കൊച്ചി: എറണാകുളം നോര്ത്ത് പരമാര ക്ഷേത്ര ദര്ശനത്തിനെത്തിയ സ്ത്രീയുടെ രണ്ടേകാല് പവന് തൂക്കമുള്ള സ്വര്ണമാല മോഷ്ടിച്ച യുവതി അറസ്റ്റില്. തമിഴ്നാട് സ്വദേശി കുറുമാരി(26)യെയാണ് എറണാകുളം നോര്ത്ത് എസ്ഐ ടി.എസ്. രതീഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ഇവരുടെ കൂട്ടാളിയായ തമിഴ്നാട് സ്വദേശി കൗസല്യക്കായി പോലീസ് അന്വേഷണം ആരംഭിച്ചു. കഴിഞ്ഞ പത്തിന് ഉച്ചയ്ക്ക് 1.30 നായിരുന്നു സംഭവം. ക്ഷേത്രോത്സവത്തിനോടനുബന്ധിച്ച് നടത്തുന്ന അന്നദാനത്തില് പങ്കെടുക്കാനെത്തിയ അയ്യപ്പന്കാവ് സ്വദേശിനിയുടെ മാലയാണ് മോഷ്ടിച്ചത്. ഭക്ഷണം കഴിച്ച ശേഷം പാത്രം കഴുകുന്നതിനിടെ തമിഴ് യുവതിയും സംഘവും കൃത്രിമമായി തിരക്കുണ്ടാക്കി മാല അപഹരിക്കുകയായിരുന്നു. ചോദ്യം ചെയ്തതില് നിന്ന് 2019 ഒക്ടോബറില് ക്ഷേത്രദര്ശനത്തിനെത്തിയ കുട്ടിയുടെ കഴുത്തിലുണ്ടായ ഒരു പവന്റെ സ്വര്ണമാല മോഷ്ടിച്ചതായും പ്രതി സമ്മതിച്ചു. ഇവരെ പോലീസ് ചോദ്യം ചെയ്തുവരുകയാണ്. ഉച്ചയ്ക്കു ശേഷം കോടതിയില് ഹാജരാക്കും.
Read MoreCategory: Edition News
വർക്കലയിൽ ഫ്ളോട്ടിംഗ് ബ്രിഡ്ജ് തകർന്ന സംഭവം; പരസ്പരം പഴിചാരി സർക്കാർ ഏജൻസികളും കരാർ കമ്പനിയും
തിരുവനന്തപുരം: വർക്കലയിൽ ഫ്ളോട്ടിംഗ് ബ്രിഡ്ജ് തകർന്നുണ്ടായ അപകടത്തിൽ പരസ്പരം പഴിചാരി സർക്കാർ ഏജൻസികളും കരാർ കന്പനിയും. ശക്തമായ തിരകൾ ഉണ്ടാകുമെന്ന മുന്നറിയിപ്പ് തങ്ങൾക്ക് ലഭിച്ചിരുന്നില്ലെന്നാണ് കരാർ കമ്പനി വ്യക്തമാക്കുന്നത്. തിര ഉയർന്നപ്പോൾ പാലത്തിലുണ്ടായിരുന്നവർ ഒരുവശത്തേക്ക് തടിച്ച് കൂടിയതാണ് അപകടത്തിന് കാരണമെന്നാണ് കന്പനിയുടെ വാദം. നേരത്തെ സർക്കാർ ഏജൻസികൾ അപകട കാരണം കരാർ കമ്പനിയുടെ ഭാഗത്തെ വീഴ്ചയെന്ന് പറഞ്ഞായിരുന്നു തടിയൂരിയത്. ശനിയാഴ്ചത്തെ അപകടത്തിൽ പതിനഞ്ചോളം പേരാണ് കടലിൽ വീണത്. ഇതിൽ നാല് പേർക്ക് ഗുരുതര പരിക്കേറ്റിരുന്നു. ആൻഡമാനിൽ ഉൾപ്പെടെ നിരവധി ഫ്ലോട്ടിംഗ് ബ്രിഡ്ജുകൾ നിർമിച്ച് പരിചയസന്പത്തുള്ള കന്പനിയാണ് വർക്കലയിലും ഫ്ളോട്ടിംഗ് ബ്രിഡ്ജ് നിർമിച്ചതെന്നായിരുന്നു കന്പനിയുടെയും സർക്കാരിന്റെയും നേരത്തെയുള്ള അവകാശവാദം. ജില്ലാ ടൂറിസം പ്രമോഷൻ കൗണ്സിലും അഡ്വഞ്ചർ ടൂറിസം സൊസൈറ്റിയും കരാർ കന്പനിയും അപകടം സംബന്ധിച്ച് കൈമലർത്തുകയാണ്. അവധി ദിവസമായിരുന്ന ശനിയാഴ്ച കൂടുതൽ സഞ്ചാരികൾ പാലത്തിൽ കയറിയിരുന്നെങ്കിൽ വൻ ദുരന്തം…
Read Moreഅസര്ബൈജാനില് ജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പ്; നാലു പേര് അറസ്റ്റില്
കൊച്ചി: അസര്ബൈജാനില് ജോലി വാഗ്ദാനം ചെയ്ത് ലക്ഷങ്ങളുടെ തട്ടിപ്പു നടത്തിയ നാലു പേര് അറസ്റ്റില്. തിരുവല്ല സ്വദേശി വിപിന്(38), അമ്പലപ്പുഴ സ്വദേശി മുഹമ്മദ് ഷാദുലി(23), തമിഴ്നാട് സ്വദേശികളായ തലൈശെല്വമണി(21), നന്ദു മാധവ്(23) എന്നിവരെയാണ് എറണാകുളം സൗത്ത് പോലീസ് ഇന്സ്പെക്ടര് പ്രേമാനന്ദന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. സ്പെഷല് ബ്രാഞ്ചിനു ലഭിച്ച രഹസ്യവിവരത്തിന്റെ അടിസ്ഥാനത്തില് പോലീസ് നടത്തിയ അന്വേഷണത്തിലാണ് പ്രതികള് പിടിയിലായത്.രവിപുരത്ത് കോട്ടൂരാന് എന്ന പേരില് വ്യാജ റിക്രൂട്ട്മെന്റ് സ്ഥാപനം നടത്തുകയായിരുന്നു സംഘം. പോലീസ് ഇവിടെ പരിശോധനയ്ക്ക് എത്തുമ്പോള് അസര്ബൈജാനില് ഹെല്പ്പര് തസ്തികയിലേക്കുള്ള ഇന്റര്വ്യൂവിനായി 30 ഓളം വിദ്യാര്ഥികള് എത്തിയിരുന്നു. വ്യാജ റിക്രൂട്ട്മെന്റ് സ്ഥാപനത്തിന്റെ മറവില് ഇവര് കേരളത്തിലെയും തമിഴ്നാട്ടിലെയും ഉദ്യോഗാര്ഥികളില്നിന്ന് ലക്ഷങ്ങളാണ് തട്ടിയെടുത്തിരിക്കുന്നത്. കോന്നി സ്വദേശിയുടെ പരാതിയിലാണ് അറസ്റ്റ്. നിരവധി ഉദ്യോഗാര്ഥികള് തട്ടിപ്പിന് ഇരയായിട്ടുണ്ടെന്നാണ് പോലീസ് നിഗമനം. സംഘത്തില് കൂടുതല് പേര് ഉള്പ്പെട്ടിട്ടുണ്ടോയെന്നും പോലീസ് അന്വേഷണം…
Read Moreടൂര് പാക്കേജിന്റെ പേരില് കോളജ് വിദ്യാര്ഥികളില്നിന്ന് ഒന്നരലക്ഷം രൂപ തട്ടിയ സംഭവം; യുവാവ് പിടിയിൽ
