തിരുവനന്തപുരം: തൊഴിലാളി വിരുദ്ധ നയങ്ങള്ക്കെതിരെ സംയുക്ത ട്രേഡ് യൂണിയന് നടത്തുന്ന 48 മണിക്കൂര് ദേശീയ പണിമുടക്കില് സംസ്ഥാനത്തെ എടിഎമ്മുകൾ കാലിയാകാൻ സാധ്യത. പണിമുടക്കില് ബാങ്കിംഗ് ജീവനക്കാര്കൂടി പങ്കെടുക്കുന്നതോടെയാണിത്. ഞായറാഴ്ച അവധി ദിവസമായതിനാല് എടിഎമ്മുകളില് പണം നിറയക്കാത്തതും ഉപഭോക്താക്കളെ ദുരിതത്തിലാക്കിയേക്കും. തിങ്കളാഴ്ച അര്ധരാത്രി മുതലാണ് പണിമുടക്ക് ആംഭിക്കുന്നത്. ബിഎംഎസ് ഒഴികെയുള്ള പ്രമുഖ തൊഴിലാളി യൂണിയനുകളെല്ലാം പണിമുടക്കില് പങ്കെടുക്കുമെന്ന് അറിയിച്ചിട്ടുണ്ട്. അതേസമയം, പണിമുടക്കില് കേരളത്തില് നിര്ബന്ധപൂര്വം ജനജീവിതം സ്തംഭിപ്പിക്കില്ലെന്ന് സംഘടനകൾ ഇതിനോടകം അറിയിച്ചിട്ടുണ്ട്.
Read MoreCategory: TVM
ദേശീയ പണിമുടക്കിൽ ശബരിമല സർവീസുകള് മുടങ്ങില്ലെന്ന് ആവർത്തിച്ച് കെഎസ്ആർടിസി
തിരുവനന്തപുരം: ദേശീയ പണിമുടക്കു നടക്കുന്ന എട്ടിനും ഒന്പതിനും ശബരിമല സ്പെഷൽ സർവീസുകൾ മുടങ്ങില്ലെന്നാവർത്തിച്ച് കെഎസ്ആർടിസി. പമ്പയിലേക്കും തിരിച്ചും ബസുകൾ ഉണ്ടാകുമെന്ന് കെഎസ്ആർടിസി അറിയിച്ചു. എല്ലാ ഡിപ്പോകളിൽ നിന്നും ബസുകൾ സർവീസ് നടത്തും. സംസ്ഥാനത്തിന്റെ വിവിധ ഭാഗങ്ങളിലേക്കു ബസുകൾ ഉണ്ടാകും. ചെങ്ങന്നൂർ, കുമളി, കോട്ടയം, എറണാകുളം ബസ് സ്റ്റേഷനുകളിലേക്കാണു കൂടുതൽ സർവീസുകൾ ഉണ്ടാവുകയെന്നും അധികൃതർ അറിയിച്ചിട്ടുണ്ട്.
