വെമ്പായം: കന്യാകുളങ്ങര കോൺഗ്രസ് ഭവൻ അടിച്ചു തകർത്ത സംഭവത്തിൽ രണ്ടു പേർ അറസ്റ്റിൽ. ചീരാണിക്കര പൂവപ്ലാങ്ങര സോപാനം വീട്ടിൽ ലിജു ( 28) , തേക്കട ചീരാണിക്കര കട്ടത്തട്ടി ചരുവിള വീട്ടിൽ നവാസ് ( 29) എന്നിവരെയാണ് വെഞ്ഞാറമൂട് പോലീസ് ഇൻസ്പക്ടർ വി.കെ. വിജയരാഘവന്റെ നേതൃത്വത്തിലുള്ള സംഘം അറസ്റ്റ് ചെയ്തത്. അറസ്റ്റിലായവർ ഡിവൈഎഫ്ഐ പ്രവർത്തകരാണെന്നും, കൂടുതൽ പേരെ കണ്ടെത്താനുള്ള ശ്രമം തുടങ്ങിയതായും പോലീസ് പറഞ്ഞു. കഴിഞ്ഞ 31നാണ് കോൺഗ്രസ് ഭവൻ ഒരു സംഘം ആളുകൾ ആക്രമിക്കുകയും, അടിച്ചു തകർക്കുകയും ചെയ്തത്. തേമ്പാംമൂട്ടിൽ കൊല്ലപ്പെട്ട ഡിവൈഎഫ്ഐ പ്രവർത്തകരുടെ വിലാപയാത്രയ്ക്ക് പിന്നാലെ നടന്ന പ്രകടനത്തിനിടയിലാണ് കോൺഗ്രസ് ഭവൻ ആക്രമിക്കപ്പെട്ടത്. തുടർന്ന് സിസിടിവി ദൃശ്യങ്ങളടക്കം കോൺഗ്രസ് ബ്ലോക്ക് കമ്മിറ്റി നൽകിയ പരാതിയുടെ അടിസ്ഥാനത്തിൽ പോലീസ് കേസെടുത്തു നടത്തിയ അന്വേക്ഷണത്തിലാണ് പ്രതികൾ പിടിയിലായത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Read MoreCategory: TVM
പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു; പരാതി കൊടുത്താൽ കൊല്ലുമെന്ന് ഭീഷണിയും; ഒടുവിൽ പെൺകുട്ടിയുടെ തുറന്നു പറച്ചിൽ മധ്യവയസ്കനെ കുടുക്കി
തിരുവനന്തപുരം: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച പ്രതിയെ കന്റോൺമെന്റ് പോലീസ് അറസ്റ്റ് ചെയ്തു. കുമാർ (51) ആണ് സംഭവം നടന്ന് ഒരു വർഷത്തിനു ശേഷം അറസ്റ്റിലായത്. പ്രതി പെൺകുട്ടിയേയും വീട്ടുകാരേയും ഭീഷണിപ്പെടുത്തിയതുകൊണ്ട് ഇത് സംബന്ധിച്ച് പരാതി നൽകിയിരുന്നില്ല. എന്നാൽ, ഏതാനും ദിവസങ്ങള്ക്ക് മുന്പ് ചൈല്ഡ് ലൈന് പ്രവര്ത്തകര് നടത്തിയ കൗൺസിലിംഗില് പെണ്കുട്ടി സംഭവം അവരോടു പറയുകയായിരുന്നു. തുടര്ന്ന് കഴിഞ്ഞ ദിവസം കന്റോൺമെന്റ് പോലീസിന് ചൈല്ഡ് ലൈനില് നിന്നും ഇ-മെയിലായി പരാതി ലഭിച്ചതിനെ തുടർന്നാണ് പോലീസ് വിശദമായ അന്വേഷണം നടത്തി പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
Read Moreഉചിതമായ നടപടി വേണം; മെഡിക്കൽ കോളജ് ആശുപത്രിയിൽ രോഗിയെ പുഴുവരിച്ച സംഭവം: ജീവനക്കാർക്കു വീഴ്ച്ചയെന്ന് റിപ്പോർട്ട്
