തൊടുപുഴ: സ്കൂൾ വിദ്യാർഥിനിയെ ലൈംഗികാതിക്രമത്തിന് ഇരയാക്കിയ പ്രതിക്ക് 22 വർഷം കഠിന തടവും 70,000 രൂപ പിഴയും ശിക്ഷ. തൊടുപുഴ മണക്കാട് പുതുപ്പരിയാരം കാണിയാംകുടിയിൽ സാബു (43) വിനെയാണ് തൊടുപുഴ പോക്സോ സ്പെഷൽ കോടതി ജഡ്ജി നിക്സണ് എം. ജോസഫ് ശിക്ഷിച്ചത്. ബലാത്സംഗത്തിന് 15 വർഷം, ലൈംഗികാതിക്രമത്തിന് നാലു വർഷം, ഭീഷണിപ്പെടുത്തിയതിന് മൂന്നു വർഷവും വീതമാണ് ശിക്ഷ വിധിച്ചത്. 2015 നവംബറിൽ ആയിരുന്നു കേസിനാസ്പദമായ സംഭവം. സ്കൂളിൽ പോകുകയായിരുന്ന പെണ്കുട്ടിയെ വഴിമധ്യേ ബലം പ്രയോഗിച്ച് സമീപത്തെ വാഴത്തോട്ടത്തിൽ എത്തിച്ച് പീഡിപ്പിച്ചെന്നാണ് കേസ്. വിവാഹിതനും ഒരു കുട്ടിയുടെ പിതാവുമായ പ്രതിക്കു പരമാവധി ശിക്ഷ നൽകണമെന്ന പ്രോസിക്യൂഷൻ വാദം കണക്കിലെടുത്താണ് ശിക്ഷ വിധിച്ചത്. ഇരയായ പെണ്കുട്ടിയുടെ പുനരധിവാസത്തിനായി അഞ്ചു ലക്ഷം രൂപ ലഭ്യമാക്കാൻ ജില്ലാ ലീഗൽ സർവീസസ് അഥോറിറ്റിക്ക് കോടതി നിർദേശം നൽകി. പ്രോസിക്യൂഷനു വേണ്ടി സ്പെഷൽ പബ്ലിക് പ്രോസിക്യൂട്ടർ…
Read MoreCategory: Edition News
പോലീസ് കാവലില് ചികിത്സയിലായിരുന്ന പ്രതി ആശുപത്രിയിൽ നിന്ന് ഓടി രക്ഷപ്പെട്ടു; വലവീശി വെള്ളറട പോലീസ്
വെള്ളറട : കാരക്കോണം മെഡിക്കല് കോളജ് ആശുപത്രിയില് പോലീസ് കാവലില് ചികിത്സയിലായിരുന്ന പ്രതി രക്ഷപ്പെട്ടു. വെള്ളറട പുല്ലേന്തേരി സ്വദേശി സുദേവനെ വീടുകയറി ആക്രമിച്ച കേസിലെ പ്രതിയാണ് മെഡിക്കല് കോളജില്നിന്ന് കഴിഞ്ഞദിവസം രാത്രി രക്ഷപ്പെട്ടത്. അച്ചൂസ് എന്ന് വിളിക്കുന്ന ബിനോയി (21) ആണ് മുങ്ങിയത്. വെള്ളറട പോലീസ് കാവല് ഏര്പ്പെടുത്തിയിരുന്നു. ദിവസങ്ങള്ക്കു മുമ്പാണ് പുല്ലഞ്ചേരി സ്വദേശിയായ സുദേവനെ ആക്രമിച്ച സംഭവമായി ബന്ധപ്പെട്ട ഒന്നാംപ്രതിയെ പോലീസ് പിടികൂടി റിമാൻഡ് ചെയ്തിരുന്നു. സുദേവനെ ആക്രമിക്കുന്ന സമയത്ത് ബിനോയുടെ് കൈയ്ക്ക് പരിക്കേറ്റിരുന്നു. അന്ന് തന്നെ ബിനോയ് കാരക്കോണം മെഡിക്കല് കോളജ് ആശുപത്രിയിൽ ചികിത്സയില് പ്രവേശിച്ചു. ആശുപത്രി