തലശേരി: സിക്ക വൈറസ് ഭീതി വിട്ടൊഴിയും മുമ്പ് തലശേരിയിൽ വീണ്ടും അജ്ഞാത രോഗം. അലർജിക്ക് സമാനമായ ദേഹാസ്വാസ്ഥ്യത്തെ തുടർന്ന് 22 വിദ്യാർഥിനികൾ വിവിധ ആശുപത്രികളിൽ ചികിത്സ തേടി. ഇതിൽ 15 വിദ്യാർഥിനികളുടെ രക്ത-സ്രവ സാമ്പിളുകൾ ശേഖരിച്ച് പരിശോധനയ്ക്ക് അയച്ചു. തലശേരി ഗവ.ഗേൾസ് ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിനികൾക്കാണ് ദേഹമാസകലം ചൊറിച്ചിലും വേദനയും അനുഭപ്പെട്ടത്. സ്കൂളിന് ഇന്ന് അധികൃതർ അവധി നൽകി. ഇന്നലെ പകൽ സമയങ്ങളിൽ അസ്വസ്ഥത നേരിട്ട 20 വിദ്യാർഥിനികളെ അധ്യാപകരാണ് വിവിധ ആശുപത്രികളിൽ എത്തിച്ചത്. രണ്ട് കുട്ടികളെ രാത്രി രക്ഷിതാക്കളും ആശുപത്രിയിലെത്തിച്ചു. പരിയാരം മെഡിക്കൽ കോളജിൽ അഞ്ച് വിദ്യാർഥിനികളും ജനറൽ ആശുപത്രിയിലും നഗരത്തിലെ രണ്ട് സഹകരണ ആശുപത്രികളിലുമായി പന്ത്രണ്ട് വിദ്യാർഥിനികളുമാണ് ഇപ്പോൾ ചികിത്സയിലുള്ളത്. ആരോഗ്യ വിഭാഗം ഇന്നലെ തന്നെ സ്കൂളിൽ എത്തി പരിശോധന നടത്തി. കൊതുക് നശീകരണ പ്രവൃത്തികൾക്ക് തുടക്കം കുറിക്കുകയും ചെയ്തു.…
Read MoreCategory: Edition News
പത്താം ക്ലാസുകാരിയെ അയൽവാസിയായ 15കാരൻ വീട്ടിൽക്കയറി കത്തിക്കു കുത്തി; അന്വേഷണം തുടങ്ങി പോലീസ്
വൈപ്പിൻ: പത്താം ക്ലാസു കാരിയെ അയൽവാസിയായ 15 കാരൻ വീട്ടിൽ കയറി കത്തിക്ക് കുത്തി. നെറ്റിയിൽ കുത്തേറ്റ പെൺകുട്ടിയെ ഞാറക്കലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാത്രി ഏഴോടെ ഞാറക്കൽ പോലീസ് സ്റ്റേഷനു പടിഞ്ഞാറാണ് സംഭവം. പരിക്ക് ഗുരുതരമല്ല. വിവരമറിഞ്ഞ് സംഭവ സ്ഥലത്ത് എത്തിയ ഞാറക്കൽ പോലീസ് കുത്തിയ 15 വയസുള്ള പത്താം ക്ലാസുകാരനെ കാക്കനാട്ടെ ചിൽഡ്രൻ ഹോമിലേക്ക് മാറ്റി. ഇന്ന് ജുവനൈൽ കോടതിയിൽ ഹാജരക്കുമെന്നാണ് അറിവ് . കുത്തിയതിന് പിന്നിൽ പ്രത്യേകിച്ച് കാരണങ്ങൾ ഒന്നുമില്ലെന്നാണ് പോലീസ് പറയുന്നത്. അതേ സമയം ലഹരിക്ക് അടിമപ്പെട്ടാണോ കത്തിക്ക് കുത്തിയതെന്ന സംശയം പോലീസിനുണ്ട്. ഇത് സംബന്ധിച്ച് പോലീസ് കൂടുതൽ അന്വേഷിക്കും.
