കണ്ണൂർ: സെൻട്രൽ ജയിലിൽനിന്നു മയക്കുമരുന്നു കേസിലെ ശിക്ഷാത്തടവുകാരൻ ഹർഷാദ് രക്ഷപ്പെടാനിടയായതുമായി ബന്ധപ്പെട്ടുള്ള അന്വേഷണ റിപ്പോർട്ട് ജയിൽ ഡിജിപി ബൽറാം കുമാർ ഉപാധ്യായക്ക് കൈമാറി. വകുപ്പുതല അന്വേഷണത്തിന്റെ ഭാഗമായി തവനൂർ സെൻട്രൽ ജയിൽ സൂപ്രണ്ട് വി. ജയകുമാർ ഉത്തരമേഖല ജയിൽ ഡിഐജി ബി. സുനിൽകുമാറിന് സമർപ്പിച്ച റിപ്പോർട്ടാണ് ജയിൽ ഡിജിപിക്ക് കൈമാറിയത്. ജയിലിനു പുറത്തേക്കു തടവുകാരെ ഇറക്കുന്പോൾ പാലിക്കേണ്ട ചട്ടങ്ങൾ പാലിച്ചില്ലെന്നു പറയുന്ന റിപ്പോർട്ടിൽ ഉദ്യോഗസ്ഥരുടെ ജാഗ്രതക്കുറവാണ് പ്രതി രക്ഷപ്പെടാനിടയാക്കിയതെന്നു ചൂണ്ടിക്കാട്ടുന്നുണ്ട്. അതേസമയം ജയിലിലെ ജീവനക്കാരുടെ കുറവും പ്രതിയുടെ രക്ഷപ്പെടലിനു സഹായിച്ചതായും റിപ്പോർട്ടിലുണ്ട്. ആവശ്യത്തിനു ജീവനക്കാരില്ലാത്ത അവസ്ഥ പരിഹരിക്കപ്പെടണമെന്ന പരാമർശവും റിപ്പോർട്ടിലുണ്ട്. അന്വേഷണ റിപ്പോർട്ടിന്റെ അടിസ്ഥാനത്തിൽ കണ്ണൂർ സെൻട്രൽ ജയിൽ ഉദ്യോഗസ്ഥർക്കും ജീവനക്കാർക്കുമെതിരേ നടപടി ഉണ്ടായേക്കും. പത്രക്കെട്ട് എടുക്കാൻ പോകുന്നതിനിടയിലാണ് മറ്റൊരാളുടെ ബൈക്കിൽ കയറി ഹർഷാദ് രക്ഷപെട്ടത്. ഗേറ്റിന് പുറത്തേക്ക് പോയ പ്രതി നിമിഷനേരം കൊണ്ട് ദേശീയപാതയിൽ നിർത്തിയിട്ടിരുന്ന…
Read MoreCategory: Loud Speaker
സർക്കാർ ജീവനക്കാരുടെ പണിമുടക്ക് നാളെ; ഡയസ്നോണ് പ്രഖ്യാപിച്ച് സർക്കാർ
തിരുവനന്തപുരം: സംസ്ഥാന സർക്കാർ ജീവനക്കാരുടെ പണിമുടക്ക് നാളെ. അതേസമയം പ്രതിപക്ഷ സംഘടനകളുടെ നേതൃത്വത്തിൽ നാളെ നടത്താനിരിക്കുന്ന പണിമുടക്കിനെതിരെ ഡയസ്നോണ് ഏർപ്പെടുത്തി സർക്കാർ ഉത്തരവിറക്കി. അനധികൃതമായി ജോലിക്ക് ഹാജരാകാതെ ജീവനക്കാർ പണിമുടക്കിൽ പങ്കെടുക്കുന്നത് ഡയസ്നോണായി കണക്കാക്കുമെന്ന് പൊതുഭരണ വകുപ്പ് ചീഫ് സെക്രട്ടറി ഡോ. വി. വേണു പുറത്തിറക്കിയ ഉത്തരവിൽ പറയുന്നു. ഗവർണറുടെ നിർദേശപ്രകാരമാണ് ഉത്തരവെന്നും