തിരുവനന്തപുരം: സംസ്ഥാന സർക്കാർ ജീവനക്കാരുടെയും അധ്യാപകരുടെയും ശന്പള പരിഷ്കരണത്തെക്കുറിച്ചു പഠിക്കാൻ സർക്കാർ നിയോഗിച്ച കമ്മീഷന്റെ കാലാവധി നീട്ടി. ഡിസംബർ 31 വരെയാണ് കാലാവധി നീട്ടിയത്. മന്ത്രിസഭാ യോഗത്തിന്റേതാണ് തീരുമാനം. വിരമിച്ച ഐഎഎസ് ഉദ്യോഗസ്ഥനായ കെ. മോഹൻദാസ് അധ്യക്ഷനും പ്രഫ. എം.കെ. സുകുമാരൻനായർ, അഡ്വ. അശോക് മാമ്മൻ ചെറിയാൻ എന്നിവർ അംഗങ്ങളുമായ 11-ാം ശന്പള പരിഷ്കരണ കമ്മീഷൻ 2019 നവംബർ ആറിനാണ് രൂപീകരിച്ചത്. സംസ്ഥാനത്തെ സർക്കാർ ജീവനക്കാരുടെയും അധ്യാപകരുടെയും പൊതുമേഖലാ സ്ഥാപനങ്ങളിലേയും ജീവനക്കാരുടെ ശന്പള പരിഷ്കരണത്തെക്കുറിച്ചു പഠിച്ചു റിപ്പോർട്ട് സമർപ്പിക്കുന്നതിനാണു കമ്മീഷനെ നിയോഗിച്ചത്.
Read MoreCategory: TVM
ഡിവൈഎഫ്ഐ നേതാവിന്റെ ചികിത്സക്കായി യൂത്ത് കോൺഗ്രസുകാരുടെ ആക്രി ചലഞ്ച്
വെഞ്ഞാറമൂട്: തല്ക്കാലം രാഷ്ട്രീയപ്പോരുകൾക്ക് വിട. മനുഷ്യ സ്നേഹത്തിന് മുന്നിൽ കൊടിയുടെ നിറത്തിന് പ്രസക്തിയില്ലെന്ന് സ്വപ്രയത്നത്തിലൂടെ തെളിയിക്കുകയാണ് ഒരുകൂട്ടം യൂത്ത് കോൺഗ്രസ് പ്രവർത്തകർ. ഇവരുടെ പ്രവർത്തനത്തെ ഇരുകൈയും നീട്ടി സ്വീകരിക്കുകയാണ് പ്രദേശവാസികൾ. നഗരൂർ യൂത്ത് കോൺഗ്രസ് പ്രവർത്തകരാണ് വ്യത്യസ്തമായ പ്രവർ ത്തനത്തിലൂടെ നാടിനാകെ മാതൃകയാ കുന്നത്. അപകടത്തിൽപ്പെട്ട് ചികിത്സ യിൽ കഴിയുന്ന ഡിവൈഎഫ്ഐ നേ താവിന് “സ്ക്രാപ്പ് ചലഞ്ചി’ലൂടെ ചികിത്സാസഹായം സമാഹരിക്കുകയാണ് ഇവർ. ആഴ്ചകൾക്ക്മുമ്പ് റോഡ് അപകടത്തിൽ പെട്ട് തലയ്ക്കു ഗുരുതര പരിക്കുകളോടെ ആശുപത്രിയിൽ ചികിത്സയിൽ കഴിയുന്ന ഡിവൈഎഫ്ഐ പ്രവർത്തകനും വെള്ളല്ലൂർ കൊപ്പത്തിൽ സ്വദേശിയുമായ ലെനിന്റെ ചികിത്സാ ധനസഹായത്തിനായാണ് യൂത്ത് കോൺഗ്രസ് പ്രവർത്തകർ സ്ക്രാപ്പ് ചലഞ്ചിലൂടെ രംഗത്തെത്തിയത്. വീടുക ളിൽനിന്ന് ഉപയോഗശൂന്യമായ പാഴ് വസ്തുക്കൾ യൂണിറ്റ് കമ്മിറ്റികളുടെ നേതൃത്വത്തിൽ ശേഖരിച്ച് അത് വിറ്റ് കിട്ടുന്ന തുക ചികിത്സയ്ക്കായി നൽകുവാനാണ് തീരുമാനിച്ചിരിക്കുന്നത്. യൂത്ത് കോൺഗ്രസ് മണ്ഡലം പ്രസിഡന്റ് ് അനന്തുകൃഷ്ണൻ,…
