തിരുവനന്തപുരം: ദേവികുളം സബ്കളക്ടർ ഡോ. രേണുരാജിനെ അപമാനിക്കുന്ന വിധം സംസാരിച്ചതിന് എസ്. രാജേന്ദ്രൻ എംഎൽഎയ്ക്കെതിരേകേരള വനിതാ കമ്മീഷൻ സ്വമേധയാ കേസെടുത്തു. മാധ്യമവാർത്തകളുടെ അടിസ്ഥാനത്തിലാണ് നടപടി. സ്ത്രീകൾക്കെതിരേ മോശം വാക്കുകൾ ഉപയോഗിച്ച് ആരു സംസാരിച്ചാലും നടപടിയെടുക്കേണ്ടതാണെന്ന് വനിതാ കമ്മീഷൻ അധ്യക്ഷ എം.സി.ജോസഫൈൻ പറഞ്ഞു. സുപ്രീംകോടതി ഇക്കാര്യം വ്യക്തമാക്കിയതാണ്. സ്ത്രീകളോട് ഉപയോഗിക്കുന്ന ഭാഷ നിലവാരമുളളതായിരിക്കണം. അവൾ, ഇവൾ, എടീ, പോടീ തുടങ്ങിയ പദപ്രയോഗങ്ങൾ സ്ത്രീകൾക്കെതിരേ ഉപയോഗിക്കാൻ ആർക്കും അവകാശമില്ല. പ്രത്യേകിച്ചും ഒരു ജനപ്രതിനിധി ഉന്നത സ്ഥാനത്തിരിക്കുന്ന വിദ്യാസന്പന്നയായ സ്ത്രീക്കെതിരേ ഇത്തരം വാക്കുകൾ ഉപയോഗിച്ചാൽ വനിതാ കമ്മീഷൻ ഗൗരവമായെടുക്കും. അതാണ് വനിതാ കമ്മീഷന്റെ രീതി. സ്ത്രീകളെ അപമാനിച്ചാൽ, അവരുടെ മനസിനെ മുറിപ്പെടുത്തിയാൽ വലിയവളെന്നോ ചെറിയവളെന്നോ ഭേദമില്ലാതെ അതിനെതിരേ പരാതിപ്പെടാനുളള അവകാശം സ്ത്രീകൾക്കുണ്ട്. അതാർക്കും നിഷേധിക്കാനാവില്ല. അതിനാൽ, അത്തരം കാര്യങ്ങളിലേക്കുപോകാതിരിക്കുകയെന്നതാണ് സമൂഹത്തിന്റെ മാന്യത. എംഎൽഎക്കെതിരേയുള്ളകേസിൽ വനിതാ കമ്മീഷൻ മുഖം നോക്കാതെ നടപടിക്രമങ്ങൾ പാലിക്കുമെന്നും…
Read MoreCategory: TVM
വർഷങ്ങൾ പഴക്കമുള്ള വ്യക്തിവൈരാഗ്യക്കാർവീണ്ടും കണ്ടുമുട്ടിയപ്പോൾ; വഴയിലയിലും കാവടിത്തലയ്ക്കലും ചേരിതിരിഞ്ഞ് സംഘര്ഷം; 15 ഓളം പേര് കസ്റ്റഡിയില്
പേരൂര്ക്കട: വഴയിലയിലും കാവടിത്തലയ്ക്കലും ചേരിതിരിഞ്ഞുണ്ടായ സംഘര്ഷവുമായി ബന്ധപ്പെട്ട് 15 ഓളം പേരെ പേരൂര്ക്കട പോലീസും വട്ടിയൂര്ക്കാവ് പോലീസും ചേര്ന്നു കസ്റ്റഡിയിലെടുത്തു. ഇന്നലെ രാത്രി 11 മണിയോടെയായിരുന്നു സംഭവങ്ങളുടെ തുടക്കം. വര്ഷങ്ങള്ക്കുമുമ്പുണ്ടായ ഒരു വ്യക്തിവിരോധത്തിന്റെ ചുവടുപിടിച്ചാണ് പ്രശ്നങ്ങള് ആരംഭിക്കുന്നത്. കാവടിത്തലയ്ക്കല് സ്വദേശികളായ മജു, സിബി, വിനോദ് എന്നിവര് കാറിലെത്തുമ്പോള് വഴയില ഭാഗത്തുവച്ച് എതിര്സംഘം ആക്രമിച്ചു. പഴയ സംഭവത്തിന്റെ ചുവടുപിടിച്ചായിരുന്നു ആക്രമണം. ആക്രമണത്തിനിരയായ ഒരാള് മിനിറ്റുകള്ക്കകം ക്രൈസ്റ്റ്നഗര് ഭാഗത്തുള്ള ചിലരെയും കൂട്ടി തിരികെ ആക്രമണം നടത്തി. ആക്രമണം നടത്തിയവരില് ബി.ജെ.പി, സി.പി.ഐ, ഡി.വൈ.എഫ്.ഐ പ്രവര്ത്തകര് ഉള്പ്പെട്ടിട്ടുണ്ടെങ്കിലും ഇതിനു രാഷ്ട്രീയപശ്ചാത്തലമൊന്നുമില്ലെന്ന് പേരൂര്ക്കട എസ്.ഐ സമ്പത്ത് അറിയിച്ചു. സംഭവത്തില് കൂടുതല് പേര് പിടിയിലാകാനുണ്ടെന്നു പോലീസ് അറിയിച്ചു.
Read More“മൂന്നാറിലുണ്ടായത് ഒരിക്കലും സംഭവിക്കാൻ പാടില്ലാത്തത്” രേണു രാജിന്റെ നടപടി നൂറു ശതമാനം ശരിവച്ച് പൂർണ്ണ പിൻതുണയുമായി റവന്യൂമന്ത്രി
തിരുവനന്തപുരം: മൂന്നാർ അനധികൃത കൈയേറ്റമൊഴിപ്പിക്കൽ വിഷയത്തിൽ ദേവികുളം സബ് കളക്ടർ രേണു രാജിനു പൂർണപിന്തുണയുമായി റവന്യൂ മന്ത്രി ഇ.ചന്ദ്രശേഖരൻ. രേണു രാജിന്റെ നടപടി നൂറു ശതമാനം ശരിയാണെന്നും മൂന്നാറിലുണ്ടായത് ഒരിക്കലും സംഭവിക്കാൻ പാടില്ലാത്ത കാര്യമാണെന്നും മന്ത്രി പറഞ്ഞു. റവന്യൂ വകുപ്പിനു കീഴിൽ ഉദ്യോഗസഥർക്ക് നിർഭയമായി പ്രവർത്തിക്കാൻ എല്ലാ സാഹചര്യവും ഒരുക്കും. അനധികൃത നിർമാണം പഞ്ചായത്ത് നടത്തിയാലും നിയമവിരുദ്ധമാണ്. ദേവികുളം സബ് കളക്ടർ രേണു രാജിന്റെ നടപടി നൂറു ശതമാനം ശരിയാണ്. മൂന്നാറിൽ എംഎൽഎ സബ് കളക്ടറെ അധിക്ഷേപിച്ചത് ഒരിക്കലും സംഭവിക്കാൻ പാടില്ലാത്തതാണ്- മന്ത്രി പറഞ്ഞു. സബ് കളക്ടറെ പരസ്യമായി അധിക്ഷേപിച്ച എസ്. രാജേന്ദ്രനെതിരേ പാർട്ടി ജില്ലാ നേതൃത്വവും രംഗത്തെത്തിയിരുന്നു. എംഎൽഎയോടു വിശദീകരണം തേടുമെന്നും തെറ്റായ പെരുമാറ്റം ആരുടെ ഭാഗത്തുനിന്ന് ഉണ്ടായാലും അംഗീകരിക്കാൻ കഴിയില്ലെന്നും സിപിഎം ഇടുക്കി ജില്ലാ സെക്രട്ടറി കെ.കെ. ജയചന്ദ്രൻ പറഞ്ഞു. വിഷയത്തിൽ ഒറ്റപ്പെട്ടതോടെ പരാമർശത്തിൽ…
