കണ്ണൂർ: എം.വി.ആറിന്റെ അനുസ്മരണ സമ്മേളനത്തിന്റെ ഭാഗമായി നടക്കുന്ന സെമിനാറിൽ കുഞ്ഞാലിക്കുട്ടി പങ്കെടുക്കാത്തത് അവരോട് ചോദിക്കണമെന്ന് മന്ത്രി വി.എൻ.വാസവൻ. ഇക്കാര്യത്തിൽ ഞാൻ എന്തു പ്രതികരിക്കാനാണ്. ഇതിൽ രാഷ്ട്രീയമൊന്നുമില്ലെന്നാണ് കരുതുന്നത്. ലീഗിന്റെ ഒരു ഉന്നത നേതാവ് ഞങ്ങളെ സിപിഎം പലസ്തീൻ ഐക്യദാർഡ്യ സെമിനാറിൽ പങ്കെടുക്കാൻ ക്ഷണിച്ചാൽ പങ്കെടുക്കുമെന്ന് പറഞ്ഞു, ഞങ്ങൾ ക്ഷണിക്കുകയും ചെയ്തു. പങ്കെടുക്കാത്തതിന് അവർ ചില സാങ്കേതിക കാരണങ്ങളും പറഞ്ഞു. തിരുവനന്തപുരത്ത് ഞങ്ങൾ നടത്തിയ സെമിനാറിൽ ലീഗും പ്രതിപക്ഷ നേതാവ് വി.ഡി സതീശനുമൊക്കെ പങ്കെടുത്തിട്ടുണ്ട്. കോൺഗ്രസിലെ ചില നേതാക്കൾ മുസ് ലിം ലീഗിനെ ഭയക്കുകയാണ്. ശശിതരൂരിനെ മുസ് ലിം ലീഗ് റാലിയിൽ പങ്കെടുക്കാൻ ക്ഷണിച്ചതിന് സുധാകരനും സതീശനുമാണ് ഭയന്നത്. ഞങ്ങൾ എന്തിനാണ് മുസ് ലിം ലീഗിനെ ഭയക്കുന്നതെന്നും മന്ത്രി വി.എൻ വാസവൻ ചോദിച്ചു. ലീഗില്ലെങ്കിൽ യുഡിഎഫില്ല, അതാണ് കോൺഗ്രസ് ഭയക്കുന്നതിന് കാരണമെന്നും വി.എൻ. വാസവൻ പറഞ്ഞു.
Read MoreCategory: Edition News
കേരളവര്മയിലെ തെരഞ്ഞെടുപ്പ്; ശ്രീക്കുട്ടന് നല്കിയ ഹര്ജി ഹൈക്കോടതി വീണ്ടും പരിഗണിക്കും
കൊച്ചി: തൃശൂര് കേരളവര്മ കോളജിലെ യൂണിയന് തെരഞ്ഞെടുപ്പ് റദ്ദാക്കണമെന്നാവശ്യപ്പെട്ട് കെഎസ്യു ചെയര്മാന് സ്ഥാനാര്ഥി ശ്രീക്കുട്ടന് നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും. കേസില് തെരഞ്ഞെടുപ്പുമായി ബന്ധപ്പെട്ട രേഖകള് ഹാജരാക്കാന് റിട്ടേണിംഗ് ഓഫീസര്ക്ക് കോടതി നിര്ദ്ദേശം നല്കിയിട്ടുണ്ട്. ചെയര്മാന് സ്ഥാനത്തേക്ക് ആകെ എത്രവോട്ട് പോള് ചെയ്തു എന്നതില് വ്യക്തതയില്ലാതെ കേസില് ഉത്തരവിറക്കാനാകില്ലെന്നാണ് കോടതി വ്യക്തമാക്കിയത്. എസ്എഫ്ഐ സ്ഥാനാര്ഥി ചെയര്മാനായി ചുമതലയേല്ക്കുന്നത് തടയാന് നേരത്തെ വിസമ്മതിച്ച കോടതി ചുമതല താല്ക്കാലികവും അന്തിമ വിധിയ്ക്ക് വിധേയവുമായിരിക്കുമെന്നും വ്യക്തമാക്കിയിട്ടുണ്ട്. വോട്ടെണ്ണിയപ്പോള് ആദ്യം ഒരു വോട്ടിന് തന്നെയാണ് വിജയിയായി പ്രഖ്യാപിച്ചത്. എന്നാല് റീ കൗണ്ടിംഗ് നടത്തി എസ്എഫ്ഐയെ വിജയിയാക്കിയെന്നും റീ കൗണ്ടിംഗില് മാനേജറുടെ ഇടപെടല് ഉണ്ടായതെന്നും ഹര്ജിക്കാരന് ആരോപിച്ചിരുന്നു.
