കോട്ടയം: മെഡിക്കല് കോളജിലെ പേയിംഗ് കൗണ്ടറിലേക്ക് മരുന്നുകളും സര്ജിക്കല് ഉപകരണങ്ങളും വാങ്ങിക്കൂട്ടുന്നത് ടെണ്ടര് ഇല്ലാതെ. ഒരാളില്നിന്നുതന്നെ മൂന്നുപേരുടെ വിലാസത്തില് ക്വട്ടേഷന് വാങ്ങുകയും അതില് കുറഞ്ഞ തുകയ്ക്കുള്ള ക്വട്ടേഷന് സ്വീകരിക്കുകയുമാണ് പേയിംഗ് കൗണ്ടറില് വര്ഷങ്ങളായി നടക്കുന്നതെന്നാണ് ആക്ഷേപം. ടെണ്ടര് വിളിക്കാതെ ഒരാള്ക്കുതന്നെ ക്വട്ടേഷന് നല്കുന്നതിൽ ലക്ഷങ്ങളാണ് കമ്മീഷന് ഇനത്തില് ജീവനക്കാരില് ചിലര് കൈപ്പറ്റുന്നതെന്നും ആരോപണം ഉയരുന്നു. പേയിംഗ് കൗണ്ടറിലെ ഒരു ജീവനക്കാരിക്ക് ഇരുചക്ര വാഹനം വാങ്ങിനല്കിയത് ഒരു പ്രമുഖ മരുന്നു കമ്പനിയാണെന്നു പറയപ്പെടുന്നു. വളരെ കുറഞ്ഞ ശബളം കിട്ടുന്ന ഇവരില് ചിലര് ലക്ഷക്കണക്കിനു രൂപയുടെ സ്വത്തുക്കളുടെ ഉടമകളായതിന്റെ പിന്നില് സ്വകാര്യ മെഡിക്കല് കമ്പനികളുടെ സഹായം കൊണ്ടാണെന്ന് ആരോപണമുണ്ട്. മെഡിക്കല് കോളജില്നിന്നു വിരമിച്ചയാളാണ് പേയിംഗ് കൗണ്ടറിന്റെ മേധാവിയായും തുടരുന്നത്.ശസ്ത്രക്രിയാ ഉപകരണങ്ങള് അണുവിമുക്തമാക്കുന്നതിനായി പൊതിയാന് ഉപയോഗിക്കുന്ന പേപ്പര് (ഇടിഒ) വാങ്ങിയതിലും വന് അഴിമതിയാണു നടക്കുന്നത്. വര്ഷങ്ങളായി ഒരു കമ്പനിക്കുതന്നെ ക്വട്ടേഷന് നല്കുന്ന…
Read MoreCategory: Edition News
ഓൺലൈൻ തട്ടിപ്പിൽ കുറുമാത്തൂർ സ്വദേശിയുടെ 2.25 ലക്ഷം നഷ്ടമായി; അന്വേഷണം ആരംഭിച്ച് പോലീസ്
തളിപ്പറമ്പ്: ഓൺലൈൻ തട്ടിപ്പിൽ കുടുങ്ങിയ കുറുമാത്തൂര് പൊക്കുണ്ട് സ്വദേശിയുടെ 2,22,400 രൂപ നഷ്ടമായി. ടി.വി.രാമചന്ദ്രനാണ് പണം നഷ്ടപ്പെട്ടത്. കോമണ് സര്വീസ് സെന്റർഹെല്പ്പ് ഡെസ്ക്കാണെന്ന് തെറ്റിദ്ധരിപ്പിക്കുന്ന മൊബൈല് ആപ്പുകള് ഇന്സ്റ്റാള് ചെയ്യിപ്പിച്ചായിരുന്നു തട്ടിപ്പ്. കുറുമാത്തൂര് കേരളാ ഗ്രാമീണ് ബാങ്ക് ശാഖയിലെ അക്കൗണ്ടില് നിന്ന് ഒക്ടോബര് പത്തിന് 1,74,000 രൂപയും 13 ന് 36,800 രൂപയും അജ്ഞാതൻ പിൻവലിച്ചെന്നാണ് പരാതി. തളിപ്പറന്പ് പോലീസിൽ നൽകിയ പരാതിയെ തുടർന്ന് കേസെടത്ത് അന്വേഷണം ആരംഭിച്ചു.
