തിരുവനന്തപുരം: വിദേശ വനിതയുടെ കൊലപാതക കേസിൽ പ്രതികളുടെ തെളിവെടുപ്പ് ഇന്ന് പൂർത്തിയാകും. കേസിലെ പ്രതികളായ ഉമേഷ് (28), ഉദയൻ (24) എന്നിവരുമായുള്ള തെളിവെടുപ്പ് അന്തിമഘട്ടത്തിലാണ്. വിദേശ വനിതയുടെ മൃതദേഹം കാണപ്പെട്ട വാഴമുട്ടത്തെ പൊന്തക്കാട്ടിലും പ്രതികളുടെ വീട്ടിലും എത്തിച്ച് പോലീസ് തെളിവെടുപ്പ് നടത്തിയിരുന്നു. കൊലപാതക ദിവസം ഉമേഷ് ധരിച്ചിരുന്ന വസ്ത്രങ്ങൾ പോലീസ് സംഘം ഉമേഷിന്റെ വീട്ടിൽ നിന്നും കണ്ടെത്തിയിരുന്നു. വിദേശ വനിതയുടെ അടിവസ്ത്രവും ചെരിപ്പും സമീപത്തെ പുഴയിൽ നിക്ഷേപിച്ചെന്ന് പ്രതികൾ പറഞ്ഞതിന്റെ അടിസ്ഥാനത്തിൽ പോലീസ് പുഴയിലും സമീപ പ്രദേശത്തും വ്യാപക തെരച്ചിൽ നടത്തിയിരുന്നു. പ്രതികൾക്ക് കഞ്ചാവ് എത്തിച്ച് നൽകിയിരുന്നവരെയും ഇവർ കഞ്ചാവ് വിൽപ്പന നടത്തുന്ന താവളത്തിൽ എത്തിച്ചും തെളിവെടുപ്പ് നടത്തിയിരുന്നു. പ്രതികൾക്ക് സഹായം ചെയ്ത സുഹൃത്തുകളെയും കേസിൽ പോലീസ് പ്രതികളാക്കിയേക്കുമെന്നാണ് സൂചന. അറസ്റ്റിന് ശേഷം കോടതിയിൽ ഹാജരാക്കിയ പ്രതികളെ 14 ദിവസത്തേക്ക് പോലീസ് കസ്റ്റഡിയിൽ വിട്ടിരുന്നു. കസ്റ്റഡി കാലാവധി…
Read MoreCategory: TVM
ഒൻപതുവയസുകാരിക്കു നേരേ പീഡനശ്രമം; പിതാവിന്റെ പരാതിയിൽ സിഐടിയു തൊഴിലാളിയെ അറസ്റ്റു ചെയ്തു; ഭരണസ്വാധീനം ഉപയോഗിച്ച് പ്രതിയെ രക്ഷപ്പെടുത്താൻ ശ്രമം നടക്കുന്നതായി ആരോപണം
നേമം: ഒൻപതു വയസുകാരിയെ പീഡിപ്പിക്കാൻ ശ്രമിച്ചതായി പരാതി. കുട്ടിയുടെ പിതാവിന്റെ പരാതിയെ തുടർന്ന് സിഐടിയു തൊഴിലാളിക്കെതിരേ നേമം പോലീസ് പോക്സോ നിയമം പ്രകാരം കേസെടുത്തു. ഇയാളെ പോലീസ് കസ്റ്റഡിയിലെടുത്തു. ഇന്ന് അറസ്റ്റ് രേഖപ്പെടുത്തുമെന്ന് അറിയുന്നു. അമ്മ മരിച്ചു പോയതിനാൽ അച്ഛനും കുട്ടിയും മാത്രമാണ് വീട്ടിലുള്ളത്. പീഡന ശ്രമം കുട്ടിയാണ് അച്ഛനെ അറിയിച്ചത്. അടുത്ത ദിവസം നാട്ടുകാരും ബന്ധുക്കളും ചൈൽഡ് ലൈൻ പ്രവർത്തകരെ വിവരമറിയിച്ചതോടെയാണ് സംഭവം പുറത്തറിഞ്ഞത്. ഇതിനിടയിൽ പീഡന വിവരം പോലീസ് അറിയാതെ ഒതുക്കി തീർക്കാനുള്ള ശ്രമങ്ങൾ നടന്നു. ഭരണസ്വാധീനം ഉപയോഗിച്ച് പ്രതിയെ രക്ഷപ്പെടുത്താൻ ശ്രമം നടക്കുന്നതായി ആരോപണമുയർന്നിട്ടുണ്ട്.
