തിരുവനന്തപുരം: പ്രളയക്കെടുതി മൂലമുള്ള രോഗങ്ങളെ പ്രതിരോധിക്കാനും ജനങ്ങള്ക്ക് എല്ലായിടത്തും ചികിത്സാ സംവിധാനം ലഭ്യമാക്കാനുമായി 325 താത്ക്കാലിക ആശുപത്രികള് സ്ഥാപിക്കാന് തീരുമാനമായെന്ന് ആരോഗ്യമന്ത്രി കെ.കെ. ശൈലജ. ഓഗസ്റ്റ് 30 മുതലാണ് ആശുപത്രികളുടെ പ്രവർത്തനം തുടങ്ങുന്നത്. മഴക്കെടുതി മൂലം ദുരിതമനുഭവിക്കുന്ന പഞ്ചായത്തുകളില് നിലവിലുള്ള ആരോഗ്യ കേന്ദ്രങ്ങള്ക്ക് പുറമെയാണ് താത്ക്കാലികമായി ആശുപത്രികള് തുടങ്ങുന്നത്. 30 ദിവസത്തേയ്ക്ക് താത്കാലിക ആശുപത്രികൾ പ്രവർത്തിക്കുമെന്നും മന്ത്രി അറിയിച്ചു. ആലപ്പുഴ-38, പത്തനംതിട്ട -9, കോട്ടയം-24, ഇടുക്കി-23, എറണാകുളം-50, തൃശൂര്-43, പാലക്കാട്-49, മലപ്പുറം-47, കോഴിക്കോട്-16, വയനാട്-26 എന്നീ ജില്ലകളിലാണ് പുതിയ ആശുപത്രികൾ തുടങ്ങുന്നത്. പ്രാഥമികാരോഗ്യ കേന്ദ്രങ്ങളുടെ മാതൃകയിലാണ് ആശുപത്രികള് പ്രവര്ത്തിക്കുക. ഓരോ ഡോക്ടറും നഴ്സും ആശുപത്രിയിലുണ്ടാകും. രാവിലെ 9 മുതല് ഉച്ചയ്ക്ക് 2 വരെയാണ് പ്രവര്ത്തന സമയം. മെഡിക്കല് കോളജിലെ പിജി ഡോക്ടര്മാരും മറ്റ് സന്നദ്ധ ഡോക്ടര്മാരുമായിരിക്കും ഈ കേന്ദ്രങ്ങളിൽ സേവനത്തിന് എത്തുന്നത്. കെഎംഎസ്സിഎല് വഴിയായിരിക്കും മരുന്നുകള് ലഭ്യമാക്കുകയെന്നും…
Read MoreCategory: TVM
മുഖ്യമന്ത്രിയുടെ സാലറി ചലഞ്ച് ഏറ്റെടുത്ത് നാവികസേനയും; ഒരു ദിവസത്തെ വേതനം മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകും
തിരുവനന്തപുരം: പുതിയ കേരളം സൃഷ്ടിക്കാന് മുഖ്യമന്ത്രി പിണറായി വിജയന് മുന്നോട്ടുവെച്ച “സാലറി ചലഞ്ച്’ എന്ന ആശയം നാവികസേനയും ഏറ്റെടുത്തു. നാവികസേനയിലെ ഉദ്യോഗസ്ഥർ ഒരു ദിവസത്തെ വേതനം മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകും. സംസ്ഥാനം പ്രളയക്കെടുതി നേരിട്ടപ്പോൾ രക്ഷാപ്രവർത്തനത്തിന് മുൻപന്തിയിൽ നിന്നവരാണ് നാവികസേന. മുഖ്യമന്ത്രിയുടെ സാലറി ചലഞ്ചിന് വൻ സ്വീകാര്യതയാണ് ലഭിക്കുന്നത്. ഭരണ,പ്രതിപക്ഷ എംഎൽമാരും ഉദ്യോഗസ്ഥരും നിരവധി സംഘടനകളും ഇതിനകം തന്നെ മുഖ്യമന്ത്രിയുടെ അഭ്യർഥനയോട് പ്രതികരിച്ച് ഒരു മാസം ശമ്പളം നൽകുമെന്ന് അറിയിച്ചിട്ടുണ്ട്. മലയാളികൾ ഒരു മാസത്തെ ശന്പളം സംഭാവന നൽകിയാൽ പ്രളയക്കെടുതിയിൽനിന്നു കേരളം കരകയറുമെന്ന് മുഖ്യമന്ത്രി ഞായറാഴ്ചയാണ് വ്യക്തമാക്കിയത്.