അധികൃതര് വെള്ളറട പോലീസിനെ അറിയിച്ചതിനെ തുടര്ന്നാണ് പോലീസ് കാരക്കോണം മെഡിക്കല് കോളജ് ആശുപത്രിയിൽ ബിനോയ്ക്ക് കാവല് ഏര്പ്പെടുത്തിയത്. കാരക്കോണം മെഡിക്കല് കോളജ് ആശുപത്രിയിൽ നിന്ന് ഡിസ്ചാര്ജായ ഉടനെ തന്നെ പോലീസ് കേസ് രജിസ്റ്റര് ചെയ്ത് കോടതിയില്…
Read Moreഡോ. കെ.പി. യോഹന്നാന്റെ മൃതദേഹം നാട്ടിലെത്തിക്കും
തിരുവല്ല: ബിലീവേഴ്സ് ഈസ്റ്റേണ് ചര്ച്ച് സ്ഥാപക അധ്യക്ഷന് അന്തരിച്ച ഡോ. കെ.പി. യോഹന്നാന്റെ (മാര് അത്തനേഷ്യസ് യോഹാന് പ്രഥമന്, 74) സംസ്കാരം നാട്ടില് നടക്കും. ചൊവ്വാഴ്ച രാവിലെ അമേരിക്കയിലുണ്ടായ അപകടത്തെത്തുടര്ന്നു ഗുരുതരമായി പരിക്കേറ്റു ചികിത്സയിലായിരുന്നു കെ.പി. യോഹന്നാന് ഇന്നലെ വൈകുന്നേരമാണ് അന്തരിച്ചത്. മൃതദേഹം ഡാളസ് ആശുപത്രിയില് സൂക്ഷിച്ചിരിക്കുകയാണ്. ജന്മനാട്ടിലെത്തിച്ചു സംസ്കാരം നടത്തുന്നതു സംബന്ധിച്ച ആലോചനകള്ക്കായി സഭാ സിനഡ് ഇന്നു രാവിലെ കൂടുന്നുണ്ട്. കെ.പി. യോഹന്നാന്റെ ഭാര്യയും മക്കളും അടക്കമുള്ളവര് അമേരിക്കയിലുണ്ട്.അപകടത്തെത്തുടര്ന്ന് യുഎസിലെ ഡാളസ് ആശുപത്രിയില് അടിയന്തര ശസ്ത്രക്രിയയ്ക്ക് വിധേയനാക്കിയെങ്കിലും ആന്തരിക രക്തസ്രാവത്തെ തുടര്ന്ന് ഇന്നലെ വൈകുന്നേരം ആരോഗ്യസ്ഥിതി മോശമായി. ഇന്ത്യന് സമയം രാത്രി 7.30 തോടെയാണ് മരണം സ്ഥിരീകരിച്ചത്. യുഎസിലെ ടെക്സാസില് പ്രഭാതസവാരിക്കിടെ അജ്ഞാതവാഹനം ഇടിച്ചാണ് അപകടമുണ്ടായത്. ഗുരുതരമായി പരിക്കേറ്റ കെ.പി. യോഹന്നാന് തീവ്രപരിചരണവിഭാഗത്തില് ചികിത്സയിലായിരുന്നു. ഇതിനിടെയുണ്ടായ ഹൃദയാഘാതമാണ് മരണകാരണമായതെന്ന് പറയുന്നു. ബിലീവേഴ്സ് ഈസ്റ്റേണ് ചര്ച്ചിന്റെ ടെക്സാസിലെ…
Read Moreകണ്ണൂരിലെ കള്ളനോട്ട് അന്വേഷണം കാസർഗോഡേക്കും, യുവതി കസ്റ്റഡിയിൽ
