കൊച്ചി: ബോംബ് ശേഖരത്തിൽ നിന്നും പണമുണ്ടാക്കാനുള്ള വഴികൾ പറഞ്ഞ് നടനും എഴുത്തുകാരനുമായ ജോയ് മാത്യു. തേങ്ങ കുഴിച്ചിട്ടാൽ തെങ്ങുണ്ടാകും. എന്നാൽ ബോംബ് കുഴിച്ചിട്ടാൽ എന്ത് തേങ്ങയാണ് കിട്ടുന്നതെന്ന് കഴിഞ്ഞ ദിവസം മുതൽ നമ്മൾ കണ്ടുകൊണ്ടിരിക്കുന്നു. ആക്രി പെറുക്കിയിരുന്ന ഒരു അയൽ സംസ്ഥാന സാധു പയ്യൻ താൻ തപ്പിയെടുത്തത് സ്റ്റീൽ ബോംബ് ആണെന്നതറിയാതിരുന്നത് കൊണ്ട് അവന് നഷ്ടപ്പെട്ടത് അവന്റെ ഇരു കൈപ്പത്തികളുമായിരുന്നു എന്ന് ജോയ് മാത്യു കുറിച്ചു. ഒരു “കാഫിർ “പോസ്റ്റിട്ടവനെയോ ഊച്ചാളി ഷാജിമാരെയോ കണ്ടുപിടിക്കാൻ കെൽപ്പില്ലാത്ത ” സുസജ്ജരായ “നമ്മുടെ പോലീസ് സേനയാണോ ഇനി പറമ്പുകളിൽ കുഴിച്ചിട്ട ബോംബ് മാന്തിയെടുക്കുന്നത് എന്ന് അദ്ദേഹം ആരോപിച്ചു. ഫേസ്ബുക്കിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണ രൂപം… ബോംബ് ശേഖരത്തിൽ നിന്നും പണമുണ്ടാക്കാനുള്ള വഴികൾ. തേങ്ങ കുഴിച്ചിട്ടാൽ തെങ്ങുണ്ടാകും. എന്നാൽ ബോംബ് കുഴിച്ചിട്ടാൽ എന്ത് തേങ്ങയാണ് കിട്ടുന്നതെന്ന് കഴിഞ്ഞ…
Read MoreCategory: Loud Speaker
പ്ലസ് വൺ സീറ്റ് വിഷയത്തിൽ കരിങ്കൊടിയുമായി കെഎസ്യു; വിദ്യാഭ്യാസ മന്ത്രിയുടെ സുരക്ഷ വർധിപ്പിച്ചു
തിരുവനന്തപുരം: പ്ലസ് വൺ സീറ്റ് ക്ഷാമവുമായി ബന്ധപ്പെട്ട വിഷയത്തിൽ വിദ്യാർഥി സംഘടനകൾ സമരം ശക്തമാക്കിയ സാഹചര്യത്തിൽ വിദ്യാഭ്യാസ മന്ത്രി വി. ശിവൻകുട്ടിയുടെ സുരക്ഷ വർധിപ്പിച്ച് സർക്കാർ. കഴിഞ്ഞ ദിവസം രാജ്ഭവനിൽ നടന്ന ഒ. ആർ കേളുവിന്റെ സത്യപ്രതിജ്ഞാ ചടങ്ങിൽ പങ്കെടുക്കാൻ പോകുന്നതിനിടെയാണ് കെഎസ്യു പ്രവർത്തകർ വിദ്യാഭ്യാസ മന്ത്രിയുടെ വാഹനം തടഞ്ഞത്. മന്ത്രിയുടെ ഔദ്യോഗിക വസതിയായ റോസ് ഹൗസിന് മുന്നിൽ കെഎസ്യു പ്രവർത്തകർ പ്രതിഷേധവുമായി എത്തുകയും കരിങ്കൊടി കാണിക്കുകയും ചെയ്യുകയായിരുന്നു. മന്ത്രിയുടെ കാറിൽ കെട്ടിയ കരിങ്കൊടി മാറ്റാൻ പോലീസ് ശ്രമിച്ചെങ്കിലും പ്രവർത്തകർ സമ്മതിച്ചില്ല. അഞ്ച് മിനിറ്റോളം മന്ത്രി റോഡിൽ കിടന്നു. അൽപസമയത്തിനു ശേഷം പ്രവർത്തകർ തന്നെ രണ്ടുവശത്തേക്ക് സ്വയം മാറി നിന്നതിനാലാണ് മന്ത്രിയ്ക്ക് കടന്നുപോകാനായത്. പ്രതിഷേധിക്കാനുള്ള അവകാശം എല്ലാവർക്കുമുണ്ട്. പ്രതിഷേധിക്കുന്നവർ പ്രതിഷേധിക്കട്ടെയെന്നാണ് ശിവൻകുട്ടി അതിനു ശേഷം പ്രതികരിച്ചത്.
