തിരുവനന്തപുരം: ശബരിമല തന്ത്രിയുടെ അധികാരത്തെ ചോദ്യം ചെയ്യാനാവില്ലെന്ന താഴമൺ കുടുംബത്തിന്റെ അവകാശ വാദത്തിനെതിരെ ദേവസ്വം മന്ത്രി കടകംപള്ളി സുരേന്ദ്രൻ രംഗത്ത്. തന്ത്രമാരെ മാറ്റിയ ചരിത്രം മുമ്പും ഉണ്ടെന്ന് മന്ത്രി പറഞ്ഞു. തെറ്റുകണ്ടാൽ നടപടിയെടുക്കാൻ ദേവസ്വം ബോർഡിന് അധികാരം ഉണ്ടെന്നും മന്ത്രി അറിയിച്ചു. വിശദീകരണം നൽകുകയായിരുന്നു ഇപ്പോൾ ചെയ്യേണ്ടിയിരുന്നത്. ഇത്തരമൊരു പ്രസ്താവന ഇറക്കിയത് അനുചിതമായിപ്പോയി. തന്ത്രിമാരെ പണ്ടും മാറ്റിയിട്ടുണ്ട്, മാറ്റിയ ചരിത്രമുണ്ട്. സുപ്രീം കോടതി വരെ പോയിട്ടും വിധി തന്ത്രിമാർക്ക് അനുകൂലമായിട്ടില്ലെന്നും കടകംപള്ളി ഓർമിപ്പിച്ചു. ശബരിമല തന്ത്രിയെ നീക്കാൻ സര്ക്കാരിനോ ദേവസ്വം ബോര്ഡിനോ കഴിയില്ലെന്നായിരുന്നു താഴമണ് കുടുംബത്തിന്റെ അവകാശവാദം. താന്ത്രികാവകാശം കുടുംബപരമായി കിട്ടിയതാണെന്നും തന്ത്രിയെ ദേവസ്വം ബോര്ഡ് നിയമിച്ചതല്ലെന്നും താഴമണ് മഠം വിശദീകരണ കുറിപ്പില് അറിയിച്ചു. തന്ത്രി ദേവസ്വം ബോർഡിന്റെ ശമ്പളക്കാരനാണെന്ന വാദവും താഴമൺ കുടുംബം തള്ളി. ദക്ഷിണ മാത്രമാണ് തന്ത്രി സ്വീകരിക്കുന്നത്. അതല്ലാതെ ദേവസ്വം ബോർഡിന്റെ ശമ്പളക്കാരനല്ല-…
Read MoreCategory: TVM
പണംവാരി ഓടി റിക്കാർഡിട്ട് ആനവണ്ടി ..! തിങ്കളാഴ്ചത്തെ കളക്ഷൻ വരുമാനം എട്ടരക്കോടി
തിരുവനന്തപുരം: എട്ടരക്കോടിയുടെ കളക്ഷനുമായി കെഎസ്ആർടിസി തിങ്കളാഴ്ച റിക്കാർഡ് വരുമാനം നേടി. തിങ്കളാഴ്ച 85477240 രൂപയാണ് വരുമാനം ലഭിച്ചത്. 1700000 കിലോമീറ്റർ ദൂരം 5072 ബസുകൾ ഉപയോഗിച്ചാണ് സർവീസ് നടത്തിയത്. ഇതിലേക്കായി 16450 കണ്ടക്ടർമാരേയും ഡ്രൈവർമാരെയും നിയോഗിച്ചു. കേരളത്തിലെ മുഴുവൻ പ്രൈവറ്റ് ബസുകളും സമരത്തിലായിരുന്ന കഴിഞ്ഞ വർഷം ഫെബ്രുവരി 19-ന് 85068777 രൂപ വരുമാനം നേടിയതാണ് നിലവിലുണ്ടായിരുന്ന റിക്കാർഡ്. 5558 ബസും 19000 കണ്ടക്ടറേയും ഡ്രൈവറേയും നിയോഗിച്ച് 1850000 കിലോമീറ്ററാണ് അന്ന് സർവീസ് നടത്തിയത്. കഴിഞ്ഞ ദിവസം 1.5 ലക്ഷം കിലോമീറ്ററും 500 ബസും 2500 ജീവനക്കാരെയും കുറച്ച് ഉപയോഗിച്ചാണ് കളക്ഷനിൽ പുതിയ റിക്കാർഡിട്ടത്. ഹൈക്കോടതി ഉത്തരവു പ്രകാരം 4071 എംപാനൽ ജീവനക്കാരെ പിരിച്ചുവിട്ടതോടെ 800 ഓളം സർവീസുകൾ പ്രതിസന്ധിയിലായിരുന്നു. പിരിച്ചുവിട്ട എംപാനലുകാർക്കു പകരം 1400 ഓളം പേരെ നിയമിച്ചെങ്കിലും പൂർണമായി ഡ്യൂട്ടിക്ക് വിന്യസിച്ചിട്ടില്ല. സ്വകാര്യ ബസുകളെ ആശ്രയിച്ചിരുന്നവരും…
