തിരുവനന്തപുരം: പൗരത്വ നിയമത്തിനെതിരായ സമരവുമായി ബന്ധപ്പെട്ട് ആര്എസ്എസിനെ വിമര്ശിക്കുന്ന ബാനര് കെട്ടാന് ശ്രമിച്ചവര്ക്കെതിരേ മതസ്പര്ദ്ധ വളര്ത്താന് ശ്രമിച്ചു എന്നാരോപിച്ച് കേസ്. രണ്ടു യുവാക്കൾക്കെതിരെയാണ് കേസെടുത്തത്. ജനുവരി 29ന് ബാലരാമപുത്ത് ബിജെപി സംഘടിപ്പിച്ച ജനജാഗ്രതാ സദസ് നടന്ന സ്ഥലത്തിന് സമീപമാണ് ഒരു സംഘം യുവാക്കള് ബാനര് കെട്ടാന് ശ്രമിച്ചത്.’ഗുജറാത്തല്ല ഇത് കേരളമാണ്, ഷൂ നക്കരുത്’ എന്ന തലക്കെട്ടിലുള്ള ബാനര് കെട്ടാനുള്ള ശ്രമം പോലീസ് ഇടപെട്ട് തടയുകയും ചെയ്തു. ബാനർ കെട്ടാതിരുന്നിട്ടും പോലിസ് കേസെടുക്കുകയായിരുന്നു. ബാലരാമപുരം ലക്ഷം വീട്ടില് ഷെമീര്, ഐത്തിയൂര് ഫാത്തിമ മന്സിലില് സിയാദ് എന്നിവരെയാണ് ബാലരാമപുരം പോലിസ് അറസ്റ്റ് ചെയ്തത്.
Read MoreCategory: TVM
വീണ്ടും വീണ്ടും തള്ളിപ്പറഞ്ഞ് പിണറായി; അലനെയും താഹയെയും കസ്റ്റഡിയിലെടുത്തത് സംശയാസ്പദ സാഹചര്യത്തിലെന്ന് മുഖ്യമന്ത്രി
തിരുവനന്തപുരം: യുഎപിഎ കുറ്റം ചുമത്തി അറസ്റ്റ് ചെയ്യപ്പെട്ടു ജയിലിൽ കഴിയുന്ന സിപിഎം പ്രവർത്തകരായ അലനെയും താഹയെയും തള്ളിപ്പറഞ്ഞ് മുഖ്യമന്ത്രി പിണറായി വിജയൻ. ഇരുവരെയും കസ്റ്റഡിയിലെടുത്തത് സംശയാസ്പദ സാഹചര്യത്തിലാണ്. ഇവർക്കൊപ്പമുണ്ടായിരുന്ന ഉസ്മാൻ പല യുഎപിഎ കേസുകളിലും പ്രതിയാണെന്നും മുഖ്യമന്ത്രി നിയമസഭയിൽ പറഞ്ഞു. എം.കെ. മുനീറിന്റെ അടിയന്തരപ്രമേയ നോട്ടീസിനാണ് മുഖ്യമന്ത്രിയുടെ മറുപടി. അറസ്റ്റിലായവർക്കെതിരേ ഏതു വകുപ്പാണ് ചുമത്തേണ്ടതെന്ന് തീരുമാനിക്കുന്നത് പോലീസാണ്, സർക്കാരല്ലെന്നും മുഖ്യമന്ത്രി പറഞ്ഞു. കേസിന്റെ അന്വേഷണം എൻഐഎയ്ക്ക് കൈമാറിയത് സംസ്ഥാന സർക്കാരല്ല. കേന്ദ്രം