തിരുവനന്തപുരം: മെഡിക്കൽ കോളജ് ആശുപത്രിയിൽ കോവിഡ് ചികിത്സയിലായിരുന്ന രോഗിയെ പുഴുവരിച്ച സംഭവത്തിൽ ജീവനക്കാരുടെ ഭാഗത്തു ഗുരുതര വീഴ്ച്ചയുണ്ടായെന്ന് അന്വേഷണ റിപ്പോർട്ട്. രോഗിയെ ശുശ്രൂഷിക്കുന്നതിൽ ജീവനക്കാരുടെ ഭാഗത്തു നിന്നും അലംഭാവം ഉണ്ടായെന്നും ഉചിതമായ നടപടി വേണമെന്നും ആരോഗ്യ വിദ്യാഭ്യാസ വകുപ്പ് ഡയറക്ടറുട അന്വേഷണ റിപ്പോർട്ടിൽ പറയുന്നു. റിപ്പോർട്ട് ഇന്നലെ ആരോഗ്യവകുപ്പിനു കൈമാറി. കഴിഞ്ഞ മാസം 21 -ന് ജോലി കഴിഞ്ഞു വീട്ടിലേക്ക് മടങ്ങുന്നതിനിടയിൽ വീണു പരിക്കേറ്റതിനെ തുടർന്നാണ് വട്ടിയൂർക്കാവ് സ്വദേശിയായ അനിൽകുമാറിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്.
Read Moreഇനി ചോദ്യവും പറച്ചിലുമില്ല; കേസ് ഡയറി തന്നില്ലെങ്കിൽ പിടിച്ചെടുക്കും; പെരിയ കേസിൽ മുന്നറിയിപ്പുമായി സിബിഐ
തിരുവനന്തപുരം: പെരിയകൊലക്കേസിന്റെ കേസ് ഡയറി ഹാജരാക്കിയില്ലെങ്കില് പിടിച്ചെടുക്കുമെന്ന് സിബിഐ. ഇക്കാര്യം ചൂണ്ടിക്കാട്ടി സിബിഐ ക്രൈംബ്രാഞ്ച് ഡിവൈഎസ്പിക്ക് നോട്ടീസ് നല്കി. സിഐആര്പിസി 91 പ്രകാരമാണ് നോട്ടീസ് നല്കിയത്. സിഐആര്പിസി 91 പ്രകാരം സംസ്ഥാന ഏജന്സിക്ക് നോട്ടീസ് നല്കുന്നത് അപൂര്വമാണ്. കേസ് ഡയറി കൈമാറണമെന്ന് ആവശ്യപ്പെട്ട് കൊച്ചി സിജെഎം കോടതിയിലും സിബിഐ അപേക്ഷ നല്കിയിട്ടുണ്ട്. തിങ്കളാഴ്ചയാണ് അപേക്ഷ നല്കിയത്.
Read Moreതെറ്റുകണ്ടാൽ വാട്സാപ്പിലറിയിക്കൂ, തെറ്റ് ചെയ്തവർ ശിക്ഷിക്കപ്പെടും… ചട്ടം ലംഘിച്ച് വാഹനങ്ങളിൽ ബോർഡ് വച്ചാൽ പിടിവീഴും; പരിശോധന കർശനമാക്കി മോട്ടോർ വാഹന വകുപ്പ്
തിരുവനന്തപുരം: മോട്ടോർ വാഹന ചട്ടം ലംഘിച്ച് വാഹനങ്ങളിൽ ബോർഡ് പ്രദർശിപ്പിക്കുന്ന വാഹന ഉടമകൾക്കെതിരെ കർശന നടപടി സ്വീകരിക്കുമെന്ന മോട്ടോർ വാഹന വകുപ്പ്. കേന്ദ്ര സംസ്ഥാന സർക്കാർ വകുപ്പുകൾ, തദ്ദേശ സ്ഥാപനങ്ങൾ, ഭരണഘടനാ അധികാരികൾ, വിവിധ കമ്മിഷനുകൾ തുടങ്ങി വിവിധ വിഭാഗങ്ങളിലെ വാഹനങ്ങളിൽ ബോർഡുകൾ വയ്ക്കുന്നതിനുള്ള മാനദണ്ഡം മോട്ടോർ വാഹന വകുപ്പ് ചട്ടപ്രകാരം വ്യക്തമാക്കിയിട്ടുണ്ട്. എന്നാൽ ഇതിന് വിരുദ്ധമായി ബോർഡുകൾ വാഹനങ്ങളിൽ വയ്ക്കുന്നുണ്ടെന്ന് കണ്ടെത്തിയിട്ടുണ്ട്. ഇതേതുടർന്നാണു നടപടി മുന്നറിയിപ്പ്. വാഹനങ്ങളിൽ ബോർഡ് പ്രദർശിപ്പിക്കുന്നതു സംബന്ധിച്ചു പൊതുജനങ്ങൾക്ക് മോട്ടോർ വാഹന വകുപ്പിന്റെ 9946100100 എന്ന വാട്സാപ്പ് നന്പറിൽ പരാതി അറിയിക്കാം.