Read Moreഅയ്യപ്പഭക്തരെ പ്രത്യേക മതവിഭാഗമാക്കണം; ശബരിമല വിഷയവുമായി ബന്ധപ്പെട്ട് പ്രധാനമന്ത്രിയെ കാണാൻ യുഡിഎഫ് ഉദ്ദേശിക്കുന്നില്ലെന്ന് ചെന്നിത്തല
തിരുവനന്തപുരം: അയ്യപ്പഭക്തരെ പ്രത്യേക മതവിഭാഗക്കാരായി കണക്കാക്കണമെന്ന് പ്രതിപക്ഷ നേതാവ് രമേശ് ചെന്നിത്തല. കന്റോണ്മെന്റ് ഹൗസിൽ ചേർന്ന യുഡിഎഫ് യോഗത്തിന് ശേഷമാണ് പ്രതിപക്ഷ നേതാവ് ഇക്കാര്യം പറഞ്ഞത്. അയ്യപ്പഭക്തരെ പ്രത്യേക മതവിഭാഗമായി കണക്കാക്കി കേന്ദ്ര സർക്കാർ നിയമ നിർമാണം നടത്തണമെന്നും നിയമസഭ ഇക്കാര്യം ആവശ്യപ്പെട്ട് പ്രമേയം പാസാക്കണമെന്നും അദ്ദേഹം ആവശ്യപ്പെട്ടു. ശബരിമല വിഷയവുമായി ബന്ധപ്പെട്ട് പ്രധാനമന്ത്രിയെ കാണാൻ യുഡിഎഫ് ഉദ്ദേശിക്കുന്നില്ലെന്നും അദ്ദേഹം പറഞ്ഞു. ശബരിമലയുമായി ബന്ധപ്പെട്ട് നടക്കുന്ന സംഘർഷങ്ങൾ സർക്കാർ കണ്ടില്ലെന്ന് നടിക്കുകയാണ്. കലാപം നടക്കട്ടെ എന്ന നിലപാടിലാണ് മുഖ്യമന്ത്രി. ശരിയായ കാര്യങ്ങൾ പറയുന്നവരെ സംഘിയാക്കി ചിത്രീകരിക്കാനാണ് സിപിഎം ശ്രമിക്കുന്നത്. തന്നെയും മുസ്ലിം ലീഗ് നിയമസഭാ കക്ഷി നേതാവ് എം.കെ.മുനീറിനെയും സിപിഎം ഇത്തരത്തിൽ സംഘിയാക്കി. കോടിയേരി ബാലകൃഷ്ണൻ തന്നെ ജാതി പറഞ്ഞ് അധിക്ഷേപിച്ചത് സിപിഎമ്മിന്റെ ദുരോഗ്യമാണ് കാണിക്കുന്നതെന്നും രമേശ് ചെന്നിത്തല കുറ്റപ്പെടുത്തി.
Read Moreചന്ദ്രൻ ഉണ്ണിത്താന്റെ കൊലപാതകം ആസൂത്രിതമാണെന്ന പോലീസിന്റെ വാദം തെറ്റ്; പ്രവർത്തകർ പ്രകോപനങ്ങളിൽ വീണ് പോകരുതെന്ന് കോടിയേരി ബാലകൃഷ്ണൻ
തിരുവനന്തപുരം: പന്തളത്ത് ശബരിമല കർമ്മസമിതി പ്രവർത്തകൻ ചന്ദ്രൻ ഉണ്ണിത്താന്റെ കൊലപാതകം ആസൂത്രിതമാണെന്ന പോലീസിന്റെ വാദം തെറ്റാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. റിപ്പോർട്ട് എഴുതിയ പോലീസുകാരൻ തലതിരിഞ്ഞവനാണെന്നും കോടിയേരി ആരോപിച്ചു. കണ്ണൂരിൽ ആർഎസ്എസ് നടത്തുന്ന അക്രമങ്ങൾ ആസൂത്രിതമാണ്. സിപിഎം പ്രവർത്തകർ പ്രകോപനങ്ങളിൽ വീണ് പോകരുതെന്നും അക്രമങ്ങളിൽ നിന്നും പിന്തിരിയണമെന്നും കോടിയേരി ആവശ്യപ്പെട്ടു. പോലീസ് ആർഎസ്എസിന്റെ പ്രവർത്തന രീതി മനസ്സിലാക്കണമെന്നും അദ്ദേഹം വാർത്താസമ്മേളനത്തിൽ വ്യക്തമാക്കി.
