തിരുവനന്തപുരം: കുട്ടികളെ ലക്ഷ്യമിട്ട് വിനോദ വിജ്ഞാന പരിപാടിയുമായി സംസ്ഥാന സർക്കാർ. മൂന്നു മുതൽ ആറു വയസുവരെ പ്രായത്തിലുള്ള കുട്ടികൾക്കായി “കിളിക്കൊഞ്ചൽ’ എന്ന വിനോദ വിജ്ഞാന പരിപാടി സംപ്രേക്ഷണം ചെയ്യുമെന്നു മുഖ്യമന്ത്രി പിണറായി വിജയൻ അറിയിച്ചു. ജൂലൈ ഒന്നുമുതൽ രാവിലെ എട്ടു മുതൽ 8.30 വരെ വിക്ടേഴ്സ് ചാനൽ വഴിയാണ് പരിപാടിയുടെ സംപ്രേക്ഷണം. സംസ്ഥാന വനിതാ ശിശു വികസന വകുപ്പ്, സി ഡിറ്റിന്റെ സാങ്കേതിക സഹായത്തോടെയാണ് “കിളിക്കൊഞ്ചൽ’ ആവിഷ്കരിച്ചിരിക്കുന്നത്. കുട്ടികളുടെ ഭാഷ വികാസം, ക്രിയാത്മകവും സൗന്ദര്യാത്മകവുമായ ആസ്വാദന ശേഷി, വൈജ്ഞാനിക വികാസം, ശാരീരിക ചാലക വികാസം, വ്യക്തിപരവും, സാമൂഹികവും വൈകാരികവുമായ വികാസം, ഇന്ദ്രീയ അവബോധത്തിന്റെയും ഇന്ദ്രീയ ജ്ഞാനത്തിന്റെയും വികാസം എന്നിവയ്ക്കാണ് പ്രാധാന്യം നൽകുന്നതെന്നും മുഖ്യമന്ത്രി അറിയിച്ചു. സംസ്ഥാനത്തു കോവിഡ് സുരക്ഷാ മുൻകരുതലുകളുടെ ഭാഗമായി മൂന്നു മുതൽ ആറു വയസുവരെ പ്രായത്തിലുള്ള 13,68,553 കുട്ടികൾ വീടുകളിൽ മാത്രമായി ഒതുങ്ങി കൂടേണ്ട…
Read MoreCategory: TVM
യുഡിഎഫിൽ നടക്കുന്നത് ചക്കളത്തിപ്പോര്! രാഷ്ട്രീയത്തിൽ വീണ്ടും സജീവമാകും: കോടിയേരി ബാലകൃഷ്ണൻ
തിരുവനന്തപുരം: അർബുദ രോഗത്തെത്തുടർന്ന് ചികിത്സയിലായിരുന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ വീണ്ടും രാഷ്ട്രീയത്തിൽ സജീവമാകുന്നു. രോഗം പൂർണമായി ഭേദമായതായി ഡോക്ടർമാർ അറിയിച്ചതായും താൻ സജീവ രാഷ്ട്രീയത്തിലേക്ക് മടങ്ങിയെത്തുകയാണെന്നും കോടിയേരി ബാലകൃഷ്ണൻ പറഞ്ഞു. ഒരു ചാനലിന് നൽകിയ അഭിമുഖത്തിലാണ് കോടിയേരി സജീവരാഷ്ട്രീയത്തിലേക്കുള്ള തന്റെ മടങ്ങിവരവിനെപ്പറ്റി അറിയിച്ചത്. പാര്ട്ടി നേതാക്കള് ചികിത്സാകാലത്ത് തനിക്ക് പൂര്ണ പിന്തുണ നല്കിയെന്നും കോടിയേരി പറഞ്ഞു. അതേസമയം യുഡിഎഫിൽ നടക്കുന്നത് ചക്കളത്തിപ്പോരാണെന്നും കോടിയേരി പറഞ്ഞു. കേരള കോൺഗ്രസുമായി ഇപ്പോൾ യാതൊരു വിധ ചർച്ചയ്ക്കുമില്ലെന്നും കേരളകോൺഗ്രസുമായി ബന്ധപ്പെട്ട് ഇപ്പോൾ യുഡിഎഫിൽ നടക്കുന്നത് ആശയപരമായ തർക്കമല്ലെന്നും തെരഞ്ഞെടുപ്പിനു മുന്പായുള്ള ചക്കളത്തിപ്പോരാണെന്നും അദ്ദേഹം പറഞ്ഞു.
