തളിപ്പറമ്പ്: പള്ളിയിലേക്ക് പോവുകയായിരുന്ന കന്യാസ്ത്രീ ബസിടിച്ച് മരിച്ചു. പൂവം സെന്റ് മേരീസ് കോണ്വന്റിലെ മദർ സുപ്പീരിയറും സെന്റ് മേരീസ് ഇംഗ്ലീഷ് മീഡിയം സ്കൂൾ അധ്യാപികയുമായ സിസ്റ്റര് സൗമ്യ (55) എഫ്എസ്എംഎയാണ് മരിച്ചത്. ഇന്ന് രാവിലെ 6.30 തോടെ മറ്റൊരു കോണ്വന്റിന് സമീപമുള്ള ലിറ്റില് ഫ്ലവർ പള്ളിയിലേക്ക് പോകാൻ റോഡ് മുറിച്ചു കടക്കുന്നതിനിടെ ആലക്കോടുനിന്നും തളിപ്പറമ്പിലേക്ക് പോകുന്ന സെന്റ് മേരീസ് ബസ് ഇടിക്കുകയായിരുന്നു. റോഡിലേക്ക് തെറിച്ചു വീണ സിസ്റ്റർ സൗമ്യയുടെ ദേഹത്തുകൂടി ബസിന്റെ മുൻ വശത്തെ ടയറുകൾ കയറിയിറങ്ങി. ഉടൻ തളിപ്പറന്പിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പരിയാരത്തെ കണ്ണൂര് ഗവ.മെഡിക്കല് കോളജ് മോര്ച്ചറിയില്. മൂന്നുമാസം മുമ്പാണ് തൃശൂര് മാള സ്വദേശിനിയായ സിസ്റ്റര് സൗമ്യ ഇവിടെ ചുമതലയേറ്റത്. വാഴപ്പിള്ളി ആന്റണി-മറിയം ദന്പതികളുടെ മകളാണ്. സംസ്കാരം നാളെ ഉച്ചകഴിഞ്ഞ് 3.30 ന് പൂവം ലിറ്റിൽ ഫ്ലവർ പള്ളിയിൽ…
Read MoreCategory: Edition News
താഴ്ന്ന് പറന്നാൽ എല്ലാവരേയും കൊത്തിപ്പറിക്കും; നാട്ടുകാരെ പേടിപ്പിച്ച വിരുതൻ പരുന്ത് പിടിയിൽ
ധോണി: മായാപുരം പ്രദേശത്ത് കുറുന്പു കാട്ടിയ പരുന്ത് പിടിയിൽ. കഴിഞ്ഞ ആറു ദിവമായി പ്രദേശത്ത് അല്ലറചില്ലറ വില്ലത്തരവുമായി വിലസുകയായിരുന്നു ഈ പരുന്ത്. തോട്ടത്തിൽ നിന്നും മടങ്ങുകയായിരുന്ന ജോർജ് എന്നയാളെ പിന്തുടർന്ന് ആക്രമിച്ചതാണ് അവസാനത്തെ സംഭവം.ജോർജിനു കൈയിലും വയറിലുമെല്ലാം പരുന്തിന്റെ കൊത്തേറ്റു. നേരത്തെ നിരവധി പേരെയും ആക്രമിച്ചിരുന്നത്രെ. വിവരം അറിയിച്ചതിനെ തുടർന്നെത്തിയ വനംവകുപ്പ് ദ്രുതകർമ സേനാംഗങ്ങൾ ഏറെ പണിപ്പെട്ട് ഇന്നലെ രാവിലെ പരുന്തിനെ പിടികൂടുകയായിരുന്നു. ആവശ്യമെങ്കിൽ ചികിത്സ നല്കിയ ശേഷം വനമേഖലയിൽ വിടാനാണ് തീരുമാനമെന്നു അധികൃതർ അറിയിച്ചു.
Read Moreഎറണാകുളം മാരിയമ്മന് കോവിലിലെ മോഷണം; തമിഴ്നാട്ടുകാരനുൾപ്പെടെ രണ്ടു പേര് അറസ്റ്റില്
കൊച്ചി: എറണാകുളം നോര്ത്ത് മാരിയമ്മന് കോവിലില് മോഷണം നടത്തിയ കേസില് രണ്ടു പേര് അറസ്റ്റില്. പത്തനംതിട്ട സ്വദേശി സുജില്(20), തമിഴ്നാട് സ്വദേശി അളഗപ്പന് (50) എന്നിവരെയാണ് എറണാകുളം നോര്ത്ത് പോലീസ് സബ് ഇന്സ്പെക്ടര്മാരായ എന്. ആഷിഖ്, ടി.എസ്.രതീഷ് എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കഴിഞ്ഞ 16 നായിരുന്നു സംഭവം. ക്ഷേത്രത്തിന്റെ കിഴക്കേ ഭിത്തിയില് ഉണ്ടാക്കിയിട്ടുള്ള ചതുരാകൃതിയിലുള്ള ദ്വാരം അടച്ചുപൂട്ടിയിരുന്ന ഇരുമ്പ് വാതില് കുത്തിപ്പൊളിച്ച് അകത്തുകയറി ഓഫീസ് മുറിയിലെ ഷെല്ഫിലെ ഡ്രോയില് സൂക്ഷിച്ചിരുന്ന പതിനായിരം രൂപയും സിസിടിവി കാമറയുടെ ഡിവിആറും ഒരു മൊബൈല്ഫോണും അടക്കം 20,000 രൂപ വിലവരുന്ന വസ്തുക്കള് പ്രതികള് മോഷ്ടിക്കുകയായിരുന്നു. ക്ഷേത്രഭാരവാഹികളുടെ പരാതിയില് നടന്ന അന്വേഷണത്തിലാണ് ഇന്നലെ ഇരുവരും എറണാകുളം സൗത്ത് ഭാഗത്ത് നിന്ന് അറസ്റ്റിലായത്. എസ്സിപിഒമാരായ പ്രവീണ്കുമാര്, സുനില്കുമാര്, വിബിന്, ഉണ്ണികൃഷ്ണന്, സിപിഒമാരായ റിനു, ലിബിന് രാജ്, തങ്കരാജ്, ഉമേഷ്, ജിത്തു…
Read Moreറബ്കോ സമരം; ലേബർ ഓഫീസർ വിളിച്ച ചർച്ചയിൽനിന്ന് മാനേജ്മെന്റ് വിട്ടുനിന്നു
പാമ്പാടി: പാമ്പാടി റബ്കോ കിടക്ക നിര്മാണ യൂണിറ്റില് ജീവനക്കാര് ഒരാഴ്ചയായി നടത്തുന്ന സമരം ചര്ച്ച ചെയ്യാന് ലേബര് ഓഫീസര് വിളിച്ച യോഗത്തില്നിന്നു മാനേജ്മെന്റ് വിട്ടുനിന്നു. സമരം യൂണിയന്റെ നേതൃത്വത്തിലല്ല എന്ന കാരണം ചൂണ്ടിക്കാട്ടിയാണ് മാനേജ്മെന്റ് ചർച്ചയിൽനിന്നു വിട്ടുനിന്നത്. സ്ഥാപനം ഇത്തരത്തിൽ നിലപാടെടുത്തതോടെ ലേബര് ഓഫീസര് വിളിച്ചുചേര്ത്ത ഒത്തുതീര്പ്പുചര്ച്ച പൊളിഞ്ഞു. തിങ്കളാഴ്ച കോട്ടയത്താണു തൊഴിലാളി പ്രതിനിധികളെയും മാനേജ്മെന്റ് പ്രതിനിധികളെയും ലേബര് ഓഫീസര് ചര്ച്ചയ്ക്കു വിളിച്ചത്. തൊഴിലാളി പ്രതിനിധികള് ചര്ച്ചയ്ക്കെത്തിയെങ്കിലും മാനേജ്മെന്റ് പ്രതിനിധികള് വന്നില്ല. മൂന്നുമാസമായി ശമ്പളം കിട്ടാതെവന്നതോടെയാണ് റബ്കോ എംപ്ലോയീസ് യൂണിയനിലെ (സിഐടിയു) 120 തൊഴിലാളികൾ ഒരാഴ്ചയായി ഫാക്ടറി കവാടം ഉപരോധിച്ച് സമരം നടത്തുന്നത്. യൂണിയന് നേതാക്കള് സമരത്തിനിറങ്ങാത്തതിൽ തൊഴിലാളികള്ക്കിടയില് ശക്തമായ പ്രതിഷേധമുണ്ട്. ഇന്നും സമരം തുടരുമെന്നു തൊഴിലാളികള് പറഞ്ഞു.
