പ്രദീപ് ചാത്തന്നൂർചാത്തന്നൂർ: തമിഴ്നാട് സ്റ്റേറ്റ് ട്രാൻസ്പോർട്ട് കോർപ്പറേഷന്റെ വർക്ക് ഷോപ്പുകളിലെ പ്രവർത്തനം പഠിക്കുന്നതിനായി കെഎസ്ആർടിസിയുടെ ജംബോ സംഘം വീണ്ടും ചെന്നൈയിലേക്ക്. ഉന്നത ഉദ്യോഗസ്ഥരും അംഗീകൃത തൊഴിലാളി സംഘടനാ പ്രതിനിധികളും ഉൾപ്പെടുന്നതാണ് സംഘം. തമിഴ്നാട് സ്റ്റേറ്റ് ട്രാൻസ്പോർട്ട് കോർപ്പറേഷന്റെ ഏറ്റവും പ്രധാന വർക്ക് ഷോപ്പുകളിലൊന്നാണ് ചെന്നൈയിലേത്. ഈ മാസം 16 മുതൽ 18 വരെയാണ് പഠനസന്ദർശനം. കഴിഞ്ഞ ഏപ്രിലിലും ഒരു സംഘം ചെന്നെയിലേയ്ക്ക് പോയി പഠനം നടത്തിയിരുന്നു. മെക്കാനിക്കൽ എൻജിനീയറുടെ ചുമതല വഹിക്കുന്ന തിരുവനന്തപുരം സെൻട്രൽ വർക്ക് ഷോപ്പിലെ വർക്സ് മാനേജർ എം. ഐസക്ക് മാത്യുവിന്റെ നേതൃത്വത്തിലാണ് 44 അംഗ സംഘത്തിന്റെ സന്ദർശനം. അഞ്ച് ഡിപ്പോ എൻജിനീയർമാർ , 21 അസിസ്റ്റന്റ് ഡിപ്പോ എൻജിനീയർമാർ , 11 അസിസ്റ്റന്റ് ട്രാൻസ്പോർട്ട് ഓഫീസർമാർ , മൂന്ന് അംഗീകൃത തൊഴിലാളി സംഘടനകളുടെ പ്രതിനിധികളായ ആറു പേർ എന്നിവരാണ് സംഘത്തിലുള്ളത്. കഴിഞ്ഞ ഏപ്രിലിലും…
Read MoreCategory: Edition News
മെഡിക്കൽ കോളജ് കെട്ടിടത്തിനു മുകളിൽ നിന്ന് ചാടി രോഗി ആത്മഹത്യ ചെയ്തു
തിരുവനന്തപുരം മെഡിക്കൽ കോളജ് കെട്ടിടത്തിനു മുകളിൽ നിന്നും ചാടി രോഗി ആത്മഹത്യ ചെയ്തു. കരിക്കകം സ്വദേശി ഗോപകുമാറാണ് ആത്മഹത്യ ചെയ്തത്. സൂപ്പർ സ്പെഷ്യാലിറ്റി ബ്ലോക്കിന്റെ രണ്ടാം നിലയിൽ നിന്നാണ് ഇയാൾ താഴേക്ക് ചാടിയത്. ഉടൻതന്നെ അത്യാഹിത വിഭാഗത്തിൽ എത്തിച്ചെങ്കിലും മരണം സംഭവിച്ചിരുന്നു. ഇന്നലെയാണ് ഗോപകുമാറിനെ വൃക്കരോഗത്തെ തുടർന്ന് മെഡിക്കൽ കോളജിൽ പ്രവേശിപ്പിച്ചത്.
