തിരുവനന്തപുരം: സ്വർണക്കടത്തു കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെ ചോദ്യം ചെയ്യാനൊരുങ്ങി കസ്റ്റംസ്. കേസിലെ മുഖ്യപ്രതിയായ സ്വപ്ന സുരേഷുമായി ശിവശങ്കറിന് അടുത്ത ബന്ധമുണ്ടായിരുന്നതായാണ് കസ്റ്റംസിന്റെ കണ്ടെത്തൽ. ശിവശങ്കറിന്റെ വിദേശയാത്രകൾ അടക്കമുള്ള രേഖകളും അന്വേഷിക്കുന്നുണ്ട്. അതേസമയം, കേസ് എന്ഫോഴ്സ്മെന്റ് ഡയറക്ടറേറ്റ് അന്വേഷിക്കാനും തീരുമാനമായി. പണം കൈമാറ്റം വിദേശത്ത് നടന്നുവെന്നാണ് വിവരം. ഇതിന്റെ അടിസ്ഥാനത്തിലാണ് അന്വേഷണം നടത്തുക.
Read MoreCategory: TVM
പൂന്തുറയിൽ കമാൻഡോകളെ വിന്യസിച്ചു; ട്രിപ്പിൾ ലോക്ഡൗണ്; കനത്ത ജാഗ്രത
തിരുവനന്തപുരം: പൂന്തുറയിൽ കോവിഡ് വ്യാപനം തടയാൻ കർശനമായ രീതിയിൽ ട്രിപ്പിൾ ലോക്ഡൗണ് നടപ്പാക്കാൻ നിർദേശം. ഇവിടെ സ്പെഷൽ ഡ്യൂട്ടിക്കായി എസ്എപി കമൻഡാന്റ് ഇൻ ചാർജ് എൽ. സോളമന്റെ നേതൃത്വത്തിൽ 25 കമാൻഡോകളെ നിയോഗിച്ചു. കോവിഡ് ബാധ തടയുന്നതിന്റെ ഭാഗമായി പൂന്തുറ ഭാഗത്തുനിന്ന് തമിഴ്നാട്ടിലേയ്ക്കും തിരിച്ചും മത്സ്യബന്ധനത്തിനായി ബോട്ടുകളും വള്ളങ്ങളും പോകുന്നത് തടയാൻ കോസ്റ്റ് ഗാർഡ്, കോസ്റ്റൽ സെക്യൂരിറ്റി, മറൈൻ എൻഫോഴ്സ്മെന്റ് എന്നിവയ്ക്ക് നിർദ്ദേശം നൽകിയിട്ടുള്ളതായി സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. പുറത്തുനിന്ന് ആളുകൾ പൂന്തുറയിലേക്ക് എത്തുന്നത് കർക്കശമായി തടയും. അതിർത്തികൾ അടച്ചിടും. പ്രദേശത്തെ ജനങ്ങൾക്ക് ആവശ്യമായ എല്ലാ സഹായവും നൽകും. കൂടുതൽ ആളുകൾക്കു പരിശോധന നടത്തും. പൂന്തുറയിൽ ഒരാളിൽനിന്ന് 120 പേർ പ്രാഥമിക സന്പർക്കത്തിലും 150 പേർ പുതിയ സന്പർക്കത്തിലും വന്ന സാഹചര്യത്തിലാണ് കർശന നടപടികൾ. പൂന്തുറ മേഖലയിൽ സാമൂഹിക അകലം പാലിക്കുന്നതുൾപ്പെടെയുള്ള ബോധവത്കരണം…
