കോട്ടയം: പുതുപ്പള്ളിയില് ഉമ്മന് ചാണ്ടിയുടെ കല്ലറയും ചങ്ങനാശേരിയില് പെരുന്ന എന്എസ്എസ് ആസ്ഥാനവും സന്ദര്ശിച്ച് പാലക്കാട്ടെ എല്ഡിഎഫ് സ്ഥാനാര്ഥി പി. സരിന്. ഉമ്മന് ചാണ്ടിയുടെ കല്ലറയില് അദ്ദേഹം മെഴുകുതിരി കത്തിച്ച് പ്രാര്ഥിച്ചു. പാലക്കാട് ഇടതുമുന്നണില് ഭിന്നതയില്ലെന്നും തന്റെ രാഷ്ട്രീയത്തിന്റെ ശരികളിലൂടെയാണ് താന് നടക്കുന്നതെന്നും തന്റെ പിന്മാറ്റത്തോടെ കോണ്ഗ്രസില് ശുദ്ധികലശത്തിന് തുടക്കം കുറിക്കാന് കഴിഞ്ഞെന്നും സരിന് പറഞ്ഞു. തുടര്ന്ന് പെരുന്നയില് എന്എസ്എസ് ആസ്ഥാനത്തെത്തിയ സരിന് ജനറല് സെക്രട്ടറി ജി. സുകുമാരന് നായരുമായി കൂടിക്കാഴ്ചയും നടത്തി.
Read MoreCategory: Loud Speaker
പ്രതിശ്രുത വരന്റെ മുന്നിൽ യുവതിയെ കൂട്ടബലാത്സംഗംചെയ്തു: സംഭവം ഒഡീഷയിൽ
ഭുവനേശ്വർ: ഒഡീഷയിലെ നയാഗർ ജില്ലയിലെ വനത്തിൽ 21 കാരിയെ പ്രതിശ്രുത വരന്റെ മുന്നിൽ കൂട്ടബലാത്സംഗം ചെയ്തു. ഫത്തേഗർ രാമക്ഷേത്ര ദർശനം കഴിഞ്ഞ് യുവതിയും പ്രതിശ്രുതവരനും വീട്ടിലേക്ക് മടങ്ങുമ്പോഴായിരുന്നു സംഭവം. പിതാഖൈ വനത്തിനു സമീപം അജ്ഞാതരായ മൂന്നു പേർ ചേർന്ന് ഇരുവരെയും തടഞ്ഞുനിർത്തി ബലമായി വനത്തിലേക്ക് കൊണ്ടുപോയി. യുവാവിനെ കത്തികാട്ടി ഭീഷണിപ്പെടുത്തി യുവതിയെ മൂന്നു പേരും പീഡിപ്പിക്കുകയായിരുന്നെന്നു പോലീസ് പറഞ്ഞു. പ്രതികൾ സംഭവം മൊബൈൽ ഫോണിൽ പകർത്തി സമൂഹമാധ്യമങ്ങളിൽ പങ്കുവയ്ക്കുകയും ചെയ്തു. സംഭവത്തിൽ കേസെടുത്ത പോലീസ് മൂന്നുപേരെ കസ്റ്റഡിയിലെടുത്ത് ചോദ്യം ചെയ്തു. യുവതിയുടെ മൊഴി രേഖപ്പെടുത്തുന്നതിനുള്ള നടപടികൾ പുരോഗമിക്കുകയാണെന്നും യുവതിയെ വൈദ്യപരിശോധനയ്ക്കു വിധേയയാക്കുമെന്നും പോലീസ് പറഞ്ഞു.