വ്യക്തമാക്കിയിട്ടുണ്ട്. പണിമുടക്ക് ദിവസത്തെ ശന്പളം അടുത്ത മാസത്തെ ശന്പളത്തിൽ നിന്ന് കുറയ്ക്കും, അക്രമ പ്രവർത്തനങ്ങളിൽ ഏർപ്പെടുകയോ പൊതുമുതൽ നശിപ്പിക്കുകയോ ചെയ്യുന്ന ജീവനക്കാരെ പ്രോസിക്യൂട്ട് ചെയ്യും, അനുമതിയില്ലാതെ ജോലിക്ക് ഹാജരാകാതിരിക്കുന്ന താത്കാലിക ജീവനക്കാരെ സർവീസിൽ നിന്നും നിക്കം ചെയ്യുമെന്നും ഉത്തരവിൽ വ്യക്തമാക്കിയിട്ടുണ്ട്. പണിമുടക്ക് ദിവസത്തെ ജീവനക്കാരുടെ എണ്ണം അടക്കം അതത് വകുപ്പു മേധാവികൾ റിപ്പോർട്ട് ചെയ്യണമെന്നും അവശ്യസേവനങ്ങൾ തടസപ്പെടുന്നില്ലെന്ന് ഉറപ്പുവരുത്തണമെന്നും ഉത്തരവിൽ നിർദേശിച്ചിട്ടുണ്ട്. ആറു ഗഡു(18 ശതമാനം) ഡിഎ അനുവദിക്കുക, ലീവ് സറണ്ടർ പുനസ്ഥാപിക്കുക,…
Read Moreമഹാരാജാസ് കോളജിലെ സംഘർഷം: നേരിട്ടിടപെടുമെന്നു മന്ത്രി ആർ. ബിന്ദു
തിരുവനന്തപുരം: മഹാരാജാസ് കോളജിലെ സംഘർഷത്തിന്റെ പേരിലുള്ള പ്രശ്ന പരിഹാരത്തിന് നേരിട്ട് ഇടപെടുമെന്ന് ഉന്നത വിദ്യാഭ്യാസമന്ത്രി ആർ. ബിന്ദു. ഇതിനായി യോഗം വിളിക്കുമെന്നും മന്ത്രി പറഞ്ഞു. കോളജിൽ നടന്ന സംഘർഷത്തിൽ എസ്എഫ്ഐ യൂണിറ്റ് സെക്രട്ടറിക്ക് കഴിഞ്ഞയാഴ്ച കുത്തേറ്റിരുന്നു. സംഭവവുമായി ബന്ധപ്പെട്ട് ഒരു വിദ്യാർത്ഥിയെ പോലീസ് അറസ്റ്റ് ചെയ്തിരുന്നു. നിലവിൽ സംഘർഷാവസ്ഥ നിലനിൽക്കുന്ന സാഹചര്യത്തിലാണ് പ്രശ്നപരിഹാരത്തിന് സർക്കാർതലത്തിൽ ഇടപെടുമെന്ന് മന്ത്രി വ്യക്തമാക്കിയത്. അതേസമയം, സംഘര്ഷത്തെത്തുടര്ന്ന് അടച്ച കോളജ് എത്രയും പെട്ടെന്ന് തുറക്കാന് അധ്യാപക- രക്ഷാകർതൃ സംഘടന ജനറല് ബോഡി യോഗത്തില് തീരുമാനം. കോളജിന്റെ പ്രൗഢിയും പ്രതാപവും വീണ്ടെടുക്കുന്ന നടപടിയുടെ ഭാഗമായി ചില നിയന്ത്രണങ്ങള് കൊണ്ടുവരണമെന്ന് യോഗം ആവശ്യപ്പെട്ടു. വൈകുന്നേരം ആറിനുശേഷം കാമ്പസില് പ്രവേശിക്കാന് പ്രിന്സിപ്പലിന്റെ പ്രത്യേക അനുമതി വാങ്ങണം. വിദ്യാര്ഥികള്ക്ക് ഐഡി കാര്ഡ് നിര്ബന്ധമാക്കും. പിടിഎ യോഗങ്ങള് കൃത്യമായ ഇടവേളകളില് നടത്തും. വര്ക്കിംഗ് ഗ്രൂപ്പിന്റെ പ്രവര്ത്തനം ശക്തമാക്കും. സുരക്ഷ ശക്തിപ്പെടുത്താനായി…