Read Moreകോവിഡ് 19! പോലീസുകാർക്കും ആരോഗ്യപ്രവർത്തകര്ക്കും രോഗം ബാധിക്കുന്നു; തലസ്ഥാനത്ത് ആശങ്ക പടരുന്നു
തിരുവനന്തപുരം: കൂടുതൽ പ്രദേശങ്ങളിലേക്ക് കോവിഡ് വ്യാപിക്കുന്നതോടെ ജില്ലയിൽ സ്ഥിതി അതീവഗുരുതരം. പോലീസുകാർക്കും ആരോഗ്യപ്രവർത്തകർക്കുമുൾപ്പെടെ രോഗം ബാധിക്കുന്നത് വലിയ ആശങ്കയാണ് സൃഷ്ടിച്ചിരിക്കുന്നത്. ഇന്നലെ ആറ് പോലീസുകാർക്കു രോഗം സ്ഥിരീകരിച്ചു. ആറുപേരിൽ ഒരാൾ പൂന്തുറയിൽ ജോലി ചെയ്ത, എആർ ക്യാന്പിലെ സിവിൽ പോലീസ് ഓഫീസറാണ്. റൂറൽ എസ്പി ഓഫീസിലും സ്പെഷൽ ബ്രാഞ്ച് ആസ്ഥാനത്തും ഡ്യൂട്ടിയിലുണ്ടായിരുന്ന സിവിൽ പോലീസ് ഓഫീസർമാർ, പത്മനാഭസ്വാമി ക്ഷേത്രത്തിലെ മൂന്ന് സുരക്ഷാ ഉദ്യോഗസ്ഥർ എന്നിവർക്കാണ് രോഗബാധ സ്ഥിരീകരിച്ചത്. പോലീസുകാരന് രോഗബാധ സ്ഥിരീകരിച്ചതിനു പിന്നാലെ സ്പെഷൽ ബ്രാഞ്ച് ആസ്ഥാനം താത്കാലികമായി അടച്ചു. അതേസമയം തിരുവനന്തപുരം നഗരസഭയിലെ ഏഴു കൗണ്സിലർമാർക്ക് കോവിഡ് സ്ഥിരീകരിച്ച പശ്ചാത്തലത്തിൽ മേയർ കെ. ശ്രീകുമാർ സ്വയം വീട്ടുനിരീക്ഷണത്തിലായി. കോവിഡ് പരിശോധനയ്ക്കു വിധേയമായ ശേഷമാണ് മേയർ ഹോം ക്വാറന്റൈനിൽ പോയത്. എയർ ഇന്ത്യ സാറ്റ്സിലെ ഓപ്പറേഷൻ വിഭാഗത്തിലെ ഒരു ജീവനക്കാരനും രണ്ട് ചുമട്ടുതൊഴിലാളികൾക്കുമാണ് രോഗ ബാധ സ്ഥിരീകരിച്ചത്.…
Read Moreജനങ്ങളെ ഭീതിയാക്കുന്ന തരത്തില് വ്യാജ പ്രചരണം നടത്തുന്നവര്ക്കെതിരെ കര്ശന നടപടി: മന്ത്രി കെ.കെ. ശൈലജ