Read Moreഎല്ഡിഎഫ് വീണ്ടും അധികാരത്തില് വരാതിരിക്കാന് ആരുമായും കൂട്ട് കൂടണമെന്ന നിലയിൽ കോൺഗ്രസെന്ന് കോടിയേരി
തിരുവനന്തപുരം: എൽഡിഎഫ് സർക്കാരിനെ അട്ടിമറിക്കാൻ ബിജെപിയും കോൺഗ്രസ് ഒന്നിച്ചു പ്രവർത്തിക്കുകയാണെന്ന വിമർശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പ്രതിപക്ഷ സമരങ്ങളെ പ്രതിരോധിക്കാന് എല്ഡിഎഫ് വിളിച്ചു ചേര്ത്ത യോഗത്തില് സംസാരിക്കുകയായിരുന്നു കോടിയേരി. എല്ഡിഎഫ് വീണ്ടും അധികാരത്തില് വരാതിരിക്കാന് ആരുമായും കൂട്ട് കൂടണമെന്ന നിലയിലാണ് കോൺഗ്രസ് പാർട്ടിയെന്നും കോടിയേരി പറഞ്ഞു. സംസ്ഥാനത്ത് ഓരോ ദുരന്തങ്ങൾ വന്നപ്പോഴും ഒരു സര്ക്കാര് എങ്ങനെ പ്രവര്ത്തിക്കണമെന്ന് പിണറായി വിജയന് സര്ക്കാര് മാതൃക കാണിച്ചുവെന്നും കോടിയേരി വ്യക്തമാക്കി.
Read Moreഈ കേസും അട്ടിമറിച്ചേക്കും, അണിയറയിൽ ആരെല്ലാം? വ്യാജ രേഖകളുപയോഗിച്ച് പി.ബാലകൃഷ്ണന്റെ സ്വത്ത് തട്ടിയ കേസ്; 3 വർഷം പിന്നിടുമ്പോഴും കുറ്റം പത്രം സമർപ്പിക്കാതെ ഇഴയുന്നു…
പയ്യന്നൂര്: കോടികളുടെ ആസ് തിയുള്ള തിരുവനന്തപുരത്തെ മുന് റിട്ട. സഹകരണ ഡെപ്യൂട്ടി രജിസ്ട്രാറായിരുന്ന തളിപ്പറമ്പ് തൃച്ചംബരത്തെ പി. ബാലകൃഷ് ണന്റെ (80) സ്വത്ത് വ്യാജ രേഖകളുപയോഗിച്ച് തട്ടിയെടുത്തെന്ന കേസ് എങ്ങുമെത്തിയില്ല. കേസിൽ മൂന്ന് വർഷമായിട്ടും കുറ്റപത്രം സമർപ്പിച്ചിട്ടില്ല. 2017 ജൂലൈയില് രജിസ്റ്റര് ചെയ്ത കേസിന്റെ അന്വേഷണം അട്ടിമറിക്കാന് ആസൂത്രിത നീക്കം നടക്കുന്നതായാണ് സൂചന. അതേസമയം ഈ കേസില് സര്ക്കാരുദ്യോഗസ്ഥരായ ചിലരെ പ്രതികളാക്കുന്നതിനുള്ള നിയമോപദേശം ലഭിക്കുന്നതിലുള്ള കാലതാമസമാണ് കുറ്റപത്ര സമര്പ്പണത്തിനും തുടര്നടപടികളും വൈകാൻ കാരണമാകുന്നതെന്നാണ് ഒരു വർഷത്തിലേറെയായി പോലീസ് നൽകുന്ന വിശദീകരണം. തളിപ്പറന്പ് സ്വദേശിയും തിരുവനന്തപുരം പേട്ടയിലെ വലിയ വീട് ലൈനിൽ താമസിച്ചു വരികയുമായിരുന്ന തളിപ്പറന്പ് തൃച്ചംബരത്തെ പരേതനായ കുഞ്ഞന്പു നായരുടെ മകൻ ബാലകൃഷ്ണന്റെ മരണത്തിലും തുടർന്ന് ഇദ്ദേഹത്തിന്റെ സ്വത്തുക്കൾ വ്യാജ രേഖ ഉപയോഗിച്ച് തട്ടിയെടുത്തതും വാർത്താ പ്രാധാന്യം നേടിയ സംഭവമായിരുന്നു. ബാലകൃഷ്ണന്റെ മരണശേഷം പരേതന്റെ പേരിലുള്ള കോടികള്…
