സംഘർഷത്തിനിടെ വയോധിക മരിച്ച സംഭവം: രണ്ടു പേർ അറസ്റ്റിൽശ്രീകാര്യം : സംഘർഷത്തിനിടെ വയോധിക കുഴഞ്ഞുവീണ് മരിച്ച സംഭവത്തിൽ രണ്ടു പേർ അറസ്റ്റിൽ. കഴിഞ്ഞ ദിവസം ഇരു വിഭാഗങ്ങൾ തമ്മിലുണ്ടായ സംഘർഷത്തിനിടെ സൗത്ത് തുമ്പ തൈവിളാകം വീട്ടിൽ മേരിബാബു (65) മരിച്ച സംഭവത്തിൽ അയൽവാസികളായ വലിയവേളി സ്വദേശികളായ ജോസ് സോളമൻ (43), ജൂഡ് മൈക്കിൾ (32) എന്നിവരെ തുമ്പ പോലീസ് അറസ്റ്റ് ചെയ്തു. ശനിയാഴ്ച രാത്രിയോടെയാണ് സംഭവം. രണ്ടുപേർ തമ്മിലുള്ള വാക്കേറ്റമാണ് ഇരുവിഭാഗമായി തിരിഞ്ഞു സംഘർഷത്തിൽ കലാശിച്ചത്. മേരി ബാബുവിന്റെ മകനായ സെബാസ്റ്റ്യൻ കുടുംബ വീട്ടിൽ എത്തി മരുന്ന് കൊടുത്തശേഷം തിരികെ പോകാൻ തുടങ്ങുന്നതിനിടെ മുൻ വൈരാഗ്യമുള്ള സമീപവാസികൾ ആക്രമിക്കുകയായിരുന്നു. ഇതു കണ്ട മേരി മകന്റെ അടുത്തേയ്ക്കു വരികയും പിടിച്ച് മാറ്റുന്നതിനിടെ അക്രമികളുടെ മർദനത്തിൽ കുഴഞ്ഞു വീഴുകയുമായിരുന്നു. തുടർന്ന് പോലീസ് എത്തി ആശുപത്രിയിലേക്കുകൊണ്ടുപോയ വഴി മരണപ്പെടുകയായിരുന്നു. മേരിക്ക് മർദനമേറ്റതായാണ്…
Read MoreCategory: TVM
പറക്കാൻ അദാനിവേണ്ട; തിരുവനന്തപുരം വിമാനത്താവളത്തിന്റെ സ്വകാര്യവത്കരണം; പ്രവാസി ഭവനങ്ങളിൽ പ്രതിഷേധ സമരം
വെഞ്ഞാറമൂട്: വിമാനത്താവളം സ്വകാര്യവത്കരിക്കുന്നതിനെതിരെ കേരള പ്രവാസി സംഘം. സ്വാകര്യ വത്കരണത്തിന്റെ ഭാഗമായി തിരുവനന്തപുരം അന്താരാഷ്ട്ര വിമാനത്താവളം അദാനി ഗ്രൂപ്പിന് കൈമാറാനുള്ള കേന്ദ്ര സർക്കാർ നീക്കത്തിൽ പ്രതിഷേധിച്ചു കേരള പ്രവാസി സംഘം തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ ജില്ലയിലെ പ്രവാസി ഭവനങ്ങളിൽ പ്രതിഷേധ സമരം സംഘടിപ്പിച്ചു. കോവിഡ് മാനദണ്ഡങ്ങൾ പാലിച്ചായിരുന്നു സമരം. ജില്ലയിലെ പത്തൊൻപത് ഏരിയാ കളിലായി ആയിരക്കണക്കിന് വീടുകളിൽ പ്രതിഷേധ സമരം സംഘടിപ്പിച്ചത്.