Read Moreഡോക്ടർമാർ വാങ്ങുന്നത് ലക്ഷങ്ങൾ; മാസത്തിൽ നാലുതവണ മാത്രം ഡ്യൂട്ടി! കോട്ടയം മെഡിക്കൽ കോളജിനെതിരേ വ്യാപക ആക്ഷേപം
കോട്ടയം: മെഡിക്കല് കോളജ് ഹൃദയശസ്ത്രക്രിയാ വിഭാഗത്തിലെ മൂന്ന് അനസ്തേഷ്യ ഡോക്ടര്മാര് ഡ്യൂട്ടി ചെയ്യുന്നതു മാസത്തില് നാലുതവണ മാത്രം. ശബളം കൈപ്പറ്റുന്നതോ ഒരു ലക്ഷം രൂപയ്ക്കു മുകളില്. ആശുപത്രി വികസന സൊസൈറ്റി മുഖേന ജോലിയില് പ്രവേശിച്ച അതിരമ്പുഴ, ഏറ്റുമാനൂര്, ആലുവ സ്വദേശികളായ ഡോക്ടര്മാരാണ് ഇങ്ങനെ ജോലി ചെയ്യുന്നത്. എച്ച്ഡിഎസില് 700ലധികം വരുന്ന നഴ്സുമാര് അടക്കമുള്ള മറ്റു ജീവനക്കാര്ക്കു കുറഞ്ഞ വേതനമാണ് ഇപ്പോഴും നല്കിവരുന്നത്. ഹൃദയശസ്ത്രക്രിയാ വിഭാഗത്തിലെ ജീവനക്കാർക്കൊഴികെ മറ്റു വിഭാഗത്തിലെ ജീവനക്കാര്ക്കു നിശ്ചിതസമയത്തു ശന്പളം ലഭിക്കാറുമില്ല. വര്ഷങ്ങളായി കണ്ടിജന്സി വിഭാഗത്തില്പ്പെട്ട ജീവനക്കാര്ക്ക് 500 രൂപയാണ് ഇപ്പോഴും ദിവസവേതനം നല്കുന്നത്. ദിവസവേതനം വര്ധിപ്പിക്കണമെന്നാവശ്യപ്പെട്ടു നിരവധിത്തവണ ബന്ധപ്പെട്ടവര്ക്ക് നിവേദനം നല്കിയെങ്കിലും നടപടി ഉണ്ടായില്ല. എച്ച്ഡിഎസ് മുഖേന വിവിധ ജോലികളില് പ്രവേശിച്ചവര്ക്ക് 550, 600, 650 തുടങ്ങി വിവിധ തരത്തിലുള്ള ദിവസവേതനമാണു നല്കിക്കൊണ്ടിരിക്കുന്നത്. എച്ച്ഡിസിയിലും രണ്ടുതരത്തിലാണ് ശന്പളം നല്കുന്നത്. ഹൃദയശസ്ത്രക്രിയാവിഭാഗത്തിലെ എച്ച്ഡിഎസ് ജീവനക്കാര്ക്ക്…
Read Moreവാക്കുതർക്കം, പിന്നെ യുവാക്കൾ തമ്മിൽ പൊരിഞ്ഞ ഏറ്റുമുട്ടൽ; ഇടപെട്ട പോലീസിനും കിട്ടി മർദനം; ഒടുവിൽ…