Read Moreഎല്ലാം കോംപ്ലിമെന്റായി… സ്വർഗത്തിലെത്തി അരമണിക്കൂർ ചർച്ച; ഞങ്ങൾ തമ്മിൽ സഹോദര ബന്ധം; ചെന്നിത്തലയുടെ വിഷമം മാറ്റാൻ വീട്ടിലെത്തി ചർച്ച നടത്തി വി.ഡി. സതീശൻ
തിരുവനന്തപുരം: രമേശ് ചെന്നിത്തലയെ അനുനയിപ്പിക്കാൻ വീട്ടിലെത്തി ചർച്ച നടത്തി പ്രതിപക്ഷ നേതാവ് വി.ഡി. സതീശൻ. ഞങ്ങളൊക്കെ തമ്മിൽ സഹോദര ബന്ധവും ഹൃദയ ബന്ധവുമാണുള്ളത്. ഒരു അഭിപ്രായ വ്യത്യാസവും നേതാക്കൾ തമ്മിൽ ഉണ്ടാകാൻ പാടില്ലെന്നാണു കെപിസിസി തീരുമാനം. ഇന്നലെ രമേശിന്റെ വഴുതക്കാട്ടെ വസതിയായ സർഗത്തിലെത്തിയ വി.ഡി. സതീശൻ ഒപ്പമിരുന്നു പ്രഭാത ഭക്ഷണവും കഴിച്ചാണു മടങ്ങിയത്. ഇരുവരും തമ്മിൽ അര മണിക്കൂറോളം ചർച്ച നടത്തി. യുഡിഎഫ് യോഗവുമായി ബന്ധപ്പെട്ട് രമേശ് ചെന്നിത്തലയ്ക്ക് വിഷമം ഉണ്ടായെന്ന വാർത്ത കണ്ടിരുന്നതായും അദ്ദേഹത്തിന്റെ വീട്ടിൽ പോയി പ്രഭാത ഭക്ഷണവും കഴിച്ചാണു വന്നതെന്നും വി.ഡി. സതീശൻ പറഞ്ഞു. അഭിപ്രായങ്ങൾ ഉണ്ടാകും. എന്നാൽ, അഭിപ്രായ വ്യത്യാസങ്ങൾ ഉണ്ടാകില്ല. സിപിഎം പോലെയല്ല കോണ്ഗ്രസ്. ഞാൻ ഏതെങ്കിലും ഒരു കാര്യം പറഞ്ഞാൽ എല്ലാവരും ചേർന്നു കൈയടിക്കില്ല. ചർച്ച ചെയ്ത് ഒന്നിച്ചൊരു തീരുമാനം എടുക്കുകയാണു പതിവെന്നും സതീശൻ പറഞ്ഞു. കഴിഞ്ഞ വ്യാഴാഴ്ച…
Read Moreആലുവ – ആലങ്ങാട് റോഡ് സ്ഥലമേറ്റെടുക്കൽ വിജ്ഞാപനമായി; നഷ്ടപരിഹാരം വേഗത്തിൽ ലഭ്യമാക്കും; കടലാസിൽ മാത്രമുണ്ടായിരുന്ന പദ്ധതി സംസ്ഥാന സർക്കാരിന്റെ ഇടപെടലോടെ നിർമാണഘട്ടത്തിലേക്ക് കടക്കുന്നു; പി. രാജീവ്
