് ലക്ഷണങ്ങള്. കൊതുകുകടി ഏല്ക്കാതിരിക്കുകയാണ് പ്രതിരോധ മാര്ഗം. ശരീരം മൂടുന്ന വസ്ത്രം ധരിക്കുക, കൊതുകുവല ഉപയോഗിക്കുക, ലേപനങ്ങള് പുരട്ടുക, കൊതുക് നശീകരണ സാമഗ്രികള് ഉപയോഗിക്കുക തുടങ്ങിയവ ഫലപ്രദമാണ്. കൊതുകിന്റെ ഉറവിട നശീകരണമാണ്…
Read Moreആലപ്പുഴ മെഡിക്കൽ കോളളജ് ആശുപത്രിയില് രോഗിയുടെ പണം കവര്ന്നു; ഭാര്യയുടെ തുടര്ചികിത്സയ്ക്ക് എന്തു ചെയ്യുമെന്ന ആശങ്കയിൽ ഷാജഹാന്
അമ്പലപ്പുഴ: ആലപ്പുഴ മെഡിക്കല് കോളജ് ആശുപത്രിയിലെ സുരക്ഷാജീവനക്കാരെ നോക്കുകുത്തിയാക്കി വാര്ഡില്നിന്നും രോഗിയുടെ പണം കവര്ന്നു. ചങ്ങനാശേരി പായിപ്പാട് കൊച്ചുപറമ്പില് വീട്ടില് ഷാജഹാന് ഭാര്യ റുഖിയാ ബീവിയുടെ ചികിത്സയ്ക്കായി കരുതിയിരുന്ന 30,000 ത്തോളം രൂപയാണ് മോഷണം പോയതായി പരാതി ലഭിച്ചിരിക്കുന്നത്. ഇന്നലെ പുലര്ച്ചെ ആറോടെയാണ് മോഷണവിവരം ബന്ധുക്കള് അറിയുന്നത്. ഇരുകണ്ണുകളുടെയും കാഴ്ച നഷ്ടപ്പെട്ട റുഖിയാ ബീവി ഡയാലിസിസ് ചികിത്സാ സംബന്ധമായി മാര്ച്ച് ഏഴിനാണ് ആലപ്പുഴ മെഡിക്കല് കോളജ് ആശുപത്രിയില് 12-ാം വാര്ഡില് പ്രവേശിപ്പിക്കുന്നത്. തുടര്ചികിത്സക്കായി മറ്റ് മാര്ഗമില്ലാതെ വിഷമിച്ച ഷാജഹാന് നാട്ടുകാരുടെ സഹായത്തോടെയും സ്വര്ണം പണയംവച്ചും സമാഹരിച്ച തുകയാണ് മോഷണം പോയതായി പറയുന്നത്. രാത്രിയില് പുരുഷന്മാര്ക്ക് പ്രവേശനമില്ലാത്തതിനാല് ഷാജഹാന് പുറത്താണ് കിടന്നത്. മകള് ഉമയ്ബാന് കട്ടിലിന് താഴെയുമാണ് കിടന്നത്. രാവിലെ ആറോടെ പല്ലുതേക്കാനുള്ള ബ്രഷ് എടുക്കുന്നതിനായി നോക്കിയപ്പോഴാണ് ബാഗ് കാണാതായ വിവരം അറിയുന്നത്. തുടര്ന്ന് മറ്റുള്ള രോഗികളെ വിവരമറിയിച്ചപ്പോള്…
Read Moreകോഴിക്കോടും മലപ്പുറത്തും 10 പേർക്ക് വെസ്റ്റ്നൈൽ ഫീവർ