Read Moreകോവിഡ്! സന്പർക്ക രോഗബാധ നിരക്ക് ഉയരുന്നു; തിരുവനന്തപുരത്ത് രാത്രികാല കർഫ്യൂ ഇന്നു മുതൽ കൂടുതൽ ശക്തമാക്കും
തിരുവനന്തപുരം: സംസ്ഥാനത്ത് സന്പർക്കത്തിലൂടെയുള്ള കോവിഡ് രോഗബാധ നിരക്ക് ഉയരുന്നത് ആശങ്ക പടർത്തുന്നു. ഇന്നലെ 118 പേർക്കു കോവിഡ് രോഗബാധ ഉണ്ടായതിൽ ആരോഗ്യ പ്രവർത്തകർ അടക്കം 14 പേർക്കു സന്പർക്കത്തിലൂടെ രോഗബാധയുണ്ടായി. കഴിഞ്ഞ ദിവസവും മലപ്പുറത്താണ് സന്പർക്കത്തിലൂടെയുള്ള ഉയർന്ന രോഗബാധ ഉണ്ടായത്. മലപ്പുറത്തെ സ്വകാര്യ ആശുപത്രിയിലെ അഞ്ചു ജീവനക്കാർക്കാണ് കോവിഡ് സ്ഥിരീകരിച്ചത്. സന്പർക്ക രോഗവ്യാപനം മനസിലാക്കാനായി ആരോഗ്യ പ്രവർത്തകർ, അതിഥി തൊഴിലാളികൾ, സാമൂഹിക സന്പർക്കം കൂടുതലുള്ള വ്യക്തികൾ മുതലായ മുൻഗണനാ ഗ്രൂപ്പുകളിൽ നിന്ന് 45,592 സാന്പിളുകൾ ശേഖരിച്ചതിൽ 43,842 സാന്പിളുകൾ നെഗറ്റീവ് ആയി. മലപ്പുറം ജില്ലയിലെ രണ്ട് പഞ്ചായത്തുകളും പൊന്നാനി നഗരസഭയിലെ 47 വാർഡുകളും കണ്ടെയ്ൻമെന്റ് സോണുകളായതിനാൽ മലപ്പുറം ജില്ലയിലും കർശന നിയന്ത്രണങ്ങളാണ് ഏർപ്പെടുത്തിയിരിക്കുന്നത്. മലപ്പുറത്ത് എടപ്പാളിൽ ദേശീയ പാതയിലൂടെ പോകുന്ന വാഹനങ്ങൾ അരമണിക്കൂറിനുള്ളിൽ കണ്ടെയ്ൻമെന്റ് സോൺ കടക്കണം. ഇടയ്ക്ക് വാഹനങ്ങൾ നിർത്താൻ പാടില്ല. മലപ്പുറത്ത് കണ്ടെയ്ൻമെന്റ് സോണുകളിൽ…
Read Moreവ്യാജ പരസ്യങ്ങളില് വീഴരുതേ..! തലസ്ഥാനത്ത് ഓൺലൈൻ പണം തട്ടിപ്പ്; സൈബർ സെല്ലിന്റെ സഹായത്തോടെ പണം തിരികെ പിടിച്ചു
തിരുവനന്തപുരം: നഗരത്തിലെ സ്ഥാപന ഉടമയുടെ സഹായിയെ കബളിപ്പിച്ച് ഒടിപി നമ്പർ സംഘടിപ്പിച്ച് അയാളുടെ അക്കൗണ്ടിൽ നിന്നും പണം തട്ടിയെടുത്തു. പരാതി ലഭിച്ച ഉടനെ തിരുവനന്തപുരം സിറ്റി സൈബർ സെല്ലിന്റെ സമയോചിതമായ ഇടപെടൽ കൊണ്ട് നഷ്ട്ടപ്പെട്ട പണം വീണ്ടെടുക്കാൻ കഴിഞ്ഞതായി തിരുവനന്തപുരം സിറ്റി പോലീസ് കമ്മീഷണർ ബല്റാംകുമാർ ഉപാദ്ധ്യായ അറിയിച്ചു. മുട്ടടയിലെ ഒരു സ്ഥാപന ഉടമയുടെ സഹായിയായ തിരുമല