കൊച്ചി: ആലുവ – ആലങ്ങാട് റോഡ് വീതി കൂട്ടി നിർമ്മിക്കുന്ന പദ്ധതിക്ക് വേണ്ടി ഭൂമി ഏറ്റെടുക്കുന്നതിനുള്ള വിജ്ഞാപനം പുറപ്പെടുവിച്ചത് അറിയിച്ച് വ്യവസായ മന്ത്രി പി. രാജീവ്. ദീർഘകാലം കടലാസിൽ മാത്രമുണ്ടായിരുന്ന പദ്ധതിയാണ് സംസ്ഥാന സർക്കാരിന്റെ ഇച്ഛാശക്തിയോടെയുള്ള ഇടപെടലോടെ നിർമ്മാണഘട്ടത്തിലേക്ക് കടക്കുന്നതെന്ന് മന്ത്രി പറഞ്ഞു. ഭൂമി ഏറ്റെടുക്കൽ നിയമ പ്രകാരമുള്ള സാമൂഹ്യാഘാത പഠനം നേരത്തെ പൂർത്തിയാക്കുകയും വിദഗ്ധ സമിതി പരിശോധനാ റിപ്പോർട്ട് സമർപ്പിക്കുകയും ചെയ്തിരുന്നു. സർക്കാർ തയ്യാറാക്കിയ പദ്ധതിയും അലൈൻമെന്റും അംഗീകരിക്കുന്നതായി പൊതു തെളിവെടുപ്പിൽ പങ്കെടുത്തവർ അഭിപ്രായമറിയിച്ചിരുന്നു. റോഡ് വികസനമെന്ന ദീർഘകാല ആവശ്യം യാഥാർത്ഥ്യക്കുന്നതിന് വേണ്ടി അവശേഷിക്കുന്ന നടപടികൾ വേഗത്തിൽ പൂർത്തിയാക്കുമെന്നും അദ്ദേഹം കൂട്ടിച്ചേർത്തു. ഫേസ്ബുക്ക് പോസ്റ്റിലാണ് ഇക്കാര്യത്തെ കുറിച്ച് പറഞ്ഞിരിക്കുന്നത്. ഫേസ്ബുക്ക് പോസ്റ്റിന്റെ പൂർണ രൂപം… ആലുവ – ആലങ്ങാട് റോഡ് വീതി കൂട്ടി നിർമ്മിക്കുന്ന പദ്ധതിക്ക് വേണ്ടി ഭൂമി ഏറ്റെടുക്കുന്നതിനുള്ള വിജ്ഞാപനം പുറപ്പെടുവിച്ചു. ദീർഘകാലം കടലാസിൽ…
Read Moreഇടിച്ചിട്ട വാഹനം നിർത്താതെ പോയാൽ നഷ്ടപരിഹാരം നല്കണം; കേന്ദ്രനിയമം നടപ്പാക്കാൻ കേരളത്തിനു കർശന നിർദേശവുമായി കേന്ദ്രഗതാഗത വകുപ്പ്
കണ്ണൂർ: വാഹനമിടിച്ച് മരണം സംഭവിക്കുന്നവർക്കും പരിക്കേറ്റവർക്കും നഷ്ടപരിഹാരം ലഭിക്കാനുള്ള കേന്ദ്രനിയമം നടപ്പാക്കാൻ കേരളത്തിനു കർശന നിർദേശവുമായി കേന്ദ്രഗതാഗത വകുപ്പ്. ഇതുസംബന്ധിച്ച് പ്രത്യേക മാർഗനിർദേശങ്ങളും സർക്കുലറായി നല്കി. ഇടിച്ച വാഹനം കണ്ടെത്താൻ കഴിയാത്ത സാഹചര്യത്തിൽ മരിച്ചയാൾക്കു രണ്ടുലക്ഷവും ഗുരുതര