സ്വമേധയാ കേസ് ഏറ്റെടുക്കുവായിരുന്നുവെന്നും മുഖ്യമന്ത്രി വിമർശിച്ചു. അലനെ കോളജിൽനിന്ന് പുറത്താക്കിയ സംഭവത്തിലും മുഖ്യമന്ത്രി മറുപടി നൽകി. വേണ്ടത്ര ഹാജർ നിലയില്ലാത്തതിനാലാണ് അലനെ കോളജിൽനിന്ന് പുറത്താക്കിയതെന്നാണ് മുഖ്യമന്ത്രിയുടെ വിശദീകരണം. വിദ്യാർഥികളെ പോലീസ് അകാരണമായി തടങ്കലിൽ പാർപ്പിച്ചിരിക്കുകയാണെന്ന് ചൂണ്ടിക്കാട്ടിയാണ് പ്രതിപക്ഷം അടിയന്തര പ്രമേയത്തിന് നോട്ടീസ് നൽകിയത്. പോലീസ് നിയമവിരുദ്ധമായ നീക്കങ്ങൾ നടത്തിയാണ് അലനെയും താഹയെയും അറസ്റ്റ് ചെയ്തെന്നും…
Read Moreപുതുച്ചേരി വാഹന രജിസ്ട്രേഷൻ; സുരേഷ് ഗോപിക്കെതിരായ കുറ്റപത്രം കോടതി മടക്കി; കാരണം ഇതാണ്
തിരുവനന്തപുരം: പുതുച്ചേരി വാഹന രജിസ്ട്രേഷൻ കേസിൽ നടനും ബിജെപി രാജ്യസഭാംഗവുമായ സുരേഷ് ഗോപിക്കെതിരെ ക്രൈംബ്രാഞ്ച് സമർപ്പിച്ച കുറ്റപത്രം കോടതി മടക്കി നൽകി. കുറ്റപത്രം പരിഗണിക്കാൻ അധികാരമില്ലെന്നു ചൂണ്ടികാട്ടി തിരുവനന്തപുരം ചീഫ് ജുഡിഷൽ മജിസ്ട്രേറ്റ് കോടതിയാണു കുറ്റപത്രം അന്വേഷണ ഉദ്യോഗസ്ഥനു മടക്കി നൽകിയത്. പുതുച്ചേരിയിലെ വ്യാജ വിലാസത്തിൽ ആഡംബര കാർ റജിസ്റ്റർ ചെയ്ത് കേരളത്തിൽ അടയ്ക്കേണ്ട നികുതി വെട്ടിച്ച കേസിലാണ് സുരേഷ് ഗോപിക്കെതിരെ കുറ്റപത്രം സമർപ്പിച്ചത്. കേസിൽ 2018 ജനുവരിയിൽ സുരേഷ് ഗോപിയെ ക്രൈംബ്രാഞ്ച് അറസ്റ്റ് ചെയ്തിരുന്നു. ഉടൻ ജാമ്യത്തിൽ വിടുകയും ചെയ്തു. കൃഷിയിടത്തിൽ പോകാൻ വേണ്ടിയാണ് ഔഡി കാർ വാങ്ങിയതെന്നാണു സുരേഷ് ഗോപി ക്രൈംബ്രാഞ്ചിനു നൽകിയ മൊഴി. ഇതു നുണയാണെന്ന സംശയത്തിന്റെ അടിസ്ഥാനത്തിലാണു ക്രൈംബ്രാഞ്ച് സുരേഷ് ഗോപിയെ അറസ്റ്റ് ചെയ്തത്. സുരേഷ് ഗോപിയുടെ മുൻകൂർ ജാമ്യാപേക്ഷ കോടതി തള്ളിയിരുന്നു.