തിരുവനന്തപുരം: തിരുവനന്തപുരം കരുംകുളം പഞ്ചായത്തിലെ പുല്ലുവിളയില് 17,000 കോവിഡ് പോസിറ്റീവ് കേസുകളുണ്ടെന്നുള്ള പ്രചാരണം വ്യാജമാണെന്ന് ആരോഗ്യ വകുപ്പ് മന്ത്രി കെ.കെ. ശൈലജ. ജനങ്ങളെ ഭീതിയാക്കുന്ന തരത്തില് വ്യാജ പ്രചരണം നടത്തുന്നവര്ക്കെതിരെ കര്ശന നടപടി സ്വീകരിക്കുമെന്നും ഈ മഹാമാരിയുടെ സമയത്ത് ആരോഗ്യ വകുപ്പിന്റെ ഔദ്യോഗിക സ്ഥിരീകരണമില്ലാതെ ഇത്തരം വാര്ത്തകള് നല്കരുതെന്നും മന്ത്രി പറഞ്ഞു. പുല്ലുവിളയിലെ ആറു വാര്ഡുകളിലാണ് കോവിഡ് രോഗവ്യാപനം ഉള്ളത്. കഴിഞ്ഞ പതിനഞ്ചുമുതൽ കേസുകള് വര്ധിക്കുന്നതായി കണ്ടെത്തിയതിനെ തുടര്ന്ന് ഇവിടത്തെ 14, 16, 18 വാര്ഡുകള് കണ്ടെയിന്മെന്റ് സോണായി മാറ്റിയിരുന്നു. ഇതിനെ തുടര്ന്ന് രോഗവ്യാപനത്തിന് കൂടുതല് സാധ്യതയുള്ള ഹൈ റിസ്ക് ഗ്രൂപ്പില് പ്പെട്ട 671 പേര്ക്ക് കോവിഡ് ടെസ്റ്റുകള് നടത്തുകയും അതില് 288 പേര് പോസിറ്റീവ് ആകുകയും ചെയ്തു. ടെസ്റ്റ് റിസള്ട്ടുകളുടെ അടിസ്ഥാനത്തില് പുല്ലുവിള ക്ലസ്റ്ററായി സര്ക്കാര് ഇതിനോടകം പ്രഖ്യാപിക്കുകയും ചെയ്തിരുന്നു.പുല്ലുവിള ഉള്പ്പെടെയുള്ള ക്ലസ്റ്ററുകളില് എല്ലാം കോവിഡ്…
Read Moreസ്വർണക്കടത്ത്: പ്രതികളുടെ സ്വത്തുക്കൾ കണ്ടുകെട്ടാൻ കസ്റ്റംസ് നീക്കം; നടപടി സഫേമ നിയമപ്രകാരം
തിരുവനന്തപുരം: അന്താരാഷ്ട്ര വിമാനത്താവളത്തിൽ നയതന്ത്ര ബാഗേജ് വഴി സ്വർണം കടത്തിയ കേസിൽ പിടിയിലായ സ്വപ്ന സുരേഷ്, സന്ദീപ് നായർ, സരിത്ത് എന്നിവരുടെ സ്വത്തുക്കൾ കണ്ടുകെട്ടാൻ കസ്റ്റംസ് നീക്കം. ഇവരുടെ പേരിലുള്ള ഭൂസ്വത്തിന്റെ വിശദാംശങ്ങൾ തേടി സംസ്ഥാന രജിസ്ട്രേഷൻ വകുപ്പിനും റവന്യൂ വകുപ്പിനും കസ്റ്റംസ് കത്ത് നൽകി. പ്രതികൾ മൂവരുടെയും ബാങ്ക് നിക്ഷേപങ്ങളുടെ വിവരങ്ങളും കസ്റ്റംസ് ശേഖരിച്ചിട്ടുണ്ട്. പ്രതികൾക്ക് തലസ്ഥാനത്ത് ബിനാമി സ്വത്തുക്കൾ ഉണ്ടെന്ന വിവരവും കസ്റ്റംസ് പരിശോധിക്കുന്നുണ്ട്. സഫേമ നിയമപ്രകാരമാണ് കസ്റ്റംസ് നടപടി സ്വീകരിക്കുന്നത്. അതേസമയം, ഇപ്പോൾ എൻഐഎ കസ്റ്റഡിയിലുള്ള പ്രതികളെ കസ്റ്റംസ് വ്യാഴാഴ്ച ചോദ്യം ചെയ്യുമെന്നാണ് വിവരം. ഇതിനുളള അനുമതി ബുധനാഴ്ച ലഭിച്ചിരുന്നു.