Read Moreപ്രണയ നൈരാശ്യം: ജീവനൊടുക്കാൻ മരത്തിൽ കയറിയ യുവാവ് മരക്കൊമ്പ് ഒടിഞ്ഞ് താഴെവീണു
വിഴിഞ്ഞം: പ്രണയ നൈരാശ്യം മൂത്ത് ആത്മഹത്യ ചെയ്യാൻ മരത്തിൽ കയറിയ യുവാവ് മരക്കൊമ്പ് ഒടിഞ്ഞ് താഴേക്ക് പതിച്ചു. തിരുവനന്തപുരം കോവളത്താണ് സംഭവം. ജോലി തേടിയെത്തിയ ഇതര സംസ്ഥാനക്കാരനായ യുവാവാണ് ജീവനൊടുക്കാൻ ശ്രമം നടത്തിയത്. താഴെവീണു യുവാവിന്റെ കൈയൊടിഞ്ഞു. കോവളം പോലീസ് സ്റ്റേഷനു സമീപം തിങ്കളാഴ്ച ഉച്ചകഴിഞ്ഞാണ് നാടകീയമായ സംഭവങ്ങൾ അരങ്ങേറിയത്. പശ്ചിമബംഗാൾ സ്വദേശി സോളമണ്ഡ്( 22) ആണ് മരത്തില് കയറി പരിഭ്രാന്തി സൃഷ്ടിച്ചത്. അഗ്നിശമന സേനാംഗങ്ങളെത്തി അനുനയിപ്പിക്കുന്നതിനിടെ യുവാവ് ഇരുന്നിരുന്ന മരക്കൊമ്പ് ഒടിയുകയായിരുന്നു. മതിലിൽ തട്ടി മരത്തിന് താഴെവിരിച്ച മെത്തയിലേക്ക് വീണ ഇയാളുടെ ഇടതുകൈ പൊട്ടി. യുവാവിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. മരത്തിൽ കയറുന്നതിന് മുമ്പ് ഇയാൾ എലിവിഷവും കഴിച്ചിരുന്നതായാണ് വിവരം.
Read Moreപൊതുപണിമുടക്ക്: രണ്ടാം ദിവസവും ട്രെയിൻ തടയൽ; വേണാട് വൈകുന്നു
തിരുവനന്തപുരം: പൊതുപണിമുടക്കിന്റെ ഭാഗമായി സംസ്ഥാനത്ത് തുടർച്ചയായ രണ്ടാം ദിവസവും ട്രെയിൻ തടയുന്നു. തിരുവനന്തപുരത്ത് ട്രെയിൻ തടഞ്ഞവരെ പോലീസ് അറസ്റ്റ് ചെയ്തു നീക്കി. വേണാട് എക്സ്പ്രസ് 35 മിനിറ്റ് തന്പാനൂരിൽ സമരക്കാർ തടഞ്ഞിട്ടു. വിവിധ ഭാഗങ്ങളിൽ ട്രെയിൻ തടഞ്ഞതോടെ പൊതുപണിമുടക്കിന്റെ ആദ്യ ദിനമായ ചൊവ്വാഴ്ച സംസ്ഥാനത്ത് റെയിൽവേ ഗതാഗതം താറുമാറായിരുന്നു. രാവിലെ മുതൽ ട്രെയിനുകൾ സമരാനുകൂലികൾ തടഞ്ഞതോടെ മിക്ക ട്രെയിനുകളും മണിക്കൂറോളം വൈകിയാണ് ഓടിയത്. രാത്രി വൈകിയും ട്രെയിൻ ഗതാഗതം സാധാരണ നിലയിൽ ആയിരുന്നില്ല. ട്രെയിനുകൾ തടയുമെന്ന സൂചന നേരത്തേ നല്കിയിരുന്നെങ്കിലും വ്യാപകമായി ട്രെയിനുകൾ തടഞ്ഞതോടെ യാത്രക്കാർ ദുരിതത്തിലായി. ദീർഘദൂര ട്രെയിനുകളിൽ നാട്ടിലേക്ക് വന്നവർ ഉൾപ്പെടെ സംസ്ഥാനത്തെ വിവിധ സ്റ്റേഷനുകളിൽ കുടുങ്ങി.