Read Moreമാവോയിസ്റ്റുകൾ കണ്ണൂർ മേഖലയിലേക്ക്? വനമേഖലയിൽ തെരച്ചിൽ ശക്തം
ഇരിട്ടി: വയനാട്ടിലെ പേരിയയിൽ ഏറ്റ അപ്രതീക്ഷിത പരാജയത്തോടെ മാവോയിസ്റ്റുകളിലെ അവശേഷിക്കുന്ന പ്രവർത്തകർ വയനാട് വനമേഖല വിട്ട് കണ്ണൂർ ജില്ലയുടെ കേളകം, ആറളം, അയ്യൻകുന്ന് വനമേഖലയിലേക്ക് മാറിയതായി ലഭിച്ച സൂചനകളുടെ അടിസ്ഥാനത്തിൽ ജില്ലയിലെ എല്ലാ മേഖലകളിലും പോലീസ് നിരീക്ഷണം ശക്തമാക്കി. പ്രത്യേക വാഹനം സഹിതം തണ്ടർബോൾട്ട് അംഗങ്ങൾ കാടുകയറിയുള്ള പരിശോധനകൾ നടത്തിക്കൊണ്ടിരിക്കുകയാണ്. സാധാരണയായി യുദ്ധമുഖത്ത് ഉപയോഗിക്കുന്ന തരത്തിലുള്ള ബുള്ളറ്റ് പ്രൂഫ് വാഹനമാണ് കരിക്കോട്ടക്കരിയിൽ എത്തിയിരിക്കുന്നത്. വളരെ ദുർഘടം പിടിച്ച വഴികളിലൂടെ സഞ്ചരിക്കാന് കഴിയുന്ന വാഹനത്തിൽ ഇരുന്നുതന്നെ ശത്രുക്കൾക്കുനേരെ നിറയൊഴിക്കാൻ കഴിയും. ഏറ്റുമുട്ടലുകളിൽ മാവോയിസ്റ്റുകൾക്ക് നഷ്ടമായത് എട്ടു പേരെകഴിഞ്ഞ എട്ട് വർഷങ്ങളായി പോലീസുമായി നടന്ന ഏറ്റുമുട്ടലുകളിൽ മാവോയിസ്റ്റുകൾക്ക് നഷ്ടമായത് എട്ട് കമാൻഡർമാരെയാണ്. പാലക്കാടേ നാല് പേരും നിലമ്പൂരിൽ രണ്ടും പടിഞ്ഞാറത്തറയിലും വൈത്തിരിയിലുമായി ഒരോ കേഡർമാരെയുമാണ് മാവോയിസ്റ്റുകൾക്ക് നഷ്ടമായിരിക്കുന്നത്. പൊതുവിൽ ഫോൺ സംവിധാനങ്ങൾ ഉപയോഗിക്കാത്ത മാവോയിസ്റ്റുകളുടെ മധ്യവർത്തി ആയി പ്രവർത്തിച്ചിരുന്ന തമിഴ്നാട്…
Read Moreകുടുംബ കലഹം ; ഭാര്യാ പിതാവിനെ യുവാവ് വെട്ടിക്കൊന്നു; വെട്ടേറ്റ ഭാര്യ ഗുരുതരാവസ്ഥയിൽ
നെടുങ്കണ്ടം: യുവാവിന്റെ വെട്ടേറ്റ് ഭാര്യാ പിതാവ് കൊല്ലപ്പെട്ടു. ആക്രമണത്തില് പരിക്കേറ്റ ഭാര്യയെ ഗുരുതര നിലയില് കോട്ടയം മെഡിക്കല് കോളജില് പ്രവേശിപ്പിച്ചു. നെടുങ്കണ്ടം കൗന്തിയിലാണ് നാടിനെ ഞെട്ടിച്ച സംഭവം. കൗന്തി പുതുപ്പറമ്പില് തോമസ് (ടോമി-70)ആണ് കൊല്ലപ്പെട്ടത്. സംഭവത്തില് ടോമിയുടെ മരുമകന് മാവടി സ്വദേശി ജോബിന് തോമസിനെ പോലീസ് കസ്റ്റഡിയിലെടുത്തു. ജോബിന്റെ ഭാര്യയും ടോമിയുടെ മകളുമായ ടിന്റുവാണ് ഗുരുതര പരിക്കേറ്റ് കോട്ടയം