കണ്ണപുരം: പറശിനിക്കടവ് ക്ഷേത്ര ദർശനം കഴിഞ്ഞ് തിരിച്ചുവരുന്നതിനിടയിൽ യുവാക്കൾ തമ്മിലുള്ള വാക്കുതർക്കം സംഘർഷത്തിൽ കലാശിച്ചു. സംഘർഷത്തിൽ ഇടപെട്ട പോലീസിനെയും യുവാക്കൾ ആക്രമിച്ചു. ഇന്നലെ രാത്രി 9.30 ഓടെ ധർമശാല കെൽട്രോൺ നഗറിലായിരുന്നു സംഭവം. പറശിനിക്കടവിൽ ക്ഷേത്രദർശനം നടത്തിയശേഷം സ്വദേശമായ പത്തനംതിട്ടയിലേക്ക് പോകുന്നതിനിടെയാണു സംഘർഷമുണ്ടായത്. യുവാക്കൾ തമ്മിലുള്ള സംഘർഷത്തിൽ നാട്ടുകാർ ഇടപെട്ടപ്പോൾ സംഘം നാട്ടുകാർക്കു നേരെയും തിരിഞ്ഞു. തുടർന്ന് നാട്ടുകാർ പോലീസിന്റെ എമർജൻസി കൺട്രോൾ റൂമിൽ വിളിച്ചറിയിക്കുകയായിരുന്നു. ഉടൻതന്നെ എമർജൻസി കൺട്രോൾ റൂമിൽ നിന്ന് കണ്ണപുരം പോലീസ് സ്റ്റേഷനിലേക്ക് ഫോൺകോൾ എത്തുകയും കണ്ണപുരത്തുനിന്ന് എഎസ്ഐ റഷീദ്, സീനിയർ സിവിൽ പോലീസ് ഓഫീസർ ശരത്ത് എന്നിവരുടെ നേതൃത്വത്തിലുള്ള പോലീസ് സംഘം സ്ഥലത്തെത്തുകയായിരുന്നു. സംഘം പോലീസിനു നേരേയും തിരിഞ്ഞു. തുടർന്ന് ബലപ്രയോഗത്തിലൂടെയാണ് പോലീസ് ഇവരെ കീഴടക്കിയത്. പത്തനംതിട്ട അടൂർ സ്വദേശി ജി. അരുൺ (30), കെ. രതീഷ് (36) എന്നിവരാണ്…
Read Moreശശി തരൂരിന്റെ വാക്കുകൾ ആരും വക്രീകരിക്കേണ്ടെന്ന് കുഞ്ഞാലിക്കുട്ടി
കോഴിക്കോട്: ശശിതരൂരിന്റെ പ്രസംഗത്തിലെ വരികള് ആരും വക്രീകരിക്കേണ്ടെന്ന് മുസ് ലിം ലീഗ് ജനറല് സെക്രട്ടറി പി.കെ. കുഞ്ഞാലിക്കുട്ടി. പലസ്തീനൊപ്പമാണ് താനെന്ന് ശശിതരൂര് ഇന്ന് രാവിലെയും പറഞ്ഞിട്ടുണ്ട്. പിന്നെയും ഇതേവിഷയത്തില് പിടിക്കാനാണ് മാധ്യമങ്ങളുടെ തീരുമാനമെങ്കില് തനിക്കൊന്നും പറയാനില്ല. ലീഗ് നടത്തിയ റാലിയും പലസ്തീന് ഐക്യദാര്ഢ്യവും ദേശീയമാധ്യമങ്ങളില് ഉള്പ്പെടെ വലിയ ചര്ച്ചയായിമാറുന്ന സന്ദര്ഭമാണിത്.എന്നാല് രാഷ്ട്രീയ താല്പര്യങ്ങള്ക്ക് വേണ്ടി അനാവശ്യ വിവാദമുണ്ടാക്കാനാണ് ചിലരുടെ ശ്രമം. അത് തുടര്ന്നോട്ടെ, ലീഗ് തങ്ങളുടെ നിലപാടുമായി ശക്തമായി മുന്നോട്ടുപോകുമെന്നും കുഞ്ഞാലിക്കുട്ടി മാധ്യമങ്ങളോട് പ്രതികരിച്ചു.