Read Moreകുഴപ്പക്കാരായ പോലീസുകാരുടെ ശ്രദ്ധയ്ക്ക്..! ചെവിക്കുപിടിക്കാനൊരുങ്ങി സർക്കാർ
തിരുവനന്തപുരം: അച്ചടക്കമില്ലാത്ത പോലീസ് ഉദ്യോഗസ്ഥർക്ക് മൂക്കുകയറിടാനൊരുങ്ങി സംസ്ഥാന സർക്കാർ. അച്ചടക്ക നടപടി നേരിട്ട പോലീസ് ഉദ്യോഗസ്ഥർക്ക് സ്ഥാനക്കയറ്റം നൽകേണ്ടെന്ന് സംസ്ഥാന മന്ത്രിസഭായോഗം തീരുമാനിച്ചു.പോലീസ് ആക്ടിലെ ബന്ധപ്പെട്ട വകുപ്പ് പിൻവലിക്കാനാണ് തീരുമാനിച്ചിരിക്കുന്നത്. ആക്ടിലെ 101(6) വകുപ്പ് റദ്ദാക്കി പുതിയ പരിഷ്കാരം നടപ്പാക്കാനായി ഓർഡിനൻസ് ഇറക്കുമെന്നാണ് മന്ത്രിസഭായോഗത്തിന്റെ തീരുമാനം.
Read Moreവാജ്പേയ് സർക്കാരിന്റെ കാലത്ത് സിപിഎം സാമ്പത്തിക സംവരണ നീക്കത്തെ എതിർത്തിരുന്നുവെന്ന് ഓർമിപ്പിച്ച് മുഖ്യമന്ത്രിയെ തള്ളി വി.എസ്: സാമ്പത്തിക സംവരണ നീക്കത്തിൽ എതിർപ്പ്
തിരുവനന്തപുരം: മുന്നോക്ക സമുദായങ്ങളിലെ പിന്നോക്ക വിഭാഗക്കാർക്ക് പത്ത് ശതമാനം സാമ്പത്തിക സംവരണം നൽകാനുള്ള കേന്ദ്ര സർക്കാർ തീരുമാനത്തെ എതിർത്ത് ഭരണപരിഷ്കാര കമ്മീഷൻ അധ്യക്ഷൻ വി.എസ്.അച്യുതാനന്ദൻ. ഇത് തെരഞ്ഞെടുപ്പ് മുന്നിൽ കണ്ടുള്ള നീക്കമാണെന്നും ബിജെപിയുടെ വോട്ട് ബാങ്ക് രാഷ്ട്രീയത്തെ തിരിച്ചറിയണമെന്നും വി.എസ് ആവശ്യപ്പെട്ടു. വാജ്പേയ് സർക്കാരിന്റെ കാലത്ത് സിപിഎം സാമ്പത്തിക സംവരണ നീക്കത്തെ എതിർത്തിരുന്നുവെന്നും വി.എസ് ഓർമിപ്പിച്ചു. സാമ്പത്തിക സംവരണത്തെ മുഖ്യമന്ത്രി പിണറായി വിജയൻ കഴിഞ്ഞ ദിവസം സ്വാഗതം ചെയ്തിരുന്നു. ഇതിനു പിന്നാലെയാണ് എതിർപ്പറിയിച്ച് വി.എസ് രംഗത്തെത്തിയിരിക്കുന്നത്.
