ആലുവ: വാളയാർ കേസിലെ നാലാം പ്രതി കെ. മധുവിനെ തൂങ്ങി മരിച്ച നിലയിൽ കണ്ടെത്തിയ ഫാക്ടറിയിലെ സൈറ്റ് മാനേജർ പോലീസ് കസ്റ്റഡിയിൽ. എടയാർ ബിനാനി സിങ്കിലെ നിയാസിനെയാണ് ബിനാനിപുരം പോലീസ് കസ്റ്റഡിയിലെടുത്ത്. ഇയാളെ പോലീസ് ചോദ്യം ചെയ്ത് വരികയാണ്. ഇതേ സ്ഥാപനത്തിലെ പഴയ വസ്തുക്കൾ ഏറ്റെടുക്കുന്ന കമ്പനിയിലെ മണ്ണ് പരിശോധനാ ജീവനക്കാരനാണ് മധു. ഇവിടെനിന്ന് ചെമ്പ് കമ്പിയും തകിടുകളും മോഷ്ടിക്കാൻ ശ്രമിച്ചതിന് മധുവിനെ നേരത്തെ കരാർ കമ്പനി അധികൃതർ പിടികൂടിയിരുന്നു. \സംഭവത്തിൽ മധുവിനെതിരേ കരാർ കമ്പനി പോലീസിൽ പരാതിയും നൽകിയിരുന്നു. ആത്മഹത്യയും ഈ സംഭവവും തമ്മിൽ ബന്ധമുണ്ടോയെന്ന് കണ്ടെത്താനാണ് ചോദ്യം ചെയ്യൽ നടക്കുന്നതെന്നാണ് സൂചന. അതേ സമയം മരിച്ച മധുവിന്റെ മൃതദേഹം ഇന്ന് പോസ്റ്റ്മോർട്ടം ചെയ്യും. എറണാകുളം ഗവ. മെഡിക്കൽ കോളജിലാണ് മൃതദ്ദേഹം സൂക്ഷിച്ചിരിക്കുന്നത്. സ്ക്രാപ്പ് കമ്പനിയിലെ സഹ പ്രവർത്തകർ താമസിക്കുന്ന താമസ സ്ഥലത്ത് എത്തിയാണ് മധു…
Read MoreCategory: Edition News
വവ്വാലുകളിൽ നിപയുടെ സാന്നിധ്യം: വയനാട്ടിൽ ആശങ്കയൊന്നുമില്ലെന്ന് ജില്ലാ ഭരണകൂടം
വയനാട്: വവ്വാലുകളിൽ നിപയുടെ ആന്ഡിബോഡി സാന്നിധ്യം കണ്ടെത്തിയിട്ടുണ്ടെങ്കിലും വയനാട്ടിൽ ആശങ്കയൊന്നുമില്ലെന്ന് ജില്ലാ ഭരണകൂടം. വവ്വാലുകളെ ആവാസ വ്യവസ്ഥയിൽനിന്ന് കല്ലെറിഞ്ഞും മറ്റും തുരത്തരുതെന്നും നിർദേശിച്ചു. ചെറിയ പനിയാണെങ്കിൽ പോലും സ്വയം ചികിത്സ ഒഴിവാക്കണം എന്നാണ് അറിയിപ്പ്.കോഴിക്കോട് നിപ സ്ഥിരീകരിച്ചതിന് പിന്നാലെ ഐസിഎംആർ വ്യാപകമായി വവ്വാലുകളുടെ സാമ്പിൾ ശേഖരിച്ചു പരിശോധിച്ചിരുന്നു. വയനാട്ടിൽ നിന്നും ശേഖരിച്ച വവ്വാലുകളിൽ നിപ വൈറസ് സാന്നിധ്യം സ്ഥിരീകരിച്ചുവെന്നാണ് ആരോഗ്യമന്ത്രി ഇന്നലെ മാധ്യമങ്ങളോട് പറഞ്ഞത്. പൊതുജന അവബോധം കൂട്ടാൻ മാത്രമാണ് വിവരം പുറത്തുപറഞ്ഞത്. എന്നാല്, ഈ സ്ഥിരീകരണം ജില്ലയിലെ ടൂറിസത്തെയും കച്ചവടത്തെയുമെല്ലാം ബാധിക്കുമോ എന്ന