തിരുവനന്തപുരം: അക്രമം തടയാനുള്ള കരുതൽ അറസ്റ്റിൽ വീഴ്ച വരുത്തിയതായി പോലീസ് മേധാവി ലോക്നാഥ് ബെഹ്റ. വീഴ്ച വരുത്തിയ ഉദ്യോഗസ്ഥരെ ഡിജിപി ശാസിച്ചു. അക്രമ സംഭവങ്ങൾ ഏറെ നടന്ന പത്തനംതിട്ട കോഴിക്കോട് പാലക്കാട് ജില്ലാ പോലീസ് മേധാവിമാർക്കാണ് ശാസന ലഭിച്ചതെന്നാണ് വിവരം. വീഴ്ചയുണ്ടായാൽ നടപടിയുണ്ടാകുമെന്ന് ഡിഡിപി ജില്ലാ പോലീസ് മേധാവിമാർക്ക് മുന്നറിയിപ്പ് നൽകി. കൃത്യമായ നടപടി ഉണ്ടാകാത്ത ഉദ്യോഗസ്ഥർക്കെതിരെ ശക്തമായ നടപടി ഉണ്ടാകുമെന്ന മുന്നറിയിപ്പാണ് ഡിജിപി നൽകിയത്. ഇനി സംസ്ഥാനത്ത് അക്രമം പടർന്നു പിടിക്കാതിരിക്കാൻ ശക്തമായ നടപടി സ്വീകരിക്കാൻ ഡിജിപി നിർദേശം നൽകി. പ്രതിദിന വീഡിയോ കോൺഫറൻസിലായിരുന്നു ഡിജിപിയുടെ വിമർശനം. അക്രമം ഉണ്ടാകുമെന്ന് ചൂണ്ടിക്കാട്ടി ഇന്റിലജൻസ് വിഭാഗം റിപ്പോർട്ട് നൽകിയിരുന്നു. ഇന്റലിജൻസ് റിപ്പോർട്ട് ഗൗരവമായി എടുത്തിരുന്നുവെങ്കിൽ ഇത്രയധികം അക്രമം ഉണ്ടാകില്ലായിരുന്നുവെന്നാണ് ആഭ്യന്തര വകുപ്പിന്റെ വിലയിരുത്തൽ. ഇന്റലിജൻസ് റിപ്പോർട്ട് ലഭിച്ചയുടൻ തന്നെ കരുതൽ അറസ്റ്റ് ഉൾപ്പടെയുള്ള നടപടികൾ എടുക്കാൻ പോലീസ്…
Read MoreCategory: TVM
ശബരിമല യുവതി പ്രവേശം: സംഘർഷത്തിനു അയവില്ല, അക്രമികൾ അഴിഞ്ഞാടുന്നു
തിരുവനന്തപുരം: ശബരിമല യുവതി പ്രവേശവുമായി ബന്ധപ്പെട്ട് സംസ്ഥാനത്ത് അരങ്ങേറിയ സംഘർഷത്തിനു അയവുവന്നില്ല. സംസ്ഥാനത്തിന്റെ വിവിധ ഭാഗങ്ങളിൽ സംഘപരിവാർ അക്രമം അഴിച്ചുവിട്ടു. കോഴിക്കോട് പേരാമ്പ്രയിൽ മലബാർ ദേവസ്വം ബോർഡ് അംഗം കെ. ശശികുമാറിന്റെ വീടിനു നേരെ ബോംബേറുണ്ടായി. പുലര്ച്ചെ രണ്ടോടെ ശശികുമാറിന്റെ വീടിനു നേരെ അക്രമികൾ രണ്ട് സ്റ്റീൽ ബോംബുകൾ എറിഞ്ഞു. വീടിന്റെ ജനൽച്ചില്ലുകൾ തകർന്നു. താൻ ഒരു രാഷ്ട്രീയ പാർട്ടിയിലും അംഗമല്ലെന്നും ദേവസ്വംബോർഡ് അംഗമായതിനാലാവാം ആക്രമണം ഉണ്ടായതെന്നും ശശികുമാർ പറഞ്ഞു. അടൂരിലും വ്യാപക അക്രമാണ് അരങ്ങേറിയത്. സിപിഎം ജില്ലാ സെക്രട്ടറി ടി.ഡി ബൈജുവിന്റെ വീടിനു നേരെയും ആക്രമണമുണ്ടായി. മുപ്പതോളം പേർ ബൈക്കിലെത്തിയാണ് ആക്രമണം നടത്തിയത്. സിപിഎം, ബിജെപി പ്രവര്ത്തകരുടെ വീടുകള് തകര്ത്തു. കാട്ടക്കട പന്തയിൽ ഷിബുവിന്റെ വീട് എറിഞ്ഞു തകർത്തു. കാറിനു നേരെയും ആക്രമണം ഉണ്ടായി. വീടിന്റെ ജനൽച്ചില്ലുകളും കാറിന്റെ ഗ്ലാസും തകർന്നു.