കൊച്ചി: തേവര എസ്എച്ച് കോളജിലെ രണ്ടാം വര്ഷ എംഎസ്എസി വിദ്യാര്ഥികളില്നിന്ന് ടൂര് പാക്കേജിനായി ഒന്നര ലക്ഷം രൂപ തട്ടിയെടുത്ത യുവാവ് അറസ്റ്റില്. പളളുരുത്തി സ്വദേശി സല്മാന് ഫാരിസി(25)നെയാണ് എറണാകുളം സൗത്ത് പോലീസ് ഇന്സ്പെക്ടര് പ്രേമാനന്ദന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. ജനുവരി 22-ന് മംഗളൂരു, ചിക്കമംഗളൂരു, ഗോകര്ണം എന്നിവിടങ്ങളിലേക്ക് പോകാനാണ് വിദ്യാര്ഥികള് ഇയാളെ സമീപിച്ചത്. ടൂര് പാക്കേജ് ശരിയാക്കിയ ഇയാള് 32 വിദ്യാര്ഥികളില് നിന്നായി 1,69,700 രൂപ മുന്കൂറായി കൈപ്പറ്റി. എന്നാല് ടിക്കറ്റ് പോലും ബുക്ക് ചെയ്യാതിരുന്നതിനാല് നിശ്ചയിച്ച ദിവസം യാത്ര മുടങ്ങി. തുടര്ന്ന് വിദ്യാര്ഥികള് പണത്തിനായി പ്രതിയെ സമീപിച്ചെങ്കിലും പലവിധ കാരണങ്ങള് പറഞ്ഞ് ഇയാള് ഒഴിവാക്കുകയായിരുന്നു. തുടര്ന്ന് വിദ്യാര്ഥികളില് ഒരാളുടെ പിതാവ് പോലീസില് പരാതി നല്കുകയായിരുന്നു. പ്രതിയെ ഇന്ന് കോടതിയില് ഹാജരാക്കും.
Read Moreജോലി തട്ടിപ്പിൽ മലയാളി യുവാക്കൾ ലിത്വാനിയയിൽ കുടുങ്ങിയ സംഭവം: പരാതി നൽകിയിട്ടും നടപടിയെടുക്കാതെ പോലീസ്
ആലുവ: ജോലിക്കായി ഏജൻ സി വഴി പണം നല്കി, ലിത്വാനിയയിലെത്തിയ ഇരുപതോളം യുവാക്കൾ അവിടെ കുടുങ്ങിയ സംഭവത്തിൽ പരാതി നൽകിയിട്ടും കേസെടുക്കാതെ പോലീസ്. പോലീസിലെ എൻആർ ഐ വിഭാഗത്തിന് പരാതി ഈ മെയിലിൽ അയച്ച് രണ്ടാഴ്ചയായിട്ടും യാതൊരു മറുപടിയും ലഭിച്ചിട്ടില്ല. ജില്ലാ ആശുപത്രി ജംഗ്ഷനിൽ പ്രവർത്തിക്കുന്ന സ്കൈ മെട്രോ എന്ന സ്ഥാപനം വഴി ലിത്വാനയിലേക്ക് പോയവരാണ് കുടുങ്ങിക്കിടക്കുന്നത്. മൂന്ന് ലക്ഷം രൂപ ഏജൻസിക്ക് കൊടുത്താണ് ഇലക്ട്രീഷൻ, വെൽഡിംഗ് ജോലികൾക്കായി എല്ലാവരും ലിത്വാനിയയിൽ എത്തിയത്. എന്നാൽ ആദ്യം ജോലി കിട്ടിയെങ്കിലും മൂന്നാം ദിവസം പിരിച്ചുവിട്ടു. പിന്നീട് ജോലിയില്ലാതെ കുടുങ്ങിയിരിക്കുന്നതായാണ് പരാതി. മൂന്ന് ലക്ഷം രൂപ വാങ്ങിയെങ്കിലും ഒരു ലക്ഷം രൂപയുടെ രസീതേ നൽകിയുള്ളൂവെന്നും പരാതിയിൽ പറയുന്നു. ജെ ടി കൺസ്ട്രക്ഷൻസ് എന്ന പേരിലാണ് അപേക്ഷകരെ ലിത്വാനിയിലേക്ക് അയച്ചത്. പരാതികൾ പെരുകിയപ്പോൾ സ്കൈ മെട്രോ എന്ന് സ്ഥാപനം പേര് മാറ്റുകയായിരുന്നു.…