ആശങ്ക ഉയരുകയാണ്. എന്നാൽ, ഭയം വേണ്ട ജാഗ്രത മതിയെന്നാണ് ജില്ലാ ഭരണകൂടം അറിയിക്കുന്നത്. പക്ഷികളും മറ്റും കടിച്ച പഴങ്ങൾ കഴിക്കുന്നത് ഒഴിവാക്കുക, അസുഖങ്ങൾക്കുള്ള സ്വയം ചികിത്സ മാറ്റിവച്ചു ഡോക്ടറെ കാണുക എന്നിങ്ങനെയാണ് നിർദേശം. ആശുപത്രികൾക്കും ആരോഗ്യപ്രവർത്തകർക്കുമാണ് ജാഗ്രതാ നിർദേശം നൽകിയിരിക്കുന്നത്. ലക്ഷണങ്ങൾ…
Read Moreരക്ഷപെട്ടത് തലനാരിഴക്ക്; പ്രസവ വാർഡിലെ കോൺക്രീറ്റ് പാളി അടർന്നു വീണു; നാലാം വാർഡിലെ കെട്ടിടത്തിന് 60 വർഷത്തിലേറെ പഴക്കം
കോട്ടയം: ജില്ലാ ജനറല് ആശുപത്രിയിലെ തിരക്കേറിയ നാലാം വാര്ഡിനോടു ചേര്ന്ന് കോണ്ക്രീറ്റ് പ്ലാസ്റ്ററിംഗ് അടര്ന്നുവീണു. അപകടത്തില് മൂന്നുപേര് തലനാരിഴയ്ക്കാണ് രക്ഷപ്പെട്ടത്. നാലാം വാര്ഡിലെ പടിക്കെട്ടില് ഇന്നലെ രാവിലെ പത്തിനായിരുന്നു സംഭവം. പ്രസവശേഷം സ്ത്രീകളെ പ്രവേശിപ്പിക്കുന്ന വാര്ഡിലേക്കുള്ള പടിക്കെട്ടിന്റെ മുകളില്നിന്ന് വലിയ കോണ്ക്രീറ്റ് പാളി അടര്ന്നു വീഴുകയായിരുന്നു. വാര്ഡില് ക്ലീനിംഗ് നടക്കുകയായിരുന്നതിനാല് കൂട്ടിരിപ്പുകാരും ജീവനക്കാരില് ഏറെപ്പേരും വരാന്തയിലുള്ളപ്പോഴായിരുന്നു അപകടം. പടിക്കെട്ട് കയറി വന്ന സ്ത്രീയുടെ തൊട്ടു പിന്നിലേക്കാണു കോണ്ക്രീറ്റ് അടര്ന്നുവീണത്. കോണ്ക്രീറ്റ് വീഴുന്നതു കണ്ട് സ്ത്രീകള് നിലവിളിച്ചു. ശബ്ദംകേട്ട് ആശുപത്രി ജീവനക്കാരും ഓടിയെത്തി. കാലപ്പഴക്കം ചെന്ന കെട്ടിടത്തിന്റെ പല ഭാഗങ്ങളിലും പ്ലാസ്റ്ററിംഗ് അടര്ന്നുവീഴാവുന്ന അവസ്ഥയിലാണ്. നവജാത ശിശുക്കളെയുമായി അമ്മമ്മാരും നഴ്സുമാരും എപ്പോഴും നടന്നുപോകുന്ന ഭാഗത്താണ് അപകടമുണ്ടായത്. അറുപതു വര്ഷം പഴക്കമുള്ള കെട്ടിടമാണിത്. നിലവില് രണ്ട്, മൂന്ന്, നാല്, ആറ് വാര്ഡുകളിലായാണ് ആശുപത്രിയുടെ പ്രവര്ത്തനം. പുതിയ കെട്ടിടം പണിയുന്നതിന്റെ ഭാഗമായി…
Read Moreവേമ്പനാട്ട് കായലിൽ പ്ലാസ്റ്റിക് മാലിന്യം വർധിക്കുന്നു; കായലിന്റെ അടിത്തട്ടില് ഒരു മീറ്റര് കനത്തില് മൂവായിരത്തിലേറെ ടണ് പ്ലാസ്റ്റിമാലിന്യം