Read More“അവൻ സിപിഎം പ്രവർത്തകൻ’;സന്ദീപിന്റെ ഭാര്യയ്ക്ക് സ്വപ്നയെ നന്നായി പരിചയമുണ്ട്; വെളിപ്പെടുത്തലുമായി സന്ദീപിന്റെ അമ്മ
തിരുവനന്തപുരം: സ്വര്ണകടത്ത് കേസിലെ പ്രധാനകണ്ണി സന്ദീപ് നായര് സിപിഎം പ്രവര്ത്തകനെന്ന് അമ്മ ഉഷ. സന്ദീപ് സിപിഎം ബ്രാഞ്ച് അംഗമായിരുന്നുവെന്നും ഉഷ വ്യക്തമാക്കി. സ്വപ്നയെ താൻ നേരിട്ട് കണ്ടത് സന്ദീപിന്റെ കട ഉദ്ഘാടനത്തിന് മാത്രമാണ്. ഇവരെക്കുറിച്ച് കൂടുതല് വിവരങ്ങള് അറിയില്ല. നേരത്തേ, സന്ദീപ് തിരുവനന്തപുരത്ത് തടിക്കടയിൽ ജീവനക്കാരനായിരുന്നു. സന്ദീപിന്റെ ഭാര്യയ്ക്ക് സ്വപ്നയെ നന്നായി പരിചയമുണ്ട്- ഉഷ വ്യക്തമാക്കി. അതേസമയം, സ്വർണക്കടത്ത് സംഘത്തിൽ സന്ദീപ് പ്രധാനകണ്ണിയായിരുന്നുവെന്നും സരിത്തിനൊപ്പം കള്ളക്കടത്തിൽ സന്ദീപും പങ്കെടുത്തിരുന്നുവെന്നുമാണ് കസ്റ്റംസ് കണ്ടെത്തൽ.
Read Moreസ്വർണക്കടത്ത്;ആരോപണങ്ങൾ ഉയരുന്ന സാഹചര്യം ഉണ്ടാകരുതായിരുന്നു: സിപിഐ മുഖപത്രം
തിരുവനന്തപുരം: സ്വർണക്കടത്തുമായി ബന്ധപ്പെട്ട് ആരോപണം ഉയർന്ന ഉടനെ തന്നെ ഐടി വകുപ്പിലെ ജോലിയിൽ നിന്ന് സ്വപ്ന സുരേഷിനെ പുറത്താക്കുകയും ഐടി സെക്രട്ടറി, മുഖ്യമന്ത്രിയുടെ പ്രിൻസിപ്പൽ സെക്രട്ടറി എന്നീ ചുമതലകളിൽ നിന്ന് എം.ശിവശങ്കറിനെ മാറ്റുകയും ചെയ്തെങ്കിലും ആരോപണങ്ങൾ ഉയരുന്ന സാഹചര്യം പോലും ഉണ്ടാകാൻ പാടില്ലായിരുന്നുവെന്ന് സിപിഐ മുഖപത്രം. കൂടുതൽ ആരോപണങ്ങളും കഥകളും മെനഞ്ഞ് വൻ സ്വർണക്കള്ളക്കടത്ത് എന്ന യഥാർഥ കുറ്റകൃത്യം മറഞ്ഞു പോകുന്ന സ്ഥിതിയുണ്ടായിക്കൂടാ എന്നും ജനയുഗത്തിലെ മുഖപ്രസംഗം പറയുന്നു. സ്വർണക്കടത്തുമായി ബന്ധപ്പെട്ട് ഉയർന്നുവന്നിരിക്കുന്ന എല്ലാ സംശയങ്ങളും ദുരീകരിക്കപ്പെടണം. സമഗ്രമായി അന്വേഷണം നടത്തി വസ്തുതകൾ പുറത്തു കൊണ്ടുവരണം. ഏത് ഉന്നതർക്ക് പങ്കുണ്ടെങ്കിലും അർഹമായ ശിക്ഷ ലഭ്യമാക്കണമെന്നും മുഖപ്രസംഗം പറയുന്നു.