Read Moreസൂപ്പർ മാർക്കറ്റിൽനിന്നു സാധനങ്ങൾ വാങ്ങാത്തതിനു കാർ കേടുവരുത്തി; പയ്യന്നൂരിലെ സംഭവം ഇങ്ങനെ
പയ്യന്നൂര്: സൂപ്പര് മാര്ക്കറ്റില്നിന്നു സാധനങ്ങൾ വാങ്ങാത്തതിന്റെ വിരോധത്തില് കാറിനു കേടുവരുത്തിയതായുള്ള പരാതിയില് കോടതി നിർദേശപ്രകാരം പയ്യന്നൂര് പോലീസ് കേസെടുത്തു. കണ്ടോത്തെ കെ. കുട്ടികൃഷ്ണന്റെ പരാതിയിലാണു പ്രതികളെന്നു സംശയിക്കുന്ന പയ്യന്നൂര് സ്കൈപ്പര് സൂപ്പര് മാര്ക്കറ്റിലെ ജോലിക്കാരായ റൗഫ്, സൂരജ് എന്നിവര്ക്കും കണ്ടാലറിയാവുന്ന മറ്റൊരാള്ക്കുമെതിരേയാണ് കേസ് എടുത്തത്. 2022 നവംബര് 12ന് വൈകുന്നേരം 6.15 ഓടെയാണ് പരാതിക്കാസ്പദമായ സംഭവം. റോയല് കോപ്ലക്സിലെ പെയിന്റ് ഹൗസിന് മുന്നില് പാര്ക്ക് ചെയ്ത പരാതിക്കാരന്റെ ടാറ്റാ പഞ്ച് കാറിന്റെ പിന്നിലും വലതുവശത്തും കോറിവരച്ച് കേടുവരുത്തിയതിലൂടെ പതിനായിരം രൂപയുടെ നഷ്ടമുണ്ടാക്കിയെന്നാണു പരാതി. സൂപ്പര് മാര്ക്കറ്റില്നിന്നും സാധനങ്ങള് വാങ്ങാതെ സമീപത്തു കാര് നിര്ത്തിയിട്ടതിന്റെ വിരോധമാണു സംഭവത്തിനു കാരണമായി പരാതിയില് ചൂണ്ടിക്കാണിച്ചിട്ടുള്ളത്. പരാതിക്കാരന് പയ്യന്നൂര് ജുഡീഷല് ഒന്നാം ക്ലാസ് മജിസ്ട്രേറ്റ് കോടതിയെ സമീപിച്ചതിനെത്തുടര്ന്ന് പരാതിയില് കേസെടുക്കുന്നതിന് കോടതി നിര്ദേശിക്കുകയായിരുന്നു.