ഇലിപ്പോട് സ്വദേശിയുടെ അക്കൗണ്ടിൽ നിന്നും 87980 രൂപയാണ് തട്ടിയെടുത്തത്. അതിൽ 78980 രൂപ സൈബർ സെല്ലിന്റെ ഇടപെടലിലൂടെ ഉടമയ്ക്ക് തിരികെ ലഭിച്ചു. പാങ്ങോട് മിലിട്ടറി ക്യാമ്പിലെ ഉദ്യോഗസ്ഥൻ എന്ന വ്യാജേന ഒരാൾ സ്ഥാപന ഉടമയെ ഫോണിൽ വിളിച്ച് 10 കിലോ നെയ്മീൻ വേണമെന്ന് പറയുകയും, പണം ഓൺലൈൻ ആയി നൽകുന്നതിന് കടയുടമയുടെ കാർഡ് നമ്പർ ആവശ്യപ്പെടുകയും ചെയ്തു. അയാൾക്ക് കാർഡ് ഇല്ലാത്തതിനാൽ അയാള്ക്കുവേണ്ടി ഓൺലൈൻ ഇടപാടുകൾ കൈകാര്യം ചെയ്യുന്ന…
Read Moreയുവതിയുടെ ആത്മഹത്യ! അറസ്റ്റിലായ ഭർത്താവ് രാജേഷ് കൊടും ക്രിമിനൽ; ഇയാൾക്കെതിരെ 14 ക്രിമിനൽ കേസുകളുണ്ടെന്ന് പോലീസ്
വെമ്പായം: ഭാര്യയുടെ ആത്മഹത്യയുമായി ബന്ധപ്പെട്ട് അറസ്റ്റിലായ ഭർത്താവ് രാജേഷ് കൊടുംക്രിമിനലാണെന്ന് പോലീസ്. ഇയാൾക്കെതിരെ 14 ക്രിമിനൽ കേസുകളുണ്ടെന്ന് പോലീസ് പറഞ്ഞു. നിരവധി പേരുകളിൽ അറിയപ്പെടുന്ന ഇയാളെ പ്രദീപ് എന്ന് നാട്ടുകാർ വിളിക്കുമ്പോൾ റാവുത്തർ എന്ന പേരിലാണ് സിറ്റിയിൽ അറിയപ്പെടുന്നത്. തിരുവല്ലം, വഞ്ചിയൂർ, പേട്ട എന്നീ സ്റ്റേഷനുകളിലാണ് കേസുകൾ ഉള്ളത്. തിരുവല്ലം സ്റ്റേഷനിൽ കയറി എസ്ഐ ഉൾപ്പെടെയുള്ളവരെ അടിച്ച കേസിലെ പ്രതി കൂടിയാണ് ഇയാൾ. സ്ത്രീകൾക്ക് നേരെയുളള അതിക്രമത്തിന് മൂന്നു കേസും, വധശ്രമത്തിന് നാലു കേസും നിലവിലുണ്ട്. സ്ത്രീകളെ വിവാഹ വാഗ്ദാനം നൽകി പണം തട്ടുന്നത് ഇയാളുടെ സ്ഥിരം പതിവാണെന്ന് പോലീസ് പറഞ്ഞു. ആദ്യ കല്യാണം കഴിഞ്ഞു മക്കളുള്ളപ്പോഴാണ് വട്ടപ്പാറ പ്രശാന്ത് നഗറില് ആര്യാ ഭവനില് ആര്യാദേവനെ(23) കല്യാണം കഴിക്കുന്നത്. ആര്യയെ കഴിഞ്ഞ ദിവസം രാത്രിയിൽ വീടിനുള്ളില് മരിച്ച നിലയില് കാണുകയായിരുന്നു. തുടർന്ന് നടത്തിയ അന്വേഷണത്തിലാണ് ഭര്ത്താവായ തിരുവല്ലം…
Read Moreമന്ത്രിക്ക് മൂത്ത കേരള വിരോധം എന്നു കരുതി സമാധാനിക്കുകയേ വഴിയുള്ളൂ; വി. മുരളീധരനെ വിമർശിച്ച് സിപിഎം മുഖപത്രം