Read Moreകളമശേരി ബോംബ് സ്ഫോടനക്കേസ്; ഡൊമിനിക് മാര്ട്ടിനുമായുളള തെളിവെടുപ്പ് തുടരുന്നു
കൊച്ചി: നാലുപേരുടെ മരണത്തിന് ഇടയാക്കിയ കളമശേരി ബോംബ് സ്ഫോടനക്കേസിലെ പ്രതി ഡൊമിനിക് മാര്ട്ടിനുമായി അന്വേഷണ സംഘത്തിന്റെ തെളിവെടുപ്പ് തുടരുന്നു. ബോംബ് സ്ഫോടനത്തിന് ആവശ്യമായ സാധനങ്ങള് വാങ്ങിയ പാലാരിവട്ടത്തിലെ കടയിലാണ് ഇന്ന് രാവിലെ തെളിവെടുപ്പ് നടക്കുന്നത്. ഇതിനുശേഷം ഇയാളുടെ തമ്മനത്തെ വീട്ടില് തെളിവെടുപ്പ് ഉണ്ടാകും. അന്വേഷണോദ്യോഗസ്ഥന് ഡിസിപി എസ്. ശശിധരന്റെ നേതൃത്വത്തിലുള്ള പോലീസ് സംഘമാണ് തെളിവെടുപ്പ് നടത്തുന്നത്. സ്ഫോടനത്തിന് ആവശ്യമായ ഗുണ്ടുകള് വാങ്ങിയ തൃപ്പൂണിത്തുറയിലെ പടക്കക്കടയില് അന്വേഷണസംഘം പ്രതിയുമായി ഇന്നലെ തെളിവെടുപ്പ് നടത്തിയിരുന്നു. 50 ഗുണ്ടുകള് ഇവിടെ നിന്ന് വാങ്ങിയതായി പ്രതി സമ്മതിച്ചു. വരും ദിവസങ്ങളില് പെട്രോള് വാങ്ങിയ പമ്പ്, സ്ഫോടനത്തിനുശേഷം ഫേസ്ബുക്ക് ലൈവിനായി ചെലവഴിച്ച കൊരട്ടിയിലെ ഹോട്ടല്, കീഴടങ്ങാനെത്തിയ കൊടകര പോലീസ് സ്റ്റേഷന് എന്നിവിടങ്ങളിലും പ്രതിയുമായി തെളിവെടുപ്പ് നടത്തും. സ്ഫോടനം നടന്ന കളമശേരിയിലെ സാമ്ര കണ്വന്ഷന് സെന്ററില് കഴിഞ്ഞ ദിവസം തെളിവെടുപ്പ് നടത്തിയിരുന്നു.
Read Moreസാമ്പത്തിക പ്രതിസന്ധി; ചെലവു ചുരുക്കാന് ആവശ്യപ്പെട്ട് ധനവകുപ്പ്
സീമ മോഹന്ലാല്കൊച്ചി: സംസ്ഥാനത്ത് സാമ്പത്തിക പ്രതിസന്ധി രൂക്ഷമായതോടെ ചെലവ് ചുരുക്കണമെന്ന് വിവിധ വകുപ്പുകളോട് ആവശ്യപ്പെട്ട് ധനകാര്യവകുപ്പിന്റെ ഉത്തരവ്. സര്ക്കാര് കെട്ടിടങ്ങളുടെ മോടി പിടിപ്പിക്കല്, സര്ക്കാര് സ്ഥാപനങ്ങളിലും ഓഫീസുകളിലും ഫര്ണിച്ചര് വാങ്ങല്, വാഹനങ്ങള് വാങ്ങല് എന്നിവയ്ക്കാണ് ഒരു വര്ഷത്തേക്ക് നിയന്ത്രണം ഏര്പ്പെടുത്തിക്കൊണ്ട് ധനകാര്യവകുപ്പ് കഴിഞ്ഞ ദിവസം ഉത്തരവിറക്കിയത്. നിലവിലെ സ്ഥിതിയില് ചെലവുകള് നിയന്ത്രിക്കേണ്ടത് അനിവാര്യമാണെന്നാണ് ധനകാര്യവകുപ്പിന്റെ കണ്ടെത്തല്. ധനകാര്യ പ്രിന്സിപ്പല് സെക്രട്ടറി രബീന്ദ്രകുമാര് അഗര്വാളാണ് ഉത്തരവിറക്കിയത്. ഒരു വര്ഷത്തേക്കാണ് നിയന്ത്രണം ഏര്പ്പെടുത്തിയിരിക്കുന്നത്. അടുത്ത നവംബര് വരെ നിയന്ത്രണം തുടരും.കോവിഡ് കാലത്ത് 2020 നവംബറില് ആദ്യമായി നിയന്ത്രണം ഏര്പ്പെടുത്തിയിരുന്നു. കഴിഞ്ഞ രണ്ടു വര്ഷങ്ങളിലും നിയന്ത്രണത്തിന്റെ കാലാവധി നീട്ടിയിരുന്നു. പിഎസ്സി, ഹൈക്കോടതി, സര്വകലാശാലകള്, കേരള ലോകായുക്ത എന്നിവയ്ക്കും സാമ്പത്തിക നിയന്ത്രണം ബാധകമാണ്. പൊതുമേഖലാ സ്ഥാപനങ്ങളും കമ്മീഷനുകള് അടക്കമുള്ള സ്ഥാപനങ്ങളും ഉത്തരവിന്റെ പരിധിയില് വരുന്നു.