Read Moreഅക്രമ സമരത്തോട് യോജിപ്പില്ലെന്ന് ചെന്നിത്തല; അതിനോട് വിയോജിപ്പെന്ന് കെഎസ്യു
തിരുവനന്തപുരം/കൊച്ചി: ശബരിമലയിൽ യുവതിൽകൾ പ്രവേശിച്ച സംഭവത്തിൽ ശക്തമായ പ്രതിഷേധപരിപാടികൾ സംഘടിപ്പിക്കുമെന്ന് പ്രതിപക്ഷ നേതാവ് രമേശ് ചെന്നിത്തല. എന്നാൽ അക്രമ സമരത്തോട് പാർട്ടിക്കോ മുന്നണിക്കോ യോജിപ്പില്ലെന്ന് അദ്ദേഹം പറഞ്ഞു. അതേസമയം, ചെന്നിത്തലയുടെ അഭിപ്രായപ്രകടനം വന്നതിനു തൊട്ടു പിന്നാലെ കെഎസ്യു കൊച്ചി നഗരത്തിൽ പ്രതിഷേധ പ്രകടനം നടത്തുകയും മുഖ്യമന്ത്രിയുടെ കോലം കത്തിക്കുകയും ചെയ്തു.
Read Moreബിജെപി അതിക്രമത്തിനെതിരെ സിപിഎമ്മിന്റെ പ്രതിഷേധമാർച്ച്
തിരുവനന്തപുരം: ശബരിമല യുവതീപ്രവേശത്തിനു പിന്നാലെ ബിജെപിയുടെ സെക്രട്ടറിയേറ്റ് മാർച്ചിനിടെയുണ്ടായ ബിജെപി അതിക്രമത്തിനെതിരെ സിപിഎം പ്രതിഷേധം. പാർട്ടി കൊടികളും ഫ്ളക്സ് ബോർഡുകളും നശിപ്പിച്ചതിൽ പ്രതിഷേധിച്ച് സിപിഎം ജില്ലാ കമ്മിറ്റിയുടെ നേതൃത്വത്തിൽ നഗരത്തിൽ പ്രകടനം നടത്തി. മുൻ എംഎൽഎ വി.ശിവൻുട്ടിയുടെ നേതൃത്വത്തിലായിരുന്നു പ്രകടനം. നേരത്തെ, സെക്രട്ടേറിയറ്റിനു മുന്നിലെ ബിജെപിയുടെ സമരപ്പന്തലിനടുത്ത് വലിയ തോതിലുള്ള പ്രതിഷേധമാണ് അരങ്ങേറിയത്. ബിജെപി–സിപിഎം പ്രവർത്തകർ തമ്മിലായിരുന്നു സംഘർഷം. ഇരുകൂട്ടരും പരസ്പരം വെല്ലുവിളിക്കുകയും കല്ലേറു നടത്തുകയും ചെയ്തു. മാധ്യമപ്രവർത്തകർക്കു നേരെയും കല്ലേറുണ്ടായി. ഇരുകൂട്ടരും പിരിഞ്ഞുപോകാതെ നിലയുറപ്പിച്ചതോടെ പോലീസ് കണ്ണീർ വാതകവും ജലപീരങ്കിയും പ്രയോഗിച്ചിരുന്നു. ഈ സമയം ചിതറിയോടിയ സമരക്കാർ വീണ്ടും സംഘടിച്ചെത്തി കല്ലേറു നടത്തി. ഇവരെ പിരിച്ചുവിടാൻ പോലീസ് രണ്ടു തവണ കണ്ണീർ വാതകം പ്രയോഗിച്ചു.
