കോട്ടയം: ശബരിമല തീര്ഥാടനവുമായി ബന്ധപ്പെട്ടു മണ്ഡല മകരളവിളക്ക് കാലത്തേക്കു മാത്രമായി തീര്ഥാടകര്ക്കായി ജില്ലയിലെ ഹോട്ടലുകളിലെ വെജിറ്റേറിയന് ഭക്ഷണസാധനങ്ങളുടെ വില നിര്ണയിച്ചു ജില്ലാ കളക്ടര് ജോണ് വി. സാമുവല് ഉത്തരവായി. ജില്ലാ കളക്ടറുടെ അധ്യക്ഷതയില് ജില്ലയിലെ ഹോട്ടല് ആന്ഡ് റെസ്റ്ററന്റ് അസോസിയേഷന് ഭാരവാഹികളും വിവിധ വകുപ്പ് ഉദ്യോഗസ്ഥരുമായും നടത്തിയ ചര്ച്ചയെത്തുടര്ന്നാണ് ജില്ലയിലെ പ്രധാന ഇടത്താവളമായ എരുമേലിയിലേയും മറ്റ് ഇടത്താവളങ്ങളായ വൈക്കം, കടപ്പാട്ടൂര്, കോട്ടയം തിരുനക്കര, ഏറ്റുമാനൂര് എന്നിവിടങ്ങളിലെയും കോട്ടയം റെയില്വേ സ്റ്റേഷന് കാന്റീന്, റെയില്വേ സ്റ്റേഷന്, കെഎസ്ആര്ടിസി ബസ് സ്റ്റാന്ഡ് പരിസരം എന്നിവിടിങ്ങളിലെ ഹോട്ടലുകളിലെയും വെജിറ്റേറിയന് ഭക്ഷണ പദാര്ഥങ്ങളുടെ വില നിര്ണയിച്ചത്. വിലവിവിരപ്പട്ടിക ജില്ലയിലെ എല്ലാ ഹോട്ടലുകളിലും റസ്റ്ററന്ററുകളിലും ഇടത്താവളങ്ങളിലും പ്രദര്ശിപ്പിക്കണം. പൊതുവിതരണ വകുപ്പ് ലീഗല് മെട്രോളജി, ഭക്ഷ്യസുരക്ഷാവകുപ്പ് എന്നീ വകുപ്പുകളിലെ ബന്ധപ്പെട്ട ഉദ്യോഗസ്ഥരുടെ പേരും ഫോണ്നമ്പറും വിലവിവരപ്പട്ടികയില് ചേര്ക്കണം. ഇനം- വില (ജിഎസ്ടി ഉള്പ്പെടെ) 1 കുത്തരി…
Read MoreCategory: Loud Speaker
ദീപാവലി ആഘോഷങ്ങൾക്കിടെ പടക്കം പൊട്ടി: ഡൽഹിയിൽ 280 പേർക്ക് പൊള്ളൽ
ന്യൂഡൽഹി: ദീപാവലി ദിനത്തിൽ പടക്കം പൊട്ടിത്തെറിച്ച് പൊള്ളലേറ്റ് ഡൽഹിയിലെ ആശുപത്രികളിൽ എത്തിയത് 280ലധികം പേർ. ഇവരിൽ 15 പേരുടെ നില ഗുരുതരമാണ്. കൈക്ക് സാരമായ പരിക്കേറ്റ അഞ്ച് പേർക്ക് ശസ്ത്രക്രിയ വേണ്ടിവന്നു. രാജ്യത്തെ ഏറ്റവും വലിയ ബേൺ യൂണിറ്റുള്ള സഫ്ദർജംഗ് ഹോസ്പിറ്റലിൽ വ്യാഴാഴ്ച മാത്രം 117 കേസുകൾ റിപ്പോർട്ട് ചെയ്തു. ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) 48 കേസുകളും എൽഎൻജെപി ഹോസ്പിറ്റലിൽ 19 കേസുകളും റിപ്പോർട്ട് ചെയ്തിട്ടുണ്ട്. പൊള്ളലേറ്റ 20 പേർ 12 വയസിന് താഴെയുള്ള കുട്ടികളാണെന്ന് ആശുപത്രി അധികൃതർ അറിയിച്ചു. പടക്കവുമായി ബന്ധപ്പെട്ട പരിക്കുകൾക്ക് പുറമേ മറ്റ് തരത്തിലുള്ള പൊള്ളലുകളും റിപ്പോർട്ട് ചെയ്തിട്ടുണ്ട്.