കണ്ണൂർ: കണ്ണൂരിൽ പിടികൂടിയ കള്ളനോട്ടുമായി ബന്ധപ്പെട്ട് ഒരാൾകൂടി കസ്റ്റഡിയിൽ. ചെറുപുഴ പാടിയോട്ടുചാൽ സ്വദേശിനിയായ യുവതിയെയാണ് ഇന്ന് പുലർച്ചെ കണ്ണൂർ ടൗൺ സിഐ സുഭാഷ് ബാബുവിന്റെ നേതൃത്വത്തിലുള്ള പോലീസ് സംഘം കസ്റ്റഡിയിൽ എടുത്തത്. കള്ളനോട്ടുമായി ബന്ധപ്പെട്ട് പയ്യന്നൂർ സ്വദേശി ഷിജുവിനെ ഇന്നലെ അറസ്റ്റ് ചെയ്തിരുന്നു. ഇയാളെ കസ്റ്റഡിയിൽ വാങ്ങി ചോദ്യം ചെയ്തതിന്റെ അടിസ്ഥാനത്തിലാണ് യുവതിയാണ് കള്ളനോട്ട് നല്കിയതെന്ന് വിവരം ലഭിച്ചത്. ഈ യുവതി കഴിഞ്ഞ ദിവസം പാടിയോട്ടുചാലിലെ പെട്രോൾ പന്പിൽനിന്നു വാഹനത്തിൽ എണ്ണ നിറച്ചശേഷം നല്കിയ അഞ്ഞൂറു രൂപ കള്ളനോട്ടായിരുന്നു. തുടർന്ന് ജീവനക്കാർ നല്കിയ പരാതിയുടെ അടിസ്ഥാനത്തിൽ യുവതിയെ പോലീസ് ചോദ്യം ചെയ്തിരുന്നു. കണ്ണൂർ ടൗൺ പോലീസിന് ലഭിച്ച വിവരം അനുസരിച്ച് യുവതിയുടെ വീട്ടിൽ റെയ്ഡ് നടത്തുകയും ചെയ്തിരുന്നു. യുവതി കാസർഗോഡ് ജില്ലയിൽ ഡ്രൈവിംഗ് സ്കൂൾ നടത്തുന്നതായും അന്വേഷണസംഘത്തിന് വിവരം ലഭിച്ചിട്ടുണ്ട്. കള്ളനോട്ടുമായി ബന്ധപ്പെട്ട് കൂടുതൽ പേർക്ക് പങ്കുണ്ടെന്നാണ്…
Read Moreബൈക്ക് മോഷണം: കുട്ടികളുൾപ്പെട്ട സംഘം പിടിയിൽ; നമ്പർ പ്ലേറ്റ് ഇളക്കിമാറ്റി കറക്കം
ചാരുംമൂട്: സ്കൂട്ടറുകൾ മോഷ്ടിച്ചശേഷം നമ്പർ പ്ലേറ്റ് ഇളക്കി മാറ്റി കറങ്ങുന്ന സംഘം പോലീസ് പിടിയിലായി. സംഘത്തിൽ പതിനഞ്ചു വയസുള്ള മൂന്നു കുട്ടികളും പിടിയിലായി. നൂറനാട് ചെറുമുഖ ഐരാണിക്കുടി മേലേ അറ്റത്തേതിൽ ആദർശി(നന്ദു- 19)നെയാണ് നൂറനാട് പോലീസ് അറസ്റ്റ് ചെയ്തത്. കഴിഞ്ഞദിവസം വൈകിട്ട് ചാരുംമൂട് ജംഗ്ഷനു സമീപം വാഹന പരിശോധന നടത്തിയ നൂറനാട് പോലീസ് സംഘത്തിന് മുന്നിൽ നമ്പർ പ്ലേറ്റില്ലാതെ സ്കൂട്ടറിൽ വന്ന രണ്ടുപേർ കൈകാണിച്ചിട്ടും നിർത്താതെ കടന്നുകളയാൻ ശ്രമിച്ചു. ഇവരെ പിടികൂടി ചോദ്യം ചെയ്തതോടെയാണ് വാഹനം മോഷ്ടിച്ചതാണെന്ന സംശയം ബലപ്പെട്ടത്. തുടർന്ന് നൂറനാട് സിഐ ഷൈജു ഇബ്രാഹിമിന്റെ നേതൃത്വത്തിൽ നടത്തിയ അന്വേഷണത്തിലാണ് സ്കൂട്ടർ മോഷ്ടിച്ചതാണെന്ന് കണ്ടെത്തിയത്. സംഘത്തിലെ പ്രധാനിയാണ് പിടിയിലായ ആദർശ്. ഇയാളെ കൂടുതൽ ചോദ്യം ചെയ്തതിൽനിന്നു സംഘം ചിങ്ങവനം, മാങ്കാംകുഴി എന്നീ സ്ഥലങ്ങളിൽനിന്നു മോഷ്ടിച്ച രണ്ടു സ്കൂട്ടറുകൾ കണ്ടെടുത്തു. ആദർശിനൊപ്പം മോഷണം നടത്തി വന്നത് പതിനഞ്ചു…
