കുമരകം: വേമ്പനാട് കായലിന്റെ കരുതലാളായ രാജപ്പന് ഡല്ഹി വിമാന യാത്രയ്ക്ക് ഒരുക്കങ്ങളെല്ലാം പൂര്ത്തിയായി. പുതിയ മുണ്ടും ഷര്ട്ടും കമ്പിളി ഷാളും ഉടുപ്പുമൊക്കെ ബാഗിലാക്കി. പ്രധാനമന്ത്രിയുടെ മന് കി ബാത്തിലെ പരാമര്ശത്തിലൂടെ പ്രശസ്തനായ കൈപ്പുഴമുട്ട് മഞ്ചാടിക്കരി രാജപ്പന് റിപ്പബ്ലിക് ദിന പരിപാടിയില് പങ്കെടുക്കാന് മാത്രമല്ല നരേന്ദ്രമോദിയുടെ ചായസത്കാരത്തില് പങ്കെടുക്കാനും ക്ഷണമുണ്ട്. രണ്ടു ദിവസം ഡല്ഹി നഗരം കാണാനും സൗകര്യമൊരുക്കിയിട്ടുണ്ട്. നാലു ദിവസത്തെ താമസവും ഭക്ഷണവും സര്ക്കാര് നല്കും. പക്ഷാഘാത വൈകല്യമുള്ളതിനാല് ഇഴഞ്ഞാണ് സഞ്ചാരമെങ്കിലും അതൊന്നും ഡല്ഹി യാത്രയ്ക്ക് തടസമല്ല. ചെരുപ്പൊഴികെ യാത്രയ്ക്കുവേണ്ടതെല്ലാം രാജപ്പന് ഒരുക്കിയിരിക്കുന്നു. ബുധനാഴ്ച നെടുമ്പാശേരിയില് നിന്നാണ് ഡല്ഹിയിലേക്കു പോകുക. വിമാനത്താവളത്തില് വീല് ചെയര് ക്രമീകരിച്ചിട്ടുണ്ട്. ഡല്ഹിയില് വാഹനവുമുണ്ടാകും. 365 ദിവസവും രാവിലെ ഏഴു മുതല് വൈകുന്നേരം ആറു വരെ രാജപ്പന് തന്റെ ചെറിയ വള്ളത്തില് വേമ്പനാട്ടു കായലിലെ പ്ലാസ്റ്റിക് കുപ്പികള് പെറുക്കി വിറ്റാണ് ഉപജീവനം നടത്തുന്നത്.…
Read MoreCategory: Edition News
ഗവര്ണറുടെ പിന്തുണ തേടി ആലപ്പുഴ എസ്ഡി കോളജ് വിദ്യാര്ഥികള്
പേരൂര്ക്കട: ആലപ്പുഴ എസ്ഡി കോളജിലെ വിദ്യാര്ഥികള് ഇന്ന് ഗവര്ണര് ആരിഫ് മുഹമ്മദ് ഖാനെ സന്ദര്ശിച്ചു. കോളജിലെ ജലവിഭവ ഗവേഷണകേന്ദ്രം മുഖ്യഗവേഷകന് ഡോ. ജി നാഗേന്ദ്ര പ്രഭുവിന്റെ നേതൃത്വത്തില് അഞ്ചു വിദ്യാര്ത്ഥികളും രണ്ട് അദ്ധ്യാപകരുമാണ് രാജ്ഭവനിലെത്തി രാവിലെ 11ന് ഗവര്ണറെ കണ്ടത്. 25 വര്ഷങ്ങള് നീണ്ട ഗവേഷണത്തിലൂടെ വികസിപ്പിച്ച സാങ്കേതിക വിദ്യകള് ഉപയോഗിച്ച് ജലജന്യ കളവര്ഗമായ കുളവാഴയെ സംസ്കരിച്ച് നിര്മിച്ച ഉല്പ്പന്നങ്ങളുമായാണ് ഇവര് എത്തിയത്. ഗവര്ണറുടെ പിന്തുണ തേടുകയാണ് ലക്ഷ്യം. ഉണങ്ങിയ കുളവാഴ തണ്ടുകള് പ്രത്യേക രീതിയില് തയ്യാറാക്കി നിര്മ്മിച്ച പുതിയ ഉല്പ്പന്ന ശ്രേണിയുടെ അനാഛാദനം ഗവര്ണര് നിര്വഹിച്ചു. ജലാശയങ്ങളിലെ പ്രശ്നകാരിയായ കുളവാഴ ഉപയോഗിച്ച് കഴിഞ്ഞ വര്ഷത്തെ നെഹ്റു ട്രോഫി ജലോത്സവത്തിന്റെ ക്ഷണക്കത്ത്, വിശിഷ്ടാതിഥികള്ക്കുള്ള ഉപഹാരങ്ങൾ, നോട്ട് പാഡ്, വിത്ത് പേനകള് എന്നിവ എസ്ഡി കോളജിലെ ആദ്യ വിദ്യാര്ത്ഥി സ്റ്റാര്ട്ട്അപ്പായ ഐക്കോടെക് തയ്യാറാക്കി ശ്രദ്ധ നേടിയിരുന്നു. ഇവര് കുളവാഴ…
Read Moreവീടിനുള്ളിൽ മരിച്ച നിലയിൽ കണ്ടെത്തിയ സംഭവം: ബിജെപി നേതാവ് ഭാര്യയെ കുത്തിക്കൊലപ്പെടുത്തിയശേഷം ജീവനൊടുക്കിയതാണെന്ന് പോലീസ്
കായംകുളം: അധ്യാപികയായിരുന്ന ഭാര്യയെ കുത്തിക്കൊലപ്പെടുത്തിയ ശേഷം പ്രാദേശിക ബിജെപി നേതാവ് കൈ ഞരമ്പ് മുറിച്ച് ജീവനൊടുക്കിയതാണെന്ന് സ്ഥിരീകരിച്ചതായി പോലീസ്. ബിജെപി കായംകുളം മണ്ഡലം ജനറൽ സെക്രട്ടറി ചിറക്കടവം രാജധാനിയിൽ പി. കെ സജി (48), ഭാര്യ ബിനു (42) എന്നിവരെയാണ് കഴിഞ്ഞ ദിവസം വീടിനുള്ളിൽ മരിച്ച നിലയിൽ കണ്ടെത്തിയത്. സജിയുടെ കൈയിൽ കത്തി പിടിച്ച നിലയിലാണ് മൃതദേഹം കിടന്നിരുന്നത്. ഫോറൻസിക് പരിശോധനയ്ക്കുശേഷം മൃതദേഹം ആലപ്പുഴ മെഡിക്കൽ കോളേജിൽ ഇന്നലെ പോസ്റ്റ്മോർട്ടം നടത്തിയിരുന്നു. പോസ്റ്റ്മോർട്ടത്തിൽ കഴുത്തിൽ കുത്തേറ്റതാണ് ബിനുവിന്റെ മരണത്തിന് കാരണമെന്നും കൈത്തണ്ടയിലെ ഞരമ്പ് മുറിച്ചാണ് സജി ജീവനൊടുക്കിയതെന്നും കണ്ടെത്തി.വീട്ടിൽ നിന്നു ലഭിച്ച കത്തിൽ കുടുംബപ്രശ്ങ്ങളും സാമ്പത്തിക പ്രശ്നങ്ങളുമാണ് പറഞ്ഞിട്ടുള്ളതെന്ന് പോലീസ് പറഞ്ഞു. ഇരുവരുടെയും സംസ്കാരം നാളെ ഉച്ചയ്ക്ക് 12 ന് വീട്ടുവളപ്പിൽ നടക്കും. ബിജെ പി കായംകുളം മണ്ഡലം ജനറൽ സെക്രട്ടറിയായ സജി കുറച്ചുനാളായി പാർട്ടിയിൽ സജീവമല്ലെന്ന്…
Read Moreഭാര്യ പിണങ്ങി സ്വന്തം വീട്ടിലേക്ക് പോയി; പിന്നാലെയെത്തിയ ഭർത്താവ് ജീപ്പ് വീട്ടിലേക്ക് ഇടിച്ചു കയറ്റി; പിന്നീട് സംഭവിച്ചത്
മൂലമറ്റം: ഇടുക്കി മൂലമറ്റത്ത് യുവാവ് വീട്ടിലേക്ക് ജീപ്പ് ഇടിച്ചുകയറ്റി. ഭാര്യയും കുട്ടികളും ഉൾപ്പെടെയുള്ള വീട്ടിലാണ് യുവാവ് അതിക്രമം നടത്തിയത്. സംഭവത്തിൽ പതിപ്പള്ളി സ്വദേശി സൂര്യകുന്നേൽ പ്രേംജിത്തിനെ(കണ്ണൻ- 37) പോലീസ് പിടികൂടി. ഇന്നലെ വൈകിട്ട് കണ്ണന്റെ മർദ്ദനത്തിൽ രക്ഷതേടി ഭാര്യ സ്വന്തം വീട്ടിലെത്തിയിരുന്നു. പിന്നാലെ എത്തിയ കണ്ണനെ കണ്ട് ഭാര്യയും കുട്ടികളും വീട്ടിനുള്ളിൽ കയറി കതകടച്ചു. ഇതിൽ ക്ഷുഭിതനായ കണ്ണൻ വീട്ടിലേക്ക് സ്വന്തം ജീപ്പ് ഇടിച്ച് കയറ്റുകയായിരുന്നു. സംഭവസമയം വീട്ടിൽ മൂന്നു മുതിർന്നവരും കണ്ണന്റെയും ഭാര്യാ സഹോദരിയുടേയും ഉൾപ്പടെ അഞ്ചു കുട്ടികളും ഉണ്ടായിരുന്നു. ജീപ്പ് ഇടിച്ചുകയറ്റിയതോടെ ഭയന്ന് വീട്ടിലുണ്ടായിരുന്നവർ കുട്ടികളെയും എടുത്ത് പിൻവാതിലിലൂടെ രക്ഷപ്പെട്ട് അയൽവാസികളുടെ വീട്ടിൽ അഭയം പ്രാപിച്ചു. നാട്ടുകാർ അറിയിച്ചതനുസരിച്ച് കാഞ്ഞാർ പോലീസെത്തി കണ്ണനെ കസ്റ്റഡിയിലെടുത്തു.
Read Moreപോക്സോ കേസുകളിലെ ഫോറന്സിക് പരിശോധനകളിൽ കാലതാമസം; 28 സയന്റഫിക് ഓഫീസര് തസ്തിക സൃഷ്ടിച്ച് സര്ക്കാര് ഉത്തരവ്
കൊച്ചി: സംസ്ഥാനത്ത് പോക്സോ കേസുകളില് ഫോറന്സിക് പരിശോധനകളിലെ കാലതാമസം ഒഴിവാക്കുന്നതിനായി ഫോറന്സിക് സയന്സ് ലബോറട്ടറികളില് 28 സയന്റഫിക് ഓഫീസര് തസ്തികകള് സൃഷ്ടിച്ച് സര്ക്കാര് ഉത്തരവ്. നിലവിലെ അംഗബലം 140 ആയിരുന്നു. സ്ത്രീകള്ക്കും കുട്ടികള്ക്കും എതിരേയുള്ള അതിക്രമങ്ങള് വര്ധിച്ചുവരുന്ന സാഹചര്യത്തില് പോക്സോ കേസുകളിലും സംസ്ഥാനത്ത് വര്ധനയുണ്ടായിട്ടുണ്ട്. 2018-ല് 6,506 കേസുകളും 2019 ല് 7,335 കേസുകളും 2020 ല് 8,062 കേസുകളും 2021 ല് 11,368 കേസുകളും 2022 ല് 13,273 കേസുകളുമാണ് ഫോറന്സിക് പരിശോധനയ്ക്കായി വിവിധ ലാബുകളില് എത്തിയത്. പോക്സോ ആക്ട് പ്രകാരം രജിസ്റ്റര് ചെയ്ത കേസുകളില് ഫോറന്സിക് പരിശോധനാഫലം നല്കുന്നതുമായി ബന്ധപ്പെട്ട നിരവധി കേസുകള് ഫോറന്സിക് സയന്സ് ലാബോറട്ടറികളിലും വിവിധ റീജിയണല് ഫോറന്സിക് സയന്സ് ലാബുകളിലും കെട്ടിക്കിടക്കുന്നുണ്ട്. ഇതു സംബന്ധിച്ച് സംസ്ഥാന പോലീസ് മേധാവി 2023 മേയ് 30 ന് ആഭ്യന്തരവകുപ്പിന് റിപ്പോര്ട്ട് നല്കിയിരുന്നു. ഫോറന്സിക്…
Read Moreമധ്യവയസ്കനെ കൊലപ്പെടുത്താന് ശ്രമിച്ച കേസ്; പ്രതി റിമാന്ഡിൽ