Read Moreനവീൻ ബാബുവിന്റെ മരണം: അന്വേഷണ പുരോഗതി വിലയിരുത്തി പ്രത്യേക അന്വേഷണസംഘം
കണ്ണൂർ: എഡിഎം നവീൻ ബാബു ജീവനൊടുക്കിയ സംഭവവുമായി ബന്ധപ്പെട്ടുള്ള അന്വേഷണം പ്രത്യേക അന്വേഷണസംഘം ആരംഭിച്ചു. ഇതുവരെയുള്ള അന്വേഷണ പുരോഗതി കണ്ണൂർ റേഞ്ച് ഡിഐജി രാജ്പാൽ മീണയുടെ മുന്പാകെ അന്വേഷണസംഘം വിശദീകരിച്ചു. പബ്ലിക് പ്രോസിക്യൂട്ടർ കെ.അജിത്തുമായി അന്വേഷണസംഘം ഇന്ന് കൂടിക്കാഴ്ച നടത്തും. കണ്ണൂർ സിറ്റി പോലീസ് കമ്മീഷണർ ആർ. അജിത്കുമാറിന്റെ മേൽനോട്ടത്തിൽ കണ്ണൂർ സിറ്റി പോലീസ് എസിപി ടി.കെ. രത്നകുമാർ, നിലവിലെ അന്വേഷണ ഉദ്യോഗസ്ഥനായ കണ്ണൂർ ടൗൺ എസ്എച്ച്ഒ ശ്രീജിത്ത് കോടേരി, കണ്ണൂർ സിറ്റി എസ്എച്ച്ഒ സനൽ കുമാർ, കണ്ണൂർ ടൗൺ എസ്ഐ സവ്യസാച്ചി, വനിതാ പോലീസ് സ്റ്റേഷൻ എസ്ഐ രേഷ്മ, സൈബർ സെൽ എഎസ്ഐ ശ്രീജിത്ത് എന്നിവരടങ്ങുന്ന സംഘമാണ് കേസന്വേഷിക്കുന്നത്. നിലവിൽ, കണ്ണൂർ ടൗൺ എസ്എച്ച്ഒ ശ്രീജിത്ത് കോടേരി നടത്തിയ തുടരന്വേഷണമാണ് പ്രത്യേക അന്വേഷണസംഘം നടത്തുന്നത്. നവീൻ ബാബുവിനെ ആത്മഹത്യയിലേക്ക് നയിച്ച കാരണത്തിനാണ് അന്വേഷണസംഘം പ്രഥമ പരിഗണന…
Read Moreഅബ്ദുള് നാസര് മഅ്ദനി തീവ്രവാദം വളര്ത്തി, പിന്നീട് മനം മാറിയെന്ന് പി. ജയരാജന്; പരാമർശം മുഖ്യമന്ത്രി ഇന്നു പ്രകാശനം ചെയ്യുന്ന പുസ്തകത്തിൽ
കോഴിക്കോട്: ബാബറി മസ്ജിദിന്റെ തകര്ച്ചയ്ക്കുശേഷം മുസ്ലിം ചെറുപ്പക്കാര്ക്കിടയില് തീവ്രവാദം വര്ളത്തുന്നതില് അബ്ദുള് നാസര് മഅ്ദനി പ്രധാന പങ്കുവഹിച്ചുവെന്ന് സിപിഎം സംസ്ഥാന കമ്മിറ്റി അംഗം പി. ജയരാജൻ. ഇന്ന് വൈകുന്നേരം മൂന്നിന് കോഴിക്കോട് എന്ജിഒ യുണിയന് ഹാളില് മുഖ്യമന്ത്രി പിണറായി വിജയന് പ്രകാശനം ചെയ്യുന്ന ജയരാജന്റെ പുസ്തകമായ “കേരളം മുസ്ലിം രാഷ്ട്രീയം, രാഷ്ട്രീയ ഇസ്ലാം’ എന്ന പുസ്തകത്തിലാണ് ഇക്കാര്യം പറയുന്നത്. മഅ്ദനി രൂപീകരിച്ച ഐഎസ്എസിന്റെ നേതൃത്വത്തില് യുവാക്കള്ക്ക് ആയുധപരിശീലനം നല്കിയതായി പുസ്തകത്തില് ആരോപിക്കുന്നു. പൂന്തുറ കലാപത്തില് ഐഎസ്എസിനും ആര്എസ്എസിനും പങ്കുണ്ട്. മഅ്ദനിയുടെ പ്രസംഗത്തില് ആകൃഷ്ടനായാണ് ലഷ്കര് ഇ-തോയിബയുടെ ദക്ഷിണേന്ത്യന് കമാന്ഡറായി മാറിയ തടയിന്റവിടെ നസീര് തീവ്രവാദത്തിലേക്ക് എത്തിപ്പെട്ടത്. അതിവൈകാരിക പ്രസംഗങ്ങളിലൂടെയാണ് മഅ്ദനി യുവാക്കളെ തീവ്രവാദത്തിലേക്ക് ആകര്ഷിച്ചത്. എന്നാൽ, കോയമ്പത്തൂര് സ്ഫോടനക്കേസില് തടവിലാക്കപ്പെട്ടതോടെ മഅ്ദനിക്ക് മാറ്റം വന്നു. മാവോവാദികളും രാഷ്ട്രീയ ഇസ് ലാമിസ്റ്റുകളായി അറിയപ്പെടുന്ന ജമാഅത്തെ ഇസ് ലാമിയും പോപ്പുലര്…
