തിരുവനന്തപുരം: സ്വകാര്യമെഡിക്കൽ കോളജുകൾ ചട്ടം ലംഘിച്ച് നടത്തിയ പ്രവേശനം നിയമസഭ സാധൂകരിച്ച സംഭവത്തിൽ കോൺഗ്രസ് നിലപാടിനെ രൂക്ഷമായി വിമർശിച്ച് യൂത്ത് കോൺഗ്രസ്. വിദ്യാഭ്യാസ കൊള്ളയ്ക്കു നിയമസഭ കൂട്ടുനിന്നത് ശരിയായില്ലെന്ന് യൂത്ത് കോൺഗ്രസ്. വിദ്യാഭ്യാസ കച്ചവടക്കാരുടെ താൽപര്യത്തിനാണ് ഭരണ-പ്രതിപക്ഷ കക്ഷികൾ ഒന്നിച്ചത്. വിദ്യാർഥികളുടെ ഭാവിപറഞ്ഞ് സീറ്റ് കച്ചവടത്തിന് ഒത്താശ ചെയ്തുവെന്ന് യൂത്ത് കോൺഗ്രസ് സംസ്ഥാന പ്രസിഡന്റ് ഡീൻ കുര്യാക്കോസ് പറഞ്ഞു. പാലക്കാട് കരുണ, കണ്ണൂർ കോളജുകൾ ചട്ടം ലംഘിച്ച് നടത്തിയ പ്രവേശനം സാധൂകരിക്കാനാണ് നിയമസഭയിൽ ഭരണ-പ്രതിപക്ഷ കക്ഷികൾ ഒറ്റക്കെട്ടായത്. ചട്ടം ലംഘിച്ച് നടത്തിയ പ്രവേശനം സാധൂകരിക്കാനുള്ള ബിൽ നിയമസഭ ഐകകണ്ഠ്യേനെയാണ് പാസാക്കിയത്. എംസിഐ അസാധുവാക്കിയ 180 വിദ്യാർഥികളുടെ പ്രവേശനത്തിനാണ് നിയമസാധുത നൽകിയത്. പ്രതിപക്ഷവും ബില്ലിനെ പിന്തുണച്ചു. അതേസമയം, ബില്ലിന്റെ കാര്യത്തിൽ വി.ടി. ബൽറാം സഭയിൽ എതിർപ്പ് ഉന്നയിച്ചു. ബിൽ സ്വകാര്യ മാനേജുമെന്റുകളെ സഹായിക്കാനാണെന്ന് ബൽറാം ആരോപിച്ചു. എന്നാൽ പ്രതിപക്ഷ…
Read MoreCategory: TVM
ഓഖി ദുരന്തം: മരിച്ചവരുടെ കുടുംബങ്ങൾക്ക് അദാനി ഗ്രൂപ്പ് അഞ്ചുലക്ഷം ധനസഹായം നൽകും
തിരുവനന്തപുരം: ഓഖി ദുരന്തത്തിൽ മരിച്ചവരുടെ കുടുംബങ്ങൾക്ക് അഞ്ച് ലക്ഷം രൂപ വീതം ധനസഹായം നൽകുമെന്ന് അദാനി ഗ്രൂപ്പ് അറിയിച്ചു. വിഴിഞ്ഞം രാജ്യാന്തര തുറമുഖ കന്പനിയുടെ പേരിലാണ് തുക നൽകുന്നത്. അദാനി പോർട്സ് സിഇഒ കരണ് അദാനി മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയിലാണ് ഇക്കാര്യം അറിയിച്ചത്.
Read Moreജോയ്സ് ജോർജ് എംപി ഭൂമി കൈയേറിയിട്ടില്ല; പരമ്പരാഗതമായി ലഭിച്ച ഭൂമിയാണ് എംപിക്കുള്ളതെന്ന് ന്യായീകരണവുമായി റവന്യൂമന്ത്രി
തിരുവനന്തപുരം: കൊട്ടാക്കന്പൂർ ഭൂമി കൈയേറ്റ വിഷയത്തിൽ ഇടുക്കി എംപി ജോയ്സ് ജോർജിനെ ന്യായീകരിച്ച് റവന്യൂമന്ത്രി ഇ. ചന്ദ്രശേഖരൻ. ജോയ്സ് ജോർജ് ഭൂമി കൈയേറിയിട്ടില്ലെന്നും പരന്പരാഗതമായി ലഭിച്ച ഭൂമിയാണ് അദ്ദേഹത്തിന്റേതെന്നും മന്ത്രി നിയമസഭയിൽ പറഞ്ഞു. ഹിരസണിന്റേതടക്കം വൻകിട അനധികൃത കൈയേറ്റങ്ങൾ ഒഴിപ്പിക്കുമെന്നും മന്ത്രി കൂട്ടിച്ചേർത്തു. ജോയ്സ് ജോർജിനെതിരേ ചിലർ രാഷ്ട്രീയമായി ദുരാരോപണം ഉന്നയിക്കുകയാണെന്ന് മുഖ്യമന്ത്രി പിണറായി വിജയനും പറഞ്ഞു.