Read Moreശശി തരൂരിന് എതിരേ എസ്കെഎസ്എസ്എഫ്
കോഴിക്കോട്: ഹമാസിനെ തീവ്രവാദികളെന്ന് വിശേഷിപ്പിച്ചെന്നാരോപിച്ച് ശശി തരൂരിനെതിരേ എസ്കെഎസ്എസ്എഫ് നേതാവ് സത്താര് പന്തല്ലൂര്. ഐക്യരാഷ്ട്ര സഭയില് ഉദ്യോഗസ്ഥനായിട്ടുണ്ടെങ്കിലും വാങ്ങിയ ശമ്പളത്തിന് ഇപ്പോഴും നന്ദി കാണിക്കുന്നുണ്ടെന്ന് തിരിച്ചറിയാൻ വൈകിപ്പോയെന്ന് അദ്ദേഹം ഫേസ്ബുക്ക് കുറിപ്പില് പറഞ്ഞു. ഗാന്ധിജിയും നെഹ്റുവും മുതല് കോണ്ഗ്രസ് സര്ക്കാരും പാര്ട്ടി നേതൃത്വവും ഇക്കാലമത്രയും പലസ്തീൻ ജനതയുടെ കൂടെ നില്ക്കുകയും ഇസ്രയേല് ഭീകരതയെ തള്ളിപ്പറഞ്ഞവരുമാണ്. ഇതില് നിന്ന് ഭിന്നമായി ശശി തരൂര് പോലുള്ള ഒരാളില് നിന്നുണ്ടായ പരാമര്ശം അദ്ഭുതപ്പെടുത്തിയെന്നും സത്താര് പന്തല്ലൂര് ഫേസ്ബുക്ക് കുറിപ്പില് പറഞ്ഞു.
Read Moreഅശ്വിൻ പരവൂരിന് മാജിക്കിൽ മെർലിൻ പുരസ്കാരം
കൊല്ലം: സാമൂഹിക അവബോധത്തിനായി മാജിക് ഉപയോഗിച്ചതിന് മലയാളി മാന്ത്രികന് അശ്വിന് പരവൂര മാജിക് രംഗത്തെ പ്രശസ്തമായ മെര്ലിന് പുരസ്കാരത്തിന് അർഹനായി. ഇന്ത്യയിലെ ഏറ്റവും മികച്ച ബോധവത്കരണ മാജിക് പെര്ഫോര്മര്’ എന്ന പുരസ്കാരമാണ് ലഭിച്ചത്. മാജിക്കിലെ ഓസ്കാര് എന്നറിയപ്പെടുന്ന മെര്ലിന് പുരസ്കാരങ്ങള് അമേരിക്ക ആസ്ഥാനമായ ഇന്റര്നാഷല് മജീഷ്യന്സ് സൊസൈറ്റിയാണ് നല്കുന്നത്. തായ്ലന്ഡില് നടന്ന ഇന്റര്നാഷണല് മാജിക് എക്സ്ട്രാവഗന്സയുടെ വേദിയിലാണ് പുരസ്കാരദാനം നടന്നത്. ഇന്റര്നാഷണല് മജീഷ്യന്സ് സൊസൈറ്റി ചെയര്മാന് ടോണി ഹസിനിയാണ് അശ്വിന് പരവൂരിന് പുരസ്കാരം സമ്മാനിച്ചത്. പരവൂര് സ്വദേശിയായ അശ്വിന് 15 വര്ഷമായി മാജിക്കിലൂടെ ബോധവത്കരണം നടത്തിവരുന്നു.