കോഴിക്കോട്: മലപ്പുറം, കോഴിക്കോട് ജില്ലകളിലെ 10 പേർക്ക് വെസ്റ്റ്നൈൽ ഫീവർ സ്ഥിരീകരിച്ച സാഹചര്യത്തില് ജാഗ്രത വേണമെന്ന് ആരോഗ്യ വകുപ്പ്. ക്യൂലക്സ് കൊതുകുകളാണ് രോഗം പരത്തുന്നത്. മനുഷ്യനിൽ നിന്നു മനുഷ്യരിലേക്കു രോഗം പകരില്ല. രോഗം ബാധിച്ച മൃഗം, പക്ഷി തുടങ്ങിയവയെ കടിച്ച കൊതുക് മനുഷ്യനെ കടിക്കുമ്പോഴാണ് രോഗവ്യാപനം ഉണ്ടാവുക. പ്രതിരോധ ശേഷി കുറഞ്ഞവരിലാണ് രോഗം കൂടുതൽ അപകടകരമാവും. രോഗബാധയുള്ള നാലു പേർ കോഴിക്കോട് ജില്ലക്കാരാണ്. സ്വകാര്യ ആശുപത്രിയിൽ ചികിത്സയിലുള്ള കോഴിക്കോട് സ്വദേശിയുടെ നില ഗുരുതരമാണ്. രോഗലക്ഷണങ്ങൾ കാണപ്പെട്ടവരുടെ രക്തം, നട്ടെല്ലിൽ നിന്നു കുത്തിയെടുത്ത നീര് എന്നിവ മെഡിക്കൽ കോളജ് മൈക്രോബയോളജി വിഭാഗത്തിലെ വൈറസ് റിസർച്ച് ആൻഡ് ഡയഗ്നോസ്റ്റിക് ലബോറട്ടറിയിൽ (വിആർഡിഎൽ) പരിശോധന നടത്തിയപ്പോഴാണ് രോഗം വെസ്റ്റ്നൈൽ ഫീവറാണെന്ന് സ്ഥിരീകരിച്ചത്. തുടർന്ന് സ്രവങ്ങൾ പുനെ നാഷനൽ ഇൻസ്റ്റിറ്റ്യൂട്ട് ഓഫ് വൈറോളജിയിലേക്ക് അയയ്ക്കുകയും രോഗം സ്ഥിരീകരിക്കുകയുമായിരുന്നു. പനി, തലവേദന, അപസ്മാരം, പെരുമാറ്റത്തിലെ…
Read Moreഹോട്ടല് ഉടമയായ യുവതിക്കുനേരേ ആക്രമണം; യുവാവ് അറസ്റ്റിൽ
കറുകച്ചാല്: ഹോട്ടല് ഉടമയായ യുവതിയെ ആക്രമിക്കുകയും ഹോട്ടല് അടിച്ചുതകര്ത്ത് നാശനഷ്ടം വരുത്തുകയും ചെയ്ത കേസില് യുവാവ് അറസ്റ്റിൽ. കറുകച്ചാല് ബംഗ്ലാംകുന്നില് അരുണ് ഷാജിയെ (29)യാണു കറുകച്ചാല് പോലീസ് അറസ്റ്റ് ചെയ്തത്. ഇയാള് കഴിഞ്ഞദിവസം രാത്രി 9.30നു കറുകച്ചാല് ജംഗ്ഷനുസമീപം പ്രവര്ത്തിക്കുന്ന ഹോട്ടലിലെത്തി പാഴ്സല് വാങ്ങിയതിനുശേഷം ഹോട്ടല് ജീവനക്കാരനായ യുവാവിനെ ചീത്ത വിളിക്കുകയും ഉപദ്രവിക്കാന് ശ്രമിക്കുകയുമായിരുന്നു. തടയാന് ശ്രമിച്ച യുവതിയെ കൈയേറ്റം ചെയ്യുകയും സമീപമിരുന്ന കമ്പിക്കഷണം ഉപയോഗിച്ച് തലയ്ക്കടിക്കുകയും ചെയ്തു. ബില്ലിംഗ് മെഷീന്, പരസ്യ ബോര്ഡ്, മേശ, കസേര എന്നിവ അടിച്ചുതകര്ക്കുകയും ഇവിടെയുണ്ടായിരുന്ന ഭക്ഷണസാധനങ്ങള് നിലത്തെറിയുകയും ചെയ്തു. പ്രതിക്ക് ഹോട്ടല് നടത്തിപ്പുകാരായ യുവതിയോടും ഭര്ത്താവിനോടും മുന്വൈരാഗ്യം നിലനിന്നിരുന്നു. ഇതിന്റെ തുടർച്ചയെന്നോണമാണ് ഇയാള് ആക്രമണം നടത്തിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read Moreകൊച്ചിയില് സാനിട്ടറി മാലിന്യങ്ങള് ശേഖരിക്കുന്നതില് അധിക ഫീസ്; സുപ്രീംകോടതി റിപ്പോര്ട്ട് തേടി