Read Moreറോഡുകള് തടഞ്ഞു, കടകള് അടപ്പിച്ചു; ശബരിമല യുവതീ പ്രവേശനത്തില് സംസ്ഥാനത്ത് വ്യാപക പ്രതിഷേധം, അക്രമം
തിരുവനന്തപുരം: ശബരിമല യുവതീ പ്രവേശനത്തില് പ്രതിഷേധിച്ച് സംസ്ഥാനത്തിന്റെ വിവിധഭാഗങ്ങളിൽ സംഘപരിവാര് അക്രമം. റോഡുകള് തടഞ്ഞും കടകള് അടപ്പിച്ചുമാണ് ശബരിമല കര്മസമിതിയുടെയും ബിജെപിയുടെയും പ്രവര്ത്തകര് പ്രതിഷേധിച്ചത്. ബിജെപിയുടെ സെക്രട്ടറിയേറ്റ് മാർച്ച് സംഘർഷത്തിൽ കലാശിച്ചു. അക്രമസക്തരായ പ്രതിഷേധക്കാർ മാധ്യമ പ്രവർത്തകരെ അടക്കം ആക്രമിച്ചു. ദൃശ്യങ്ങളെടുക്കാൻ ശ്രമിച്ച മാധ്യമപ്രവർത്തകർക്കു നേരെ അക്രമമുണ്ടായി. കാമറകൾ പിടിച്ചുവാങ്ങി നശിപ്പിച്ചു. യുവതികൾ ഉൾപ്പെടെയുള്ള മാധ്യമപ്രവർത്തകർക്കു പരിക്കേറ്റു. റോഡ് അരികിലെ ഫ്ലക്സ്ബോർഡുകൾ തകർത്തു. സെക്രട്ടറിയേറ്റിലേക്ക് അതിക്രമിച്ചുകയറിയ നാല് സ്ത്രീകളെ പോലീസ് അറസ്റ്റ് ചെയ്തു. കൊല്ലത്തും മാധ്യമപ്രവർത്തകർക്കു മർദനം ഉണ്ടായി. മാവേലിക്കര താലൂക്ക് ഓഫീസിലെ കസേരകൾ തകർത്തു. ദേവസ്വം ബോര്ഡിനു കീഴിലുള്ള കൊട്ടാരക്കര ഗണപതിക്ഷേത്രത്തിലെ ഉണ്ണിയപ്പ കൗണ്ടര് അടപ്പിച്ചു. അമ്പലപ്പുഴ ശ്രീകൃഷ്ണ ക്ഷേത്ര ഓഫിസും താഴിട്ടുപൂട്ടി. കാസര്ഗോട്ടും നെയ്യാറ്റിന്കരയിലും കൊച്ചിയിലും റോഡ് ഉപരോധിച്ചു. പലയിടത്തും കടകള് അടപ്പിച്ചു. എരുമേലിയിൽ മൂന്ന് വിശ്വാസികൾ കെട്ട് ഉപേക്ഷിച്ച് മടങ്ങി.
Read Moreഈ മതിൽ മനുഷ്യനെ നന്നാക്കാനല്ല; ശിവഗിരി തീർഥാടന സമാപനം ശുഷ്കമായി; രൂക്ഷ വിമർശനവുമായി ശിവഗിരി മഠം
തിരുവനന്തപുരം: വനിതാ മതിലിനെതിരേ രൂക്ഷ വിമർശനവുമായി ശിവഗിരി ശ്രീനാരായണ ധർമ സംഘം ട്രസ്റ്റ് പ്രസിഡന്റ് സ്വാമി വിശുദ്ധാനന്ദ. മനുഷ്യനെ നന്നാക്കാനല്ല വനിതാ മതിലെന്ന് സ്വാമി പറഞ്ഞു. ശിവഗിരി തീർഥാടന സമാപന ദിവസംതന്നെ വനിതാ മതിലിനായി തെരഞ്ഞെടുത്ത് തീർഥാടകരെ ബുദ്ധിമുട്ടിച്ചു. ശിവഗിരി ശുഷ്കമായപ്പോൾ ചിലരുടെ അന്ത:രംഗം സന്തോഷിച്ചിട്ടുണ്ടാകും. അവരുടെ തെറ്റുകൾക്ക് ഗുരുദേവൻ മാപ്പ് നൽകട്ടെയെന്നും സ്വാമി പറഞ്ഞു.
Read Moreവനിതാ മതിലുമായി സമുദായ സംഘടനകൾ സഹകരിക്കുന്നത് കേസുകളിൽ നിന്നും രക്ഷപ്പെടാനെന്ന് കെ.മുരളീധരൻ
തിരുവനന്തപുരം: സമുദായ സംഘടനകൾ വനിതാ മതിലുമായി സഹകരിക്കുന്നത് കേസുകളിൽ നിന്നും രക്ഷപ്പെടാനാണെന്ന് കെ.മുരളീധരൻ എംഎൽഎ. എസ്എൻഡിപിയുടെ ലക്ഷ്യവും മറ്റൊന്നല്ലെന്നും അദ്ദേഹം പറഞ്ഞു. മാധ്യമ പ്രവർത്തകരുടെ ചോദ്യങ്ങൾക്ക് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്. മുഖ്യമന്ത്രി പിണറായി വിജയൻ ബിജെപിയെക്കാളും തീവ്രമായ ഹിന്ദുത്വമാണ് നടപ്പിലാക്കുന്നത്. സമുദായ സംഘടനകൾക്ക് മുഖ്യമന്ത്രിയെ ഭയമാണെന്നും അദ്ദേഹം വ്യക്തമാക്കി.