Read Moreകടകംമറിയുന്നതോ കടകംപള്ളി…! ആക്ടിവിസ്റ്റുകൾക്ക് ശബരിമലയിൽപോകാമെന്ന് ദേവസ്വംമന്ത്രി
തിരുവനന്തപുരം: ആക്ടിവസ്റ്റുകൾ ശബരിമല ദർശനത്തിന് എത്തെരുതെന്ന മുൻനിലപാടിൽനിന്ന് കടകംമറിഞ്ഞ് ദേവസ്വംമന്ത്രി കടകംപള്ളി സുരേന്ദ്രൻ. വിശ്വാസത്തിന്റെ ഭാഗമായാണെങ്കിൽ ആക്ടിവിസ്റ്റുകൾക്ക് ശബരിമലയിൽപോകാമെന്ന് മന്ത്രി പറഞ്ഞു. സമരത്തിന്റെ ഭാഗമായി പോകേണ്ടതില്ലന്നാണ് താൻ നേരത്തെ പറഞ്ഞത്. ഇപ്പോൾ ശബരിമലയിൽ പ്രവേശിച്ചവർ അത്തരത്തിലുള്ളവരല്ല. അത് അവർ തന്നെ വ്യക്തമാക്കിയതാണെന്നും മന്ത്രി പറഞ്ഞു. ശബരമലയിൽ 10 യുവതികൾ ദർശനം നടത്തിയെന്ന പോലീസ് റിപ്പോർട്ടും മന്ത്രി ശരിവച്ചു. പോലീസ് പറഞ്ഞതാണെങ്കിൽ അത് ശരിയാവാമെന്ന് കടകംപള്ളി പറഞ്ഞു.
Read Moreതന്ത്രി ബ്രാഹ്മണ രാക്ഷസൻ; ശുദ്ധി കലശം നടത്തിയത് തെറ്റെന്ന് മന്ത്രി ജി.സുധാകരൻ
തിരുവനന്തപുരം: ശബരിമല തന്ത്രി ബ്രാഹ്മണനല്ല, ബ്രാഹ്മണ രാക്ഷസനാണെന്ന് മന്ത്രി ജി.സുധാകരൻ. ഒരു സഹോദരി ശബരിമലയിൽ കയറിയപ്പോൾ ശുദ്ധി കലശം നടത്തിയ തന്ത്രി മനുഷ്യനാണോയെന്ന് സുധാകരൻ ചോദിച്ചു. തന്ത്രിയെ മാറ്റാനുള്ള അധികാരം ദേവസ്വം ബോർഡിനുണ്ടെന്നും അദ്ദേഹം വ്യക്തമാക്കി. മാധ്യമ പ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യങ്ങൾ വ്യക്തമാക്കിയത്.
Read Moreപത്രവും ആശുപത്രിയും പോലെതന്നെ കെഎസ്ആർടിസിയും; എറിഞ്ഞു തകർക്കരുത്
റിച്ചാർഡ് ജോസഫ് തിരുവനന്തപുരം: കെഎസ്ആർടിസിയെ സംരക്ഷിക്കേണ്ടത് ജനങ്ങളാണെന്നും ഹർത്താൽ ദിനങ്ങളിൽ കെഎസ്ആർടിസിയെ ആക്രമിക്കരുതെന്നുമുള്ള അഭ്യർത്ഥനയുമായി കെഎസ്ആർടിസി എംഡി ടോമിൻ ജെ.തച്ചങ്കരി. ഇന്ന് രാഷ്ടീയ സമരങ്ങൾക്കും ഹർത്താലുകൾക്കും തീവ്രത കാണിക്കുന്നതിനുള്ള ഉപാധിയായി കെഎസ്ആർടിസി ബസുകൾ മാറി. പൊതുജനത്തിന്റെ സ്വത്തായ കെഎസ്ആർടിസിയെ അവശ്യസൗകര്യ വിഭാഗത്തിൽ ഉൾപ്പെടുത്തി പാൽ, പത്രം, ആശുപത്രി എന്നിവ പോലെ ഹർത്താലിൽ നിന്നും ഒഴിവാക്കണമെന്നും ടോമിൻ ജെ.