തിരുവനന്തപുരം: ഏതെങ്കിലും ഉദ്യോഗസ്ഥരോ മറ്റുള്ളവരോ സ്വയം കുഴിച്ച കുഴിയിൽ വീണിട്ടുണ്ടെങ്കിൽ അവരെ കരകയറ്റാനുള്ള ഒരു കൈയും സർക്കാരിന്റെ ഭാഗത്തു നിന്ന് നീളില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. സിപിഎം മുഖപത്രമായ ദേശാഭിമാനിയിൽ എഴുതിയ ലേഖനത്തിലാണ് മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെതിരേ കോടിയേരിയുടെ വിമർശനം. ഇപ്പോൾ ആക്ഷേപമുണ്ടാക്കിയ ശിവശങ്കർ യുഡിഎഫ് ഭരണകാലത്ത് മർമപ്രധാനമായ സ്ഥാനങ്ങളിൽ പ്രവർത്തിച്ച ഉദ്യോഗസ്ഥനാണ്. ഭരണശേഷിയുള്ള ഐഎഎസ് ഉദ്യോഗസ്ഥൻ എന്ന നിലയിലാണ് അദ്ദേഹത്തെ മുഖ്യമന്ത്രിയുടെ പ്രിൻസിപ്പൽ സെക്രട്ടറിയായി നിയമിച്ചത്. ആ വിശ്വാസത്തിന് കോട്ടം തറ്റുന്ന പെരുമാറ്റമുണ്ടായി – കോടിയേരി ലേഖനത്തിൽ പറയുന്നു. ചാരക്കേസ് സൃഷ്ടിച്ച് മുഖ്യമന്ത്രിയെ രാജിവെപ്പിച്ച ചരിത്രം കേരളത്തിൽ ആവർത്തിക്കില്ലെന്നും സ്വർണക്കടത്തുകേസ് വരും തെരഞ്ഞെടുപ്പുകളിൽ ഇടതുമുന്നണിക്ക് തിരിച്ചടിയാവില്ലെന്നും ലേഖനത്തിൽ പറയുന്നു.
Read MoreCategory: TVM
രോഗികൾ വർധിക്കുന്നു; തിരുവനന്തപുരത്ത് കൂടുതൽ കണ്ടെയ്ൻമെന്റ് സോണുകൾ
തിരുവനന്തപുരം: കോവിഡ് പ്രതിസന്ധിയുടെ പശ്ചാത്തലത്തിൽ തിരുവനന്തപുരത്ത് കൂടുതൽ സ്ഥലങ്ങൾ കൂടി കണ്ടെയ്ൻമെന്റ് സോണാക്കി. കരിങ്കുളം, കഠിനംകുളം, ചിറയിൻകീഴ് പഞ്ചായത്തുകൾ കണ്ടെയ്ൻമെന്റ് സോണാക്കിയതായി ജില്ലാ കളക്ടർ നവ്ജ്യോത് സിംഗ് ഖോസ അറിയിച്ചു. പൂവച്ചൽ, പെരുങ്കടവിള, പൂവാർ, കാരോട്, ചെങ്കൽ, കുളത്തൂർ, ചിറയിൻകീഴ്, അഴൂർ എന്നീ പഞ്ചായത്തുകളിലെ കൂടുതൽ വാർഡുകളും തിരുവനന്തപുരം കോർപ്പറേഷൻ പരിധിയിലുള്ള കടകംപള്ളി, പൗഡിക്കോണം, ഞാണ്ടൂര്കോണം എന്നീ സ്ഥലങ്ങളും കരകുളം ഗ്രാമപഞ്ചായത്തിലെ പ്ലാത്തറ, മുക്കോല, ഏണിക്കര, എന്നീ വാര്ഡുകളെയും കണ്ടെയന്മെന്റ് സോണാക്കി മാറ്റിയതായും കളക്ടർ വ്യക്തമാക്കി.