Read Moreവല നെയ്യുന്നതിൽ തര്ക്കം; യുവാവിനെ ആയുധം ഉപയോഗിച്ച് ആക്രമിച്ച പ്രതി പിടിയില്
വലിയതുറ: ആയുധം ഉപയോഗിച്ച് യുവാവിനെ തലയ്ക്കടിച്ച് പരിക്കേല്പ്പിച്ചയാള് അറസ്റ്റിൽ. കൊച്ചുവേളി തൈവിളാകം സ്വദേശി ഷിബു (37) ആണ് അറസ്റ്റിലായത്. ഈ മാസം 8ന് ഉച്ചയകഴിഞ്ഞ് മൂന്നിന് വലിയതുറ സ്റ്റേഷന് പരിധിയിലെ കൊച്ചുവേളി കടപ്പുറത്തായിരുന്നു സംഭവം. കൊച്ചുവേളി സ്വദേശികളായ മോഹന്ദാസ്, ജോസ് എന്നിവരാണ് ആക്രമണത്തിന് ഇരയായത്. വല നെയ്യുന്നതുമായി ബന്ധപ്പെട്ട തര്ക്കമാണ് ആക്രമണത്തിന് കാരണം. പരാതിയെ തുടര്ന്ന് നടത്തിയ അന്വേഷണത്തില് വലിയതുറ സിഐയുടെ നേതൃത്വത്തിലുള്ള സംഘമാണ് പ്രതിയെ കസ്റ്റഡിയിലെടുത്തത്. അറസ്റ്റിലായ പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Read Moreസൗന്ദര്യവത്കരണം ബോർഡിൽ മാത്രം; കോടിമത നാലുവരിപ്പാതാ മീഡിയൻ കാടുകയറിയ നിലയിൽ
കോട്ടയം: നാലുവരിപ്പാതയുടെ സൗന്ദര്യവത്കരണത്തിന് എത്തിയവർ ബോര്ഡ് വച്ചു മടങ്ങി. റോഡിലെ മീഡിയന് കാടായി യാത്രക്കാരുടെ കാഴ്ച മറയ്ക്കുന്നു. കോടിമത നാലുവരിപ്പാതയിലാണ് മീഡിയനിലെ സൗന്ദര്യവത്കരണം കാടായി മാറിയത്. നാലുവരിപ്പാതയിലെ മീഡിയനും ഡിവൈഡറും കാടുപിടിച്ച നിലയിലാണുള്ളത്. റോഡിന്റെ മധ്യഭാഗത്തായി നിര്മിച്ചിരിക്കുന്ന ഡിവൈഡറില് ഒരാള് പൊക്കത്തിലാണ് പുല്ല് വളർന്നത്.അലങ്കാരത്തിനായി വച്ചുപിടിപ്പിച്ച ചെടികള് നശിച്ചു. പകരം പുല്ലാണ് തഴച്ചുവളരുന്നത്. ഡിവൈഡറില് ഉടനീളം ഇത്തരത്തില് കാടു പടര്ന്നുനില്ക്കുകയാണ്. അര കിലോമീറ്റര് നീളവും നാല് മീറ്റര് വീതിയുമുള്ള മീഡിയനില് പൂന്തോട്ടം ഒരുക്കുക എന്ന ലക്ഷ്യത്തോടെയാണ് സന്നദ്ധസംഘടന വിവിധ തരത്തിലുള്ള ചെടികള് നട്ടുപ്പിടിപ്പിച്ചത്. റോട്ടറി മീഡിയന് എന്ന പേരിലായിരുന്നു പദ്ധതി. നടത്തിപ്പുകാര് പരിസ്ഥിതി