കോട്ടയം: പഞ്ചസാരയില്ല, പയറില്ല, പരിപ്പില്ല, ഉഴുന്നില്ല… ഇങ്ങനെ നീളുകയാണ് മാസങ്ങളായി സപ്ലൈകോയുടെ ഇല്ലായ്മയുടെ ലിസ്റ്റ്. സമൃദ്ധിയുടെ നല്ലകാലം ഇനിയെന്നുവരുമെന്ന് സപ്ലൈകോയ്ക്കുമറിയില്ല, ഭരിക്കുന്ന മന്ത്രിക്കുമറിയില്ല. എങ്കില് പിന്നെ ഔട്ട്ലെറ്റ് പൂട്ടിക്കൂടേയെന്ന ജനത്തിന്റെ ചോദ്യം ന്യായമാണ്. അവശ്യസാധനങ്ങള് അടുത്ത ദിവസം വരാനും വരാതിരിക്കാനും സാധ്യതയുണ്ടെന്നേ സപ്ലൈകോ ഔട്ട്ലെറ്റ്് ജീവനക്കാര്ക്ക് പറയാനാകൂ. അരിയും പയറും മുളകും മല്ലിയും ഉഴുന്നും പഞ്ചസാരയുമുള്പ്പെടെ 13 അവശ്യസാധനങ്ങള് സബ്സിഡിയില് വില്ക്കുന്ന ഔട്ട്ലെറ്റുകളേറെയും മൂന്നു മാസമായി കാലിയാണ്. ഒന്നോ രണ്ടോ ഇനങ്ങള് അവശേഷിക്കുന്നുണ്ടെങ്കില് പലതും പൂത്തതോ പുഴുത്തതോ ആയിരിക്കും. പലവ്യജ്ഞനങ്ങള് എത്തിച്ചിരുന്ന ഏജന്സികള്ക്ക് കോടികള് കുടിശികയുള്ളതിനാലാണ് ഔട്ട്ലെറ്റുകളിലേക്ക് സാധനങ്ങളുടെ സപ്ലൈ നിലച്ചത്. കടത്തില് മുങ്ങി പാപ്പരായ സംസ്ഥാന സര്ക്കാരിന് കുടിശിക വീട്ടാന് പണമില്ല. കരിഞ്ചന്തയില് കൊള്ളവില കൊടുത്ത് സാധനങ്ങള് വാങ്ങാനാണ് ജനങ്ങളുടെ വിധി. സപ്ലൈകോ ഔട്ട്ലെറ്റുകളില് സ്റ്റോക്കില്ലാത്തതിനാല് ജീവനക്കാര്ക്കും കാര്യമായ ജോലിയില്ല. പ്രതിസന്ധി രൂക്ഷമായതിനാല് സപ്ലൈകോ മൊബൈല്…
Read MoreCategory: Edition News
വനിതാ ടിടിഇക്കു നേരെ ലൈംഗിക അതിക്രമം; മധ്യവയസ്കൻ പിടിയിൽ
കോട്ടയം: ട്രെയിനിൽ വനിതാ ടിടിഇക്കു നേരെ മദ്യലഹരിയിൽ ലൈംഗിക അതിക്രമം കാട്ടിയ മധ്യവയസ്കൻ പിടിയിൽ. ഇന്ന് ഉച്ചക്ക് സെക്കന്തരാബാദ് തിരുവനന്തപുരം ശബരി എക്സ്പ്രസിലായിരുന്നു സംഭവം. ട്രെയിൻ ചിങ്ങവനം അടുക്കാറായപ്പോഴാണ് റിസർവേഷൻ കമ്പാർട്മെന്റിൽ ഡ്യൂട്ടിയിലുണ്ടായിരുന്ന ടിടിഇക്കുനേരെ ഇയാൾ അതിക്രമം നടത്തിയത്. ട്രെയിനിൽ ഡ്യൂട്ടിയിൽ ഉണ്ടായിരുന്ന സിവിൽ പോലീസ് ഓഫീസർ ഗോകുൽ തിലക് വിവരം അറിയിച്ചതിനെതുടർന്നു കോട്ടയം റെയിൽവേ പോലീസ് തിരുവല്ല റെയിൽവേ സ്റ്റേഷനിൽനിന്ന് പ്രതിയെ അറസ്റ്റ് ചെയ്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Read Moreവിവിധ ആവശ്യങ്ങൾ ഉന്നയിച്ച് നാളെ സ്വകാര്യ ബസ് സമരം