Read Moreപണിവരുന്നുണ്ട് ; പ്രതികളുമായുള്ള ബന്ധം സൂക്ഷിച്ചതിൽ ജാഗ്രത കുറവുണ്ടായി; ചീഫ്സെക്രട്ടറിയുടെ റിപ്പോർട്ട് തയാറായി
തിരുവനന്തപുരം: സ്വർണകടത്തു കേസിൽ ആരോപണ വിധേയനായ മുൻ ഐടി സെക്രട്ടറി എം.ശിവശങ്കറിനെതിരെയുള്ള അന്വേഷണ റിപ്പോർട്ട് ഉടൻ കൈമാറാൻ ചീഫ് സെക്രട്ടറിയ്ക്ക് മുഖ്യമന്ത്രി പിണറായി വിജയൻ നിർദേശം നൽകി. ഇതിന്റെ അടിസ്ഥാനത്തിൽ അന്വേഷണ റിപ്പോർട്ട് ഇന്നു തന്നെ സമർപ്പിക്കും. അന്വേഷണ റിപ്പോർട്ട് നൽകാനുള്ള സമയപരിധി ഇന്നാണ് അവസാനിക്കുന്നത്. ഇന്നുഉച്ചയ്ക്കു മുന്പ് റിപ്പോർട്ട് ചീഫ് സെക്രട്ടറി മുഖ്യമന്ത്രിയ്ക്ക് കൈമാറും. എം.ശിവശങ്കർ സ്വർണ കടത്തു പ്രതികളുമായുള്ള ബന്ധം സൂക്ഷിച്ചതിൽ ജാഗ്രത കുറവുണ്ടായെന്ന് ചീഫ് സെക്രട്ടറിയുടെ റിപ്പോർട്ടിലുണ്ടെന്ന് അറിയുന്നു. ഒരു സിവിൽ സർവീസ് ഉദ്യോഗസ്ഥൻ കാണിക്കേണ്ട സൂക്ഷ്മത ശിവശങ്കർ സർവീസിൽ കാണിച്ചില്ലെന്നും പ്രതികളുമായുള്ള ബന്ധം സംശയാസ്പദമാണെന്നും റിപ്പോർട്ടിലുണ്ടെന്ന് അറിയുന്നു. ഈ റിപ്പോർട്ടിന്റെ അടിസ്ഥാനത്തിൽ ശിവശങ്കറെ ഇന്നു തന്നെ സസ്പെന്റ് ചെയ്യും. മുഖ്യമന്ത്രി ചീഫ് സെക്രട്ടറിയും അഡീഷണൽ ചീഫ് സെക്രട്ടറിയും അടങ്ങിയ രണ്ടംഗ സമിതിയെ മൂന്നു ദിവസം മുന്പാണ് ചുമതലപ്പെടുത്തിയത്. ഇന്നു റിപ്പോർട്ട് ലഭിച്ചാലുടൻ…
Read Moreഎല്ലാം ശരിയാക്കാൻ!സ്വപ്നയുടെ വ്യാജബിരുദത്തിന്റെ സത്യാവസ്ഥതേടി അന്വേഷണസംഘം മഹാരാഷ്ട്രയിലേക്ക്….
തിരുവനന്തപുരം: സ്വർണക്കടത്തുകേസിലെ പ്രതി സ്വപ്നാ സുരേഷ് വ്യാജ ബിരുദം നേടി ഐടി വകുപ്പിൽ ജോലി നേടിയ സംഭവത്തെകുറിച്ചുള്ള പരാതിയിൽ കന്റോൺമെന്റ് പോലീസ് ഇന്നു അന്വേഷണം ആരംഭിക്കും. കന്റോൺമെന്റ് എസി സുനീഷ് കുമാറിന്റെ മേൽനോട്ടത്തിലാണ് അന്വേഷണം. ഇന്നലെയാണ് ഇതു സംബന്ധിച്ച പരാതി കന്റോൺമെന്റ് പോലീസിന് ലഭിച്ചത്. അന്വേഷണത്തിനായി സ്വപ്നയുടെ വീട് പരിശോധിക്കാനും സർവകലാശാല ഉദ്യോഗസ്ഥരിൽ നിന്ന് വിവരം തേടാനും ആലോചന. പ്രൈസ് വാട്ടർ കൂപ്പേഴ്സ്, വിഷൻ ടെക്നോളജീസ് എന്നിവയേയും ചോദ്യം ചെയ്യും. വ്യാജ സർട്ടിഫിക്കറ്റ് ഹാജരാക്കിയുമാണ് സ്വപ്ന സുരേഷ് ഐടി വകുപ്പിന് കീഴിൽ കരാർ ജോലി നേടിയത്. മാനേജിങ് ഡയറക്ടറുടെ പരാതി പ്രകാരം കേസെടുത്ത പൊലീസ് സ്വപ്നക്കൊപ്പം കൺസൾട്ടൻസികളായ പ്രൈസ് വാട്ടർ കുപ്പേഴ്സ്, വിഷൻ ടെക്നോളജീസ് എന്നിവരെയും പ്രതിചേർത്തു.