Read Moreസൈക്കിൾ സമ്മാനമായി നൽകാമെന്ന് കൂട്ടുകാർ: ബെറ്റു വച്ച് പടക്കത്തിനു മുകളിൽ ഇരുന്നു; യുവാവിവിന് ദാരുണാന്ത്യം
ബംഗളുരു: സുഹൃത്തുക്കളുമായി ബെറ്റ് വച്ച് പടക്കത്തിന് മുകളിൽ കയറിയിരുന്ന യുവാവിന് ദാരുണാന്ത്യം. ദീപാവലി ആഘോഷങ്ങൾക്കിടെ ബംഗളുരുവിലാണ് സംഭവം. 32കാരനായ ശബരീഷ് എന്നയാളാണ് മരിച്ചത്. സംഭവത്തിന്റെ വീഡിയോ ദൃശ്യങ്ങൾ പുറത്തുവന്നു. രാത്രി മദ്യപിച്ചശേഷം സുഹൃത്തുക്കൾ ചേർന്നു പടക്കം പൊട്ടിക്കാൻ തുടങ്ങി. ഇതിനിടെയാണു ബെറ്റ് വച്ചത്. ശക്തിയേറിയ പടക്കത്തിന് തീ കൊടുത്ത ശേഷം കാർഡ് ബോർഡ് കൊണ്ട് മൂടി അതിന് മുകളിൽ ഇരിക്കണമെന്നായിരുന്നു ആവശ്യം. ഇങ്ങനെ ചെയ്താൽ ഒരു പുതിയ ഓട്ടോറിക്ഷയായിരുന്നു സുഹൃത്തുക്കൾ സമ്മാനമായി പറഞ്ഞിരുന്നത്. ശബരീഷ് ഈ വെല്ലുവിളി ഏറ്റെടുക്കാൻ തയാറായി. പെട്ടിക്ക് മുകളിൽ ശബരീഷ് ഇരിക്കുന്നതും ഒരാൾ പടക്കത്തിന് തീ കൊളുത്തിയ ശേഷം ഓടി മാറുന്നതും വീഡിയോയയിൽ കാണാം. പടക്കം പൊട്ടിയതിനു പിന്നാലെ സുഹൃത്തുക്കൾ തിരിച്ചെത്തിയപ്പോൾ ശബരീഷ് കുഴഞ്ഞു വീഴുന്നതും വീഡിയോയിലുണ്ട്. യുവാവിന്റെ ആന്തരിക അവയവങ്ങൾക്ക് ക്ഷതം സംഭവിച്ചതാണ് മരണകാരണമെന്നാണു റിപ്പോർട്ടുകൾ. സംഭവത്തിൽ ആറു പേരെ പിടികൂടി…
Read Moreന്യൂനമർദപാത്തിയും ചക്രവാത ചുഴിയും; അടുത്ത അഞ്ചു ദിവസം ഇടിമിന്നലോടു കൂടിയ മഴ; മണിക്കൂറില് 40 കിലോമീറ്റര് വേഗതയില് കാറ്റ് വീശാൻ സാധ്യത
തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത.അടുത്ത അഞ്ചു ദിവസം ഇടിമിന്നലോടു കൂടിയ മഴ ഉണ്ടാകുമെന്ന് കാലാവസ്ഥ വകുപ്പ്. ഒറ്റപ്പെട്ട ഇടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. വെള്ളിയാഴ്ച ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കു കിഴക്കന് ബംഗാള് ഉള്ക്കടലിന് മുകളിലായി ചക്രവാത ചുഴി സ്ഥിതിചെയ്യുന്നുണ്ട്. തെക്കു കിഴക്കന് ബംഗാള് ഉള്ക്കടലില് നിന്നും തെക്കന് തമിഴ്നാട് വരെ ന്യൂനമര്ദ്പാത്തിയും സ്ഥിതിചെയ്യുന്നു. തെക്കു കിഴക്കന് അറബിക്കടലില് ചക്രവാത ചുഴിയുമുണ്ട്.