Read Moreഇന്ധന നികുതി കുറയ്ക്കില്ലെ; ഇന്ധനവില കൂടുമ്പോഴൊന്നും വില കുറയ്ക്കുന്ന കീഴ്വഴക്കം സംസ്ഥാനത്തിനില്ലെന്ന് തോമസ് ഐസക്
തിരുവനന്തപുരം: ഇന്ധനവില വർധനവിലും പെട്രോളിനും ഡീസലിനുമുള്ള നികുതി കുറയ്ക്കില്ലെന്നു ധനമന്ത്രി തോമസ് ഐസക് നിയമസഭയിൽ പറഞ്ഞു. പ്രതിപക്ഷത്തിന്റെ അടിയന്തരപ്രമേയ നോട്ടീസിനു മറുപടിയായാണ് മന്ത്രി ഇക്കാര്യം പറഞ്ഞത്. ഇന്ധനവില കൂടുന്പോഴൊന്നും വില കുറയ്ക്കുന്ന കീഴ്വഴക്കം സംസ്ഥാനത്തില്ല. യുഡിഎഫ് സർക്കാരിന്റെ കാലത്ത് നാലു തവണ നികുതി കുറച്ചപ്പോൾ 13 തവണയാണ് ഇന്ധന വില കൂട്ടിയത്. യുപിഎ സർക്കാരിന്റെ കാലം കഴിഞ്ഞ് ഒരു ഘട്ടത്തിലും യുഡിഎഫ് സർക്കാർ നികുതി കുറച്ചില്ലെന്നും ധനമന്ത്രി കൂട്ടിച്ചേർത്തു. ഇന്ധന തീരുവ ഉയർത്തുന്ന കേന്ദ്ര സർക്കാർ നടപടി ബാങ്ക് കൊള്ളയ്ക്ക് തുല്യമെന്നും ധനമന്ത്രി പറഞ്ഞു. നേരത്തേ അടിയന്തരപ്രമേയ നോട്ടീസ് അവതരിപ്പിച്ച തിരുവഞ്ചൂർ രാധാകൃഷ്ണൻ കിഫ്ബിക്ക് പണമുണ്ടാക്കാനാണ് സംസ്ഥാന സർക്കാർ ഇന്ധന നികുതി ഒഴിവാക്കാത്തതെന്ന് ചൂണ്ടിക്കാട്ടിയിരുന്നു. മന്ത്രിയുടെ മറുപടിയെ തുടർന്ന് സ്പീക്കർ അടിയന്തരപ്രമേയത്തിന് അനുമതി നിഷേധിച്ചു. ഇന്ധന നികുതി കുറയ്ക്കില്ലെന്ന ധനമന്ത്രിയുടെ തീരുമാനം കച്ചവടക്കാരന്റെ മനോഭാവമാണെന്ന് പ്രതിപക്ഷ നേതാവ്…
Read Moreഎൽഡി ക്ലാർക്ക്: പുതിയ റാങ്ക് പട്ടികയിൽ 32,573 പേർ; പട്ടികയ്ക്ക് പിഎസ്സിയുടെ അംഗീകാരം; പഴയപട്ടിക റദ്ദായി
തിരുവനന്തപുരം: ലോവർ ഡിവിഷൻ ക്ലാർക്ക് തസ്തികയിലേക്കു പിഎസ്സി നടത്തിയ പരീക്ഷയുടെ പുതിയ റാങ്ക് പട്ടികയിൽ 32,573 പേർ. 13,768 പേർ പ്രാഥമിക പട്ടികയിലും 18,805 പേർ ഉപ പട്ടികയിലുമാണ് ഇടം നേടിയത്. പുതിയ റാങ്ക് പട്ടിക വന്നതോടെ പഴയ റാങ്ക് പട്ടിക അപ്രസക്തമായി. പുതിയ പട്ടികയ്ക്ക് ഇന്നലെ ചേർന്ന പിഎസ്സി യോഗം അംഗീകാരം നൽകി. ഇടുക്കി ജില്ലയിലെ റാങ്ക് പട്ടിക പ്രസിദ്ധീകരിക്കുന്നതു വൈകും. ജില്ലയിൽ നടത്തിയ പരീക്ഷയുമായി ബന്ധപ്പെട്ടു ഹൈക്കോടതിയിൽ കേസ് നിലനിൽക്കുന്നതിനാലാണിത്. പുതിയ റാങ്ക് പട്ടികയ്ക്ക് ഏപ്രിൽ രണ്ടു