തിരുവനന്തപുരം: മാതൃരാജ്യത്തോടു സ്നേഹമില്ലെങ്കിൽ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ ചൈനയിലേക്കു പോകണമെന്ന് ബിജെപി സംസ്ഥാന അധ്യക്ഷൻ കുമ്മനം രാജശേഖരൻ. ഇന്ത്യ ചൈനയെ വളഞ്ഞിട്ടാക്രമിക്കുന്നു എന്ന കോടിയേരിയുടെ പ്രസ്താവനയോടു പ്രതികരിക്കുകയായിരുന്നു അദ്ദേഹം. ഇന്ത്യ-ചൈന ബന്ധം വഷളായ സമയത്താണ് കോടിയേരി ചൈനയ്ക്ക് അനുകൂലമായ നിലപാട് സ്വീകരിച്ചത്. ഇത് ഗൗരവമുള്ളതാണ്. കോടിയേരിയുടെ പ്രസ്താവന രാജ്യദ്രോഹമാണ്. ഇന്ത്യയോടാണോ ചൈനയോടാണോ കൂറെന്ന് സിപിഎം വ്യക്തമാക്കണം- കുമ്മനം പറഞ്ഞു. ദേശവിരുദ്ധ ശക്തികൾക്ക് കുട പിടിക്കുന്ന കോടിയേരിക്കെതിരേ രാജ്യദ്രോഹക്കുറ്റത്തിനു കേസെടുക്കണമെന്നും ബിജെപി സംസ്ഥാന അധ്യക്ഷൻ ആവശ്യപ്പെട്ടു.
Read MoreCategory: TVM
സോഷ്യൽ മീഡിയ വൈറലാക്കി..! ശ്രീജീവിന്റെ കസ്റ്റഡി മരണത്തിലെ സിബിഐ നിലപാട് പുനപരിശോധിക്കണമെന്ന് ആവശ്യപ്പെട്ട് കേന്ദ്രത്തിന് ചീഫ് സെക്രട്ടറി കത്തയച്ചു
തിരുവനന്തപുരം: നെയ്യാറ്റിൻകര സ്വദേശി ശ്രീജീവിന്റെ കസ്റ്റഡി മരണം സംബന്ധിച്ച കേസ് അന്വേഷണം ഏറ്റെടുക്കാൻ പറ്റില്ലെന്ന സിബിഐ നിലപാട് പുനഃപരിശോധിക്കണമെന്ന് ആവശ്യപ്പെട്ട് സംസ്ഥാന ചീഫ് സെക്രട്ടറി കേന്ദ്ര സർക്കാരിന്റെ പേഴ്സണൽ മന്ത്രാലയത്തിന് കത്തയച്ചു. പാറശാല പോലീസ് സ്റ്റേഷനിൽ രജിസ്റ്റർ ചെയ്ത കസ്റ്റഡി മരണം സംബന്ധിച്ച കേസ് സിബിഐ ഏറ്റെടുക്കണമെന്ന് കഴിഞ്ഞ വർഷം ജൂലൈയിൽ സംസ്ഥാന സർക്കാർ കേന്ദ്രത്തോട് ആവശ്യപ്പെട്ടിരുന്നു. എന്നാൽ, കേസുകളുടെ ബാഹുല്യമുണ്ടെന്നും ശ്രീജീവിന്റെ കേസ് അപൂർവങ്ങളിൽ അപൂർവം എന്ന ഗണത്തിൽ വരുന്നില്ലെന്നും പറഞ്ഞ് സിബിഐ സംസ്ഥാന സർക്കാരിന്റെ അഭ്യർഥന നിരസിക്കുകയായിരുന്നു. ഈ നിലപാട് പുനഃപരിശോധിക്കണമെന്നാണ് സർക്കാർ ഇപ്പോൾ ആവശ്യപ്പെട്ടത്.