Read Moreമല്ലു ഹിന്ദു വാട്സാപ് ഗ്രൂപ്പ്: സൈബർ പോലീസ് അന്വേഷണം ആരംഭിച്ചു; മൊബൈൽ ഫോൺ ഹാജരാക്കാൻ വ്യവസായ വകുപ്പ് ഡയറക്ടർ കെ. ഗോപാലകൃഷ്ണനോട് നിർദേശിച്ചു
തിരുവനന്തപുരം : ഹിന്ദു ഐഎഎസ് ഉദ്യോഗസ്ഥരെ ഉൾപ്പെടുത്തി വാട്ട്സാപ്പ് ഗ്രൂപ്പ് രൂപീകരിച്ച സംഭവത്തിൽ വാണിജ്യ വ്യവസായ വകുപ്പ് ഡയറക്ടർ ഗോപാല കൃഷ്ണന്റെ പരാതിയിൽ പോലീസ് അന്വേഷണം ആരംഭിച്ചു. തന്റെ മൈബൈൽ ഫോൺ ആരോ ഹാക്ക് ചെയ്താണ് ഇത്തരത്തിൽ വാട്സാപ്പ് ഗ്രൂപ്പ് ഉണ്ടാക്കിയതെന്നും ഇതേക്കുറിച്ച് അന്വേഷിക്കണമെന്നും ആവശ്യപ്പെട്ട് ഗോപാലകൃഷ്ണൻ സിറ്റി പോലീസ് കമ്മീഷണർക്ക് നൽകിയ പരാതിയുടെ അടിസ്ഥാനത്തിലാണ് അന്വേഷണം. സൈബർ പോലീസാണ് അന്വേഷണം നടത്തുന്നത്. ഗോപാല കൃഷ്ണന്റെ മൊബൈൽ ഫോൺ വിശദ പരിശോധനക്ക് ഹാജരാക്കാൻ പോലീസ് നിർദേശിച്ചിട്ടുണ്ട്. പ്രാഥമിക അന്വേഷണം നടത്തിയ ശേഷം മാത്രമേ ഈ വിഷയത്തിൽ കേസ് എടുക്കാൻ സാധ്യത ഉള്ളു എന്നാണ് ലഭിക്കുന്ന വിവരം. അതേസമയം സംഭവത്തിൽ വകുപ്പ് തലത്തിലുള്ള അന്വേഷണവും നടക്കും. വിശദമായ റിപ്പോർട്ടിന്റെ അടിസ്ഥാനത്തിൽ മാത്രമേ ഇക്കാര്യത്തിൽ നടപടി എടുക്കുകയുള്ളൂ എന്നാണ് ലഭിക്കുന്ന സൂചന. ദീപാവലിയുടെ തലേന്നാണ് വ്യവസായ വകുപ്പ് ഡയറക്ടര് കെ.ഗോപാലകൃഷ്ണന്…
Read Moreകരാറുകാരൻ ജീവനൊടുക്കിയ കേസ്; വികാരങ്ങൾക്ക് അടിമപ്പെട്ട് ഒരാൾ ജീവനൊടുക്കിയാൽ പ്രേരണാകുറ്റം നിലനിൽക്കില്ലെന്നു ഹൈക്കോടതി
തലശേരി: സിപിഎം പ്രവർത്തകൻ ഉൾപ്പെടെ രണ്ടുപേർ പ്രതികളായ സെഷൻസ് കോടതിയുടെ പരിഗണനയിലുള്ള ആത്മഹത്യാ പ്രേരണ കേസ് ഹൈക്കോടതി റദ്ദ് ചെയ്തു. കരാറുകാരനായ പാടിച്ചാലിലെ കരയിലായി ബിജു എം.ജോസഫ് (44) തൂങ്ങി മരിച്ച കേസിലാണ് ഹൈക്കോടതിയുടെ വിധി. സിപിഎം പ്രവർത്തകനായ കണ്ണൂർ തെക്കീ ബസാറിലെ പോത്തിക്ക രൂപേഷ് (39), കുറ്റ്യാട്ടൂർ കോരമ്പത്ത് സുജേഷ് (39) എന്നിവർ പ്രതികളായ 306 വകുപ്പ് പ്രകാരമുള്ള കേസാണ് ജസ്റ്റീസ് പി.