തിരുവനന്തപുരം: മുൻ ഗതാഗതമന്ത്രി തോമസ് ചാണ്ടി ലേക് പാലസ് റിസോർട്ടിൽ നിലം നികത്തി നിർമിച്ച പാർക്കിംഗ് ഗ്രൗണ്ട് പൊളിക്കണം. നിലംനികത്തൽ സാധൂകരിക്കാൻ തോമസ് ചാണ്ടി നൽകിയ അപ്പീൽ സർക്കാർ തള്ളി. ആലപ്പുഴ മുൻ കളക്ടർ ടി.വി. അനുപമയുടെ റിപ്പോർട്ട് ചോദ്യംചെയ്തു കൊണ്ടുള്ള അപ്പീലാണ് തള്ളിയത്. കൃഷി വകുപ്പാണ് അപ്പീൽ തള്ളിയത്. വീണ്ടും തെളിവെടുപ്പ് നടത്തണം എന്നായിരുന്നു തോമസ് ചാണ്ടിയുടെ അപ്പീൽ. തോമസ് ചാണ്ടിയുടെ വാദം കൂടി കേട്ടശേഷമാണ് സർക്കാർ തീരുമാനം. നികത്തിയ നിലം പൂർവ സ്ഥിതിയിലാക്കണമെന്ന് കാർഷികോൽപാദന കമ്മീഷണർ ഉത്തരവിട്ടു. പോലീസ് സംരക്ഷണത്തിൽ പൊളിക്കണമെന്നും കമ്മീഷണർ നിർദേശിച്ചു.
Read MoreCategory: TVM
തിരുവനന്തപുരത്ത് മധ്യവയസ്കൻ മർദനമേറ്റ് മരിച്ചു; സംഭവത്തിൽ മൂന്നു പേർ കസ്റ്റഡിയിൽ
കൊച്ചുവേളി: തിരുവനന്തപുരം കൊച്ചുവേളിയിൽ മധ്യവയസ്കനെ മർദ്ദിച്ച് കൊലപ്പെടുത്തി. കൊച്ചുവേളി സ്വദേശി കുരിശപ്പൻ (എറിക്ക്-52) ആണ് മരിച്ചത്. സംഭവത്തിൽ മൂന്നു പേരെ കസ്റ്റഡിയിലെടുത്തതായി പോലീസ് അറിയിച്ചു. കൊലപാതക കാരണം അറിവായിട്ടില്ല. നേരത്തെ, കുരിശപ്പനും നാട്ടുകാരിൽ ചിലരും വാക്കുതർക്കം നടന്നിരുന്നതായി പോലീസിന് വിവരം ലഭിച്ചിട്ടുണ്ട്. സംഭവത്തിൽ അന്വേഷണം തുടരുകയാണ്.
Read Moreപണിയെടുക്കാൻ വന്നാൽ… സന്നിധാനത്ത് അക്രമം ശാന്തമാക്കാൻ തില്ലങ്കേരിക്കു മൈക്ക് നൽകിയ ഐജിയുടെ ചുമതല വെട്ടിച്ചുരുക്കി
തിരുവനന്തപുരം: ശബരിമലയിൽ ചിത്തിര ആട്ടവിശേഷത്തിന് ആർഎസ്എസ് നേതാവ് വത്സൻ തില്ലങ്കേരിക്കു പോലീസ് മൈക്ക് നൽകിയ തൃശൂർ റേഞ്ച് ഐജി എം.ആർ അജിത് കുമാറിനു മണ്ഡല- മകരവിളക്കു കാലത്തെ ആദ്യ രണ്ടു ഘട്ടങ്ങളിൽ സുരക്ഷാ ചുമതലയില്ല. പോലീസ് വിന്യാസം പൂർത്തിയായപ്പോൾ മണ്ഡല കാലം തുടങ്ങുന്ന നവംബർ 16 മുതൽ 30 വരെ നിലയ്ക്കൽ പന്പയുടെ ചുമതല എറണാകുളം റേഞ്ച് ഐജിക്കും സന്നിധാനത്തിന്റെ ചുമതല അഡ്മിനിസ്ട്രേഷൻ ഐജിക്കുമാണ്. നവംബർ 30 മുതൽ ഡിസംബർ 15 വരെ നിലയ്ക്കൽ, പന്പയുടെ ചുമതല ഇന്റലിജൻസ് ഐജിക്കും സന്നിധാനത്തിന്റെ ചുമതല കണ്ണൂർ റേഞ്ച് ഐജിക്കുമാണ്. ഡിസംബർ 15 മുതൽ 30 വരെയുള്ള മൂന്നാംഘട്ടത്തിൽ തൃശൂർ റേഞ്ച് ഐജി എം.ആർ. അജിത്കുമാറിനു സന്നിധാനത്തിന്റെ ചുമതല നൽകിയിട്ടുണ്ട്. ഡിസംബർ 30 വരെ ജനുവരി 15 വരെ ക്രൈംബ്രാഞ്ച് ഐജി എസ്. ശ്രീജിത്ത് സന്നിധാനത്തിന്റെ ചുമതലയിലെത്തും.