Read Moreശമ്പളത്തെ ചൊല്ലി തർക്കം; മാനേജ്മെന്റ് പ്രതിനിധികളും തൊഴിലാളികളും ഏറ്റുമുട്ടി; ആശുപത്രിയിലെത്തിയിട്ടും കലിപ്പുതീരാതെ ഇരുകൂട്ടരും; പിന്നീട് സംഭവിച്ചതിങ്ങനെ…
വെമ്പായം: ശമ്പളത്തെ ചൊല്ലിയുണ്ടായ തർക്കത്തെ തുടർന്ന് ക്രഷർ യൂണിറ്റ് മാനേജ്മെന്റ് അംഗങ്ങളും തൊഴിലാളികളും തമ്മിൽ ഏറ്റുമുട്ടി. വെമ്പായം കറ്റ ക്രഷർ യൂണിറ്റിൽ ഇന്നലെ ഉച്ചയ്ക്ക് 1.30നായിരുന്നൂ സംഭവങ്ങളുടെ തുടക്കം. ആക്രമണത്തിൽ വെമ്പായം സ്വദേശി ബിജു (53), കറ്റ സ്വദേശികളായ അനൂപ് (32), മനു (28), അജയൻ (55), മദപുരം സ്വദേശി ശ്യാംകൃഷ്ണ (26), വെമ്പായം സ്വദേശി റിയാസ് (26) എന്നിവർക്കാണ് പരുക്കേറ്റത്. കൈയ്ക്ക് പരിക്കേറ്റ മനുവിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പരിക്കേറ്റവർ ചികിത്സ തേടി എത്തിയ കന്യാകുളങ്ങര ആശുപത്രിയിലും ഇരു സംഘങ്ങളും ഏറ്റു മുട്ടി. ക്രഷറിൽ രണ്ടാംഘട്ട ശമ്പള വിതരണത്തെ തുടർന്നുണ്ടായ തർക്കമാണ് ഇരുവിഭാഗവും തമ്മിൽ ഏറ്റുമുട്ടലിൽ കലാശിച്ചത്. ലോക്ക് ഡൗൺ സമയത്ത് ക്രഷർ അടച്ചിട്ടിരുന്നു. അതിനു മുൻപ് ജോലി ചെയ്തിരുന്ന തൊഴിലാളികൾക്ക് ശമ്പളം കൊടുത്തിരുന്നില്ല. പുതിയ മാനേജ്മെന്റ് ക്രഷർ തുറന്നു പ്രവർത്തനം തുടങ്ങാൻ എത്തിയതോടെയാണ്…
Read Moreഓണം പട്ടിണിയിലാവരുത്; 88 ലക്ഷത്തോളം റേഷൻ കാർഡ് ഉടമകൾക്ക് ഓണക്കിറ്റ് സൗജന്യമായി നൽകുമെന്ന് മുഖ്യമന്ത്രി
തിരുവനന്തപുരം: കോവിഡിന്റെ പശ്ചാത്തലത്തിൽ ഓണത്തോടനുബന്ധിച്ച് 88 ലക്ഷത്തോളം വരുന്ന റേഷൻ കാർഡ് ഉടമകൾക്ക് പലവ്യഞ്ജന കിറ്റുകൾ സൗജന്യമായി വിതരണം ചെയ്യുമെന്ന് മുഖ്യമന്ത്രി അറിയിച്ചു. പഞ്ചസാര, ചെറുപയർ/വൻപയർ, ശർക്കര, മുളകുപൊടി, മല്ലിപ്പൊടി, മഞ്ഞൾപ്പൊടി, സാന്പാർ പൊടി, വെളിച്ചെണ്ണ/സണ്ഫ്ളവർ ഓയിൽ, പപ്പടം, സേമിയ/പാലട, ഗോതന്പ് നുറുക്ക് എന്നിങ്ങനെ 11 ഇനങ്ങളാണു കിറ്റിലുണ്ടാകുക. ഓഗസ്റ്റ് അവസാന ആഴ്ചയോടെ വിതരണം തുടങ്ങും. ഇതുകൂടാതെ മതിയായ അളവിൽ റേഷൻ ധാന്യവിഹിതം ലഭിക്കാത്ത മുൻഗണനാ ഇതര വിഭാഗങ്ങൾക്ക് ഓഗസ്റ്റിൽ പത്തുകിലോ അരി വീതം 15 രൂപ നിരക്കിൽ വിതരണം ചെയ്യും.
