തിരുവനന്തപുരം: കേരളാ പോലീസിന്റെ വെടിയുണ്ടകള് കാണാതായ കേസില് മന്ത്രി കടകംപള്ളി സുരേന്ദ്രന്റെ ഗണ്മാനും പ്രതി. പതിനൊന്ന് പ്രതികളുള്ള കേസില് കടകംപള്ളിയുടെ ഗണ്മാന് സനില് കുമാർ മൂന്നാം പ്രതിയാണ്. പേരൂര്ക്കട പോലീസ് 2019-ല് രജിസ്റ്റര് ചെയ്ത കേസിലാണ് ഇയാള് പ്രതിയായിട്ടുള്ളത്. രജിസ്റ്റര് സൂക്ഷിക്കുന്നതിലെ വീഴ്ച പരിശോധിച്ചാണ് പോലീസുകാരെ പ്രതികളാക്കിയിരിക്കുന്നത്. രജിസ്റ്ററില് സ്റ്റോക് സംബന്ധിച്ച തെറ്റായ വിവരം പ്രതികള് രേഖപ്പെടുത്തിയെന്നും വഞ്ചനയിലൂടെ പ്രതികള് അമിതലാഭം ഉണ്ടാക്കിയെന്നും എഫ്ഐആറിൽ രേഖപ്പെടുത്തിയിട്ടുണ്ട്. ഗുരുതരമായ ക്രമക്കേട് നടന്നിട്ടുണ്ടെന്ന് എഫ്ഐആറില് വ്യക്തമാക്കിയിട്ടും ഉന്നത ഉദ്യോഗസ്ഥര്ക്കെതിരെ അന്വേഷണം നടന്നിട്ടില്ല.
Read MoreCategory: TVM
പൈശാചികവും ക്രൂരവുമായിപ്പോയി; പട്ടാപ്പകല് യൂത്ത് കോണ്ഗ്രസുകാരന് ഡിസിസി ജനറല് സെക്രട്ടറിയുടെ ക്രൂരമര്ദനം; മർദന കാരണത്തെക്കുറിച്ച് പുറത്ത് വരുന്നകഥയിങ്ങനെ…
തിരുവനന്തപുരം: മാരായമുട്ടത്ത് യൂത്ത് കോണ്ഗ്രസുകാരന് ഡിസിസി ജനറല് സെക്രട്ടറിയുടെ ക്രൂരമര്ദനം. ബാറ്റ് കൊണ്ട് തലയ്ക്കടിച്ചു വീഴ്ത്തുകയും കാലു കൊണ്ട് തുടര്ച്ചയായി ചവിട്ടുകയും ചെയ്യുന്നതിന്റെ ദൃശ്യങ്ങള് പുറത്തുവന്നു. മര്ദനമേറ്റ മാരായമുട്ടം യൂത്ത് കോണ്ഗ്രസ് മണ്ഡലം പ്രസിഡന്റ് ജയന് ഗുരുതര പരിക്കുകളോടെ മെഡിക്കല് കോളജ് ആശുപത്രിയില് ചികിത്സയിലാണ്. സംഭവം നടന്ന് ദിവസങ്ങള് കഴിഞ്ഞിട്ടും ഡിസിസി ജനറല് സെക്രട്ടറി സുരേഷിനെ പോലീസ് അറസ്റ്റ് ചെയ്തിട്ടില്ല. ഇയാൾ ഒളിവിലാണെന്നാണ് പോലീസ് പറയുന്നത്. ഫെബ്രുവരി മൂന്നിനാണ് സംഭവം നടന്നത്. മാരായമുട്ടം സര്വീസ് സഹകരണ ബാങ്കിന് മുന്പില് വച്ച് പട്ടാപ്പകലാണ് ജയനെ സുരേഷും സുഹൃത്തും ചേര്ന്ന് ക്രൂരമായി മര്ദിച്ചത്. ബൈക്കില് എത്തിയ സംഘം ജയനെ മര്ദിക്കുന്ന ദൃശ്യങ്ങളാണ് പുറത്തായത്. ബൈക്കില് നിന്ന് ഇറങ്ങിയ സുരേഷ് ജയനെ ഇടിക്കുകയും തൊട്ടുപിന്നാലെ ബൈക്ക് ഓടിച്ചിരുന്ന സുഹൃത്ത് കയ്യില് ഉണ്ടായിരുന്ന ബാറ്റ് കൊണ്ട് അടിച്ചുവീഴ്ത്തുകയുമായിരുന്നു. തുടര്ന്ന് നിലത്തുവീണ് കിടന്ന ജയനെ…
Read Moreപോലീസിൽ നടക്കുന്നത് മുഖ്യമന്ത്രി അറിയുന്നില്ലേ? അതോ, മുഖ്യമന്ത്രിയുടെ അനുമതിയോടെ നടന്ന അഴിമതിയാണോ ഇത്? വി. മുരളീധരൻ
തിരുവനന്തപുരം: പോലീസിന്റെ ആയുധശേഖരത്തിൽ നിന്ന് വൻതോതിൽ തോക്കുകളും വെടിയുണ്ടകളും കാണാതായെന്ന സി.എ.ജി റിപ്പോർട്ടിനെ തുടർന്ന് മുഖ്യമന്ത്രിക്കെതിരെ വിമർശനവുമായി കേന്ദ്ര സഹമന്ത്രി വി.മുരളീധരൻ. തന്റെ ഫേസ്ബുക്ക് പേജിലാണ് വി.മുരളീധരൻ പോലിസിലെ കാര്യങ്ങഴൾ മുഖ്യമന്ത്രി അറിഞ്ഞിട്ടില്ലേയെന്ന് വിമർശനമുന്നയിച്ചിരിക്കുന്നത്. ഫേസ്ബുക്ക് പോസ്റ്റിന്റെ പൂർണരൂപം- ഡി ജി പി ക്കും പൊലീസിനു മെതിരായ സി.എ.ജി റിപ്പോർട്ടിലെ വെളിപ്പെടുത്തൽ ശരിക്കും പ്രതിരോധത്തിലാക്കിയിരിക്കുന്നത് സംസ്ഥാന ആഭ്യന്തര വകുപ്പ് നിയന്ത്രിക്കുന്ന മുഖ്യമന്ത്രിയെയാണ്. പൊലീസിൽ നടക്കുന്ന കാര്യങ്ങൾ മുഖ്യമന്ത്രിയറിയുന്നില്ലെന്നാണോ മനസിലാക്കേണ്ടത്? അതോ, മുഖ്യമന്ത്രിയുടെ അനുമതിയോടെ നടന്ന അഴിമതിയാണോ ഇത്? വിവാദ വിഷയങ്ങളിൽ പൊലീസിനെ അനുകൂലിക്കുന്ന മുഖ്യമന്ത്രിയുടെ നിലപാട് കണ്ടാൽ ഇടതു മുന്നണിയിലുള്ളവർക്കു പോലും ഇങ്ങനെ തോന്നിയില്ലെങ്കിലേ അതിശയമുള്ളൂ. കേരള പൊലീസില് നിന്ന് തോക്കുകളും വെടിയുണ്ടകളും കാണാതായ സംഭവം ആഭ്യന്തരസുരക്ഷയുമായി ബന്ധപ്പെട്ട പ്രശ്നമാണ്. അതങ്ങനെ നിസ്സാരമായി തള്ളിക്കളയാനാകില്ല.ഒരു സംസ്ഥാനത്തും കേട്ടുകേൾവിയില്ലാത്ത സംഭവമാണിത്. ഈ തോക്കുകളും വെടിയുണ്ടകളും തീവ്രവാദ സംഘടനകൾക്കാണോ കൈമാറിയതെന്ന്…