Read Moreതിരുവനന്തപുരം വിമാനത്താവളം: കേന്ദ്രസർക്കാർ തീരുമാനം പുനഃ പരിശോധിക്കണമെന്ന് നിയമസഭ
തിരുവനന്തപുരം: തിരുവനന്തപുരം വിമാനത്താവളത്തിന്റെ നടത്തിപ്പ് ചുമതല സ്വകാര്യ കന്പനിക്ക് നൽകിയ കേന്ദ്രസർക്കാർ തീരുമാനം പുനഃപരിശോധിക്കണമെന്ന പ്രമേയം നിയമസഭ പാസാക്കി. വിമാനത്താവള പ്രമേയം അവതരിപ്പിക്കുന്നതിനിടെ മുഖ്യമന്ത്രിയും പ്രതിപക്ഷ നേതാവും തമ്മിലുള്ള വാക്പോരിനും സഭ വേദിയായി. സംസ്ഥാന സർക്കാരിന്റെ താല്പര്യം പരിഗണിക്കാതെയാണ് വിമനത്താവളം സ്വകാര്യ വത്കരിച്ചതെന്ന് പ്രമേയം അവതരിപ്പിക്കുന്നതിനിടെ മുഖ്യമന്ത്രി പറഞ്ഞു. എന്നാൽ വിമാനത്താവള ബിഡ് ദുരൂഹമാണെന്ന് പ്രതിപക്ഷ നേതാവ് ആരോപിച്ചു. തിരുവനന്തപുരം വിമാനത്താവളത്തിന്റെ നടത്തിപ്പ് അവകാശം സംസ്ഥാനത്തിന് നൽകണം എന്നും പ്രമേയത്തിൽ പറയുന്നു. കേന്ദ്ര തീരുമാനം പൊതുജന വികാരത്തിന് എതിരാണെന്നും അത് കേന്ദ്രത്തെ നേരത്തെ അറിയിച്ചതാണെന്നും മുഖ്യമന്ത്രി പറഞ്ഞു. എന്നാൽ പൊതുവായ വിഷയങ്ങളിൽ എന്നും സർക്കാർ നിലപാടിന് ഒപ്പം പ്രതിപക്ഷം നിന്നിട്ടുണ്ടെന്ന് പറഞ്ഞ രമേശ് ചെന്നിത്തല വിമാനത്താവള വിഷയത്തിലും സമാന നിൽപാട് ആണ് കൈക്കൊണ്ടതെന്ന് പറഞ്ഞു. എന്നാൽ പ്രമേയത്തിന്റെ അന്തസത്ത ഉൾക്കൊള്ളുന്നുവെന്നും പൊതുജനതാൽപര്യം മുൻനിർത്തി പ്രമേയത്തെ പിന്തുണകുന്നുവെന്നും…
Read Moreഎൽദോസ് കുന്നപ്പിള്ളി എംഎൽഎയുടെ പിഎയ്ക്ക് കോവിഡ്; നിയമസഭയിൽ നിന്ന് എംഎൽഎയെ മാറ്റി
തിരുവനന്തപുരം: എൽദോസ് കുന്നപ്പിള്ളി എംഎൽഎയുടെ പിഎയ്ക്ക് കോവിഡ് 19 സ്ഥിരീകരിച്ചു. നിയമസഭാ സമ്മേളനത്തിന് മുന്നോടിയായി ഇന്ന് രാവിലെ നടത്തിയ അന്റിജൻ പരിശോധനയിലാണ് ഇദ്ദേഹത്തിന് കോവിഡ് സ്ഥിരീകരിച്ചത്. അതേസമയം എംഎൽഎയുടെ പരിശോധന ഫലം നെഗറ്റീവാണ്. പിഎയുടെ ഫലം പോസിറ്റീവായതോടെ അദ്ദേഹത്തെ ആശുപത്രിയിലേക്ക് മാറ്റി. ആന്റിജൻ പരിശോധനയിൽ എൽദോസ് കുന്നപ്പിള്ളിക്ക് കോവിഡ് സ്ഥിരീകരിച്ചെന്നാണ് ആദ്യം പുറത്തുവന്ന സൂചനകൾ. ഇതോടെ നിയമസഭയിലുണ്ടായിരുന്ന എംഎൽഎ നിയമസഭാ ഹോസ്റ്റലിലേക്ക് മാറി. പിന്നീടാണ് എംഎൽഎയുടെ പിഎയ്ക്കാണ് കോവിഡ് സ്ഥിരീകരിച്ചതെന്ന് റിപ്പോർട്ട് എത്തിയത്. എൽദോസ് എംഎൽഎ ഹോസ്റ്റലിൽ തുടരുകയാണ്. പിഎയുമായി സന്പർക്കത്തിലുള്ളതിനാൽ ഇനി 14 ദിവസം എംഎൽഎ ക്വാറന്റൈനിലേക്ക് മാറേണ്ടിവരും.
Read Moreബാലഭാസ്കറിന്റെ മരണം: പ്രകാശ് തമ്പിയെ സിബിഐ ചോദ്യം ചെയ്യുന്നു
തിരുവനന്തപുരം: വയലിനിസ്റ്റ് ബാലഭാസ്കറിന്റെ മരണത്തിൽ അദ്ദേഹത്തിന്റെ മാനേജറായിരുന്ന പ്രകാശ് തമ്പിയെ സിബിഐ ചോദ്യം ചെയ്യുന്നു. വിമാനത്താവളം വഴിയുള്ള സ്വർണ കടത്ത് കേസിലെ പ്രതിയാണ് പ്രകാശ് തമ്പി. ബാലഭാസ്കറിന്റെ അപകട മരണത്തിനു പിന്നിൽ സ്വർണക്കടത്തു ബന്ധമുണ്ടോയെന്നും സിബിഐ അന്വേഷിക്കുന്നുണ്ട്. ബാലഭാസ്കറും പ്രകാശ് തമ്പിയുമായുള്ള സാമ്പത്തിക ഇടപാടുകൾ പരിശോധിക്കണമെന്ന് ബന്ധുക്കൾ ആവശ്യപ്പെട്ടിരുന്നു.