Read Moreഅഞ്ചു യുവതികൾ കൊല്ലപ്പെട്ട സംഭവം; പിന്നിൽ നിരോധിത സംഘടന ? തീവ്രവാദ വിരുദ്ധ സ്ക്വാഡ് അന്വേഷണം ആരംഭിച്ചു
തിരുവനന്തപുരം : സംസ്ഥാനത്തു വിവിധ സ്ഥലങ്ങളിൽ അഞ്ചു യുവതികൾ അസ്വാഭാവിക സാഹചര്യത്തിൽ മരിച്ച സംഭവത്തിൽ പ്രത്യേക അനേഷണ സംഘം അന്വേഷണം ആരംഭിച്ചു. ഐജി ശ്രീജിത്തിന്റെ നേതൃത്യത്തിലുള്ള തീവ്രവാദ വിരുദ്ധ സ്ക്വാഡ് (എടിഎസ്)ആണ് കേസ് അന്വേഷിക്കുന്നത്. കണ്ണൂരിലെ ഒരു കോളജിലെ വിദ്യാഥിനിയെ ഗോവയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയിരുന്നു. ഈ പെൺകുട്ടിയുടെ മരണത്തിനു പിന്നാലെ തിരുവനന്തപുരത്തും തൃശൂരിലും ഉൾപ്പെടെ നാല് യുവതികൾ മരിച്ചു. ഈ മരണങ്ങളാണ് ഇപ്പോൾ എടിഎസ് അന്വേഷിക്കുന്നത്. മരണമടഞ്ഞ യുവതികളുടെ അടുത്ത സുഹൃത്തുക്കളിൽ നിന്നും ബന്ധുക്കളിൽ നിന്നും സംഘം മൊഴിയെടുപ്പു തുടങ്ങി. ഈ മരണങ്ങൾക്കു പിന്നിൽ നിരോധിത സംഘടനകൾക്ക് പങ്കുണ്ടെന്നാണ് ബന്ധുക്കൾ ആരോപിക്കുന്നത്. പെൺകുട്ടികളുടെ സുഹൃത്തുക്കളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ ബന്ധുക്കൾ വിശദമായ അന്വേഷണം നടത്താൻ ഉന്നത പോലീസ് ഉദ്യോഗസ്ഥർക്ക് പരാതി നൽകിയിരുന്നു. യുവതികളുടെ ബന്ധുക്കളുടെയും സുഹൃത്തുക്കളുടെയും അടിസ്ഥാനത്തിൽ കോഴിക്കോട്, കണ്ണൂർ എന്നിവിടങ്ങളിലുള്ള…
Read Moreവിജയ് പി.നായരുടെ സൈക്കോളജി ബിരുദം വ്യാജം ? സ്ത്രീകളെ അധിക്ഷേപിക്കുന്ന വീഡിയോ: നിയമോപദേശം തേടി പോലീസ്