പരിക്കേറ്റയാൾക്ക് 50,000 രൂപയും നഷ്ടപരിഹാരം ഉറപ്പാക്കാൻ കേന്ദ്രസർക്കാർ 2022 ഏപ്രിൽ ഒന്നിനു നിയമം കൊണ്ടുവന്നിരുന്നുവെങ്കിലും ജില്ലാതലങ്ങളിൽ കമ്മിറ്റി രൂപവത്കരിക്കാത്തതിനാൽ കേരളത്തിൽ നഷ്ടപരിഹാരം ലഭിക്കുന്നില്ലായിരുന്നു. ക്ലെയിം സെറ്റിൽമെന്റ് കമ്മീഷണറായി ജില്ലാ കളക്ടർ, ക്ലെയിം എൻക്വയറി ഓഫീസറായി തഹസിൽദാർ, ജില്ലാ പോലീസ് മേധാവി, ചീഫ് മെഡിക്കൽ ഓഫീസർ, ആർടിഒ, റോഡ് സുരക്ഷയുമായി ബന്ധപ്പെട്ട് പ്രവർത്തിക്കുന്ന സന്നദ്ധ സംഘടനയുടെ പ്രതിനിധി, ജനറൽ ഇൻഷ്വറൻസ് കൗൺസിൽ നോമിനേറ്റ് ചെയ്യുന്ന പ്രതിനിധി തുടങ്ങിയവരെ ഉൾപ്പെടുത്തിവേണം ജില്ലാ കമ്മിറ്റി രൂപവത്കരിക്കാൻ. ഈ കമ്മിറ്റി രൂപവത്കരിച്ചാൽ മാത്രമേ ക്ലെയിം സെറ്റിൽമെന്റ് കമ്മീഷണറായി ജില്ലാ കളക്ടർക്കും ക്ലെയിം എൻക്വയറി ഓഫീസറായി…
Read Moreലോക്സഭാ തെരഞ്ഞെടുപ്പു പരാജയം; മുഖ്യമന്ത്രിയെ മാത്രം കുറ്റപ്പെടുത്തുന്നതു ശരിയല്ലെന്ന് കേരള കോൺഗ്രസ്-എം
കോട്ടയം: ലോക്സഭാ തെരഞ്ഞെടുപ്പു പരാജയത്തിന്റെ പേരില് മുഖ്യമന്ത്രിയെ മാത്രം കുറ്റപ്പെടുത്തുന്നതു ശരിയല്ലെന്നും കൂട്ടായ ചര്ച്ചയും തിരുത്തലുകളുമാണ് ഉണ്ടാകേണ്ടതെന്ന് കേരള കോണ്ഗ്രസ്- എം സ്റ്റിയറിംഗ് കമ്മറ്റിയോഗം. ലോക്സഭാ തെരഞ്ഞെടുപ്പുഫലം വിലയിരുത്തുന്നതിനായി ഇന്നലെ കോട്ടയത്തെ സംസ്ഥാന കമ്മറ്റി ഓഫീസില് ചേര്ന്ന് സ്റ്റിയറിംഗ് കമ്മിറ്റി യോഗത്തിലാണ് അഭിപ്രായം ഉയര്ന്നത്. തെരഞ്ഞെടുപ്പ് വിജയങ്ങളില് ഉള്ളതുപോലെ പരാജയങ്ങളിലും കൂട്ടുത്തരവാദിത്വമാണ് മുന്നണിയിലെ ഘടകകക്ഷികള്ക്കുള്ളത്. തെരഞ്ഞെടുപ്പ് പരാജയത്തിന്റെ പേരില് മുഖ്യമന്ത്രിയെ മാത്രം