കൊച്ചി: ഉപയോഗിച്ച സാനിട്ടറി നാപ്കിന്, അഡള്ട്ട് ഡയപര് എന്നിവ വീടുകളില്നിന്ന് ശേഖരിക്കുന്നതിനായി കൊച്ചി നഗരസഭ പ്രത്യേക ഫീസ് ഈടാക്കുന്നതില് അതൃപ്തി രേഖപ്പെടുത്തി സുപ്രീംകോടതി. വിഷയത്തില് സുപ്രീംകോടതി റിപ്പോര്ട്ട് തേടി. രാജ്യത്തെ പല നഗരസഭകളും സാനിറ്ററി മാലിന്യം ശേഖരിക്കാന് വിസമ്മതിക്കുന്നുവെന്നും ഇത് സ്ത്രീകള്, കുട്ടികള്, രോഗികള്, പ്രായമായവര് എന്നിവരോടുള്ള വിവേചനമാണെന്നും ചൂണ്ടിക്കാണിച്ച് അഭിഭാഷക ഇന്ദു വര്മ്മ സമര്പ്പിച്ച പൊതുതാല്പ്പര്യ ഹര്ജിയിലാണ് സുപ്രീംകോടതി റിപ്പോര്ട്ട് തേടിയത്. കേസില് വാദം കേട്ട ജസ്റ്റീസ് സൂര്യകാന്ത്, ജസ്റ്റീസ് കെ.വി. വിശ്വനാഥന് എന്നിവരടങ്ങിയ ബെഞ്ച് വിഷയത്തില് കേന്ദ്ര സര്ക്കാരിനോട് തല്സ്ഥിതി റിപ്പോര്ട്ട് തേടി. ആറ് ആഴ്ചയ്ക്കകം റിപ്പോര്ട്ട് നല്കണമെന്നാണ് നിര്ദ്ദേശം. കേരളം അടക്കമുള്ള സംസ്ഥാനങ്ങൾ സത്യവാങ്മൂലം സമര്പ്പിക്കണമെന്നും നിര്ദേശമുണ്ട്.
Read Moreമസാല ബോണ്ട് കേസ്: തോമസ് ഐസക്കിനെതിരായ അപ്പീല് ഹൈക്കോടതിയിൽ
കൊച്ചി: മസാല ബോണ്ട് കേസില് മുന് മന്ത്രി ടി.എം. തോമസ് ഐസക്കിനെതിരായ എന്ഫോഴ്സ്മെന്റ് ഡയറക്ടറേറ്റിന്റെ (ഇഡി) അപ്പീല് ഹൈക്കോടതി ഡിവിഷന് ബഞ്ച് ഇന്ന് വീണ്ടും പരിഗണിക്കും. തോമസ് ഐസക്കിനെ തെരഞ്ഞെടുപ്പ് സമയത്ത് ചോദ്യം ചെയ്യേണ്ടതില്ലെന്ന സിംഗിള് ബഞ്ചിന്റെ ഇടക്കാല ഉത്തരവും ഇഡി സമന്സിനെതിരായ ഐസക്കിന്റെ ഹര്ജിയും റദ്ദാക്കണമെന്നാവശ്യപ്പെട്ടാണ് അപ്പീല്. മസാല ബോണ്ടിലെ ചില ഇടപാടുകളെക്കുറിച്ചുള്ള വ്യക്തതയ്ക്കായി തോമസ് ഐസക്കിന്റെ വിശദീകരണം ആവശ്യമാണെന്നു സിംഗിള് ബഞ്ച് നിരീക്ഷണം നടത്തിയിരുന്നു. അങ്ങനെയിരിക്കെ തെരഞ്ഞെടുപ്പ് സമയത്ത് ചോദ്യം ചെയ്യേണ്ടതില്ലെന്ന നിര്ദേശം അനുചിതമെന്നു ചൂണ്ടിക്കാട്ടിയാണ് ഇഡി അപ്പീല് നല്കിയത്.
Read More