മുതൽ മൂന്നു വർഷം പ്രാബല്യമുണ്ട്. റാങ്ക് പട്ടികയലും ഉപ പട്ടികയിലും ഉൾപ്പെട്ട ഉൾപ്പെട്ട ഉദ്യോഗാർഥികളുടെ എണ്ണം ചുവടെ: (ഉപ പട്ടികകളിലെ ഉദ്യോഗാർഥികളുടെ എണ്ണം ബ്രാക്കറ്റിൽ). തിരുവനന്തപുരം- 1736 (1882), കൊല്ലം-978 (1350), പത്തനംതിട്ട-682 (1028), ആലപ്പുഴ-809 (1254), കോട്ടയം-794 (1238), എറണാകുളം-1216 (1819), തൃശൂർ-1534 (1919),…
Read Moreഅവർ കളിച്ചു വളരട്ടെ; മധ്യവേനലവധി ക്ലാസ് സ്കൂളുകളിൽ നടത്തേണ്ടെന്നു പൊതുവിദ്യാഭ്യാസ വകുപ്പ്
തിരുവനന്തപുരം: മധ്യവേനലവധിക്കാലത്തു സ്കൂളുകളിൽ ക്ലാസ് നടത്തേണ്ടെന്ന് പൊതുവിദ്യാഭ്യാസ വകുപ്പ്. മാർച്ചിൽ അധ്യയന വർഷം അവസാനിക്കണം എന്ന ചട്ടം നിലനിൽക്കെ സംസ്ഥാനത്തെ ചില സ്കൂളുകൾ അവധിക്കാല ക്ലാസുകൾ നടത്തുന്നതിനായി നടപടികൾ സ്വീകരിച്ചതിനാലാണ് തീരുമാനമെന്ന് പൊതുവിദ്യാഭ്യാസ വകുപ്പ് അഡീഷണൽ ഡയറക്ടർ ജെസി ജോസഫ് അറിയിച്ചു. എല്ലാ സിലബസിലുമുള്ള സ്കൂളുകൾക്കും ഇതു ബാധകമാണ്. കുട്ടികളുടെ ശാരീരികവും മാനസികവുമായ വളർച്ചയ്ക്ക് അവധി ദിനങ്ങൾ വളരെ പ്രധാനമാണ്. തുടർച്ചയായുള്ള പഠനം അവരെ പ്രതികൂലമായി ബാധിക്കും. മാത്രമല്ല ഏപ്രിൽ, മേയിൽ കടുത്ത ചൂടും ജലക്ഷാമവും കുട്ടികളിൽ പല ആരോഗ്യ പ്രശ്നങ്ങൾക്കും ഇടവരുത്തും. ഇവയെല്ലാം കണക്കിലെടുത്താണു തീരുമാനം. നിയമവിരുദ്ധമായി ക്ലാസുകൾ നടത്തുന്ന സ്കൂൾ അധികാരികൾ, പ്രധാനാധ്യാപകർ, അധ്യാപകർ എന്നിവർക്കെതിരേ കർശന നടപടികളുണ്ടാകും. ഈ സമയത്ത് ക്ലാസിലേക്കു പോകുന്ന കുട്ടികൾക്ക് സ്കൂളിലോ വഴിയിലോ ഉണ്ടാകുന്ന പ്രശ്നങ്ങളുടെ പൂർണ ഉത്തരവാദിത്വം സ്കൂൾ അധികൃതർക്കാണ്. അവധിക്കാല ക്യാമ്പുകൾ നടത്തുന്നതിനുള്ള അനുമതി തേടിയ…
Read Moreലുക്കൗട്ട് നോട്ടീസിനും തടയാനായില്ല; റേഡിയോ ജോക്കിയുടെ കൊലപാതകത്തിലെ മുഖ്യപ്രതി വ്യാജ പാസ്പോർട്ട് ഉപയോഗിച്ച് വിദേശത്തേക്ക് കടന്നെന്ന് പോലീസ്