ദിനത്തില് ബോര്ഡ് വച്ചുമടങ്ങിയതല്ലാതെ ചെടികളുടെ തുടര്പരിപാലനം നടത്തിയില്ല. നാല് ലക്ഷം രൂപ ചെലവഴിച്ചായിരുന്നു നവീകരണം. ഒരു ലൈനില്നിന്ന് മറുവശത്തേയ്ക്കുകയറാന് ഡിവൈഡറിന്റെ മധ്യഭാഗത്തായി രണ്ട് ഇടനാഴികള് നിര്മിച്ചിട്ടുണ്ട്. ഇടനാഴിവഴി വാഹനങ്ങള് കടക്കുമ്പോള് എതിര്ദിശയില്നിന്നു വരുന്ന…
Read Moreഅമ്മത്തൊട്ടിൽ പ്രവർത്തനരഹിതം; ഒന്നരവർഷമായിട്ടും അധികൃതർക്ക് അറിഞ്ഞമട്ടില്ല; ജില്ലയിൽ ഇതുവരെ ലഭിച്ചത് 25 കുഞ്ഞുങ്ങൾ
കോട്ടയം: ജില്ലാ ജനറൽ ആശുപത്രിയിലെ അമ്മത്തൊട്ടിൽ പ്രവർത്തനരഹിതമായിട്ട് ഒരു വർഷം പിന്നിടുന്നു. അധികൃതർ അറിഞ്ഞമട്ടുകാണിക്കുന്നില്ല. പ്രവർത്തനരഹിതമെന്ന് നോട്ടീസ് ഒട്ടിക്കുക മാത്രമാണ് അധികൃതർ ചെയ്തിരിക്കുന്നത്. സെൻസർ പ്രവർത്തിക്കാത്തതുമൂലമാണ് അമ്മത്തൊട്ടിൽ നിലച്ചത്. അലാറവും തകരാറിലാണ്. കാഷ്വാലിറ്റിയോടുചേർന്നാണ് അമ്മത്തൊട്ടിൽ സ്ഥാപിച്ചിട്ടുള്ളത്. കുഞ്ഞിനെ തൊട്ടിലിൽ കിടത്താൻ പടിക്കെട്ടിൽ കയറിനിൽക്കുമ്പോൾ സെൻസർ പ്രവർത്തിക്കുകയും അലാറം അടിക്കുകയുമാണ് ചെയ്യുക. അമ്മത്തൊട്ടിൽ പ്രവർത്തനരഹിതമായതിനാൽ കുഞ്ഞിനെ പടിക്കെട്ടിൽ ഉപേക്ഷിച്ചുപോയ സംഭവവും ഉണ്ടായിട്ടുണ്ട്.ഇടക്കിടെ സെൻസർ പ്രവർത്തനരഹിതമാവാറുണ്ട്. അപ്പോഴെല്ലാം ഇതിന്റെ ചുമതല നിർവഹിക്കുന്ന ശിശുക്ഷേമസമിതി തിരുവനന്തപുരത്തെ ഓഫിസിലറിയിച്ച് അവിടെനിന്ന് ആളെത്തി നന്നാക്കുകയായിരുന്നു പതിവ്. 2009ൽ സ്ഥാപിച്ച അമ്മത്തൊട്ടിലിൽ ഇതുവരെ 25 കുഞ്ഞുങ്ങളെ ലഭിച്ചിട്ടുണ്ട്. കഴിഞ്ഞവർഷം ജൂണിലാണ് അവസാനമായി കുഞ്ഞിനെ കിട്ടിയത്. എല്ലാ ജില്ലകളിലും പഴയ അമ്മത്തൊട്ടിൽ മാറ്റി ആധുനിക സാങ്കേതികവിദ്യകളോടെയുള്ളവ സ്ഥാപിക്കാൻ സർക്കാർ തീരുമാനിച്ചിട്ടുണ്ട്. ഇതോടെ ഇടക്കിടെയുള്ള തകരാറ് ഒഴിവാകുമെന്നാണു പ്രതീക്ഷ.
