തിരുവനന്തപുരം: ബജറ്റ് അവതരണദിനം നിയമസഭയിലെത്തിയ മുഖ്യമന്ത്രി പിണറായി വിജയൻ നേരെ നടന്നു പോയത് പ്രതിപക്ഷ നിരയിലേക്കായിരുന്നു. പ്രതിപക്ഷത്തു മുൻനിരയിലിരുന്ന കേരള കോൺഗ്രസ് -എം ചെയർമാൻ കെ.എം. മാണിയുടെ അടുത്തെത്തി മുഖ്യമന്ത്രി ജന്മദിനാശംസകൾ നേർന്നു. ബുധനാഴ്ച ആയിരുന്നു കെ.എം. മാണിയുടെ ജന്മദിനം. രാവിലെ എട്ടേമുക്കാലോടെ സഭയിലെത്തിയ കെ.എം. മാണിക്ക് ഭരണ- പ്രതിപക്ഷ വ്യത്യാസമില്ലാതെ അംഗങ്ങൾ ആശംസകൾ നേർന്നു. ബജറ്റ് അവതരിപ്പിക്കുന്നതിനായി സഭയിലെത്തിയ ധനമന്ത്രി ഡോ. തോമസ് ഐസക്കും നേരെ പോയത് കെ.എം. മാണിയുടെ അടുത്തേക്കാണ്. മന്ത്രി കെ. കൃഷ്ണൻകുട്ടിയും പ്രതിപക്ഷ നേതാവ് രമേശ് ചെന്നിത്തല ഉൾപ്പെടെയുള്ള പ്രതിപക്ഷാംഗങ്ങളും മാണിയുടെ അടുത്തെത്തി സ്നേഹാംശകൾ നേർന്നു. പി.സി. ജോർജ് ആശംസകൾ നേരാനെത്തിയത് കൗതുകമുണർത്തി. ബജറ്റ് ദിനത്തിൽ സഭയിൽ ശ്രദ്ധാകേന്ദ്രമായത് കെ.എം. മാണിയായിരുന്നു.
Read MoreCategory: TVM
എങ്ങനെയെങ്കിലും മേടിച്ചെടുക്കണം; ദുരിതാശ്വാസ നിധിയിലേക്കുള്ള സംഭാവനയിൽ 1.66 കോടി രൂപയുടെ വണ്ടിചെക്കുകൾ
തിരുവനന്തപുരം: പ്രളയക്കെടുതിയുമായി ബന്ധപ്പെട്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി ലഭിച്ച ചെക്കുകളിൽ 1.66 കോടി രൂപയുടെ ചെക്കുകൾ മടങ്ങിയതായി മന്ത്രി തോമസ് ഐസക് ഹൈബി ഈഡനെ അറിയിച്ചു. 344 ചെക്കുകളാണ് മടങ്ങിയത്.ഇതിൽനിന്ന് തുക ലഭ്യമാക്കുന്നതിനു നടപടി സ്വീകരിക്കുന്ന സാഹചര്യത്തിൽ ചെക്കുകൾ നൽകിയവരുടെ പേരു വെളിപ്പെടുത്തുന്നില്ലെന്ന് അദ്ദേഹം പറഞ്ഞു.
Read Moreഅമ്മ മരിച്ചതറിയാതെ മൃതദേഹത്തിനൊപ്പം മകൾ കഴിഞ്ഞത് നാലുദിവസം; സംഭവം പത്തനാപുരത്ത്
പത്തനാപുരം : അമ്മ മരിച്ചതറിയാതെ മൃതദേഹത്തിനൊപ്പം മകൾ കഴിഞ്ഞത് നാലുദിവസം. കടയ്ക്കാമൺ അംബേദ്കർ ഗ്രാമത്തിലാണ് സംഭവം. പ്ലോട്ട് നമ്പർ 13 ബിയിലെ മറിയാമ്മ (86)യുടെ മൃതദേഹത്തിനൊപ്പം ഇവരുടെ മകൾ 52 വയസ്സുകാരിയായ മേരിക്കുട്ടിയാണ് നാലുദിവസം കഴിഞ്ഞത്. കഴിഞ്ഞ 25നാണ് മറിയാമ്മ മരണപ്പെട്ടത്.മാനസികബുദ്ധിമുട്ടുകള് ഉള്ള മേരിക്കുട്ടി ഒറ്റയ്ക്ക് സംസാരിക്കുന്ന പതിവുണ്ടായിരുന്നു.ഇതിനാല് തന്നെ സമീപവാസികള് അമ്മയോടാണ് മകള് സംസാരിക്കുന്നതെന്ന് കരുതി.25ന് രാവിലെ വീടിനു സമീപത്ത് വീണതിനെ തുടർന്ന് മറിയാമ്മയെ അയൽവാസികളും ബന്ധുക്കളും ചേർന്ന് വീട്ടിലേക്ക് മാറ്റി. അതിനുശേഷം 28ന് ഉച്ചയോടെ അസുഖവിവരം അറിയാനായി അയൽവാസികൾ വീട്ടിലെത്തിയപ്പോഴാണ് മറിയാമ്മ മരിച്ചുകിടക്കുന്നത് കണ്ടത്.