Read Moreവികസനം ഇല്ലാതെ കേരളം മുരടിച്ചു പോകണോ; കേരളത്തിലേത് പാരവയ്ക്കുന്ന പ്രതിപക്ഷമെന്ന് മന്ത്രി ജയരാജൻ
തിരുവനന്തപുരം: പ്രതിപക്ഷത്തിനെതിരേ വിമർശനവുമായി വ്യവസായ മന്ത്രി ഇ.പി. ജയരാജൻ. കേരളത്തിലേത് പാരവയ്ക്കുന്ന പ്രതിപക്ഷമെന്നാണ് മന്ത്രിയുടെ വിമർശനം. വികസനം ഇല്ലാതെ കേരളം മുരടിച്ചു പോകണം എന്നാണോ പ്രതിപക്ഷത്തിന്റെ ആഗ്രഹമെന്നും അദ്ദേഹം ചോദിച്ചു. സർക്കാരിനെതിരേ പ്രതിപക്ഷം നിലപാട് കടുപ്പിച്ചതോടെയാണ് മന്ത്രിയുടെ മറുപടി.
Read Moreഎല്ലാം ശരിയാക്കാൻ റീപാക്കിംഗ്; ഓണ കിറ്റിലെ തൂക്ക കുറവ്; പരിശോധിക്കുമെന്ന് മന്ത്രി തിലോത്തമൻ
തിരുവനന്തപുരം: ഓണകിറ്റില് സാധനങ്ങളുടെ കുറവുണ്ടെന്ന വിജിലന്സ് കണ്ടെത്തലിനെക്കുറിച്ച് പരിശോധിക്കുമെന്ന് മന്ത്രി പി. തിലോത്തമന്. തൂക്കത്തില് കുറവ് വന്ന പാക്കറ്റുകള് റീപാക്ക് ചെയ്ത് വീണ്ടും വിതരണം ചെയ്യുമെന്നും വിജിലന്സ് റിപ്പോര്ട്ട് ലഭിച്ച ശേഷം തുടര് നടപടികളിലേക്ക് കടക്കുമെന്നും അദ്ദേഹം കൂട്ടിച്ചേര്ത്തു. ഓപ്പറേഷന് കിറ്റ് ക്ലീനില് വിജിലന്സ് നടത്തിയ മിന്നല് പരിശോധനയിലാണ് സാധനങ്ങളുടെ കുറവ് കണ്ടെത്തിയത്. പാക്കിംഗ് സ്റ്റോറുകളിലും മാവേലി സ്റ്റോറുകളിലും റേഷന് കടകളിലുമാണ് വിജിലന്സ് പരിശോധന നടത്തിയത്.
Read Moreഫേസ്ബുക്ക് പ്രണയം തലയ്ക്ക് പിടിച്ചപ്പോൾ യുവതി ഉപേക്ഷിച്ചത് രണ്ടര വയസുള്ള മകനെ; ബന്ധുക്കളുടെ പരാതിയിൽ ഇരുവരേയും പൊക്കി പോലീസ്
കല്ലറ(തിരുവനന്തപുരം): കല്ലറ നിറമൺകടവിൽ രണ്ടര വയസുളള കൈകുഞ്ഞിനെ ഉപേക്ഷിച്ച് ഒളിച്ചോടിയ യുവതിയും കാമുകനും അറസ്റ്റിൽ. കല്ലറ നിറമൺകടവ് കടുവാക്കുഴിക്കര തടത്തിരികത്ത് വീട്ടിൽ അഭിരാമി (22), വാമനപുരം മിതൃമ്മല തടത്തരികത്ത് വീട്ടിൽ അമൽ (23) എന്നിവര് ആണ് വെഞ്ഞാറമൂട് പോലീസിന്റെ വലയിലായത്. കുഞ്ഞിനെ ഉപേക്ഷിച്ച് പോയതിന് ശിശുസംരക്ഷണ നിയമപ്രകാരം ഇരുവര്ക്കുമെതിരെ ജാമ്യമില്ല വകുപ്പ് പ്രകാരമാണ് കേസെടുത്തത്. ഫേസ്ബുക്കിലൂടെ പരിചയപ്പെട്ട കാമുകനൊപ്പം കുഞ്ഞിനെ ഉപേക്ഷിച്ച് ഒളിച്ചോടുകയായിരുന്നു. ബന്ധുക്കൾ നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് അഭിരാമിയെയും കാമുകന് അമലിനെയും പോലീസ് പിടികൂടിയത്. മജിസ്ട്രേട്ടിന് മുന്നിൽ ഹാജരാക്കിയ പ്രതികളെ റിമാൻഡ് ചെയ്തു. വെഞ്ഞാറമൂട് സി ഐ വി. കെ.വിജയരാഘവന്റെ നേതൃത്വത്തിൽ എസ്ഐ എസ്. കുമാർ , സി പി ഒ സഫീജ എന്നിവരടങ്ങുന്ന സംഘമാണ് ഇരുവരെയും അറസ്റ്റ് ചെയ്തത്.
