തിരുവനന്തപുരം: മന്ത്രി തോമസ് ചാണ്ടിയുടെ ആലപ്പുഴയിലെ കായൽ കൈയേറ്റം സ്ഥിരീകരിച്ച് ജില്ലാ കളക്ടറുടെ റിപ്പോർട്ട് സർക്കാരിനു സമർപ്പിച്ചു. മാർത്താണ്ഡം കായൽ മണ്ണിട്ടു നികത്തി പാർക്കിംഗ് പ്രദേശമാക്കിയെന്നും പൊതുവഴി കൈയേറി മന്ത്രിയുടെ ഉടമസ്ഥതയിലുള്ള ഭൂമിയിൽ ലയിപ്പിച്ചെന്നും ആലപ്പുഴ ജില്ലാ കളക്ടർ ടി.വി. അനുപമ റവന്യു അഡീഷണൽ ചീഫ് സെക്രട്ടറി പി.എച്ച്. കുര്യനു സമർപ്പിച്ച റിപ്പോർട്ടിൽ പറയുന്നു. നെൽവയൽ- തണ്ണീർത്തട നിയമം ലംഘിച്ചതടക്കം കടുത്ത നിയമ ലംഘനങ്ങളാണു മന്ത്രി നടത്തിയത്. നെൽവയൽ- തണ്ണീർത്തട നിയമം ലംഘിച്ചാൽ കേസെടുക്കാനാകും. മൂന്നു വർഷം വരെ തടവുശിക്ഷ ലഭിക്കാവുന്ന കുറ്റമാണിതെന്നും റിപ്പോർട്ടിലുണ്ട്. എന്നാൽ, മന്ത്രിക്കെതിരേ കേസെടുക്കണോ എന്നു കളക്ടർ വ്യക്തമാക്കിയിട്ടില്ലെന്നാണു സൂചന. ശനിയാഴ്ച രാത്രിയോടെയാണു കളക്ടർ റിപ്പോർട്ട് സമർപ്പിച്ചത്. റവന്യു മന്ത്രി ഇ. ചന്ദ്രശേഖരൻ ഇന്നു തിരുവനന്തപുരത്തു മടങ്ങിയെത്തും. തുടർന്ന് അദ്ദേഹം റിപ്പോർട്ട് പരിശോധിക്കും. റവന്യു സെക്രട്ടറിക്കു ലഭിച്ച റിപ്പോർട്ട് അദ്ദേഹത്തിന്റെ ശിപാർശ സഹിതം…
Read MoreCategory: TVM
സോളാർ ബിജുക്കുട്ടൻ സ്പീക്കിംഗ്..! ബംഗളൂരു കേസിൽ ഉമ്മൻചാണ്ടി പരാതിക്കാരനെ സ്വാധീനിച്ചതായി ബിജു രാധാകൃഷ്ണൻ
തിരുവനന്തപുരം: മുൻ മുഖ്യമന്ത്രി ഉമ്മൻചാണ്ടിക്കെതിരെ ബിജു രാധാകൃഷ്ണനും രംഗത്ത്. ബംഗളൂരു കേസിൽ ഉമ്മൻചാണ്ടി പരാതിക്കാരനെ സ്വാധീനിച്ചതായി ബിജു രാധാകൃഷ്ണൻ ആരോപിച്ചു. തെളിവുകൾ കോടതിയിലെത്താതിരിക്കാൻ ഉമ്മൻചാണ്ടി ഇടപെട്ടതായും ബിജു ആരോപിക്കുന്നു. മുഖ്യമന്ത്രിക്കു നൽകാൻ അഭിഭാഷകയെ ഏൽപ്പിച്ച കത്തിലാണ് ആരോപണം ഉന്നയിച്ചിരിക്കുന്നത്. സോളാറിലെ രണ്ടു കേസുകളിൽ ഉമ്മൻ ചാണ്ടിക്ക് നേരിട്ട് പങ്കുണ്ടെന്നും കത്തിൽ പറയുന്നു. അഭിഭാഷക കത്ത് തിങ്കളാഴ്ച മുഖ്യമന്ത്രിക്കും ഡിജിപിക്കും കൈമാറും.
Read Moreവിളിക്കാം… വിളിക്കാം… വിളിച്ചുകൊണ്ടേയിരിക്കാം..! പുതിയ മൊബൈൽ പ്ലാനുമായി ബിഎസ്എൻഎൽ
തിരുവനന്തപുരം: പുതിയ മൊബൈൽ പ്രീ പെയ്ഡ് പ്ലാനുമായി ബിഎസ്എൻഎൽ. പരിധിയില്ലാത്ത കോളുകളും പ്രതിദിനം ഒരു ജിബി ഡാറ്റയും വാഗ്ദാനം ചെയ്യുന്നതാണ് ബിഎസ്എൻഎല്ലിന്റെ പുതിയകേരള പ്ലാൻ. 446 രൂപയ്ക്ക് 84 ദിവസത്തേക്കാണ് ഇന്ത്യയിലെ ഏത് നെറ്റ്വർക്കുകളിലേക്കും പരിധിയില്ലാതെ വിളിക്കാനാവുക. നിലവിലെ പ്രീപെയ്ഡ് വരിക്കാർക്ക് പ്ലാൻ കേരള എന്ന് 123 എന്ന നന്പറിലേക്ക് എസ്എംഎസ് അയച്ച് പ്ലാൻ ആക്ടിവേറ്റ് ചെയ്യാം. എസ്എംഎസ് വഴി പ്ലാനേിലക്ക് പ്രവേശിക്കുന്നവർക്ക് 446 രൂപയെുട പ്ലാൻ 377.97 രൂപയ്ക്ക് ലഭിക്കും.
Read Moreഎല്ലാം ക്രൈംബ്രാഞ്ചിന്..! സരിതയുടെ പരാതി ക്രൈംബ്രാഞ്ചിന് കൈമാറി സംസ്ഥാന പോലീസ് മേധാവി ലോക്നാഥ് ബെഹ്റ
തിരുവനന്തപുരം: സരിത എസ് നായർ മുൻ മുഖ്യമന്ത്രി ഉമ്മൻചാണ്ടിയുൾപ്പെടെയുള്ളവർക്കെതിരെ നൽകിയ പരാതി സംസ്ഥാന പോലീസ് മേധാവി ലോക്നാഥ് ബെഹ്റ ക്രൈംബ്രാഞ്ചിന് കൈമാറി. സരിത മുൻപ് നൽകിയ പരാതിയും ക്രൈംബ്രാഞ്ചിന്റെ പക്കലുണ്ട്. ഇന്നലെയാണ് ഉമ്മൻചാണ്ടിക്കും അദ്ദേഹത്തിന്റെ മന്ത്രിസഭയിലെ അംഗങ്ങൾക്കെതിരെയും അന്വേഷണ സംഘത്തിനെതിരെയും സരിത മുഖ്യമന്ത്രി പിണറായി വിജയന് പരാതി നൽകിയത്. ദൂതൻ മുഖേനയാണ് സരിത മുഖ്യമന്ത്രിക്ക് 17 പേജുള്ള പരാതി നൽകിയത്. സരിതയുടെ പരാതി മുഖ്യമന്ത്രിക്ക് ഡിജിപിക്ക് കൈമാറിയിരുന്നു. തുടർന്നാണ് ഡിജിപി ലോക്നാഥ് ബെഹ്റ ക്രൈംബ്രാഞ്ച് മേധാവി മുഹമ്മദ് യാസിന് പരാതി കൈമാറിയത്. സരിതയുടെ പരാതിയിൽ തിടുക്കപ്പെട്ട് കേസെടുക്കേണ്ടെന്നാണ് ഉന്നത പോലീസ് ഉദ്യോഗസ്ഥരുടെ നിലപാട്. സോളാർ അന്വേഷണ കമ്മീഷൻ റിപ്പോർട്ട് അടുത്ത മാസം ഒൻപതിന് നിയമസഭ ചർച്ച ചെയ്യാനിരിക്കെ പോലീസ് കൈക്കൊള്ളുന്ന നടപടികൾ കോടതിയിൽ ചോദ്യം ചെയ്യപ്പെടാൻ ഇടയാക്കുമെന്ന് ഉന്നത പോലീസ് ഉദ്യോഗസ്ഥർക്ക് നിർദേശം ലഭിച്ചിട്ടുണ്ട്. പരാതി സംബന്ധിച്ച്…
Read Moreനയം വ്യക്തമാക്കി സുധീരൻ..! മദ്യ ലോബി ക്കായി എന്തുംചെയ്യുന്ന സർക്കാരിനെതിരേ തിങ്കളാഴ്ച സെക്രട്ടറിയേറ്റ് സമരം നടത്തും
തിരുവനന്തപുരം: മദ്യ ലോബിക്കായി എന്തുചെയ്യാനും സർക്കാരിന് മടിയില്ലെന്ന് മുൻ കെപിസിസി അധ്യക്ഷൻ വി.എം. സുധീരൻ. മന്ത്രിമാരും ഉദ്യോഗസ്ഥരും അസത്യ പ്രചരണം നടത്തുന്നു. ബാറുകൾ തുറന്നതോടെ വ്യാജമദ്യത്തിന്റെയും മയക്കുമരുന്നിന്റെയും വ്യാപനവും ഉപയോഗവും വർധിച്ചെന്നും അദ്ദേഹം പറഞ്ഞു. മദ്യനയം പിൻവലിക്കാൻ തിങ്കളാഴ്ച സെക്രട്ടറിയേറ്റിലേയ്ക്ക് മാർച്ച് നത്തുമെന്നും സുധീരുൻ കൂട്ടിച്ചേർത്തു.
Read Moreആദ്യം കേസൊക്കെ തീരട്ടെ..! ടി.പി. സെൻകുമാറിന്റെ അഡ്മിനിസ്ട്രേറ്റീവ് ട്രൈബ്യൂണൽ നിയമനം കേന്ദ്രം തടഞ്ഞു
ന്യൂഡൽഹി: പോലീസ് മേധാവിയായിരുന്ന ടി.പി. സെൻകുമാറിന്റെ കേരള അഡ്മിനിസ്ട്രേറ്റീവ് ട്രൈബ്യൂണലിലേക്കുള്ള(കെഎടി) നിയമനം കേന്ദ്ര സർക്കാർ തടഞ്ഞു. സെൻകുമാറിനെതിരായ കേസുകൾ തീർന്ന ശേഷം നിയമനം പരിശോധിക്കാമെന്നും കേന്ദ്രം വ്യക്തമാക്കി. അതേസമയം സോമസുന്ദരത്തെ മാത്രം നിയമിച്ചാൽ മതിയെന്നും ചൂണ്ടിക്കാട്ടി കേന്ദ്ര സർക്കാർ സംസ്ഥാന സർക്കാരിന് കത്തയച്ചു. 2016 ഓഗസ്റ്റിലാണു കെഎടിയിലെ രണ്ടംഗ ഒഴിവിൽ സർക്കാർ അപേക്ഷ ക്ഷണിച്ചത്. ഒക്ടോബറിൽ തെരഞ്ഞെടുപ്പു സമിതി വി.സോമസുന്ദരത്തിന്റെയും സെൻകുമാറിന്റെയും പേരുകൾ ശിപാർശ ചെയ്തിരുന്നു. സെൻകുമാറിന്റെ നിയമനത്തെ നേരത്തെ സംസ്ഥാന സർക്കാരും എതിർത്തിരുന്നു. സെൻകുമാറിന്റെ സത്യസന്ധത സംശയത്തിന്റെ നിഴലിലാണെന്നും അത്തരമൊരാളെ ഭരണഘടനാ സ്ഥാപനമായ കെഎടിയിൽ നിയമിച്ചാൽ അതിന്റെ വിശ്വാസ്യത തകരുമെന്നും ചൂണ്ടിക്കാട്ടിയാണ് സർക്കാർ നേരത്തെ കേന്ദ്രത്തെ സമീപിച്ചത്.
Read Moreവെല്ലുവിളിച്ച് പിണറായി..! കേരളത്തിന്റെ നേട്ടവുമായി താരതമ്യം ചെയ്യാവുന്ന മറ്റെതെങ്കിലും സംസ്ഥാനമുണ്ടോയെന്ന് മുഖ്യമന്ത്രി
തിരുവനന്തപുരം: കേന്ദ്രമന്ത്രിമാരും ബിജെപി മുഖ്യമന്ത്രിമാരും സംസ്ഥാനത്തെത്തി നടത്തിയ പ്രകോപനപരവും അസത്യജഡിലവുമായ പ്രചാരണം കേരളത്തിന്റെ സമാധാന ജീവിതം തകർക്കാനുദേശിച്ചായിരുന്നെന്ന് മുഖ്യമന്ത്രി പിണറായി വിജയൻ. കേരളത്തിനെതിരായ പോർവിളിയും അസംബന്ധ പ്രചാരണവുമായി നടത്തിയ ബിജെപി മാർച്ചിനെ ജനങ്ങൾ തള്ളിക്കളഞ്ഞതായും അദ്ദേഹം പറഞ്ഞു. വികസനത്തിന്റെയും ആശയങ്ങളുടെയും തലത്തിലുള്ള സംവാദമാണ് ബിജെപി അധ്യക്ഷൻ അമിത് ഷാ ആഗ്രഹിക്കുന്നതെങ്കിൽ ആ വെല്ലുവിളി ഏറ്റെടുക്കുന്നു. ബിജെപി ഭരണമുള്ള ഏതെങ്കിലും സംസ്ഥാനത്ത് കേരളത്തിന്റെ നേട്ടവുമായി താരതമ്യം ചെയ്യാവുന്ന പുരോഗതി ഉണ്ടായോ എന്ന് അദ്ദേഹം വ്യക്തമാക്കട്ടെയെന്നും പിണറായി വെല്ലുവിളിച്ചു. ഫേസ്ബുക്കിലൂടെയായിരുന്നു പിണറായിയുടെ വിമർശനം. https://www.facebook.com/PinarayiVijayan/posts/1526903004068191
Read Moreകൈക്ക് സ്വാധീമില്ലാ സാർ..! കൈയേറ്റ റിപ്പോർട്ട് സമർപ്പിക്കാനിരിക്കേ തോമസ് ചാണ്ടി അവധിയിൽ പ്രവേശിക്കുന്നു
തിരുവനന്തപുരം: ഗതാഗത മന്ത്രി തോമസ് ചാണ്ടി അവധിയിൽ പ്രവേശിക്കുന്നു. ആരോഗ്യ പ്രശ്നങ്ങൾ ചൂണ്ടിക്കാട്ടിയാണ് മന്ത്രി അവധിയിൽ പ്രവേശിക്കുന്നത്. ഈ മാസം അവസാനം മുതൽ അവധിയെടുക്കാനാണ് നീക്കം. അവധിയിൽ പ്രവേശിക്കുന്നത് സംബന്ധിച്ച് മുഖ്യമന്ത്രിയുമായി തോമസ് ചാണ്ടി സംസാരിച്ചതായാണ് സൂചന. വ്യാഴാഴ്ച നടക്കുന്ന മന്ത്രിസഭ യോഗത്തിൽ ഇതുസംബന്ധിച്ച തീരുമാനം ഉണ്ടാകുമെന്നാണ് സൂചന. തോമസ് ചാണ്ടിക്കെതിരായ കൈയേറ്റവുമായി ബന്ധപ്പെട്ട് ആലപ്പുഴ കളക്ടർ വ്യാഴാഴ്ച റവന്യു മന്ത്രിക്ക് റിപ്പോർട്ട് സമർപ്പിക്കാനിരിക്കെയാണ് തോമസ് ചാണ്ടി അവധിയിൽ പോകുന്നത്. തോമസ് ചാണ്ടിയുടെ ഉടമസ്ഥതയിലുള്ള ലേക് പാലസ് റിസോർട്ട് കായൽ സ്ഥലം മണ്ണിട്ടു നികത്തിയാണ് നിർമിച്ചതെന്ന് കളക്ടറുടെ റിപ്പോർട്ടിൽ കണ്ടെത്തിയിരുന്നു. കൈയ്ക്കു സ്വാധീന കുറവുണ്ടെന്നും ഇതിന്റെ ചികിത്സയ്ക്കായി അടുത്ത മാസം ആദ്യം വിദേശത്ത് പോകുന്നതിനാണ് മന്ത്രി അവധിയിൽ പ്രവേശിക്കുന്നതെന്നാണ് അദ്ദേഹത്തിന്റെ ഓഫീസുമായി ബന്ധപ്പെട്ട വൃത്തങ്ങൾ നൽകുന്ന വിവരം.