കോട്ടയം: വേമ്പനാട്ട് കായലില് പ്ലാസ്റ്റിക് മാലിന്യം വര്ധിക്കുന്നു. കുട്ടികളുടെ നാപ്കിന്, കുപ്പികള്, പ്ലാസ്റ്റിക് ക്യാരി ബാഗുകള് തുടങ്ങി നിരവധി പ്ലാസ്റ്റിക് മാലിന്യങ്ങളാണ് കായലില് അടിയുന്നത്. ജില്ലയുടെ വിവിധ ഭാഗങ്ങളില്നിന്നുള്ള മാലിന്യങ്ങള് മഴയില് ആറ്റിലൂടെ ഒഴുകി കായലില് എത്തിച്ചേരുകയാണ്. കോവിഡിനു ശേഷം വിനോദസഞ്ചാരികളുടെ എണ്ണം കൂടിയതും മാലിന്യം ജലാശയങ്ങളിലേക്ക് എത്തുന്നതിനും കാരണമായി. മാലിന്യം ജലാശയങ്ങളില് നിക്ഷേപിക്കരുതെന്ന് കര്ശന നിര്ദേശങ്ങളുണ്ടെങ്കിലും പാലിക്കപ്പെടുന്നില്ല. മാലിന്യം വലിച്ചെറിയുന്നവരെ കണ്ടെത്തി നടപടി സ്വീകരിക്കാന് നിലവില് സംവിധാനങ്ങളില്ലാത്തതാണു കാരണം. വേമ്പനാട്ട് കായലിന്റെ അടിത്തട്ടില് ഒരു മീറ്റര് കനത്തില് മൂവായിരത്തിലേറെ ടണ് പ്ലാസ്റ്റിക് മാലിന്യം അടിഞ്ഞുകൂടിയിട്ടുണ്ടെന്ന് അടുത്തിടെ കേരള മത്സ്യസമുദ്രപഠന സര്വകലാശാല (കുഫോസ്) നടത്തിയ പഠനത്തില് കണ്ടെത്തിയിരുന്നു. ഓരോ ചതുരശ്ര കിലോമീറ്ററിലും 55.9 ടണ് പ്ലാസ്റ്റിക് മാലിന്യം വേമ്പനാട്ട് കായലിന്റെ അടിത്തട്ടിലുണ്ട് എന്നാണ് കണ്ടെത്തല്. നിരവധി പേര് ഉപജീവനത്തിനായി പ്രത്യക്ഷമായോ പരോക്ഷമായോ ആശ്രയിക്കുന്നതാണ് വേമ്പനാട്ടുകായല്. ആ ജലാശയമാണ്…
Read Moreസുഹൃത്ത്മൊത്ത് ഒന്നിച്ചിരുന്നു മദ്യപിച്ചു; പുലർച്ചെ മാതാവ് കണ്ടത് മരിച്ചു കിടക്കുന്ന മകനെ; ദുരൂഹത നീക്കാൻ നടപടികള് ആരംഭിച്ചതായി പോലീസ്
അടൂര്: വീടിനുള്ളില് മൃതദേഹം കണ്ടെത്തിയ സംഭവത്തില് അന്വേഷണം ഊര്ജിതമാക്കുമെന്ന് പോലീസ്. അടൂര് ഏഴംകുളം നെടുമണ് ഓണവിള പുത്തന് വീട്ടില് അനീഷ്ദത്ത (52)നെയാണ് ചൊവ്വാഴ്ച പുലര്ച്ചെ ന് മരിച്ചനിലയില് കണ്ടെത്തിയത്. അനീഷ് ദത്തനും ഇളയസഹോദരന് മനോജ് ദത്തനും അമ്മ ശാന്തമ്മയും മാത്രമാണ് വീട്ടില് താമസം. തിങ്കളാഴ്ച രാത്രി അനീഷും സഹോദരനും ഇവരുടെ മറ്റൊരു സുഹൃത്തും ചേര്ന്നു വീട്ടില് മദ്യപിച്ചിരുന്നതായി അമ്മ പറയുന്നു. തുടര്ന്ന് ചില