Read Moreകണ്ണിലെ കൃഷ്ണമണിപ്പോലെ സൂക്ഷിക്കുന്ന സൽപ്പേര് നശിപ്പിക്കാൻ ആരേയും അനുവദിക്കില്ല; മന്ത്രി സുധാകരന്റെ ഭാര്യ കേരള സർവകലാശാലയിലെ പദവി രാജിവച്ചു
തിരുവനന്തപുരം: മന്ത്രി ജി. സുധാകരന്റെ ഭാര്യ ജൂബിലി നവപ്രഭ കേരള സർവകലാശാലയിലെ പദവി രാജിവച്ചു. സ്വാശ്രയ കോഴ്സുകളുടെ ഡയറക്ടറായിരുന്നു ജൂബിലി. തന്നേയും സുധാകരനേയും അപമാനിക്കാൻ ശ്രമം നടക്കുന്നുവെന്ന് ചൂണ്ടിക്കാട്ടിയാണ് രാജി. സുധാകരന്റെ സൽപ്പേരിന് കളങ്കമേൽപ്പിക്കാൻ ചിലർ നീക്കം നടത്തുന്നുവെന്നും അവർ പറഞ്ഞു. അദ്ദേഹം കണ്ണിലെ കൃഷ്ണമണിപ്പോലെ സൂക്ഷിക്കുന്നതാണ് സൽപ്പേര്. അത് നശിപ്പിക്കാൻ ആരേയും അനുവദിക്കില്ല. തന്റെ പദവി സ്ഥിരപ്പെടുത്താനോ ശമ്പളം വർധിപ്പിക്കാനോ തീരുമാനിച്ചിട്ടില്ലായിരുന്നുവെന്നും നവപ്രഭ പറഞ്ഞു. നവപ്രഭയെ ഡയറക്ടറേറ്റ് ഓഫ് മാനേജ്മെന്റ് ടെക്നോളജി ആന്ഡ് എഡ്യൂക്കേഷന് ഡയറക്ടറായാണ് നിയമിച്ചത്. ഇതിനെതിരെ ഗുരുതര ആരോപണങ്ങൾ ഉയർന്നിരുന്നു. ഇവര്ക്കുവേണ്ടി യോഗ്യതയില് ഭേദഗതി വരുത്തിയെന്നും ആരോപണങ്ങൾ ഉണ്ടായിരുന്നു. ഏഴ് മാനേജ്മെന്റ് ട്രെയിനിംഗ് സെന്ററുകൾ, പത്തു ബിഎഡ് സെന്ററുകൾ, 29 യുഐടികള് എന്നിവയാണ് കേരള സര്വകലാശാല നേരിട്ടു നടത്തുന്ന സ്വാശ്രയ സ്ഥാപനങ്ങള്. ഡയറക്ടറേറ്റ് ഓഫ് മാനേജ്മെന്റ് ടെക്നോളജി ആന്ഡ് എഡ്യൂക്കേഷനു കീഴിലാണിവയുടെ പ്രവര്ത്തനം.