Read Moreവർഗീയതയുടെ തിമിരം ബാധിച്ചവർ ലോകാത്ഭുതത്തിന് നേരേ തിരിയുന്നത് രാജ്യത്തിനാകെ നാണക്കേടെന്ന് രമേശ് ചെന്നിത്തല
തിരുവനന്തപുരം: താജ്മഹലിനെ താറടിച്ചു പ്രസ്താവനയിറക്കിയ ബിജെപി എംഎൽഎ സംഗീത് സോമിന്റെ നടപടി വിവരക്കേടെന്ന് പ്രതിപക്ഷ നേതാവ് രമേശ് ചെന്നിത്തല. ഇന്ത്യയുടെ സാംസ്കാരിക പൈതൃകത്തെക്കുറിച്ചു ഒട്ടും ബോധമില്ലിന്നാണ് സംഗീത് സോമിന്റെ അഭിപ്രായം വ്യക്തമാക്കുന്നതെന്നും അദ്ദേഹം പറഞ്ഞു. യോഗി ആദിത്യനാഥ് സർക്കാർ അധികാരമേറ്റ് ആറുമാസത്തിനുള്ളിൽ ടൂറിസം ഭൂപടത്തിൽ നിന്നും താജ്മഹലിനെ ഒഴിവാക്കി ചരിത്രം മാറ്റിയെഴുതാനാണ് ബിജെപി ശ്രമിക്കുന്നത്. ഇന്ത്യയുടെ ചരിത്രസ്മാരകത്തെ അവഗണിക്കുന്ന ബിജെപിക്കാർ മാറ്റിനിർത്താൻ ശ്രമിക്കുന്നത് ഇന്ത്യയുടെ ചരിത്രത്തെ തന്നെയാണ്. വർഗീയതയുടെ തിമിരം ബാധിച്ചവർ ലോകാത്ഭുതത്തിന് നേരേ തിരിയുന്നത് രാജ്യത്തിനാകെ നാണക്കേട് വിളിച്ചുവരുത്തുകയാണെന്നും ചെന്നിത്തല ഫേസ്ബുക്കിൽ കുറിച്ചു.
Read Moreവിവാഹവാഗ്ദാനം നൽകി പീഡിപ്പിച്ചു ; വിശ്വാസം വരാൻ അമ്പലത്തിലെത്തി താലി ചാർത്തിയ ശേഷം ചതിക്കുകയായിരുന്നുവെന്ന് പോലീസ്
കോവളം: പ്രായ പൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി ക്ഷേത്രത്തിൽ കൊണ്ട് പോയി താലികെട്ടി വിവാഹം കഴിച്ചതായി വിശ്വസിപ്പിച്ച് പീഡിപ്പിച്ച കേസിലെ പ്രതിയെ കോവളം പോലീസ് അറസ്റ്റ് ചെയ്തു. കോവളം മുട്ടയ്ക്കാട് ചെറുകോണത്ത് ചാനൽക്കര വീട്ടിൽ വാടകയ്ക്ക് താമസിക്കുന്ന രതീഷ്( 30) ആണ് അറസ്റ്റിലായത്. പെൺകുട്ടി കോവളം പോലീസിൽ നല്കിയ പരാതിയുടെ അടിസ്ഥാനത്തിലാണ് അറസ്റ്റ്. പ്രതിയെ വിഴിഞ്ഞം സർക്കിൾ ഇൻസ്പെക്ടർ എൻ. ഷിബു, കോവളം എസ് ഐ ജി. അജയകുമാർ എന്നിവരാണ് അറസ്റ്റ് ചെയ്തത്. പ്രതിയെ റിമാൻഡ് ചെയ്തു.
Read More