Read Moreതിരുനക്കര പൂരം 20ന്; കൊടിയേറ്റ് 14ന്
കോട്ടയം: തിരുനക്കര ശ്രീ മഹാദേവ ക്ഷേത്രത്തിലെ ഉത്സവം 14നു കൊടിയേറി 23നു സമാപിക്കും. 20നാണു പൂരം. നഗരത്തിലെ വിവിധ ക്ഷേത്രങ്ങളിൽ നിന്നുള്ള ചെറുപൂരങ്ങൾ രാവിലെ ഒമ്പതോടെ ക്ഷേത്രത്തിൽ സംഗമിക്കും. ക്ഷേത്രമൈതാനത്തിന് ഇരുവശവുമായി 11 ആനകൾ വീതം 22 ഗജവീരന്മാർ പൂരത്തിന് അണിനിരക്കും. തൃശൂർ പൂരം ഇലഞ്ഞിത്തറമേളത്തിന്റെ അമരക്കാരൻ കിഴക്കൂട്ട് അനിയൻ മാരാരുടെയും സംഘത്തിന്റെയും മേളപെരുക്കങ്ങൾ പൂരത്തിനു വിസ്മയമാകും. പാറമേക്കാവ് ദേവസ്വം വാർണാഭമായ ആനച്ചമയമൊരുക്കും. ചൂടുകൂടിയതിനാൽ രാവിലെ 11 മുതൽ ഉച്ചകഴിഞ്ഞു മൂന്നുവരെ ആനകളെ എഴുന്നള്ളിക്കുന്നതിൽ നിയന്ത്രണം ഏർപ്പെടുത്തിയിട്ടുണ്ട്. തിരുനക്കര ശിവൻ, തൃക്കടവൂർ ശിവരാജു, ഈരാറ്റുപേട്ട അയ്യപ്പൻ, ഉഷശ്രീ ശങ്കരൻകുട്ടി, പുതുപ്പള്ളി സാധു, മീനാട് വിനായകൻ, കാഞ്ഞിരക്കാട്ട് ശേഖരൻ, തോട്ടയ്ക്കാട്ട് കണ്ണൻ, ചുരൂർമഠം രാജശേഖരൻ, വേണാട്ടുമഠം ശ്രീകുമാർ, ഉണ്ണിപ്പള്ളി ഗണേശൻ, കുളമാക്കിൽ പാർഥസാരഥി, പനയനാർകാവ് കാളിദാസൻ, തടത്താവിള രാജശേഖരൻ, തോട്ടയ്ക്കാട്ട് രാജശേഖരൻ, വേമ്പനാട്ട് വാസുദേവൻ, മാറാടി അയ്യപ്പൻ, ഉണ്ണിമങ്ങാട്…
Read Moreബാങ്ക് മാനേജര് ചമഞ്ഞ് തട്ടിപ്പ്: പിടിയിലായ യുവാവ് നിരവധി കേസുകളിൽ പ്രതി
എടക്കര: ബാങ്ക് മാനേജര് ചമഞ്ഞ് തട്ടിപ്പ് നടത്തി പിടിയിലായ യുവാവ് നിരവധി തട്ടുപ്പു കേസുകളിൽ പ്രതിയെന്ന് പോലീസ്. എറണാകുളം ഇടപ്പള്ളി വിടിസി മാളിയേക്കല് റോഡ് അമൃതംഗൗരിയിലെ കിഷോര് ശങ്കര് (39) ആണ് കഴിഞ്ഞ ദിവസം എടക്കര പോലീസിന്റെ പിടിയിലായത്. കഴിഞ്ഞ മാസം 27ന് ചുങ്കത്തറയിലെ മൊബൈല് ഷോപ്പുടമയില് നിന്നു മൂന്ന് മൊബൈല് ഫോണുകള് തട്ടിയെടുത്ത കേസിലാണ് ഇയാൾ പിടിയിലായത്. ചെന്നൈയിലേക്ക് ബിസിനസ് ആവശ്യാര്ഥം ട്രെയിനില് പോകുമ്പോള് അതേ കമ്പാര്ട്ട്മെന്റില് വച്ചാണ് മൊബൈല് ഷോപ്പുടമ ഇയാളെ പരിചയപ്പെട്ടത്. താന് കനറാ ബാങ്ക് മാനേജരാണെന്നും തിരുപ്പതിയിലേക്ക് ക്ഷേത്ര ദര്ശനത്തിന് പോവുകയാണെന്നുമാണ് ഇയാള് പറഞ്ഞു വിശ്വസിപ്പിച്ചത്. ഇയാളോടൊപ്പമുണ്ടായിരുന്ന ആളെ സുഹൃത്താണെന്നും ഡോക്ടറാണെന്നും ആന്ധ്ര വിജയവാഡ സ്വദേശിയാണെന്നും പരിചയപ്പെടുത്തിയിരുന്നു. തനിക്ക് മൂന്ന് മുന്തിയ ഫോണുകള് ആവശ്യമുണ്ടെന്നും മഞ്ചേരിയില് ബാങ്ക് ഓഡിറ്റിന് വരുമ്പോള് ഓര്ഡര് നല്കാമെന്നും ഇയാള് അറിയിച്ചു. രണ്ടു ദിവസം കഴിഞ്ഞ് കിഷോര്…
Read Moreസിദ്ധാര്ഥന്റെ മരണം: ഡിജിറ്റല് തെളിവുകള് തേടി പോലീസ്
കോഴിക്കോട്: പൂക്കോട് വെറ്ററിനറി സര്വകലാശാലയിലെ രണ്ടാം വര്ഷ വിദ്യാര്ഥി ജെ.എസ്. സിദ്ധാര്ഥന് ആള്ക്കൂട്ട വിചാരണയെത്തുടര്ന്ന് ജീവനൊടുക്കിയ സംഭവത്തില് ഡിജിറ്റല് തെളിവുകള് തേടി അന്വേഷണ സംഘം. അറസ്റ്റിലായ പ്രതികളുടെ മൊബൈല് ഫോണുകള് വിദഗ്ധ പരിശോധനയ്ക്ക് അയച്ചിരിക്കുകയാണ് പോലീസ്- സൈബര് പോലീസിന്റെ സേവനം അന്വേഷണ സംഘം തേടിയിട്ടുണ്ട്. സിദ്ധാര്ഥനെ മരണത്തിലേക്കു നയിച്ചതിന്റെ ഗൂഢാലോചനയുടെ ആഴം കണ്ടെത്തുകയാണ് അന്വേഷണ സംഘത്തിന്റെ ലക്ഷ്യം. മര്ദനം നടക്കുമ്പോള് പ്രതികള് മൊബൈല് ഫോണില് ഇതു ചിത്രീകരിച്ചിരുന്നുവോ എന്നാണ് പ്രധാനമായും അന്വേഷിക്കുന്നത്. പുതിയ കാലഘട്ടത്തില് ഇത്തരം സംഭവങ്ങളെല്ലാം കാമറയില് പകര്ത്തുന്നത് സാധാരണമാണ്. പ്രതികളില് ആരെങ്കിലും ഇതു ചിത്രീകരിക്കാന് സാധ്യത ഏറെയാണ്. ഇവ കണ്ടെത്തിയാല് അന്വേഷണത്തില് പ്രധാന തെളിവായി ഇതു മാറും. ആദ്യഘട്ടത്തില് കേസില് 12 പേരാണ് പ്രതിസ്ഥാനത്ത് ഉണ്ടായിരുന്നത്. ഇവര് ഏറെ ദിവസങ്ങള് ഒളിവില് ആയിരുന്നു. പിന്നീട് ശക്തമായ സമ്മര്ദത്തെുടര്ന്നാണ് 18 പേര് പ്രതിപ്പട്ടികയില് എത്തിയത്. ലുക്കൗട്ട്…
Read Moreഇടശേരി ബാറിനു മുന്നിലെ വെടിവയ്പ്; തോക്ക് നല്കിയ തിരുവനന്തപുരം സ്വദേശിയെ കസ്റ്റഡിയില് വാങ്ങും