Read Moreഐ ലൗ യു ചെല്ലം..! പ്രണയാഭ്യർഥന നിരസിച്ച പെൺകുട്ടിക്കുനേരെ യുവാവിന്റെ ആക്രമണം; മുൻപ് യുവാവ് പെൺകുട്ടിയുടെ വീടിനു സമീപമെത്തി ആത്മഹത്യഭീഷണി മുഴക്കിയിരുന്നു
തിരുവനന്തപുരം: കുമാരപുരം ചെന്നിലോട് സ്വദേശിനിയായ പെണ്കുട്ടിയെ ആക്രമിക്കാൻ ശ്രമിച്ച സംഭവവുമായി ബന്ധപ്പെട്ട് യുവാവിനെ പോലീസ് കസ്റ്റഡിയിലെടുത്തു. കുമാരപുരം സ്വദേശിയാണ് കസ്റ്റഡിയിലായത്. പെണ്കുട്ടിയോട് യുവാവ് നടത്തിയ പ്രണയാഭ്യർഥന നിരസിച്ചതിൽ പ്രകോപിതനായ യുവാവ് കഴിഞ്ഞ 9-ാം തീയതി യുവാവ് ഇവരുടെ വീടിനു സമീപത്തെി പെട്രോളൊഴിച്ച് ആത്മഹത്യാ ഭീഷണി മുഴക്കിയിരുന്നു. ഇതു ഫലിക്കാതെ വന്നതോടെ കഴിഞ്ഞദിവസം കുമാരപുരം ഹയർസെക്കൻഡറി സ്കൂളിലേക്കു പോകുന്ന വഴി പെണ്കുട്ടിയെ വഴിയിൽ തടഞ്ഞുനിർത്തി ഇയാൾ ആക്രമിക്കുകയായിരുന്നുവെന്നാണ് പിതാവ് നൽകിയിരിക്കുന്ന പരാതി. സംഭവത്തിൽ കേസെടുത്ത പോലീസ് അന്വേഷണത്തിനൊടുവിൽ യുവാവിനെ കസ്റ്റഡിയിലെടുക്കുകയായിരുന്നു.
Read Moreഒന്നു ഫോൺ വിളിച്ചിരുന്നെങ്കിൽ..! വീരേന്ദ്രകുമാർ കാട്ടിയതു രാഷ്ട്രീയ വഞ്ചന; മുന്നണി വിടുന്നകാര്യം അറിഞ്ഞത് ചാനലിലൂടെയെന്ന് രമേശ് ചെന്നിത്തല
തിരുവനന്തപുരം: ജെഡി- യു സംസ്ഥാന പ്രസിഡന്റ് എം.പി. വീരേന്ദ്രകുമാർ കാട്ടിയതു രാഷ്ട്രീയ വഞ്ചനയാണെന്നു പ്രതിപക്ഷ നേതാവ് രമേശ് ചെന്നിത്തല പത്രസമ്മേളനത്തിൽ പറഞ്ഞു. മുന്നണി വിടുന്നകാര്യം ഫോണ് ചെയ്തു പറയാനുള്ള മര്യാദപോലും വീരേന്ദ്രകുമാർ കാട്ടിയില്ല. മുന്നണി വിടുന്നകാര്യം അറിഞ്ഞത് ചാനലിലൂടെയാണ്. മുന്നണി വിടുന്നകാര്യം ഫോണിലൂടെയെങ്കിലും പറയാനുള്ള മര്യാദ കാട്ടണമായിരുന്നു. എന്തിനാണ് യുഡിഎഫ് വിടുന്നതെന്നു പറയാനുള്ള രാഷ്ട്രീയ മര്യാദ അദ്ദേഹം കാട്ടണമായിരുന്നു. യുഡിഎഫ് നടത്തിയ പടയൊരുക്കത്തിൽ പാർട്ടി പ്രതിനിധികൾ പങ്കെടുക്കുകയും കോഴിക്കോട് നടന്ന റാലിയിൽ പങ്കെടുത്ത് യുഡിഎഫിന് അനുകൂലമായി പ്രസംഗിക്കുകയും ചെയ്തിരുന്നു. 2009ൽ ലോക്സഭാ സീറ്റുകിട്ടാതെ എകെജി സെന്ററിൽ നിന്നിറങ്ങിയപ്പോൾ രാഷ്ട്രീയ അഭയം നൽകിയത് യുഡിഎഫാണ്. നിയമസഭാ തെരഞ്ഞെടുപ്പിൽ സീറ്റ് നൽകുകയും ഭരണത്തിലെത്തിയപ്പോൾ ഏറ്റവും വലിയ വകുപ്പുകളായ കൃഷിയും പ്രിന്റിംഗ് ആൻഡ് സ്റ്റേഷനറിയും നൽകുകയും ചെയ്തു. ഒമ്പതു കോർപറേഷനുകളും അറുപതോളം ബോർഡ് മെമ്പർ സ്ഥാനങ്ങളും കാലിക്കട്ട് സർവകലാശാലയിൽ സിൻഡിക്കറ്റിൽ…
Read Moreസംസ്ഥാനത്ത് സാമ്പത്തിക പ്രതിസന്ധി രൂക്ഷം; സർക്കാർ ജീവനക്കാർക്ക് ശമ്പളവും പെൻഷനും നൽകുന്നത് ബാധ്യതയാകുന്നുവെന്ന് ഗീതാ ഗോപിനാഥ്
തിരുവനന്തപുരം: സംസ്ഥാനത്ത് സാമ്പത്തിക പ്രതിസന്ധി രൂക്ഷമെന്ന് മുഖ്യമന്ത്രിയുടെ സാമ്പത്തിക ഉപദേഷ്ടാവ് ഗീതാ ഗോപിനാഥ്. സർക്കാർ ജീവനക്കാർക്ക് ശമ്പളവും പെൻഷനും നൽകുന്നത് ബാധ്യതയായിരിക്കുകയാണ്. ടസാമ്പത്തിക നില മെച്ചപ്പെടുത്താൻ സ്വകാര്യ മേഖലയ്ക്ക് കൂടുതൽ പ്രാധാന്യം നൽകണം. അടിസ്ഥാന സൗകര്യ വികസനത്തിൽ സ്വകാര്യ മേഖലയെ പങ്കാളിയാക്കണമെന്നും ഗീതാ ഗോപിനാഥ് പറഞ്ഞു.