കോട്ടയം: സ്വകാര്യ ബസ് വ്യവസായത്തോട് സര്ക്കാരും ഗതാഗത മന്ത്രിയും കാട്ടുന്ന അവഗണയ്ക്കെതിരെയും ബസ് വ്യവസായം നേരിടുന്ന ഗുരുതര പ്രതിസന്ധികള്ക്ക് പരിഹാരം തേടിയും സ്വകാര്യ ബസുടമകൾ നാളെ സൂചനാ പണിമുടക്ക് നടത്തും. സംസ്ഥാന വ്യാപകമായി നാളെ സ്വകാര്യ ബസ് സര്വീസുകള് നിലയ്ക്കും. നിലവിലുള്ള സ്വകാര്യ ബസ് പെര്മിറ്റുകള് പുതുക്കി നല്കുക, വിദ്യാര്ഥികളുടെ യാത്രാ നിരക്ക് വര്ധിപ്പിക്കുക, ബസുകളില് കാമറ, സീറ്റ് ബെല്റ്റ് എന്നിവ ഘടിപ്പിക്കാന് സാവകാശം നല്കുക തുടങ്ങിയ ആവശ്യങ്ങളുന്നയിച്ചാണ് ബസുടമകള് സമരത്തിലേക്ക് നീങ്ങുന്നത്.
Read Moreമൂന്നാറിൽ ദൗത്യസംഘം നടപടി തുടരുന്നു; ടിസന് തച്ചങ്കരിയുടെ കൈയേറ്റം ഒഴിപ്പിച്ചു
രാജകുമാരി(ഇടുക്കി): ദൗത്യസേനയുടെ നേതൃത്വത്തില് ചിന്നക്കനാലില് കൈയേറ്റം ഒഴിപ്പിക്കല് നടപടി തുടരുന്നു. വന്കിട കൈയേറ്റങ്ങളാണ് ഒഴിപ്പിക്കുന്നത്. മുൻ ഡിജിപി ടോമിന് ജെ തച്ചങ്കരിയുടെ സഹോദരന് ടിസന് തച്ചങ്കരി കൈവശപ്പെടുത്തിയിരുന്ന ഭൂമിയാണ് ഇന്നു രാവിലെ ഒഴിപ്പിച്ചു തുടങ്ങിയത്. 7.07 ഏക്കര് ഭൂമിയാണ് ഏറ്റെടുക്കുക. ടിസന് തച്ചങ്കരിയുടെ ഉടമസ്ഥതയിലുള്ള മൂന്നാര് കാറ്ററിംഗ് കോളജിന്റെ ഹോസ്റ്റല് ഇരിക്കുന്ന കെട്ടിടവും ഇതോടൊപ്പം ഏറ്റെടുക്കും. ജില്ലയിലെ വന്കിട കൈയേറ്റങ്ങളില് ഒന്നാണിത്. ഇടുക്കി സബ് കളക്ടറുടെ നേതൃത്വത്തിലുള്ള സംഘമാണ് കൈയേറ്റം ഒഴിപ്പിക്കുന്നത്. റവന്യൂ സംഘത്തിന്റെ നേതൃത്വത്തില് ഭൂസംരക്ഷണസേനയുടെയും പോലീസിന്റെയും സഹായത്തോടെയാണ് പ്രദേശത്ത് ഒഴിപ്പിക്കല് നടപടി തുടരുന്നത്. ജനപ്രതിനിധികളെയും മാധ്യമങ്ങളെയും ഒഴിപ്പിക്കല് നടക്കുന്ന മേഖലയിലേക്ക് കടത്തി വിടുന്നില്ല. കഴിഞ്ഞ വ്യാഴാഴ്ച ചിന്നക്കനാലില് ടിജോ ആനിക്കത്തോട്ടം എന്ന വ്യക്തിയുടെ കൈവശം ഉണ്ടായിരുന്ന അഞ്ചര ഏക്കര് ഭൂമിയും ശനിയാഴ്ച ചിന്നക്കനാല് സിമന്റ് പാലത്ത് ഒറ്റപ്ലാക്കല് ജോസ് എന്നയാളുടെ കൈവശത്തിലിരുന്ന 2.20 ഏക്കര്…