തിരുവനന്തപുരം: കേരളം എന്നു കേൾക്കുമ്പോൾ കേന്ദ്ര പ്രവാസികാര്യ സഹമന്ത്രി വി.മുരളീധരന് കലിവരുന്നത് എന്തുകൊണ്ടാ ണെന്ന് അറിയില്ലെന്ന് സിപിഎം മുഖപത്രമായ ദേശാഭിമാനി. കേരളത്തിന്റെ നേട്ടങ്ങളെ ഇകഴ്ത്തി കാട്ടി പ്രബുദ്ധ കേരളത്തിന് ബാധ്യതയാകാനാണോ ഈ കേന്ദ്രമന്ത്രി എന്നും മുഖപ്രസംഗം ചോദിക്കുന്നു. സംസ്ഥാന ബിജെപിയിലെ ഭൂരിപക്ഷവും തന്നെ അംഗീകരിക്കാത്തതിലുള്ള അമർഷമാണോ ഈ വിരോധത്തിനു കാരണമെന്ന് അറിയില്ല. ഒരു നല്ല വാക്കുപോലും കേരളത്തിന്റെ മികച്ച രോഗപ്രതിരോധത്തെക്കുറിച്ച് പറയാൻ കേന്ദ്രമന്ത്രി തയ്യാറായിട്ടില്ല. എന്നും വിദ്വേഷ രാഷ്ട്രീയത്തിന്റെ കൊടി ഉയർത്തിപ്പിടിക്കുന്നതിലായിരിക്കണം മന്ത്രിക്ക് ഈ മൂത്ത കേരള വിരോധം എന്നുകരുതി സമാധാനിക്കുകയേ വഴിയുള്ളൂവെന്ന് മുഖപ്രസംഗത്തിൽ വിമർശിക്കുന്നു. ഒരു സാധാരണ രാഷ്ട്രീയക്കാരൻ എന്ന നിലയിൽനിന്ന് കേന്ദ്രമന്ത്രി എന്ന നിലവാരത്തിലേക്ക് ഉയരാൻ വി. മുരളീധരന് ഇപ്പോഴും കഴിഞ്ഞിട്ടില്ല. പാർലമെന്റിൽ ഭരണപക്ഷം പ്രതിസന്ധിയിലാകുന്ന വേളയിലൊന്നും ഈ മന്ത്രിയുടെ ശബ്ദം ആരും ശ്രവിച്ചിട്ടില്ല. പ്രവാസികളെ തിരിച്ചുകൊണ്ടുവരാനുള്ള സംസ്ഥാന സർക്കാരിന്റെ ശ്രമങ്ങളെ ആശയക്കുഴപ്പങ്ങൾ ഉണ്ടാക്കുന്ന…
Read Moreപെട്രോളിനും ഡീസലിനും കൂട്ടുന്ന മുഴുവൻ തുകയും പോകുന്നത് എണ്ണക്കമ്പനികളിലേക്കാണെന്ന് ധനമന്ത്രി തോമസ് ഐസക്
തിരുവനന്തപുരം: ഇന്ധന വില വർധന എണ്ണക്കന്പനികൾക്ക് കൊള്ളലാഭമുണ്ടാക്കാനെന്ന് ധനമന്ത്രി തോമസ് ഐസക്. പെട്രോളിനും ഡീസലിനും കൂട്ടുന്ന മുഴുവൻ തുകയും പോകുന്നത് എണ്ണക്കന്പനികളിലേക്കാണ്. നികുതി വരുമാനം സർക്കാരിനില്ലെങ്കിൽ എന്തിനാണ് വിലകൂട്ടുന്നതെന്നും അദ്ദേഹം ചോദിച്ചു.കോവിഡ് പ്രതിസന്ധി അതിജീവിക്കാൻ ചെലവ് ചുരുക്കേണ്ടി വരുമെന്നും അദ്ദേഹം പറഞ്ഞു. സാന്പത്തിക പ്രതിസന്ധി കാരണം നിയമന നിരോധനം ഉണ്ടാകില്ല. ആവശ്യമുള്ള പുതിയ നിയമനങ്ങൾ നടത്തുമെന്നും മന്ത്രി കൂട്ടിച്ചേർത്തു.