Read Moreവീട്ടിൽ അതിക്രിമിച്ച് കയറി അമ്മയേയും മകനെയും കൊലപ്പെടുത്താന് ശ്രമം: യുവാവ് അറസ്റ്റില്
കോട്ടയം: വീട്ടമ്മയെയും മകനെയും കൊലപ്പെടുത്താന് ശ്രമിച്ച കേസില് യുവാവിനെ പോലീസ് അറസ്റ്റ് ചെയ്തു. അയ്മനം മര്യാതുരുത്ത് ഭാഗത്ത് കുളത്തിന്കര സരുണ് സത്യന് (സത്യപ്പന്-26)നെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്. ഇയാള് കഴിഞ്ഞദിവസം രാത്രി 10.30 നു കുടമാളൂര് പുളിഞ്ചുവട് സ്വദേശിനിയുടെ വീട്ടില് അതിക്രമിച്ചു കയറി ഇവരെയും മകനെയും മര്ദ്ദിക്കുകയും, കൈയ്യില് കരുതിയിരുന്ന വാളുകൊണ്ട് വെട്ടി കൊലപ്പെടുത്താന് ശ്രമിക്കുകയുമായിരുന്നു. തുടര്ന്ന് ഇയാള് സംഭവസ്ഥലത്ത് നിന്ന് കടന്നുകളഞ്ഞു. വീട്ടമ്മയുടെ മകനും ഇയാളും തമ്മില് പുളിഞ്ചുവട് കവലയില് വച്ച് വാക്ക് തര്ക്കം ഉണ്ടായതിലുള്ള വിരോധം മൂലമാണ് ഇയാള് വീട്ടില് അതിക്രമിച്ചുകയറി ഇവരെ കൊലപ്പെടുത്താന് ശ്രമിച്ചത്. പരാതിയെ തുടര്ന്ന് കോട്ടയം വെസ്റ്റ് പോലീസ് കേസ് രജിസ്റ്റര് ചെയ്യുകയും ഇയാളെ പിടികൂടുകയുമായിരുന്നു. ഇയാള് കോട്ടയം വെസ്റ്റ് സ്റ്റേഷനിലെ ആന്റി സോഷ്യല് ലിസ്റ്റില് ഉള്പ്പെട്ട ആളാണ്.
Read Moreഓടിക്കൊണ്ടിരുന്ന പോലീസ് ജീപ്പിൽ പോലീസുകാരന് ക്രൂരമർദനം; ഇരുപത്തിയാറുകാരനുൾപ്പെട്ട നാലംഗ സംഘം അറസ്റ്റിൽ
കോട്ടയം: പോലീസ് ഉദ്യോഗസ്ഥനെ ആക്രമിച്ച കേസില് നാലുപേരെ പോലീസ് അറസ്റ്റ് ചെയ്തു. തിരുവാര്പ്പ് കാഞ്ഞിരംജെട്ടി പള്ളത്തുശേരില് മോഹിത് വര്ഗീസ് മാത്യു (36), ജെബിന് ജോസഫ്(26), വേളൂര് ചുങ്കത്ത് മുപ്പതില് പരുവക്കുളം പി.കെ. ജിബിന് (29), 20ല്ചിറ ഇ.എസ്. രാജീവ് (43) എന്നിവരെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്. കഴിഞ്ഞദിവസം വൈകുന്നേരത്തോടെ പുത്തനങ്ങാടി ഭാഗത്ത് ബഹളമുണ്ടാക്കിയ ഇവരെ പോലീസ് വാഹനത്തിലെത്തി സ്റ്റേഷനിലേക്ക് കൂട്ടിക്കൊണ്ടു വരുന്പോൾ പുറകിലിരുന്ന പോലീസ് ഉദ്യോഗസ്ഥനെ ആക്രമിക്കുകയായിരുന്നു. തുടര്ന്ന് സ്റ്റേഷനില് എത്തിച്ചപ്പോൾ ജീപ്പില്നിന്ന് ഇറങ്ങിയശേഷവും ഇവര്പോലീസ് ഉദ്യോഗസ്ഥനെ ആക്രമിച്ചു. ഭീകരാന്തരീക്ഷം സൃഷ്ടിച്ച ഇവരെ കൂടുതല് പോലീസ് ഉദ്യോഗസ്ഥര് ചേര്ന്ന് അറസ്റ്റ് ചെയ്യുകയായിരുന്നു.