വി. കുഞ്ഞികൃഷ്ണൻ റദ്ദ് ചെയ്തത്. വികാരങ്ങൾക്ക് അടിമപ്പെട്ട് ഒരാൾ ജീവനൊടുക്കിയാൽ പ്രേരണാകുറ്റം നിലനിൽക്കില്ലെന്ന് കോടതി വിധിന്യായത്തിൽ പറഞ്ഞു. പ്രമുഖ അഭിഭാഷകരായ വി.ആർ. നാസർ, പി.എം. അച്യുത്, സോണിയ ഫിലിപ്പ് എന്നിവരാണ് പ്രതികൾക്കു വേണ്ടി ഹൈക്കോടതിയിൽ ഹാജരായത്.2012 ഏപ്രിൽ 17നാണ് ബിജു എം. ജോസഫ് പയ്യന്നൂരിലെ സ്വകാര്യ ലോഡ്ജ് മുറിയിൽ ജീവനൊടുക്കിയത്. ബിസിനസ് പങ്കാളികളായ പ്രതികളുടെ നിരന്തരമുള്ള ഭീഷണിയെ തുടർന്നാണ് ബിജു ജീവനൊടുക്കിയതെന്നായിരുന്നു പ്രോസിക്യൂഷൻ…
Read Moreവ്യക്തിയല്ല പ്രശ്നം, ഇടതുപക്ഷ നിലപാടുള്ള എല്ലാവരെയും പാർട്ടിയിലേക്ക് സ്വാഗതം ചെയ്യുന്നു: എം. വി. ഗോവിന്ദൻ
ന്യൂഡൽഹി: ബിജെപിയുമായി ഇടഞ്ഞുനിൽക്കുന്ന സന്ദീപ് വാര്യരെ സിപിഎമ്മിലേക്ക് സ്വാഗതം ചെയ്യുന്നുവെന്ന സൂചന നൽകി സിപിഎം സംസ്ഥാന സെക്രട്ടറി എം.വി. ഗോവിന്ദൻ നയമാണ്, വ്യക്തിയല്ല പ്രശ്നമെന്നും ഇടതുപക്ഷ നിലപാടുള്ള എല്ലാവരെയും പാർട്ടിയിലേക്ക് സ്വാഗതം ചെയ്യുന്നുവെന്നും ഗോവിന്ദൻ വ്യക്തമാക്കി. എതിർപാളയത്തിൽനിന്നുള്ളവരെ ഇടതുപക്ഷത്തിലേക്കെത്തിക്കുന്ന പ്രവണത പണ്ടുകാലം മുതലേ ഉണ്ടായിരുന്നുവെന്നും പുതിയ രീതിയല്ലെന്നും ഗോവിന്ദൻ പറഞ്ഞു. സന്ദീപ് വാര്യരെ സ്വാഗതം ചെയ്തുകൊണ്ട് മന്ത്രി എം.ബി. രാജേഷും സിപിഎം കേന്ദ്ര കമ്മിറ്റി അംഗം എ.കെ. ബാലനും രംഗത്തെത്തിയിരുന്നു. സന്ദീപുമായി ചർച്ചകളൊന്നുമുണ്ടായിട്ടില്ലെന്നു അദ്ദേഹം കൂട്ടിച്ചേർത്തു. കൊടകര കുഴൽപ്പണകേസിന്റെ ഭാഗമായി തുടരന്വേഷണം നടക്കുന്നതിനാൽ ബിജെപി വെപ്രാളത്തിലാണെന്നും ഗോവിന്ദൻ പറഞ്ഞു. കോണ്ഗ്രസിനും ബിജെപിക്കുമുള്ളിൽ കലഹങ്ങളാണ്. ഇത് ഇടതുസ്ഥാനാർഥിക്ക് അനുകൂലമായ ഘടകങ്ങളായി മാറും- ഗോവിന്ദൻ വ്യക്തമാക്കി.