വ്യാജ സർട്ടിഫിക്കറ്റുള്ള സ്വപ്നക്ക് ജോലി നൽകാൻ ഈ കൺസൾട്ടൻസികളുടെ ശുപാർശയും കാരണമായെന്നാണ് എഫ്ഐആറിൽ പറയുന്നത്. ആന്വേഷണത്തിന്റെ ആദ്യ ഘട്ടമെന്ന നിലയിൽ…
Read Moreസ്പീക്കർക്കെതിരെ പ്രമേയം, സർക്കാരിനെതിരെ അവിശ്വാസം; നിലപാട് കടുപ്പിച്ച് യുഡിഎഫ്
തിരുവനന്തപുരം: സ്വർണക്കടത്ത് കേസുമായി ബന്ധപ്പെട്ട് സർക്കാരിനെതിരായ നിലപാട് കടുപ്പിച്ച് യുഡിഎഫ്. പിണറായി സർക്കാരിനെതിരെ അവിശ്വാസ പ്രമേയവും സ്പീക്കറിനെതിരെ പ്രമേയവും കൊണ്ടുവരാൻ യുഡിഎഫ് യോഗം തീരുമാനിച്ചതായി കൺവീനർ ബെന്നി ബെഹന്നാൻ വാർത്താസമ്മേളനത്തിൽ അറിയിച്ചു. ഇതുസംബന്ധിച്ച തുടർനടപടികൾ സ്വീകരിക്കാൻ പ്രതിക്ഷനേതാവിനെ ചുമതലപ്പെടുത്തിയെന്നും അദ്ദേഹം പറഞ്ഞു. പ്രമേയങ്ങള് എന്ന് അവതരിപ്പിക്കും എന്നതിനെ സംബന്ധിച്ച് ഇപ്പോള് തീരുമാനമായിട്ടില്ല. മറ്റ് നേതാക്കന്മാരുമായി ചര്ച്ച നടത്തിയ ശേഷം പ്രതിപക്ഷ നേതാവ് ഇക്കാര്യം അറിയിക്കുമെന്നും ബെന്നി പറഞ്ഞു. സ്പീക്കർ നിയമസഭയുടെ അന്തസ് കെടുത്തിയെന്നും യുഡിഎഫ് ആരോപിച്ചു. സ്വര്ണക്കടത്ത് കേസിലെ പ്രധാന പ്രതിയായ സ്വപ്നയുമായി സ്പീക്കര്ക്ക് സൗഹൃദമുണ്ടെന്ന് വ്യക്തമായി. ഈ സാഹചര്യത്തില് സ്പീക്കര് പി. ശ്രീരാമകൃഷ്ണന് രാജിവയ്ക്കണമെന്നും അദ്ദേഹം ആവശ്യപ്പെട്ടു. പ്രതികളെ സംരക്ഷിക്കുന്നതിനും അവരെ സാഹയിക്കുന്നതിനും മുഖ്യമന്ത്രിയുടെ ഓഫീസ് ഇടപെട്ടു. സ്വർണക്കടത്ത് കേസിലെ പ്രതികൾക്ക് ഐടി സെക്രട്ടറിയായിരുന്ന ശിവശങ്കറുമായുള്ള ബന്ധം കൂടുതൽ തെളിവുകളോടെ പുറത്തുവന്നിരിക്കുകയാണ്. ട്രിപ്പിൾ ലോക്ക്ഡൗണിലും പ്രതികൾ…
Read Moreവിശ്വസ്തനെ പിണറായി കൈവിട്ടു, ശിവശങ്കറിനെതിരെ നടപടി