Read Moreസോളാർ റിപ്പോർട്ടിന്റെ വിശ്വാസ്യത നഷ്ടപ്പെട്ടു; രാഷ്ട്രീയമായി വേട്ടയാടാനുള്ള ഇടതു സർക്കാരിന്റെ ശ്രമം ഇതോടെ പരാജയപ്പെട്ടെന്ന് ചെന്നിത്തല
തിരുവനന്തപുരം: സോളാർ റിപ്പോർട്ടിൽ നിന്ന് സരിതയുടെ കത്തും ബന്ധപ്പെട്ട പരാമർശങ്ങളും ഹൈക്കോടതി ഒഴിവാക്കിയതോടെ കമ്മീഷൻ റിപ്പോർട്ടിന്റെ വിശ്വാസ്യത നഷ്ടപ്പെട്ടുവെന്ന് പ്രതിപക്ഷ നേതാവ് രമേശ് ചെന്നിത്തല. രാഷ്ട്രീയ നേതാക്കളെ വേട്ടയാടാനുള്ള ഇടതു സർക്കാരിന്റെ ശ്രമം ഈ വിധിയോടുകൂടി പരാജയപ്പെട്ടിരിക്കുകയാണെന്നും ചെന്നിത്തല പറഞ്ഞു.
Read Moreകർണാടകയിലെ പ്രതിഫലനം ചെങ്ങന്നൂരിലുമുണ്ടാകുമെന്ന് ബിജെപി നേതാവ് ഗോപാലകൃഷ്ണൻ
തിരുവനന്തപുരം: കർണാടകയിലെ ബിജെപി മുന്നേറ്റത്തിന്റെ പ്രതിഫലനം ചെങ്ങന്നൂർ ഉപതെരഞ്ഞെടുപ്പിലും ഉണ്ടാകുമെന്ന് ബിജെപി നേതാവ് ബി. ഗോപാലകൃഷ്ണൻ. പ്രധാനമന്ത്രി നരേന്ദ്ര മോദിയുടെ ജനക്ഷേമപ്രവർത്തനങ്ങൾക്ക് അനുകൂലമായാണ് കർണാടകയിൽ ജനങ്ങൾ വോട്ട് നൽകിയതെന്നും അദ്ദേഹം പറഞ്ഞു.
Read Moreവടക്കോട്ടു നോക്കി പുലഭ്യം പറയുന്നവരെ തെക്കോട്ടെടുക്കുന്നു; സിപിഎമ്മിനെ പരിഹസിച്ച് സുരേഷ് ഗോപി
തിരുവനന്തപുരം: സിപിഎമ്മിനെ പരിഹസിച്ച് സുരേഷ് ഗോപി എംപി രംഗത്ത്. വടക്കോട്ടു നോക്കി പുലഭ്യം പറയുന്നവരെ തെക്കോട്ടെടുക്കുന്ന കാലമാണിതെന്ന് അദ്ദേഹം പറഞ്ഞു. ത്രിപുരയിൽ പിടിച്ചുകെട്ടിയിട്ടും സിപിഎമ്മിന്റെ കണ്ണു തുറന്നില്ലെന്നും സുരേഷ് ഗോപി വ്യക്തമാക്കി. കർണാടക തെരഞ്ഞെടുപ്പ് വിജയത്തിന്റെ പശ്ചാത്തലത്തിലായിരുന്നു സുരേഷ് ഗോപിയുടെ പ്രതികരണം.