Read Moreഫേസ്ബുക്കിലൂടെ റിക്വസ്റ്റ് അയച്ച് പെണ്കുട്ടികളെ വശീകരിച്ചശേഷം പീഡനം! നിരവധി സ്കൂൾ വിദ്യാർഥിനികളെ പീഡിപ്പിച്ചയാൾ അറസ്റ്റിൽ
പേരൂർക്കട: പോക്സോ കേസുമായി ബന്ധപ്പെട്ട് യുവാവിനെ പൂജപ്പുര പോലീസ് അറസ്റ്റ് ചെയ്തു. മണക്കാട് കാലടി മരുതൂര്ക്കടവ് ശബരി ലെയിന് ശ്രീലക്ഷ്മിയില് അരുണ് (21) ആണ് പിടിയിലായത്. വിവിധ കാലങ്ങളിലായി 12 ഓളം സ്കൂൾ കുട്ടികളായ പെണ്കുട്ടികളെയാണ് ഇയാള് പീഡിപ്പിച്ചുവന്നത്. ഫെയ്സ്ബുക്കിലൂടെ റിക്വസ്റ്റ് അയച്ച് പെണ്കുട്ടികളെ വശീകരിച്ചശേഷം ഇവരെ പീഡിപ്പിക്കുകയും ആഭരണങ്ങള് കൈക്കലാക്കുകയുമാണ് ഇയാളുടെ രീതി. ഫോര്ട്ട്, കുടപ്പനക്കുന്ന്, നേമം തുടങ്ങിയ സ്ഥലങ്ങളില് താമസിക്കുന്ന പ്രായപൂര്ത്തിയാകാത്ത പെണ്കുട്ടികളാണ് ഇയാളുടെ ഇരയായിരുന്നത്. പൂജപ്പുര സ്റ്റേഷന് പരിധിയില് താമസിച്ചു വരുന്ന ഒരു പെണ്കുട്ടിയുടെ രക്ഷിതാക്കള് നല്കിയ പരാതിയുടെ അടിസ്ഥാനത്തില് നടത്തിയ അന്വേഷണത്തിലാണ് പ്രതി പിടിയിലായത്. അന്വേഷണവുമായി ബന്ധപ്പെട്ട് യുവാവിന്റെ മൊബൈൽ ഫോണും പോലീസ് കണ്ടെത്തി.
Read Moreരാഷ്ട്രദീപിക വാർത്ത നിയമസഭയിൽ! വനിതാ കമ്മീഷന്റെ പ്രവർത്തനങ്ങളെ അട്ടിമറിക്കുന്നുവെന്ന് പ്രതിപക്ഷ നേതാവ്
തിരുവനന്തപുരം: രാഷ്ട്രദീപിക വാർത്ത നിയമസഭയിൽ. സ്ത്രീകൾക്കും കുട്ടികൾക്കുമെതിരെയുള്ള അതിക്രമങ്ങളെക്കുറിച്ചുള്ള അടിയന്തര പ്രമേയ ചർച്ചയ്ക്കിടെ വനിതാ കമ്മീഷിന്റെ പ്രവർത്തനങ്ങളെ അട്ടിമറിക്കുന്ന പോലീസ് നടപടികളെക്കുറിച്ചുള്ള രാഷ്ട്രദീപിക വാർത്ത നിയമസഭയിൽ ചൂണ്ടിക്കാട്ടി പ്രതിപക്ഷ നേതാവ് രമേശ് ചെന്നിത്തല. ഈ മാസം അഞ്ചിന് രാഷ്ട്രദീപികയിൽ പ്രസിദ്ധീകരിച്ച വനിതാ കമ്മീഷന് പുല്ലുവില നൽകി കേരള പോലീസെന്ന വാർത്തയാണ് രമേശ് ചെന്നിത്തല നിയസഭയിൽ പരാമർശിച്ചത്. പോലീസിനെതിരെ വനിതാ കമ്മീഷന് പരാതി നൽകിയാൽ അതിനെ അട്ടിമറിക്കാനും പൂഴ്ത്തിവയ്ക്കാനും പോലീസിലെ ഒരു സംഘം പ്രവർത്തിക്കുന്നുണ്ടെന്നും അതിന് വനിതാ കമ്മീഷനിലെ ഉദ്യോഗസ്ഥർ തന്നെ നേതൃത്വം നൽകുന്നുവെന്ന വാർത്ത രാഷ്ട്രദീപിക റിപ്പോർട്ട് ചെയ്തിരുന്നു. സ്ത്രീകൾക്കും കുട്ടികൾക്കുമെതിരെയുള്ള അതിക്രമങ്ങൾ വർധിച്ചുവരുന്നതു ചൂണ്ടിക്കാട്ടി പ്രതിപക്ഷത്തു നിന്നും ഷാനിമോൾ ഉസ്മാനാണ് അടിയന്തര പ്രമേയത്തിന് നോട്ടീസ് നൽകിയത്. അടിയന്തര പ്രമേയം തള്ളിയതിനെ തുടർന്ന് നിയമസഭയിൽ നിന്നും ഇറങ്ങിപ്പോകുന്നതിന് മുന്പ് പ്രതിപക്ഷ നേതാവ് നടത്തിയ പ്രസംഗത്തിലാണ് രാഷ്ട്രദീപിക വാർത്ത…
Read Moreപതിനൊന്നാം വയസ് മുതല്..! കൗണ്സിലിംഗില് പെണ്കുട്ടി പറഞ്ഞത് ഞെട്ടിപ്പിക്കുന്ന വിവരങ്ങള്; ബന്ധുവായ 60 കാരന് കുടുങ്ങി
അഞ്ചല് : അഞ്ചലില് ബന്ധുവായ പെണ്കുട്ടിയെ വര്ഷങ്ങളായി പീഡിപ്പിച്ചുവന്ന 60 കാരന് അറസ്റ്റിൽ. ഇയാള് പെണ്കുട്ടിയുടെ പതിനൊന്നാം വയസ് മുതല് പീഡിപ്പിച്ചുവരികയായിരുന്നുവെന്ന് അഞ്ചല് പോലീസ് പറഞ്ഞു. അടുത്തിടെയായി പെണ്കുട്ടി ശാരീരിക അസ്വസ്ഥതകള് പ്രകടിപ്പിക്കുകയും മാനസിക പ്രശ്നങ്ങള് കാട്ടുകയും ചെയ്തതോടെ വിവിധ ആശുപത്രികളില് പ്രവേശിപ്പിച്ചിരുന്നു. ഇവിടെ നിന്ന് മെഡിക്കല്കോളേജ് ആശുപത്രിയില് എത്തിച്ച പെണ്കുട്ടിയെ മാനസികാരോഗ്യ വിദഗ്ധരുടെ സഹായത്തോടെ നടത്തിയ കൗണ്സിലിംഗിലാണ് ഞെട്ടിപ്പിക്കുന്ന പീഡന വിവരം പുറത്തറിയുന്നത്. ആശുപത്രി അധികൃതരുടെ നിര്ദേശപ്രകാരം ബന്ധുക്കള് അഞ്ചല് പോലീസില് പരാതി നല്കുകയായിരുന്നു. പെണ്കുട്ടിയുടെ രഹസ്യ മൊഴിയടക്കം രേഖപ്പെടുത്തിയ പോലീസ് കഴിഞ്ഞ ദിവസം പ്രതിയെ അറസ്റ്റ് ചെയ്തു. അഞ്ചല് സര്ക്കിള് ഇന്സ്പെക്ടര് സിഎല് സുധീറിന്റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. അറസ്റ്റ് രേഖപ്പെടുത്തിയ പ്രതിയെ പുനലൂര് ഒന്നാം ക്ലാസ് മജിസ്ട്രേറ്റ് കോടതിയില് ഹാജരാക്കി റിമാന്റ് ചെയ്തു.