തച്ചങ്കരി പറഞ്ഞു. കഴിഞ്ഞ ദിവസം നടന്ന ഹർത്താലിൽ 3.35 കോടി രൂപയുടെ നഷ്ടമാണ് കെഎസ്ആർടിസിക്കുണ്ടായത്. വർഷങ്ങളായി വിവിധ പ്രതിഷേധക്കാരുടെ മനസിൽ ഉറഞ്ഞുകൂടിയ ഒന്നാണ് ഹർത്താലിന് കെഎസ്ആർടിസി ബസുകൾ എറിഞ്ഞു തകർക്കുകയെന്നത്. അധികാര വർഗത്തിന്റെ ഒരു പ്രതീകം എന്ന നിലയിലാണ് കെഎസ്ആർടിസി ബസുകൾ എറഞ്ഞു തകർക്കാൻ ആരംഭിച്ചത്. പിന്നീട് അതൊരു കീഴ്വഴക്കമായി. സർക്കാർ ഓഫീസുകൾ കണ്ടെത്തി ആക്രമിക്കാനുള്ള ബുദ്ധിമുട്ടും റോഡിലൂടെ തങ്ങളുടെ അടുക്കലേക്ക് എത്തുന്ന കെഎസ്ആർടിസി ബസുകളെ ആക്രമിക്കാനുള്ള എളുപ്പവും ഇതിനു…
Read Moreശബരിമലയിലെ യുവതീപ്രവേശം; സംസ്ഥാനത്തുടനീളം നടക്കുന്ന അക്രമങ്ങളെ നേരിടാൻ പോലീസിന് ജാഗ്രതാ നിർദേശം നല്കി ഡിജിപി
തിരുവനന്തപുരം: ശബരിമലയിലെ യുവതീപ്രവേശനവുമായി ബന്ധപ്പെട്ട് സംസ്ഥാനത്തുടനീളം അക്രമം വ്യാപിക്കുന്നതി നാൽ ഡി.ജി.പി ലോക്നാഥ് ബെഹ്റ പോലീസിന് ജാഗ്രതാ നിര്ദേശം നല്കി. കണ്ണൂർ ജില്ലയിലെ അക്രമ സംഭവങ്ങൾ തടയാൻ പോലീസ് കനത്ത ജാഗ്രത പുലർത്തി വരികയാണെ ന്നും ലോകനാഥ് ബെഹ്റ അറിയിച്ചു. സംസ്ഥാനമൊട്ടാകെ ജാഗ്രത തുടരും. രാഷ്ട്രീയ നേതാക്കളുടെ വീടിനു നേർക്ക് നടന്ന ആക്രമണങ്ങൾക്ക് ഉത്തരവാദികളായവരെ പിടികൂടി നടപടി സ്വീകരിക്കാൻ കണ്ണൂർ ജില്ലാ പോലീസ് മേധാവിക്ക് നിർദ്ദേശം നൽകി. കഴിഞ്ഞ രാത്രിയിൽ 19 പേരെ കരുതൽ തടങ്കലിൽ എടുത്തിട്ടുണ്ട്. കണ്ണൂർ ജില്ലയിൽ പോലീസ് പട്രോളിങ്ങും പിക്കറ്റിങ്ങും പരിശോധനയും ശക്തമാക്കി. ക്രമസമാധാനം നിലനിർത്തുന്നതിനും സാമാന്യ ജീവിതം ഉറപ്പുവരുത്തുന്നതിനും ആവശ്യമായ എല്ലാ നടപടികളും സ്വീകരിക്കാൻ ജില്ലാ പോലീസിന് നിർദ്ദേശം നൽകിയിട്ടുണ്ട്. കണ്ണൂർ ജില്ലയിൽ കഴിഞ്ഞ രണ്ടു ദിവസങ്ങളിലായി 260 പേർ അറസ്റ്റിലായിട്ടുണ്ട്. മൂന്ന് ഡിവൈഎസ്പിമാരെയും ഒരു എഎസ്പിയേയും ഇവിടെ ചുമതല നൽകിയിട്ടുണ്ട്.…
Read Moreശുദ്ധിക്രിയ നടത്തിയ സംഭവം; തന്ത്രി വിശദീകരണം നൽകണമെന്ന് ദേവസ്വം ബോർഡ്