Read Moreസ്വർണക്കടത്ത് കേസ്; സ്വപ്നയുടെ സുഹൃത്ത് സന്ദീപ് നായരുടെ ഭാര്യ കസ്റ്റംസ് കസ്റ്റഡിയിൽ
തിരുവനന്തപുരം: സ്വർണക്കടത്ത് കേസിലെ മുഖ്യപ്രതി സ്വപ്ന സുരേഷിന്റെ സുഹൃത്ത് സന്ദീപ് നായരുടെ ഭാര്യ കസ്റ്റംസ് കസ്റ്റഡിയിൽ. സ്വർണക്കടത്തിൽ ഇവർക്കും പങ്കുണ്ടെന്നാണ് സംശയം. സന്ദീപ് ഒളിവിലാണ്. സന്ദീപിന്റെ വർക്ക്ഷോപ്പ് സ്പീക്കർ പി. ശ്രീരാമകൃഷ്ണൻ ഉദ്ഘാടനം ചെയ്യുന്നതിന്റെ ദൃശ്യങ്ങൾ കഴിഞ്ഞ ദിവസം പുറത്തുവന്നിരുന്നു. ചടങ്ങിൽ സ്വപ്നയും പങ്കെടുത്തിരുന്നു. അതേസമയം ആരോപണങ്ങള്ക്ക് മറുപടിയുമായി ശ്രീരാമകൃഷ്ണന് രംഗത്തെത്തിയിരുന്നു. സ്റ്റാര്ട്ട് അപ് സംരംഭത്തിന്റെ പരിപാടിയിലാണ് താന് പങ്കെടുത്തതെന്നാണ് അദ്ദേഹം നല്കിയ വിശദീകരണം.
Read Moreതെറ്റ് ചെയ്തവർ ആരായാലും രക്ഷപ്പെടാൻ പോകുന്നില്ല; എൽഡിഎഫിന്റെയോ സർക്കാരിന്റെയോ യാതൊരുവിധ സഹായവും ലഭിക്കില്ലെന്ന് കോടിയേരി
തിരുവനന്തപുരം: സ്വർണക്കടത്തു കേസിൽ സർക്കാർ സമഗ്ര അന്വേഷണം നടത്തി മാതൃകാപരമായ നടപടി സ്വീകരിക്കണമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. തെറ്റ് ചെയ്തവർ ആരായാലും രക്ഷപ്പെടാൻ പോകുന്നില്ല. കേസുമായി ബന്ധപ്പെട്ട ആർക്കും എൽഡിഎഫിന്റെയോ സർക്കാരിന്റെയോ യാതൊരുവിധ സഹായവും ലഭിക്കില്ലെന്നും കോടിയേരി പറഞ്ഞു. കേസുമായി ബന്ധപ്പെട്ട് ചിലർ പാർട്ടിക്കെതിരേ നടത്തുന്ന പ്രചാരണങ്ങൾക്ക് അടിസ്ഥാനമില്ലെന്നും രാഷ്ട്രീയ ലക്ഷ്യത്തോടെയാണ് ഇത്തരം നീക്കമെന്നും കോടിയേരി പ്രസ്താവനയിൽ പറഞ്ഞു. പാർട്ടി ആരെയും സംരക്ഷിക്കില്ലെന്ന് പോളിറ്റ്ബ്യൂറോ അംഗം എസ്. രാമചന്ദ്രൻ പിള്ളയും പറഞ്ഞു. ഉപ്പുതിന്നവർ വെള്ളം കുടിക്കും. തെറ്റു ചെയ്ത ആരെയും സംരക്ഷിക്കില്ലെന്നും എസ്ആർപി വ്യക്തമാക്കി.