എം.ജെ.ശ്രീജിത്ത് തിരുവനന്തപുരം: മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം.ശിവശങ്കറിനെതിരെയുളള നടപടി ഇന്നു ഉണ്ടാകും. ഐടി സെക്രട്ടറി സ്ഥാനത്തു നിന്നു നിർബന്ധിത അവധിയിലേയ്ക്ക് പോയ ശിവശങ്കറിനെ സസ്പെന്റു ചെയ്തു കൊണ്ടുള്ള ഉത്തരവ് ഇന്നിറങ്ങുമെന്നാണ് സർക്കാർ വൃത്തങ്ങളിൽ നിന്നും അറിയാൻ കഴിയുന്നത്. രണ്ടു ദിവസം അവധിയായിരുന്നതിനാലാണ് സസ്പെൻഷൻ വൈകിയെതെന്നാണ് ഇതേക്കുറിച്ച് ചോദിച്ചപ്പോഴുള്ള ഔദ്യോഗിക വിശദീകരണം. തന്റെ ഓഫീസിനെ വിവാദത്തിലാക്കിയ മുൻ വിശ്വസ്തനെ മുഖ്യമന്ത്രി പിണറായി വിജയൻ പൂർണമായും കൈവിട്ടിരിക്കുകയാണ്. ശിവശങ്കറിനെ ഇനി ഒരു തരത്തിലും സംരക്ഷിക്കാൻ പാടില്ലെന്ന പാർട്ടി നിർദ്ദേശവും മുഖ്യമന്ത്രിയ്ക്ക് മുന്നിലുണ്ട്. ഏതെങ്കിലും ഉദ്യോഗസ്ഥൻ ഉണ്ടാക്കി വച്ച വിഴുപ്പ് ചുമക്കേണ്ട കാര്യം സർക്കാരില്ലെന്നാണ് മുതിർന്ന സിപിഎം നേതാവിന്റെ പ്രതികരണം. സ്വന്തം കാര്യങ്ങൾക്കു വേണ്ടി ഓരോന്നിനും ഇറങ്ങിപ്പുറപ്പെടുന്ന ഉദ്യോഗസ്ഥർ തന്നെ അതിന്റെ ഭവിഷ്യത്തും അനുഭവിക്കണം. അതുകൊണ്ട് മാതൃകാപരമായ നടപടി ഉണ്ടാകുകയും എൻഐഎ അന്വേഷണത്തോട് സർക്കാർ പൂർണമായും സഹകരിക്കുകയും ചെയ്യണമെന്നാണ് സിപിഎം…
Read Moreകേസ് കോടതിയിൽ എത്തുമ്പോൾ മാറ്റിപ്പറയാൻ സാധ്യത; സ്വര്ണക്കടത്ത് കേസിലെ സരിത്തിന്റെയും സന്ദീപിന്റെയും ഭാര്യമാരുടെ രഹസ്യമൊഴി രേഖപ്പെടുത്തും
തിരുവനന്തപുരം: നയതന്ത്ര സ്വര്ണക്കടത്തു കേസില് സരിത്തിന്റെയും സന്ദീപിന്റെയും ഭാര്യമാരുടെ രഹസ്യമൊഴിയെടുക്കാന് നീക്കം. രഹസ്യമൊഴി രേഖപ്പെടുത്തുന്നതിനായി കസ്റ്റംസ് അടുത്തയാഴ്ച കോടതിയില് അപേക്ഷ നല്കും. കേസ് കോടതി മുന്പാകെ വരുമ്പോള് ഇവര് മൊഴിമാറ്റി പറയുവാനുള്ള സാധ്യത മുന്പില് കണ്ടാണ് 164 നിയമപ്രകാരം ഇരുവരുടെയും രഹസ്യമൊഴി രേഖപ്പെടുത്തുന്നത്. ഇരുവരും നേരത്തെ കസ്റ്റംസിന് മൊഴി നല്കിയിരുന്നു. കേസിലെ മുഖ്യപ്രതി സ്വപ്ന ഉള്പ്പടെയുള്ളവരുടെ പങ്കിനെപ്പറ്റിയാണ് മൊഴി നല്കിയത്.
Read Moreസമരം ചെയ്ത് കോവിഡ് വന്ന് മരിക്കാൻ ആരും നിൽക്കരുത്’: പരിഹസിച്ച് മന്ത്രി ജയരാജൻ
തിരുവനന്തപുരം: സ്വർണക്കടത്ത് വിവാദത്തിൽ മുഖ്യമന്ത്രിയുടെ ഓഫീസിനെതിരേ അന്വേഷണമില്ലെന്ന് മന്ത്രി ഇ.പി. ജയരാജൻ. വകതിരിവില്ലാതെ ആരെങ്കിലും എന്തെങ്കിലും പറയുന്നത് കേട്ട് ആരും ഇറങ്ങേണ്ട. സമരം ചെയ്ത് കോവിഡ് വന്ന് മരിക്കാൻ ആരും നിൽക്കരുതെന്നും മന്ത്രി പരിഹസിച്ചു.