Read Moreകുടുംബ വഴക്കിനെ തുടർന്ന് കുഞ്ഞിനെ ബസിൽ ഉപേക്ഷിച്ച് അമ്മ: നാലുമാസം പ്രായമുള്ള കുഞ്ഞിനെ തേടി അച്ഛനെത്തി
കോയമ്പത്തൂർ: അമ്മ ബസിൽ ഉപേക്ഷിച്ചു പോയ നാലു മാസം പ്രായമുള്ള കുഞ്ഞിനെ തേടി തൃശൂർ സ്വദേശിയായ അച്ഛൻ കോയമ്പത്തൂരിലെത്തി. എന്നാൽ അമ്മയും അച്ഛനും ഒരുമിച്ചു വന്നാലെ കുഞ്ഞിനെ കൈമാറാനാകൂ എന്നാണ് ശിശു സംരക്ഷണ വകുപ്പിന്റെ നിലപാട്. വെള്ളിയാഴ്ചയാണ് തിരുച്ചിറപ്പള്ളി സ്വദേശിയായ യുവതി കുഞ്ഞിനെ ബസിൽ ഉപേക്ഷിച്ചത്. ബസിൽ കയറിയ ശേഷം കുഞ്ഞിനെ മറ്റൊരാളെ ഏൽപിച്ച് യുവതി മുങ്ങുകയായിരുന്നു. തുടർന്ന് പോലീസുകാർ ആശുപത്രിയിലേക്കു മാറ്റിയ കുഞ്ഞ് ഇപ്പോൾ ശിശുസംരക്ഷണ വകുപ്പിന്റെ സംരക്ഷണയിലാണ്. കുടുംബവഴക്കിനെത്തുടർന്നാണ് കുഞ്ഞിനെ ഉപേക്ഷിച്ചതെന്ന് പോലീസ് പറഞ്ഞു. വെള്ളിയാഴ്ച തിരക്കേറിയ സ്വകാര്യ ബസിൽ കയറിയ ശേഷം കുഞ്ഞിനെ പിടിക്കാൻ മറ്റൊരു സ്ത്രീയോടു യുവതി ആവശ്യപ്പെടുകയായിരുന്നു. കോയമ്പത്തൂരിൽ എത്തുമ്പോൾ കുഞ്ഞിനെ തിരികെ വാങ്ങാമെന്ന് പറഞ്ഞിരുന്നു. എന്നാൽ, യുവതിയെ കാണാതായതോടെ പോലീസിനെ വിവരമറിയിക്കുകയായിരുന്നു. സമൂഹമാധ്യമങ്ങളിലൂടെ വിവരമറിഞ്ഞാണ് കുഞ്ഞിന്റെ അച്ഛൻ സ്റ്റേഷനിലെത്തുന്നത്. തൃശൂർ സ്വദേശിയും യുവതിയും പ്രണയിച്ചു വിവാഹിതരായവരാണ്. ബന്ധുക്കൾ പ്രണയത്തെ…
Read Moreമാസപ്പടി കേസ്: ഷോണ് ജോര്ജ് ഹൈക്കോടതിയില് ഉപഹര്ജി നല്കി
കൊച്ചി: മുഖ്യമന്ത്രിയുടെ മകള് വീണ വിജയന്റെ എക്സാലോജിക്കും കരിമണല് കമ്പനിയായ സിഎംആര് എലും തമ്മിലുള്ള സാമ്പത്തിക ഇടപാടില് കേന്ദ്ര കോര്പ്പറേറ്റ് മന്ത്രാലയം പ്രഖ്യാപിച്ച അന്വേഷണത്തിനെതിരേ ഹര്ജിക്കാരനായ ഷോണ് ജോര്ജ് ഹൈക്കോടതിയില് ഉപഹര്ജി നല്കി. കമ്പനി നിയമത്തിലെ വകുപ്പ് 210 പ്രകാരമാണ് പുതുച്ചേരി രജിസട്രാര് ഓഫ് കമ്പനീസ് ഉള്പ്പെടെയുള്ള മൂന്നംഗ സംഘത്തെ കേന്ദ്രം അന്വേഷണം ഏല്പ്പിച്ചത്. എന്നാല് ഈ വകുപ്പു പ്രകാരം പ്രഖ്യാപിച്ചിരിക്കുന്ന അന്വേഷണം കമ്പനി നിയമത്തിനുള്ളില് മാത്രം ഒതുങ്ങുന്ന ഗൗരവം കുറഞ്ഞ അന്വേഷണമാണെന്നും പിന്വലിക്കണമെന്നും ആവശ്യപ്പെട്ടാണ് ഉപഹര്ജി നല്കിയിരിക്കുന്നത്. സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് അന്വേഷണം വേണമെന്നാണ് ഹര്ജിയില് ആവശ്യപ്പെട്ടിരുന്നത്. എസ്എഫ്ഐഒ അന്വേഷിച്ചാല് സിബിഐയും ഇഡിയും ഉള്പ്പെടെയുള്ള കേന്ദ്ര ഏജന്സികളുടെ പങ്കാളിത്തം ഉറപ്പാക്കാനാകുമെന്നാണ് വാദം. മാസപ്പടി കേസില് രാഷ്ട്രീയ നേതാക്കളും കമ്പനിയും ചേര്ന്നുള്ള അഴിമതി നടന്നിട്ടുണ്ടെന്നും കേരള തീരത്തെ അനധികൃത മൈനിംഗിനായി വന് തുക കോഴയായി ചെലവഴിച്ചിട്ടുണ്ടെന്നും…
Read Moreനിയന്ത്രണങ്ങൾ കടുപ്പിച്ച് മഹാരാജാസ്: കോളജ് തുറക്കാൻ തീരുമാനം; വൈകുന്നേരം ആറ് കഴിഞ്ഞാൽ കാമ്പസിൽ തുടരാൻ അനുവദിക്കില്ല
കൊച്ചി: വിദ്യാര്ഥിസംഘടനങ്ങള് തമ്മിലുണ്ടായ സംഘര്ഷത്തെത്തുടര്ന്ന് അടച്ച മഹാരാജാസ് കോളജ് എത്രയും പെട്ടെന്ന് തുറക്കാന് അധ്യാപക- രക്ഷാകർതൃ സംഘടന ജനറല് ബോഡി യോഗത്തില് തീരുമാനം. ഇതിനുമുന്നോടിയായി ചൊവ്വ രാവിലെ 11ന് വിദ്യാര്ഥി സംഘടനാ നേതാക്കളുടെ യോഗം ചേരാൻ തീരുമാനിച്ചു. കോളജിന്റെ പ്രൗഢിയും പ്രതാപവും വീണ്ടെടുക്കുന്ന നടപടിയുടെ ഭാഗമായി ചില നിയന്ത്രണങ്ങള് കൊണ്ടുവരണമെന്ന് യോഗം ആവശ്യപ്പെട്ടു. വൈകുന്നേരം ആറിനുശേഷം കാമ്പസില് പ്രവേശിക്കാന് പ്രിന്സിപ്പലിന്റെ പ്രത്യേക അനുമതി വാങ്ങണം. വിദ്യാര്ഥികള്ക്ക് ഐഡി കാര്ഡ് നിര്ബന്ധമാക്കും. പിടിഎ യോഗങ്ങള് കൃത്യമായ ഇടവേളകളില് നടത്തും. വര്ക്കിംഗ് ഗ്രൂപ്പിന്റെ പ്രവര്ത്തനം ശക്തമാക്കും. സുരക്ഷ ശക്തിപ്പെടുത്താനായി അഞ്ച് സെക്യൂരിറ്റി ഗാര്ഡുകളെ നിയോഗിക്കാനും യോഗത്തിൽ തീരുമാനമായി. എസ്എഫ്ഐ യൂണിറ്റ് സെക്രട്ടറി അബ്ദുള് നാസറിനെ കുത്തിപ്പരിക്കേല്പ്പിച്ചതിനെ തുടർന്ന് വിദ്യാര്ത്ഥി സംഘര്ഷം നിലനില്ക്കുന്ന സാഹചര്യത്തിലാണ് കോളജ് അനിശ്ചിത കാലത്തേക്ക് അടച്ചിട്ടത്. ബുധനാഴ്ച രാത്രി നാടക പരിശീലനത്തിനിടെയുണ്ടായ സംഘര്ഷത്തെ തുടര്ന്നാണ് അബ്ദുള് നാസറിനെ…