Read Moreസംസ്ഥാനത്ത് തടങ്കൽപാളയങ്ങൾ നിർമിക്കാൻ നിർദേശം നൽകിയത് രമേശ് ചെന്നിത്തലയെന്ന് മുഖ്യമന്ത്രി
തിരുവനന്തപുരം: രമേശ് ചെന്നിത്തല ആഭ്യന്തരമന്ത്രിയായിരുന്ന കാലത്താണ് സംസ്ഥാനത്ത് തടങ്കൽപാളയങ്ങൾ നിർമ്മിക്കാൻ സാമൂഹ്യനീതി വകുപ്പിന് നിർദേശം നൽകിയതെന്ന് മുഖ്യമന്ത്രി പിണറായി വിജയൻ നിയമസഭയെ അറിയിച്ചു. സംസ്ഥാനത്ത് സെൻസസ് സെൻസസായി നടത്തും. എൻപിആർ നടപ്പാക്കില്ലെന്നും അദ്ദേഹം പറഞ്ഞു. ഇക്കാര്യത്തിൽ ആശയക്കുഴപ്പമില്ലെന്നും മുഖ്യമന്ത്രി വ്യക്തമാക്കി. താൻ ആഭ്യന്തരമന്ത്രിയായിരുന്നപ്പോൾ തടങ്കൽ പാളയങ്ങൾ നിർമ്മിക്കാൻ നിർദേശിച്ചത് വിസ, പാസ്പോർട്ട് എന്നിവയുടെ കാലാവധി കഴിഞ്ഞ വിദേശികളെ പാർപ്പിക്കാനായിരുന്നുവെന്ന് പ്രതിപക്ഷ നേതാവ് രമേശ് ചെന്നിത്തല മുഖ്യമന്ത്രിക്ക് മറുപടിയായി നിയമസഭയെ അറിയിച്ചു. അന്നത്തെ സാഹചര്യമല്ല ഇന്ന് തടങ്കൽ പാളയങ്ങൾ നിർമ്മിക്കുന്നതിന് പിന്നിലെന്നും ചെന്നിത്തല സഭയിൽ പറഞ്ഞു. ആശങ്കകളും ആശയകുഴപ്പവും പരിഹരിച്ച ശേഷം മാത്രമെ സെൻസസ് നടത്താവുവെന്നും ചെന്നിത്തല പറഞ്ഞു.
Read Moreസമ്പത്തില്ലെങ്കിലും ഒന്ന് സമ്പത്തിനിരിക്കട്ടെ; കടുത്ത സാമ്പത്തിക പ്രതിസന്ധിയിലും സര്ക്കാര് പുതിയ എട്ടു കാറുകള് വാങ്ങുന്നു; ഒരെണ്ണം ഡല്ഹിയിലെ സമ്പത്തിന്?
തിരുവനന്തപുരം: കടുത്ത സാമ്പത്തിക പ്രതിസന്ധിയിലും സംസ്ഥാന സര്ക്കാര് പുതിയ കാറുകള് വാങ്ങുന്നു. ചെലവു ചുരുക്കുമെന്നു പറഞ്ഞ അതേ ബജറ്റ് ദിവസം തന്നെയാണ് എട്ടു പുതിയ കാറുകള് വാങ്ങാനുള്ള ഉപധനാഭ്യര്ഥന ധനമന്ത്രി തോമസ് ഐസക് നിയമസഭയില് വച്ചത്. ഡല്ഹി കേരള ഹൗസ്, ജിഎസ്ടി കമ്മീഷണര്, ലാന്റ് റവന്യൂ ജോയിന്റ് കമ്മീഷണര്, പൊതുമരാമത്ത് കോട്ടയം എക്സിക്യൂട്ടീവ് എന്ജിനീയര്, സയന്സ് ആന്റ് ടെക്നോളജി വൈസ് പ്രസിഡന്റ്, അര്ബണ് അഫയേഴ്സ് ഡയറക്ടര്, ആലപ്പുഴ വ്യവസായ ട്രൈബ്യൂണല്, തദ്ദേശസ്വയംഭരണ വകുപ്പ് ഓംബുഡ്സ്മാന് എന്നിവര്ക്കാണ് പുതിയ വാഹനങ്ങള് വാങ്ങുന്നത്. ഏതു തരത്തിലുള്ള വാഹനമാണ് വാങ്ങുന്നതെന്നു വ്യക്തമല്ല. സര്ക്കാരിന്റെ ആവശ്യങ്ങള്ക്ക് വാഹനം കരാര് അടിസ്ഥാനത്തില് എടുക്കുമെന്ന് ബജറ്റില് ധനമന്ത്രി പ്രഖ്യാപിച്ചിരുന്നു. ഇതിന് നേര്വിപരീതമാണു സര്ക്കാര് നീക്കം. വാങ്ങുന്ന കാറില് ഒന്ന് ഡല്ഹിയിലെ സര്ക്കാരിന്റെ പ്രത്യേക പ്രതിനിധി എ. സമ്പത്തിനാണെന്നാണു സൂചന.