Read Moreകളക്ടറുടെ നിർദേശം “പൊളിച്ചടക്കി’ കരാറുകാർ; തിരുനക്കര ബസ് സ്റ്റാന്ഡ് കെട്ടിടം പൊളിക്കല് എങ്ങുമെത്തിയില്ല
കോട്ടയം: ജില്ലാ കളക്ടര് നിശ്ചയിച്ച സമയപരിധി അവസാനിക്കാറായിട്ടും തിരുനക്കരയിലെ ബസ് സ്റ്റാന്ഡ് കെട്ടിടം പൊളിക്കല് എങ്ങുമെത്തിയില്ല. 45 ദിവസത്തിനുള്ളില് കെട്ടിടം പൊളിച്ചുനീക്കണമെന്നായിരുന്നു ജില്ലാ ഭരണകൂടത്തിന്റെ നിര്ദേശം. എന്നാല് 42 ദിവസം പിന്നിട്ടിട്ടും പൊളിക്കല് പാതിവഴിയില്പോലുമായിട്ടില്ല. ഇരുനില കെട്ടിടത്തിന്റെ മുകളിലെ നിലമാത്രമാണ് ഇതുവരെ ഇടിച്ചിട്ടത്. പോസ്റ്റ് ഓഫീസ് റോഡിനോടു ചേര്ന്നുള്ള കെട്ടിടം പൊളിക്കാന് ആരംഭിച്ചിട്ടുമില്ല. പകലും രാത്രിയും പൊളിക്കല് ജോലികള് നടത്തണമെന്ന നിര്ദേശവും പാലിക്കപ്പെട്ടിട്ടില്ല. രാവിലെ ഒമ്പത് മുതല് വൈകിട്ട് 5.15 വരെ മാത്രമാണ് പൊളിക്കല് നടക്കുന്നത്. നഗരസഭയുമായുള്ള കരാര് പ്രകാരം രാത്രി എട്ടുമുതല് രാവിലെ അഞ്ചുവരെ കെട്ടിടം പൊളിക്കണമെന്നാണ് വ്യവസ്ഥ. കെട്ടിടത്തില് വിള്ളല് കാണപ്പെടുന്ന പോസ്റ്റ് ഓഫിസ് റോഡിലും ആര്യഭവന് ഹോട്ടലിനു സമീപത്തും അടിയന്തരമായി പൊളിക്കല് ജോലി നടത്തണമെന്ന ആവശ്യവും കരാറുകാര് തള്ളിയെന്ന് ഇവിടെയുള്ള വ്യാപാരികള് പറയുന്നു. സുരക്ഷാ ക്രമീകരണത്തിന്റെ ഭാഗമായി ടെമ്പിള് റോഡ് അടച്ചതും യാത്രക്കാര്ക്കു…
Read Moreവസ്തുക്കച്ചവടത്തിനെത്തിയവര് അടിച്ചുമാറ്റിയത് 37.45 ലക്ഷം; പിടിയിലായ യുവതി നിരവധി തട്ടിപ്പുകേസുകളിൽ പ്രതി
അടൂര്: വസ്തുക്കച്ചവട ഇടപാടുമായി ബന്ധപ്പെട്ടെത്തി, ലക്ഷങ്ങള് തട്ടിയെടുത്ത സംഘത്തിന്റെ നായിക തിരുവനന്തപുരം സ്വദേശി പ്രിയയ്ക്കെതിരേ നിരവധി തട്ടിപ്പു കേസുകള്. തിരുവനന്തപുരം ജില്ലയിലെ വിവിധ പോലീസ് സ്റ്റേഷനുകളിലായി തട്ടിപ്പുകേസുകളില് പ്രതിയാണ് ഇന്നലെ അടൂരില് അറസ്റ്റിലായ നെടുമങ്ങാട് കോലിയക്കോട് പ്രിയ ഭവനില് പ്രിയ(35)യെന്ന് പോലീസ് പറഞ്ഞു. അടൂര് മുന്നാളം സ്വദേശി ജയചന്ദ്രന്റെ പരാതിയിലാണ് പ്രിയയെയും സംഘത്തെയും