Read Moreപ്രവാസിയെ തട്ടിക്കൊണ്ടുപോയി കൊള്ളയടിച്ച സംഭവം; ഭാര്യയുടെ സുഹൃത്തുക്കൾക്കെതിരേ കേസ്
പയ്യന്നൂര്: പ്രവാസിയെ മര്ദിച്ചവശനാക്കി കാറിൽ തട്ടിക്കൊണ്ടു പോയി പണവും വിലപിടിപ്പുള്ള മൊബൈല്ഫോണും കവർന്ന സംഭവത്തിൽ ഭാര്യയുടെ സു സുഹൃത്തുക്കൾക്കെതിരേ കേസെടുത്ത് പോലീസ്. കവ്വായിയിലെ കെ.പി. ഷക്കീറിന്റെ പരാതിൽ രണ്ടു പേർക്കെതിരേയാണ് പയ്യന്നൂർ പോലീസ് കേസെടുത്തത്. അസ്ലം എന്നായൾക്കെതിരെയും കണ്ടാലറിയാവുന്ന മറ്റൊരാൾക്കെതിരെയുമാണ് കേസ്. കഴിഞ്ഞ ഡിസംബര് 28ന് ഉച്ചക്ക് 12.45 ഓടെ കുഞ്ഞിമംഗലം തലായിയിലായിരുന്നു പരാതിക്കാസ്പദമായ സംഭവം.ഷക്കീറിനോട് തലായിയിലെത്താൻ ആവശ്യപ്പെട്ടതിനെത്തുുടർന്ന് കാറുമായി സ്ഥലത്തെത്തിയപ്പോൾ പിടിച്ചിറക്കി മരവടികൊണ്ട് തലയ്ക്കും മുഖത്തും അടിച്ചു പരിക്കേൽപ്പിച്ച ശേഷം അതേ കാറിൽ കയറ്റി പയ്യന്നൂർ ഭാഗത്തേക്ക് ഓടിച്ചു പോയെന്നും ഇതിനിടെയാണ് കൊള്ളയടിച്ചതെന്നും പരാതിയിൽ പറയുന്നു. കൈവശമുണ്ടായിരുന്ന 90,000 രൂപ, അൻപതിനായിരത്തോളം രൂപയുടെ മൂല്യം വരുന്ന 200 റിയാൽ, ഐ ഫോൺ എന്നിവ കൊള്ളയടിച്ചുവെന്നു പരാതി പറയുന്നു. വിവാഹമോചനത്തിനായി ഭാര്യ നൽകിയ പരാതിയെ എതിർത്ത വിരോധത്തിൽ ഭാര്യയുടെ സുഹൃത്തുക്കൾ മർദിച്ച് കൊള്ളയടിച്ചെന്നുമാണ് പരായിൽ പറയുന്നത്.…
Read Moreതട്ടിപ്പിൽ വീഴരുതെന്ന മുന്നറിയിപ്പുമായി മോട്ടോർ വാഹനവകുപ്പ്; വ്യാജവെബ്സൈറ്റുകൾ വ്യാപകം
തിരുവനന്തപുരം: മോട്ടോർ വാഹനവുമായി ബന്ധപ്പെട്ടും ഡ്രൈവിംഗ് ലൈസൻസുമായി ബന്ധപ്പെട്ടും വിവിധ സർവീസുകൾക്കായും അപേക്ഷ ഓൺലൈനായി സമർപ്പിക്കുമ്പോഴും, ഈ ചെല്ലാൻ പോലെ വാഹനങ്ങളുടെ ട്രാഫിക് നിയമലംഘനങ്ങളുടെ പിഴ അടയ്ക്കുമ്പോഴും തട്ടിപ്പിൽ വീഴാതെ ശ്രദ്ധിക്കണമെന്ന മുന്നറിയിപ്പുമായി മോട്ടോർ വാഹന വകുപ്പ്. ഇ ചലാനുകളുടെ പിഴ അടയ്ക്കാൻ ഉപയോഗിക്കുന്ന ഔദ്യോഗിക വെബ്സൈറ്റുകളുടെ പേരുകൾക്ക് സമാനമായ പേരുകളുള്ള വെബ്സൈറ്റുകൾ നിലവിൽ ലഭ്യമാകുന്നതായി വ്യാപകമായ പരാതികൾ റിപ്പോർട്ട് ചെയ്യപ്പെടുന്ന പശ്ചാത്തലത്തിലാണ് മുന്നറിയിപ്പുമായി മോട്ടോർ വാഹനവകുപ്പ് രംഗത്ത് വന്നത്. പരിവാഹൻ സേവ എന്ന പൊതുവായ സൈറ്റ് വഴിയോ https://echallan.parivahan.gov.in എന്ന ലിങ്ക് വഴിയോ ഈ ചെല്ലാൻ നോട്ടീസിൽ ലഭ്യമായിട്ടുള്ള ക്യുആർ കോഡ് സ്കാൻ ചെയ്തോ മാത്രമാണ് ഈ ചലാനുകളുടെ പിഴ അടക്കേണ്ടതെന്ന് മോട്ടോർ വാഹനവകുപ്പ് പൊതുജനങ്ങളെ ഓർമിക്കുന്നു. ഇതിന് സമാനമായ പേരുള്ള മറ്റ് വെബ്സൈറ്റുകളുടെ വലയിൽ വീഴരുതെന്നും മോട്ടോർ വാഹനവകുപ്പ് പറയുന്നു.
Read Moreവിറക് മുറിക്കുന്നതിനിടെ യന്ത്രവാൾ തെറിച്ച് കഴുത്തിൽ കൊണ്ട് യുവാവിന് ദാരുണാന്ത്യം
രാജകുമാരി: വിറകു മുറിക്കുന്നതിനിടെ യന്ത്രവാൾ കഴുത്തിൽ കൊണ്ട് യുവാവ് മരിച്ചു. പൂപ്പാറ മൂലത്തുറ കോളനി സ്വദേശി വിഘ്നേഷ് (24) ആണ് മരിച്ചത്. കഴിഞ്ഞ ദിവസം വിഘ്നേഷ് പൂപ്പാറയിലെ ഏലം സ്റ്റോറിൽ യന്ത്ര വാൾ ഉപയോഗിച്ച് വിറക് മുറിച്ചു കൊണ്ടിരുന്നപ്പോഴാണ് അപകടം സംഭവിച്ചത്. ദിശ തെറ്റിയ വാൾ വിഘ്നേഷിന്റെ കഴുത്തിൽ പതിക്കുകയായിരുന്നു. ഗുരുതരമായി പരിക്കേറ്റ വിഘ്നേഷിവിനെ തേനി മെഡിക്കൽ കോളജിലേക്ക് കൊണ്ടു പോയെങ്കിലും മരിച്ചു. പോസ്റ്റ് മോർട്ടത്തിനു ശേഷം ബോഡിനായ്ക്കന്നൂരിലെ പൊതുശ്മശാനത്തിൽ മൃതദേഹം സംസ്കരിച്ചു.ശാന്തൻപാറ പോലീസ് മേൽ നടപടികൾ സ്വീകരിച്ചു. പരേതനായ അയ്യപ്പനാണ് വിഘ്നേഷിന്റെ പിതാവ്. അമ്മ: മല്ലിക.