Read Moreസംക്രാന്തിയില് ബസും ബൈക്കും കുട്ടിമുട്ടി; ഡ്രൈവര്മാർ തമ്മിൽ നടുറോഡില് കൂട്ടയടി
കോട്ടയം: എംസി റോഡില് സംക്രാന്തിയില് കെഎസ്ആര്ടിസി ബസും ബൈക്കും കൂട്ടിമുട്ടിയതിനെ ചൊല്ലി നടുറോഡില് കുട്ടയടി. കോട്ടയത്തുനിന്ന് ഏറ്റുമാനൂര് ഭാഗത്തേക്ക് പോകുകയായിരുന്ന ബൈക്കില് എതിര് ദിശയില് നിന്നത്തിയ കെഎസ്ആര്ടിസി ബസ് സംക്രാന്തി ജംഗ്ഷനില് വച്ച് ഇടിക്കുകയായിരുന്നു. ഇതേച്ചൊല്ലി ഡ്രൈവറും ബൈക്ക് യാത്രക്കാരനും തമ്മില് വാക്കേറ്റമുണ്ടായി. തുടര്ന്നു രണ്ടു പേരും തമ്മില് തര്ക്കം രൂക്ഷമായതോടെ ബൈക്ക് യാത്രക്കാരന് കെഎസ്ആര്ടിസി ഡ്രൈവറെ ഹെല്മറ്റ് കൊണ്ട് അടിക്കുകയായിരുന്നു. തുടര്ന്ന് റോഡിലേക്ക് ഇറങ്ങിയ ഡ്രൈവറും ബൈക്ക് യാത്രക്കാരനും തമ്മില് വീണ്ടും കൈയാങ്കളിയുണ്ടായി. ഇരുവരും തമ്മല് കൈയാങ്കളി രൂക്ഷമായതോടെ എംസി റോഡില് ഗതാഗതം തടസപ്പെട്ടു. തുടര്ന്ന് നാട്ടുകാരും ഓടിക്കൂടി. സ്ഥലത്തെത്തിയ ഗാന്ധിനഗര് പോലീസ് ഡ്രൈവറെയും ബൈക്ക് യാത്രികനെയും കസ്റ്റഡിയിലെടുത്തു.
Read Moreവള്ളത്തിൽനിന്നു തോട്ടിൽ വീണ വിദ്യാർഥിനിയുടെ മൃതദേഹം കണ്ടെത്തി
അയ്മനം: യാത്രാബോട്ടില് ഇടിച്ച് വള്ളത്തില്നിന്നു പെണ്ണാര്തോട്ടില് വീണ വിദ്യാര്ഥിനിയുടെ മൃതദേഹം കണ്ടെത്തി. അയ്മനം പഞ്ചായത്തിലെ കരീമഠം കോലടിച്ചിറ ബോട്ട് ജെട്ടിക്കു സമീപം ഇന്ന് രാവിലെ 8.30നായിരുന്നു സംഭവം. കുടുംബാംഗങ്ങള്ക്കൊപ്പം സ്കൂളിലേക്ക് പോകാനായി വള്ളത്തില് യാത്ര ചെയ്യുമ്പോഴാണ് അപകടം. വെച്ചുര് സെന്റ് മൈക്കിള് സ്കൂള് ഏഴാം ക്ലാസ് വിദ്യാര്ഥിനിയും വാഴപ്പറമ്പില് രതീഷ് -രേഷ്മ ദമ്പതികളുടെ മകളുമായ അനശ്വര (12) ആണ് വള്ളത്തില് നിന്ന് തെറിച്ച് തോട്ടില് വീണത്. വള്ളത്തില് ഉണ്ടായിരുന്ന വല്യച്ചനും മാതാവും ഇളയ കുട്ടിയും രക്ഷപ്പെട്ടു. ഫയര് ഫോഴ്സ് എത്തി നാട്ടുകാര്ക്കൊപ്പം നടത്തിയ തെരച്ചിലിലാണ് മൃതദേഹം കണ്ടെത്തിയത്.