Read Moreഒളിത്താവളങ്ങൾ മാറിക്കൊണ്ടേയിരിക്കുന്നു; യുവാവിനെ കാറിനു മുന്നിലേക്കു തള്ളിയിട്ടു കൊലപ്പെടുത്തിയ ഡിവൈഎസ്പി ഹരികുമാർ തമിഴ്നാട്ടിലുണ്ടെന്നു സ്ഥിരീകരണം; രക്ഷപ്പെട്ട കാർ കണ്ടെത്തി
തിരുവനന്തപുരം: നെയ്യാറ്റിൻകര സ്വദേശി സനൽകുമാറിനെ കാറിനു മുന്പിലേക്കു തള്ളിയിട്ടു കൊലപ്പെടുത്തിയ ഡിവൈഎസ്പി ഹരികുമാർ തമിഴ്നാട്ടിലുണ്ടെന്നു സ്ഥിരീകരിച്ച് പോലീസ്. ഹരികുമാർ കൃത്യമായ ഇടവേളകളിൽ താവളം മാറുകയാണെന്നും മൊബൈൽ ഫോണുകൾ ഇടയ്ക്കിടെ ഓണ് ആക്കുന്നുണ്ടെന്നും പോലീസ് കണ്ടെത്തി. അതേസമയം, കൊലപാതകവുമായി ബന്ധപ്പെട്ട് ഒരാളെകൂടി അന്വേഷണ സംഘം കസ്റ്റഡിയിലെടുത്തു. ഹരികുമാറിന്റെ സുഹൃത്ത് ബിനുവിന്റെ മകൻ അനൂപ് കൃഷ്ണയാണ് പിടിയിലായത്. ഡിവൈഎസ്പിക്കും ബിനുവിനും രക്ഷപ്പെടാൻ ആദ്യം കാർ ഏർപ്പാടാക്കിയത് അനൂപാണ്. ഇയാളെ ചോദ്യം ചെയ്യുകയാണ്. ഹരികുമാറിനെ രക്ഷപ്പെടാൻ സഹായിച്ച തൃപ്പരപ്പിലെ ലോഡ്ജ് മാനേജർ സതീഷ് കുമാറിനെ ക്രൈംബ്രാഞ്ച് നേരത്തെ കസ്റ്റഡിയിലെടുത്തിരുന്നു. കൊലപാതകത്തിനു ശേഷം ഹരികുമാർ രക്ഷപ്പെട്ട വാഹനവും പോലീസ് കണ്ടെത്തിയിട്ടുണ്ട്. ഐജി എസ്.ശ്രീജിത്ത് നേരിട്ടാണ് കേസ് അന്വേഷിക്കുന്നത്. ലോക്കൽ പോലീസ് അന്വേഷിച്ച കേസ് നേരത്തെ ക്രൈംബ്രാഞ്ചിനു കൈമാറിയിരുന്നു. ഇക്കഴിഞ്ഞ, തിങ്കളാഴ്ച രാത്രി വാക്കുതർക്കത്തിനിടെ ഡിവൈഎസ്പി പിടിച്ചുതള്ളിയ മണലൂർ സ്വദേശി സനൽകുമാർ മറ്റൊരു വാഹനമിടിച്ചു…
Read Moreഅഹിന്ദുക്കൾ കയറി; ശ്രീപദ്മനാഭസ്വാമി ക്ഷേത്ര നട അടച്ച് ശുദ്ധിക്രിയ നടത്തി
തിരുവനന്തപുരം: ശ്രീപദ്മനാഭസ്വാമി ക്ഷേത്രത്തിൽ അഹിന്ദുക്കൾ കയറിയതായി കണ്ടെത്തിയതിനെ തുടർന്ന് ക്ഷേത്രനട അടച്ച് ശുദ്ധിക്രിയകൾ നടത്തി. കഴിഞ്ഞ ഒൻപതിന് ക്ഷേത്ര ദർശനം നടത്തിയവരിൽ അഹിന്ദുക്കൾ ഉൾപ്പെട്ടുവെന്നാണ് കണ്ടെത്തൽ. അൽപ്പശി ഉത്സവം നടക്കുന്ന ക്ഷേത്രത്തിൽ ഞായറാഴ്ച വൈകുന്നേരം നടത്തേണ്ട ഉത്സവശ്രീബലി തന്ത്രിയുടെ നിർദേശപ്രകാരം നിർത്തിവച്ചു. പരിഹാരപൂജകൾക്ക് ശേഷം ഉത്സവത്തിന്റെ മറ്റു ചടങ്ങുകൾ നടത്തുമെന്ന് അധികൃതർ അറിയിച്ചു. അഹിന്ദുക്കൾക്ക് പ്രവേശനമില്ലാത്ത ക്ഷേത്രമാണു ശ്രീപദ്മനാഭസ്വാമി ക്ഷേത്രം. അഹിന്ദുക്കൾ കയറിയെന്നു സംശയിക്കുന്ന സാഹചര്യത്തിൽ പൂജകൾ നിർത്തി പരിഹാരക്രിയകൾ നടത്തണമെന്ന് തന്ത്രി നിർദേശിക്കുകയായിരുന്നു.