ബഹളങ്ങളും നടന്നതായി സൂചനയുണ്ട്. പുലര്ച്ചെ രണ്ടോടെ ശാന്തമ്മ എഴുന്നേറ്റു വന്നപ്പോഴാണ് അകത്തേമുറിയില് നിലത്ത് അനക്കമില്ലാതെ കിടക്കുന്ന അനീഷ്ദത്തനെ കണ്ടത്. ശാന്തമ്മയുടെ നിലവിളി കേട്ട് സമീപവാസികള് സ്ഥലത്തെത്തി. തുടര്ന്ന് പോലീസില് വിവരമറിയിക്കുകയായിരുന്നു. അനീഷ് ദത്തന് ഹൃദ്രോഗിയാണെന്നും ബൈപാസ് ശസ്ത്രക്രിയയ്ക്കും വിധേയനായ ആളാണെന്നും ബന്ധുക്കള് പറഞ്ഞു. മരണത്തില് ദുരൂഹത നീക്കുന്നതിനു നടപടികള് ആരംഭിച്ചതായി പോലീസ് പറഞ്ഞു. അടൂര് പോലീസ് ഇന്ക്വസ്റ്റ് നടപടികള് പൂര്ത്തിയാക്കി. ഫോറന്സിക് സംഘവും…
Read Moreകോട്ടയം മെഡിക്കൽ കോളജിലെ ഹൃദയശസ്ത്രക്രിയാവിഭാഗത്തിൽ ആറു പേർ അനധികൃത ജോലിക്കാർ
കോട്ടയം: മെഡിക്കൽ കോളജിലെ ഹൃദയശസ്ത്രക്രിയാവിഭാഗത്തിൽ ആറു പേർ അനധികൃതമായി ജോലി ചെയ്യുന്നതായി ആക്ഷേപം. ഇതിൽ നാലു പേർ സ്ത്രീകളാണ്. ഇതിൽ പ്രമുഖൻ മെഡിക്കൽ കോളജ് പരിസരത്തെ സർജിക്കൽ സ്ഥാപനത്തിന്റെ ഏജന്റാണ്. ഇയാൾക്കു വിവിധ സ്വകാര്യ മരുന്നുകമ്പനികൾ ലക്ഷങ്ങൾ മാസപ്പടി നൽകുന്നതായാണ് പുറത്തുവരുന്ന റിപ്പോർട്ട്. വർഷങ്ങളായി ഇവർ ജോലിയിൽ തുടരുകയാണ്. പിഎസ് സി, എംപ്ലോയ്മെന്റ്, അല്ലെങ്കിൽ ആശുപത്രി വികസനസൊസൈറ്റി മുഖേനയാണ് മെഡിക്കൽ കോളജിൽ നിയമനം നടത്തുന്നത്. എന്നാൽ ഇവർ ചട്ടം അനുസരിച്ചല്ല ജോലിയിൽ പ്രവേശിച്ചതും തുടരുന്നതുമെന്നാണ് ആക്ഷേപം. കഴിഞ്ഞദിവസം മെഡിക്കൽ കോളജിലെ ഒഴിവുകൾ സംബന്ധിച്ച് ജില്ലാ ഇൻഫർമേഷൻ ഓഫീസ് വഴി അറിയിപ്പ് ഉണ്ടായിരുന്നു. രണ്ട് പരസ്യമാണു നൽകിയിരുന്നത്. അതിലൊന്നിൽ മെഡിക്കൽ കോളജിലെ ഹൃദയശസ്ത്രക്രിയാവിഭാഗത്തിൽ ആശുപത്രി വികസന സമിതിയുടെ കീഴിൽ ഡാറ്റാ മാനേജർ തസ്തികയിൽ ഒരൊഴിവ് ഉണ്ടെന്നും യോഗ്യത കമ്പ്യൂട്ടർ ആപ്ലിക്കേഷൻ കൂടാതെ ക്ലിനിക്കൽ സെറ്റുകൾ കൈകാര്യം ചെയ്യുന്നതിലും കാർഡിയോ…
Read Moreപുഴയിൽ മുങ്ങിത്താണ യുവാവനെ രക്ഷിച്ച് കരയിലെത്തിച്ചു; വീണ്ടും കാൽവഴുതി പുഴയിൽ വീണ് യുവാവിന് ദാരുണാന്ത്യം
