കൊച്ചി: കരുവന്നൂര് സഹകരണബാങ്ക് തട്ടിപ്പ് കേസില് നിര്ണായക നീക്കവുമായി ഇഡി. കേസിലെ പ്രതികളായ ബാങ്ക് മുന് സെക്രട്ടറി സുനില്കുമാറിനെയും മുന് മാനേജര് ബിജു കരീമിനെയും ഇഡി മാപ്പുസാക്ഷികളാക്കി. 55 പേരുടെ പ്രതിപ്പട്ടികയില് 33, 34 പ്രതികളാണ് ഇവര്. ബാങ്കില് നടന്ന ക്രമക്കേടുകളെക്കുറിച്ച് വിശദമായി അറിയാവുന്ന രണ്ട് പേരെയാണ് ഇഡി മാപ്പുസാക്ഷികളാക്കിയത്. തങ്ങള് സ്വമേധയാ മാപ്പുസാക്ഷിയാകാന് തയാറാണെന്ന് കാട്ടി ഇരുവരും കൊച്ചി പിഎംഎല്എ കോടതിയില് അപേക്ഷ നല്കി. കേസുമായി ബന്ധപ്പെട്ട് തങ്ങള്ക്കറിയാവുന്ന മുഴുവന് വിവരങ്ങളും ചേര്ത്ത് ഇവര് വിശദമായ സത്യവാംഗ്മൂലവും കോടതിയില് സമര്പ്പിച്ചു. അപേക്ഷ പരിശോധിച്ച ശേഷം ഇത് അംഗീകരിക്കണോ എന്ന കാര്യത്തില് കോടതി തീരുമാനമെടുക്കും. കരുവന്നൂര് ബാങ്കില്നിന്ന് അനധികൃതമായി വായ്പ അനുവദിച്ചത് സിപിഎമ്മിന്റെ നിര്ദേശപ്രകാരമാണെന്ന് നേരത്തേ സുനില്കുമാറും ബിജു കരീമുംമൊഴി നല്കിയിരുന്നു. ബിജു കരീം 12 കോടി രൂപ അനധികൃതമായി കൈക്കലാക്കിയെന്ന് കണ്ടെത്തിയതിനെ തുടര്ന്ന് ഇയാളുടെ സ്വത്തുക്കള്…
Read MoreCategory: Edition News
റിസോട്ടിൽ നിന്ന് യുവാക്കളെ തട്ടിക്കൊണ്ടുപോയി; മോചനദ്രവ്യമായി ചോദിച്ച് വാങ്ങിയത് 2000 രൂപ; ചെറായിലെ കേസിൽ നാലുപേർ അറസ്റ്റിൽ
ചെറായി: റിസോർട്ടിൽ എത്തിയ യുവാവിനെയും സുഹൃത്തിനെയും ആക്രമിച്ച് ഭീഷണിപ്പെടുത്തി തട്ടിക്കൊണ്ടുപോയി പണം കവർന്ന സംഭവത്തിൽ മുനമ്പം പോലീസ് നാലു പേരെ അറസ്റ്റ് ചെയ്തു. ചെറായി പട്ടത്താനത്ത് അപ്പൂസ് എന്ന് വിളിക്കുന്ന ശരൺ-29 , പറവൂർ പറയകാട് കല്ലു പുനത്ത് ജിത്ത് എന്ന് വിളിക്കുന്ന നിജിത്ത്-36, കൊടുങ്ങല്ലൂർ ഈശ്വരമംഗലത്ത് സ്മിതേഷ് -37, കുഴുപ്പിള്ളി പള്ളത്താംകുളങ്ങര അഞ്ചലശ്ശേരി വീട്ടിൽ അഭിനന്ദ് -23 , എന്നിവരാണ് അറസ്റ്റിലായത്. പറവൂർ കരുമാല്ലൂർ കുരീക്കശേരി സുജേഷ് -33, സുഹൃത്ത് സുധീഷ് – 29 എന്നിവരാണ് ആക്രമത്തിനും , തട്ടിക്കൊണ്ടു പോകലിനും ഇരയായത്. കഴിഞ്ഞ മാസം 