മെഡിക്കല് കോളജില് കഴിയുന്നത്. ഇന്നലെ അര്ധരാത്രിയ്ക്കു ശേഷമായിരുന്നു സംഭവം. കുടുംബ കലഹത്തെതുടര്ന്നാണ് കൊലപാതകമെന്നാണ് പോലീസ് സംശയിക്കുന്നത്. ബംഗളൂരുവില് കച്ചവടം ചെയ്തുവരുകയായിരുന്നു ജോബിന്. ഏറെ നാളായി ഭാര്യ ടിന്റുവുമായി ജോബിന് തര്ക്കത്തിലായിരുന്നു. ഇരുവരും അകന്നുകഴിയുകയായിരുന്നു.ബന്ധം വേര്പെടുത്തുന്നതുമായി ബന്ധപ്പെട്ട് കേസും നടന്നു വരുന്നുണ്ട്. ഇവര്ക്ക് രണ്ട് പെണ്മക്കളാണുള്ളത്. രാത്രി കൗന്തിയിലെ ടോമിയുടെ വീട്ടിലെത്തിയ ജോബിന് ഇവരുമായി വാക്കേറ്റമുണ്ടാകുകയും തുടര്ന്ന് കത്തിയുമായി ആക്രമിക്കുകയുമായിരുന്നു. പ്രതിയെ വിശദമായി ചോദ്യം ചെയ്തതിനു ശേഷം അറസ്റ്റ്…
Read Moreകടുത്തുരുത്തി ടൗണില് രാത്രിയില് യുവാക്കളുടെ അഴിഞ്ഞാട്ടം
കടുത്തുരുത്തി: ലഹരിക്കടിമപ്പെട്ട് കടുത്തുരുത്തി ടൗണില് രാത്രിയില് യുവാക്കളുടെ അഴിഞ്ഞാട്ടം. വടിവാള് ഉള്പ്പെടെയുള്ള മാരകായാധുങ്ങളുമായി ഏറ്റുമുട്ടിയ സംഘാംഗങ്ങളില്പ്പെട്ടവരെ നാട്ടുകാര് അറിയിച്ചതിനെത്തുടര്ന്ന് സ്ഥലത്തെത്തിയ പോലീസ് കസ്റ്റഡിയിലെടുത്തു. ഒടുവില് നിസാര വകുപ്പുകള് ചുമത്തി സ്റ്റേഷന് ജാമ്യത്തില് സംഘാംഗങ്ങളെ വിട്ടയച്ച പോലീസിന്റെ നടപടിയില് വ്യാപക പ്രതിക്ഷേധം. ഏഴുപേര്ക്കെതിരെ കേസെടുത്തിട്ടുണ്ടെന്നാണ് പോലീസ് പറഞ്ഞത്. തിങ്കളാഴ്ച്ച രാത്രി 9.30ഓടെ കടുത്തുരുത്തി സെന്ട്രല് ജംഗ്ഷനിലാണ് ഏറ്റുമുട്ടല് നടക്കുന്നത്. രണ്ട് സംഘത്തില്പ്പെട്ട യുവാക്കളാണ് പരസ്പരം ഏറ്റുമുട്ടിയത്. നാട്ടുകാര് പോലീസില് വിവരമറിയിച്ചു. പോലീസെത്തിയതോടെ സംഘത്തില്പെട്ട ചിലര് ഓടി രക്ഷപെട്ടു. ജീപ്പില്ലാത്തതിനാല് നടന്നാണ് പോലീസ് എത്തിയത്. തുടര്ന്ന് കെയ്യില് കിട്ടിയവരുമായി പോലീസ് മടങ്ങി. പെണ്കുട്ടിയെ കമന്റടിച്ചതുമായി ബന്ധപെട്ടുണ്ടായ തര്ക്കങ്ങളും ഇതിന്റെ തുടര്ച്ചയുമാണ് സംഘര്ഷത്തിലും പിന്നീട് മാരകായുധങ്ങള് ഉപയോഗിച്ചുള്ള ഏറ്റുമുട്ടലിലും കലാശിച്ചതെന്നാണ് സംഘത്തിലുണ്ടായിരുന്നവരുടെ സുഹൃത്തുക്കള് പറയുന്നത്.