Read Moreഒൻപതു തവണ പിഴയടച്ച് രക്ഷപ്പെട്ടു; പത്താം തവണയും “കൈറോസ്’ ബസിന് പിടിവീണു
തിരുവനന്തപുരം: തൊടുപുഴയിൽ നിന്ന് തിരുവനന്തപുരത്തേക്ക് നിയമ വിരുദ്ധ സര്വീസ് നടത്തിവന്ന “കൈറോസ്’ എന്ന സ്വകാര്യ ബസിനെ മോട്ടോര് വാഹനവകുപ്പ് പിടികൂടി. കഴക്കൂട്ടത്ത് വച്ച് കെഎസ്ആര്ടിസി, മോട്ടോര് വാഹന വകുപ്പ്, പോലീസ് ഉദ്യോഗസ്ഥര് സംയുക്തമായാണ് ബസ് കസ്റ്റഡിയിലെടുത്തത്. മുമ്പ് ഒൻപതു തവണ ഇത്തരത്തിൽ നിയമലംഘനം നടത്തിയതിന് ഈ ബസിനെ പിടികൂടിയിട്ടുണ്ട്. അപ്പോഴെല്ലാം പിഴയടച്ച് ഉടമസ്ഥർ ബസ് പുറത്തിറക്കുകയായിരുന്നു. കോട്ടയം ആസ്ഥാനമായ കൊണ്ടോടി മോട്ടോഴ്സിന്റെ ഉടമസ്ഥതയിലുള്ളതാണ് കസ്റ്റഡിയിലായ ബസ്. ഈ ബസ് സർവീസ് നടത്തുന്ന റൂട്ടിൽ കെഎസ്ആര്ടിസിയുടെ വരുമാനത്തിൽ ഇടിവ് വന്ന സാഹചര്യത്തിൽ നടത്തിയ പരിശോധനയിലാണ് അനധികൃത സർവീസ് പിടിക്കപ്പെട്ടത്. സ്വകാര്യ ബസുകൾ സമാന്തര സർവീസ് നടത്തിയാൽ ശക്തമായ നടപടി സ്വീകരിക്കുമെന്ന് മോട്ടോര് വാഹന വകുപ്പ് അറിയിച്ചു.
Read Moreസെൻകുമാറിന്റെ പരാതിയിൽ, മാധ്യമപ്രവർത്തകർക്കെതിരായ കേസ്: ഡിജിപിയോട് അടിയന്തര റിപ്പോർട്ട് തേടി മുഖ്യമന്ത്രി
തിരുവനന്തപുരം: ടി.പി. സെൻകുമാറിന്റെ പരാതിയിൽ മാധ്യമപ്രവർത്തകർക്കെതിരേ കേസെടുത്ത നടപടിക്കെതിരേ സർക്കാർ. മുൻ ഡിജിപി എന്ന നിലയിൽ സെൻകുമാർ മാധ്യമപ്രവർത്തകർക്കെതിരേ കേസെടുപ്പിക്കാൻ സമ്മർദം ചെലുത്തിയിട്ടുണ്ടാകാം. ഇക്കാര്യത്തിൽ ഡിജിപിയോട് അടിയന്തര റിപ്പോർട്ട് തേടിയെന്നും മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു. സെൻകുമാറിനെക്കുറിച്ച് ഇപ്പോഴെങ്കിലും നിങ്ങൾക്ക് ബോധ്യമായല്ലോയെന്നും പ്രതിപക്ഷത്തോട് മുഖ്യമന്ത്രി ചോദിച്ചു. കാട്ടാക്കടയിലെ കൊലപാതകവുമായി ബന്ധപ്പെട്ട പ്രതിപക്ഷത്തിന്റെ അടയന്തര പ്രമേയത്തിലാണ് എം. വിൻസെന്റ് സഭയിൽ വിഷയം ഉന്നയിച്ചത്. മാധ്യമപ്രവർത്തകർക്കെതിരേ കേസെടുത്ത പോലീസ് നടപടി അസാധാരണമെന്ന് പ്രതിപക്ഷ നേതാവ് രമേശ് ചെന്നിത്തലയും പറഞ്ഞു.കാട്ടാക്കടയിലെ കൊലപാതകത്തിന് കാരണം പോലീസ് വീഴ്ചയെന്ന് എം. വിൻസെന്റ് ആരോപിച്ചു. മണ്ണുമാഫിയ പോലീസ് സ്റ്റേഷനുകൾ കേന്ദ്രീകരിച്ച് പ്രവർത്തിക്കുകയാണെന്നും അദ്ദേഹം പറഞ്ഞു. കേസിൽ അഞ്ചു പേർക്കെതിരേ കേസെടുത്തിട്ടുണ്ട്. പോലീസ് വീഴ്ച വരുത്തിയെന്ന പരാതി പരിശോധിക്കുകയാണ്. റിപ്പോർട്ട് വന്നാൽ കർശന നടപടി സ്വീകരിക്കുമെന്നും മുഖ്യമന്ത്രി മറുപടിയായി പറഞ്ഞു.