Read Moreഓണപ്പരീക്ഷ ഉടൻ ഉണ്ടാകില്ല; സ്കൂളുകൾ നാളെ തുറക്കേണ്ടതില്ലെന്ന് വിദ്യാഭ്യാസ മന്ത്രി
തിരുവനന്തപുരം: ഓണപ്പരീക്ഷ ഉടൻ ഉണ്ടാകില്ലെന്ന് വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ്. പ്രളയ ദുരന്തത്തിൽ തകർന്ന സ്കൂളുകൾ നാളെ തുറക്കേണ്ടതില്ലെന്നും ഇത് സംബന്ധിച്ച് ജില്ലാ കളക്ടർമാർക്ക് തീരുമാനമെടുക്കാമെന്നും അദ്ദേഹം വ്യക്തമാക്കി. നഷ്ടപ്പെട്ട അധ്യയന ദിവസങ്ങൾ എങ്ങനെ വീണ്ടെടുക്കാം എന്നതിനെക്കുറിച്ച് ചർച്ച ചെയ്ത് തീരുമാനിക്കും. സ്കൂളുകളിൽ പാഠപുസ്തകങ്ങൾ ഉടൻ എത്തിയ്ക്കുമെന്ന് അദ്ദേഹം വ്യക്തമാക്കി. ഒരു സ്വകാര്യ ചാനലിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
Read Moreപ്രളയ ദുരിതം; കേരളത്തെ പുനർ സൃഷ്ടിക്കാനായി ധാരാളം പണം അനിവാര്യം; സർക്കാർ ലോക ബാങ്കിന്റെ സഹായം തേടും
തിരുവനന്തപുരം: പ്രളയത്തെ തുടർന്ന് തകർന്ന കേരളത്തെ പുനർ നിർമിക്കാൻ സംസ്ഥാന സർക്കാർ ലോക ബാങ്കിന്റെ സഹായം തേടും. ഇത് സംബന്ധിച്ചുള്ള ചർച്ചകൾ ആരംഭിച്ചു കഴിഞ്ഞു. കേന്ദ്ര സർക്കാരുമായും ചർച്ചകൾ പുരോഗമിക്കുകയാണ്. കേരളത്തെ പുനർ സൃഷ്ടിക്കാനായി ധാരാളം പണം അനിവാര്യമാണെന്നും ലോക ബാങ്കിന്റെ സഹായം കൂടി ലഭിച്ചാൽ മാത്രമേ കേരളത്തെ പുനർ സൃഷ്ടിക്കാൻ സാധിക്കുകയുള്ളുവെന്നും ധനവകുപ്പ് വ്യക്തമാക്കി. ലോക ബാങ്കിന്റെ സഹായം കേരളത്തിന് ലഭിക്കുമെന്ന് പ്രതീക്ഷിക്കുന്നതായി ചീഫ് സെക്രട്ടറി ടോം ജോസും വ്യക്തമാക്കി. വായ്പയ്ക്കായി ബുധനാഴ്ച ലോക ബാങ്ക് പ്രതിനിധികളുമായി ചർച്ച നടത്തുമെന്നും അദ്ദേഹം പറഞ്ഞു.