Read Moreഇന്നും വ്യാപക മഴ; എട്ട് ജില്ലകളിൽ യെല്ലോ അലർട്ട്; മഴശക്തമാകാൻ കാരണം ചക്രവാത ചുഴി; മലയോര മേഖലകളിൽ പ്രത്യേക ജാഗ്രതാ നിർദ്ദേശം
തിരുവനന്തപുരം: സംസ്ഥാനത്ത് ഇന്നും വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. മലയോര മേഖലകളിൽ പ്രത്യേക ജാഗ്രതാ നിർദ്ദേശവും നൽകിയിട്ടുണ്ട്. 27 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു. ഇന്ന് എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി, തൃശൂർ എന്നീ ജില്ലകളിലാണ് യെല്ലോ അലർട്ട്. നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ യെല്ലോ അലർട്ട് ആണ്. തെക്കന് കേരളത്തിലെയും മധ്യകേരളത്തിലെയും മലയോര മേഖലകളില് മഴ കനത്തേക്കും. ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് കേരള , ലക്ഷദ്വീപ് തീരങ്ങളില് മത്സ്യബന്ധനത്തിനു വിലക്ക് ഏര്പ്പെടുത്തി.ദാന ചുഴലിക്കാറ്റിന്റെ സ്വാധീനത്തില് തെക്ക് പടിഞ്ഞാറന് കാറ്റ് നാളെ വരെ തെക്കന് കേരളത്തില് അനുകൂലമായി തുടരാന് സാധ്യതയുണ്ട്. തെക്കു കിഴക്കന് അറബിക്കടലിനു മുകളില് തെക്കന്…
Read Moreകൂറുമാറാൻ കോഴ; “ഇടതുമുന്നണിയിൽ കോഴ വച്ചുപൊറുപ്പിക്കാനാവില്ല’; അന്വേഷണം വേണമെന്നു ബിനോയ് വിശ്വം
തിരുവനന്തപുരം: ഇടതുമുന്നണിയിലെ കോഴ ആരോപണത്തിൽ മുഖ്യമന്ത്രി പിണറായി വിജയന്റെയും എൻസിപി സംസ്ഥാന അധ്യക്ഷന് പി.സി. ചാക്കോയുടെയും മൗനം തുരുന്നതിനിടെ ശക്തമായ നിലപാടുമായി സിപിഐ രംഗത്ത്. കോഴ ആരോപണം ശരിയാണെങ്കിൽ വച്ചുപൊറുപ്പിക്കാനാവില്ലെന്നു സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. കാലിച്ചന്തയിൽ പണം കൊടുത്ത് കാലികളെ വാങ്ങുന്നപോലെ എംഎൽഎമാരെ വിലയ്ക്കെടുക്കുന്നത് കേരളത്തിലില്ല. അത് ഇവിടെ നടത്താൻ അനുവദിക്കില്ല. കോഴ ആരോപണം ശരിയെങ്കിൽ അത് വച്ചുപൊറുപ്പിക്കാൻ പാടില്ല. ആരോപണത്തിൽ ഉചിതമായ അന്വേഷണം വേണമെന്നാണ് സിപിഐ നിലപാട്. പണം കൊടുത്തു വാങ്ങാൻ എൽഡിഫിന്റെ എംഎൽഎമാർ വില്പന പണ്ടങ്ങളല്ല. പണം കാട്ടി വിളിക്കുമ്പോൾ പോകുന്നവരല്ല എൽഡിഎഫിലെ എംഎൽഎമാർ. അന്വേഷണം നടക്കട്ടെ. കുറ്റക്കാർ ശിക്ഷിക്കപ്പെടണമെന്നും ബിനോയ് വിശ്വം പറഞ്ഞു.ജനാധിപത്യ കേരള കോൺഗ്രസ് എംഎൽഎ ആന്റണി രാജു, ആർഎസ്പി ലെനിനിസ്റ്റ് എംഎൽഎ കോവൂർ കുഞ്ഞുമോൻ എന്നിവർക്ക് 50 കോടി രൂപ വീതം വാഗ്ദാനം ചെയ്ത് ബിജെപിക്കൊപ്പമുള്ള…