ഇന്നലെ അടൂര് പോലീസ് അറസ്റ്റ് ചെയ്തത്. ഇവരോടൊപ്പം തിരുവനന്തപുരം പാങ്ങോട് സിദ്ദിഖ് മന്സിലില് സിദ്ദിഖ്(47), ആറ്റിങ്ങല് കുന്നുവരം യാദവ് നിവാസില് അനൂപ്(26) എന്നിവരും അറസ്റ്റിലായി. ജയചന്ദ്രന്റെയും ഭാര്യയുടെയും പേരിലുളള വസ്തു വാങ്ങാനെന്ന വ്യാജേന 37,45,000 രൂപ സംഘം ചേര്ന്ന് ഇവര് തട്ടിയെടുത്തതായാണ് പരാതി. വസ്തു വില്ക്കാനുണ്ടെന്ന് അറിഞ്ഞ് ഒക്ടോബര് ആദ്യം പ്രിയ, ജയചന്ദ്രന്റെ വീട്ടിലെത്തി. വസ്തു ഇഷ്ടമായതായി ബോധ്യപ്പെടുത്തി ഇവര് മടങ്ങി. മറ്റൊരു ദിവസം കൂട്ടു പ്രതികളായ സിദ്ദിഖിനെ ഭര്ത്താവാണെന്നും അനൂപിനെ മരുമകനാണെന്നും…
Read Moreസോഷ്യല് മീഡിയ പോരാട്ടം പോരെന്ന് കോണ്ഗ്രസ് നേതൃത്വം; കാപ്സൂളുകള്ക്ക് ശക്തമായ മറുപടി വേണമെന്ന് വികാരം
കോഴിക്കോട്: സിപിഎം രാഷ്ട്രീയ കാപ്സ്യുളുകള്ക്ക് ഇനി അതേതരത്തില് തന്നെ സോഷ്യല് മീഡിയ പ്ലാറ്റ് ഫോമുകളില് മറുപടിയുണ്ടാകും. ഇതിനായി കോണ്ഗ്രസ് സൈബര് വിഭാഗത്തെ ശക്തിപ്പെടുത്താന് സംസ്ഥാന നേതൃത്വം തീരുമാനിച്ചു. പാര്ട്ടിയിലെ യുവ നേതാക്കളുടെ ശക്തമായ പിന്തുണ ഇതിന് ഉറപ്പാക്കും. നിലവില് സിപിഎം അനുകൂല നിലപാടുകളുമായി അവരുടെ സൈബര് വിഭാഗം അടിച്ചുകയറുമ്പോള് മറുപടി ഇല്ലാത്ത അവസ്ഥയാണ് പാര്ട്ടിക്കുള്ളത്. ഇതിന് മാറ്റം വരണമെന്നും നിര്ദേശമുണ്ടായി. ഇന്നലെ കോഴിക്കോട്ട് നിന്നു തുടങ്ങിയ കെപിസിസി പ്രസിഡന്റ് , പ്രതിപക്ഷ നേതാവ് എന്നിവരുള്പ്പെടുന്ന നേതാക്കളുടെ സംസ്ഥാന പര്യടനവുമായി ബന്ധപ്പെട്ട ചര്ച്ചകളിലാണ് തീരുമാനം. നേതാക്കളുടെ പ്രസംഗങ്ങളേക്കാളും മാധ്യമ കസര്ത്തുകളേക്കാളും സോഷ്യല് മീഡിയവഴിയുള്ള പ്രവര്ത്തനങ്ങള് കൂടുതല് പാര്ട്ടിക്ക് ഗുണം ചെയ്യുമെന്നാണ് വിലയിരുത്തല്. നിലവില് പാര്ട്ടി യുവജനസംഘടനകള് രാഷ്ട്രീയ എതിരാളികളെ പോലെ ശക്തമായി സോഷ്യല് മീഡിയയില് ഇടപെടുന്നില്ലെന്നും ഒരു വിഷയമുണ്ടാകുമ്പോള് അതില് പാര്ട്ടി നിലപാട് പ്രചരിപ്പിക്കാനും രാഷ്ട്രീയ എതിരാളികള്ക്ക് ശക്തമായ…
Read More