Read Moreകേന്ദ്രമന്ത്രിമാര് കെ-റെയിലിനൊപ്പം; ബിജെപി വെട്ടിൽ ; കെ-റെയിൽ വിരുദ്ധ സമരസമിതിയോട് മുഖംതിരിച്ച് റെയില്മന്ത്രി
കോഴിക്കോട്: കെ-റെയില് പദ്ധതിയുമായി ബന്ധപ്പെട്ട് റെയിൽമന്ത്രി അശ്വനി വൈഷ്ണവിന്റെ നിലപാടില് വെട്ടിലായി ബിജെപി സംസ്ഥാന നേതൃത്വം.ഉപതെരഞ്ഞെടുപ്പുകള് നടക്കുന്ന പശ്ചാത്തലത്തില് രണ്ടാം മോദി സര്ക്കാരിന്റെ കാലത്തു തങ്ങള് നഖശിഖാന്തം എതിര്ത്ത പദ്ധതിയെയാണ് കേരളത്തില് എത്തി റെയില്വേമന്ത്രി ന്യായീകരിച്ചിരിക്കുന്നത്. ഇത് വലിയ തിരിച്ചടിയുണ്ടാക്കുമെന്നാണ് ബിജെപി സംസ്ഥാന നേതൃത്വം കരുതുന്നത്. സാങ്കേതിക-പാരിസ്ഥിതിക പ്രശ്നങ്ങൾ പരിഹരിച്ചാൽ കെ-റെയിലിന്റെ തുടർനടപടികൾക്കു സന്നദ്ധമാണെന്ന് മന്ത്രി അശ്വനി വൈഷ്ണവ് വ്യക്തമാക്കി.കെ-റെയിലിന് അനുമതി നല്കരുതെന്ന് നിവേദനം നല്കിയ കെ-റെയിൽ വിരുദ്ധ സമരസമിതി നേതാക്കളോട് കെ-റെയിൽ കേരളത്തിന് ആവശ്യമല്ലേയെന്നായിരുന്നു മന്ത്രിയുടെ മറുപടി. കോഴിക്കോട് റെയിൽവേ സ്റ്റേഷൻ സന്ദർശനത്തിനിടയിലാണു നിവേദനം നൽകിയത്. മന്ത്രിയുടെ കെ-റെയില് അനുകൂല നിലപാടു പദ്ധതിക്കു വീണ്ടും ജീവന് വയ്പിക്കുമെന്ന പ്രതീക്ഷയാണ് ഇപ്പോള് ഉയര്ന്നിരിക്കുന്നത്. കേന്ദ്രമന്ത്രി സുരേഷ് ഗോപിയും കെ-റെയില്വരുമെന്നനിലപാടാണ് ഇന്നലെ മാധ്യമങ്ങള്ക്ക് മുന്നില് സ്വീകരിച്ചത്. ഇതും സംസ്ഥാന നേതൃത്വത്തിന് തിരിച്ചടിയാണ്.റെഡ് സിഗ്നൽ വീണ പദ്ധതിയിൽ സംസ്ഥാനത്തിന് പ്രതീക്ഷ…
Read Moreപെട്രോളിന് പാക്കിസ്ഥാനിൽ 76.42 : ശ്രീലങ്കയിൽ 89.36 രൂപ; ഇന്ത്യയിൽ ഇന്ധനക്കൊള്ള
കൊച്ചി: പാക്കിസ്ഥാനിൽ ഒരു ലിറ്റർ പെട്രോളിനു വില 76.42 രൂപ, ശ്രീലങ്കയിലാകട്ടെ 90 രൂപയും. നമ്മുടെ രാജ്യത്തെ കേന്ദ്രഭരണ പ്രദേശങ്ങളിലൊഴികെ എല്ലാ സംസ്ഥാനത്തും നൂറു രൂപയ്ക്കു മേലെയാണ് പെട്രോൾ വില. സാന്പത്തിക മാന്ദ്യത്തിൽപ്പെട്ടുലയുന്ന ഇന്ത്യയുടെ അയൽരാജ്യങ്ങളായ പാക്കിസ്ഥാനിലും ശ്രീലങ്കയിലും ഈടാക്കുന്നതിനേക്കാൾ വളരെ കൂടിയ വിലയാണ് ഇന്ത്യയിൽ പെട്രോളിനും ഡീസലിനും ഈടാക്കുന്നത്. പാക്കിസ്ഥാനിൽ ഇന്നത്തെ പെട്രോൾ വില 76.42 ഇന്ത്യൻ രൂപയാണ് (248.38 പാക്കിസ്ഥാനി രൂപ – ഒരു പാക്കിസ്ഥാനി രൂപയ്ക്ക് ഇന്നത്തെ വിനിമയ നിരക്കു വച്ച് 31 പൈസയാണ് മൂല്യം), സാന്പത്തിക മാന്ദ്യം മറികടക്കാൻ പാക്ക് സർക്കാർ പല തവണ വില കൂട്ടിയതാണ് പെട്രോളിനും ഡീസലിനും ഇവിടെ ഇത്രയും വിലയാകാൻ കാരണം. ശ്രീലങ്കയിൽ നേരത്തെ കടുത്ത സാന്പത്തിക മാന്ദ്യം അനുഭവപ്പെട്ടിരുന്ന സമയത്ത് പെട്രോളിനും ഡീസലിനും തീവിലയയായിരുന്നു. എന്നാൽ സാന്പത്തിക രംഗം മെച്ചപ്പെട്ടതോടെ അവരും പെട്രോളിനും ഡീസലിനും വില…
Read Moreപത്തു ദിവസത്തിനകം രാജിവച്ചില്ലെങ്കിൽ ബാബ സിദ്ദിഖിയെപ്പോലെ യോഗി ആദിത്യനാഥും കൊല്ലപ്പെടും; ഭീഷണി മുഴക്കിയ യുവതി പിടിയിൽ
മുംബൈ: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് വധഭീഷണി മുഴക്കിയ സംഭവത്തിൽ യുവതി പിടിയിൽ. മഹാരാഷ്ട്ര താനെയിലുള്ള ഉല്ലാസ് നഗർ സ്വദേശിനിയായ ഫാത്തിമാ ഖാൻ (24) ആണ് മുംബൈ പോലീസിന്റെ പിടിയിലായത്. ഫാത്തിമാ ഖാൻ മാനസിക വെല്ലുവിളി നേരിടുന്നുണ്ടെന്നാണ് പോലീസ് സംശയിക്കുന്നത്. പത്തു ദിവസത്തിനകം രാജിവച്ചില്ലെങ്കിൽ മഹാരാഷ്ട്ര മുൻ മന്ത്രി ബാബ സിദ്ദിഖിയെപ്പോലെ യോഗി ആദിത്യനാഥും കൊല്ലപ്പെടുമെന്നായിരുന്നു ഭീഷണി. ശനിയാഴ്ച വൈകുന്നേരമാണ് മുംബൈ പോലീസിന് ഭീഷണി സന്ദേശം ലഭിച്ചത്. മുംബൈ പോലീസ് ട്രാഫിക് കൺട്രോൾ സെല്ലിലേയ്ക്ക് ഒരു അജ്ഞാത നമ്പറിൽനിന്നു സന്ദേശം ലഭിക്കുകയായിരുന്നു. ഭീഷണിയെത്തുടർന്ന് അധികൃതർ തീവ്രവാദ വിരുദ്ധ സ്ക്വാഡിന് (എടിഎസ്) മുന്നറിയിപ്പ് നൽകിയിരുന്നു. തുടർന്ന് പോലീസും എടിഎസും സംയുക്തമായി നടത്തിയ അന്വേഷണത്തിലാണു യുവതി പിടിയിലായത്.
Read More