23 ന് രാത്രി 7.30 ന് ചെറായി ബീച്ചിലെ ഗോൾഡൻ സാൻഡ് ബീച്ച് വില്ലേജ് റിസോർട്ടിൽ വച്ചായിരുന്നു സംഭവം. സുജേഷും സുധീഷും റിസോർട്ടിലെത്തിയതായിരുന്നു. ഈ സമയം പ്രതികളായ ശരണും നിജിത്തും സ്ഥലത്തെത്തി ഇവരെ ഭീഷണിപ്പെടുത്തുകയും ആക്രമിക്കുകയും ചെയ്തത്രേ. പിന്നീട്…
Read Moreമഞ്ചേരി ചെട്ടിയങ്ങാടി വാഹനാപകടം; നാട്ടുകാര് റോഡ് ഉപരോധിച്ചു
മഞ്ചേരി: മഞ്ചേരി ചെട്ടിയങ്ങാടിയില് കര്ണാടകയില്നിന്നുള്ള ശബരിമല തീര്ഥാടകര് സഞ്ചരിച്ച ബസ് ഓട്ടോറിക്ഷയുമായി കൂട്ടിയിടിച്ചുണ്ടായ അപകടത്തില് ഓട്ടോ യാത്രക്കാരായ അഞ്ചു പേര് മരിച്ച സംഭവത്തില് നാട്ടുകാര് ഇന്നു രാവിലെ റോഡ് ഉപരോധിച്ചു. ഇവിടെ ഇടയ്ക്കിടെ സംഭവിക്കുന്ന റോഡപകടങ്ങള്ക്ക് കാരണം അധികൃതരുടെ അനാസ്ഥ കാരണമാണെന്ന് ആരോപിച്ചായിരുന്നു രാവിലെ ഏഴിന് ഉപരോധം നടത്തിയത്. തുടര്ന്ന് ഏറനാട് തഹസില്ദാര് സ്ഥലത്തെത്തി സമരക്കാരുമായി ചര്ച്ച നടത്തി പ്രശ്നത്തിന് പരിഹാരം കാണാന് നടപടി സ്വീകരിക്കാമെന്ന് ഉറപ്പു നല്കിയതോടെയാണ് സമരം പിന്വലിച്ചത്. ഒരു മണിക്കൂര് നേരം ഉപരോധ സമരം നീണ്ടു നിന്നു. പ്രദേശത്ത് തുടരെ തുടരെ വാഹന അപകടങ്ങള് ഉണ്ടായതോടെ വിഷയം നാട്ടുകാര് മാസങ്ങള്ക്കു മുമ്പുതന്നെ പൊതുമരാമത്ത് മന്ത്രി പി.എ. മുഹമ്മദ് റിയാസിന്റെ ശ്രദ്ധയില്പ്പെടുത്തിയിരുന്നു. കുറ്റിപ്പുറം കെഎസ്ടിപിയാണ് റോഡ് നിര്മാണ ചുമതല വഹിക്കുന്നത്. റോഡപകടങ്ങള് ഒഴിവാക്കുന്നതിനാവശ്യമായ നടപടികള് സ്വീകരിക്കുന്നതിന് മന്ത്രി കെഎസ്ടിപിക്ക് കഴിഞ്ഞ മേയ് മാസത്തില് നിര്ദേശം…
Read Moreവീടുകളില് കേക്ക് നിര്മിച്ച് വില്പന; ഭക്ഷ്യസുരക്ഷാ ലൈസന്സ് നിര്ബന്ധം
കോഴിക്കോട്: വീടുകള് കേന്ദ്രീകരിച്ച് കേക്കും മറ്റ് ഭക്ഷ്യ വസ്തുക്കളും നിര്മിച്ച് വില്പന നടത്തുന്നതിന് ഭക്ഷ്യസുരക്ഷാ ഗുണനിലവാര നിയമപ്രകാരം രജിസ്ട്രേഷന് നിര്ബന്ധമാണെന്ന് ഭക്ഷ്യസുരക്ഷാ അസി. കമ്മിഷണര് എ. സക്കീര് ഹുസൈന് അറിയിച്ചു. രജിസ്ട്രേഷന് ഇല്ലാതെ ഭക്ഷ്യ വസ്തുക്കള് നിര്മിച്ച് വില്പന നടത്തുന്ന വര്ക്കെതിരെ നിയമനടപടി സ്വീകരിക്കുന്നതാണ്.