Read Moreഡിപ്ലോമാറ്റിക് സ്വർണക്കടത്ത്; മുഖ്യമന്ത്രിയുടെ ഓഫീസുമായി അടുത്ത ബന്ധം; സ്വപ്നയെ രക്ഷിക്കാൻ ശ്രമം നടത്തിയെന്ന ആരോപണവുമായി കെ. സുരേന്ദ്രൻ
തിരുവനന്തപുരം: ഡിപ്ലോമാറ്റിക് കാർഗോ സ്വർണക്കടത്തുമായി മുഖ്യമന്ത്രിയുടെ ഓഫീസിന് അടുത്ത ബന്ധമുണ്ടെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ. സ്വര്ണ്ണക്കടത്തിന്റെ മുഖ്യ ആസൂത്രക ഐടി വകുപ്പിലെ ജീവനക്കാരിയായ സ്വപ്നയെ കേസിൽനിന്നു രക്ഷിക്കാൻ ശ്രമം നടത്തി. മുഖ്യമന്ത്രിയുടെ ഓഫീസിൽ നിന്ന് കസ്റ്റംസിനെ വിളിച്ചുവെന്നും അദ്ദേഹം ആരോപിച്ചു. ഐടി സെക്രട്ടറിയുടെ ഫോണ് കോളുകൾ പരിശോധിക്കണമെന്നും അദ്ദേഹം ആവശ്യപ്പെട്ടു. മുഖ്യമന്ത്രിയുടെ ഓഫീസ് അധോലോകമായി മാറി. സ്വപ്നയെക്കുറിച്ച് പോലീസ് ഇന്റലിജൻസ് നേരത്തെ മുന്നറിയിപ്പ് നൽകിയിരുന്നെന്നും അദ്ദേഹം പറഞ്ഞു. മുഖ്യമന്ത്രി നേരിട്ട് കൈകാര്യം ചെയ്യുന്ന ഐടി വകുപ്പിൽ സുപ്രധാന വകുപ്പിൽ ഇരിക്കുന്ന വ്യക്തിയാണ് കള്ളക്കടത്തിന് നേതൃത്വം നൽകിയത്. മുതിർന്ന ഐഎഎസ് ഉദ്യോഗസ്ഥന്റെ ഒത്താശയോടെയാണ് ഐടി വകുപ്പിൽ സുപ്രധാന ചുമതലയിൽ സ്വപ്ന എത്തിയതെന്നും സുരേന്ദ്രൻ കൂട്ടിച്ചേർത്തു.
Read Moreപോലീസ് കൊണ്ടുവന്ന് തരില്ല; രാവിലെ ഏഴ് മുതൽ 11 വരെ കടകൾ തുറന്ന് പ്രവർത്തിക്കും; ട്രിപ്പിൾ ലോക്ക്ഡൗൺ നിർദേശത്തിൽ മാറ്റം
തിരുവനന്തപുരം: ട്രിപ്പിൾ ലോക്ഡൗൺ നിലനിൽക്കുന്ന തിരുവനന്തപുരത്ത് ആളുകൾക്ക് തൊട്ടടുത്ത കടകളിൽപോയി സാധനങ്ങൾ വാങ്ങാൻ അനുമതി. അവശ്യസാധനങ്ങൾ പോലീസ് വീട്ടിലെത്തിച്ച് നൽകുമെന്നായിരുന്നു നേരത്തെ നൽകിയിരുന്ന നിർദേശം. ഇതിനായി പോലീസ് ഫോൺ നമ്പറുകളും നൽകിയിരുന്നു. എന്നാൽ ഇത് പ്രായോഗികമല്ലെന്ന് ബോധ്യപ്പെട്ടതോടെയാണ് ആളുകൾക്ക് നേരിട്ട് സാധനം വാങ്ങാൻ അനുമതി നൽകിയിരിക്കുന്നത്. പഴം, പച്ചക്കറി, പലചരക്ക് സാധനങ്ങൾ വിൽക്കുന്ന കടകൾക്ക് തുറന്നു പ്രവർത്തിക്കാം. രാവിലെ ഏഴ് മുതൽ 11 വരെയാണ് കടകൾ തുറക്കാൻ അനുമതി നൽകിയിരിക്കുന്നത്. ഈ സമയത്ത് ആളുകൾക്ക് തൊട്ടടുത്ത