Read Moreലോകം കണ്ട ഏറ്റവും ധീരനായ സ്വാതന്ത്ര്യസമര പോരാളിയുടെ നെഞ്ചില് വെടിയുതിര്ത്തവര്; എത്ര കിണഞ്ഞു ശ്രമിച്ചാലും അവര്ക്കൊപ്പം രാമനുണ്ടാവില്ല: വി.ഡി. സതീശൻ
ലോകം കണ്ട ഏറ്റവും ധീരനായ സ്വാതന്ത്ര്യസമര പോരാളിയുടെ നെഞ്ചില് വെടിയുതിര്ത്തവര് എത്ര കിണഞ്ഞു പരിശ്രമിച്ചാലും അവര്ക്കൊപ്പം രാമനുണ്ടാവില്ലന്ന് പ്രതിപക്ഷ നേതാവ് വി.ഡി. സതീശൻ. വിശ്വാസത്തെ രാഷ്ട്രീയവുമായി ചേർത്ത് വയ്ക്കുകയും അതിലൂടെ തെരഞ്ഞെടുപ്പ് രാഷ്ട്രീയം ലക്ഷ്യമിടുകയും ചെയ്യുന്നത് ഭരണഘടനയുടേയും ജനാധിപത്യത്തിന്റേയും അന്തസത്തയെ ചോദ്യം ചെയ്യുന്നതാണെന്നും അദ്ദേഹം പറഞ്ഞു. ഫേസ്ബുക്ക് പോസ്റ്റിലുടെയാണ് ഇക്കാര്യം വി. ഡി. സതീശൻ പറഞ്ഞത്. അയോധ്യയിലെ രാമക്ഷേത്രത്തിന്റെ പ്രാണ പ്രതിഷ്ഠാ ചടങ്ങിനോട് അനുബന്ധിച്ചാണ് അദ്ദേഹത്തിന്റെ പ്രതികരണം. ഫേസ്ബുക്ക് പോസ്റ്റിന്റെ പൂർണരൂപം… ലോകം കണ്ട ഏറ്റവും ധീരനായ സ്വാതന്ത്ര്യസമര പോരാളിയുടെ നെഞ്ചില് വെടിയുതിര്ത്തവര് എത്ര കിണഞ്ഞു പരിശ്രമിച്ചാലും അവര്ക്കൊപ്പം രാമനുണ്ടാവില്ല. സത്യവും നീതിയുമാണ് ഈശ്വരനെങ്കില്, ബിര്ളാ മന്ദിറിലെ ആ നടവഴിയില് 75 വര്ഷമായി കണ്ണില് ചോരയും തീയുമായി രാമന് നില്ക്കുന്നുണ്ട്. വിശ്വാസത്തെ രാഷ്ട്രീയവുമായി ചേർത്ത് വയ്ക്കുകയും അതിലൂടെ തെരഞ്ഞെടുപ്പ് രാഷ്ട്രീയം ലക്ഷ്യമിടുകയും ചെയ്യുന്നത് ഭരണഘടനയുടേയും ജനാധിപത്യത്തിന്റേയും അന്തസത്തയെ…
Read Moreമതനിരപേക്ഷതയാണ് ജനാധിപത്യ രാജ്യമായ ഇന്ത്യയുടെ ആത്മാവ്: ഒരു മതത്തെ മാത്രം പ്രോത്സാഹിപ്പിക്കുന്നതോ ഉയര്ത്തിക്കാട്ടുന്നതോ ശരിയല്ല; മോദിക്കെതിരേ മുഖ്യമന്ത്രി