നിയമവിരുദ്ധമായി ഭക്ഷണ സാധനങ്ങള് ഉണ്ടാക്കി വില്പന നടത്തുന്നത് ഭക്ഷ്യസുരക്ഷ ഗുണനിലവാര നിയമം സെക്ഷന് 63 പ്രകാരം 10 ലക്ഷം രൂപ വരെ പിഴ ചുമത്തി ചുമത്താവുന്ന കുറ്റമാണ്. ചെറുകിട ഉല്പാദകര് സ്വമേധയാ രജിസ്ട്രേഷന് എടുത്ത് നിയമ നടപടിയില് നിന്നും ഒഴിവാകാവുന്നതാണ്. 100 രൂപ മാത്രമാണ് ഒരു വര്ഷത്തെ രജിസ്ട്രേഷന് ഫീസ്. 500 രൂപ ഒരുമിച്ച് അടച്ച് 5 വര്ഷം കാലാവധി ഉളള രജിസ്ട്രേഷന് എടുക്കാവുന്നതാണ്. ആധാറും ഫോട്ടോയും മാത്രമാണ് രേഖയായി സമര്പ്പിക്കേണ്ടത്. പോര്ട്ടല് വഴിയോ അക്ഷയ സെന്ററുകള് വഴിയോ അപേക്ഷ സമര്പ്പിക്കാം. അപേക്ഷ…
Read Moreമഞ്ചേരി ചെട്ടിയങ്ങാടി ദുരന്തം; മരണപ്പെട്ടവര്ക്ക് നാടിന്റെ യാത്രാമൊഴി
മഞ്ചേരി: ചെട്ടിയങ്ങാടിയില് കര്ണാടകയില് നിന്നുള്ള ശബരിമല തീര്ഥാടകര് സഞ്ചരിച്ച ബസ് ഓട്ടോറിക്ഷയുമായി കൂട്ടിയിടിച്ച് മരിച്ച അഞ്ചുപേരുടെ മൃതദേഹങ്ങള് വന് ജനാവലിയുടെ സാന്നിധ്യത്തില് കബറടക്കി. ഇന്ന് രാവിലെ ഏഴിന് മഞ്ചേരി ഗവണ്മെന്റ് മെഡിക്കല് കോളജാശുപത്രിയില് ആരംഭിച്ച പോസ്റ്റ്മോര്ട്ടം നടപടികള് ഒമ്പതിന് പൂര്ത്തിയായി. മരണ വിവരമറിഞ്ഞ് ആശുപത്രി പരിസരത്തും മരിച്ചവരുടെ വീടുകളിലും വന് ജനാവലിയാണ് തടിച്ചു കൂടിയത്. ഓട്ടോ ഡ്രൈവര് പയ്യനാട് തടപ്പറമ്പ് സ്വദേശി പുതുപ്പറമ്പില് അബ്ദുള് മജീദ്(55), ഓട്ടോ യാത്രക്കാരായ പുല്ലൂര് കിഴക്കേത്തല സ്വദേശി മുഹ്സിന(34), സഹോദരി കരുവാരക്കുണ്ട് വെളയൂര് മുഹമ്മദ് റിയാസിന്റെ ഭാര്യ തസ്നീമ(33), മക്കളായ റൈഹ ഫാത്തിമ(4), റിന്ഷാ ഫാത്തിമ(12) എന്നിവരാണ് മരിച്ചത്. മുഹ്സിനയുടെ മക്കളായ മുഹമ്മദ് നഷാദ്, ഫാത്തിമ ഹസ, മുഹമ്മദ് അഹ്സാന്, തസ്നീമയുടെ മകളായ മുഹമ്മദ് റിഷാമ (ഒരുമാസം) എന്നിവര്ക്കാണ് പരിക്കേറ്റത്. ഓട്ടോ ഡ്രൈവര് അബ്ദുള് മജീദിന്റെ മൃതദേഹം വീട്ടിലേക്ക് കൊണ്ടുപോയ ശേഷം…
Read Moreതാമരശേരി ചുരത്തിൽ യുവാവിനെ ആക്രമിച്ച് 68 ലക്ഷവും കാറും കവർന്നു; പിന്നില് കുഴല്പ്പണസംഘമെന്നു സൂചന