എന്നാൽ മാനസിക അസ്വസ്ഥതയുള്ള മകൾ മേരിക്കുട്ടി ഇതൊന്നുമറിയാതെ അമ്മയ്ക്കൊപ്പം നാലുദിവസമായി കഴിയുകയായിരുന്നു. രാഷ്ട്രീയ സാമൂഹിക രംഗങ്ങളില് സജീവമായിരുന്ന മേരിക്കുട്ടിയുടെ ഭര്ത്താവ് മരിച്ചതിനെ തുടർന്നാണ് 18 വര്ഷമായി മനോനിലയില് മാറ്റം ഉണ്ടായത്.മകളുടെ ശുശ്രൂഷയും ചികില്സയും മാതാവാണ് നോക്കിയിരുന്നത്.അയല്വാസികളും പഞ്ചായത്ത് അധികൃതരുമാണ് ഇവര്ക്ക്…
Read Moreക്രമസമാധാന ചുമതല നൽകരുത്, അപ്രധാനമായ തസ്തികയിൽ രണ്ടാം സ്ഥാനം; എസ്പി ചൈത്രയെ ഒതുക്കാൻ പാർട്ടിയുടെ കടുത്ത തീരുമാനങ്ങൾ ഇങ്ങനെയൊക്കെ…
തിരുവനന്തപുരം: പോലീസ് സ്റ്റേഷൻ ആക്രമണക്കേസിലെ പ്രതിയെ അന്വേഷിച്ച് സിപിഎം ജില്ലാ കമ്മിറ്റി ഓഫീസിൽ റെയ്ഡ് നടത്തിയ സംഭവത്തിൽ ഡിസിപിയായിരുന്ന ചൈത്ര തെരേസ ജോണിനെതിരെ സർക്കാർ തലത്തിൽ നടപടി സ്വീകരിക്കാൻ നീക്കം തുടങ്ങി കടുത്ത നടപടി വേണമെന്ന അഭിപ്രായമാണു സിപിഎം ജില്ലാ സംസ്ഥാന നേതൃത്വത്തിന്റേത്. വകുപ്പ് തലത്തിൽ നടപടിയെടുക്കാൻ നിയമപരമായി സാധിക്കാത്ത സാഹചര്യത്തിൽ ചൈത്രയെ അപ്രധാന തസ്തികയിലേക്ക് സ്ഥലം മാറ്റുന്നതിനെക്കുറിച്ചുള്ള ആലോചനകൾ നടക്കുകയാണ്. വനിതാ സെൽ എസ്പിയായിരുന്ന ചൈത്രയ്ക്കു തിരുവനന്തപുരം ഡിസിപിയുടെ താത്കാലിക ചുമതല നൽകിയിരിക്കവെയാണ് സിപിഎം ഓഫീസിൽ റെയ്ഡ് നടത്തിയത്. ചൈത്രയ്ക്ക് ഇനി ക്രമസമാധാനചുമതല നൽകരുതെന്ന നിർദേശം പാർട്ടി നേതൃത്വം സർക്കാരിനെ അറിയിച്ചിട്ടുണ്ട്. ചൈത്രയ്ക്ക് ഇപ്പോൾ ലഭിക്കുന്ന സൗകര്യങ്ങൾ കുറയ്ക്കാനും അപ്രധാനമായ തസ്തികയിൽ രണ്ടാം സ്ഥാനം നൽകി ഒതുക്കാനുമാണ് ആലോചനകൾ.
Read Moreഇനിയും വോട്ടർ പട്ടികയിൽ പേര് ചേർത്തില്ലേ, എങ്കിൽ ഇതാ വീണ്ടും അവസരം
തിരുവനന്തപുരം: വരുന്ന ലോക്സഭാ തെരഞ്ഞെടുപ്പിനായുള്ള വോട്ടർപട്ടിക തെരഞ്ഞെടുപ്പു കമ്മീഷൻ പ്രസിദ്ധീകരിച്ചു. വോട്ടർമാർക്ക് ഇന്നു മുതൽ പട്ടികയിൽ തങ്ങളുടെ പേര് ഉൾപ്പെട്ടിട്ടുണ്ടോയെന്നു പരിശോധിക്കാം. ഇതോടൊപ്പം പുതുതായി വോട്ടർ പട്ടികയിൽ പേരു ചേർക്കുന്നതിനും മേൽവിലാസം മാറ്റാനും വെബ്സൈറ്റിലൂടെ സാധിക്കും. കഴിഞ്ഞ നവംബറിൽ പേരു ചേർക്കാൻ അപേക്ഷിച്ചവരുടെയടക്കമുള്ള പട്ടികയാണ് ഇന്നലെ പ്രസിദ്ധീകരിച്ചത്. വെബ്സൈറ്റ് വിലാസം: www.ceo.kerala.gov.in.