Read Moreജെഡിയു വരട്ടെ കേരള കോൺഗ്രസ്എം അവിടെ നിൽക്കട്ടെ..! ജെഡിയുവിനെ ഇടതുമുന്നണിയിലേക്ക് സ്വാഗതം ചെയ്ത് സിപിഐ
തിരുവനന്തപുരം: ജെഡിയുവിനെ ഇടതുമുന്നണിയിലേക്ക് സ്വാഗതം ചെയ്ത് സിപിഐ സംസ്ഥാന സെക്രട്ടറി കാനം രാജേന്ദ്രൻ. മുന്നണി വിട്ടുപോയവരെ തിരികെ എത്തിക്കണമെന്നത് എൽഡിഎഫ് നയമാണെന്ന് അദ്ദേഹം പറഞ്ഞു. ജെഡിയുവിന് എൽഡിഎഫിലേക്ക് സ്വാഗതം. എന്നാൽ കേരള കോൺഗ്രസ് എമ്മിന്റെ കാര്യത്തിൽ നിലപാടിൽ മാറ്റമില്ലെന്നും കാനം പറഞ്ഞു.
Read Moreഒരിറ്റുവെള്ളത്തിനായി നെട്ടോട്ടമോടേണ്ടിവരും..! സംസ്ഥാനത്ത് ഇക്കുറിയും വരൾച്ചാ സാധ്യത തള്ളാനാവില്ലെന്നു വിലയിരുത്തൽ
തിരുവനന്തപുരം: സംസ്ഥാനത്തു വേനൽക്കാലത്തെ വരൾച്ചാ സാധ്യത തള്ളാനാവില്ലെന്നു വിലയിരുത്തൽ. ജല വിഭവ മന്ത്രി മാത്യു ടി.തോമസിന്റെ അധ്യക്ഷതയിൽ ചേർന്ന ഉന്നതതല യോഗത്തിലാണ് ഇതു സംബന്ധിച്ച് ചർച്ച നടന്നത്. എന്നാൽ, കഴിഞ്ഞ വർഷത്തെ പോലെ രൂക്ഷമായ വരൾച്ചയ്ക്കു സാധ്യതയില്ല. 20 അണക്കെട്ടുകളിൽ കഴിഞ്ഞ വർഷം ഇതേ സമയത്തുള്ളതിനേക്കാൾ 66 ശതമാനം അധികം വെള്ളമുണ്ട്. ഭൂജല വകുപ്പിന്റെ 871 നിരീക്ഷണ കിണറുകളിൽ കഴിഞ്ഞ വർഷം ഈ സമയത്ത് ഉണ്ടായിരുന്നതിനെക്കാൾ ഒന്നു മുതൽ മൂന്നു മീറ്റർ ജലനിരപ്പ് ഉയർന്നു നിൽക്കുന്നു. കഴിഞ്ഞ 10 വർഷത്തെ കണക്കെടുക്കുന്പോൾ ഈ കിണറുകളിലെ ജലനിരപ്പ് കുറവാണ്. ഈ സാഹചര്യത്തിലാണു വരൾച്ചാ സാധ്യത തള്ളാത്തതെന്നും യോഗം വിലയിരുത്തി. ഫെബ്രുവരിയിൽ വീണ്ടും യോഗം ചേർന്ന് സ്ഥിതി ഗതികൾ വിലയിരുത്തും. സംസ്ഥാനത്തെ വടക്കൻ ജില്ലകളിൽ അടക്കം കിണറുകൾ വറ്റിയതായി പരാതി ഉയർന്ന സാഹചര്യത്തിലാണു ജല ലഭ്യത വിലയിരുത്തുന്നതിനു യോഗം വിളിച്ചത്.
