തിരുവനന്തപുരം: അണക്കെട്ടുകൾ മുന്നറിയിപ്പില്ലാതെ തുറന്നതാണ് ദുരന്തത്തിനു കാരണമെന്ന് ആവർത്തിച്ച് പ്രതിപക്ഷ നേതാവ് രമേശ് ചെന്നിത്തല. ഇക്കാര്യത്തിൽ മുഖ്യമന്ത്രി ജനങ്ങളെ തെറ്റിദ്ധരിപ്പിക്കുകയാണെന്നും അദ്ദേഹം പറഞ്ഞു. ചെറുതോണി അണക്കെട്ട് ഒഴിച്ച് മറ്റ് അണക്കെട്ടുകൾ തുറന്നത് വേണ്ടത്ര മുന്നറിയിപ്പ് ഇല്ലാതെയാണ്. അലർട്ടുകൾ പ്രഖ്യാപിക്കുന്പോൾ പാലിക്കേണ്ട നടപടികൾ സ്വീകരിച്ചില്ലെന്നും അദ്ദേഹം പറഞ്ഞു. ആളുകളെ യഥാസമയം ഒഴിപ്പിച്ചില്ല. ആളുകളെ ഒഴിപ്പിക്കുന്നതിലും സർക്കാരിനു വീഴ്ച സംഭവിച്ചു. ജനങ്ങളെ സുരക്ഷിത സ്ഥാനങ്ങളിലേക്ക് ഒഴിപ്പിക്കാതെയാണ് അണക്കെട്ടുകൾ തുറന്നു വിട്ടത്. പലയിടങ്ങളിലും രാത്രിയാണ് വെള്ളം ഇരച്ചുകയറിയതെന്നും അദ്ദേഹം പഞ്ഞു. കൃത്യമായ മുന്നറിയിപ്പുകൾ നൽകിയെങ്കിൽ ഇത്രയും വലിയ ദുരന്തം ഉണ്ടാകില്ല. അണക്കെട്ടുകൾ ഒന്നിനു പുറകേ ഒന്നായി തുറന്നതോടെ ഉടുതുണിക്ക് മറുതുണിയില്ലാതെയാണ് ആളുകൾ ഓടി രക്ഷപ്പെട്ട്. അർധരാത്രിയിലാണ് തലയ്ക്കുമുകളിൽ വെള്ളം കയറിയത് എന്നു പറഞ്ഞത് രാജു ഏബ്രാഹമാണ്. വീണാ ജോർജും സജി ചെറിയാനും ആശങ്കകൾ പങ്കുവച്ചിരുന്നു. ആലപ്പുഴ, ചെങ്ങന്നൂർ, വൈക്കം എന്നിവിടങ്ങളിൽ മുന്നറിയിപ്പുകൾ…
Read MoreCategory: TVM
എല്ലാവരോടും ചർച്ച ചെയ്ത് അണക്കെട്ടുകൾ തുറക്കാൻ സാധിക്കി; അണക്കെട്ടുകൾ തുറക്കുന്നത് രാഷ്ട്രീയ തീരുമാനമല്ലെന്ന് കോടിയേരി
തിരുവനന്തപുരം: എല്ലാവരോടും ചർച്ച ചെയ്ത് അണക്കെട്ടുകൾ തുറക്കാൻ സാധിക്കില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. അണക്കെട്ടുകൾ തുറക്കുന്നത് രാഷ്ട്രീയ തീരുമാനമല്ല. ബന്ധപ്പെട്ട ഉദ്യോഗസ്ഥരാണ് ഇക്കാര്യം തീരുമാനിക്കുന്നതെന്നും കോടിയേരി പറഞ്ഞു. മന്ത്രി കെ. രാജുവിന്റെ ജർമൻ യാത്രയുമായി ബന്ധപ്പെട്ട തീരുമാനങ്ങൾ സ്വീകരിക്കേണ്ടത് സിപിഐ ആണെന്നും കോടിയേരി കൂട്ടിച്ചേർത്തു. അണക്കെട്ടുകൾ തുറന്നതിലുള്ള വീഴ്ചയാണ് പ്രളയക്കെടുതി രൂക്ഷമാക്കിയതെന്ന് പ്രതിപക്ഷ നേതാവ് രമേശ് ചെന്നിത്തല ബുധനാഴ്ച കുറ്റപ്പെടുത്തിയിരുന്നു.