കോഴിക്കോട്: താമരശേരി ചുരത്തില് പട്ടാപ്പകല് എട്ടംഗസംഘം കാര് തടഞ്ഞുനിര്ത്തി യുവാവിനെ ആക്രമിച്ച് 68 ലക്ഷം രൂപയും മൊബൈല് ഫോണും കാറും കവര്ന്നു. ചുരത്തില് ഒമ്പതാംവളവിനു താഴെ ബുധനാഴ്ച രാവിലെ എട്ടിനു നടന്ന സംഭവത്തെക്കുറിച്ച് യുവാവ് പോലീസില് പരാതിപ്പെട്ടത് ഇന്നലെ വൈകിട്ടാണ്. ഇതോടെയാണ് കവര്ച്ചയുടെ വിവരം പുറംലോകം അറിഞ്ഞത്. പോലീസില് പരാതി നല്കിയാല് കൊല്ലുമെന്ന് സംഘം ഭീഷണിപ്പെടുത്തിയതിനാലാണു പരാതി നല്കാന് വൈകിയതെന്നാണ് യുവാവിന്റെ വിശദീകരണം. കവര്ച്ച ചെയ്യപ്പെട്ടത് കുഴല്പണമാവാമെന്ന സൂചനയാണു പുറത്തുവരുന്നത്. മൈസൂരില്നിന്ന് കൊടുവള്ളിയിലേക്ക് വരികയായിരുന്ന കര്ണാടക മൈസൂര് ലഷ്കര് മൊഹല്ല സ്വദേശി വിശാല് ദശത് മഡ്കരി (27) യാണ് ആക്രമിക്കപ്പെട്ടത്. മൈസൂരില്നിന്ന് ബുധനാഴ്ച പുലര്ച്ചെ അഞ്ചിന് കൊടുവള്ളിയിലേക്കു കാര്മാര്ഗം സഞ്ചരിച്ച വിശാല് രാവിലെ എട്ടോടെയാണ് താമരശേരി ചുരത്തിലെത്തിയത്. ഒമ്പതാംവളവിന് സമീപമെത്തിയപ്പോള് പിറകില് രണ്ട് കാറുകളിലായി പിന്തുടര്ന്നെത്തിയ സംഘം വിശാലിന്റെ വാഹനം തടഞ്ഞിടുകയായിരുന്നുവെന്ന് പോലീസ് പറഞ്ഞു. രണ്ട് കാറുകളിലായി…
Read Moreഅവശ്യസാധനങ്ങൾക്കും ഇറച്ചിവിലയിലും പകൽക്കൊള്ള; ജില്ലാഭരണകൂടത്തിന്റെ അനാസ്ഥയെന്ന് ആക്ഷേപം
കോട്ടയം: ജില്ലയില് ഓരോ സ്ഥലത്തും ഓരോ കടയിലും അവശ്യസാധനങ്ങള്ക്കു തോന്നിയ വില. അരിക്കും പച്ചക്കറിക്കും മീനിനും ഇറച്ചിക്കുമൊക്കെ വിലയില് ഏകീകരണമില്ല. ഉദ്യോഗസ്ഥരൊന്നാകെ ഒരു മാസമായി നവകേരള സദസ് കെങ്കേമമാക്കാനുള്ള സ്പെഷല് ഡ്യൂട്ടിയിലായിരുന്നു. സദസ് കഴിഞ്ഞതോടെ അവധിയും വിശ്രമവും. ഭക്ഷ്യം, അളവുതൂക്കം, റവന്യൂ തുടങ്ങിയ വകുപ്പുകള് വില ചൂഷണവും തൂക്കം വെട്ടിപ്പും അറിഞ്ഞ മട്ടുകാണിക്കുന്നില്ല. അളവു തൂക്കസാമഗ്രികളുടെ പരിശോധന നടന്നിട്ട് മാസങ്ങളായി. പരിപ്പ്, പയര് ഇനങ്ങള്ക്ക് ഹോള്സെയില് വിലയേക്കാള് നൂറു രൂപയിലധികം ചിലര് ഈടാക്കുന്നു. പഴം ഇനങ്ങള്ക്ക് ഓരോ കടയിലും തോന്നിയ വില. ഒരേയിനം അരിക്ക് അഞ്ചു രൂപയുടെ വില വ്യത്യാസം. കടകളില് സാധനവില എഴുതി പ്രദര്ശിപ്പിക്കണമെന്നാണ് നിയമം. പച്ചക്കറി വിലയിലാണ് പ്രധാനമായും കൊള്ള. നിലവിലെ വിലക്കയറ്റത്തിന് കാരണം ജില്ലാഭരണകൂടത്തിന്റെ അനാസ്ഥയാണെന്ന് പരക്കെ ആക്ഷേപം ഉയര്ന്നിട്ടുണ്ട്. പോത്തിറച്ചിക്ക് വില 370 മുതല് 410 വരെ. ഇതര സംസ്ഥാനത്തുനിന്ന് ഇടനിലക്കാര്…
Read Moreകാമുകനെ സ്വന്തമാക്കാൻ കുഞ്ഞിനെ കൊലപ്പെടുത്തിയ കേസ്; തെളിവെടുപ്പില് കൂസലില്ലാതെ അശ്വതി
കൊച്ചി: കറുകപ്പിള്ളിയിലെ ലോഡ്ജില് ഒന്നേകാല് മാസം പ്രായമുള്ള ആണ്കുഞ്ഞിനെ കൊലപ്പെടുത്തിയ കേസില് കുഞ്ഞിന്റെ സംസ്കാരം ഇന്ന് നടക്കും. പുല്ലേപ്പടി സംഗമോദ്യാനം പൊതു ശ്മശാനത്തിലാണ് സംസ്കാരം നടക്കുക. കുഞ്ഞിന്റെ മൃതദേഹം ഏറ്റെടുക്കാന് ആളില്ലാതെ വന്നതോടെ കൊച്ചി സിറ്റി പോലീസും കൊച്ചി കോര്പറേഷനും സംയുക്തമായാണ് സംസ്കാര ചടങ്ങുകള് നടത്തുന്നത്. എറണാകുളം സെന്ട്രല് എസിപി സി. ജയകുമാര്, എളമക്കര പോലീസ് ഇന്സ്പെക്ടര് എസ്.ആര്. സനീഷ്കുമാര്, കൊച്ചി കോര്പറേഷന് പ്രതിനിധികള് എന്നിവര് സംസ്കാര ചടങ്ങില് പങ്കെടുക്കും. കഴിഞ്ഞ മൂന്നിന് പുലര്ച്ചെയാണ് കുഞ്ഞ് ദാരുണമായി കൊല്ലപ്പെട്ടത്. നാലിന് പോസ്റ്റുമോര്ട്ടം കഴിഞ്ഞ് മൃതദേഹം കളമശേരി മെഡിക്കല് കോളജില് സൂക്ഷിച്ചിരിക്കുകയായിരുന്നു. കുഞ്ഞിന്റെ അമ്മ എഴുപുന്ന സ്വദേശിനി അശ്വതി ഓമനക്കുട്ടന്റെ ആദ്യ പങ്കാളിയായ കുഞ്ഞിന്റെ പിതാവ് എന്നു പറയുന്ന കണ്ണൂര് സ്വദേശിയുമായി എളമക്കര പോലീസ് ഇന്സ്പെക്ടര് ബന്ധപ്പെട്ടിരുന്നു. എന്നാല് കുഞ്ഞിന്റെ മൃതദേഹം ഏറ്റെടുത്ത് സംസ്കാരം നടത്താന് താന് ഒരുക്കമല്ലെന്നും…
Read Moreലുക്കൗട്ട് നോട്ടീസുമായി എന്ഐഎ; വിവരം നല്കുന്നവര്ക്ക് പാരിതോഷികവും