Read Moreപോക്സോ കേസിൽ അറുപതുകാരനായ കണ്ടക്ടർ അറസ്റ്റിൽ; പരാതിക്കാർ സ്കൂൾ വിദ്യാർഥിനികൾ, കള്ളക്കേസെന്ന് ബസ് ജീവനക്കാർ
തലശേരി: അറുപതുകാരനായ ബസ് കണ്ടക്ടറെ പോക്സോ കേസിൽ അറസ്റ്റ് ചെയ്തത് കള്ളക്കേസിൽ കുടുക്കിയാണെന്നാരോപിച്ച് തലശേരി മേഖലയിൽ ബസ് ജീവനക്കാർ മിന്നൽ പണിമുടക്ക് തുടങ്ങി. പുലർച്ചെ തുടങ്ങിയ പണിമുടക്ക് ഉച്ചയോടെ ജില്ലയുടെ വിവിധ ഭാഗങ്ങളിലേക്ക് വ്യാപിച്ചു. തലശേരി-കൂത്തുപറമ്പ്, തലശേരി-കണ്ണൂർ, തലശേരി-വടകര, തലശേരി-പാനൂർ, തലശേരി-കരിയാട് എന്നീ റൂട്ടുകളിലാണ് പണിമുടക്ക് നടക്കുന്നത്. ചൊക്ലി പോലീസ് രജിസ്റ്റർ ചെയ്ത പോക്സോ വകുപ്പുകൾ ഉൾപ്പെടെയുള്ള കേസിലാണ് കണ്ണൂർ-കരിയാട് റൂട്ടിൽ സർവീസ് നടത്തുന്ന സീന ബസിലെ കണ്ടക്ടർ ചക്കരക്കൽ മൗവ്വഞ്ചേരിയിലെ സത്യാനന്ദനെ (60) അറസ്റ്റ് ചെയ്തത്. ഇന്നലെ ഉച്ചയ്ക്കാണ് ചൊക്ലി പോലീസ് ഇയാളെ പിടികൂടിയത്. ഇയാൾ റിമാൻഡിലാണ്. അപമര്യാദയായി പെരുമാറിയെന്ന സ്കൂൾ വിദ്യാർഥിനികളുടെ പരാതിയിലായിരുന്നു അറസ്റ്റ്. 10 സ്കൂൾ വിദ്യാർഥിനികളാണ് കണ്ടക്ടർ ദേഹത്ത് സ്പർശിച്ചതായി കാണിച്ച് സ്കൂൾ അധികൃതർക്ക് പരാതി നൽകിയത്. പരാതി സ്കൂൾ അധികൃതർ പോലീസിന് കൈമാറുകയായിരുന്നു. പരാതിക്കാരിൽ രണ്ട് പെൺകുട്ടികളുടെ മൊഴി രേഖപ്പെടുത്തിയ…
Read Moreഹൈറിച്ചിനെതിരെയുള്ള പരാതി; കേസ് രജിസ്റ്റര് ചെയ്യണമെന്ന് ഡിജിപി
പയ്യന്നൂര്: ഹൈറിച്ചിന്റെ പേരില് നിയമ വിരുദ്ധമായ സാമ്പത്തിക തട്ടിപ്പ് നടക്കുന്നതായുള്ള പരാതിയില് ഉടനടി കേസ് രജിസ്റ്റര് ചെയത് അന്വേഷണം നടത്തണമെന്ന് ഡിജിപിയുടെ ഉത്തരവ്. ഹൈറിച്ചിന്റെ പേരില് സാമ്പത്തിക തട്ടിപ്പ് നടക്കുന്നതായി വിവരാവകാശ പ്രവര്ത്തകനും പൊതു പ്രവര്ത്തകനുമായ കെ.പി. മുരളീധരന് നല്കിയ പരാതിയിലാണ് ഡിജിപിയുടെ ഉത്തരവ്. ഹൈറിച്ച് കമ്പനിയുടെ പ്രൊമോട്ടര്മാരായ ചിലരെ ഉള്പ്പെടുത്തി ഈ മാസം 13നാണ് കാഞ്ഞങ്ങാട് ഡിവൈഎസ്പിക്ക് പരാതി നല്കിയിരുന്നത്. ഇതോടൊപ്പം ഉന്നത പോലീസുദ്യോഗസ്ഥര്ക്കും പരാതി നല്കിയിരുന്നു. എന്നാല് രണ്ടാഴ്ച കഴിഞ്ഞിട്ടും നടപടി കാണാതിരിക്കുന്നതിനിടയിലാണ് കാസര്ഗോഡ് ജില്ലാ പോലീസ് മേധാവിയോട് ഉടനടി അന്വേഷണം നടത്താനുള്ള ഉത്തരവ് നലകിയിരിക്കുന്നത്. കാസര്ഗോഡ് കുണ്ടംകുഴി കേന്ദ്രമായി പ്രവര്ത്തിച്ചിരുന്ന ജിബിജി നിധിയുടെ പേരില് സാമ്പത്തിക തട്ടിപ്പ് നടത്തുന്നുവെന്ന പരാതി നല്കിയിരുന്നതും മുരളീധരനാണ്.