Read Moreരമേശ് ചെന്നിത്തലയ്ക്ക് വധഭീഷണി; സന്ദേശം വന്നത് ദുബായിൽനിന്നെന്ന് സ്ഥിരീകരണം
തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്ക് വധഭീഷണി. ബുധനാഴ്ച രാത്രി ഫോണിലൂടെയാണ് ഭീഷണി സന്ദേശമെത്തിയത്. ഭീഷണി സന്ദേശം ദുബായിൽനിന്നാണെന്ന് സ്ഥിരീകരിച്ചിട്ടുണ്ട്.
Read Moreദുരന്തബാധിത പ്രദേശങ്ങളിൽ ശുചീകരണവുമായി എൻസിസി കേഡറ്റുകൾ
തിരുവനന്തപുരം: പ്രളയക്കെടുതി നേരിടുന്ന പത്തനംതിട്ട, ഇടുക്കി, കോട്ടയം, എറണാകുളം, ആലപ്പുഴ, തൃശൂർ ജില്ലകളിലെ ദുരിതാശ്വാസ ക്യാന്പുകളിൽ ശുചീകരണവുമായി എൻസിസി കേഡറ്റുകൾ. 118 ദുരിതാശ്വാസ ക്യാന്പുകളിലായി 7753 എൻസിസി കേഡറ്റുകളും 21 സൈനിക ഓഫീസർമാരും155 അസോസിയേറ്റഡ് എൻസിസി ഓഫീസർമാരും 143 ജവാന്മാരും 56 സിവിലിയൻ ജീവനക്കാരും എൻസിസിയുടെ 41 ലോറിയും മറ്റ് ചെറിയ വാഹനങ്ങളും അതാത് ജില്ലാ ഭരണകൂടത്തിന്റെ നിർദേശാനുസരണം ശുചീകരണ പ്രവർത്തനങ്ങളുമായുണ്ട്. കുടിവെള്ളം, ആഹാരസാധനങ്ങൾ, മരുന്ന്, ക്ലീനിംഗ് സാധനങ്ങൾ എന്നിവ എൻസിസി കേഡറ്റുകളുടെ നേതൃത്വത്തിൽ എത്തിച്ചു കൊടുക്കുന്നുണ്ട്. കൊല്ലം എൻസിസി ഗ്രൂപ്പുകളുടെ എട്ടു മുതൽ 12 വരെ ലോറികൾ ദിവസവും പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം, തൃശൂർ ജില്ലകളിലെ ദുരിതാശ്വാസ ക്യാന്പുകളിലേയ്ക്ക് തിരുവനന്തപുരത്തെ വിവിധ കളക്ഷൻ സെന്ററിൽനിന്നും നിത്യോപയോഗ സാധനങ്ങൾ വിതരണം ചെയ്യുന്നുമുണ്ട്.
Read Moreരാജിവയ്ക്കേണ്ട തെറ്റൊന്നും താൻ ചെയ്തിട്ടില്ല; പ്രളയസമയത്ത് ഇവിടെ ഇല്ലാതിരുന്നത് തെറ്റായിപ്പോയെന്ന് മന്ത്രി രാജു
തിരുവനന്തപുരം: സംസ്ഥാനം പ്രളയക്കെടുതി നേരിട്ട സമയത്ത് ഇവിടെ ഇല്ലാതിരുന്നത് തെറ്റായിപ്പോയെന്ന് മന്ത്രി കെ. രാജു. ഇത്രയും വലിയ ദുരന്തം ഉണ്ടാകുമെന്ന് മുൻകൂട്ടി മനസിലാക്കാൻ സാധിച്ചില്ല. പ്രളയം രൂക്ഷമായത് താൻ ജർമനിയിലേക്ക് പോയതിനുശേഷമാണെന്നും അദ്ദേഹം വാർത്താസമ്മേളനത്തിൽ പറഞ്ഞു. രാജിവയ്ക്കേണ്ട