കണ്ണൂർ: കുട്ടികൾക്കെതിരായ ലൈംഗിക അതിക്രമക്കേസുകളിൽ വിചാരണ വേഗത്തിലാക്കാൻ തുടങ്ങിയ അതിവേഗ പോക്സോ കോടതിയുടെ പ്രവർത്തനങ്ങൾ ഒച്ചിഴയുന്ന വേഗത്തിൽ. ഇതുമൂലം ഇരകൾക്കുള്ള നീതി ഏറെ വൈകുന്നതായി പരാതി. 2023 സെപ്റ്റംബർ വരെ 9212 കേസുകളാണ് തീർപ്പാക്കാതെ കെട്ടിക്കിടക്കുന്നത്. ഫോറൻസിക് റിപ്പോർട്ട് സമർപ്പിക്കുന്നതിലെയും പബ്ലിക് പ്രോസിക്യൂട്ടർമാരെ നിയമിക്കുന്നതിലെയും കാലതാമസമാണ് പ്രധാനമായും കേസുകൾ ഇഴയാൻ കാരണമായി ചൂണ്ടിക്കാണിക്കുന്നത്. കോടതികളുടെ കുറവ് പരിഹരിക്കുന്നതിന് പുതിയ കോടതികൾ ആരംഭിക്കുമെന്നു കഴിഞ്ഞ വർഷം പ്രഖ്യാപനം ഉണ്ടായിരുന്നുവെങ്കിലും നാമമാത്രമായവയാണ് തുടങ്ങിയത്. കുട്ടികൾക്കെതിരായ ലൈംഗിക അതിക്രമങ്ങൾ, ചൈൽഡ് പോർണോഗ്രാഫി തുടങ്ങിയ കുറ്റകൃത്യങ്ങൾക്ക് കഠിനശിക്ഷ വ്യവസ്ഥ ചെയ്യുന്ന നിയമമാണ് 2012 ൽ പാസായ പോക്സോ നിയമം. തലസ്ഥാന ജില്ലയിൽ തന്നെയാണ് ഏറ്റവുമധികം കേസുകൾ കെട്ടിക്കിടക്കുന്നത്. 1452 കേസുകളാണ് പുതിയ കണക്കുകൾ പ്രകാരമുള്ളത്. എറണാകുളവും മലപ്പുറവുമാണ് രണ്ടും മൂന്നും സ്ഥാനങ്ങളിൽ ഉള്ളത്. യഥാക്രമം 1241, 1208 എന്നിങ്ങനെയാണ്. വയനാട്ടിലാണ് ഏറ്റവും കുറവ്.…
Read MoreCategory: Edition News
ആദിക്കിത് പുതു ജീവൻ; വെള്ളക്കെട്ടിൽ മുങ്ങിയ 6 വയസുകാരനെ രക്ഷപെടുത്തി 11കാരൻ
ആദി മെഹബൂബിനിത് പുതു ജീവൻ. ചെറുമുക്ക് ആമ്പൽ പാടത്തെ മതിൽക്കെട്ടിലിരുന്നു കൂട്ടുക്കാർ കുളിക്കുന്നത് നോക്കി നിന്ന 6 വയസുകാരൻ ആദി മെഹബൂബ് സുഹൃത്തിന്റെ കാൽ തട്ടി അറിയാതെ വെള്ളത്തിലേക്ക് വീണു. വെള്ളത്തിൽ മുങ്ങി താണ 6 വയസുകാരനെ അതി സാഹസികമായി രക്ഷപ്പെടുത്തിയത് 11 വയസുകാരൻ. മലപ്പുറം ചെമ്മാട് ചെറുമുക്ക് സ്വദേശി അബൂബക്കറിന്റെ മകൻ മുഹമ്മദ് അഫ്ലവിന്റെ കൃത്യ സമയത്തെ ഇടപെടൽ മൂലമാണ് ആദി മെഹബൂബിനെ രക്ഷിക്കാനായത്. ആദി മെഹബൂബ് മുങ്ങി താഴുന്നത് ആരും അറിഞ്ഞിരുന്നില്ല. ആദി മെഹബൂബ് മുങ്ങിപോകുന്നത് ശ്രദ്ധയിൽപ്പെട്ട മുഹമ്മദ് അഫ്ലവ് ഉടൻ തന്നെ വെള്ളത്തിലേക്ക് എടുത്തുചാടി സുഹൃത്തിന്റെ സഹായത്തോടെ ആദിയെ രക്ഷപ്പെടുത്തുകയായിരുന്നു.
Read Moreനെടുങ്കണ്ടത്ത് വന് ചീട്ടുകളിസംഘം പിടിയില്; 13 പേരിൽ നിന്നായി പിടിച്ചെടുത്തത് ഒന്നരലക്ഷത്തോളം രൂപ
ഇടുക്കി: ജില്ലയിലെ വിവിധ കേന്ദ്രങ്ങളില് പണംവച്ച് ചീട്ടുകളി നടത്തുന്ന സംഘത്തെ കട്ടപ്പന ഡിവൈഎസ്പി വി.എ. നിഷാദ്മോന്റെ നേതൃത്വത്തില് നെടുങ്കണ്ടം പോലീസും ജില്ലാ ഡാന്സാഫ് ടീം അംഗങ്ങളും ചേര്ന്ന് പിടികൂടി. ചീട്ടുകളി നടത്തിയിരുന്ന 13 പേരെയാണ് പോലീസ് കസ്റ്റഡിയിലെടുത്തത്. ഇവരില് നിന്നും 1,36,395 രൂപയും പിടിച്ചെടുത്തു. പോലീസ് നടത്തിയ നിരന്തര നിരീക്ഷണത്തിനൊടുവിലാണ് നെടുങ്കണ്ടത്തിനു സമീപം തൂക്കുപാലത്തുനിന്നു സംഘം പിടിയിലായത്. കട്ടപ്പന ആനകുത്തി തുണ്ടിയില് സാബു (48), ഇരട്ടയാര് ഈട്ടിത്തോപ്പ് ഒറ്റപ്ലാക്കല് രാജേഷ് (36), ഇരുപതേക്കര് തൊവരയാര് വട്ടക്കല് ഷൈജോ (38), അയ്യപ്പന്കോവില് മേരികുളം അമ്പാട്ട് രഘു (53), കട്ടപ്പന ആനക്കല് അനീഷ് ജോസഫ് (ചെകുത്താന് അനീഷ് -43) , കട്ടപ്പന തൊവരയാര് കിഴക്കേനാത്ത് ഷിബി (42), നരിയമ്പാറ ഉണക്കപ്പറയില് ദീപു ഗോപി (45), നെടുങ്കണ്ടം പച്ചടി പുള്ളോലില് ജോമോന് ജോസഫ് (39), കാഞ്ചിയാര് പുത്തന്വീട്ടില് അനുമോന് (37),…
Read Moreകേട്ടാൽ അറയ്ക്കുന്ന നഗരസഭാ സെക്രട്ടറിയുടെ വിവാദ ശബ്ദരേഖ പുറത്ത്; സെക്രട്ടറിക്കെതിരേ രാഷ്ട്രീയം മറന്ന് പാനൂരിലെ ജനങ്ങൾ
തലശേരി: “ചെയർമാനെ ഇഡിയെ കൊണ്ട് ചവിട്ടി കൂട്ടി ഉത്തർ പ്രദേശിൽ കൊണ്ടു പോയിടും. ഓനെ പുറത്താക്കാൻ അധികാരമുള്ളവനാ ഞാൻ. ഓൻ എൽപി സ്കൂൾ മാഷാ..