തിരുവനന്തപുരം: മനോജിന്റെ കുടുംബം അനാഥമാകില്ല. കരുണയും നന്മയുമുള്ള സുഹൃത്തുക്കൾ താങ്ങാകും. വാഹനാപകടത്തിൽ മരിച്ച ഹോട്ടൽ ജീവനക്കാരൻ കിളിമാനൂർ കോക്കാട് ജയഭവനിൽ മനോജ് ഉണ്ണിത്താന്‍റെ (44) കുടുംബത്തെ ചേർത്ത് പിടിയ്ക്കുകയാണ് അദ്ദേഹത്തിന്‍റെ നന്മയുള്ള സഹപ്രവർത്തകരും സുഹൃത്തുക്കളും. ഇക്കഴിഞ്ഞ പതിനൊന്നാം തീയതിയാണ് മനോജും ഭാര്യയും സഞ്ചരിച്ചിരുന്ന ബൈക്കിൽ നിയന്ത്രണം വിട്ട ടിപ്പർ ലോറിയിടിച്ചത്. അപകടത്തെ തുടർന്ന് മനോജ് മരിച്ചത് ഭാര്യ ജയയ്ക്ക് ഗുരുതരമായി പരിക്കേൽക്കുകയും ചെയ്തിരുന്നു. മനോജിന്റെ മരണത്തെ തുടർന്ന് അനാഥമായ രണ്ട് പിഞ്ചു ബാല്യങ്ങൾക്കാണ് സഹപ്രവർത്തകർ താങ്ങായി മാറിയത്.കിളിമാനൂരിലെ വഴിയോരക്കട ഹോട്ടൽ ജീവനക്കാരനായ മനോജിന്റെ സുഹൃത്തുക്കൾ ഓരോ ദിവസവും 22 രൂപ വീതം മാറ്റിവച്ചാണ് എല്ലാ മാസവും മനോജിന്റെ ശന്പളമായി കുടുംബത്തിന് നൽകാൻ തീരുമാനിച്ചിരിക്കുന്നത്. 19 ജീവനക്കാരും ഹോട്ടൽ ഉടമയും പ്രതിദിനം മാറ്റി വയ്ക്കുന്ന തുക എല്ലാ മാസവും മനോജിന്റെ ഭാര്യ ജയയുടെ ബാങ്ക് അക്കൗണ്ടിലേക്ക് നിക്ഷേപിക്കാനാണ്…
Read Moreനന്മമനസ്…! മരണമടഞ്ഞ സഹപ്രവർത്തകന്‍റെ കുടുംബത്തിനു മുടങ്ങാതെ ദിവസം വേതനം നൽകി മാതൃകയായി സുഹൃത്തുക്കൾ