Read Moreസിബിഐ ചമഞ്ഞ് 56 ലക്ഷം തട്ടിയെടുത്തു; തിരുവനന്തപുരം സ്വദേശിയുടെ പരാതിയിൽ പോലീസ് കേസെടുത്തു
തളിപ്പറമ്പ്: മുംബൈ പോലീസും സിബിഐ ഉദ്യോഗസ്ഥരുമാണെന്ന് വിശ്വസിപ്പിച്ച് തിരുവനന്തപുരം സ്വദേശിയെ ഭീഷണിപ്പെടുത്തി 56 ലക്ഷം രൂപ തട്ടിയെടുത്ത സംഭവത്തിൽ തളിപ്പറമ്പ് പോലീസ് കേസെടുത്തു. തിരുവനന്തപുരം പാറോട്ടുകോണം ടെമ്പിൾ റോഡ് ശ്രീശൈലത്തിലെ എസ്.ഗണേഷ് കുമാറിന്റെ (64) പരാതിയിലാണ് അജ്ഞാത സംഘത്തിന്റെ പേരിൽ കേസെടുത്തത്. ഇന്ത്യൻ സെക്യൂരിറ്റി ആക്ട് പ്രകാരം അറസ്റ്റ് വാറണ്ട് നിലവിലുണ്ടെന്ന് സംഘം ഭീഷണി മുഴക്കിയതായി പരാതിയിൽ പറയുന്നു. ഗണേഷ് കുമാർ മൊറാഴയിലെ വൈദേഹം ആയുർവേദ റിസോർട്ടിൽ ചികിത്സയിലിരിക്കെ ഒക്ടോബർ 19 മുതൽ 25 വരെയുള്ള ദിവസങ്ങളിൽ ഇദ്ദേഹത്തിന്റെ ബാങ്ക് ഓഫ് ബറോഡ, എച്ച്ഡിഫ്സി എന്നീ ബാങ്കുകളിലെ അക്കൗണ്ടുകളിലേക്ക് 56 ലക്ഷം രൂപ ഭീഷണിപ്പെടുത്തി ട്രാൻസ്ഫർ ചെയ്യിച്ചതായാണ് പരാതി. ഗണേഷ് കുമാറിന്റെ സിം കാർഡ് എടുത്തയാൾ രാഷ്ട്രസുരക്ഷയെ ബാധിക്കുന്ന വിധത്തിൽ ദുരുപയോഗം ചെയ്തതിന്റെ അന്വേഷണത്തിലാണെന്നും കേസിൽ ഒന്നാം പ്രതിയാക്കുമെന്നും ഭീഷണിപ്പെടുത്തിയാണ് പണം ട്രാൻസ്ഫർ ചെയ്തു വാങ്ങിയതെന്നാണ് ഗണേഷ്…
Read Moreയുവതിയെ ഫോണിൽ നിരന്തരം ശല്യപ്പെടുത്തൽ; 21കാരന് അറസ്റ്റില്
പള്ളിക്കത്തോട്: യുവതിയെ നിരന്തരം പിന്തുടര്ന്ന് ശല്യപ്പെടുത്തിയ കേസില് യുവാവിനെ പോലീസ് അറസ്റ്റ് ചെയ്തു. കോട്ടയം ആനിക്കാട് മുണ്ടന്കവല ഭാഗത്ത് വള്ളാംതോട്ടത്തില് വി.എസ്. സുധിമോന് (21) നെയാണ് പള്ളിക്കത്തോട് പോലീസ് അറസ്റ്റ് ചെയ്തത്. ഇയാള് യുവതിയെ നിരന്തരം ഫോണ് ചെയ്ത് ശല്യപ്പെടുത്തുകയും യുവതിയുമായി പരിചയത്തില് ഉണ്ടായിരുന്ന സമയത്ത് കൈക്കലാക്കിയ ഫോട്ടോകള് സമൂഹമാധ്യമത്തിലൂടെ പ്രചരിപ്പിക്കുമെന്നു പറഞ്ഞ് ഭീഷണിപ്പെടുത്തുകയുമായിരുന്നു. പരാതിയെത്തുടര്ന്ന് പള്ളിക്കത്തോട് പോലീസ് കേസ് രജിസ്റ്റര് ചെയ്യുകയും ഇയാളെ പിടികൂടുകയുമായിരുന്നു.
Read More