Read Moreതിരുനക്കരയിലെ പൊളിക്കല് പകല് സമയത്ത്: പ്രതിഷേധം ശക്തം; നെറ്റ് കൊണ്ട് മറച്ചിട്ടും അതും കടന്ന് പൊടി
കോട്ടയം: തിരുനക്കര ബസ് സ്റ്റാൻഡ് ഷോപ്പിംഗ് കോംപ്ലക്സ് പകൽ പൊളിക്കുന്നതിനെതിരേ പ്രതിഷേധം ശക്തം. കരാർ വ്യവസ്ഥകൾ പൂർണമായും ലംഘിച്ചാണു കെട്ടിടം പൊളിക്കൽ നടക്കുന്നത്. നഗരസഭ ബലക്ഷയം എന്നുപറഞ്ഞു പൊളിച്ചുനീക്കുന്ന ബസ്സ്റ്റാൻഡ് കോംപ്ലക്സിലെ എ ബ്ലോക്കിലെ കൽപക ബിൽഡിംഗിന്റെ ഒന്നാം നിലയിൽ ജെസിബി കയറ്റിയാണ് പകൽ സമയം പൊളിക്കൽ നടക്കുന്നത്. എംസി റോഡിലൂടെ നൂറുകണക്കിന് ആളുകളും വാഹനങ്ങളും കടന്നുപോകുന്പോഴാണ് മാനദണ്ഡങ്ങൾ പാലിക്കാതെ ഒരു നെറ്റ് വലിച്ചുകെട്ടി പൊളിക്കൽ തകൃതിയായി നടക്കുന്നത്. നഗരസഭയും കന്പനിയുമായുള്ള കരാർ രാത്രിയിൽ മാത്രമേ പൊളിക്കാൻ പാടുള്ളൂവെന്നാണ്. എന്നാൽ ആദ്യത്തെ ഒരു ദിവസം ഒഴികെ ബാക്കിയെല്ലാ ദിവസവും മാനദണ്ഡം ലംഘിച്ച് പകൽസമയത്താണ് പൊളിക്കുന്നത്. ഇതുമൂലം പിരസരത്താകെ പൊടിപടലമാണ്. കഴിഞ്ഞ ദിവസം പൊളിക്കലുമായി ബന്ധപ്പെട്ട് തിരുനക്കര ഗാന്ധി സ്ക്വയർ-ക്ഷേത്രം റോഡ് മുന്നറിയിപ്പില്ലാതെ അടച്ചിരുന്നു. ഇതിനെതിരേ പ്രതിഷേധം ശക്തമായതിനെത്തുടർന്ന് ഭാഗികമായി ഗതാഗതം അനുവദിച്ചു. വാർഡ് കൗണ്സിലറെ പോലും അറിയിക്കാതെയാണ്…
Read Moreസര്ക്കാരിന്റെ നവകേരള സദസിന് ബദലായി സില്വര്ലൈന് വിരുദ്ധ ജനകീയ സദസ്
കോട്ടയം: മുഖ്യമന്ത്രിയും മന്ത്രിമാരും ചേര്ന്ന് നവകേരള സദസ് എന്ന പേരില് പൗരപ്രമുഖരെ വിളിച്ച് സംവാദം നടത്തുന്നതില് പ്രതിഷേധിച്ച് ജില്ലാ സില്വര്ലൈന് വിരുദ്ധ ജനകീയ സമിതി ജില്ലയില് സര്ക്കാര് നവകേരള സദസ് നടത്തുന്ന ഡിസംബര് 13ന് കോട്ടയം കളക്ടറേറ്റ് പടിക്കല് സില്വര് ലൈന് വിരുദ്ധ ജനകീയ സദസ് സംഘടിപ്പിക്കുമെന്ന് സമരസമിതി ജില്ലാ ചെയര്മാന് ബാബു കുട്ടന്ചിറ അറിയിച്ചു. കര്ഷകര്, കൂലി തൊഴിലാളികള്, ഓട്ടോ റിക്ഷാ തൊഴിലാളികള് തുടങ്ങി അവശത അനുഭവിക്കുന്ന ജനവിഭാഗങ്ങളുമായി സംവാദം സംഘടിപ്പിക്കും. സില്വര് ലൈന് പാത കടന്നുപോകുന്ന ചങ്ങനാശേരി, പുതുപ്പള്ളി, കോട്ടയം, ഏറ്റുമാനൂര്, കടുതുരുത്തി എന്നീ നിയോജക മണ്ഡലങ്ങളിലെ സമരസമിതി പ്രവര്ത്തകരാണ് ജനകീയ സദസില് പങ്കെടുക്കുന്നത്. ജനകീയ സദസ് മുന് പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും. ജില്ലാ ചെയര്മാന് ബാബു കുട്ടന്ചിറ അധ്യക്ഷത വഹിക്കും.
Read Moreകരുവന്നൂരിലെ സിപിഎം ഉപസമിതി റിപ്പോർട്ട് ഇഡി റെയ്ഡ് നടത്തി പിടിച്ചെടുക്കണമെന്ന് അനിൽ അക്കര
തൃശൂർ: ഉന്നത സിപിഎം നേതാവിന്റെ മൊഴിയുടെ അടിസ്ഥാനത്തിലാണ് തൃശൂർ സിപിഎം ജില്ലാ സെക്രട്ടറി എംഎം വർഗീസിനെ ഇഡി ചോദ്യം ചെയ്യാനൊരുങ്ങുന്നതെന്ന് കോണ്ഗ്രസ് നേതാവ് അനിൽ അക്കര. കരുവന്നൂർ വിഷയവുമായി ബന്ധപ്പെട്ട് സിപിഎം ഓഫീസിലുള്ള ഉപസമിതി റിപ്പോർട്ട് ഇഡി റെയ്ഡ് നടത്തി പിടിച്ചെടുക്കണമെന്നും അനിൽ അക്കര വാർത്താസമ്മേളനത്തിൽ ആവശ്യപ്പെട്ടു. അനധികൃത ലോണുകളുടെ വിവരം ഉപസമിതി റിപ്പോർട്ടിലുണ്ട്. രണ്ടു കുറിക്കന്പനികൾക്ക് ലോണ് ശുപാർശ ചെയ്തു. അതിന് കൈക്കൂലി വാങ്ങി. ഇതിൽ പങ്കില്ലെങ്കിൽ പാർട്ടി രേഖ ഹാജരാക്കാൻ ധൈര്യമുണ്ടോ എന്നും അനിൽ ചോദിച്ചു. ലൈഫ് മിഷൻ കോഴക്കേസിൽ പ്രതികളിൽ നിന്ന് സ്വത്ത് കണ്ടെത്തിയത് സ്വാഗതാർഹമാണെന്ന് അനിൽ അക്കര പ്രതികരിച്ചു. ശിവശങ്കരൻ ഉൾപ്പെടെയുള്ളവരിൽ നിന്ന് കണ്ടുകെട്ടിയത് മുഖ്യമന്ത്രിയിൽ നിന്ന് കണ്ടുകെട്ടിയതിന് തുല്യമാണെന്നും അനിൽ അക്കര കൂട്ടിച്ചേർത്തു.