Read Moreസംസ്ഥാന സ്കൂൾ കായികമാമാങ്കത്തിന് ഇനി ആറു നാൾ; ഒരുക്കങ്ങൾ അവസാനഘട്ടത്തിൽ
കുന്നംകുളം (തൃശൂർ): കുന്നംകുളത്ത് അടുത്ത ആഴ്ച ആരംഭിക്കുന്ന 65-ാമത് സംസ്ഥാന സ്കൂൾ കായിക മേളയ്ക്ക് ഇനി ആറു നാൾ. സംസ്ഥാന സ്കൂൾ കായികമേളയുടെ പ്രധാന വേദിയുടെ പന്തലുയർന്നു കഴിഞ്ഞു. ഗവ. ബോയ്സ് ഹയർ സെക്കൻഡറി സീനിയർ ഗ്രൗണ്ടിനടുത്താണ് പന്തലൊരുങ്ങിയത്. ഇതോടൊപ്പം മറ്റ് ഒരുക്കങ്ങളും അവസാനഘട്ടത്തിലാണ്. കായികോത്സവത്തിൽ വലുതും ചെറുതുമായ പന്ത്രണ്ടോളം പന്തലുകളാണ് തയാറാക്കുന്നത്. പ്രധാന വേദി 2500 ചതുരശ്ര അടി വിസ്തീർണത്തിലുള്ള ഭക്ഷണ പന്തലാണ്. ഇതിന്റെ കാൽനാട്ട് കഴിഞ്ഞ ദിവസം എ.സി. മൊയ്തീൻ എംഎൽഎ നിർവഹിച്ചിരുന്നു. സിന്തറ്റിക് ട്രാക്കിനോട് ചേർന്ന് കാണികൾ ഇരിക്കുന്ന ഗാലറിയിലും മൂന്ന് പന്തുലുകളുണ്ടാകും. മഴയെ ചെറുക്കാൻ കഴിയുന്നതാണ് ഈ പന്തലുകൾ. കായിക താരങ്ങൾക്ക് പരിശീലനത്തിന് സൗകര്യമൊരുക്കിയിട്ടുള്ള ബഥനി സ്കൂളിലും പന്തൽ ഒരുക്കുന്നുണ്ട്. സിന്തറ്റിക് ട്രാക്കിലെ ഗാലറിക്ക് മുകളിലുള്ള സ്ഥലത്താണ് ഉദ്ഘാടന വേദി. ഇരുന്നൂറോളം പേർക്ക് ഇരിക്കാനുള്ള സൗകര്യമാണിവിടെയുള്ളത്. ഉദ്ഘാടന വേദി അലങ്കാര പണികളാൽ…
Read Moreഅനധികൃത സ്വത്ത് സമ്പാദനക്കേസ്; ഇഡി പിടിച്ചെടുത്ത ‘47.35 ലക്ഷം വിട്ടുകിട്ടണമെന്ന് കെ.എം ഷാജി
കോഴിക്കോട്: അനധികൃത സ്വത്ത് സമ്പാദനക്കേസില് വിജിലന്സ് റെയ്ഡില് പിടിച്ചെടുത്ത പണം തിരികെ കിട്ടണമെന്ന് ആവശ്യപ്പെട്ട് മുസ് ലിംലീഗ് സംസ്ഥാന സെക്രട്ടറിയും മുന് എംഎല്എയുമായ കെ.എം.ഷാജി സമര്പ്പിച്ച ഹര്ജിയില് ഹൈക്കോടതി ഇന്ന് വിധിപറയും. ഷാജിയുടെ കണ്ണൂര് അഴീക്കോട്ടെ വസതിയില് നിന്ന് 47,35,000 രൂപയാണ് കഴിഞ്ഞ വര്ഷം വിജിലന്സ് പിടിച്ചെടുത്തിരുന്നത്. ഇതു വിട്ടുകിട്ടണമെന്നാണ് ഷാജിയുടെ ആവശ്യം. ജസ്റ്റിസ് സിയാദ് റഹ്മാന് ആണ് വിധി പുറപ്പെടുവിക്കുക. പ്ലസ്ടു കോഴക്കേസില് അന്വേഷണം നടക്കുന്നതിനിടയിലാണ് ഷാജിക്കെതിരേ അനധികൃത സ്വത്ത് സമ്പാദന കേസ് ഉയര്ന്നുവന്നിരുന്നത്. കോഴിക്കോട് വെള്ളിമാട്കുന്നില് ഒന്നരക്കോടി ചെലവിട്ട് ഷാജി വീടുനിര്മിച്ചത് അനധികൃത സ്വത്ത് സമ്പാദിച്ചാണെന്ന സിപിഎം പ്രവര്ത്തകന് ഹരീഷിന്റെ പരാതിയിലാണ് വിജലിന്സ് കേസ് രജിസ്റ്റർ ചെയ്ത് അന്വേഷണം തുടങ്ങിയത്. കണ്ണൂര് അഴീക്കോട് ഹൈസ്കൂളില് പ്ലസ്ടു കോഴ്സ് അനുവദിക്കാന് ഷാജി 25 ലക്ഷം രുപ കോഴ വാങ്ങിയെന്ന പരാതിയിലാണ് വിജിലന്സ് ആദ്യം കേസ് എടുത്തിരുന്നത്.…