Read Moreഅഗസ്ത്യാർകൂടത്തിലെ സ്ത്രീപ്രവേശനം; അഗസ്ത്യരുടെ പർണശാലയിലേക്ക് കടക്കാൻ അനുവദിക്കില്ലെന്ന് ആദിവാസികൾ
കാട്ടാക്കട: അഗസ്ത്യാർകൂട സന്ദർശനത്തിന് സ്ത്രീകളെ പ്രവേശിപ്പിക്കാനുള്ള നീക്കം വിവാദമാകുന്നു. ആദിവാസികളാണ് എതിർപ്പുമായി എത്തിയിരിക്കുന്നത്ഗ്രോത്രാചാര പൂജകൾ നടക്കുന്ന അഗസ്ത്യ സന്നിധിയിൽ സ്ത്രീപ്രവേശനം ഉണ്ടായാൽ അഗസ്ത്യ നാമം ജപിച്ച് വനവാസി സമൂഹം പ്രതിഷേധിക്കുമെന്നും അവരെ തടയുമെന്നും ഭാരവാഹികൾ പറഞ്ഞു. അതിരുമല വരെ സ്ത്രീകൾ എത്തുന്നത് തടയില്ല. അഗസ്ത്യരുടെ പർണശാലയിലേക്ക് കടക്കാൻ അനുവദിക്കില്ല. സന്നിധാനത്ത് സ്ത്രീകളെ പ്രവേശിപ്പിക്കില്ലെന്ന് വനം വകുപ്പ് അധികൃതർ ഉറപ്പ് നൽകിയിട്ടുണ്ടെന്നും ഇവർ പറഞ്ഞു.14 ന് മുഖ്യ പൂജാരി ഭഗവാൻ കാണിയുടെ നേതൃത്വത്തിൽ പൂജാ സംഘം അതിരുമലയിലെത്തും. അന്ന് അതിരുമലയിൽ ആചാര ചടങ്ങുകളും ചാറ്റുപാട്ടും നടക്കും.15 ന് പൂജാരി സംഘം ദ്രവ്യങ്ങളുമായി മലചവിട്ടി സന്നിധാനത്തെത്തി പൂജയും അഗസ്ത്യർക്ക് അഭിഷേകവും ആരാധനയും നടത്തി മലയിറങ്ങും. മാർച്ച് 2,3,4 തീയതികളിലാണ് ശിവരാത്രി പൂജയും കൊടുതിയും. യുനെസ്കോയുടെ സംരക്ഷിത ജൈവമണ്ഡലപദവി ലഭിച്ച ജൈവ മഴക്കാടുകളായ അഗസ്ത്യകൂടത്തിൽ ഇനി സ്ത്രീകൾക്കും കയറാമെന്ന് ഹൈക്കോടതിയാണ് ഉത്തരവിട്ടത്.…
Read Moreപോലീസ് സ്റ്റേഷനു ബോംബെറിഞ്ഞ ബിജെപി നേതാവ് അറസ്റ്റിൽ; നെടുമങ്ങാട് ജില്ലാ പ്രചാരക് പ്രവീണ് ഒളിവിൽ
തിരുവനന്തപുരം: ശബരിമല കർമസമിതിയുടെ ഹർത്താലിനിടെ നെടുമങ്ങാട് പോലീസ് സ്റ്റേഷനു നേർക്ക് ബോംബെറിഞ്ഞ കേസിൽ ബിജെപി നേതാവ് അറസ്റ്റിൽ. ബിജെപി നിയോജകമണ്ഡലം പ്രസിഡന്റ് പൂവത്തൂർ ജയനാണു പിടിയിലായത്. പോലീസ് സ്റ്റേഷനു നേരെ ബോംബെറിഞ്ഞ കേസിന്റെ ഗൂഢാലോചനയിലും സംഘർഷത്തിലും ജയനു പങ്കുണ്ടെന്നു പോലീസ് അറിയിച്ചു. ഹർത്താൽ ദിനത്തിൽ എസ്ഐയെയും സംഘത്തെയും ആക്രമിച്ച കേസിൽ പിടിയിലായ പ്രതികളെ സ്റ്റേഷനിൽനിന്നു മോചിപ്പിക്കാനെത്തിയ ആർഎസ്എസ്, ബിജെപി പ്രവർത്തകരും സിപിഎം പ്രവർത്തകരും തമ്മിൽ സംഘർഷം നടന്നിരുന്നു. ഈ സമയത്താണ് ആർഎസ്എസ് നെടുമങ്ങാട് ജില്ലാ പ്രചാരക് പ്രവീണ്, നിഷാന്ത് എന്നിവർ പോലീസ് സ്റ്റേഷനിലേക്ക് ബോംബ് എറിഞ്ഞത്. ഇത് സമീപത്തെ സിസിടിവി കാമറയിൽ പതിഞ്ഞിരുന്നു. നിഷാന്തിനെ പോലീസ് കഴിഞ്ഞ ദിവസം അറസ്റ്റ് ചെയ്തു. സംഭവത്തിനു ശേഷം പ്രവീണ് ഒളിവിലാണ്. ആർഎസ്എസിന്റെ നെടുമങ്ങാട് സംഘ ജില്ലയിലെ പ്രവർത്തനങ്ങൾക്ക് നേതൃത്വം കൊടുക്കുന്നത് പ്രവീണാണ്.