എരുമേലി: മധ്യവയസ്കനെ കൊലപ്പെടുത്താന് ശ്രമിച്ച കേസില് അറസ്റ്റിലായ യുവാവിനെ റിമാന്ഡ് ചെയ്തു. എരുമേലി മുക്കൂട്ടുതറ മുക്കുഴി മേപ്പുറത്ത് എം.സി. രതീഷിനെ (38) യാണ് എരുമേലി പോലീസ് അറസ്റ്റു ചെയ്തത്. ഇയാള് കഴിഞ്ഞ രാത്രി ഏഴിന് എരുമേലി സ്വദേശിയായ മധ്യവയസ്കനെ ആക്രമിച്ചു കൊലപ്പെടുത്താന് ശ്രമിക്കുകയായിരുന്നു. എലിവാലിക്കര കവലയില് റോഡില് നില്ക്കുകയായിരുന്ന മധ്യവയസ്കനെ പ്രതി ചീത്ത വിളിക്കുകയും മര്ദിക്കുകയും കല്ലുകൊണ്ടു തലയ്ക്ക് ഇടിക്കുകയുമായിരുന്നു. ഇയാള്ക്ക് മധ്യവയസ്കനോട് മുന്വിരോധം നിലനിന്നിരുന്നു. ഇതിന്റെ തുടര്ച്ചയായാണ് ആക്രമണം. ഒളിവിൽപോയ ഇയാളെ ഇയാളെ പോലീസ് പിടികൂടുകയായിരുന്നു.
Read Moreപയ്യന്നൂരിൽ പട്ടാപ്പകൽ വീടു കുത്തിത്തുറന്ന് കവർച്ച : 50,000 രൂപയും ആഭരണങ്ങളും കവർന്നു; കവർച്ചക്കാർ എത്തിയത് വെളുത്ത കാറിൽ; കവർച്ചക്കാർ ഹിന്ദി സംസാരിക്കുന്നവർ
പയ്യന്നൂര്: വീടിന്റെ ഗ്രില്ല് മുറിച്ചും വാതില് കുത്തിത്തുറന്നും നിരീക്ഷണക്കാമറയുടെ കേബിള് മുറിച്ചും പട്ടാപ്പകല് മോഷണം. കരിവെള്ളൂര് പാലക്കുന്നിലെ പെട്രോള് പമ്പിനു സമീപമുള്ള ബിഎസ്എന്എൽ ഉദ്യോഗസ്ഥന് വി.സജിത്തിന്റെ വീട്ടിലാണ് ഇന്നലെ പട്ടാപ്പകല് മോഷണം നടന്നത്. ഇന്നലെ രാവിലെ ഒന്പതിനും പതിനൊന്നേ മുക്കാലിനുമിടയിലായിരുന്നു മോഷണം. വീടിനകത്തെ കിടപ്പുമുറിയിലെ അലമാരയില് സൂക്ഷിച്ചിരുന്ന 50,000 രൂപയും മുക്കാല് പവന് വീതമുള്ള രണ്ടുവളകളും മോതിരവും പൂജാമുറിയിലുണ്ടായിരുന്ന ഓട്ടുരുളി, ഗണേശ വിഗ്രഹം, നടരാജ വിഗ്രഹം എന്നിവയുമാണ് മോഷ്ടിക്കപ്പെട്ടത്. കൂടാതെ അലമാരയില് സുക്ഷിച്ചിരുന്ന സജിത്തിന്റെയും ഭാര്യയുടെയും സര്ട്ടിഫിക്കറ്റുകളടങ്ങിയ ബാഗും മോഷ്ടാക്കള് കൊണ്ടുപോയി. മോഷണത്തിലൂടെ ഒന്നര ലക്ഷത്തോളം രൂപയുടെ നഷ്ടമുണ്ടായെന്ന വീട്ടുടമയുടെ പരാതിയില് പയ്യന്നൂര് പോലീസ് കേസെടുത്തു. സംഭവ സമയത്ത് സജിത്തും ചിന്മയ വിദ്യാലയത്തിലെ അധ്യാപികയായ ഭാര്യയും മകളും വീട്ടിലുണ്ടായിരുന്നില്ല. രാവിലെ ഒന്പതോടെയാണ് ഇവര് വീടു പൂട്ടി പുറത്തുപോയത്. പതിനൊന്നേമുക്കാലായപ്പോള് മൂന്ന് അപരിചതരെ വീട്ടില് കണ്ടതിനെത്തുടർന്ന് തൊട്ടടുത്തെ വീട്ടില്…