Read Moreവീട്ടിൽ കയറി യുവാവിനെ കൊലപ്പെടുത്താൻ ശ്രമം; പ്രതി പിടിയിൽ
കറുകച്ചാല്: വീട്ടില് കയറി യുവാവിനെ കൊലപ്പെടുത്താന് ശ്രമിച്ചയാൾ അറസ്റ്റിൽ. വെള്ളാവൂര് പുത്തൂര്കടവ് കൊച്ചുപടിയറ കെ.എസ്. അരുണ്കുമാറിനെയാ (31)ണു കറുകച്ചാല് പോലീസ് അറസ്റ്റ് ചെയ്തത്. ഇയാള് കഴിഞ്ഞ ദിവസം രാത്രി ഏഴിനു കങ്ങഴ മുണ്ടത്താനം തുമ്പോളി സ്വദേശിയായ യുവാവിനെ ഇയാളുടെ വീട്ടില് കയറി മുഖത്തു മുളകുപൊടി എറിഞ്ഞ ശേഷം കൈയില് കരുതിയിരുന്ന വെട്ടുകത്തി ഉപയോഗിച്ച് കൊലപ്പെടുത്താന് ശ്രമിക്കുകയായിരുന്നു. മുൻവൈരാഗ്യമാണ് ആക്രമണത്തിന്റെ കാരണം.
Read Moreകിണറിനുള്ളിൽ കുടുങ്ങിയ യുവാവിനെ രക്ഷിക്കാനിറങ്ങിയ സുഹൃത്ത് ശ്വാസംമുട്ടി മരിച്ചു; നാടിന് നഷ്ടമായത് മികച്ച കർഷകനെ
ചാരുംമൂട്: കിണറിനുള്ളിൽ കുടുങ്ങിയ യുവാവിനെ രക്ഷിക്കാനിറങ്ങിയ സുഹൃത്ത് ശ്വാസം മുട്ടി മരിച്ചു. കർഷകനും ചെത്തുതൊഴിലാളിയുമായ താമരക്കുളം തെക്കേമുറി തെന്നാട്ടും വിളയിൽ ബാബു(52)വാണ് മരിച്ചത്. ഇന്നലെ രാവിലെയായിരുന്നു നാടിനെ നടുക്കിയ അപകടമുണ്ടായത്. താമരക്കുളം ഇരപ്പൻപാറയ് ക്കു സമീപമുള്ള അനിൽകുമാറിന്റെ കിണർ വൃത്തിയാക്കുന്നതിനിടെയായിരുന്നു അപകടം. കിണർ വൃത്തിയാക്കാനിറങ്ങിയ സമീപവാസിയ സുഭാഷ് ശ്വാസതടസമുണ്ടായതോടെ നിലവിളിച്ചു. ഈ സമയം സ്ഥലത്തുണ്ടായിരുന്ന ബാബു സുഭാഷിനെ രക്ഷപ്പെടുത്താൻ കിണറ്റിൽ ഇറങ്ങുകയായിരുന്നു. താഴെയെത്തി സുഭാഷിനെ മുകളിലേക്ക് കയറ്റാൻ ശ്രമിക്കുമ്പോൾ ശ്വാസതടസമുണ്ടായ ബാബു വെള്ളത്തിലേക്കു വീണു. ഇതുകണ്ട തൊട്ടടുത്ത വീട്ടുകാരനായ നവാസ് കിണറ്റിലേക്ക് ഇറങ്ങിയെങ്കിലും ശ്വാസതടസം ഉണ്ടായതോടെ മുകളിലേക്കു കയറി. കയർ ഇട്ടു കൊടുത്ത് സുഭാഷിനെ കരയ്ക്ക് കയറ്റുകയും വെള്ളത്തിൽ വീണ ബാബുവിനെ രക്ഷിക്കാനും ശ്രമം നടത്തി. അരമണിക്കൂറോളം കിണറ്റിൽ അകപ്പെട്ട ബാബുവിനെ അഗ്നിശമന സേനയെത്തിയാണ് പുറത്തെത്തിച്ചത്. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം ഇന്ന് 11ന് വീട്ടുവളപ്പിൽ.…
Read Moreരോഗിയായ മകനെ പിതാവ് വീട്ടിൽ കയറ്റുന്നില്ല ; പോലീസ് ഇടപെടണമെന്ന് മനുഷ്യാവകാശ കമ്മീഷൻ
പാലക്കാട് : കൂട്ടുകുടുംബ സ്വത്തിലെ ഓഹരി അവകാശം ചോദിച്ചതിന്റെ പേരിൽ കിഡ്നി രോഗിയായ മകനെ അച്ഛൻ വീടിനു പുറത്താക്കിയെന്ന പരാതിയിൽ മനുഷ്യാവകാശ കമ്മീഷൻ അന്വേഷണത്തിന് ഉത്തരവിട്ടു.ചിറ്റൂർ പോലിസ് സ്റ്റേഷൻ ഹൗസ് ഓഫീസർ അന്വേഷണം നടത്തി മൂന്നാഴ്ചയ്ക്കകം റിപ്പോർട്ട് സമർപ്പിക്കണമെന്ന് കമ്മീഷൻ ആക്റ്റിംഗ് ചെയർപേഴ്സണും ജൂഡിഷ്യൽ അംഗവുമായ കെ.ബൈജുനാഥ് ആവശ്യപ്പെട്ടു. ജൂണിൽ പാലക്കാട് നടക്കുന്ന സിറ്റിംഗിൽ കേസ് പരിഗണിക്കും. ചിറ്റൂർ നല്ലേപ്പിള്ളി സ്വദേശി ഷണ്മുഖദാസ് സമർപ്പിച്ച പരാതിയിലാണ് നടപടി.അവിവാഹിതനായ പരാതിക്കാരൻ വർഷങ്ങൾക്ക് മുന്പേ കിഡ്നി രോഗ ബാധിതനാണെന്ന് പരാതിയിൽ പറയുന്നു.പരാതിക്കാരന്റെ വീട് അദ്ദേഹത്തിന്റെ പിതാവിന്റെ ഉടമസ്ഥതയിലുള്ളതാണ്. രോഗ ചികിത്സക്ക് അച്ഛനിൽ നിന്നും സാന്പത്തിക സഹായം തേടിയെങ്കിലും നൽകാത്തതിനെ തുടർന്ന് ഒരു ബന്ധുവിന്റെ ഒപ്പമാണ് പരാതിക്കാരൻ താമസിക്കുന്നത്.ഓഹരി അവകാശം സിദ്ധിക്കാൻ പരാതിക്കാരൻ നൽകിയ ഹർജി സബ് കോടതിയുടെ പരിഗണനയിലാണുള്ളത്. ഇക്കഴിഞ്ഞ 25ന് വീട്ടിലെത്തിയ തന്നെ അച്ഛനും അമ്മയും വീട്ടിൽ കയറാൻ…
Read Moreവിഷ്ണുപ്രിയ കൊലക്കേസ്: വിധി വെള്ളിയാഴ്ചത്തേക്ക് മാറ്റി
തലശേരി: പാനൂർ വള്ള്യായിയിലെ വിഷ്ണുപ്രിയ(23)യെ വീട്ടിനകത്ത് കഴുത്തറുത്ത് കൊലപ്പെടുത്തിയ കേസിൽ വിധി പറയുന്നത് വെള്ളിയാഴ്ചയിലേക്ക് മാറ്റി. തലശ്ശേരി അഡീഷണൽ ജില്ലാ കോടതി (ഒന്ന്) ആണ് കേസ് വിധി പറയാൻ മാറ്റിയത്. വിഷ്ണുപ്രിയയുടെ മുൻസുഹൃത്ത് മാനന്തേരി താഴെക്കളത്തിൽ എ. ശ്യാംജിത്ത് (27) ആണ് കേസിലെ പ്രതി. 