Read Moreബോംബേറ് കേസ്; ആർഎസ്എസ് പ്രവർത്തകനായി ലുക്ക്ഔട്ട് നോട്ടീസ് ഇറക്കിയേക്കും
നെടുമങ്ങാട്: പോലീസ് സ്റ്റേഷന് നേരെ ബോബെറിഞ്ഞ ആർഎസ്എസ് ജില്ലാ പ്രചാരക് പ്രവീണിനായി പോലീസ് അന്വേഷണം ഊർജിതമാക്കി. പ്രവീണിനെ പിടികൂടാനായി പോലീസ് ഉടൻ ലുക്ക്ഔട്ട് നോട്ടീസ് പുറപ്പെടുവിച്ചേക്കും. ഇതു സംബന്ധിച്ച് അന്തിമ തീരുമാനം ഡിജിപി കൈക്കൊള്ളുമെന്നാണ് അറിയുന്നത്. പ്രവീണിനെ പോലീസ് സ്റ്റേഷന് മുന്നിൽ എത്തിച്ചതിൽ പങ്കുള്ളതായി പോലീസ് സംശയിക്കുന്ന സഹോദരൻ വിഷ്ണുവിനെ പോലീസ് ചോദ്യം ചെയ്തു വരികയാണ്. ഇതിനിടെ ബോംബേറ് കേസിലെ ഒരാളെ പോലീസ് അറസ്റ്റ് ചെയ്തു. കരിപ്പൂര് മേലാംകോട് ദീപ ഭവനിൽ നിഷാന്ത് (30) ആണ് അറസ്റ്റിലായത്. ബിജെപി പ്രവർത്തകരുടെ ആക്രമണങ്ങളിൽ പ്രതിഷേധിച്ചു സിപിഎം ഇന്ന് കാൽനട പ്രചാരണ ജാഥകൾ സംഘടിപ്പിചിട്ടുണ്ട്. അതേസമയം പോലീസ് നടപടി ഏകപക്ഷീയമാണെന്ന് ബിജെപി ആരോപിച്ചു. തങ്ങളുടെ പാർട്ടി ഓഫീസ് തകർത്ത കേസിലും ബിജെപി കൗസിലർമാരുടെ വീട് തകർത്ത സംഭവത്തിലും ഒരു പ്രതിയെപ്പോലും പിടികൂടാത്തതു രാഷ്ട്രീയ സമ്മർദം കൊണ്ടാണെന്നാണ് ബിജെപിയുടെ ആരോപണം. ഹര്ത്താല്…
Read Moreമുഖ്യമന്ത്രിക്ക് എതിരെ കമന്റിട്ട രണ്ടുപേർക്കെതിരെ കേസ്; ഡിവൈഎഫ്ഐയുടെ പരാതിയിലാണ് ഇരുവർക്കുമെതിരേ കേസെടുത്തത്
കാട്ടാക്കട : മുഖ്യമന്ത്രിയ്ക്ക് എതിരെ ഫേസ്ബുക്കിൽ കമന്റിട്ട രണ്ടു പേർക്ക് എതിരെ വിളപ്പിൽശാല പോലീസ് സ്റ്റേഷൻ കേസെടുത്തു. പുളിയറക്കോണം സ്വദേശികളായ ബിജെപിക്കാരായ രാഹുൽ, രാജേഷ്ബാബു എന്നിവർക്ക് എതിരെയാണ് കേസെടുത്തത്.ഫേസ് ബുക്കിൽ വന്ന ഒരു പോസ്റ്റിൽ ഇരുവരും കമന്റ് ഇടുകയായിരുന്നു. ഇത് ശ്രദ്ധയിൽപ്പെട്ട ഡിവൈഎഫ്ഐക്കാർ പോലീസിൽ പരാതി നൽകി. തുടർന്ന് ഇന്നലെ രാത്രിയിൽ പോലീസ് കേസെടുത്തത്.
Read More