Read Moreവനിതാ മതിൽ വർഗീയമതിൽ; കേരളത്തിന് വിനാശം; പാർട്ടി പരിപാടിക്കു വേണ്ടി സർക്കാർ സംവിധാനങ്ങളെ ദുരുപയോഗം ചെയ്യുന്നുവെന്ന് രമേശ് ചെന്നിത്തല
തിരുവനന്തപുരം: വനിതാ മതിൽ വർഗീയമതിലാണെന്നും ഇത് കേരളത്തിന് വിനാശമാണ് വരുത്താൻ പോകുന്നതെന്നും പ്രതിപക്ഷ നേതാവ് രമേശ് ചെന്നിത്തല. വിദ്വേഷത്തിന്റെയും വെറുപ്പിന്റെയും വിഭാഗീയതയുടെയും സന്ദേശമാണ് വനിതാ മതിൽ നൽകുന്നതെന്നും അദ്ദേഹം വ്യക്തമാക്കി. ഒരു സ്വകാര്യചാനലിന് നൽകിയ അഭിമുഖത്തിലാണ് അദ്ദേഹം ഇക്കാര്യങ്ങൾ വ്യക്തമാക്കിയത്. ജനങ്ങളെ ഭിന്നിപ്പിക്കാനാണ് സർക്കാരിന്റെ നടപടികൾ ഇടയാക്കിയിരിക്കുന്നത്. വനിതാ മതിൽ പാർട്ടി പരിപാടിയാണ്. അതിനു വേണ്ടി സർക്കാർ സംവിധാനങ്ങളെ ദുരുപയോഗം ചെയ്യുന്നു. പൊതു ഖജനാവിൽ നിന്നും പണം ചെലവഴിക്കുന്നു. ജനങ്ങളെ ഭീഷണിപ്പെടുത്തിയാണ് വനിതാ മതിലിന് ആളുകളെ കൂട്ടുന്നത്. ശനിയാഴ്ച ദിവസങ്ങളിൽ പോലും സ്കൂളുകൾക്ക് അവധി നൽകാതെ അധ്യാപകരോട് ക്ലാസെടുക്കാൻ നിർദേശിച്ചിരുന്ന സർക്കാർ ഇന്ന് സ്കൂളുകൾക്ക് അവധി നൽകിയിരിക്കുകയാണ്. സ്കൂൾ മാനേജ്മെന്റുകളെയും ജനങ്ങളെയും വനിതാ മതിലിന്റെ പേരിൽ ഭീഷണിപ്പെടുത്തുകയാണ്. ലോകത്ത് മതിലുകൾ പൊളിക്കാൻ ശ്രമിക്കുകയാണ്. ഇവിടെ മതിൽ തീർത്ത് വിഭാഗീയത സൃഷ്ടിക്കുകയാണെന്നും അദ്ദേഹം പറഞ്ഞു. തൊഴിലുറപ്പ്, കുടുംബശ്രീ പ്രവർത്തകരെ…
Read More620 കിലോമീറ്റർ ദൂരത്തിൽ വൈകിട്ട് നാലിന് മതിൽ ഉയരും; 50 ലക്ഷം വനിതകൾ പങ്കെടുക്കുമെന്ന് സംഘാടകർ
തിരുവനന്തപുരം: കാസർഗോഡ് മുതൽ തിരുവനന്തപുരത്തു വെള്ളയന്പലം വരെ ദേശീയപാതയിലൂടെ 620 കിലോമീറ്റർ ദൂരത്തിൽ ഇന്നു വൈകുന്നേരം നാലിന് വനിതാമതിൽ ഉയരും. വിവാദങ്ങൾക്കു നടുവിൽ നടക്കുന്ന വനിതാ മതിലിൽ അന്പതു ലക്ഷം വനിതകൾ പങ്കെടുക്കുമെന്നു സംഘാടകർ അവകാശപ്പെട്ടു. ഉച്ചകഴിഞ്ഞു മൂന്നിന് പ്രവർത്തകർ ദേശീയപാതയിൽ നിരക്കും. 