Read Moreമുഖം മിനുക്കി ആറ്റിങ്ങലിന്റെ സ്വന്തം ‘കാളിദാസന്’
ആറ്റിങ്ങല്: ആറ്റിങ്ങലിന്റെ അഭിമാനമായ കൊല്ലമ്പുഴ തിരുവാറാട്ടുകാവ് കാളിദാസന്റെ കൊമ്പ് മുറിച്ചു. കൊമ്പുകള് വളര്ന്ന് ഭാരം കൂടിയതോടെ മസ്തകമുയര്ത്താനും ഭക്ഷണം കഴിക്കാനും പ്രയാസപ്പെടുന്ന നിലയിലായിരുന്നു കാളിദാസന്. ദേവസ്വംബോര്ഡിന്റെ നേതൃത്വത്തിലാണ് ഇന്നലെ കാളിദാസന്റെ കൊമ്പുകള് മുറിച്ച് നീക്കിയത്. കാളിദാസന്റെ കൊമ്പ് മുറിക്കുന്നതറിഞ്ഞ് ധാരാളം നാട്ടുകാര് സ്ഥലത്തെത്തിയിരുന്നു. ഫോറസ്റ്റ് റേഞ്ച് ഓഫീസര് ജെ.എസ്.സുരേഷ്, വെറ്റിനറി സര്ജന് രാജീവ്, ഫോറസ്റ്റ് വെറ്റിനറി ഡോക്ടര് ജയകുമാര്, സീനിയര് ഫോറസ്റ്റ് ഓഫീസര് നബീറുദ്ദീന്, ദേവസ്വം അസിസ്റ്റന്റ് കമ്മീഷണര് ശ്രീകുമാര്, കൗണ്സിലര് ആര്. എസ്.പ്രശാന്ത്, ക്ഷേത്ര ഉപദേശകസമിതി സെക്രട്ടറി രഞ്ജിത്ത്, വൈസ്പ്രസിഡന്റ് പി.എസ്.കിരണ്, സതീഷ് എന്നിവര് പങ്കെടുത്തു. രണ്ട് കൊമ്പില് നിന്നും 39 സെന്റീ മീറ്റര്വീതമാണ് മുറിച്ച് മാറ്റിയത്. കൊമ്പ് വനംവകുപ്പ് സൂക്ഷിക്കുമെന്ന് അധികൃതര് അറിയിച്ചു.