കുറ്റപ്പെടുത്തുന്നത് ശരിയല്ല. കൂട്ടുത്തരവാദിത്വവും കൂട്ടായ തിരുത്തലുകളുമാണു വേണ്ടതെന്നും യോഗത്തില് അഭിപ്രായമുയര്ന്നു. എക്കാലവും ഇടതുപക്ഷത്തോടൊപ്പം അടിയുറച്ചുനിന്നിരുന്ന അടിസ്ഥാന ജനവിഭാഗങ്ങള് തെരഞ്ഞെടുപ്പില് ഇടതുമുന്നണിയില്നിന്ന് അകന്നത് എല്ഡിഎഫ് ഗൗരവമായി കാണണം. സര്ക്കാരിന്റെ മുന്ഗണനകളില് ആവശ്യങ്ങളായ മാറ്റങ്ങള് വരുത്തുവാന് തയാറാകണം. മലയോര മേഖലകളിലെ കര്ഷകരുമായി ബന്ധപ്പെട്ട വിഷയങ്ങള് സമയബന്ധിതമായി പരിഹരിക്കാന് കഴിയാത്തതു തെരഞ്ഞെടുപ്പില് തിരിച്ചടിയായി ഭൂപരിഷ്കരണ കമ്മീഷന് രൂപീകരണവും അതിരൂക്ഷമായ വന്യജീവി ആക്രമണങ്ങള് തുടങ്ങിയ വിഷയങ്ങളിലെ പരിഹാര നിര്ദ്ദേശങ്ങള്ക്കായി എല്ഡിഎഫ്…
Read Moreഗതാഗത നിയമം പാലിച്ചേ മതിയാകു… വാഹന പരിശോധന കർശനമാക്കാനൊരുങ്ങി മോട്ടോർ വാഹന വകുപ്പ്
ചാത്തന്നൂർ: ഇന്ന് മുതല് വാഹന പരിശോധന കർശനമാക്കാനൊരുങ്ങി മോട്ടോർ വാഹന വകുപ്പ് (എംവിഡി). വാഹനങ്ങളിലെ അനധികൃത രൂപമാറ്റം, അധികമായി ഘടിപ്പിക്കുന്ന ലൈറ്റ് എന്നിവ പ്രധാനമായും പരിശോധിക്കും. എല്ഇഡി ലൈറ്റ് ഘടിപ്പിച്ച വാഹനങ്ങള്ക്കും പൂട്ടു വീഴും. സ്പീഡ് ഗവർണർ അഴിച്ച വാഹനങ്ങള് പിടികൂടുന്ന സ്ഥലത്ത് വെച്ച് തന്നെ ശരിയാക്കിയിട്ടേ വിട്ടുകൊടുക്കുകയുള്ളൂ. നമ്പർപ്ലേറ്റ് മറച്ച് ഗ്രില്ല് സ്ഥാപിച്ചിട്ടുള്ള വാഹനങ്ങളും പിടികൂടും. കൂടാതെ വാഹനമോടിച്ച് അപകടം വരുത്തിയതിന് സസ്പെൻഷൻ കിട്ടിയ ഡ്രൈവർമാർക്ക് ഇനി മുതല് ക്ലാസ് നല്കാനും തീരുമാനമായി. ഐഡിആർടിയില് 5 ദിവസത്തെ കോഴ്സ് വിജയകരമായി പൂർത്തിയാക്കിയാലേ ലൈസൻസ് പുതുക്കി നല്കൂ. കഴിഞ്ഞ ദിവസം എറണാകുളത്ത് ചേർന്ന മോട്ടോർ വാഹന