Read Moreമുഖ്യമന്ത്രിയുടെ യാത്രാച്ചെലവ് നൽകേണ്ട ബാധ്യത സിപിഎമ്മിനില്ല; കോൺഗ്രസിലെ ആഭ്യന്തര പ്രശ്നങ്ങൾ പരിഹരിക്കാൻ ഉമ്മൻ ചാണ്ടിയും ചെന്നിത്തലയും ഡൽഹിക്ക് പോയ ചെലവുകൾ വെളിപ്പെടുത്തണമെന്ന് എം.എം മണി
തിരുവനന്തപുരം: മുഖ്യമന്ത്രിയുടെ ഹെലികോപ്റ്റർ യാത്രയുടെ ചെലവ് നൽകേണ്ട ബാധ്യത സിപിഎമ്മിനില്ലെന്ന് മന്ത്രി എം.എം മണി. യാത്രയുടെ പണം നൽകേണ്ടത് സംസ്ഥാന സർക്കാരാണ്. കോൺഗ്രസിലെ ആഭ്യന്തര പ്രശ്നങ്ങൾ പരിഹരിക്കാൻ ഉമ്മൻ ചാണ്ടിയും ചെന്നിത്തലയും കഴിഞ്ഞ അഞ്ചു വർഷം ഡൽഹിക്കുപോയതിന്റെ ചെലവുകൾ വെളിപ്പെടുത്തണമെന്നും അദ്ദേഹം ആവശ്യപ്പെട്ടു. മുഖ്യമന്ത്രിയുടെ ഹെലികോപ്റ്റർ യാത്രയുടെ ചെലവ് പാർട്ടി നൽകേണ്ടതില്ലെന്ന് സിപിഎം സംസ്ഥാന സെക്രട്ടേറിയറ്റ് തീരുമാനിച്ചിരുന്നു. മുഖ്യമന്ത്രിയുടെ യാത്രയുമായി ബന്ധപ്പെട്ട് നിയമവിരുദ്ധമായി ഒന്നും നടന്നിട്ടില്ല. മുഖ്യമന്ത്രി നടത്തിയത് ഔദ്യോഗിക യാത്രയാണ്. യാത്രയ്ക്കു ചെലവായ പണം പൊതുഭരണവകുപ്പിന്റെ ഫണ്ടിൽനിന്നെടുക്കാൻ തീരുമാനിച്ചതായും മന്ത്രി എ.കെ. ബാലൻ പറഞ്ഞു.
Read Moreപാട്ടാണ് പ്രശ്നം! വിജയ്, സൂര്യ ആരാധകര് തമ്മില് കാട്ടാക്കടയില് പൊരിഞ്ഞയടി; കമ്പിപ്പാര കൊണ്ട് അടിയേറ്റ് വിജയ് ആരാധകന് മെഡിക്കല് കോളജില്
കാട്ടാക്കട: തമിഴ് താരങ്ങളുടെ ആരാധകർ എറ്റുമുട്ടി, യുവാവിന് ഗുരുതരപരിക്ക്. വിജയ്, സൂര്യ ആരാധകർ തമ്മിലാണ് ഏറ്റുമുട്ടിയത്. സൂര്യ ആരാധകനായ വിളപ്പിൽശാല കാരോട് കരിമരത്തിൻമൂട് വീട്ടിൽ ഷിജു (22) വിനാണ് തലയ്ക്ക് ഗുരുതരമായി പരിക്കേറ്റത്. വിളപ്പിൽശാല ചെറുകോട് ജംഗ്ഷനിലാണ് കഴിഞ്ഞ ദിവസം രാത്രി ഇരുവിഭാഗത്തെയും ആരാധകർ തമ്മിൽ ഏറ്റുമുട്ടിയത്. ചെറുകോട് ജംഗ്ഷനിൽ നാട്ടുകാർ ചേർന്ന് കൊച്ചു കുട്ടികളുടെ കലാപരിപാടികൾ സംഘടിപ്പിച്ചിരുന്നു. പരിപാടിക്ക് ശേഷം സൂര്യ അഭിനയിച്ച സിനിമയിലെ പാട്ടുകളിട്ട് ഷിജുവും സംഘവും നൃത്തം