എന്റെ മുകളിൽ കയറി കമന്റ് ചെയ്യാൻ ഓൻ വളർന്നിട്ടില്ല. ഞാനത്ര മോശക്കാരനല്ല. വെടിപ്പുള്ള തറവാട്ടിൽ പിറന്നവനാ… സമന്മാർ തമ്മിലാ ചർച്ച നടത്തേണ്ടത്. ഞാൻ ഷംസീറിനെ (നിയമസഭ സ്പീക്കർ) മൈൻഡ് ചെയ്തിട്ടില്ല പിന്നെയാ ഇവൻ. നായിന്റെ മക്കളുടെ ( സംസ്ഥാന സർക്കാർ ) അടുത്ത് പൈസ ഒന്നുമില്ല. ആയിരക്കണക്കിന് ക്രിമിനലുകളെ കൈകാര്യം ചെയ്തു വന്നവനാ ഞാൻ ….” മുകളിൽ പറഞ്ഞ വരികളെല്ലാം എൽഎൽബി ഉൾപ്പെടെ ബിരുദമുള്ള ഒരു നഗരസഭാ സെക്രട്ടറിയുടെ വാക്കുകളാണ്.അതും നഗരസാ ചെയർമാൻ, നിയമസഭാ സ്പീക്കർ, ഗവൺമെന്റ് എന്നിവർക്കെതിരെയുള്ളത്. രാഷ്ട്രദീപികക്ക് ലഭിച്ച പാനൂർ നഗരസഭാ സെക്രട്ടറി എ. പ്രവീണിന്റെ വിവാദ സന്ദേശത്തിലെ വാക്കുകളാണിത്.നഗരസഭാ സെക്രട്ടറിയുടെ എട്ട് മിനിറ്റും 34 സെക്കൻഡും നീണ്ടു നിൽക്കുന്ന…
Read Moreമലദ്വാരത്തില് കാപ്സ്യൂള് രൂപത്തില് സ്വര്ണം കടത്താൻ ശ്രമം; 33 ലക്ഷത്തിന്റെ സ്വര്ണം കടത്താൻശ്രമിച്ചത് മലപ്പുറം സ്വദേശി
കോഴിക്കോട്: കരിപ്പൂര് വിമാനത്താവളത്തില് യാത്രക്കാരനില്നിന്ന് 33 ലക്ഷത്തിന്റെ സ്വര്ണം പോലീസ് പിടികൂടി.വിമാനത്താവളത്തിനു പുറത്തുവച്ചാണ് 577.50 ഗ്രം സ്വര്ണവുമായി മലപ്പുറം ചെമ്മാട് സ്വദേശി സതീശന് പോലീസ് പിടിയിലായത്. എയര് ഇന്ത്യ എക്സ്പ്രസ് വിമാനത്തില് ഇന്നലെ രാത്രിയാണ് ദോഹയില് നിന്ന് ഇയാള് എത്തിയത്. കസ്റ്റംസിന്റെ മുഴുവന് പരിേശാധനകളും പൂര്ത്തിയാക്കി പുറത്തിറങ്ങിയതായിരുന്നു ഇയാള്. മലപ്പുറം പോലീസിനു ലഭിച്ച രഹസ്യ വിവരത്തിന്റെ അടിസ്ഥാനത്തില് ഇയാളെ കാത്ത് വിമാനത്താവളത്തിനു പുറത്ത് പോലീസ് നിലയുറപ്പിച്ചിരുന്നു. സതീശനെ ആശുപത്രിയില് എത്തിച്ച് എക്സ്റേ പരിശോധനയ്ക്ക് വിധേയമാക്കിയപ്പോഴാണ് മലദ്വാരത്തില് കാപ്സ്യൂള് രൂപത്തില് സ്വര്ണം കണ്ടെത്തിയത്. ഈ വര്ഷം വിമാനത്താവളത്തിനു പുറത്ത് പോലീസ് പിടികൂടുന്ന 32ാമത്തെ കേസാണിത്.