Read Moreകെഎസ്ആർടിസിയുടെ വരുമാനം 40 കോടിയിലേറെ: ശബരിമലയിലെ സ്പെഷ്യൽ സർവീസുകളിൽ നിന്നു മാത്രം 38.88 കോടി
ചാത്തന്നൂർ: ശബരിമലയിൽ നിന്നുള്ള കെഎസ്ആർടിസിയുടെ വരുമാനം 40 കോടിയിലധികമാകുമെന്ന് പ്രതീക്ഷ, ഈ വർഷത്തെ മണ്ഡലം -മകരവിളക്ക് സീസൺ അവസാനിച്ചുവെങ്കിലും ശനിയാഴ്ചയും ഭക്തജന തിരക്കുണ്ട്. 38.88 കോടി രൂപ ശബരിമലയിലെ സ്പെഷ്യൽ സർവീസുകളിൽ നിന്നും നേടാൻ കഴിഞ്ഞുവെന്നാണ്കഴിഞ്ഞ വ്യാഴാഴ്ച വരെയുള്ള കണക്കുകൾ വ്യക്തമാക്കുന്നത്. പമ്പ-നിലയ്ക്കൽ ചെയിൻ സർവീസുകളിൽ നിന്നാണ് ഏറ്റവുമധികം വരുമാനം. പമ്പയിൽ നിന്നും ദീർഘ ദൂര സർവീസുകളും നടത്തിയിരുന്നു. പമ്പയിൽ നിന്നും ഏറ്റവും കൂടുതൽ സർവീസുകൾ നടത്തിയത് കുമളിയിലേയ്ക്കാണ്. തമിഴ്നാട്ടിൽ നിന്നുള്ള അയ്യപ്പ ഭക്തരുടെ സൗകര്യാർത്ഥമാണ് കുമളി സർവീസുകൾ. 1.37000 പമ്പ – നിലയ്ക്കൽ ചെയിൻ സർവീസുകളും 34000 ദീർഘ ദൂര സർവീസുകളും പമ്പയിൽ നിന്നും ഓപ്പറേറ്റ് ചെയ്തു. ശബരിമലയിലെ ഭക്ത ജന തിരക്കും പമ്പയിൽ നിന്നുള്ള ബസ് സർവീസുകളും തുടരുകയാണ്. മകരവിളക്ക് സീസൺ പൂർണമാകുന്നതോടെ കെഎസ്ആർടിസിയുടെ വരുമാനം 40 കോടി കവിയുമെന്നാണ് അധികൃതർ കരുതുന്നത്. പ്രദീപ്…
Read Moreമുക്കുപണ്ടം പണയംവച്ച് ലക്ഷങ്ങള് തട്ടിയ കേസ്; റിമാൻഡിലായ യുവാവ് സമാനകേസുകളിലും പ്രതി
വെള്ളൂര്: മുക്കുപണ്ടം പണയംവച്ച് ലക്ഷങ്ങള് തട്ടിയ കേസില് അറസ്റ്റിലായ യുവാവിനെ റിമാന്ഡ് ചെയ്തു. വെള്ളൂര് ഇറുമ്പയം ഇലവുംചുവട്ടില് അജീഷ് ബി. മാര്ക്കോസിനെ(40)യാണു വെള്ളൂര് പോലീസ് അറസ്റ്റ് ചെയ്തത്. ഇയാള് 2023 ജൂലൈയിൽ പലതവണകളായി മുളക്കുളം സര്വീസ് സഹകരണ ബാങ്കിന്റെ ഹെഡ് ഓഫീസിലും ശാഖകളിലുമായി മാലയും വളകളും നല്കി 4,85,000 രൂപ തട്ടിയെടുക്കുകയായിരുന്നു. പിന്നീട്, ബാങ്ക് അധികൃതരുടെ പരിശോധനയില് ഇത് സ്വര്ണമല്ലെന്നു തിരിച്ചറിയുകയും പോലീസില് പരാതിപ്പെടുകയുമായിരുന്നു. അജീഷിന് തലയോലപ്പറമ്പ് സ്റ്റേഷനിലും സമാനമായ കേസ് നിലവിലുണ്ട്.