തിരുവനന്തപുരം: റേഡിയോ ജോക്കിയുടെ കൊലപാതകത്തിലെ മുഖ്യപ്രതി അലിബായി വ്യാജ പാസ്പോർട്ട് ഉപയോഗിച്ച് വിദേശത്തേക്ക് കടന്നതായി പോലീസ് അറിയിച്ചു. ഇതുമായി ബന്ധപ്പെട്ട് വിമാനത്താവളത്തിലെ രേഖകൾ പോലീസ് പരിശോധിക്കുകയാണ്. കേസിലെ മറ്റൊരു പ്രതി അപ്പുണ്ണിക്കായും തെരച്ചിൽ തുടരുകയാണ്. വ്യാജപാസ്പോര്ട്ട് ഉപയോഗിച്ച് കാഠ്മണ്ഡു വഴി ഇരുവരും ഖത്തറിലേക്ക് കടന്നെന്നാണ് അന്വേഷണസംഘത്തിന് വിവരം ലഭിച്ചത്. വിദേശത്തു നിന്നും നാട്ടിൽ എത്തി കൊലപാതകത്തിൽ പങ്കാളികളായെന്ന സംശയത്തെ തുടർന്ന് ഇവർക്കെതിരേ ലുക്കൗട്ട് നോട്ടീസ് പോലീസ് പുറത്തിറക്കിയിരുന്നു. കായംകുളം, എറണാകുളം എന്നിവിടങ്ങളിലുള്ള ക്വട്ടേഷൻ സംഘങ്ങൾ ആണ് കൊലപാതകത്തിനു പിന്നിലെന്ന നിഗമനവുമായാണ് പോലീസ് അന്വേഷണം പുരോഗമിക്കുന്നത്. കഴിഞ്ഞ ചൊവ്വാഴ്ച പുലർച്ചെ രണ്ടോടെയാണ് റേഡിയോ ജോക്കി രാജേഷിനെ അക്രമി സംഘം മടവൂർ ജംഗ്ഷനു സമീപത്തു വച്ചു വെട്ടിക്കൊലപ്പെടുത്തിയത്.
Read Moreകൂട്ടിക്കൊണ്ടുപോയത് കള്ളംപറഞ്ഞ്! സ്കൂള് വിദ്യാര്ഥിനിയായ ദളിത് പെണ്കുട്ടിയെ പീഡിപ്പിച്ച യുവാവ് അറസ്റ്റില്; ചിറയിന്കീഴ് നടന്ന സംഭവം ഇങ്ങനെ…
ചിറയിൻകീഴ്: സ്കൂൾ വിദ്യാർഥിനിയായ ദളിത് പെണ്കുട്ടിയെ പീഡിപ്പിച്ച കേസിൽ യുവാവ് അറസ്റ്റിൽ. പെരുങ്ങുഴി മുട്ടപ്പലം കൊടുപ്പിൽ മാടൻനടയ്ക്ക് സമീപം കാഞ്ഞിരംവിള വീട്ടിൽ ഉണ്ണി എന്ന് വിളിയ്ക്കുന്ന അഖിൽ (22) ആണ് അറസ്റ്റിലായത്. ഇക്കഴിഞ്ഞ 25ന് വിദ്യാർഥിനിയെ കള്ളം പറഞ്ഞ് കൂട്ടിക്കൊണ്ട് പോയി പ്രതി ലൈംഗികമായി പീഡിപ്പിക്കുകയായിരുന്നുവെന്ന് പോലീസ് പറഞ്ഞു. പീഡനത്തിനിരയായ പെണ്കുട്ടി ഈ വിവരം സ്കൂളിൽ കൂട്ടുകാരിയോട്് പറയുകയും കൂട്ടുകാരി അധ്യാപികയെ അറിയിച്ചതിനെ തുടർന്നാണ് പീഡന വിവരം പുറത്തറിഞ്ഞത്. സ്കൂൾ അധികൃതർ പോലീസിൽ അറിയിച്ചതിനെ തുടർന്ന് ഒളിവിൽ പോയ പ്രതിയെ ആറ്റിങ്ങൽ ഡിവൈഎസ്പി അനിൽകുമാറിന്റെ നേതൃത്വത്തിൽ ആറ്റിങ്ങൽ ഇൻസ്പെക്ടർ അനിൽകുമാർ, ചിറയിൻകീഴ് എസ്ഐ. വി.കെ.ശ്രീജേഷ്, ഗ്രേഡ് എസ്ഐ. വിജയൻനായർ, സീനിയർ സിവിൽ പോലീസ് ഓഫീസർ കർമ്മചന്ദ്രൻ , സിപിഒ ശരത് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read Moreപോലീസിന്റെ ക്രൂരത! മകളുടെ വിവാഹനിശ്ചയ ദിവസം അച്ഛനെ അറസ്റ്റ് ചെയ്ത് പോലീസ് ജയിലിലടച്ചു; സംഭവം തിരുവനന്തപുരത്ത്