ശബരിമലയിൽ യുവതി പ്രവേശത്തിനു ശേഷം സന്നിധാനത്ത് ശുദ്ധിക്രിയ നടത്തിയ സംഭവത്തിൽ തന്ത്രിയോട് വിശദീകരണം ചോദിക്കുമെന്ന് ദേവസ്വം ബോർഡ് പ്രസിഡന്റ് എ. പത്മകുമാർ. തന്ത്രിയുടെ മറുപടിക്കു ശേഷം ഭാവി നടപടികൾ സ്വീകരിക്കുമെന്നും പത്മകുമാർ അറിയിച്ചു. തന്ത്രി 15 ദിവസത്തിനകം വിശദീകരണം നൽകണമെന്നാണ് ആവശ്യപ്പെട്ടിരിക്കുന്നത്. യുവതികൾ ദർശനം നടത്തിയതിനു ശുദ്ധിക്രിയ നടത്തിയത് സുപ്രീം കോടതി വിധിക്ക് യോജിച്ചതല്ല. തന്ത്രിയുടെ നടപടി സുപ്രീം കോടതി വിധിയുടെ അന്തസത്തയ്ക്കു എതിരാണെന്നും എ. പത്മകുമാർ പറഞ്ഞു. ശനിയാഴ്ച ദേവസ്വം ബോർഡ് യോഗം ചേരാനിരിക്കെയാണ് പത്മകുമാറിന്റെ പ്രതികരണം. ആചാരപരമായ കാര്യങ്ങൾ തീരുമാനിക്കാൻ തന്ത്രിക്ക് അവകാശ മുണ്ടെന്ന നിലപാടായിരുന്നു പത്മകുമാർ ഇതേവരെ എടുത്തിരുന്നത്. തന്ത്രി ശുദ്ധികലശം നടത്തിയതു സംബന്ധിച്ചു വ്യക്തമായ ഒരു അഭിപ്രായം പ്രസിഡന്റ് ഇതേവരെ പറഞ്ഞിട്ടില്ലെന്നതും ശ്രദ്ധേയമാണ്. തന്നോട് ആലോചിച്ചിട്ടല്ല തന്ത്രി തീരുമാനമെടുത്തതെന്നു മാത്രമാണ് അദ്ദേഹം വ്യക്തമാക്കിയിട്ടുള്ളത്. ഇക്കാര്യത്തിൽ തന്ത്രിയോട് ആരും വിശദീകരണം ചോദിച്ചിട്ടില്ലെന്നും പ്രസിഡന്റ്…
Read Moreശബരിമലയില് എല്ലാവര്ക്കും കയറാം, അവിടെ പ്രായം പരിശോധിക്കുന്ന ഏര്പ്പാടൊന്നുമില്ലെന്ന് ദേവസ്വം മന്ത്രി
തിരുവനന്തപുരം: ശബരിമലയില് പോകാൻ എല്ലാവർക്കും അവകാശമുണ്ടെന്ന് ദേവസ്വം മന്ത്രി കടകംപള്ളി സുരേന്ദ്രൻ. ശബരിമലയില് എല്ലാവര്ക്കും കയറാം. അവിടെ പ്രായം പരിശോധിക്കുന്ന ഏര്പ്പാടൊന്നുമില്ല. ഇവിടെയെത്തുന്ന സ്ത്രീകളെ സര്ക്കാര് തടയുന്നില്ല. അവരുടെ പ്രായവും പരിശോധിക്കുന്നില്ല. പിന്നെ എന്തിനാണ് സിസിടിവി ദൃശ്യങ്ങള് പരിശോധിക്കുന്നതെന്ന് ദേവസ്വം മന്ത്രി ചോദിച്ചു. ശ്രീലങ്കന് യുവതി ദര്ശനം നടത്തിയോ എന്ന കാര്യം സര്ക്കാര് അന്വേഷിക്കില്ല. ശ്രീലങ്കന് യുവതി കയറിയതായി മാധ്യമങ്ങളില് വാര്ത്ത കണ്ടു. സിസിടിവിയുടേതെന്ന് അവകാശപ്പെട്ട ദൃശ്യങ്ങള് സഹിതമാണല്ലോ വാര്ത്ത നല്കുന്നത്. അപ്പോള്പ്പിന്നെ അവിശ്വസിക്കേണ്ട കാര്യമില്ലെന്നും അദ്ദേഹം പറഞ്ഞു.
Read More