വകുപ്പ് ഉന്നത ഉദ്യോഗസ്ഥരുടെ യോഗത്തിലാണ് പുതിയ തീരുമാനങ്ങള് കൊക്കൊണ്ടത്. ഗതാഗത നിയമം ലംഘിക്കുന്നവർക്ക് എതിരെ കർശന നടപടി സ്വീകരിക്കുമെന്ന് ഗതാഗതമന്ത്രി കെ. ബി. ഗണേഷ് കുമാർ പ്രഖ്യാപിച്ചതിന് പിന്നാലെയാണ് മോട്ടോർ…
Read Moreന്യൂനപക്ഷ വോട്ടിനു പിന്നാലെ പോയപ്പോൾ മറ്റ് വോട്ടുകൾ ചോർന്നു; കോഴിക്കോട്, വടകര തോൽവിയിൽ സിപിഎം നേതൃത്വത്തിനു വിമർശനം
കോഴിക്കോട്: ജില്ലയിലെ രണ്ടു പാര്ലമെന്റ് മണ്ഡലങ്ങളില് സിപിഎം സ്ഥാനാര്ഥികള് ദയനീയമായി പരാജയപ്പെട്ടത് പഠിക്കാന് സിപിഎം. കോഴിക്കോട്ടെയും വടകരയിലെയും തോല്വി പരിശോധിക്കാനാണ് കഴിഞ്ഞ ദിവസം ചേര്ന്ന ജില്ലാ കമ്മിറ്റി യോഗം തീരുമാനിച്ചിട്ടുള്ളത്. രണ്ടുമണ്ഡലങ്ങളിലും ഇടതുപക്ഷത്തിന്റെ വോട്ടുകള് വന്േതാതില് ചോര്ന്നതായി യോഗം വിലയിരുത്തി. സിപിഎം ന്യൂനപക്ഷങ്ങളുടെ വോട്ടിനുവേണ്ടി നടന്നപ്പോള് ഹിന്ദുവോട്ടുകള് ലഭിക്കാത്ത സാഹചര്യമുണ്ടായതായി വിമര്ശനമുയര്ന്നു. ഈഴവ വോട്ടുകള് ബിജെപിക്കും കോണ്ഗ്രസിനും ലഭിച്ചു. കോഴിക്കോട്ടെ യുഡിഎഫ് സ്ഥാനാര്ഥി എം.കെ. രാഘവന്റെ നാലാംവട്ട വിജയത്തിനു കാരണം ജനങ്ങള് യുഡിഎഫ് പക്ഷത്തുനിന്നതുകൊണ്ടല്ല. മറിച്ച് സിപിഎമ്മിന്റെ സംഘടനാതലത്തിലെ പോരായ്മകളാണ്. പാര്ട്ടി പ്രവര്ത്തകരുടെ വോട്ടുകള് പലയിടത്തും രേഖപ്പെടുത്താതിരുന്നതും ചില വോട്ടുകള് യുഡിഎഫിലേക്കു മറിഞ്ഞതും പാര്ട്ടി പരിശോധിക്കും. മന്ത്രിമാരായ പി.എ. മുഹമ്മദ് റിയാസ് പ്രതിനിധാനം ചെയ്യുന്ന ബേപ്പൂരിലും എ.കെ. ശശീന്ദ്രന്റെ എലത്തൂരും വന് തോതില് വോട്ട് ചോർച്ചയുണ്ടായത് പ്രത്യേകം പരിേശാധിക്കാന് പാര്ട്ടി തീരുമാനിച്ചിട്ടുണ്ട്.