Read Moreമൺവിള പ്ലാസ്റ്റിക് ഫാക്ടറി കത്തിച്ചത് ജീവനക്കാർ തന്നെ; ശമ്പളം വെട്ടിക്കുറിച്ചതിലുള്ള വൈരാഗ്യമെന്ന് പോലീസ് തീപിടുത്തം അട്ടിമറിയാണെന്ന ഫയർഫോഴ്സിന്റെ കണ്ടെത്തൽ ശരിയായി
തിരുവനന്തപുരം: കഴക്കൂട്ടം മൺവിള ഫാമിലി പ്ലാസ്റ്റിക്സ് ഫാക്ടറിക്ക് തീയിട്ടത് ജീവനക്കാർ തന്നെയെന്ന് പോലീസ്. കസ്റ്റഡിയിൽ ഉള്ളവർ കുറ്റം സമ്മതിച്ചതായും പോലീസ് വ്യക്തമാക്കി. ബിമൽ, ബിനു എന്നിവരാണ് പോലീസ് കസ്റ്റഡിയിലുള്ളത്. ഇവർ ചിറയിൻകീഴ്, കഴക്കൂട്ടം സ്വദേശികളാണ്. ബിമലാണ് ഫാക്ടറിക്ക് തീയിട്ടതെന്നും ബിനു സഹായം നൽകിയെന്നും പോലീസ് പറഞ്ഞു. മൂന്നാം നിലയിൽനിന്നാണ് തീപടർന്നത്. ഫാമിലി പ്ലാസ്റ്റികിൽ നിന്ന് അന്വേഷണ സംഘം ശേഖരിച്ച സിസിടിവി ദൃശ്യങ്ങളാണ് അന്വേഷണത്തിൽ വഴിത്തിരിവായിരിക്കുന്നത്. തീ ആദ്യം പിടിച്ച സ്റ്റോർ റൂമിലേയ്ക്ക് ഇവർ കയറിപ്പോകുന്നതിന്റെ സിസിടിവി ദൃശ്യം അന്വേഷണ സംഘത്തിന് ലഭിച്ചിരുന്നു. ഇവരുടെ ശന്പളം മാനേജുമെന്റ് അടുത്തിടെ വെട്ടിക്കുറച്ചിരുന്നു. ഇതിന്റെ വൈരാഗ്യത്തിന് സ്റ്റോർ റൂമിൽ കുട്ടിയിട്ടിരുന്ന പ്ലാസ്റ്റിക് കവറുകൾക്ക് തീയിടാൻ കാരണം. ഇത്ര വലിയൊരു തീപിടുത്തം ഉണ്ടാകുമെന്ന് കരുതിയിരുന്നില്ലെന്നും മനേജുമെന്റിന് ഒരു മുന്നറിയിപ്പ് നൽകുകയായിരുന്നു ലക്ഷ്യമെന്നാണ് ഇവരുടെ മൊഴി. കത്തിക്കാനുപയോഗിച്ച ലൈറ്റർ വാങ്ങിയ കട അന്വേഷണ സംഘം…
Read Moreമന്ത്രിമാർക്ക് അഴിമതി നടത്താൻ സർക്കാർ ലൈസൻസ് നൽകിയിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല
തിരുവനന്തപുരം: മന്ത്രിമാർക്ക് അഴിമതി നടത്താൻ സർക്കാർ ലൈസൻസ് നൽകിയിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. അഴിമതി ആരോപണത്തെ തുടർന്നു പുറത്തുപോയ ഇ.പി. ജയരാജനെ മന്ത്രി സ്ഥാനത്തേക്ക് തിരിച്ചു കൊണ്ടുവന്നതോടെ എല്ലാ മന്ത്രിമാർക്കും അഴിമതി നടത്താൻ ലൈസൻസായി. അഴിമതി ആരോപണം നേരിടുന്ന മന്ത്രിമാരെ സംരക്ഷിക്കുന്ന നിലപാടാണ് സർക്കാർ സ്വീകരിക്കുന്നതെന്നും ചെന്നിത്തല വാർത്താസമ്മേളനത്തിൽ കുറ്റപ്പെടുത്തി. ഇത് ഭരണത്തിന്റെ അഹന്തയും ജനങ്ങളോടുള്ള കടുത്ത വെല്ലുവിളിയുമാണ്. മന്ത്രി കെ.