Read Moreഒരൊറ്റ ചോദ്യം മതി… സ്ഥാനാർഥിത്വത്തെക്കുറിച്ച് ചർച്ചയൊന്നും നടന്നില്ല; പാർട്ടി ആവശ്യപ്പെട്ടാൽ പരിഗണിക്കുമെന്ന് സുരേഷ് ഗോപി
തിരുവനന്തപുരം: ലോക്സഭാ തെരഞ്ഞെടുപ്പിൽ തന്റെ സ്ഥാനാർഥിത്വം സംബന്ധിച്ച് ഇതുവരെ ബിജെപി നേതൃത്വവുമായി ഒരു ചർച്ചയും നടന്നിട്ടില്ലെന്ന് സുരേഷ് ഗോപി എംപി. മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. സ്ഥാർഥികളുടെ പേരുകൾ ഉയരുന്നതിനിടയിൽ തന്റെ പേരും പറഞ്ഞു കേട്ടത് മാധ്യമങ്ങൾ വഴി മാത്രമാണ്. നേതൃത്വം ഇത് സംബന്ധിച്ച ഒരു കാര്യവും സംസാരിച്ചിട്ടില്ല. മത്സരിക്കണമെന്ന് പാർട്ടി നേതൃത്വം ആവശ്യപ്പെട്ടാൽ പരിഗണിക്കുമെന്നും സുരേഷ് ഗോപി വ്യക്തമാക്കി.
Read More2009ൽ എടുത്ത നിലപാടുതന്നെ ‘ ഇനി മത്സരിക്കാനില്ല’; ചെറുപ്പക്കാരെയാണ് പാർട്ടിയ്ക്കും ജനങ്ങൾക്കും ആവശ്യം; രാഷ്ട്രദീപികയോട് മനസ് തുറന്ന് വി.എം സുധീരൻ
എം.ജെ ശ്രീജിത്ത് തിരുവനന്തപുരം: ലോക്സഭാ തെരഞ്ഞെടുപ്പിൽ മത്സരിക്കാനില്ലെന്ന് മുൻ കെപിസിസി അധ്യക്ഷനും മുതിർന്ന നേതാ വുമായ വി.എം സുധീരൻ. ലോക്സഭാ തെരഞ്ഞെടുപ്പിൽ വിഎം സുധീരൻ മത്സരിക്കണമെന്ന് കോൺഗ്രസ് അധ്യക്ഷൻ രാഹുൽ ഗാന്ധി ആവശ്യപ്പെട്ടതിനു പിന്നാലെയാണ് സുധീരൻ നിലപാട് വ്യക്തമാക്കിയത്. ചാലക്കുടിയിൽ നിന്ന് വിഎം സുധീരനെ മത്സരിപ്പിക്കാനാണ് ഹൈക്കമാൻഡിന്റെ നീക്കം. എന്നാൽ താൻ മത്സരിക്കാനില്ലെന്ന് വി.എം സുധീരൻ രാഷ്ട്രദീപികയോട് പറഞ്ഞു. “”2009-ൽ ഹൈക്കമാൻഡ് മത്സരിക്കാൻ ആവശ്യപ്പെട്ടപ്പോഴേ നിലപാട് വ്യക്തമാക്കിയതാണ്. 25 വർഷം എംപിയായും എം.