3.45ന് റിഹേഴ്സൽ. നാലിന് വനിതാമതിൽ തീർക്കും. പതിനഞ്ചു മിനിറ്റ് ആണ് മതിൽ നീളുക. തുടർന്ന് മതേതര, നവോത്ഥാന പ്രതിജ്ഞ ചൊല്ലും. ജില്ലകളിലെ പ്രധാന കേന്ദ്രങ്ങളിൽ പൊതുസമ്മേളനം നടക്കും. റോഡിന്റെ ഇടതുവശത്ത് സ്്ത്രീകൾ അണിനിരക്കും. എതിർവശത്ത് പുരുഷന്മാരും നിരക്കും. ട്രാഫിക് തടസമുണ്ടാക്കാതെ റോഡിന്റെ വശത്തു മാത്രമായിരിക്കും പ്രവർത്തകർ നിൽക്കുകയെന്നും സംഘാടകർ അറിയിച്ചു. കാസർഗോഡ്, കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, എറണാകുളം, ആലപ്പുഴ, കൊല്ലം, തിരുവനന്തപുരം എന്നീ ജില്ലകളിലൂടെയുള്ള ദേശീയപാതയിലാണ് വനിതാമതിൽ ഒരുങ്ങുന്നത്. മറ്റു ജില്ലകളിൽ നിന്നുള്ള പ്രവർത്തകരെയും വനിതാമതിൽ തീർക്കുന്ന ജില്ലകളിലേക്ക് എത്തിക്കും.…
Read Moreഫോസ്റ്റർ കെയർ പദ്ധതിക്ക് മികച്ച പ്രതികരണം ; ഇതര കുടുംബങ്ങളിൽ മാതൃസ്നേഹമറിഞ്ഞത് 148 കുട്ടികൾ
ജെറി എം. തോമസ് കൊച്ചി: ഏകാന്തതയ്ക്കും അനാഥത്വത്തിനും വിട നൽകി ഫോസ്റ്റർ കെയർ പദ്ധതിയെ വരവേറ്റ് കുരുന്നുകൾ. ശിശുസംരക്ഷണ വകുപ്പിന്റെ നേതൃത്വത്തിൽ ആരംഭിച്ച ഫോസ്റ്റർ കെയർ പദ്ധതിയിൽ നവംബർ വരെ പങ്കാളികളായത് 148 കുട്ടികൾ. സാഹചര്യങ്ങൾക്കൊണ്ടും മറ്റു പല കാരണങ്ങളാലും ഉറ്റവരെ നഷ്ടപ്പെട്ട കുരുന്നുകൾക്ക് അവരെ സ്വീകരിക്കാൻ മനസും പ്രാപ്തിയുമുള്ള മറ്റു കുടുംബങ്ങളിൽ സന്തോഷപൂർവം ജീവിക്കാൻ അവസരമൊരുക്കുന്ന പദ്ധതിയാണു ഫോസ്റ്റർ കെയർ. ജനങ്ങളുടെ ഭാഗത്തുനിന്ന് പദ്ധതിക്കു മികച്ച പ്രതികരണമാണു ലഭിക്കുന്നത്. തിരുവനന്തപുരം-38, കൊല്ലം-19, പത്തനംതിട്ട-അഞ്ച്, ആലപ്പുഴ-14, കോട്ടയം-12, ഇടുക്കി-ആറ്, എറണാകുളം-ആറ്, തൃശൂർ-ആറ്, പാലക്കാട്-ഏഴ്, മലപ്പുറം-ഏഴ്, കോഴിക്കോട്-നാല്, വയനാട്-അഞ്ച്, കണ്ണൂർ-നാല്, കാസർഗോഡ്-12 എന്നിങ്ങനെയാണ് നവംബർ വരെ പദ്ധതിയുടെ ഭാഗമായ കുട്ടികളുടെ വിവരങ്ങൾ. അതതു ജില്ലയിലെ സിഡബ്ല്യുസിയിൽനിന്ന് അനുമതി വാങ്ങി കുട്ടികളെ കണ്ടുപിടിച്ചാണു പദ്ധതിയുടെ ഭാഗമാക്കേണ്ടത്. ചെറിയ കാലയളവിലേക്കു കുട്ടികൾക്കാവശ്യമായ എല്ലാവിധ സംരക്ഷണവും സന്തോഷകരമായ ജീവിതവും നൽകാൻ താത്പര്യമുള്ള രക്ഷിതാക്കൾക്കാണു…
Read More