Read Moreമുഴപ്പാലയിൽ ആർഎസ്എസ് പ്രവർത്തകന്റെ ബൈക്ക് കത്തിച്ചു;സിസി ടിവി കാമറകൾ പരിശോധിച്ച് പോലീസ്
ചക്കരക്കൽ: മുഴപ്പാലയിൽ ആർഎസ്എസ് പ്രവർത്തകന്റെ ബൈക്ക് കത്തിച്ചു. മുഴപ്പാല കൈതപ്രത്തെ റിജുവിന്റെ ബൈക്കാണ് കത്തിനശിച്ചത്. ഇന്ന് പുലർച്ചെ 2.30 ഓടെ വീട്ടുമുറ്റത്ത് നിർത്തിയിട്ട ബൈക്ക് അക്രമികൾ തീവച്ചു നശിപ്പിക്കുകയായിരുന്നു. ബൈക്കിൽ നിന്നുള്ള തീ ആളിപ്പടർന്ന് വീടിന്റെ ചുമരിനും മറ്റും നാശം സംഭവിച്ചു. ശബ്ദം കേട്ട് വീട്ടുകാർ പുറത്തു വരുമ്പോഴേക്കും അക്രമികൾ രക്ഷപ്പെട്ടിരുന്നു.വിവരമറിഞ്ഞ് ചക്കരക്കൽ എസ്ഐ രമേശനും സംഘവും സ്ഥലത്തെത്തി പരിശോധന നടത്തി. ബിജെപി ജില്ലാ പ്രസിഡന്റ് എൻ.ഹരിദാസൻ നേതാക്കളായ ടി.പി. ശശിധരൻ, അരുൺ തുടങ്ങി നിരവധി പേർ വീട്ടിലെത്തി. പ്രദേശത്തെ സിസിടിവി കാമറകൾ പോലീസ് പരിശോധിക്കുകയാണ്.
Read Moreനിയമനക്കോഴ കേസ്; വാട്ട്സ് ആപ്പ് ചാറ്റ് കണ്ടെത്തി പോലീസ്; അഖിൽ സജീവും സംഘവും കൂടുതൽ തട്ടിപ്പുകൾ നടത്തിയിട്ടുണ്ടെന്നു പോലീസ്
തിരുവനന്തപുരം: നിയമനക്കോഴ കേസിലെ പ്രതി അഖിൽ സജീവും സംഘവും കുടുതൽ തട്ടിപ്പുകൾ നടത്തിയിരുന്നുവെന്ന് പോലീസിന്റെ അന്വേഷണത്തിൽ കണ്ടെ ത്തി. അറസ്റ്റിലായ അഡ്വ. റഹീസിന്റെ ഫോണിലെ വാട്ട്സ് ആപ്പ് ചാറ്റുകൾ കേന്ദ്രീകരിച്ച് കന്റോണ്മെന്റ് പോലീസ് നടത്തിയ അന്വേഷണത്തിലാണ് തട്ടിപ്പിന്റെ കുടുതൽ വിവരങ്ങൾ പുറത്ത് വന്നത്. ഒളിവിൽ കഴിയുന്ന അഖിൽ സജീവും കുട്ടാളികളും നടത്തിയ തട്ടിപ്പുകളെക്കുറിച്ചുള്ള വിവരങ്ങൾ അടങ്ങിയ റിപ്പോർട്ട് കന്റോണ്മെന്റ് പോലീസ് ഉന്നത പോലീസ് ഉദ്യോഗസ്ഥർക്ക് ഉടൻ സമർപ്പിക്കും. നിയമനക്കോഴ ആരോപിച്ച് പരാതിയുമായി രംഗത്തെത്തിയ മലപ്പുറം സ്വദേശി ഹരിദാസനോട് മൊഴികളിലെ വൈരുധ്യങ്ങളെക്കുറിച്ച് വ്യക്തത വരുത്താൻ വീണ്ടും മൊഴി നൽകാൻ എത്താൻ പോലീസ് നിർദേശിച്ചെങ്കിലും അദ്ദേഹം എത്തിയിട്ടില്ല. അതേ സമയം ആരോഗ്യമന്ത്രിയുടെ പേഴ്സണൽ സ്റ്റാഫംഗത്തിനെതിരെ നിയമന കോഴ ആരോപണം വരികയും ഇടനിലക്കാരനായി സിഐടിയു പത്തനംതിട്ട ജില്ലാ കമ്മിറ്റി ഓഫീസിലെ മുൻ ഓഫീസ് സെക്രട്ടറി കുടിയായ അഖിൽ സജീവിനെ പിടികൂടാൻ…