Read Moreസ്വർണക്കടത്ത്: അന്വേഷണത്തിന് സിബിഐ തന്നെ വേണമെന്ന് കോൺഗ്രസ്
തിരുവനന്തപുരം: നയതന്ത്ര സ്വർണക്കടത്ത് കേസിൽ സിബിഐ തന്നെയാണ് അന്വേഷണത്തിന് വേണ്ടതെന്ന് കോൺഗ്രസ്. മുഖ്യമന്ത്രിയുടെ ഓഫീസുമായി ബന്ധപ്പെട്ട് ഉയർന്ന ആരോപണങ്ങൾ ആപൂർവങ്ങളിൽ അപൂർവമാണ്. ഇതിനാൽ അടിയന്തര മന്ത്രിസഭാ യോഗം വിളിച്ച് മുഖ്യമന്ത്രി സിബിഐ അന്വേഷണത്തിന് ഉത്തരവിടണമെന്നും സംയുക്ത വാർത്താ സമ്മേളനത്തിൽ കോൺഗ്രസ് നേതാക്കൾ ആവശ്യപ്പെട്ടു. പ്രതിപക്ഷ നേതാവ് രമേശ് ചെന്നിത്തല, കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ, മുൻ മുഖ്യമന്ത്രി ഉമ്മൻ ചാണ്ടി എന്നിവരാണ് സംയുക്തമായി മാധ്യമങ്ങളെ കണ്ടത്. സിബിഐയുടെ സ്വതന്ത്ര അന്വേഷണത്തിനാണ് കേന്ദ്ര സർക്കാർ അനുമതി നൽകേണ്ടത്. കേസിൽ എൻഐഎ അന്വേഷണം നല്ലതാണ്. എന്നാൽ ഡിജിപിക്ക് എൻഐഎയിലുള്ള സ്വാധീനം കണ്ടില്ലെന്ന് നടിക്കാനാകില്ലെന്നും നേതാക്കൾ പറഞ്ഞു. എം. ശിവശങ്കർ മുഖ്യമന്ത്രിയുടെ രഹസ്യങ്ങളുടെ സൂക്ഷിപ്പുകാരനാണ്. ശിവശങ്കരനെ മുഖ്യമന്ത്രി ഒരിക്കലും കൈവിടില്ലെന്നും നേതാക്കൾ പറഞ്ഞു. മുഖ്യമന്ത്രിയുടെ ഓഫീസ് അഴിമതിക്ക് കുട പിടിക്കുകയാണ്. ഇതാണ് തങ്ങൾ സിബിഐ അന്വേഷണം ആവശ്യപ്പെടാൻ കാരണം. മോഷ്ടാവ് കുറ്റം…
Read Moreപൂന്തുറ ഉൾപ്പടെ മൂന്നു വാർഡുകൾ ക്രിട്ടിക്കൽ കണ്ടെയ്ൻമെന്റ് സോണിൽ; പട്ടിണി കിടക്കാതിരിക്കാൻ 5 കിലോ അരി റേഷൻകടവഴി
തിരുവനന്തപുരം: തിരുവനന്തപുരം കോർപ്പറേഷന് കീഴിലെ പൂന്തുറ, മാണിക്യവിളാകം, പുത്തൻപള്ളി വാർഡുകളെ ക്രിട്ടിക്കൽ കണ്ടെയ്ൻമെന്റ് സോണായി പ്രഖ്യാപിച്ചു. വള്ളക്കടവ്, ബീമാപള്ളി, ബീമാപള്ളി ഈസ്റ്റ്, വലിയതുറ, മൂട്ടത്തറ വാർഡുകളെ ബഫർ സോണുകളായും ജില്ലാ കളക്ടർ പ്രഖ്യാപിച്ചു. ഈ പ്രദേശങ്ങളിൽ പലചരക്ക്, പാൽ, റേഷൻ കടകൾ എന്നിവ രാവിലെ ഏഴു മുതൽ 11 വരെ മാത്രമാണ് പ്രവർത്തനാനുമതിയുള്ളത്. 11 മുതൽ 12 വരെ വിതരണക്കാരിൽ നിന്നും സാധനങ്ങൾ സ്റ്റോക്ക് ചെയ്യാം. ക്രിട്ടിക്കൽ കണ്ടെയ്ൻമെന്റ് സോണുകളിൽ സർക്കാർ നൽകുന്ന അഞ്ച് കിലോ അരി റേഷൻകടകൾ വഴി ലഭ്യമാകും. ജൂലൈ ഒൻപതിന് പൂജ്യം മുതൽ മൂന്നു വരെ നമ്പരുകളിൽ അവസാനിക്കുന്ന കാർഡുകാരും ജൂലൈ 10ന് നാലു മുതൽ ആറു വരെ അവസാനിക്കുന്ന കാർഡ് ഉടമകളും ജൂലൈ 11ന് ഏഴു മുതൽ ഒൻപതു വരെ അവസാനിക്കുന്ന കാർഡുകാർക്കും റേഷൻ വാങ്ങാം. ഈ പ്രദേശത്ത് ബാങ്ക് ഉൾപ്പടെയുള്ള…
Read More