Read Moreമുഖ്യമന്ത്രിയുടെയും മറ്റ് ഭരണകര്ത്താക്കളുടെയും കൈകള് ശുദ്ധം; എല്ഡിഎഫ് ഭരണം തുടരേണ്ടത് കേരളത്തിന്റെ രക്ഷയ്ക്ക് ആവശ്യമെന്ന് കോടിയേരി
തിരുവനന്തപുരം: പ്രതിപക്ഷത്തിന്റെ ആക്ഷേപങ്ങളൊന്നും എല്ഡിഎഫ് സര്ക്കാരിന്റെ യശസിനെ ഇടിക്കുന്നവയല്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. എല്ഡിഎഫ് ഭരണം ഭാവിയിൽ തുടരേണ്ടത് കേരളത്തിന്റെ രക്ഷയ്ക്ക് ആവശ്യമാണെന്നും ദേശാഭിമാനിയിലെ പ്രതിവാര കോളത്തിൽ കോടിയേരി വ്യക്തമാക്കി. മുഖ്യമന്ത്രിയുടെയും മറ്റ് ഭരണകര്ത്താക്കളുടെയും കൈകള് ശുദ്ധമാണ്. തെറ്റുചെയ്യാത്തതിനാലാണ് കേന്ദ്ര അന്വേഷണ ഏജന്സികളുടെ അന്വേഷണത്തെ സർക്കാർ സ്വാഗതം ചെയ്തിട്ടുള്ളത്. ഇന്നത്തെ ഭരണകര്ത്താക്കള് യുഡിഎഫിന്റെയും ബിജെപിയുടേയും ഭരണകര്ത്താക്കളെപ്പോലെയല്ലെന്ന് ഓർക്കണമെന്നും കോടിയേരി പറഞ്ഞു.
Read Moreഎല്ലാം ശരിയാക്കാൻ മന്ത്രി പറയുന്നു, മത്സ്യം മാർക്കറ്റുകളിൽ വിൽക്കാം; വഴിയോര മത്സ്യവിപണനം പാടില്ല
തിരുവനന്തപുരം: വഴിയോര മത്സ്യവിപണനം പാടില്ലെന്നും തദ്ദേശ വകുപ്പിന്റെ നിയന്ത്രണത്തിലുള്ള പ്രാദേശിക മാർക്കറ്റുകളിലേക്ക് മത്സ്യ വിപണനം മാറ്റണമെന്നും നിർദേശം. കോവിഡ് പ്രതിരോധ മാനദണ്ഡങ്ങൾ പാലിച്ച് സംസ്ഥാനത്തെ മാർക്കറ്റുകൾ തുറക്കാൻ തീരുമാനമായതെന്നു മന്ത്രി ജെ. മേഴ്സിക്കുട്ടിയമ്മ പറഞ്ഞു. തദ്ദേശ സ്വയംഭരണ വകുപ്പുമായി ചർച്ച നടത്തിയതിന്റെ അടിസ്ഥാനത്തിലാണ് തീരുമാനം. നിലവിലുള്ള മാർക്കറ്റുകൾക്കു പുറമേ ഏതെങ്കിലും സ്ഥലത്ത് പുതിയതായി മത്സ്യ വിപണന സൗകര്യം ഒരുക്കണമെങ്കിൽ തദ്ദേശ സ്ഥാപനങ്ങൾക്ക് ചർച്ച നടത്തി തീരുമാനമെടുക്കാം. ഏതെങ്കിലും മാർക്കറ്റ് തുറന്നു പ്രവർത്തിക്കുന്നില്ലെങ്കിൽ അക്കാര്യം ബന്ധപ്പെട്ടവരുടെ ശ്രദ്ധയിൽ കൊണ്ടുവരണം. കോവിഡ് നിയന്ത്രണവുമായി ബന്ധപ്പെട്ട് ഇക്കാര്യത്തിൽ വഴിയോര മത്സ്യവിപണനത്തൊഴിലാളികൾ സഹകരിക്കണമെന്നു മന്ത്രി ജെ. മേഴ്സിക്കുട്ടി അമ്മ അഭ്യർഥിച്ചു.
Read More