തെറ്റൊന്നും താൻ ചെയ്തിട്ടില്ല. എല്ലാകാര്യങ്ങളും മുഖ്യമന്ത്രിയേയും പാർട്ടി സെക്രട്ടറിയെയും അറിയിച്ചിരുന്നു. പ്രളയം രൂക്ഷമായത് അറിഞ്ഞതോടെ മടങ്ങാൻ ശ്രമിച്ചു. എന്നാൽ വിമാന ടിക്കറ്റ് കിട്ടിയില്ലെന്നും അദ്ദേഹം പറഞ്ഞു. പ്രളയം രൂക്ഷമായതോടെ മടങ്ങാൻ പാർട്ടി സെക്രട്ടറിയും നിർദേശിച്ചിരുന്നു. മുൻകൂട്ടി നിശ്ചയിച്ചതുപ്രകാരമാണ് ജർമൻ യാത്ര നടത്തിയത്. യാത്രയ്ക്കു സർക്കാരിന്റെയും പാർട്ടിയുടെയും അനുമതിയുണ്ടായിരുന്നുവെന്നും അദ്ദേഹം പറഞ്ഞു. തന്റെ അഭാവത്തിൽ കോട്ടയത്തെ പ്രവർത്തനങ്ങളിൽ വീഴ്ച ഉണ്ടായിട്ടില്ലെന്നും മന്ത്രി പറഞ്ഞു. വനം വകുപ്പ് താത്കാലികമായാണ് ഭക്ഷ്യമന്ത്രി പി. തിലോത്തമനെ ഏൽപ്പിച്ചത്. ദീർഘകാലത്തേക്കാണെങ്കിൽ മാത്രം മുഖ്യമന്ത്രിയുടെ അനുമതി വാങ്ങേണ്ടതെന്നും രാജു കൂട്ടിച്ചേർത്തു.
Read Moreയാത്രാവിവാദം; മുഖ്യമന്ത്രിയോടും പാർട്ടി സെക്രട്ടറിയോടും ഏല്ലാം പറഞ്ഞിട്ടുണ്ടെന്ന് മന്ത്രി രാജു
തിരുവനന്തപുരം: ജർമനി യാത്രയുമായി ബന്ധപ്പെട്ട എല്ലാകാര്യങ്ങളും മുഖ്യമന്ത്രിയോടും പാർട്ടി സെക്രട്ടറിയോടും പറഞ്ഞിട്ടുണ്ടെന്നും മന്ത്രി കെ. രാജു. സംസ്ഥാനം പ്രളയക്കെടുതിൽ നിൽക്കെ മലയാളി കൗണ്സിലിന്റെ പരിപാടിയിൽ പങ്കെടുക്കാൻ ജർമനിയിലേയ്ക്കുപോയ രാജുവിന്റെ നടപടി വിവാദമായിരുന്നു. മന്ത്രിയുടെ യാത്രയ്ക്കെതിരെ സിപിഐയും പാർട്ടി സെക്രട്ടറിയും രംഗത്തെത്തിയിരുന്നു. ജർമൻ യാത്രയെ ന്യായീകരിക്കാൻ നിൽക്കരുതെന്ന് രാജുവിനോട് സിപിഐ നിർദേശിച്ചുന്നു. മന്ത്രിക്ക് സംഭവിച്ചത് തെറ്റ് തന്നെയാണെന്നും വിഷയത്തെ ന്യായീകരിച്ച് വഷളാക്കരുതെന്നുമായിരുന്നു പാർട്ടി നിർദേശം. ജർമനിയിലേയ്ക്കു പോകാൻ ഒരു മാസം മുമ്പു പാർട്ടി മന്ത്രിക്ക് അനുമതി നൽകിയെങ്കിലും സംസ്ഥാനം പ്രളയദുരിതത്തിൽ പെട്ടിരിക്കെ വിദേശയാത്ര നടത്തിയതു ഗുരുതരമായ അച്ചടക്കലംഘനമാണെന്നാണു സിപിഐ സംസ്ഥാന നേതൃത്വം വിലയിരുത്തിയിരിക്കുന്നത്.