Read Moreമുഖ്യമന്ത്രിയുടെ സാലറി ചലഞ്ച് ഏറ്റെടുത്ത് സാക്ഷരതാ മിഷനും; സ്ഥാപനത്തിലെ 104 ജീവനക്കാരും ഒരു മാസത്തെ സാലറി ദുരിതാശ്വാസ നിധിയിലേക്ക് നൽകും
തിരുവനന്തപുരം: പുതിയ കേരളം സൃഷ്ടിക്കാന് മുഖ്യമന്ത്രി പിണറായി വിജയന് മുന്നോട്ടുവെച്ച “സാലറി ചലഞ്ച്’ എന്ന ആശയം സാക്ഷരതാ മിഷനും ഏറ്റെടുത്തു. സാക്ഷരതാ മിഷൻ ഡയറക്ടറും മുഴുവൻ ജീവനക്കാരും ഒരു മാസത്തെ വേതനം മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകാൻ തീരുമാനിച്ചു. സാക്ഷരതാ മിഷനിലെ 104 ജീവനക്കാരാണ് ശമ്പളം നൽകുന്നത്. മുഖ്യമന്ത്രിയുടെ സാലറി ചലഞ്ചിന് വൻ സ്വീകാര്യതയാണ് ലഭിക്കുന്നത്. ഭരണ, പ്രതിപക്ഷ എംഎൽമാരും ഉദ്യോഗസ്ഥരും നിരവധി സംഘടനകളും ഇതിനകം തന്നെ മുഖ്യമന്ത്രിയുടെ അഭ്യർഥനയോട് പ്രതികരിച്ച് ഒരു മാസം ശമ്പളം നൽകുമെന്ന് അറിയിച്ചിട്ടുണ്ട്. മലയാളികൾ ഒരു മാസത്തെ ശന്പളം സംഭാവന നൽകിയാൽ പ്രളയക്കെടുതിയിൽനിന്നു കേരളം കരകയറുമെന്ന് മുഖ്യമന്ത്രി ഞായറാഴ്ചയാണ് വ്യക്തമാക്കിയത്.
Read Moreഎല്ലാ ജന പ്രതിനിധികളും ഇതിന് തയാറാകണം; ദുരിതാശ്വാസ നിധിയിലേക്ക് ഒരു ലക്ഷം സംഭാവന നൽകി വിഎസ്
തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധിയിലേക്ക് എംഎൽഎമാരും എംപി മാരും ഉൾപ്പെടെയുള്ള ജനപ്രതിനിധികൾ ഒരു ലക്ഷം രൂപ വീതം നൽകണമെന്ന് ഭരണ പരിഷ്കാര കമ്മീഷൻ ചെയർമാൻ വി.എസ്. അച്യുതാനന്ദൻ ആവശ്യപ്പെട്ടു. വി.എസ് ഒരു ലക്ഷം രൂപ ദുരിതാശ്വാസ നിധിയിലേക്ക് സംഭാവന നൽകിയ ശേഷം മാധ്യമപ്രവർത്തകരുടെ ചോദ്യങ്ങളോട് പ്രതികരണമായാണ് അദ്ദേഹം ഇക്കാര്യം വ്യക്തമാക്കിയത്.
Read Moreപ്രളയക്കെടുതിയിൽ കെഎസ്ആർടിസിക്ക് നഷ്ടം 30 കോടി; സർക്കാരിനോട് 50 കോടി ആവശ്യപ്പെട്ട് ഗതാഗത വകുപ്പ് മന്ത്രി
തിരുവനന്തപുരം: സംസ്ഥാനത്തിനാകെ കനത്ത നാശം വിതച്ച പ്രളയക്കെടുതിയിൽ കെഎസ്ആർടിസിക്കുമുണ്ട് നാശനഷ്ടങ്ങളേറെ. 30 കോടിയുടെ നഷ്ടം കെഎസ്ആർടിസിക്കുണ്ടായെന്ന് ഗതാഗത വകുപ്പ് മന്ത്രി എ.കെ.ശശീന്ദ്രൻ പറഞ്ഞു. 200ലേറെ ബസുകൾക്ക് കേടുപാടുകൾ സംഭവിച്ചിട്ടുണ്ടെന്നും 11 ബസ് സ്റ്റേഷനുകൾ പൂർണമായും തകർന്നെന്നും മന്ത്രി വാർത്താ സമ്മേളനത്തിൽ അറിയിച്ചു. 50 കോടി രൂപയുടെ ധനസഹായം സർക്കാരിനോട് ആവശ്യപ്പെട്ടിട്ടുണ്ടെന്നും അദ്ദേഹം അറിയിച്ചു.