എൽ.എയായും പാർലമെന്റ്റി രംഗത്തുണ്ടായിരുന്നു. ഇനി മത്സരിക്കാനില്ലെന്നത് നേരത്തെ എടുത്ത തീരുമാനമാണ്. പുതിയ ആൾക്കാർ മത്സര രംഗത്തേക്ക് വരട്ടെ. ജനസമ്മതിയുള്ള പുതിയ ചെറുപ്പക്കാരെയാണ് പാർട്ടിക്കും ജനങ്ങൾക്കും ആവശ്യം. പുതിയ ആൾക്കാർ വന്നാൽ മാത്രമെ പാർട്ടിയുടെ അടിത്തറ ശക്തിപ്പെടൂ”- വി.എം സുധീരൻ പറഞ്ഞു. ഹൈക്കമാൻഡ് നിർബന്ധിച്ചാലും തന്റെ തീരുമാനത്തിൽ മാറ്റമുണ്ടാകില്ലെന്നും വി.എം സുധീരൻ പറഞ്ഞു. ചാലക്കുടി മണ്ഡലത്തിൽ…
Read Moreപുറത്ത് വരുന്നത് പച്ചക്കള്ളം..! ഐ.എം വിജയനോട് തെരഞ്ഞെടുപ്പിൽ മത്സരിക്കാൻ ആവശ്യപ്പെട്ടിട്ടില്ലെന്ന് മുല്ലപ്പള്ളി
തിരുവനന്തപുരം: ലോക്സഭാ തെരഞ്ഞെടുപ്പിൽ മത്സരിക്കാൻ ഫുട്ബോൾ താരം ഐ.എം. വിജയനോട് ആവശ്യപ്പെട്ടിട്ടില്ലെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ. മറിച്ചുള്ള വാദങ്ങൾ തെറ്റാണെന്നും അദ്ദേഹം പറഞ്ഞു. തെരഞ്ഞെടുപ്പിൽ മത്സരിക്കാനില്ലെന്നും കോണ്ഗ്രസ് നേതാക്കൾ പലവട്ടം ചർച്ചകൾ നടത്തിയെന്നും വിജയൻ പറഞ്ഞിരുന്നു. രാഷ്ട്രീയക്കാരനാകാൻ താൽപര്യമില്ല. എല്ലാ രാഷ്ട്രീയ നേതാക്കളുമായും തനിക്ക് നല്ല ബന്ധമാണെന്നും വിജയൻ പറഞ്ഞിരുന്നു. വിജയൻ ആലത്തൂരിൽ മത്സരിക്കുമെന്നായിരുന്നു സൂചനകൾ.
Read More“കോണ്ഗ്രസിന് റെഡ് കാർഡ്’; രാഷ്ട്രീയക്കാരനാകാൻ താൽപര്യമില്ലാത്തതിനാൽ മത്സരിക്കാനില്ലെന്ന് ഐ.എം. വിജയൻ
തിരുവനന്തപുരം: ലോക്സഭാ തെരഞ്ഞെടുപ്പിൽ മത്സരിക്കാനില്ലെന്ന് ഫുട്ബോൾ താരം ഐ.എം. വിജയൻ. കോണ്ഗ്രസ് നേതാക്കൾ പലവട്ടം ചർച്ചകൾ നടത്തി. രാഷ്ട്രീയക്കാരനാകാൻ താൽപര്യമില്ലെന്നും അദ്ദേഹം പറഞ്ഞു. എല്ലാ രാഷ്ട്രീയ നേതാക്കളുമായും തനിക്ക് നല്ല ബന്ധമാണെന്നും വിജയൻ പറഞ്ഞു. വിജയൻ ആലത്തൂരിൽ മത്സരിക്കുമെന്നായിരുന്നു സൂചനകൾ.