കൊച്ചി: വിവിധ കേസുകളില് പ്രതികളായ, കേരളത്തിലെ പോപ്പുലര് ഫ്രണ്ട് പ്രവര്ത്തകര്ക്കായി എന്ഐഎ ലുക്കൗട്ട് നോട്ടീസ് പുറത്തിറക്കി. വിവരം നല്കുന്നവര്ക്ക് പാരിതോഷികവും പ്രഖ്യാപിച്ചിട്ടുണ്ട്. തൊടുപുഴ ന്യൂമാന് കോളജ് അധ്യാപകനായിരുന്ന പ്രഫ. ടി.ജെ. ജോസഫിന്റെ കൈ വെട്ടിയ കേസിലെ മുഖ്യപ്രതി അശമന്നൂര് നൂലേലി മസ്ജിദിനുസമീപം മുടശേരി വീട്ടില് സവാദ്, പാലക്കാട്ടെ ശ്രീനിവാസന്റെ കൊലപാതകത്തില് പങ്കുണ്ടെന്ന് സംശയിക്കുന്ന അജ്ഞാതന്, വിവിധ ആക്രമണങ്ങള്ക്ക് ഗൂഢാലോചന നടത്തിയവര് എന്നിവര് പട്ടികയിലുണ്ട്. പാലക്കാട് പട്ടാമ്പി സ്വദേശി മുഹമ്മദ് മന്സൂര്, കൂറ്റനാട് സ്വദേശി ഷാഹുല് ഹമീദ്, ഒറ്റപ്പാലം സ്വദേശി മുഹമ്മദലി, എറണാകുളം ആലങ്ങാട് സ്വദേശി മുഹമ്മദ് യാസിര്, മലപ്പുറം കൊളത്തൂര് സ്വദേശി പി. ഷഫീക്, കുന്നത്തുനാട് സ്വദേശി എം.എസ്. റഫീക്, പറവൂര് മുപ്പത്തടം സ്വദേശി പി.എ. അബ്ദുള് വഹാബ്, പട്ടാമ്പി സ്വദേശി കെ. അബ്ദുള് റഷീദ്, വൈപ്പിന് എടവനക്കാട് സ്വദേശി ടി.എ. ആയൂബ് എന്നിവര്ക്കെതിരേയും ലുക്കൗട്ട് നോട്ടീസുണ്ട്.…
Read Moreകരിമ്പിൻ ജ്യൂസ് യന്ത്രത്തിൽ കുടുങ്ങി ഗുരുതര പരിക്ക്; 16കാരന്റെ കൈ മുറിച്ചുനീക്കി
തലയോലപ്പറമ്പ്: കരിമ്പിൻ ജ്യൂസ് ഉണ്ടാക്കുന്ന യന്ത്രത്തിൽ കൈ കുടുങ്ങിയതിനെത്തുടർന്ന് 16കാരന്റെ ഇടതുകൈയ്ക്കു ഗുരുതര പരിക്ക്. തലയോലപ്പറമ്പ് പൊതി മേഴ്സി ആശുപത്രിയുടെ സമീപം കരിമ്പിൻ ജ്യൂസ് സ്റ്റാൾ നടത്തുന്ന ഉത്തർപ്രദേശ് സ്വദേശി മജേഷി(16) നാണ് ഇന്നലെ വൈകിട്ട് 5.30 ഓടെ അപകടത്തിൽ ഗുരുതരമായി പരിക്കേറ്റത്. നിലവിളി കേട്ട് ഓടിയെത്തിയ സമീപത്തെ ഓട്ടോ ഡ്രൈവർമാർ മേഴ്സി ആശുപത്രിയിലെത്തിച്ചു പ്രഥമ ശുശ്രൂഷ നൽകി. വിവരമറിഞ്ഞു സ്ഥലത്തെത്തിയ പഞ്ചായത്ത് അംഗം സജിമോൻ വർഗീസ് വിദഗ്ധ ചികിത്സയ്ക്കായി മജേഷിനെ കോട്ടയം മെഡിക്കൽ കോളജിലെത്തിച്ചു. ഇടതുകൈയുടെ മുട്ടിനു താഴെ കൈപ്പത്തിയോടു ചേർന്ന ഭാഗത്തെ അസ്ഥികൾ തകരുകയും ഞരമ്പുകൾ മുറിഞ്ഞു വേർപെടുകയും ചെയ്തിരുന്നു. കൗമാരക്കാരന്റെ കൈ പരിശോധിച്ച ഡോക്ടർമാരുടെ സംഘം ഗുരുതരാവസ്ഥ കണക്കിലെടുത്ത് ഇടതുകൈ മുട്ടിനു മീതെ മുറിച്ചുനീക്കി. പത്തു ദിവസം മുമ്പാണു പിതാവ് മരണപ്പെട്ട മജേഷ് യുപിയിൽനിന്ന് പൊതിയിലെത്തിയത്.
Read More