Read Moreറവന്യു മന്ത്രിക്ക് പൈലറ്റ് പോയ പോലീസ് ജീപ്പ് മറിഞ്ഞു ; രണ്ട് പോലീസ് ഉദ്യോഗസ്ഥർക്ക് പരിക്ക്
തിരുവനന്തപുരം: കിളിമാനൂർ തട്ടത്തുമലയിൽ റവന്യു മന്ത്രിക്ക് പൈലറ്റ് പോയ പോലീസ് ജീപ്പ് മറിഞ്ഞ് രണ്ട് പോലീസ് ഉദ്യോഗസ്ഥർക്ക് പരിക്ക്. പോലീസ് കണ്ട്രോണ് റൂമിലെ എസ്ഐ. അബ്ദുൽ സലാം, എഎസ്ഐ സെബാസ്റ്റ്യൻ എന്നിവർക്കാണ് പരിക്കേറ്റത്. ഇന്ന് രാവിലെ 7.45 ഓടെയായിരുന്നു അപകടം. പരിക്കേറ്റ പോലീസ് ഉദ്യോഗസ്ഥരെ കിളിമാനൂരിലെ സ്വകാര്യാശുപത്രിയിൽ പ്രവേശിപ്പിച്ചു. തിരുവനന്തപുരത്ത് നിന്നും കൊല്ലത്തേക്ക് പോകുകയായിരുന്ന മന്ത്രിക്ക് പൈലറ്റ് പോകുന്നതിനിടെ തട്ടത്തുമലയിൽ വച്ചായിരുന്നു അപകടം സംഭവിച്ചത്.
Read Moreപ്രളയത്തിൽ കേടുപാടുകൾ സംഭവിച്ച വീടുകൾ സജ്ജമാക്കാൻ പലിശരഹിത വായ്പ, ഉപകരണങ്ങൾക്കു കർമപദ്ധതിയെന്ന് മുഖ്യമന്ത്രി
തിരുവനന്തപുരം: പ്രളയത്തിൽ കേടുപാടുകൾ സംഭവിച്ച വീടുകൾ നന്നാക്കുന്നതിനു പലിശരഹിത വായ്പ ലഭ്യമാക്കുമെന്ന് മുഖ്യമന്ത്രി പിണറായി വിജയൻ. കേടുവന്ന വീട്ടുപകരണങ്ങൾ നന്നാക്കുന്നതിന് കർമപദ്ധതി രൂപീകരിക്കുമെന്നും ദുരിതബാധിത മേഖലയിൽ കഴിയുന്നവരെ മാറ്റിപ്പാർപ്പിക്കാൻ സാധ്യതകൾ പരിശോധിക്കുമെന്നും മുഖ്യമന്ത്രി മാധ്യമങ്ങളോടു പറഞ്ഞു. വിവിധ ദുരിതാശ്വാസ ക്യാന്പുകൾ വിട്ടു തിരിച്ചുപോകുന്പോഴുള്ള അവസ്ഥയെക്കുറിച്ച് ആളുകൾക്ക് ആശങ്കയുണ്ട്. ഇത് ഗൗരവമായി സർക്കാർ കാണുന്നു. ഇതിന് സമയബന്ധിതമായി പരിഹാരം കാണും. പ്രളയത്തിൽ കേടുപാടുകൾ സംഭവിച്ച വീടുകൾ വാസയോഗ്യമാക്കുന്നതിന് ബാങ്കുകളുമായി സഹകരിച്ച് ആവശ്യമായ തുക ലഭ്യമാക്കാൻ സർക്കാർ ശ്രമിക്കും. ഒരു ലക്ഷം രൂപ വരെ കുടുംബനാഥയ്ക്കു