Read Moreപദ്മഭൂഷണ് പുരസ്കാരം ലഭിച്ച നമ്പി നാരായണനെ വിമർശിച്ച സെൻകുമാറിനെ പൂട്ടാൻ സർക്കാർ: കേസെടുക്കാൻ നിയമോപദേശം തേടി
തിരുവനന്തപുരം: പദ്മഭൂഷണ് പുരസ്കാരം ലഭിച്ച നമ്പി നാരായണനെ വിമർശിച്ച മുൻ ഡിജിപി ടി.പി. സെൻകുമാറിനെതിരേ കേസെടുക്കാൻ നീക്കവുമായി സർക്കാർ. ഇക്കാര്യത്തിൽ സർക്കാർ നിയമോപദേശം തേടി. ഡിജിപി ലോക്നാഥ് ബെഹ്റയ്ക്കു ലഭിച്ച പരാതിയുടെ അടിസ്ഥാനത്തിലാണ് നടപടി. കോഴിക്കോട്ടെ പൊതുപ്രവർത്തകനാണ് സെൻകുമാറിനെതിരേ പരാതിയുമായി രംഗത്തെത്തിയത്. 1994-ല് സ്വയം വിരമിച്ച നമ്പി നാരായണൻ പുരസ്കാരത്തിനുള്ള എന്ത് സംഭാവനയാണ് നൽകിയത്. അവാർഡ് നൽകിയവർ ഇത് വിശദീകരിക്കണമെന്നുമായിരുന്നു സെൻകുമാറിന്റെ വിവാദ പരാമർശം.
Read Moreഎസ്പി ചൈത്ര തെരേസ ജോണിനെതിരേ നടപടിയെടുക്കാൻ സർക്കാർ ഒരുങ്ങുന്നു; അപ്രധാന തസ്തികയിലേക്ക് ഒതുക്കാൻ സാധ്യത
എം.സുരേഷ്ബാബു. തിരുവനന്തപുരം: പോലീസ് സ്റ്റേഷൻ ആക്രമണക്കേസിലെ പ്രതിയെ അന്വേഷിച്ച് സിപിഎം ജില്ലാ കമ്മിറ്റി ഓഫീസിൽ റെയ്ഡ് നടത്തിയ സംഭവത്തിൽ എസ്പി. ചൈത്ര തെരേസ ജോണിനെതിരേ സർക്കാർ തലത്തിൽ നടപടി ഉണ്ടായേക്കും. വകുപ്പ് തലത്തിൽ നടപടിയെടുക്കാൻ നിയമപരമായി സാധിക്കാത്ത സാഹചര്യത്തിൽ ചൈത്രയെ അപ്രധാന തസ്തികയിലേക്ക് സ്ഥലം മാറ്റുന്നതിനെക്കുറിച്ചുള്ള ആലോചനകൾ നടക്കുകയാണ്. വനിതാ സെല്ലിന്റെ ചുമതലയ്ക്ക് പുറമെ വനിതാ ബറ്റാലിയന്റെ അധിക ചുമതലയുമാണ് ഇപ്പോൾ എസ്പി ചൈത്ര വഹിക്കുന്നത്. ചൈത്ര തെരേസ ജോണിന് ക്രമസമാധാനചുമതല നൽകരുതെന്ന് പാർട്ടിയുടെ ഉന്നത തലത്തിലെ തീരുമാനം സർക്കാരിനെ പാർട്ടി നേതൃത്വം അറിയിച്ചിട്ടുണ്ട്. ചൈത്രക്ക്്് ഇപ്പോൾ ലഭിക്കുന്ന സൗകര്യങ്ങൾ കുറയ്ക്കുകയും അപ്രധാനമായ തസ്തികയിൽ രണ്ടാം സ്ഥാനം മാത്രം നൽകി ഒതുക്കാനുമാണ് ആലോചനകൾ നടക്കുന്നത്. ചൈത്ര തെരേസ ജോണിനെതിരേ അച്ചടക്ക നടപടി സ്വീകരിക്കാൻ നിയമപരമായി സർക്കാരിന് സാധിക്കില്ല. സിപിഎം ജില്ലാ സെക്രട്ടറി ആനാവൂർ നാഗപ്പന്റെ പരാതിയുടെ അടിസ്ഥാനത്തിൽ…
Read Moreപോലീസ് സ്റ്റേഷൻ ആക്രമിക്കുന്നത് അംഗീകരിക്കാൻ കഴിയില്ല; ഇത്തരം കേസുകളിൽ ജാമ്യം നൽകുന്നത് സമൂഹത്തിന് തെറ്റായ സന്ദേശം നൽകുമെന്ന് കോടതി