Read Moreദേശീയപാതയില് ആസിഡ് കയറ്റിവന്ന ടാങ്കര് ലോറിയില് വന് ചോര്ച്ച; നാട്ടുകാർക്ക് അസ്വസ്ഥത; കേസ് എടുത്ത് പോലീസ്
തെന്മല: കൊല്ലം-തിരുമംഗലം ദേശീയപാതയില് ആസിഡ് കയറ്റിവന്ന ലോറിയില് ഉണ്ടായ ചോര്ച്ച മൂലം മണിക്കൂറുകള് പൂര്ണമായി ഗതാഗതം മുടങ്ങി. ഇന്നലെ രാത്രി ഒന്പതോടെ പുനലൂരിന് സമീപം വെള്ളിമലയിലാണ് സംഭവം. കൊച്ചിയില് നിന്നും തമിഴ്നാട്ടിലെ തിരിപ്പൂരിലേക്ക് ഹൈഡ്രോക്ലോറിക് ആസിഡുമായി പോയ ലോറിയിലാണ് ചോര്ച്ച ഉണ്ടായത്. ലോറിയുടെ ടയര് പഞ്ചര് ആയതിനെ തുടര്ന്ന് ടയര് മാറ്റുന്നതിനായി നിര്ത്തവെയാണ് ലോറി ജീവനക്കാര് ചോര്ച്ച കാണുന്നത്. ഉടന് പോലീസിലും ഫയര് ഫോഴ്സിലും അറിയിച്ചു. തെന്മല പോലീസ് സ്ഥലത്ത് എത്തി സ്ഥിതിഗതികള് പരിശോധിച്ചതോടെ ഗുരുതരമാണന്നു കണ്ടെത്തുകയായിരുന്നു. ഇതോടെ പാതയിലൂടെയുള്ള ഗതാഗതം പൂര്ണമായും തടഞ്ഞു. അത്യാവശ്യ വാഹനങ്ങള് വഴിതിരിച്ചുവിട്ടു. വലിയ രീതിയില് ആസിഡ് ചോര്ന്നതോടെ ജെസിബി ഉപയോഗിച്ച് കുഴിയെടുത്ത് ആസിഡ് ഒഴുകുന്നത് അധികൃതര് തടഞ്ഞു. മണിക്കൂറുകള്ക്ക് ശേഷം കൊല്ലം കെഎംഎംഎല്ലില് നിന്നും എത്തിയ ലോറി ജീവനക്കാര് വാഴയുടെ പിണ്ടി ഉപയോഗിച്ച് ചോര്ച്ച താല്ക്കാലികമായി ചോര്ച്ച അടച്ചു. ഇതോടെ…
Read Moreരാഷ്ട്രീയ അതിപ്രസരം; സ്കൂൾ പിടിഎ തെരഞ്ഞെടുപ്പിലും വാശി; വോട്ടെടുപ്പ് പോലീസ് കാവലില്
പയ്യോളി: പോലീസ് കാവലില് സ്കൂള് പിടിഎ തെരഞ്ഞെടുപ്പ്. തൃക്കോട്ടൂര് എയുപി സ്കൂളിലെ പിടിഎ ഭാരവാഹികളുടെ തെരഞ്ഞെടുപ്പാണ് രാഷ്ട്രീയ അതിപ്രസരം മൂലം വിവാദമായത്. ഇന്നലെ ഉച്ചകഴിഞ്ഞ്് മൂന്നിനാരംഭിച്ച തെരഞ്ഞെടുപ്പ് നടപടിക്രമങ്ങള് രാത്രി ഒൻപതോടെയാണ് അവസാനിച്ചത്.തര്ക്കവും ബഹളവും മൂലം നടപടിക്രമങ്ങള് ഏറെ വൈകുകയായിരുന്നു. ഇതിനിടയില് യുഡിഎഫ് തെരഞ്ഞെടുപ്പ് ബഹിഷ്കരിച്ച് ഇറങ്ങിപ്പോവുകയും ചെയ്തു. ഒടുവില് നിലവിലെ പിടിഎ പ്രസിഡന്റായ എ.വി. ഷിബു വീണ്ടും തെരഞ്ഞെടുക്കപ്പെടുകയായിരുന്നു.തര്ക്കങ്ങളെത്തുടര്ന്ന് പോലീസ് സാന്നിധ്യത്തിലാണ് ഒടുവില് തെരഞ്ഞെടുപ്പ് നടപടിക്രമങ്ങള് പൂര്ത്തിയാക്കിയത്.