Read Moreവെളളത്തെ തടഞ്ഞത് അണക്കെട്ടുകൾ; പ്രളയത്തിനു കാരണം അണക്കെട്ടുകൾ തുറന്നതല്ലെന്ന് കെഎസ്ഇബി ചെയർമാൻ
തിരുവനന്തപുരം: സംസ്ഥാനത്ത് അമിതമായി പെയ്ത മഴയാണ് പ്രളയത്തിന് കാരണമെന്നും അണക്കെട്ടുകൾ തുറന്നുവിട്ടതിന് കുറ്റം പറയരുതെന്നും കെഎസ്ഇബി ചെയര്മാന് എന്.എസ്.പിള്ള. അണക്കെട്ടുകളാണ് വെള്ളത്തെ തടഞ്ഞതെന്ന് കണക്കുകള് പുറത്തുവരുമ്പോള് വ്യക്തമാകും. അണക്കെട്ടുകള് തുറന്നുവിട്ടത് മുന്നറിയിപ്പോടെ യാണെന്നും ഇതിനെല്ലാം തെളിവുണ്ടെന്നും എന്.എസ്.പിള്ള പറഞ്ഞു. അതിരപ്പിള്ളിയിൽ ഡാമുണ്ടായിരുന്നെങ്കിൽ ചാലക്കുടി പുഴയിലെ കുറേ വെള്ളം തടയാമായിരുന്നു. റെഡ് അലര്ട്ട് വന്നാലുടന് വെള്ളം ഒഴുക്കില്ല. റാന്നിയിലെ കാരണവും അമിതമഴയാണ്. 142 അടിവരെ ജലനിരപ്പ് ഉയർന്നിട്ടും മുല്ലപ്പെരിയാര് തുറന്നില്ലല്ലോ എന്നും എന്നിട്ടും ഇതിനെയൊന്നും ആരും ചോദ്യം ചെയ്യുന്നില്ലല്ലോ എന്നും പറഞ്ഞ ചെയർമാൻ മുല്ലപ്പെരിയാറിൽ നിന്നുള്ള വെള്ളം വരെ ഇടുക്കി താങ്ങിയെന്നും ചൂണ്ടിക്കാട്ടി. ഈ ഘട്ടത്തിൽ കെഎസ്ഇബിയെ അനുമോദിക്കുകയാണ് വേണ്ടതെന്നു പറഞ്ഞ അദ്ദേഹം ഇടുക്കിയും ശബരിഗിരിയും തുലാവര്ഷം വരെ അടയ്ക്കില്ലെന്നും ചൂണ്ടിക്കാട്ടിയാണ് തന്റെ വാക്കുകൾ അവസാനിപ്പിച്ചത്.
Read Moreശക്തമായ കാറ്റിന് സാധ്യത; മത്സ്യത്തൊഴിലാളികൾ കടലിൽ പോകരുതെന്ന് മുന്നറിയിപ്പ്
തിരുവനന്തപുരം: കേരള തീരത്ത് ശക്തമായ കാറ്റുവീശാൻ സാധ്യതയുണ്ടെന്ന് മുന്നറിയിപ്പ്. മണിക്കൂറിൽ 50 കിലോമീറ്റർ വേഗത്തിൽ കാറ്റുവീശിയേക്കുമെന്നാണ് കാലാവസ്ഥാ നിരീക്ഷണ കേന്ദ്രം വ്യക്തമാക്കിയത്. അതിനാൽ മത്സ്യത്തൊഴിലാളികൾ കടലിൽ പോകരുതെന്നും മുന്നറിയിപ്പ് നൽകിയിട്ടുണ്ട്.
Read Moreപ്രളയത്തില് വീട് നഷ്ടമായ 1000 പേര്ക്ക് കെപിസിസിയുടെ കൈത്താങ്ങ്; ആയിരം മണ്ഡലം കമ്മിറ്റികള് അഞ്ച്ലക്ഷം രൂപ വീതം സ്വരൂപിക്കും.