കടകളിൽ എത്തി സാധനം വാങ്ങാം. ഹോട്ടലുകളും സമൂഹ അടുക്കളകളും ഇല്ലാത്തതിനാൽ കുടുംബശ്രീ കാന്റീൻ വഴി ഭക്ഷണം പാഴ്സലായി നൽകാനും തീരുമാനിച്ചിട്ടുണ്ട്. തിരുവനന്തപുരം കോർപ്പറേഷനിൽ ഒരാഴ്ചത്തേക്കാണ് നിയന്ത്രണം. പൊതുഗതാഗതമില്ല. മരുന്ന് കടകൾ മാത്രമാണ് പ്രവർത്തിക്കുന്നത്. സെക്രട്ടറിയേറ്റ് അടക്കം നഗരം ഒരാഴ്ച അടഞ്ഞു കിടക്കും. നഗരത്തിലേയ്ക്ക് പ്രവേശിക്കാനും തിരികെ പോകാനും ഒരു വഴി…
Read More15 കോടിയുടെ സ്വർണക്കടത്തിൽ അന്വേഷണം പ്രമുഖരിലേക്ക്;നിയമോപദേശം തേടി കസ്റ്റംസ്
തിരുവനന്തപുരം: വിമാനത്താവളത്തിലെ 15 കോടിയുടെ സ്വർണക്കടത്തിൽ അന്വേഷണം മേൽത്തട്ടിലേക്കു വ്യാപിപ്പിക്കുന്നു. യുഎഇ കോൺസുലേറ്റിലെ ചില പ്രമുഖരെ കേന്ദ്രീകരിച്ച് അന്വേഷണം തുടരാനാണ് ശ്രമം. തുടർ നടപടിയിൽ കസ്റ്റംസ് നിയമോപദേശം തേടും. കള്ളക്കടത്തിൽ പങ്കുള്ള അഞ്ച് പേരെ കൂടി തിരിച്ചറിഞ്ഞതായി റിപ്പോർട്ടുണ്ട്. ഇവരിലൊരാൾ യുഎഇ കോൺസുലേറ്റിലെ മുൻ ഉദ്യോഗസ്ഥയാണ്. ഈ സംഘം മുമ്പും കള്ളക്കടത്ത് നടത്തിയിട്ടുണ്ടെന്നാണ് സൂചന. കസ്റ്റംസ് ഉദ്യോഗസ്ഥരെ ഭീഷണിപ്പെടുത്തിയാണ് ഇവർ സ്വർണം പുറത്തെത്തിച്ചത്. കോൺസുലേറ്റിലേക്കുള്ള ബാഗേജ് പരിശോധിക്കാൻ അവകാശമില്ലെന്നായിരുന്നു ഇവരുടെ വാദം. സരിത്തിന്റെ യുഎഇ കോൺസുലേറ്റിലെ ഇപ്പോഴത്തെ റോൾ എന്താണെന്നുള്ളതും അന്വേഷിച്ചു വരികയാണ്.
Read Moreഅമിത വേഗം മരണത്തിലേക്ക്; തിരുവനന്തപുരത്ത് ബൈക്കും കാറും കൂട്ടിയിടിച്ച് രണ്ട് യുവാക്കൾക്ക് ദാരുണ അന്ത്യം
തിരുവനന്തപുരം: മംഗലപുരം ചെമ്പകമംഗലത്ത് ബൈക്കും കാറും കൂട്ടിയിടിച്ച് രണ്ട് യുവാക്കള് മരിച്ചു. കോരാണി സ്വദേശികളായ വിഷ്ണു, സരുണ് എന്നിവരാണ് മരിച്ചത്. ആറ്റിങ്ങല് തിരുവനന്തപുരം ദേശീയപാതയില് ഞായറാഴ്ച അർധരാത്രിയായിരുന്നു അപകടം. അമിതേ വേഗതയിലെത്തിയ ബൈക്ക് കാറിനെ മറികടക്കാൻ ശ്രമിക്കുമ്പോൾ എതിർദിശയിൽ എത്തിയ മറ്റൊരു കാർ ഇടിക്കുകയായിരുന്നു. മൃതദേഹങ്ങള് തിരുവനന്തപുരം മെഡിക്കല് കോളജ് മോര്ച്ചറിയിലേക്ക് മാറ്റി.
Read More