Read Moreജയിക്കാന് അധ്യാപകരുടെ ദയാദാക്ഷണ്യത്തിന് കാത്ത് നില്ക്കേണ്ട; സംസ്ഥാനത്തെ സര്വകലാശാലകളില് ഇനി ഇന്റേണല് മാര്ക്ക് നിബന്ധനയില്ല
തിരുവനന്തപുരം: സംസ്ഥാനത്തെ എല്ലാ സര്വകലാശാലകളിലും ഇന്റേണല് അസസ്മെന്റിനു മിനിമം മാര്ക്ക് വേണമെന്ന നിബന്ധന അടുത്ത അധ്യയന വര്ഷം മുതല് ഒഴിവാക്കുമെന്നു ഉന്നത വിദ്യാഭ്യാസ മന്ത്രി കെ.ടി. ജലീല്. നിയമസഭയിലാണ് മന്ത്രി ഇക്കാര്യം അറിയിച്ചത്. ഇന്റേണല് മാര്ക്ക് സമ്പ്രദായം വിദ്യാര്ഥികളെ ബുദ്ധിമുട്ടിക്കാന് ഉപയോഗിക്കുന്നുണ്ട്. ജയിക്കാന് അധ്യാപകരുടെ ദയാദാക്ഷണ്യത്തിന് കാത്ത് നില്ക്കേണ്ടതില്ലെന്നും മന്ത്രി പറഞ്ഞു.
Read Moreഅച്ചടക്ക ലംഘനം പാര്ട്ടിയില് ഒരുതരത്തിലും അനുവദിക്കില്ല; പണിയെടുത്തില്ലെങ്കില് ഒഴിവാക്കും; കെപിസിസി ഭാരവാഹികള്ക്കു മുന്നറിയിപ്പ്
തിരുവനന്തപുരം: പാര്ട്ടി ഏല്പിക്കുന്ന ചുമതല കൃത്യമായി നിര്വഹിക്കാത്ത കെപിസിസി ഭാരവാഹികളെ ഒഴിവാക്കാന് ധാരണ. ജില്ലകളുടെയും പോഷക സംഘടനകളുടെയും ചുമതല നല്കിയിട്ടുള്ള കെപിസിസി ഭാരവാഹികള് വീഴ്ച വരുത്താതെ കാര്യങ്ങള് നിര്വഹിച്ചില്ലെങ്കില് ഒഴിവാക്കുമെന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രന് പറഞ്ഞു. കെപിസിസി ഭാരവാഹികളുടെ യോഗത്തിലാണ് ഇത്തരത്തില് ധാരണയായത്. അച്ചടക്ക ലംഘനം പാര്ട്ടിയില് ഒരുതരത്തിലും അനുവദിക്കില്ലെന്നു പ്രസിഡന്റ് ആവര്ത്തിച്ചു. എന്നാല്, വിവാദ വിഷയങ്ങളില് പ്രധാന നേതാക്കള് ചര്ച്ച നടത്തി ഏകാഭിപ്രായം രൂപീകരിക്കണമെന്ന് യോഗത്തില് അഭിപ്രായമുയര്ന്നു. ചാനല് ചര്ച്ചകളില് പങ്കെടുക്കുന്നവര്ക്കു പാര്ട്ടിയുടെ നിലപാടു വ്യക്തമാക്കി നല്കാന് വാര് റൂമുകള് സജ്ജീകരിക്കും. വിവാദ വിഷയങ്ങളില് അടക്കം പാര്ട്ടിയുടെ അഭിപ്രായം വാര് റൂമുകളില് നിന്നു ചാനല് ചര്ച്ചകളില് പങ്കെടുക്കുന്നവര്ക്കു നല്കാനും യോഗത്തില് ധാരണയായി.
Read More