തിരുവനന്തപുരം: പ്രളയക്കെടുതിയില് വീടുകള് നഷ്ടമായ ആയിരം പേര്ക്ക് അഞ്ചുലക്ഷം രൂപവീതം ചെലവില് വീടുകള് നിര്മിച്ച് നല്കാന് കെപിസിസി എക്സിക്യൂട്ടീവ് യോഗം തീരുമാനിച്ചതായി പ്രസിഡന്റ് എം.എം.ഹസന് വാര്ത്താ സമ്മേളനത്തില് അറിയിച്ചു. വീടുകളുടെ നിര്മാണത്തിന് ആയിരം മണ്ഡലം കമ്മിറ്റികള് അഞ്ച്ലക്ഷം രൂപ വീതം സ്വരൂപിക്കും. ദുരിതബാധിത പ്രദേശങ്ങളിലെ മണ്ഡലം കമ്മിറ്റികളെ ധനസമാഹരണത്തില് നിന്ന് ഒഴിവാക്കിയിട്ടുണ്ട്. വീടുകള്ക്കുള്ള ഗുണഭോക്താക്കളെ സര്ക്കാര് ഏജന്സികളുടെ സഹായത്തോടെ കണ്ടെത്തും. കോണ്ഗ്രസിന്റെ ഇനിയുള്ള പ്രവര്ത്തനം ദുരിതാശ്വാസത്തിന് വേണ്ടിയാണ്. മുഴുവന് കോണ്ഗ്രസ് പ്രവര്ത്തകരും ഇതിനായി രംഗത്തിറങ്ങണമെന്നും ഹസന് പറഞ്ഞു. മുഖ്യമന്ത്രിയുടെ ദുരിതാശ്വാസ നിധിയില് ഇപ്പോള് എത്തുന്ന തുക പ്രളയ ദുരിതത്തിന് മാത്രമായി ഉപയോഗിക്കുന്നുവെന്ന് ഉറപ്പ് വരുത്തണം. മുഖ്യമന്ത്രിയുടെ ദുരിതാശ്വാസ നിധി പലതിനും ഉപയോഗിക്കുന്നതാണ് ഇപ്പോള് ലഭിക്കുന്ന തുക വകമാറ്റരുത്. ഇതിനായി പ്രളയ ദുരിതാശ്വാസ നിധി രൂപീകരിച്ചാലുംകുഴപ്പമില്ല. കിണറുകളുടെ ശുചീകരണത്തിന് തദ്ദേശ സ്ഥാപനങ്ങള് മാര്ഗനിര്ദേശം പുറപ്പെടുവിക്കുകയും മതിയായ ഫണ്ട് അനുവദിക്കുകയും…
Read Moreസർവ്വകക്ഷിയോഗം ഇന്ന്; ചെങ്ങന്നൂരിൽ രക്ഷാപ്രവർത്തനങ്ങൾ തുടരുന്നു ;30000 പേർ ഇപ്പോഴും പ്രളയമേഖലകളിൽ
തിരുവനന്തപുരം: പ്രളയക്കെടുതി സംബന്ധിച്ച് ചർച്ച ചെയ്യാൻ ഇന്ന് വൈകുന്നേരം നാലിന് മുഖ്യമന്ത്രിയുടെ അധ്യക്ഷതയിൽ സർവ്വകക്ഷിയോഗം ചേരും. പ്രധാനമന്ത്രിയെ നേരിട്ട് കാണുന്നതുൾപ്പെടെയുള്ള കാര്യങ്ങൾ ചർച്ച ചെയ്യും. കേന്ദ്ര സർക്കാറിൽ നിന്ന് കൂടുതൽ സഹായം ലഭിക്കാൻ വിശദമായ നിവേദനം സമർപ്പിക്കാനാണ് സർക്കാർ ശ്രമം. പ്രളയക്കെടുതിയിൽ വീടും മറ്റും നഷ്ടപ്പെട്ടവരുടെ പുനരധിവാസത്തെ സംബന്ധിച്ചും ഇന്ന് ചർച്ച ചെയ്യും.അതേസമയം ചെങ്ങന്നൂരിൽ ഒറ്റപ്പെട്ട സ്ഥലങ്ങളിൽ കുടുങ്ങിക്കിടക്കുന്നവരെ പുറത്തെത്തിക്കാനുള്ള ശ്രമങ്ങൾ തുടരുകയാണ്. രക്ഷാപ്രവർത്തനങ്ങൾ ഇപ്പോൾ അവസാനഘട്ടത്തിലാണ്. 30000 പേർ ഇപ്പോഴും പ്രളയമേഖലകളിലുണ്ട്. പ്രളയം ബാധിച്ച പല മേഖലകളിലും വെള്ളമിറങ്ങി തുടങ്ങിയെങ്കിലും അപ്പർ കുട്ടനാട് മേഖല ഇപ്പോളും വെള്ളത്തിലാണ്. സംസ്ഥാനത്താകെ 11,001 വീടുകളാണു തകർന്നത്. ഇതിൽ 699 എണ്ണം പൂർണമായും 10,302 എണ്ണം ഭാഗികമായും തകർന്നു.
Read More