Read More‘കൃഷ്ണാ ഗുരുവായൂരപ്പാ….ഭഗവാനേ’! പ്രാർഥനയോടെ തുടക്കം; മലയാളത്തിൽ സത്യപ്രതിജ്ഞ ചെയ്ത് സുരേഷ് ഗോപി
ന്യൂഡൽഹി: ലോക്സഭ അംഗമായി മലയാളത്തിൽ സത്യപ്രതിജ്ഞ ചെയ്ത് സുരേഷ് ഗോപി. ‘കൃഷ്ണാ ഗുരുവായൂരപ്പാ ഭഗവാനേ’ എന്നു ജപിച്ചുകൊണ്ടാണ് അദ്ദേഹം പീഠത്തിന് അരികിലേക്ക് എത്തിയത്. സത്യപ്രതിജ്ഞയ്ക്ക് ശേഷം ഭരണപക്ഷത്തെയും പ്രതിപക്ഷത്തെയും തൊഴുതാണ് സുരേഷ് ഗോപി സീറ്റിലേക്ക് മടങ്ങിയതും. കേരളത്തില് നിന്നുള്ള ബിജെപിയുടെ ആദ്യ ലോക്സഭാംഗമാണ് സുരേഷ് ഗോപി. മൂന്നാം മോദി സര്ക്കാരിൽ ടൂറിസം, പെട്രോളിയം വകുപ്പുകളുടെ സഹമന്ത്രിയാണ് അദ്ദേഹം. ലോക്സഭയിൽ എംപിമാരുടെ സത്യപ്രതിജ്ഞാ ചടങ്ങ് പുരോഗമിക്കുകയാണ്. പ്രധാനമന്ത്രി നരേന്ദ്രമോദി ആദ്യം സത്യപ്രതിജ്ഞ ചെയ്തു. പ്രധാനമന്ത്രിക്ക് ശേഷം രണ്ടാമതായി രാജ്നാഥ് സിങും മൂന്നാമതായി അമിത് ഷായും സത്യപ്രതിജ്ഞ ചെയ്തു. സമ്മേളനത്തിന് മുന്നോടിയായി എല്ലാ എംപിമാരെയും പ്രധാനമന്ത്രി നരേന്ദ്രമോദി സ്വാഗതം ചെയ്തിരുന്നു. അതേസമയം, കേരളത്തിൽ നിന്നുള്ള മറ്റ് എംപിമാരുടെ സത്യപ്രതിജ്ഞ വൈകുന്നേരം നാലു മണിയോടെയാകും നടക്കുക.
Read Moreകൊടുംവളവുകളും കുത്തിറക്കവും അപകടത്തിന് കാരണമാകും; കെഎസ്ആര്ടിസി മിനി ബസുകള് ഹൈറേഞ്ച് പാതകളില് സുരക്ഷിതമാവില്ലെന്ന് ജീവനക്കാർ
‘കോട്ടയം: കെഎസ്ആര്ടിസി പുതുതായി നിരത്തിലിറക്കുന്ന മിനി ബസുകള് ഹൈറേഞ്ച് റൂട്ടുകളില് പ്രായോഗികമാകില്ലെന്ന് ജീവനക്കാര്. കുമളി, കട്ടപ്പന റൂട്ടുകളില് നിറയെ ആളുമായി മിനി ബസുകള് കയറ്റം കയറില്ലെന്നും യാത്ര സുരക്ഷിതമാകില്ലെന്നുമാണ് ആശങ്ക. മിനി ബസുകളില് യാത്രക്കാരെ നിർത്തി സര്വീസ് നടത്തുക ദുഷ്ക്കരമാണ്. 48 സീറ്റ് വലിയ ബസുകളില് 15 പേരെ നിർത്തി കൊണ്ടുപോകാന് അനുമതിയുണ്ട്. കോട്ടയത്തുനിന്നു സൂപ്പര് ഫാസ്റ്റും ടൗണ് ടു ടൗണും മൂന്നു മണിക്കൂറിലും ഫാസ്റ്റ് പാസഞ്ചര് മൂന്നു മണിക്കൂറിലും ഓര്ഡിനറി നാലു മണിക്കൂറിലും കുമളിയിലും കട്ടപ്പനയിലും ഓടിയെത്തേണ്ടതാണ്. മിനി ബസ് ഈ സമയത്തിനുള്ളില് ഓടിയെത്തില്ല. മാത്രവുമല്ല കൊടുംവളവുകളും കുത്തിറക്കവുമുള്ള ഹൈറേഞ്ച് പാതയില് ചെറു ബസുകളുടെ സര്വീസ് അപകടത്തിന് കാരണമാകും. 2002ല് കെഎസ്ആര്ടിസി 350 മിനി ബസുകള് വാങ്ങിയിരുന്നു. തുടര്ച്ചയായി കേടുപാടുകള് വന്നതോടെ നഷ്ടം പെരുത്തു. അറ്റകുറ്റപ്പണിക്ക് വന്തുക മുടക്കേണ്ടിവന്നതിനാല് ബസുകള് കട്ടപ്പുറത്തായി. പത്താം വര്ഷം ബസുകള്…
Read More