Read Moreമഹല്ല് കമ്മിറ്റികളുടെ സമരത്തിൽ നുഴഞ്ഞുകയറ്റം; സമരം വഴിവിട്ടു പോയാൽ പോലീസ് നോക്കി നിൽക്കില്ല; എസ്ഡിപിഐക്കെതിരേ മുഖ്യമന്ത്രി
തിരുവനന്തപുരം: പൗരത്വ ഭേദഗതി നിയമത്തിനെതിരേ നടക്കുന്ന പ്രക്ഷോഭങ്ങളിൽ എസ്ഡിപിഐ നുഴഞ്ഞുകയറാൻ ശ്രമിക്കുന്നുവെന്ന് മുഖ്യമന്ത്രി പിണറായി വിജയൻ. തീവ്രവാദ സംഘങ്ങൾ കാര്യങ്ങൾ വഴിതിരിച്ചു വിടാൻ ശ്രമിക്കുകയാണ്. സമരങ്ങളിൽ അക്രമം ഉണ്ടാക്കുന്നത് എസ്ഡിപിഐയാണ്. മഹല്ല് കമ്മിറ്റികളുടെ സമരത്തിൽ എസ്ഡിപിഐ നുഴഞ്ഞുകയറുന്നത് ശ്രദ്ധിക്കണമെന്നും മുഖ്യമന്ത്രി നിയമസഭയിൽ പറഞ്ഞു. സമരം വഴിവിട്ടു പോയാൽ പോലീസ് കൈയും കെട്ടി നോക്കി നിൽക്കില്ലെന്നും മുഖ്യമന്ത്രി വ്യക്തമാക്കി. പൗരത്വ ഭേദഗതിക്കെതിരെ നിയമ വിധേയമായി സമരം ചെയ്ത ആർക്കെതിരെയും കേസെടുത്തിട്ടില്ല. എന്നാൽ പരിധി വിടുമ്പോൾ സ്വാഭാവിക നടപടിയുണ്ടാകുമെന്നും മുഖ്യമന്ത്രി പറഞ്ഞു. എസ്ഡിപിഐയുടെ പിന്തുണ പ്രതിപക്ഷത്തിന് ആവശ്യമില്ലെന്ന് പ്രതിപക്ഷ നേതാവ് രമേശ് ചെന്നിത്തലയും മറുപടിയായി പറഞ്ഞു.
Read Moreപോത്തൻകോട് ചന്തയിൽ നിന്നും വാങ്ങിയ മീനിൽ പുഴു;മീനുമായി തിരികെ ചന്തയിലെത്തിയപ്പോൾ കച്ചവടക്കാരൻ മുങ്ങി
പോത്തൻകോട്: പോത്തൻകോട് ചന്തയിൽ നിന്നും വാങ്ങിച്ച മീനിൽ പുഴുവെന്ന് പരാതി. ബുധനാഴ്ച രാവിലെ ചന്തയിൽ നിന്നും വാങ്ങിയ ചൂര മീൻ വീട്ടിലെത്തി മുറിച്ചു നോക്കിയപ്പോഴാണ് ഉള്ളിൽ പുഴുവിനെ കണ്ടത്. തുടർന്ന് കാട്ടായിക്കോണം സ്വദേശി ചന്തയിലെത്തി മീൻ വിറ്റ വിൽപ്പനക്കാരനെ തിരക്കിയെങ്കിലും കച്ചവടക്കാരൻ മുങ്ങിയിരുന്നു. പോത്തൻകോട് ഗ്രാമപഞ്ചായത്ത് അധികൃതർക്ക് പരാതി നൽകി. മറ്റു കച്ചവടക്കാരോട് തിരക്കിയെങ്കിലും ആരിൽ നിന്നും അദേഹത്തെപ്പറ്റി അറിയാൻ സാധിച്ചില്ലെന്നും പരാതിയിൽ പറയുന്നു. ആരോഗ്യവകുപ്പ് അധികൃതർ പരിശോധനയ്ക്കെത്തിയെങ്കിലും ഒന്നും കണ്ടെത്താനായില്ല. തുടർദിവസങ്ങളിൽ ചന്തയിൽ പരിശോധന നടത്തുമെന്ന് ഹെൽത്ത് ഇൻസ്പെക്ടർ സുധൻ.എസ്. നായർ പറഞ്ഞു. അമ്പതോളം മീൻകച്ചവടക്കാരാണ് ദിനംപ്രതി പോത്തൻകോട് ചന്തയിൽ എത്തുന്നത്. മീൻ വാങ്ങാനെത്തുന്നവരോട് ചില കച്ചവടക്കാർ മോശമായാണ് പെരുമാറുന്നതെന്നും പരാതിയുണ്ട്.
Read Moreദൈവത്തിന്റെ സ്വന്തം നാടിനെ കൈവിട്ട് വിദേശ ടൂറിസ്റ്റുകൾ;കോവളം തീരത്തിന് നഷ്ടത്തിന്റെ സീസൺ
വിഴിഞ്ഞം: അന്യനാടുകളിൽ നിന്ന് ദൈവത്തിന്റെ സ്വന്തം നാടുകാണാനെത്തിയിരുന്നവരും കൈവിട്ട വിനോദസഞ്ചാര സീസണെ കടൽ വഴി ലോകം ചുറ്റുന്നവരുമായി വന്നു പോയിരുന്ന ആഡംബര കപ്പലുകളും തിരിഞ്ഞു നോക്കിയില്ല. വിഴിഞ്ഞം തീരത്തുകാരെ എല്ലാവർഷവും സൈറൺ മുഴക്കി ഉണർത്താൻ സീസണിൽ രണ്ടും മൂന്നും പ്രാവശ്യം തുറമുഖത്തടുത്തിരുന്ന ഐലന്റ് സ്കൈയും ക്ലിപ്പർ ഒഡീസിയും ലി പൊണന്റും ഇക്കുറി വിഴിഞ്ഞത്തെ മറന്നു . കേരളത്തിന്റെ പ്രകൃതി ഭംഗി ആസ്വദിക്കാൻ ലോകത്തിന്റെ വിവിധ രാജ്യങ്ങളിൽ നിന്നുള്ളവരെ ഒരുമിച്ച് കൊണ്ടുവന്നിരുന്ന ആഢംബര കപ്പലുകൾ അവസാനിക്കാറായ സീസണിൽ ഇനിവരുമെന്ന പ്രതീക്ഷയും അധികൃതർക്കില്ല. കോവളം അന്താരാഷ്ട്ര വിനോദസഞ്ചാര കേന്ദ്രത്തിനും തലസ്ഥാന നഗരിക്കും ഉണർവു പകരാൻ മുൻ വർഷങ്ങളിൽ കടൽ വഴി നൂറ് കണക്കിന് സഞ്ചാരികൾ എത്തിയിരുന്നു. ടൂർ ഓപ്പറേറ്റർമാർ പതിവുപോലെ ഇക്കുറിയും അന്വേഷണവുമായി വിഴിഞ്ഞത്തു വന്നതോടെ 2019 ന്റെ അവസാനമോ 2020ന്റെ ആദ്യമോ സഞ്ചാരികളുമായി കപ്പൽ അടുക്കുമെന്ന് കരുതിയെങ്കിലും ഇതുവരെയും…
Read Moreശ്രീറാം വെങ്കിട്ടരാമൻ ഒന്നാം പ്രതി; വഫാ ഫിറോസിനെ രണ്ടാം പ്രതിയാക്കി പോലീസിന്റെ കുറ്റപത്രം
തിരുവനന്തപുരം: മാധ്യമ പ്രവർത്തകൻ കെ.എം. ബഷീർ മരിക്കാനിടയായ വാഹനാപകടക്കേസിൽ ശ്രീറാം വെങ്കിട്ടരാമൻ ഐഎഎസ് ഒന്നാം പ്രതി. വെങ്കിട്ടരാമനെ ഒന്നാം പ്രതിയായി പോലീസ് കുറ്റപത്രം തയാറാക്കി. വെങ്കിട്ടരാമനൊപ്പം കാറിലുണ്ടായിരുന്ന വഫാ ഫിറോസാണ് രണ്ടാം പ്രതി. ശ്രീറാം മദ്യപിച്ച് അമിതവേഗത്തിൽ വാഹനമോടിച്ചതാണ് അപകടകാരണമെന്നും പോലീസ് കുറ്റപത്രത്തിൽ പറയുന്നു. 