Read Moreകൂറുമാറാന് 100 കോടി കോഴ വാഗ്ദാനം: ‘ആര്ക്കും പണം വാഗ്ദാനം ചെയ്തിട്ടില്ല’; ആരോപണം നിഷേധിച്ച് തോമസ് കെ. തോമസ് എംഎല്എ
കൊച്ചി: എന്സിപി അജിത് പവാര് പക്ഷത്ത് ചേരാന് രണ്ട് എംഎല്എമാര്ക്ക് 100 കോടി വാഗ്ദാനം ചെയ്തെന്ന ആരോപണം നിഷേധിച്ച് തോമസ് കെ. തോമസ് എംഎല്എ. ആര്ക്കും പണം വാഗ്ദാനം ചെയ്തിട്ടില്ലെന്ന് തോമസ് കെ. തോമസ് കൊച്ചിയില് പ്രതികരിച്ചു. തനിക്കെതിരായ കോഴ ആരോപണത്തിന് പിന്നില് ആന്റണി രാജു ആയിരിക്കാമെന്ന് അദ്ദേഹം ആരോപിച്ചു. 100 കോടി വാഗ്ദാനം ചെയ്ത് കൂടെ കൂട്ടാനുള്ള ആളുണ്ടോ ആന്റണി രാജുവെന്ന് അദ്ദേഹം ചോദിച്ചു. തന്റെ ജേഷ്ഠനെ തകര്ത്ത പോലെ തന്നെയും തകര്ക്കാന് ശ്രമിക്കുന്നു. മന്ത്രി സ്ഥാനം ചര്ച്ചയായപ്പോഴാണ് വീണ്ടും ആരോപണം ഉയര്ന്നത്. പാര്ട്ടിയില്നിന്നുള്ള ഗൂഢാലോചന ഉണ്ടെങ്കില് അന്വേഷിക്കണം. താന് ശരത്ത് പാവാറിനൊപ്പമാണെന്നും എന്സിപി നേതൃയോഗത്തില് ഇക്കാര്യം അറിയിച്ചിരുന്നുവെന്നും തോമസ് കെ. തോമസ് പ്രതികരിച്ചു. ആന്റണി രാജുവിന് എന്തെങ്കിലും അജണ്ട കാണുമെന്നും അതിന് താനുമായി ബന്ധമില്ലെന്നും തോമസ് കെ. തോമസ് പറഞ്ഞു. കോവൂര് കുഞ്ഞുമോന് തന്നെ…
Read Moreജസ്റ്റീസ് സഞ്ജീവ് ഖന്ന സുപ്രീംകോടതി ചീഫ് ജസ്റ്റീസാകും: സത്യപ്രതിജ്ഞ നവംബർ 11ന്
ന്യൂഡൽഹി: ജസ്റ്റീസ് സഞ്ജീവ് ഖന്നയെ സുപ്രീംകോടതി ചീഫ് ജസ്റ്റീസായി രാഷ്ട്രപതി ദ്രൗപതി മുർമു നിയമിച്ചു. നിലവിലെ ചീഫ് ജസ്റ്റീസ് ഡി.വൈ. ചന്ദ്രചൂഡ് വിരമിക്കുന്ന ഒഴിവിലേക്കാണ് നിയമനം. നവംബർ 11നാണ് സത്യപ്രതിജ്ഞ. സഞ്ജീവ് ഖന്നയെ അടുത്ത സുപ്രീംകോടതി ചീഫ് ജസ്റ്റീസായി നിയമിക്കുന്ന വിവരം കേന്ദ്രനിയമമന്ത്രി അർജുൻ റാം മേഘ്വാൾ എക്സിലൂടെ അറിയിച്ചു. 2025 മേയ് 13ന് വിരമിക്കുന്ന ജസ്റ്റീസ് സഞ്ജീവ് ഖന്ന ആറുമാസത്തിലേറെ ചീഫ് ജസ്റ്റീസ് പദവിയിലുണ്ടാകും. സുപ്രീംകോടതിയുടെ 51 -ാമത് ചീഫ് ജസ്റ്റീസായാണ് ഇദ്ദേഹം എത്തുന്നത്. ചന്ദ്രചൂഡ് കഴിഞ്ഞാൽ സുപ്രീംകോടതിയിലെ ഏറ്റവും സീനിയറായ ജഡ്ജിയാണ് ജസ്റ്റീസ് സഞ്ജീവ് ഖന്ന. ഡൽഹി ഹൈക്കോടതിയിൽനിന്ന് 2019ലാണ് ജസ്റ്റീസ് ഖന്ന സുപ്രീം കോടതി ജഡ്ജിയായത്. 1983ൽ ഡൽഹി ബാർ കൗൺസിലിൽ അഭിഭാഷകനായി. ജില്ലാ കോടതിയിലും ഡൽഹി ഹൈക്കോടതിയിലും പ്രാക്റ്റീസ് ചെയ്തു. ദീർഘകാലം ആദായനികുതി വകുപ്പിന്റെ സീനിയർ സ്റ്റാൻഡിംഗ് കോൺലായിരുന്നു. 2004 ൽ…