തിരുവനന്തപുരം: അയോധ്യ രാമക്ഷേത്ര പ്രതിഷ്ഠാ ചടങ്ങിൽ പങ്കെടുത്ത പ്രധാനമന്ത്രി നരേന്ദ്രമോദിയെ വിമര്ശിച്ച് മുഖ്യമന്ത്രി പിണറായി വിജയന്. ഒരു മതത്തെ മാത്രം പ്രോത്സാഹിപ്പിക്കുന്നതോ ഉയര്ത്തിക്കാട്ടുന്നതോ ശരിയല്ലെന്ന് മുഖ്യമന്ത്രി പറഞ്ഞു. അയോധ്യയിലേക്ക് ട്രസ്റ്റിന്റെ ക്ഷണം ഉണ്ടായിരുന്നു. ആ ക്ഷണം സ്വീകരിക്കാതെ ഭരണഘടനാമൂല്യങ്ങള് ഉയര്ത്തിപ്പിടിക്കാമെന്നും മുഖ്യമന്ത്രി പറഞ്ഞു. ഈയൊരു അവസരം ആളുകൾക്കിടയിൽ സാഹോദര്യം വളർത്തുന്നതിന് വേണ്ടി നമുക്ക് ഉപയോഗിക്കാമെന്ന് അദ്ദേഹം വ്യക്തമാക്കി. ഭരണഘടനപ്രകാരം സത്യപ്രതിജ്ഞ ചെയ്ത ആളുകള്ക്ക് എല്ലാവര്ക്കും ഒരേ അവകാശം ഉറപ്പ് വരുത്താനുള്ള ബാധ്യത ഉണ്ട്. ഇന്ത്യന് ഭരണഘടന എല്ലാ മതങ്ങള്ക്കും തുല്യത വാഗ്ദാനം ചെയ്യുന്നുണ്ട്. മതനിരപേക്ഷതയാണ് ജനാധിപത്യ രാജ്യമായ ഇന്ത്യയുടെ ആത്മാവ്. സ്വാതന്ത്ര്യസമര കാലം മുതൽ അത് രാജ്യത്തിന്റെ വ്യക്തിത്വത്തിന്റെ ഭാഗമാണ്. വിശ്വാസികളും ഏതെങ്കിലും മതത്തിൽ വിശ്വസിക്കാത്തവരും സ്വാതന്ത്ര്യസമരത്തിന്റെ ഭാഗമായിരുന്നു. ഈ രാജ്യത്ത് എല്ലാ വിഭാഗക്കാർക്കും തുല്യമായ അവകാശമാണുള്ളത്. മതവിശ്വാസം സ്വകാര്യ കാര്യമാണെന്നും അദ്ദേഹം കൂട്ടിച്ചേര്ത്തു. അയോധ്യയിൽ രാമക്ഷേത്രത്തിന്റെ…
Read Moreഇലക്ട്രിക് ബസ്: കെഎസ്ആർടിസി ഉദ്യോഗസ്ഥരുടെ യോഗം ചേരും; ബസിന്റെ വരവു ചെലവ് കണക്ക് സംബന്ധിച്ച റിപ്പോർട്ട് കെ.ബി. ഗണേഷ് കുമാറിന് സമർപ്പിക്കും
തിരുവനന്തപുരം: ഇലക്ട്രിക് ബസിന്റെ വരവു ചെലവ് കണക്ക് സംബന്ധിച്ച റിപ്പോർട്ട് ഇന്ന് ഗതാഗതമന്ത്രി കെ.ബി. ഗണേഷ് കുമാറിന് കെഎസ്ആർടിസി സമർപ്പിക്കും. കെഎസ്ആർടിസി എംഡി. ബിജു പ്രഭാകർ വിദേശത്തായതിനാൽ ജോയിന്റ് എംഡിയാണ് റിപ്പോർട്ട് സമർപ്പിക്കുന്നത്. ഇലക്ട്രിക് ബസിലെ ഓരോ റൂട്ടിലെയും വരവ് ചെലവ് കണക്കുകൾ ഉൾപ്പെടെയുള്ള റിപ്പോർട്ട് ഉടൻ നൽകണമെന്ന് മന്ത്രി കഴിഞ്ഞയാഴ്ച കെഎസ്ആർടിസിക്ക് നിർദേശം നൽകിയിരുന്നു. ഇന്ന് കെഎസ്ആർടിസി