Read Moreപിടയ്ക്കുന്ന മീനെന്ന് പറച്ചിൽ മാത്രം; ആലുവയിൽ 28 കിലോ പഴകിയ മത്സ്യം പിടികൂടി
ആലുവ: ആലുവ മാർക്കറ്റിൽനിന്ന് ഭക്ഷ്യ സുരക്ഷാ വകുപ്പ് പഴകിയ മീൻ പിടികൂടി. ഇന്ന് രാവിലെ നാല് മുതൽ നടത്തിയ പരിശോധനയിൽ 28 കിലോ പഴകിയ മത്സ്യമാണ് പിടികൂടിയത്. ഇതിൽ ഒൻപത് കിലോ ചൂരയും 18 കിലോ കേരയുമാണ് മൊബൈൽ ലാബിൽ നടത്തിയ പരിശോധനയിൽ ഭക്ഷ്യയോഗ്യമല്ലെന്ന് കണ്ടെത്തിയത്. ഇതിൽ ഒരു കിലോ ചൂര വിൽപ്പനയ്ക്ക് വച്ചതും 18 കിലോ കേര മീൻ വാഹനത്തിൽ കൊണ്ടുവന്നതുമാണ്. വാഹന ഉടമ മൊബെൽ ലാബിൽ പരിശോധന സമയത്ത് ഉണ്ടായിരുന്നതായും പിന്നീട് മുങ്ങിക്കളഞ്ഞതായും ഉദ്യോഗസ്ഥർ അറിയിച്ചു. 15 ഓളം ഇനം മത്സ്യങ്ങൾ പരിശോധന നടത്തി. കേടായവ നശിപ്പിക്കാൻ ആലുവ സഭയ്ക്ക് കൈമാറി.എറണാകുളം അസിസ്റ്റന്റ് കമ്മീഷണർ ജോൺ വിജയകുമാർ, ആലുവ ഫുഡ് സേഫ്റ്റി ഓഫീസർ അനീഷ, കളമശേരി, പറവൂർ ഭക്ഷ്യ സുരക്ഷാ ഓഫീസർ ഡോ. സിന്ധ്യ ജോസ് എന്നിവരുടെ നേതൃത്വത്തിലാണ് പരിശോധന നടത്തിയത്.
Read Moreകുളത്തിൽ മുങ്ങിത്താണ യുവതിക്ക് രക്ഷകനായി പത്താം ക്ലാസുകാരൻ
പരവൂർ : കുളത്തിൽ വീണ് ആഴങ്ങളിലേയ്ക്ക് മുങ്ങി താഴ്ന്ന യുവതിക്ക് രക്ഷകനായി പത്താം ക്ലാസുകാരനായ അക്ഷയ് ചന്ദ്രൻ. ഈ പത്താം ക്ലാസ് വിദ്യാർഥിയുടെ ധീരതയും സമയോചിതമായ ഇടപെടലും കൊണ്ട് മരണത്തിന്റെ ആഴങ്ങളിലേയ്ക്ക് മുങ്ങി കൊണ്ടിരുന്ന യുവതിയ്ക്ക് കിട്ടിയത് പുതുജന്മം. ഞായറാഴ്ച വൈകിട്ട് നാലരയോടെയാണ് സംഭവം. നെടുങ്ങോലം പാറയിൽ കാവ് കുളത്തിന് സമീപം യുവതി ബോധരഹിതയായി വീഴുകയായിരുന്നു. കുളത്തിൽ വീണ യുവതി മുങ്ങിത്താഴുന്നത് കണ്ട് അക്ഷയ് കുളത്തിലേയ്ക്ക് ചാടി. യുവതിയെ കരയിലേക്ക് വലിച്ചു കയറ്റി. തുടർന്ന് പ്രാഥമിക ശുശ്രൂഷ നൽകി. പിന്നീട് പരിസരവാസികളുടെ നേതൃത്വത്തിൽ 21 കാരിയായ യുവതിയെ പാരിപ്പള്ളി ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നെടുങ്ങോലം പാറയിൽ കാവ് ക്ഷേത്രത്തിന് സമീപം ശിവപുരിയിൽ സന്തോഷ് കുമാറിന്റെയും മഞ്ചു സന്തോഷിന്റെയും മകനായ അക്ഷയ് ചന്ദ്രൻ നെടുങ്ങോലം ഗവ.ഹയർ സെക്കൻഡറി സ്കൂളിലെ വിദ്യാർഥിയാണ്.