Read More‘ദാന’ ചുഴലിക്കാറ്റ് കരതൊട്ടു: ഒഡീഷയിൽ മരങ്ങൾ കടപുഴകി മിന്നൽ പ്രളയ മുന്നറിയിപ്പ്
ഭുവനേശ്വർ: ഒഡീഷയിൽ പുരിക്കും സാഗര് ദ്വീപിനും ഇടയിൽ തീവ്ര ചുഴലിക്കാറ്റായി “ദാന’ കരതൊട്ടു. മണിക്കൂറില് 120 കിലോ മീറ്റര് വരെ വേഗതയിലാണ് കാറ്റ് വീശിയടിക്കുന്നത്. നിരവധി മരങ്ങൾ കടപുഴകി. മിന്നൽ പ്രളയമുണ്ടാകുമെന്ന മുന്നറിയിപ്പുണ്ട്. ആളപായം റിപ്പോർട്ട് ചെയ്തിട്ടില്ല. ഭദ്രക്, കേന്ദ്രപ്പാറ, ബാലസോർ ഉൾപ്പടെയുള്ള മേഖലകളിൽ കനത്ത മഴയും കാറ്റും തുടരുകയാണ്. ഉച്ചയോടെ ചുഴലിക്കാറ്റിന്റെ ശക്തി കുറയുമെന്നാണ് കാലാവസ്ഥ പ്രവചനകേന്ദ്രം അറിയിച്ചിട്ടുള്ളത്. ആറു ലക്ഷത്തോളം പേരെ മാറ്റിപ്പാർപ്പിച്ചെന്നും ഏതു സാഹചര്യവും നേരിടാൻ തയാറാണെന്നും ഒഡീഷ മുഖ്യമന്ത്രി മോഹൻ ചരൺ മാജി അറിയിച്ചു. ചുഴലിക്കാറ്റിനെ പശ്ചാത്തലത്തിൽ 1600 ഗർഭിണികളെ ആരോഗ്യ കേന്ദ്രങ്ങളിലേക്കു മാറ്റിയിട്ടുണ്ട്. പ്രധാനമന്ത്രി നരേന്ദ്ര മോദി നേരിട്ടു സ്ഥിതിഗതികള് വിലയിരുത്തി. പശ്ചിമ ബംഗാൾ തീരങ്ങളിലും ശക്തമായ കാറ്റാണുള്ളത്. കോൽക്കത്തയിലെ നേതാജി സുഭാഷ് ചന്ദ്രബോസ് അന്താരാഷ്ട്ര വിമാനത്താവളത്തിലെ പ്രവർത്തനങ്ങൾ ഇന്നു രാവിലെ ഒന്പതുവരെ നിർത്തിവച്ചിരുന്നു. നിരവധി എക്സ്പ്രസ്, പാസഞ്ചർ ട്രെയിനുകൾ…
Read Moreഅയോധ്യയില് എഡിഎം വീട്ടില് മരിച്ച നിലയില്: രക്തത്തിൽ കുളിച്ച നിലയിൽ മൃതദേഹം
ന്യൂഡൽഹി: അയോധ്യയില് എഡിഎമ്മിനെ വീട്ടില് മരിച്ചനിലയില് കണ്ടെത്തി. കാണ്പുര് സ്വദേശി സുര്ജീത് സിംഗാണ് മരിച്ചത്. മൃതദേഹം മുറിയിൽ ചോരയില് കുളിച്ചനിലയിലായിരുന്നു. കോട്വാലി നഗറിലെ സുരസാരി കോളനി സിവിൽ ലൈനിൽ തനിച്ചായിരുന്നു സുര്ജീത് താമസിച്ചിരുന്നത്. വീട്ടിലെ ജോലിക്കാരിയാണ് മൃതദേഹം ആദ്യം കണ്ടത്. സംഭവമറിഞ്ഞയുടന് പോലീസും ഫോറന്സിക് സംഘവും സ്ഥലത്തെത്തി. പ്രമേഹവും രക്തസമ്മര്ദവുമുള്ളയാളാണ് സുര്ജീത് എന്നും മസ്തിഷ്ക രക്തസ്രാവമാകാം മരണ കാരണമെന്നുമാണ് പോലീസിന്റെ പ്രാഥമിക നിഗമനം. എന്നാൽ പോസ്റ്റ്മോര്ട്ടം റിപ്പോര്ട്ടിന് ശേഷമേ സ്ഥിരീകരിക്കാനാകൂവെന്നും പോലീസ് അറിയിച്ചു. ഫോറന്സിക് സംഘം സ്ഥലത്തെത്തി സാമ്പിളുകള് ശേഖരിച്ചിട്ടുണ്ട്.
Read More