തിരുവനന്തപുരം : പ്രവാസിയായ കുടുംബനാഥനെ മകളുടെ വിവാഹനിശ്ചയ ദിവസം അറസ്റ്റ് ചെയ്ത് പാങ്ങോട് പോലീസ്. കഴക്കൂട്ടം കരിമണല് സ്വദേശി ഹക്കീം ബദറുദ്ദീനെയാണ് പാങ്ങോട് പോലീസ് അറസ്റ്റ് ചെയ്ത് ജയിലിലടച്ചത്. ഹക്കീമിന്റെ മകള് ഡോ. ഹര്ഷിതയുടെ വിവാഹ നിശ്ചയ ദിവസമായിരുന്നു പോലീസിന്റെ ക്രൂരത. ഹക്കീമിനൊപ്പം ബന്ധുക്കളായ 24 പേരെയും പോലീസ് അര്ധരാത്രി വരെ സ്റ്റേഷനില് തടഞ്ഞുവച്ചു. ഇതോടെ മകളുടെ വിവാഹ നിശ്ചയം മുടങ്ങി. കഴിഞ്ഞ 16 നാണ് കേസിനാസ്പദമായ സംഭവം നടക്കുന്നത്. മകളുടെ വിവാഹ നിശ്ചയ ചടങ്ങില് പങ്കെടുക്കാനായി വരന്റെ വീട്ടിലേക്ക് പോകുന്നതിനിടെ ഹക്കീമും ബന്ധുക്കളും സഞ്ചരിച്ച വാഹനം പുലിപ്പാറ വളവില് കെഎസ്ആര്ടിസി ബസുമായി ഉരസിയാണ് അപകടമുണ്ടായത്. തുടര്ന്ന് കല്ലറ പാങ്ങോട് പോലീസ് അപകടസ്ഥലത്തെത്തി.വാനിലെ യാത്രക്കാരെയും ബസ് ഡ്രൈവറെയും സ്റ്റേഷനിലേക്ക് കൊണ്ടുപോയി. മകളുടെ വിവാഹ നിശ്ചയമാണെന്നും, ചടങ്ങ് കഴിഞ്ഞതിന് ശേഷം സ്റ്റേഷനില് ഹാജരാകാമെന്നും ഹക്കീം അപേക്ഷിച്ചെങ്കിലും പോലീസുകാര് വഴങ്ങിയില്ല.
Read Moreജില്ലാ ബാങ്കുകളുടെ ലയനത്തിന് റിസർവ് ബാങ്കിന്റെ അനുമതി ഉടൻ ലഭിക്കുമെന്നാണ് പ്രതിക്ഷിക്കുന്നതെന്ന് മന്ത്രി
തിരുവനന്തപുരം: കേരള ബാങ്ക് രൂപീകരികരണത്തിനു മുന്നോടിയായി 14 ജില്ലാ ബാങ്കുകളുടെയും ലയനത്തിന് റിസർവ് ബാങ്കിന്റെ അനുമതി ഉടൻ ലഭിക്കുമെന്നാണ് പ്രതീക്ഷിക്കുന്നതെന്ന് മന്ത്രി കടകംപള്ളി സുരേന്ദ്രൻ നിയമസഭയെ അറിയിച്ചു. യുവാക്കൾ ഇടപാടുകൾക്കായി സഹകരണ ബാങ്കിലേക്കു വരുന്നില്ല. നിലവിൽ സഹകരണ ബാങ്കുകളിൽ 20നും 40നും ഇടയിൽ പ്രായമുള്ള ഇടപാടുകാർ 23 ശതമാനം മാത്രമാണ്. ബാക്കിയുള്ള മുഴുവൻ പേരും 45 വയസിനു മുകളിലുള്ളവരാണ്. ആധുനിക സംവിധാനങ്ങൾ കൊടുക്കാൻ സാധിച്ചാൽ യുവാക്കളെ സഹകരണ ബാങ്കുകളിലേക്ക് ആകർഷിക്കാൻ കഴിയും. ഇത്തരം സൗകര്യങ്ങൾ ലഭ്യമാക്കാനാണ് കേരള ബാങ്ക് രൂപീകരിക്കുന്നതെന്നും കേരള ബാങ്ക് ഇന്നത്തെ കാലത്തിന്റെ ആവശ്യമാണെന്നും, സഹകരണ സംഘം ഭേദഗതി ബില്ലിൽ നടന്ന ചർച്ചകൾക്കുള്ള മറുപടിയിൽ മന്ത്രി പറഞ്ഞു.
Read More