Read Moreഓൺലെെൻ തട്ടിപ്പ്;മെഡിക്കൽ വിദ്യാർഥിക്ക് പണം നഷ്ടമായി
അമ്പലപ്പുഴ: ഓൺലൈൻ തട്ടിപ്പിലൂടെ അമ്പലപ്പുഴ കാക്കാഴം സ്വദേശിയുടെ പണം നഷ്ടമായി. അമ്പലപ്പുഴ പോലീസ് അന്വേഷണം ആരംഭിച്ചു. കഴിഞ്ഞ 31 നാണ് കേസിനാസ്പദമായ സംഭവം. കാക്കാഴം സ്വദേശിയായ മെഡിക്കൽ വിദ്യാർഥിയാണ് തട്ടിപ്പിനിരയായത്. വാട്ട്സാപ്പിൽ സന്ദേശം വന്നതിനെത്തുടർന്ന് ബി-ക്ലസ്റ്റർ 2205 എന്ന ടെലഗ്രാം ലിങ്കിൽ ജോയിൻ ചെയ്യുകയായിരുന്നു. വിവിധ കമ്പനികളയും ഹോട്ടലുകളെയും റിവ്യൂ ചെയ്യണമെന്നും 22 എണ്ണം ഇത്തരത്തിൽ ചെയ്യണമെന്നും ഇതിൽ നാലെണ്ണം സൗജന്യമായും അഞ്ചാമത്തേതിന് ആയിരം രൂപ നൽകണമെന്നും ആവശ്യപ്പെട്ടതു പ്രകാരം വിദ്യാർഥി പണം നൽകി. പിന്നീട് ഇത്തരത്തിൽ 33,000 രൂപ തട്ടിയെടുക്കുകയായിരുന്നു. തുടർന്ന് കൂടുതൽ തുക ആവശ്യപ്പെടുകയും അത് നൽകിയില്ലെങ്കിൽ നേരത്ത അടച്ച പണം നഷ്ടമാകുമെന്ന് തട്ടിപ്പ് സംഘം അറിയിച്ചതോടെയാണ് വിദ്യാർഥി കബളിപ്പിക്കപ്പെട്ട വിവരം അറിയുന്നത് തുടർന്നാണ് അമ്പലപ്പുഴ പോലീസിൽ പരാതി നൽകുന്നത്. ജാർഖണ്ഡ്, റായ്പുർ, ഗുജറാത്ത്, അഹമ്മദാബാദ് തുടങ്ങിയ സംസ്ഥാനങ്ങളിലെ അക്കൗണ്ടു കളിലേക്കാണ് പണം പോയതെന്ന്…
Read Moreസർക്കാരിനു പണമില്ല; മെഡിക്കൽ കോളജിൽ സൗജന്യ ചികിത്സ അവതാളത്തിൽ; നിർധന രോഗികളുടെ ശസ്ത്രക്രിയകൾ മുടങ്ങുന്നു
കോട്ടയം: മെഡിക്കൽ കോളജിൽ ശസ്ത്രക്രിയകൾക്കു വിധേയമാകുന്ന രോഗികൾക്കു സൗജന്യചികിത്സ ലഭിക്കുന്നില്ലെന്ന പരാതി വ്യാപകമാകുന്നു. സൗജന്യ ചികിത്സാപദ്ധതികൾക്കായി സർക്കാർ ഫണ്ട് ലഭിക്കാത്തതിനാൽ ശസ്ത്രക്രിയകൾ വരെ മുടങ്ങുന്ന സാഹചര്യം പതിവായിരിക്കുകയാണ്. ഉപകരണങ്ങളും മരുന്നുകളും രോഗികളുടെ ബന്ധുക്കളാണ് ഇപ്പോൾ ലഭ്യമാക്കുന്നത്. ന്യൂറോ സർജറി, ജനറൽ സർജറി, അസ്ഥിരോഗം തുടങ്ങിയ വിഭാഗങ്ങളിൽ ചികിത്സയിൽ കഴിയുന്ന നിർധനരായ രോഗികൾ ഇതുമൂലം വലയുകയാണ്. ശസ്ത്രക്രിയ അനുബന്ധ ഉപകരണങ്ങൾ നൽകിയ ഇനത്തിൽ 113 കോടി രൂപയാണ് വിവിധ സ്വകാര്യ സ്ഥാപനങ്ങൾക്ക് മെഡിക്കൽ കോളജ് നൽകാനുള്ളത്. ഇതു നൽകാത്തതിനാൽ സ്വകാര്യ സ്ഥാപനങ്ങൾ ഉപകരണങ്ങൾ നൽകുന്നതു നിർത്തി. സർക്കാരിൽനിന്ന് ഫണ്ട് ലഭിക്കുന്നതനുസരിച്ച് പണം നൽകാമെന്ന് അധികൃതർ പറയുന്നുണ്ടെങ്കിലും കന്പനികൾ ഉപകരണങ്ങൾ നൽകാൻ തയാറാകുന്നില്ല. കഴിഞ്ഞ ദിവസം മരത്തിൽനിന്നു വീണു പരിക്കേറ്റ മട്ടാഞ്ചേരി സ്വദേശിക്ക് അടിയന്തിര ശസ്ത്രക്രിയ ആവശ്യമായി വന്നു. ശസ്ത്രക്രിയ അനുബന്ധ ഉപകരണങ്ങൾ സൗജന്യമായി വാങ്ങാൻ ബന്ധപ്പെട്ട വിഭാഗത്തെ ബന്ധുക്കൾ…
Read Moreദുബായിൽ പോകണം; സിപിഎം അനുകൂല വിഭാഗം സംഘടിപ്പിക്കുന്ന പരിപായിയിൽ കുഞ്ഞാലിക്കുട്ടി പങ്കെടുക്കില്ല
കണ്ണൂർ: സിപിഎം അനുകൂല വിഭാഗം സംഘടിപ്പിക്കുന്ന എം.വി. രാഘവൻ ദിനാചരണത്തിന്റെ ഭാഗമായുള്ള അനുസ്മരണ സെമിനാറിൽ മുസ് ലിം ലീഗ് നേതാവ് പി.കെ. കുഞ്ഞാലിക്കുട്ടി പങ്കെടുക്കില്ല. ദുബായിൽ മറ്റൊരു പരിപാടിയുണ്ടായതിനാൽ പങ്കെടുക്കാനാകില്ലെന്നാണ് വിശദീകരണം. കണ്ണൂർ ചേംബർ ഹാളിൽ എം.വി.ആർ. മെമ്മോറിയൽ ചാരിറ്റബിൾ ട്രസ്റ്റ് ഇന്ന് സംഘടിപ്പിക്കുന്ന എം.വി.ആർ. ദിനാചരണത്തിന്റെ സെമിനാറിൽ പി.കെ. കുഞ്ഞാലിക്കുട്ടി പങ്കെടുക്കുമെന്നു സംഘാടകർ നേരത്തെ അറിയിച്ചിരുന്നു. യുഡിഎഫിൽ ഇത് വിവാദമായിരുന്നു.സിപിഎം പരിപാടിയിൽ കുഞ്ഞാലിക്കുട്ടി പങ്കെടുക്കുന്നതിൽ യുഡിഎഫ് ഘടകക്ഷിയായ സിഎംപി അതൃപ്തി അറിച്ചതായാണ് വിവരം. ഇതേതുടർന്ന് വിവാദങ്ങളിലേക്ക് പോകേണ്ടെന്ന തീരുമാനത്തിലാണ് പരിപാടിയിൽ നിന്ന് പിൻമാറിയതെന്നാണ് സൂചന. സിപിഎം സംഘടിപ്പിക്കുന്ന പലസ്തീൻ ഐക്യദാർഢ്യ പരിപാടിയിൽ ലീഗിനെ ക്ഷണിച്ചത് യുഡിഎഫിൽ ഏറെ ചർച്ചയായിരുന്നു. കേരള നിർമിതിയിൽ സഹകരണ മേഖലയുടെ പങ്ക് എന്ന വിഷയത്തിൽ ഇന്നു നടക്കുന്ന സെമിനാർ മന്ത്രി വി.എൻ. വാസവൻ ആണ് ഉദ്ഘാടനം ചെയ്യുന്നത്. യുഡിഎഫ് ഘടകക്ഷിയായ സിഎംപി…
Read More