Read Moreശബരിമല തീര്ഥാടനം: പത്തിന് കോട്ടയം റെയില്വേ സ്റ്റേഷനില് അവലോകനയോഗം
കോട്ടയം: ശബരിമല തീര്ഥാടനം, കോട്ടയം റെയില്വേ സ്റ്റേഷന് വികസനം, പുതിയ ട്രെയിനുകള് തുടങ്ങിയ ആവശ്യങ്ങള് ചര്ച്ച ചെയ്യുന്നതിനായി പത്തിന് കോട്ടയം റെയില്വേ സ്റ്റേഷനില് അവലോകന യോഗം ചേരും. തോമസ് ചാഴികാടന് എംപിയുടെ നിര്ദേശ പ്രകാരമാണ് യോഗം. തിരുവനന്തപുരം റെയില്വേ ഡിവിഷണല് മാനേജറും ഉന്നത ഉദ്യോഗസ്ഥരും യോഗത്തില് പങ്കെടുക്കും. കോട്ടയം റെയില്വേ സ്റ്റേഷനെയും മദര് തെരേസ റോഡിനെയും (റബ്ബര് ബോര്ഡ് ഹെഡ് ക്വാര്ട്ടേഴ്സ് ജംഗ്ഷന്) ബന്ധിപ്പിക്കുന്ന റോഡിന്റെ പുനര് നിര്മാണം അടക്കമുള്ള വിഷയങ്ങള് യോഗത്തില് ചര്ച്ച ചെയ്യും. ഡിവിഷണല്, സോണല്, റെയില്വേ ബോര്ഡ് തലത്തില് കത്തുകള് നല്കുകയും വിവിധ തലങ്ങളില് ചര്ച്ചകള് നടത്തിയെങ്കിലും റോഡ് തകര്ന്നിട്ട് 17 മാസം കഴിഞ്ഞിട്ടും പുനര് നിര്മാണ പ്രവൃത്തികൾ ആരംഭിച്ചിട്ടില്ല. ശബരിമല മണ്ഡല മകരവിളക്ക് കാലത്തു ഈ റോഡിന് വലിയ പ്രാധാന്യമുണ്ട്. സ്റ്റേഷനിലെ പാര്ക്കിംഗ് സൗകര്യങ്ങളുടെ അപര്യാപ്തതയും, ഒരു റോഡില് നിന്ന് മാത്രം…
Read Moreകുറുകെചാടിയ പൂച്ചയെ രക്ഷപ്പെടുത്താൻ കാർ വെട്ടിച്ചു; പിന്നെ കൂട്ടയിടി; അപകടത്തിൽപ്പെട്ടത് മൂന്ന് കാറുകൾ
മട്ടന്നൂർ: വാഹനത്തിന് കുറുകെ ചാടിയ പൂച്ചയെ രക്ഷപ്പെടുത്താൻ ശ്രമിച്ച കാർ നിയന്ത്രണം വിട്ടു മറ്റു രണ്ടു കാറുകളിൽ ഇടിച്ച് അപകടം. ഒരാൾക്ക് പരിക്ക്. ഇന്നലെ രാത്രി എട്ടോടെ ഉരുവച്ചാൽ പഴശി യിലായിരുന്നു അപകടം. കൂത്തുപറമ്പ് ഭാഗത്തേക്ക് പോകുകയായിരുന്ന ആൾട്ടോ കാറാണ് റോഡിന് കുറുകെ ചാടിയ പൂച്ചയെ രക്ഷപ്പെടുത്താനുള്ള ശ്രമത്തിൽ നിയന്ത്രണം വിട്ടു മട്ടന്നൂർ ഭാഗത്തേക്ക് പോവുകയായിരുന്ന ഇന്നോവ കാറിലും ആൾട്ടോ കാറിലും ഇടിച്ചത്. നിയന്ത്രണം വിട്ട കാർ ഡ്രൈവർ ചെമ്പേരി സ്വദേശി നിഖിൽ ഉരുവച്ചാൽ ഐഎംസി ആശുപത്രിയിൽ ചികിത്സ തേടി. ചെമ്പേരിയിൽ നിന്നും തലശേരിയിലേക്ക് പോവുകയായിരുന്ന കാറാണ് പൂച്ചയെ രക്ഷപ്പെടുത്താൻ വേണ്ടിയുള്ള ശ്രമത്തിൽ അപകടത്തിൽപെട്ടത്. മട്ടന്നൂർ പോലീസ് സ്ഥലത്തെത്തി വാഹനങ്ങൾ നീക്കി.
Read More