ഉദ്യോഗസ്ഥരുടെ യോഗം മന്ത്രി വിളിച്ച് ചേർത്തിട്ടുണ്ട്. ഇലക്ട്രിക് ബസുകൾ പുതുതായി വാങ്ങില്ലെന്ന് മന്ത്രി കഴിഞ്ഞയാഴ്ച വ്യക്തമാക്കിയിരുന്നു. ഒരു ബസിന് ചെലവാകുന്ന 93 ലക്ഷം രൂപയുണ്ടെങ്കിൽ നാല് ഡീസൽ ബസ് വാങ്ങാമെന്നും ഇലക്ട്രിക് ബസ് നഷ്ടമാണെന്നുമാണ് മന്ത്രി വ്യക്തമാക്കിയത്. ഇത് രാഷ്ട്രീയ വിവാദമായി മാറിയിരുന്നു. ഭരണപക്ഷ എംഎൽഎ വി.കെ. പ്രശാന്തും സിപിഎം സംസ്ഥാന സെക്രട്ടറി എം. വി.ഗോവിന്ദൻ മാസ്റ്ററും മന്ത്രിയുടെ നിലപാടിനെ തള്ളികളഞ്ഞിരുന്നു. കിഫ്ബി വഴിയും സ്മാർട്ട് സിറ്റി…
Read Moreഭാരത് ജോഡോ ന്യായ് യാത്രയ്ക്ക് നേരേ ആക്രമണം: കോണ്ഗ്രസ് പ്രതിഷേധം ശക്തം: ഡിസിസികളുടെ നേതൃത്വത്തില് എല്ലാ ജില്ലാ കേന്ദ്രങ്ങളിലും പ്രകടനം
തിരുവനന്തപുരം: അസമില്വെച്ച് രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രക്ക് നേരെയുള്ള ബിജെപിയുടെ ആക്രമണത്തില് പ്രതിഷേധിച്ച് കോണ്ഗ്രസ് ഇന്ന് വൈകുന്നേരം ഡിസിസികളുടെ നേതൃത്വത്തില് സംസ്ഥാനത്തെ എല്ലാ ജില്ലാകേന്ദ്രങ്ങളിലും പ്രകടനങ്ങള് നടത്തുമെന്ന് കെപിസിസി ജനറല് സെക്രട്ടറി ടി.യു. രാധാകൃഷ്ണന്. രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രയിലെ അസാധാരണമായ ജനപങ്കാളിത്തം കണ്ട് വിറളിപിടിച്ച ബിജെപി വ്യാപകമായ അക്രമം അഴിച്ചുവിടുകയാണെന്നും അസം മുഖ്യമന്ത്രി ഹിമന്ത ബിശ്വ ശര്മയുടെ നേതൃത്വത്തിലാണ് അക്രമത്തിന് നേതൃത്വം നല്കുന്നതെന്നും കോൺഗ്രസ് ആരോപിച്ചു. യാത്രയുടെ റൂട്ട് മാറ്റിയതിന്റെ പേരില് കേസെടുത്തതിന് തൊട്ടുപിന്നാലെയാണ് ബിജെപി അക്രമം ഭാരത് ജോഡോ ന്യായ് യാത്രക്ക് നേരെയും നേതാക്കള്ക്കും എതിരെ നടത്തുന്നത്. അസം മുഖ്യമന്ത്രി ഹിമന്ത ബിശ്വ ശര്മയുടെ അഴിമതികള് രാഹുല് ഗാന്ധി തുറന്ന് കാട്ടിയത് മുതല് പ്രതികാര നടപടികളാണ് ബിജെപിയുടെ ഭാഗത്ത് നിന്നും ഉണ്ടാകുന്നത്. രാഹുല് ഗാന്ധിയുടെ വാഹന…
Read More