പലിശരഹിത വായ്പ ലഭിക്കും- മുഖ്യമന്ത്രി പറഞ്ഞു. ദുരിതാശ്വാസ ക്യാന്പുകൾ സ്കൂൾ, കോളജ് കെട്ടിടങ്ങളിലാണ് പ്രവർത്തിക്കുന്നത്. ഓണാവധി കഴിയുന്നതതോടെ ഈ കെട്ടിടങ്ങൾ ഒഴിഞ്ഞു നൽകേണ്ടിവരും. ഇതോടെ വീട് സജ്ജമാകുന്നതുവരെ ദുരിതാശ്വാസ ക്യാന്പുകളിൽ കഴിയുന്നവരെ താമസിക്കുന്നതിന് ഹാളുകൾ, കല്യാണമണ്ഡപങ്ങൾ എന്നിവ ഉപയോഗപ്പെടുത്താനാണു സർക്കാർ തീരുമാനം. സ്ഥിരമായി…
Read Moreദുരിതാശ്വാസ പ്രവർത്തനത്തിൽ തകർന്ന വള്ളങ്ങൾക്ക് 2.50 കോടി; വെളളപ്പൊക്കത്തിൽ അകപ്പെട്ട 65,000 ലധികം ആളുകളെ മത്സ്യത്തൊഴിലാളികൾ രക്ഷിച്ചു
തിരുവനന്തപുരം: പ്രളയത്തിൽ അകപ്പെട്ടവരെ സഹായിക്കുന്നതിനിടയിൽ തകർന്ന 466 വള്ളങ്ങളുടെ അറ്റകുറ്റപ്പണി നടത്തുന്നതിനായി 2.50 കോടി രൂപയുടെ പദ്ധതി നടപ്പാക്കുമെന്നു മന്ത്രി ജെ. മേഴ്സിക്കുട്ടി അമ്മ അറിയിച്ചു. ലഭ്യമായ കണക്കു പ്രകാരം ഏഴു വള്ളം പൂർണ്ണമായി തകർന്നു. തിരുവനന്തപുരം, കൊല്ലം, തൃശ്ശൂർ മലപ്പുറം ജില്ലകളിൽ നിന്ന് പോയ വളളങ്ങളാണ് പൂർണമായി തകർന്നത്. ഇവയ്ക്കു പകരം വള്ളം വാങ്ങി നൽകും. 459 വളളങ്ങൾക്ക് കേടുപാടുകൾ ഉണ്ടായി. ഇത്തരം വളളങ്ങൾ ഒന്നും തന്നെ മത്സ്യബന്ധനത്തിന് ഉപയുക്തമല്ല. ഇവ അറ്റകുറ്റപ്പണി നടത്തും. തിരുവനന്തപുരം ജില്ലയിലെ 98 വളളങ്ങളും കൊല്ലം ജില്ലയിലെ 148 വളളങ്ങളും ആലപ്പുഴയിലെ 100 വളളങ്ങളും എറണാകുളം ജില്ലയിലെ 70 വളളങ്ങളും തൃശ്ശൂരിലെ 12 വളളങ്ങളും, മലപ്പുറം ജില്ലയിലെ 19 വളളങ്ങളും കോഴിക്കോട് ജില്ലയിലെ നാലും കണ്ണൂരിലെ എട്ടു വളളങ്ങളുമാണ് ഭാഗികമായി തകർന്നത്. 3525 മത്സ്യത്തൊഴിലാളികളാണ് രക്ഷാപ്രവർത്തനത്തിന് പങ്കെടുത്തത്. വെളളപ്പൊക്കത്തിൽ അകപ്പെട്ട…
Read More