Read Moreമാറനല്ലൂർ- മലവിള പാലം തകർച്ചയുടെ വക്കിൽ; കണ്ണ് തുറക്കാതെ അധികൃതർ; ഉടൻ നടപടിയുണ്ടായില്ലെങ്കിൽ സമരപരിപാടികളുമായി രംഗത്തിറങ്ങുമെന്നു നാട്ടുകാർ
മാറനല്ലൂർ: ആയിരക്കണക്കിന് വാഹനങ്ങൾ കടന്ന് പോകുന്ന മാറനല്ലൂർ- മലവിള പാലം തകർച്ചയുടെ വക്കിലെത്തിയിട്ടും അധികാരികൾ കണ്ണ് തുറക്കുന്നില്ലെന്നു ആക്ഷേപം.തിരുവനന്തപുരത്ത് നിന്ന് മലയോര മേഖലയായ അന്പൂരിയിലുൾപ്പെടെ എത്താവുന്ന ദൂരം ഏറെ കുറവുള്ള മറനല്ലൂർ -അരുവിക്കര റോഡിലാണ് മലവിളപാലം സ്ഥിതിചെയ്യുന്നത്. രണ്ടു നിയോജക മണ്ഡലങ്ങളെ തമ്മിൽ ബന്ധിപ്പിക്കുന്ന പ്രധാന പാലമായിട്ടും പാലത്തിനോടുള്ള അവഗണന തുടരുകയാണ് .കഴിഞ്ഞ സർക്കാരിന്റെ കാലത്ത് പാലംപൊളിച്ച് പണിയുന്നതിന് തുക അനുവദിച്ചെങ്കിലും പണിതുടങ്ങാനായില്ല. തുടർന്ന് വന്ന സർക്കാർ രണ്ടുബജറ്റുകളിലായി നാലു കോടിയോളം രൂപ അനുവദിച്ചെങ്കിലും നിർമാണം മാത്രം തുടങ്ങിയില്ല. നിരവധി വാഹനങ്ങൾ റോഡിലൂടെ കടന്ന് പോകുന്നുണ്ടെങ്കിലും ഒരേ സമയം രണ്ടു വഹനങ്ങൾക്ക് പാലത്തിലൂടെ സഞ്ചരിക്കാൻ സാധ്യമല്ല. പാലത്തിന്റെ വീതിക്കുറവ് കൊണ്ട് കെഎസ്ആടിസി ബസുകളുൾപ്പെടെ സംരക്ഷണ ഭിത്തികളിൽ പലതവണ ഇടിച്ചതായി നാട്ടുകാർ പറയുന്നു. മാറനല്ലൂർ പ്ലാവൂർ റോഡിന്റെ വികസനം കൂടി ഉണ്ടായപ്പോൾ റോഡ് ഉയർന്ന് രണ്ട് അടിയോളം പൊങ്ങി.…
Read Moreതരൂരിനെതിരായ കേസ് രാഷ്ട്രീയ പ്രേരിതം; കേന്ദ്ര സർക്കാരിന്റെ ഇടപെടലാണ് പിന്നിലെന്ന് രമേശ് ചെന്നിത്തല
തിരുവനന്തപുരം: സുനന്ദ പുഷ്കറിന്റെ മരണവുമായി ബന്ധപ്പെട്ട കേസിൽ ശശി തരൂർ എംപിയെ പ്രതി ചേർത്ത ഡൽഹി പോലീസിന്റെ നടപടി രാഷ്ട്രീയ പ്രേരതമാണെന്ന് പ്രതിപക്ഷ നേതാവ് രമേശ് ചെന്നിത്തല. കേന്ദ്ര സർക്കാരിന്റെ ഇടപെടലാണ് തരൂരിനെ പ്രതിയാക്കാൻ ഡൽഹി പോലീസിന് പ്രേരണയായത്. വ്യാജ കേസാണ് പോലീസ് രജിസ്റ്റർ ചെയ്തിരിക്കുന്നതെന്നും കേസ് നിയമപരമായും രാഷ്ട്രീയപരമായും നേരിടുമെന്നും രമേശ് ചെന്നിത്തല കൂട്ടിച്ചേർത്തു.
Read Moreമുങ്ങിത്താണ അനുജനെ രക്ഷിച്ച് കരയ്ക്കെത്തിച്ചെങ്കിലും വിനോജ് വെള്ളത്തിൽ മുങ്ങിത്താഴുകയായിരുന്നു; നെയ്യാൽ മുങ്ങിമരിച്ച യുവാവിന്റെ മൃതദേഹം ഇന്ന് ബന്ധുക്കൾക്ക് വിട്ടുകൊടുക്കും