ടി. ജലീൽ ബന്ധുവിനെ വീട്ടിൽനിന്നു വിളിച്ചുവരുത്തിയാണ് നിയമനം നടത്തിയിരിക്കുന്നത്. ഇങ്ങനെ സംസ്ഥാനത്ത് നിയമനം നടത്താൻ സാധിക്കുമോ എന്നും അദ്ദേഹം ചോദിച്ചു. ജലീലിന്റെ ഫേസ്ബുക്ക് പോസ്റ്റ് വന്നയുടനെ അദ്ദേഹത്തെ മന്ത്രിസഭയിൽനിന്നും പുറത്താക്കണമായിരുന്നു. ജലീൽ നിയമിച്ച അദീബിന്റെ ഡിഗ്രിക്ക് അംഗീകാരമില്ലെന്നാണ് പുറത്തുവരുന്ന വാർത്തകളെന്നും ചെന്നിത്തല പറഞ്ഞു. അഴിമതി വിരുദ്ധ സർക്കാരാണ് ഇതെന്നാണല്ലോ മുഖ്യമന്ത്രി എപ്പോഴും പറയുന്നത്. അങ്ങനെയെങ്കിൽ ജലീലിനെ സമഗ്ര അന്വേഷണത്തിന് മുഖ്യമന്ത്രി തയാറാവണം. ജലീലിനെ മുഖ്യമന്ത്രി…
Read Moreനെയ്യാറ്റിൻകര സനൽകുമാറിന്റെ മരണം; ഹരികുമാർ സംസ്ഥാനം വിട്ടിട്ടില്ലെന്നും തിരുവനന്തപുരത്തെ ഒളിസങ്കേതത്തിലെന്നും അഭ്യൂഹം; കോടതിയിൽ കീഴടങ്ങിയേക്കുമെന്ന് സൂചന
തിരുവനന്തപുരം: നെയ്യാറ്റിൻകരയിൽ വാക്കുതർക്കത്തിനിടയിൽ ഡിവൈഎസ്പി പിടിച്ചുതള്ളിയതിനെ തുടർന്ന് സനൽകുമാർ എന്ന യുവാവ് മരിച്ച സംഭവത്തിൽ പ്രതിയായ ഡിവൈഎസ്പി ഹരികുമാർ കോടതിയിൽ കീഴടങ്ങിയേക്കും. തിരുവനന്തപുരം സെഷൻസ് കോടതിയിൽ സമർപ്പിച്ചിരിക്കുന്ന മുൻകൂർ ജാമ്യാപേക്ഷ പതിനാലിന് പരിഗണിക്കുന്നുണ്ട്. ജാമ്യാപേക്ഷ കോടതി തള്ളിയാൽ ഹരികുമാർ കീഴടങ്ങാനാണ് സാധ്യത. കൊല്ലത്തെ ഏതെങ്കിലും കോടതിയിൽ കീഴടങ്ങാൻ ശ്രമിച്ചേക്കുമെന്നാണ് ക്രൈംബ്രാഞ്ച് കരുതുന്നത്. ഇതിനായി ഇടനിലക്കാർ ചില ഭരണകക്ഷി നേതാക്കളുമായും പൊലീസ് ഓഫിസേഴ്സ് അസോസിയേഷന്റെ ഒരു നേതാവുമായും ബന്ധപ്പെട്ടതായി സ്പെഷൽ ബ്രാഞ്ചിനു സൂചന ലഭിച്ചിട്ടുണ്ട്. അതേ സമയം ഹരികുമാറിന് വേണ്ടി ക്രൈംബ്രാഞ്ചിന്റെ അന്വേഷണം ഉൗർജിതമാക്കിയെങ്കിലും അദ്ദേഹത്തെ അറസ്റ്റ് ചെയ്യാൻ ഇനിയും സാധിച്ചിട്ടില്ല. തമിഴ്നാട്, കർണാടക എന്നീ സംസ്ഥാനങ്ങളിലേക്ക് ഒളിവിൽ പോകാൻ സാധ്യതയുള്ളതിനാൽ ഈ സംസ്ഥാനങ്ങളിലേക്ക് അന്വേഷണം വ്യാപിപ്പിച്ചിരിക്കുകയാണെന്നാണ് പോലീസ് പറയുന്നത്. എന്നാൽ ഡിവൈഎസ്പി ഹരികുമാർ തിരുവനന്തപുരം ജില്ല വിട്ടിട്ടില്ലെന്നും തീരപ്രദേശ മേഖലയിലെ ഒളിസങ്കേതത്തിലുണ്ടെന്നും അഭ്യൂഹങ്ങൾ പരക്കുന്നുണ്ട്. ക്രൈംബ്രാഞ്ച് എസ്പി.…
Read More