2022 ഒക്ടോബർ 22-നായിരുന്നു നാടിനെ നടുക്കിയ കൊലപാതകം. ശ്യാംജിത്ത് മുൻകൂട്ടി തീരുമാനിച്ച് കൊലപ്പെടുത്തിയെന്നായിരുന്നു പ്രോസിക്യൂഷന്റെ വാദം. സംഭവത്തിന്റെ രണ്ടുദിവസം മുന്പ് കൂത്തുപറമ്പിലെ കടയിൽനിന്ന് പ്രതി ചുറ്റികയും കൈയുറയും വാങ്ങിയിരുന്നു. ഇവ വാങ്ങുന്നതിന്റെ സിസിടിവി ദൃശ്യങ്ങൾ പ്രോസിക്യൂഷൻ കോടതിയിൽ ഹാജരാക്കി. വിഷ്ണുപ്രിയയുടെ ശരീരത്തിൽ 29 മുറിവുകളുണ്ടായിരുന്നു. അതിൽ 10 മുറിവ് മരണശേഷമുള്ളതാണ്. സംഭവത്തിന് ദൃക്സാക്ഷികളില്ല.സാഹചര്യതെളിവും ശാസ്ത്രീയതെളിവുകളും പ്രോസിക്യൂഷനുവേണ്ടി പബ്ലിക് പ്രോസിക്യൂട്ടർ കെ. അജിത്ത്കുമാർ കോടതിയിൽ ഹാജരാക്കിയിരുന്നു. വിഷ്ണുപ്രിയയും പ്രതിയും തമ്മിൽ നേരത്തേ സംസാരിച്ചതിന്റെ ഫോൺരേഖകളും തെളിവായി കോടതിയിൽ ഹാജരാക്കി. കൊലപാതകം നടന്ന്…
Read Moreഎന്നാ ചൂടാന്നേ, മഴയൊട്ടു പെയ്യുന്നുമില്ല; ചൂടിൽ വലഞ്ഞ് അക്ഷരനഗരി
കോട്ടയം: കനത്ത ചൂടില് കോട്ടയം ഉരുകുകയാണ്. വൈകുന്നേരങ്ങളില് ചിലയിടങ്ങളില് ഒറ്റപ്പെട്ട മഴ പെയ്യുന്നുണ്ടെങ്കില് മണ്ണും മനവും തണുക്കാനുള്ള മഴ ഇതുവരെ പെയ്തില്ല. കാര്മേഘം ഉരുണ്ടു കൂടുന്നതോടെ ഉഷ്ണത്തിന്റെ തോത് ഉയരും. ചെറിയ ചാറ്റല് മഴ പെയ്താല് പിന്നെ ആവിയില് പുഴുങ്ങുന്ന അവസ്ഥയാണ്. രാത്രിയിലാകട്ടെ കിടന്നുറങ്ങാന് പറ്റാത്ത അവസ്ഥ. ചൂടില് ജീവിതം ദുസഹായി മാറിയിരിക്കുകയാണ്. വരുന്നൂ ശക്തമായ വേനല്മഴ എന്നൊക്കെ കാലാവസ്ഥാ വിഭാഗം ആശ്വാസം പറയുന്നതല്ലാതെ മഴ പെയ്യുന്നില്ല, ചൂടിന് ശമനവുമില്ല. മൂന്നു ദിവസമായി രാവിലെ മുതല് മഴക്കാറുണ്ടെങ്കിലും പെയ്ത്തുണ്ടായില്ല. വറചട്ടിയില് എരിയുന്ന അതിശക്തമായ ചൂടാണ് ജില്ലയിലെ ഏറെ പ്രദേശങ്ങളിലുമുള്ളത്. നാലാള് കൂടുന്നിടത്തെല്ലാം ചൂടിനെക്കുറിച്ചു മാത്രമാണു ചര്ച്ച. ചുട്ടുപൊള്ളുന്ന വെയിലില് എല്ലാവരും വീടുകളില് കഴിയുകയാണ്. പകല് സമയങ്ങളില് നഗരങ്ങളിലും റോഡുകളിലും ആളുകള് തീരെയില്ല. അത്യാവശ്യക്കാര് മാത്രമാണ് പുറത്തിറങ്ങുന്നത്. വാഹനങ്ങളും കുറവാണ്. ടൂവീലര് യാത്ര പലരും ഉപേക്ഷിച്ചു. ബസുകളിലും ആളുകള്…
Read More