Read Moreകോഴിക്കോട്ട് കാട്ടുപന്നികള്ക്ക് ആഫ്രിക്കന് പന്നിപ്പനി; ജാഗ്രത പുലര്ത്താന് നിര്ദേശം
കോഴിക്കോട്: മരുതോങ്കര ജാനകിക്കാട്ട് കാട്ടുപന്നികള് ചത്തത് ആഫ്രിക്കന് പന്നിപ്പനി മൂലമാണെന്ന് സ്ഥിരീകരിച്ചു. കാട്ടുപന്നികളുടെ രണ്ടു സാമ്പിളുകളിലാണ് വൈറസ് സാന്നിധം സ്ഥിരീകരിച്ചത്. നിപബാധിത പ്രദേശമാണ് മരുതോങ്കര. ഇവിടെയുള്ള മുഹമ്മദലിയാണ് ഓഗസ്റ്റ് 30ന് കോഴിക്കോട് ഇഖ്റ ആശുപത്രിയില് നിപ ബാധിച്ച് മരിച്ചത്. അതിനിടയ്ക്കു കാട്ടുപന്നികള് ചത്തുകിടന്നത് നിപ ബാധിച്ചിട്ടാണോ എന്ന സംശയം ജനിപ്പിച്ചിരുന്നു. അതിനാല് കാട്ടുപന്നികളുടെ സാമ്പിളുകള് നിപ പരിശോധനയ്ക്ക് വിധേയമാക്കിയിരുന്നു. എന്നാല് നിപ വൈറസിന്റെ സാന്നിധ്യം പരിശോധനയില് കണ്ടെത്താന് കഴിഞ്ഞിട്ടില്ല.ജാനകിക്കാടിന്റെ പരിസര പ്രദേശങ്ങളിലുള്ള പന്നി ഫാമുകളില്നിന്ന് രണ്ടു സാമ്പിളുകളും വനത്തിനുള്ളില് ചത്ത നിലയില് കണ്ടെത്തിയ പന്നികളുടെ രണ്ടു സാമ്പിളുകളുമടക്കം നാലു സാമ്പിളുകളാണ് ഭോപ്പാലിലെ ദേശീയ വൈറോജി ഇന്സ്റ്റിട്യൂട്ടില് പരിശോധനയ്ക്ക് അയച്ചിരുന്നത്. ഫാമുകളിലെ പന്നികളുടെ സാമ്പിളില് വൈറസ് സാന്നിധ്യം കണ്ടെത്തിയിട്ടില്ല.പന്നിപ്പനി ബാധിച്ചാല് പന്നികള് രക്ഷപ്പെടാനുള്ള സാധ്യത കുറവാണ്. മനുഷ്യെര ഇതു ബാധിക്കില്ലെന്ന് മൃഗസംരക്ഷണ വകുപ്പ് അറിയിച്ചിട്ടുണ്ട്.കടുത്ത പനി, മൂക്കില് നിന്ന്…
Read More