Read Moreകോട്ടയത്ത് ഡെങ്കിപ്പനി പടരുന്നു; ഈ മാസം രോഗലക്ഷണങ്ങളുമായി ചികിത്സതേടിയത് 39 പേർ
കോട്ടയം: ജില്ലയില് ഡെങ്കിപ്പനി പടരുന്നു. പനി ബാധിച്ചവരുടെ എണ്ണം കൂടിയതോടെ ജില്ലാ ആരോഗ്യവകുപ്പു പരിശോധനകള് ശക്തമാക്കി. ഈമാസം ഇതുവരെ 39 പേര് ഡെങ്കിപ്പനി ലക്ഷണങ്ങളോടെ ചികിത്സതേടി ഇതില് എട്ടു പേര്ക്കു രോഗം സ്ഥിരീകരിച്ചു. ചങ്ങനാശേരി നഗരസഭയിലും പരിസരപ്രദേശങ്ങളിലുമാണു കൂടുതല് പേര്ക്കു രോഗം ബാധിച്ചത്. ഈ പ്രദേശങ്ങളിലുള്ളവര് കൊതുകിന്റെ ഉറവിടങ്ങള് ഇല്ലാതാക്കാന് പ്രത്യേകം ശ്രദ്ധ പുലര്ത്തണമെന്ന് ജില്ലാ മെഡിക്കല് ഓഫീസര് ഡോ. പി.എന്. വിദ്യാധരന് പറഞ്ഞു. വീടിനുചുറ്റും മഴവെള്ളം കെട്ടിനില്ക്കുന്ന ചെറുപാത്രങ്ങള്, ചിരട്ടകള്, സണ്ഷേഡുകള്, മരപ്പൊത്തുകള്, വീട്ടിനകത്തും പുറത്തുമുള്ള ചെടിച്ചട്ടികള്, ഫ്രിഡ്ജിനു പുറകിലെ ട്രേ, എന്നിവയില്നിന്ന് കെട്ടിനില്ക്കുന്ന വെള്ളം അടിയന്തരമായി നീക്കണം. കുടിവെള്ളം ശേഖരിച്ചുവച്ചിരിക്കുന്ന ടാങ്കുകളില് കൊതുകു കടക്കാതെ സൂക്ഷിക്കണം. ഇവ കൊതുകുവല ഉപയോഗിച്ച് മൂടിയിടണം. ആഴ്ചയിലൊരിക്കലെങ്കിലും വീട്ടിനുള്ളിലും പരിസരത്തുമുള്ള കെട്ടിനില്ക്കുന്ന വെള്ളം ഒഴിവാക്കാനും പരിസരം ശുചിയാക്കാനും ശ്രദ്ധിക്കുന്നതു രോഗവ്യാപനം തടയും. ആരോഗ്യ വകുപ്പ് കൊതുകുനിവാരണ വിഭാഗത്തിന്റെ നേതൃത്വത്തില്…
Read More