2019 ഓഗസ്റ്റ് മൂന്നിന് പുലർച്ചെയാണ് ശ്രീറാം ഓടിച്ച കാറിടിച്ച് ബഷീർ മരിച്ചത്. മദ്യപിച്ച് വാഹനമോടിച്ച് അപകടമുണ്ടാക്കിയ ശ്രീറാം വെങ്കിട്ടരാമനെ പോലീസ് അറസ്റ്റ് ചെയ്തിരുന്നു. തിരുവനന്തപുരം മ്യൂസിയം പോലീസ് സ്റ്റേഷനു സമീപം പബ്ലിക് ഓഫീസിനു മുന്നിലാണ് അപകടമുണ്ടായത്. റോഡരികിൽ ബൈക്ക് നിർത്തി ഫോണിൽ സംസാരിച്ചുകൊണ്ടിരുന്ന ബഷീറിന്റെ ബൈക്കിനു പിറകിൽ ശ്രീറാം വെങ്കിട്ടരാമൻ ഓടിച്ച കാർ അമിതവേഗത്തിൽ വന്ന് ഇടിക്കുകയായിരുന്നു.
Read Moreഇന്ത്യൻ ഓവർസീസ് ബാങ്ക് ശാഖയിൽ വൻ തീപിടിത്തം; 5 ലക്ഷം രൂപയുടെ നഷ്ടം
മെഡിക്കൽ കോളജ് (തിരുവനന്ത പുരം): ഇന്ത്യൻ ഓവർസീസ് ബാങ്ക് മെഡിക്കൽകോളജ് ശാഖയിൽ വൻതീപിടിത്തം. അഞ്ച് ലക്ഷത്തിലേറെ രൂപയുടെ നഷ്ടം കണക്കാക്കുന്നു. ഇന്നു രാവിലെ 7.30ന് അടുത്തായിരുന്നു സംഭവം. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. മെഡിക്കൽ കോളജ് ഭാഗത്ത് പ്രവർത്തിക്കുന്ന മൂന്നുനില കെട്ടിടത്തിൽ താഴത്തെയും മുകളിലത്തെയും നിലയിൽ ആയിട്ടാണ് ഐ.ഒ.ബി പ്രവർത്തിച്ചുവരുന്നത്. ഇതിൽ ഏറ്റവും താഴത്തെ നിലയിൽ ആയിരുന്നു തീപിടിത്തമുണ്ടായത്. കംപ്യൂട്ടറുകളും എ.സിയും പ്രധാനപ്പെട്ട ഫയലുകളും എല്ലാം പൂർണമായി കത്തി നശിച്ചു. അഞ്ച് ലക്ഷം രൂപയുടെ നഷ്ടം കണക്കാക്കുന്നു എങ്കിലും ശരിക്കുള്ള കണക്കെടുക്കുമ്പോൾ 10 ലക്ഷത്തിന് പുറത്തുവരുമെന്നാണ് സൂചന. ശാഖയ്ക്ക് ഉള്ളിൽ തീപിടിത്തം ഉണ്ടായത് തുടക്കത്തിൽ അറിഞ്ഞിരുന്നില്ല. പുക പുറത്തേക്കു വരുന്നത് കണ്ടതോടെയാണ് സമീപവാസികൾ ഫയർഫോഴ്സിനെയും പോലീസിനെയും അറിയിക്കുന്നത്. തിരുവനന്തപുരം ഫയർസ്റ്റേഷൻ ഓഫീസിൽനിന്ന് അസിസ്റ്റന്റ് സ്റ്റേഷൻ ഓഫീസർമാരായ സുരേഷ് ഫ്രാൻസിസ്, വിജയൻ എന്നിവരുടെ നേതൃത്വത്തിൽ രണ്ട്…
Read More