Read Moreപെട്രോൾ, ഡീസൽ നികുതി; കേന്ദ്ര- സംസ്ഥാന സര്ക്കാരുകള് നടത്തുന്നത് വന് കൊളളയെന്ന് ഉമ്മന് ചാണ്ടി
തിരുവനന്തപുരം: പെട്രോളിന് 24.69 രൂപയും ഡീസലിന് 26.10 രൂപയും മാത്രം അടിസ്ഥാന വിലയുള്ളപ്പോള് അവയ്ക്ക് യഥാക്രമം 51.55 രൂപയും 46.19 രൂപയും നികുതി ചുമത്തി കേന്ദ്ര- സംസ്ഥാന സര്ക്കാരുകള് വന്കൊള്ള നടത്തുകയാണെന്ന് കോണ്ഗ്രസ് പ്രവര്ത്തക സമിതിയംഗം ഉമ്മന് ചാണ്ടി. ജനജീവിതത്തെ സാരമായി ബാധിക്കുന്ന പെട്രോളിയം ഉല്പന്നങ്ങള്ക്ക് ഇരട്ടി നികുതി ചുമത്തുന്ന അപൂര്വ രാജ്യമാണ് ഇന്ത്യ. കോവിഡ് കാലത്ത് ജനങ്ങള് വലിയ സാമ്പത്തിക പ്രതിസന്ധി നേരിടുമ്പോള് അവരെ സഹായിക്കുന്നതിനു പകരം കണ്ണില്ച്ചോരയില്ലാതെ പിഴിയുന്നതിനെതിരേ കോണ്ഗ്രസ് ജൂണ് 29ന് ദേശീയ പ്രക്ഷോഭം നടത്തും. ഈ മാസം 18 ദിവസം തുടര്ച്ചയായി വില കേറ്റി ഡീസലിന് പത്തുരൂപയും പെട്രോൡ് എട്ടരരൂപയുമാണ് കൂട്ടിയത്. ഒരു മാസം ഇത്രയധികം വില കൂട്ടുന്നത് ചരിത്രത്തില് ഇതാദ്യമാണ്. പെട്രോള് വിലയ്ക്ക് അടുത്ത് ഡീസല് വിലയെത്തിക്കുക എന്ന ലക്ഷ്യവും കൈവരിക്കുന്നു. ഡല്ഹിയില് ഡീസലിന് പെട്രോളനേക്കാള് വിലയായി. ചരക്ക്-ഗതാഗത വാഹനങ്ങളെല്ലാം…
Read Moreകെ കരുണാകരന്റെയും ആന്റണിയുടെയും കാലത്തെ രീതി വരുന്ന നിയമസഭാ തെരഞ്ഞെടുപ്പിലും; കെ മുരളീധരന്റെ വാക്കുളിങ്ങനെ…
തിരുവനന്തപുരം: തെരഞ്ഞെടുപ്പിൽ ഒരു നേതാവിനെ ഉയർത്തികാട്ടുന്ന രീതി കോണ്ഗ്രസിനില്ലെന്ന് കെ.മുരളീധരൻ എംപി. കെ.കരുണാകരന്റെയും എ.കെ.ആന്റണിയുടെയും കാലത്തും ഈ രീതിയായിരുന്നു. നിയമസഭാ തെരഞ്ഞെടുപ്പിനെ കോണ്ഗ്രസിലെ കൂട്ടായ നേതൃത്വം നയിക്കും. ഇപ്പോൾ പ്രാധാന്യം നൽകുന്നത് പഞ്ചായത്ത് തെരഞ്ഞെടുപ്പിനാണെന്നും മുരളീധരൻ പറഞ്ഞു. ഒരു സ്വകാര്യ ചാനലിന് നൽകിയ അഭിമുഖത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read Moreജോസ് വിഭാഗം രാജിവച്ചതിനു ശേഷം മാത്രം ചർച്ചയെന്ന് ഉമ്മൻ ചാണ്ടി
തിരുവനന്തപുരം: കോട്ടയം ജില്ല പഞ്ചായത്ത് പ്രസിഡന്റ് സ്ഥാനം ജോസ് കെ. മാണി വിഭാഗം രാജിവച്ചതിനു ശേഷം മാത്രമേ ചർച്ചയുള്ളെന്ന് മുതിർന്ന കോൺഗ്രസ് നേതാവ് ഉമ്മൻ ചാണ്ടി. കേരള കോണ്ഗ്രസ് പ്രശ്നങ്ങളില് യുഡിഎഫിന്റെ തീരുമാനം ആദ്യം നടപ്പാക്കണം. ജോസ് കെ. മാണി വിഭാഗം രാജിവയ്ക്കണമെന്ന് യുഡിഎഫ് അറിയിച്ചതാണ്. ഇരുവിഭാഗങ്ങളും ചില നിര്ദേശങ്ങളും ആവശ്യങ്ങളും യുഡിഎഫിനെ അറിയിച്ചു. നിലവിലെ തീരുമാനങ്ങള് നടപ്പിലാക്കിയ ശേഷം മറ്റ് വിഷയങ്ങളില് ചര്ച്ച തുടരുമെന്നും ഉമ്മന്ചാണ്ടി പറഞ്ഞു.
Read More