Read Moreവാടക കൊടുക്കാൻ വരുമാനമില്ല: സപ്ലൈകോയില് പ്രതീക്ഷ വേണ്ട; നഷ്ടത്തില് പ്രവര്ത്തിക്കുന്ന ഔട്ട്ലറ്റുകള് പൂട്ടാൻ നിർദേശം
കോട്ടയം: സപ്ലൈകോ ഔട്ട്ലറ്റുകളേറെയും മാസങ്ങള്ക്കുള്ളില് പൂട്ടിപ്പോകും. വിരലിലെണ്ണാവുന്നതൊഴികെ സപ്ലൈകോ കടകള് വാടക കൊടുക്കാനും ശബളം കൊടുക്കാനും വരുമാനമില്ലാത്ത സ്ഥിതിയിലാണ്. സബ്ഡിസിയോടെ 12 ഇനം സാധനങ്ങള് ഇവിടെനിന്നു വാങ്ങാമായിരുന്നു. കഴിഞ്ഞ ഓണത്തിനും ക്രിസ്മസിനു പോലും വേണ്ടത്ര സാധനങ്ങളില്ലായിരുന്നു. സാധനങ്ങള് എത്തിച്ചുകൊടുത്തിരുന്നവര്ക്ക് 600 കോടിയോളമാണ് കുടിശിക. ഇതിനിടെയാണ് സബ്സിഡി സാധനങ്ങളുടെ വില വര്ധിപ്പിക്കാന് ആലോചിക്കുന്നത്. കടുത്ത നഷ്ടത്തില് പ്രവര്ത്തിക്കുന്ന ഔട്ട്ലറ്റുകള് രണ്ടു മാസത്തിനുള്ളില് പൂട്ടാനാണ് നിര്ദേശം.
Read Moreകോണ്ക്ലേവിലെ രാഷ്ട്രീയം: സിപിഎമ്മിലെ ഒരുവിഭാഗം കട്ട കലിപ്പില്
പത്തനംതിട്ട: സിപിഎം നേതൃത്വത്തിലുള്ള തിരുവനന്തപുരം എകെജി പഠന ഗവേഷണ കേന്ദ്രവും പത്തനംതിട്ട ജില്ലയിലെ വി.എസ്. ചന്ദ്രശേഖരപിള്ള പഠന കേന്ദ്രവും സംയുക്തമായി നാലുദിവസം തിരുവല്ലയില് നടത്തിയ മൈഗ്രേഷന് കോണ്ക്ലേവ് ഇന്നലെ സമാപിച്ചു. ആസന്നമായ ലോക്സഭാ തെരഞ്ഞെടുപ്പ് മുന്നില്ക്കണ്ട് എകെജി പഠന കേന്ദ്രം ഡയറക്ടര് ഡോ. തോമസ് ഐസക്കിന്റെ നേതൃത്വത്തിൽ മൈഗ്രേഷന് കോണ്ക്ലേവ് പത്തനംതിട്ട ജില്ലയില് സംഘടിപ്പിച്ചതിനു പിന്നിലെ രാഷ്ട്രീയം ഏറെ ചര്ച്ച ചെയ്യപ്പെട്ടിരുന്നു. പ്രവാസികളേറെയുള്ള പത്തനംതിട്ട ജില്ലയില് ഒരുലക്ഷത്തിലധികം ആളുകളെ കോണ്ക്ലേവിന്റെ ഭാഗമാക്കാന് കഴിഞ്ഞുവെന്നാണ് സംഘാടകരുടെ അവകാശവാദം. ലോകത്തിന്റെ വിവിധ ഭാഗങ്ങളിലുള്ള പ്രവാസികളെ ഓണ്ലൈന് പ്ലാറ്റ്ഫോമില് ചേര്ത്തുകൊണ്ടു നടന്ന പരിപാടിയില് നേരിട്ടുള്ള പങ്കാളിത്തം ഏറെയും രാഷ്ട്രീയ നേതാക്കളുടേതായിരുന്നു. സംഘാടനത്തിന്റെ പേരില് വ്യവസായികളടക്കമുള്ളവരില്നിന്ന് സാമ്പത്തിക സഹായം ഉള്പ്പെടെ തേടുകയും ചെയ്തു. മുഖ്യമന്ത്രി പങ്കെടുത്ത ഉദ്ഘാടന പരിപാടിയില് പങ്കാളിത്തം കുറയാനും ഇതു കാരണമായി. ജില്ലയിലെ എല്ഡിഎഫ് നേതാക്കളെ പോലും പരിപാടിക്ക് ക്ഷണിച്ചിരുന്നില്ല.…
Read More