ഇടുക്കി: ഏലപ്പാറ കൊച്ചുകരിന്തരുവി പുഴയിലെ വെള്ളച്ചാട്ടത്തില് കാണാതായ യുവാവിന്റെ മൃതദേഹം കണ്ടെത്തി. തിരുവനന്തപുരം കല്ലമ്പലം നിബിന് മന്സിലില് ഫസിലിന്റെ മകന് നിബിന്റെ (20) മൃതദേഹമാണ് ഇന്നു രാവിലെ കണ്ടെത്തിയത്. വിനോദ സഞ്ചാര സംഘത്തോടൊപ്പം ഗവി സന്ദര്ശിച്ചതിനു ശേഷമാണ് ഇന്നലെ വൈകുന്നേരം അഞ്ചരയോടെ സംഘം ഇവിടെയെത്തിയത്. പുഴയില് കുളിക്കാനിറങ്ങിയ നിബിനും അനുജന് നിതിനും കയത്തിലെ ആഴത്തിലേക്ക് മുങ്ങിത്താഴുകയായിരുന്നു. നിലവിളി കേട്ടെത്തിയ സമീപവാസിയായ വെട്ടുകല്ലാംകുഴി ടോമി നിബിനെ രക്ഷപ്പെടുത്തി കരയ്ക്കെത്തിച്ചു. പിന്നീട് നിതിനെ രക്ഷിക്കുന്നതിനിടയില് നിബിന് വീണ്ടും കാല് വഴുതി ആഴക്കയത്തിലേക്ക് വീഴുകയായിരുന്നു. പീരുമേട്ടില് നിന്നെത്തിയ ഫയര് ആന്ഡ് റെസ്ക്യൂ സംഘവും പോലീസും നാട്ടുകാരും ചേര്ന്ന് രാത്രി വൈകിയും നിബിനെ കണ്ടെത്താന് തിരച്ചില് നടത്തിയെങ്കിലും കണ്ടെത്താനായില്ല. വെളിച്ചക്കുറവും മഴയും മൂലം രക്ഷാപ്രവര്ത്തനം നിര്ത്തി വച്ചു. ഇന്ന് രാവിലെ ഈരാറ്റുപേട്ടയില് നിന്നുള്ള എമര്ജന്സി നന്മക്കൂട്ടം പ്രവര്ത്തകര് നടത്തിയ തെരച്ചിലിലാണ് മൃതദേഹം കണ്ടെത്തിയത്.…
Read Moreനഗരസഭാ കെട്ടിടത്തിന്റെ സണ്ഷെയ്ഡ് ഇടിഞ്ഞുവീണു
കോട്ടയം: നഗരസഭാ കെട്ടിടത്തിന്റെ സണ്ഷെയ്ഡ് കടയിലേക്ക് ഇടിഞ്ഞുവീണു. മാര്ക്കറ്റ് റോഡില് ശോച്യാവസ്ഥയില് സ്ഥിതിചെയ്യുന്ന കെട്ടിടത്തിന്റെ നീളത്തിലുള്ള സണ്ഷെയഡ് ആണ് ഇടിഞ്ഞുവീണത്. സൺഷെയ്ഡ് ഇടിഞ്ഞുവീണശക്തിയിൽ കട മേഞ്ഞിരുന്ന ഷീറ്റ് റോഡിലേക്കു തകർന്നുവീഴുകയും ചെയ്തു.സണ്ഷെയ്ഡിന്റെ കുറച്ചു ഭാഗങ്ങള് മാത്രമാണ് ഇന്നലെ ഇടിഞ്ഞുവീണത്. മറ്റു ഭാഗങ്ങൾ നേരത്തെ ഇടിഞ്ഞുവീണിരുന്നു. സംഭവത്തില് ആര്ക്കും പരിക്കില്ല. ഹോള്സെയില് പച്ചക്കറിക്കട പ്രവര്ത്തിക്കുന്നതിന്റെ മുന്ഭാഗത്തേക്കാണ് കോൺക്രീറ്റ് ഭാഗങ്ങൾ വീണത്. ശോച്യാവസ്ഥയിലുള്ള ഈ രണ്ടു നില കെട്ടിടത്തിന്റെ താഴത്തെ നിലകളില് മാത്രമേ കടകള് പ്രവര്ത്തിക്കുന്നുള്ളു.