Read Moreനിയമനക്കോഴക്കേസ്; ആരോഗ്യമന്ത്രിക്കെതിരേ ഗൂഢാലോചനയോ? പോലീസ് അന്വേഷിക്കുന്നു
തിരുവനന്തപുരം: നിയമനക്കോഴക്കേസിൽ ആരോഗ്യമന്ത്രി വീണാ ജോർജിനെതിരേ ഗൂഢാലോചന നടന്നിട്ടുണ്ടോയെന്ന് പോലീസ് പരിശോധിക്കുന്നു. വീണാ ജോർജിന്റെ സ്റ്റാഫ് അംഗം അഖിൽ മാത്യുവിന് പണം നൽകിയിട്ടില്ലെന്ന് ഹരിദാസൻ മൊഴി മാറ്റിയതിന്റെ പശ്ചാത്തലത്തിലാണ് പോലീസ് ഗൂഢാലോചന നടന്നിട്ടുണ്ടോയെന്ന് അന്വേഷിക്കുന്നത്. അഖിൽ മാത്യുവിന്റെ പേര് കേസിലേക്ക് വന്നത് ഗൂഢാലോചനയുടെ ഭാഗമായിട്ടാണോ എന്നാണ് പോലീസ് പരിശോധിക്കുന്നത്. അതേസമയം സിഐടിയു ഫണ്ട് തട്ടിപ്പുമായി ബന്ധപ്പെട്ട് പത്തനംതിട്ട പോലീസിന്റെ കസ്റ്റഡിയിലാണ് ഇപ്പോൾ അഖിൽ സജീവ്. അഖിൽ സജീവിനെ ഇന്ന് തെളിവെടുപ്പിന് കൊണ്ടുപോകുമെന്നാണ് റിപ്പോർട്ട്. ഫണ്ട് ക്രമക്കേടുമായി ബന്ധപ്പെട്ട ഇയാൾ വ്യാജ സീലും ഉപ്പും നിർമിച്ചു എന്നാണ് അന്വേഷണസംഘത്തിന്റെ കണ്ടെത്തൽ. ഇക്കാര്യത്തിലാണ് തെളിവെടുപ്പ് നടത്തുന്നത്. ഇതിനുശേഷമായിരിക്കും, ആരോഗ്യവകുപ്പിലെ നിയമനതട്ടിപ്പുമായി ബന്ധപ്പെട്ട് കന്റോൺമെന്റ് പോലീസ് അഖിൽ സജീവിനെ കസ്റ്റഡിയിൽ വാങ്ങുക.
Read Moreവിഷ്ണുപ്രിയ വധം; 35 സാക്ഷികളുടെ വിസ്താരം പൂർത്തിയായി
തലശേരി: പാനൂർ വളള്യായിയിലെ വിഷ്ണുപ്രിയ കൊലക്കേസിൽ വിചാരണ അവസാനഘട്ടത്തിലേക്ക്. 35 സാക്ഷികളുടെ വിസ്താരം തലശേരി അഡീഷണൽ ജില്ലാ സെഷൻസ് കോടതിയിൽ പൂർത്തിയായി. വിഷ്ണു പ്രിയയുടെ മാതാവും സഹോദരികളും ഫോറൻസിക് സർജനും ഉൾപ്പെടെയുള്ള സാക്ഷികളുടെ വിസ്താരമാണ് പൂർത്തിയായിട്ടുള്ളത്. 2022 ഒക്ടോബർ 22 നായിരുന്നു കൊലപാതകം നടന്നത്. കേസിൽ 90 ദിവസത്തിനകം അന്വേഷണ ഉദ്യോഗസ്ഥൻ കോടതിയിൽ കുറ്റപത്രം സമർപ്പിച്ചിരുന്നു. മാനന്തേരി സ്വദേശി എ. ശ്യാംജിത്താണ് കേസിലെ പ്രതി. സംഭവദിവസം വിഷ്ണുപ്രിയയുടെ വീട്ടിൽ അതിക്രമിച്ചു കയറിയ ഇയാൾ കൈയിൽ കരുതിയ മാരകായുധങ്ങളുപയോഗിച്ച് കുത്തിക്കൊലപ്പെടുത്തുകയായിരുന്നു. കൊല നടന്നതിന്റെ പിറ്റേന്ന് തന്നെ അറസ്റ്റിലായ ഇയാൾ ഇപ്പോഴും ജുഡീഷൽ കസ്റ്റഡിയിലാണുള്ളത്. കേസിൽ 73 സാക്ഷികളാണുള്ളത്. പ്രോസിക്യൂഷനു വേണ്ടി പബ്ലിക് പ്രോസിക്യൂട്ടർ കെ.അജിത്താണ് ഹാജരാകുന്നത്.
Read More