Read Moreഇ.പി ജയരാജന്റെ പേഴ്സണല് സ്റ്റാഫിനെ മാറ്റി; സാമ്പത്തിക ക്രമക്കേട് നടത്തിയെന്ന ആരോപണങ്ങളിൽ കഴമ്പുണ്ടെന്ന് പാർട്ടി അന്വേഷണം
തിരുവനന്തപുരം: മന്ത്രി ഇ.പി ജയരാജന്റെ പേഴ്സണല് സ്റ്റാഫിനെ മാറ്റി. മന്ത്രിയുടെ അസിസ്റ്റന്റ് പ്രൈവറ്റ് സെക്രട്ടറി കെ.സി സജീഷിനെയാണ് മാറ്റിയത്. സാമ്പത്തിക ക്രമക്കേടുകൾ അടക്കം പരാതികൾ ഉയർന്നതിനാലാണ് ഇയാളെ മാറ്റിയത്. ആരോപണങ്ങളില് കഴമ്പുണ്ടെന്ന് പാര്ട്ടി അന്വേഷണത്തിൽ കണ്ടെത്തിയിരുന്നു. പാര്ട്ടി നിര്ദേശത്തെ തുടര്ന്ന് സജീഷ് രാജി സമര്പ്പിക്കുകയായിരുന്നു. സജീഷിനെതിരെ നിരവധി പരാതികള് സിപിഎമ്മിന് നേരത്തെ ലഭിച്ചിരുന്നു. കായിക വകുപ്പിന്റെ മേൽനോട്ടം സജീഷിനായിരുന്നു. അതേസമയം ആരോഗ്യപരമായ കാരണങ്ങളാലാണ് സജീഷ് ജോലിയില് നിന്നും ഒഴിഞ്ഞതെന്നാണ് മന്ത്രിയുടെ ഓഫീസിന്റെ വിശദീകരണം. ജയരാജന്റെ സ്റ്റാഫിലെ ഒരാള്ക്കെതിരെ കൂടി പാർട്ടിക്ക് പരാതി ലഭിച്ചതായി റിപ്പോർട്ടുകളുണ്ട്.
Read Moreകേരളത്തിലെത്തുന്ന അതിഥി തൊഴിലാളികൾക്ക് 14 ദിവസം ക്വാറന്റൈൻ നിർബന്ധം
തിരുവനന്തപുരം: കേരളത്തിലെത്തുന്ന അതിഥി തൊഴിലാളികൾക്ക് ക്വാറന്റൈൻ നിർബന്ധമാക്കി. അതിഥി തൊഴിലാളികൾ 14 ദിവസം ഒരു മുറിയിൽ കഴിയണം. ഇവർക്ക് റാപ്പിഡ് ആന്റിജന് ടെസ്റ്റും നടത്തും. ഓരോരുത്തര്ക്കും ശുചിമുറി അടക്കമുള്ള ഓരോ മുറിയും തൊഴിലുടമകള് സജ്ജമാക്കണമെന്നും നിര്ദ്ദേശമുണ്ട്. നെഗറ്റീവ് ആകുന്നവര്ക്ക് നിരീക്ഷണ കാലാവധി പൂര്ത്തിയായ ശേഷം ജോലി തുടരാം.
Read Moreവിമാനത്താവളത്തിലെ പോലീസുകാരുടെ സ്വത്തുവിവരങ്ങൾ അന്വേഷിക്കാനൊരുങ്ങി കസ്റ്റംസ്
തിരുവനന്തപുരം: സംസ്ഥാനത്തെ വിമാനത്താവളങ്ങളിലെ എമിഗ്രേഷൻ വിഭാഗത്തിൽ ദീർഘകാലമായി ജോലി നോക്കുന്ന പോലീസ് ഉദ്യോഗസ്ഥരുടെ സ്വത്തു വിവരങ്ങൾ സംബന്ധിച്ച് ഐബിയും കസ്റ്റംസും അന്വേഷണം ആരംഭിച്ചു. വിമാനത്താവളങ്ങളിൽ ദീർഘകാലമായി ജോലിചെയ്യുന്നവരിൽ പലർക്കും പല വ്യവസായ പ്രമുഖരുമായും സിനിമാ മേഖലയിലുള്ളവരുമായും അടുത്ത ബന്ധമുണ്ടെന്ന് ഐബിക്കും കസ്റ്റംസിനും വിവരം ലഭിച്ചിരുന്നു. വിമാനത്താവളങ്ങളിൽ ജോലിക്കെത്തുന്നതിനു മുന്പുണ്ടായിരുന്ന സാന്പത്തിക സ്ഥിതിയേക്കാൾ ഉയർന്ന സാന്പത്തിക സ്ഥിതിയിലാണ് ഇവരിൽ പലരും ഇപ്പോൾ കഴിയുന്നതെന്ന് പ്രാഥമികമായി നടത്തിയ അന്വേഷണത്തിൽ കണ്ടെത്തിയിരുന്നു. ഇത്തരത്തിൽ വിമാനത്താവളങ്ങളിൽ ജോലി ചെയ്യുന്ന ചില പോലീസ് ഉദ്യോഗസ്ഥർ ബന്ധുക്കളുടെ പേരുകളിൽ ഉൾപ്പെടെ വീടുകളും വസ്തുവകകളും വാങ്ങിക്കൂട്ടിയതായും കണ്ടെത്തിയിട്ടുണ്ട്.
Read More