കൊച്ചി: എറണാകുളം കതൃക്കടവ് ഇടശേരി ബാറിലെ മാനേജരടക്കം മൂന്നുപേരെ വെടിവച്ചു കൊല്ലാന് ശ്രമിച്ച കേസില് മുഖ്യപ്രതിക്ക് തോക്ക് നല്കി തിരുവനന്തപുരം സ്വദേശിയെ കസ്റ്റഡിയില് വാങ്ങുന്നതിനുള്ള നടപടികള് എറണാകുളം നോര്ത്ത് പോലീസ് തുടങ്ങി. ഇയാളുടെ അറസ്റ്റ് വരും ദിവസങ്ങളില് രേഖപ്പെടുത്തിയ ശേഷം കൂടുതല് ചോദ്യം ചെയ്യലിനായി ഉടന് കസ്റ്റഡിയില് വാങ്ങും. നിലവില് ഇയാള് വിയ്യൂര് സെന്ട്രല് ജയിലിലാണ്. ഒരാളെ വെട്ടി പരിക്കേല്പ്പിച്ചതിന് തൃശൂര് എരുമപ്പെട്ടി പോലീസ് സ്റ്റേഷനില് ഇയാളുടെ പേരില് വധശ്രമത്തിന് കേസുണ്ട്. ഈ കേസിലാണ് ഇയാള് ഇപ്പോള് വിയ്യൂര് സെന്ട്രല് ജയിലില് ശിക്ഷ അനുഭവിക്കുന്നത്. അതേസമയം, തിരുവനന്തപുരം സ്വദേശിക്ക് തോക്കുനല്കിയ ആള് മരിച്ചുവെന്നാണ് ഇയാള് പോലീസിനെ അറിയിച്ചിരിക്കുന്നത്. ഇക്കാര്യത്തെ കുറിച്ചും അന്വേഷണം നടക്കുന്നുണ്ട്. കേസിലെ മുഖ്യപ്രതി അറസ്റ്റിലായ അങ്കമാലി പാറക്കടവ് പുളിയിനം കൊടുശേരി ചീരോത്തില് വിനീതി(കോമ്പാറ വിനീത് – 37)ന്റെ വീട്ടില് പോലീസ് നടത്തിയ പരിശോധനയില് വെടിവയ്ക്കാന്…
Read Moreബസില് ഒരേ സീറ്റിലിരുന്ന് യാത്ര ചെയ്യുന്നതിനിടെ യുവതിക്ക് നേരെ ലൈംഗിക അതിക്രമം: പ്രതി പിടിയിൽ
കൊച്ചി: സ്വകാര്യ ബസില് യാത്ര ചെയ്യുകയായിരുന്ന യുവതിക്ക് നേരെ ലൈംഗിക അതിക്രമം നടത്തിയ കേസിലെ പ്രതിയെ പോലീസ് പിടികൂടി. ഇടപ്പള്ളി എം.എ. സജീവന് റോഡില് വാടകയ്ക്ക് താമസിക്കുന്ന ഇടകൊച്ചി ചുള്ളിക്കാട്ട് ജോണ്സണ് ഡുറോ(61) ആണ് ഹാര്ബര് പോലീസിന്റെ പിടിയിലായത്. ഏഴിന് ഉച്ചകഴിഞ്ഞ് 3.15 ഓടെയാണ് കേസിനാസ്പദമായ സംഭവം. തോപ്പുംപടി ഭാഗത്തുനിന്നും എറണാകുളം ഭാഗത്തേക്ക് സര്വീസ് നടത്തുന്ന സ്വകാര്യ ബസില് യുവതിക്കൊപ്പം സീറ്റില് ഇരുന്ന് യാത്ര ചെയ്ത പ്രതി ബസ് നേവല്ബെയ്സ് ഭാഗത്ത് എത്തിയപ്പോള് ലൈംഗിക അതിക്രമം നടത്തുകയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read More