നെയ്യാറ്റിൻകര: നെയ്യാറിൽ മുങ്ങിമരിച്ച യുവാവിന്റെ മൃതദേഹം പോസ്റ്റുമോർട്ടത്തിനു ശേഷം ഇന്ന് ബന്ധുക്കൾക്ക് വിട്ടുകൊടുക്കുമെന്ന് നെയ്യാറ്റിൻകര പോലീസ് അറിയിച്ചു. കായംകളം തൃക്കുന്നപ്പുഴ ആറാട്ടുപുഴയിൽ വലിയഴീക്കൽപറന്പിൽ ധർമ്മരാജിന്റെയും ബിന്ദുവിന്റെയും മകൻ വിനോജ് (20) ആണ് ഇന്നലെ മാന്പഴക്കരയ്ക്കു സമീപം നെയ്യാറിലെ കടവിൽ മരണമടഞ്ഞത്. ഹരിപ്പാട് ജി- ടെക് കോളേജിൽ കംപ്യൂട്ടർ സോഫ്റ്റ് വെയർ വിദ്യാർഥിയായിരുന്നു വിനോജ്. സുഹൃത്ത് സ്കൂട്ടർ മെക്കാനിക്കായ സുജിത്തുമൊരുമിച്ച് പെരുങ്കടവിളയ്ക്ക് സമീപം തേരണിയിൽ വന്നതാണ് വിനോജും അനുജൻ ധനോജും. കായംകുളം സ്വദേശിയായ സുജിത്തിന്റെ ഭാര്യാഗൃഹം തേരണിയിലാണ്. ഗർഭിണിയായ തന്റെ ഭാര്യ മഞ്ജുവിനെ സന്ദർശിച്ച ശേഷം സുജിത്ത് കൂട്ടുകാരെയും കൂട്ടി നെയ്യാറിലെ കടവിൽ കുളിക്കാൻ പോയി. ഇവരോടൊപ്പം അരുണ്, ജെസിൻ എന്നീ സുഹൃത്തുക്കളുമുണ്ടായിരുന്നു. മാന്പഴക്കര കടവിലിറങ്ങിയ ധനോജ് ഒഴുക്കിൽ മുങ്ങിത്താഴുന്നത് കണ്ടാണ് വിനോജ് നദിയിലേയ്ക്ക് ചാടിയത്. അനുജനെ സാഹസികമായി കരയിലെ പാറപ്പുറത്ത് വലിച്ചു കയറ്റിയെങ്കിലും വിനോജ് വെള്ളത്തിൽ താഴ്ന്നു.…
Read Moreമുൻ ഡിവൈഎസ്പിയുടെ വെളിപ്പെടുത്തൽ ഫസൽ വധക്കേസ് പുനരന്വേഷിക്കണമെന്ന് ചെന്നിത്തല
തിരുവനന്തപുരം: തലശേരി മുഹമ്മദ് ഫസലിനെ കൊലപ്പെടുത്തിയ കേസ് പുനരന്വേഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. കേസ് അന്വേഷണം അവസാനിപ്പിക്കാൻ കോടിയേരി ബാലകൃഷ്ണൻ ഇടപെട്ടെന്ന മുൻ ഡിവൈഎസ്പി കെ.രാധാകൃഷ്ണന്റെ വെളിപ്പെടുത്തൽ നിസാരമല്ലെന്നും അദ്ദേഹം വാർത്താ സമ്മേളനത്തിൽ പറഞ്ഞു. ഫസൽ വധക്കേസിൽ അന്വേഷണം നടന്നിരുന്നെങ്കിൽ സിപിഎമ്മുകാർ പ്രതികളാവുമായിരുന്നു. അതിനാലാണ് അന്വേഷണം അവസാനിപ്പിക്കാൻ കോടിയേരി ആവശ്യപ്പെട്ടതെന്നും അദ്ദേഹം കുറ്റപ്പെടുത്തി. വരാപ്പുഴ കേസിലെ സിബിഐ അന്വേഷണത്തെ സർക്കാർ എതിർക്കുന്നത് സിപിഎം നേതാക്കൾ പ്രതികളാകുമെന്ന ഭയമുള്ളതിനാലാണെന്നും ചെന്നിത്തല പറഞ്ഞു.
Read Moreപോലീസ് നടപ്പാക്കുന്നത് സർക്കാർ നയമല്ല; പോലീസിനെതിരെ രൂക്ഷ വിമർശനവുമായി മന്ത്രി ജി. സുധാകരൻ
തിരുവനന്തപുരം: പോലീസിനെതിരെ രൂക്ഷ വിമർശനവുമായി മന്ത്രി ജി. സുധാകരൻ രംഗത്ത്. പോലീസ് നടപ്പാക്കുന്നത് സർക്കാർ നയമല്ലെന്ന് സുധാകരൻ. ഒരു വ്യക്തിയെ തല്ലിക്കൊല്ലാൻ പോലീസിന് അധികാരമില്ല. ഇതിൽ ശക്തമായ നടപടി എടുക്കണമെന്നും ശ്രീജിത്തിന്റെ അമ്മയുടെ ആരോപണം പാർട്ടി അന്വേഷിക്കട്ടെയെന്നും സുധാകരൻ പറഞ്ഞു. ശ്രീജിത്തിനെ സിപിഎം കുടുക്കിയതാണെന്ന് അമ്മ ശ്യാമള ആരോപിച്ചിരുന്നു. പ്രിയ ഭരതന്റെ നേതൃത്വത്തിലാണ് പ്രതിപട്ടിക തയാറാക്കിയതെന്നും പ്രിയ ഭരതന്റെ വീട്ടിൽ ഗൂഢാലോചന നടന്നതെന്നും ശ്യാമള ആരോപിച്ചിരുന്നു.
Read More