Read Moreകാല്മുട്ട് വേദനയ്ക്കു ചികിത്സയ്ക്കായി എത്തിയ വീട്ടമ്മയെ ലൈംഗികമായി പീഡിപ്പിച്ചു; കളരി ചികിത്സകൻ അറസ്റ്റിൽ
കറുകച്ചാല്: വീട്ടമ്മയെ പീഡിപ്പിച്ച കേസില് കളരി ചികിത്സകൻ അറസ്റ്റിൽ. കറുകച്ചാല് തൈപ്പറമ്പ് ഭാഗത്തു കിഴക്കേമുറിയില് കെ.സി. ഹരികുമാര് (42) ആണ് അറസ്റ്റിലായത്. കളരി ചികിത്സാലയം നടത്തിയിരുന്ന ഇയാള് കാല്മുട്ട് വേദനയ്ക്കു ചികിത്സയ്ക്കായി എത്തിയ വീട്ടമ്മയെ ലൈംഗികമായി പീഡിപ്പിക്കുകയായിരുന്നു. വീട്ടമ്മയുടെ പരാതിയിൽ കറുകച്ചാല് പോലീസ് ഹരികുമാറിനെ അറസ്റ്റ് ചെയ്തു. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
Read Moreസ്പെയിനിലേക്ക് വിസ; 18 ലക്ഷത്തിലേറെ തട്ടിയെടുത്തതായി പരാതി
പയ്യന്നൂര്: സ്പെയിനിലേക്ക് വീസ വാഗ്ദാനം ചെയ്ത് മൂന്നുപേരില്നിന്നായി 18,26,771 രൂപ തട്ടിയെടുത്തതായി പരാതി. പയ്യന്നൂര് തായിനേരിയിലെ വിബിന് വിന്സ്റ്റന്റെ പരാതിയില് പയ്യന്നൂര് കണ്ടോത്തെ വിനായക്, ഇരിട്ടി ആനപ്പന്തിയിലെ സ്മിത ടി. ജോണ് എന്നിവര്ക്കെതിരേ പയ്യന്നൂര് പോലീസ് വഞ്ചനാകുറ്റത്തിനു കേസെടുത്തു. കഴിഞ്ഞവര്ഷം ജൂണ് മുതല് പല ദിവസങ്ങളിലായാണ് പരാതിക്കാസ്പദമായ തട്ടിപ്പു നടത്തിയത്. സ്പെയിനിലേക്ക് വീസ തരപ്പെടുത്തിനല്കാമെന്ന് വിശ്വസിപ്പിച്ച് പരാതിക്കാരനായ വിബിനില്നിന്ന് 8,81,598 രൂപയാണ് പ്രതികള് വാങ്ങിയത്. കൂടാതെ സഹൃത്തുക്കളായ യദുകൃഷ്ണന്റെ കയ്യില്നിന്ന് 6,45,173 രൂപയും കെ.വി. മിഥുനില് നിന്ന് മൂന്ന് ലക്ഷം രൂപയും വീസ നല്കാമെന്ന ഉറപ്പില് വാങ്ങിയതായി പരാതിയില് പറയുന്നു. എന്നാല്, പലവട്ടം ചോദിച്ചിട്ടും വീസയോ നല്കിയ പണമോ തിരിച്ച് നല്കാതെ വഞ്ചിക്കുകയായിരുന്നുവെന്ന പരാതിയിലാണ് പയ്യന്നൂര് പോലീസ് കേസെടുത്തത്.
Read More