തിരുവനന്തപുരം: ഡോ. വിജയ് പി.നായർ സ്ത്രീകളെ അധിക്ഷേപിക്കുന്ന വീഡിയോ യുട്യൂബിൽ പ്രചരിപ്പിച്ചതിനെതിരേ ചലച്ചിത്ര പ്രവർത്തക ഭാഗ്യലക്ഷ്മി നൽകിയ കേസിൽ തുടർ നടപടികൾ സ്വീകരിക്കാൻ പോലീസ് നിയമോപദേശം തേടി. പ്രതിക്കെതിരേ ഐടി ആക്ട് നിലനിൽക്കാൻ സാധ്യത ഉണ്ടോയെന്ന് സ്ഥിരീകരിക്കാനാണ് നിയമോപദേശം. അതേ സമയം യു ട്യൂബിൽ പ്രചരിക്കുന്ന വീഡിയോ നീക്കം ചെയ്യാൻ പോലീസ് ഗൂഗിളിനും യു ട്യൂബിനും കത്ത് നൽകിയിട്ടുണ്ട്. തന്നെ കയ്യേറ്റം ചെയ്ത സംഭവത്തിൽ ഭാഗ്യലക്ഷ്മിക്കും കൂട്ടർക്കുമെതിരേ വിജയ് പി.നായരും പരാതി നൽകിയിട്ടുണ്ട്. അതേ സമയം വിജയ് പി.നായരുടെ സൈക്കോളജി ബിരുദം വ്യാജമാണെന്ന് ക്ലിനിക്കൽ സൈക്കോളജിസ്റ്റുകളുടെ സംഘടനയുടെ പ്രസ്തവന ശ്രദ്ധയിൽപ്പെട്ടതായും ഇതു സംബന്ധിച്ച് അന്വേഷണം നടത്തുന്നുണ്ടെന്നും തന്പാനൂർ പോലീസ് പറഞ്ഞു. വിജയ് പി.നായരുടെ വിവാദ വീഡിയോ ഇപ്പോൾ യു ട്യൂബിലെ മറ്റു ചില ചാനലുകൾ വഴിയും പ്രചരിക്കുന്നുണ്ട്. കയ്യേറ്റത്തിനു ശേഷവും വിജയ് പി.നായരുടെ യുട്യൂബ് ചാനൽ സബ്സ്ക്രൈബ്…
Read Moreഡ്രൈവർ ഉറങ്ങി പോയതാകാം; കാർ കലുങ്കിൽ ഇടിച്ച് മറിഞ്ഞ് നാലു പേർ മരിച്ചു;കാറിന്റെ മുൻ ഭാഗം പൂർണമായും തകർന്നു
വെഞ്ഞാറമൂട് :നിയന്ത്രണം വിട്ട കാർ കലുങ്കിൽ ഇടിച്ച് നാലു പേർ മരിച്ചു. വെഞ്ഞാറമൂട് നാഗരുകുഴി മുല്ലമംഗലത്ത് വീട്ടിൽ ഷെമീർ (31), മതിര എൻ .ബി എച്ച്. എസ് മൻസിലിൽ നവാസ് പീരുമുഹമ്മദ് (സുൽഫി) (39), കഴക്കൂട്ടം ചിതമ്പര വിളാകത്ത് ലാൽ ( 45 ), തിരുവനന്തപുരം കവടിയാർ നന്ദൻകോട് മിന്നു ഭവനിൽ നജീബുദ്ദീൻ (35) എന്നിവരാണ് മരിച്ചത്. വെഞ്ഞാറമൂട് പാലാംകോണം സ്വദേശി നിവാസ് (31) പരിക്കുകളോടെ രക്ഷപ്പെട്ടു. ഇന്ന് പുലർച്ചെ 1.30 ന് കാരേറ്റ് മുസ്ലിം പള്ളിക്ക് സമീപമായിരുന്നു അപകടം. കിളിമാനൂർ ഭാഗത്ത് നിന്ന് തിരുവനന്തപുരത്തേക്ക് വന്ന കാർ നിയന്ത്രണം വിട്ട് റോഡിന് സമീപത്തെ കലുങ്കിൽ ഇടിക്കുകയായിരുന്നു. ഇ ടി യു ടെ ആഘാതത്തിൽ കാറിന്റെ മുൻ ഭാഗം പൂർണമായും തകർന്നു. ഡ്രൈവർ ഉറങ്ങി പോയതാകാം അപകടകാരണമെന്ന് പൊലീസ് പറയുന്നു. ഫയർഫോഴ്സ് എത്തിയാണ് വാഹനത്തിനുളളിൽ അകപ്പെട്ടവരെ പുറത്തെടുത്തത്.…
Read More