തിരുവനന്തപുരം: നിയമപരിപാലന കേന്ദ്രങ്ങൾ ആക്രമിക്കുന്നത് ഒരിക്കലും അംഗീകരിക്കാൻ കഴിയില്ലെന്ന് കോടതി. മെഡിക്കൽ കോളജ് പോലീസ് സ്റ്റേഷൻ ആക്രമണക്കേസിലെ പ്രതിയുടെ ജാമ്യാപേക്ഷ തള്ളിക്കൊണ്ടാണ് തിരുവനന്തപുരം എസിജെഎം കോടതിയുടെ നിരീക്ഷണം. കേസിലെ രണ്ടാം പ്രതി മനോജിന്റെ അപേക്ഷയാണ് തള്ളിയത്. സാക്ഷികളെ സ്വാധീനിക്കാൻ സാധ്യതയുള്ളതിനാലാണ് ജാമ്യം നിഷേധിക്കുന്നതെന്ന് കോടതി അറിയിച്ചു. ഇത്തരം കേസുകളിൽ ജാമ്യം നൽകുന്നത് സമൂഹത്തിന് തെറ്റായ സന്ദേശം നൽകുമെന്നും കോടതി നിരീക്ഷിച്ചു.
Read Moreനടുറോഡിൽ ട്രാഫിക് പോലീസുകാരനെ മർദിച്ച എസ്എഫ്ഐ നേതാവ് കീഴടങ്ങി
തിരുവനന്തപുരം: നടുറോഡിൽ ട്രാഫിക് പോലീസുകാരനെ മർദിച്ച എസ്എഫ്ഐ നേതാവ് കീഴടങ്ങി. എസ്എഫ്ഐ ജില്ലാ കമ്മിറ്റി അംഗം നസീമാണ് തിരുവനന്തപുരം കന്റോണ്മെന്റ് പോലീസ് സ്റ്റേഷനിലെത്തി കീഴടങ്ങിയത്. നസീം യൂണിവേഴ്സിറ്റി കോളജിനുള്ളിൽ തന്നെ ഒളിവിൽ കഴിയുന്നതായി പോലീസിന് സൂചന ലഭിച്ചിരുന്നു. ഇയാളെ പിടികൂടാൻ കഴിഞ്ഞ രാത്രി വ്യാപക പരിശോധനയാണ് പോലീസ് നടത്തിയത്. ഇതിനു പിന്നാലെയാണ് കീഴടങ്ങൽ. യൂണിവേഴ്സിറ്റി കോളജിൽ മന്ത്രിമാരായ എ.കെ.ബാലനും കെ.ടി.ജലീലും പങ്കെടുത്ത പരിപാടിയിൽ മുൻനിരയിൽ നസീം ഇരിക്കുന്ന ദൃശ്യങ്ങൾ പുറത്തുവന്നതോടെ ഇയാൾ ഒളിവിലാണെന്ന പോലീസ് വാദം പൊളിഞ്ഞിരുന്നു.
Read Moreഡിഫ്തീരിയ രോഗത്തെ നിർമ്മാർജനം ചെയ്യുന്നതിനുള്ള നടപടികൾ പുരോഗമിക്കേ തിരുവനന്തപുരത്ത് കോളജ് വിദ്യാർഥിനിക്ക് ഡിഫ്തീരിയ
തിരുവനന്തപുരം: തലസ്ഥാനത്ത് ഡിഫ്തീരിയ രോഗബാധ. കോളജ് വിദ്യാർഥിനിയെ മെഡിക്കൽ കോളജാശുപത്രിയിൽ പ്രവേശിപ്പിച്ചു. അന്പൂരി മായം സ്വദേശിനിയും തലസ്ഥാനത്തെ പ്രമുഖ കോളജിലെ ബിരുദവിദ്യാർഥിനിയുമായ പെൺകുട്ടിക്കാണ് ഡിഫ്തിരീയ സ്ഥിരീകരിച്ചത്. ഹോസ്റ്റലിൽ താമസിച്ച് പഠനം നടത്തിയിരുന്ന പെണ്കുട്ടി വീട്ടിൽ പോയി മടങ്ങിയെത്തിയപ്പോഴാണ് രോഗബാധ സ്ഥിരീകരിച്ചത്. ഡിഫ്തീരിയ രോഗത്തെ നിർമ്മാർജനം ചെയ്യുന്നതിനുള്ള നടപടികൾ ആരോഗ്യവകുപ്പ് വർഷങ്ങൾക്ക് മുൻപ് ആരംഭിച്ചിരുന്നു.
Read More