Read Moreപത്മകുമാറിനെതിരെ ദേവസ്വം കമ്മീഷണർ; ദേവസ്വം ബോർഡ് പ്രസിഡന്റിന്റേത് രാഷ്ട്രീയ നിയമനം; ബോർഡിലെ ഭിന്നത മറനീക്കി പുറത്തേക്ക്
തിരുവനന്തപുരം: ശബരിമല യുവതീപ്രവേശനത്തെ ചൊല്ലി ദേവസ്വം ബോർഡിൽ ഭിന്നത രൂക്ഷം. ദേവസ്വം ബോർഡ് പ്രസിഡന്റ് എ. പത്മകുമാറിന്റെ പരസ്യ നിലപാടുകളിൽ ദേവസ്വം കമ്മീഷണർ എൻ. വാസു അതൃപ്തി അറിയിച്ചു. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെയാണ് വാസു അതൃപ്തി അറിയിച്ചത്. ദേവസ്വം ബോർഡ് പ്രസിഡന്റിന്റേത് രാഷ്ട്രീയ നിയമനമാണെന്നും വാസു പറഞ്ഞു. പത്മകുമാർ തന്നോട് വിശദീകരണമോ റിപ്പോർട്ടോ ആവശ്യപ്പെട്ടിട്ടില്ലെന്നും വാസു കൂട്ടിച്ചേർത്തു. അതേസമയം ശബരിമല വിഷയത്തിൽ സുപ്രീംകോടതിയിലെടുത്ത നിലപാട് തന്നോട് ആലോചിക്കാതെയാണെന്ന് ചൂണ്ടിക്കാട്ടി കോടിയേരി ബാലകൃഷ്ണനോട് പത്മകുമാറും പരാതിപ്പെട്ടു. ഇതാണ് സ്ഥിതിയെങ്കിൽ സ്ഥാനത്ത് തുടരാൻ താൽപര്യമില്ലെന്ന് പത്മകുമാർ വ്യക്തമാക്കിയതായാണ് വിവരം. ദേവസ്വം റിക്രൂട്ട്മെന്റ് ബോർഡ് ചെർമാൻ രാജഗോപാലൻ നായരുടെ നേതൃത്വത്തിൽ ദേസ്വം കമ്മീഷണര് എൻ വാസുവും അംഗങ്ങളായ ശങ്കർദാസും വിജയകുമാറും ചേർന്ന് തന്നെ ഒറ്റപ്പെടുത്തുന്നുവെന്നും പത്മകുമാർ പരാതി നൽകിയിട്ടുണ്ട്.
Read Moreയുവതീ പ്രവേശനവുമായി ബന്ധപ്പെട്ട ദേവസ്വം ബോർഡ് നിലപാട് സുപ്രീം കോടതിയിൽ മാറ്റിയിട്ടില്ലെന്ന് ദേവസ്വം കമ്മീഷണർ
തിരുവനന്തപുരം: ശബരിമല യുവതീ പ്രവേശനം സംബന്ധിച്ച് സുപ്രീം കോടതിയിൽ നിലപാട് മാറ്റിയിട്ടില്ലെന്ന് ദേവസ്വം കമ്മീഷണർ എൻ. വാസു. യുവതീ പ്രവേശനവുമായി ബന്ധപ്പെട്ട് ദേവസ്വം ബോർഡ് നിലപാട് തന്നെയാണ് സുപ്രീകോടതിയിൽ അറിയിച്ചതെന്നും മറിച്ചുള്ള ആരോപണങ്ങൾ തെറ്റാണെന്നും കമ്മീഷണർ പറഞ്ഞു. സുപ്രീംകോടതി വിധി അനുസരിച്ചുള്ള നിലപാടാണ് ബോർഡ് സ്വീകരിച്ചത്. കോടതി വിധി വന്ന സാഹചര്യത്തിൽ അത് അനുസരിച്ച് പ്രവർത്തിക്കാൻ ബോർഡിന് ബാധ്യതയുണ്ട്. യുവതീ പ്രവേശനത്തെ അനുകൂലിച്ചോ വിയോജിച്ചോ സുപ്രീംകോടതിയിൽ ബുധനാഴ്ച വാദം നടന്നിട്ടില്ലെന്നും അദ്ദേഹം പറഞ്ഞു. സാവകാശ ഹർജിയിൽ കഴിഞ്ഞ ദിവസം വാദം നടന്നിട്ടില്ല. പുനഃപരിശോധന ഹർജികളിൽ മാത്രമാണ് വാദം നടന്നത്. മണ്ഡലകാലത്തിന് മുൻപാണ് ബോർഡ് സാവകാശം തേടിയത്. ഇനി വിധി നടപ്പാക്കാൻ സാവകാശം വേണമോ എന്ന് തീരുമാനിക്കേണ്ടത് ബോർഡാണെന്നും അദ്ദേഹം പറഞ്ഞു. ദേവസ്വം ബോർഡ് പ്രസിഡന്റ് പത്മകുമാർ തന്നോട് വിശദീകരണം തേടിയിട്ടില്ല. പ്രസിഡന്റ് പറയാത്ത ഒരു കാര്യവും കോടതിയിൽ…
Read Moreസ്വാതന്ത്ര്യസമരത്തെ ഒറ്റുകൊടുത്തവർ ഗാന്ധിജിയുടെ ഓർമ്മകളെപ്പോലും ഭയക്കുന്നുവെന്ന് മന്ത്രി എം. എം. മണി
തിരുവനന്തപുരം: മഹാത്മാഗാന്ധിയുടെ ഓർമ്മകളെപ്പോലും ഫാസിസ്റ്റുകൾ ഭയക്കുകയാണെന്നും മഹാത്മജിയെ വെടിവച്ചു കൊന്ന നാഥുറാം ഗോഡ്സെയുടെ പ്രേതങ്ങൾഇപ്പോൾ രാജ്യത്ത് ഉറഞ്ഞു തുള്ളുകയാണന്നും വൈദ്യുതി വകുപ്പ് മന്ത്രി എം.എം മണി.കേരള മുസ്ലിം യുവജന ഫെഡറേഷൻ സംസ്ഥാന സമിതി തിരുവനന്തപുരം ഗാന്ധി പാർക്കിൽ മഹാത്മജിയുടെ ഘാതകർ മാനവതയുടെ ഘാതകർ എന്ന പ്രമേയത്തിൽ സംഘടിപ്പിച്ച ജാഗ്രതാ സദസ് ഉദ്ഘാടനം ചെയ്യുകയായിരുന്നു അദ്ദേഹം. ബ്രിട്ടീഷുകാർക്ക് വിടുപണി ചെയ്യുകയും സ്വാതന്ത്ര്യ സമരത്തെ ഒറ്റു കൊടുക്കുകയും ചെയ്തവരാണ് ഗാന്ധി വധം ആഘോഷിക്കാനും വീണ്ടും ഗാന്ധിജിയെ അപമാനിക്കാനും ശ്രമിക്കുന്നത്.ദേശീയ സമരത്തിൽ ഗാന്ധിജിയോളം പങ്കു വഹിച്ച മറ്റൊരു നേതാവുമില്ലാത്തതിനാലാണ് മതവും രാഷ്ട്രീയവും മറന്ന് ഇന്ത്യൻ ജനത മുഴുവൻ അദ്ദേഹത്തെ ആദരിക്കുന്നത്. ഗാന്ധിജിയുടെ ചിത്രത്തിൽ നിറയൊഴിച്ച ഹിന്ദുമഹാസഭ നേതാക്കൾക്കെതിരെ ശക്തമായ നടപടി സ്വീകരിക്കാനോ അപലപിക്കാനോ പ്രധാനമന്ത്രി നരേന്ദ്ര മോദി തയ്യാറാകാത്തത് അപലനീയമാണന്നും മന്ത്രി പറഞ്ഞു. രാജ്യം ഭരിക്കുന്നവർ ഭരണഘടനയുടെ കടയ്ക്കൽ കത്തിവയ്ക്കാൻ ശ്രമിക്കുകയാണെന്ന്…
Read More