ചെയ്തു. ഈ സമയം വിജയ് ഫാൻസുകാരായ ഇരുപതോളം പേർ വിജയ് അഭിനയിച്ച സിനിമയിലെ പാട്ടിടണമെന്ന ആവശ്യവുമായി രംഗത്തെത്തി. ഇത് സൂര്യ ഫാൻസുകാർ അംഗീകരിച്ചില്ല. തുടർന്നു നടന്ന വാക്കുതർക്കം കൈയാങ്കളിയിലെത്തി. ഇതിനിടെ വിജയ് ആരാധകരിലൊരാൾ കമ്പിപ്പാര കൊണ്ട് ഷിജുവിന്റെ തലയ്ക്കടിച്ചു. മെഡിക്കൽ കോളജിൽ പ്രവേശിപ്പിച്ച ഷിജുവിന് അടിയന്തിര ശസ്ത്രക്രിയ നടത്തിയാണ് ജീവൻ രക്ഷിക്കാനായത്. അപകടനില തരണം…
Read Moreമുഖ്യമന്ത്രിക്ക് ഉമ്മൻ ചാണ്ടിയുടെ മറുപടി; പാർട്ടി യോഗത്തിൽ പോകാൻ താൻ ദുരന്ത നിവാരണ ഫണ്ട് ഉപയോഗിച്ചില്ല
തിരുവനന്തപുരം: ദുരന്തനിവാരണ ഫണ്ട് ഉപയോഗിച്ച് താൻ ഹെലിക്കോപ്റ്റർ യാത്ര നടത്തിയെന്ന മുഖ്യമന്ത്രി പിണറായി വിജയന്റെ ആരോപണത്തിനു മറുപടിയുമായി മുൻ മുഖ്യമന്ത്രി ഉമ്മൻ ചാണ്ടി. പാർട്ടി യോഗത്തിൽ പോകാൻ താൻ ദുരന്ത നിവാരണ ഫണ്ട് ഉപയോഗിച്ചിട്ടില്ലെന്നും നിയമപരമായി മാത്രമേ പ്രവർത്തിച്ചിട്ടുള്ളുവെന്നും ഉമ്മൻ ചാണ്ടി പ്രതികരിച്ചു. നേരത്തെ, ഉമ്മൻ ചാണ്ടി മുഖ്യമന്ത്രിയായിരിക്കെ ദുരന്തനിവാരണ ഫണ്ടിൽനിന്നു പണം ചെലവഴിച്ച് ഹെലിക്കോപ്റ്റർ യാത്ര നടത്തിയിരുന്നെന്നു മുഖ്യമന്ത്രി പിണറായി വിജയൻ ആരോപിച്ചിരുന്നു. ഹെലിക്കോപ്റ്റർ യാത്രയ്ക്ക് ദുരന്ത നിവാരണ ഫണ്ടിൽനിന്നു പണം നൽകാൻ നിർദേശിച്ചത് വിവാദമായതിന്റെ പശ്ചാത്തലത്തിലായിരുന്നു മുഖ്യമന്ത്രിയുടെ പ്രതികരണം. സിപിഎം തൃശൂർ ജില്ലാ സമ്മേളനത്തിൽനിന്നു തിരുവനന്തപുരത്തേക്കും തിരികെ മടങ്ങാനുമാണ് മുഖ്യമന്ത്രി ഹെലികോപ്റ്റർ ഉപയോഗിച്ചത്. ഓഖി ദുരിതബാധിതരെ സന്ദർശിക്കാനെത്തിയ കേന്ദ്രസംഘവുമായുള്ള കൂടിക്കാഴ്ചയും അന്നു നിശ്ചയിച്ചിരുന്നു. തിരുവനന്തപുരത്ത് എത്തിയ മുഖ്യമന്ത്രി മണിക്കൂറുകൾക്കുള്ളിൽ തൃശൂരിലേക്ക് ഇതേ ഹെലികോപ്റ്ററിൽ മടങ്ങുകയും ചെയ്തു. ഇതിനായി ഓഖി ദുരിതാശ്വാസ പ്രവർത്തനത്തിനുള്ള തുകയിൽനിന്ന് എട്ടു…
Read More