കൊല്ലം: കാണാതായ രണ്ട് വയസുകാരനെ തിരച്ചിലിനൊടുവില് രണ്ട് കിലോമീറ്ററപ്പുറമുള്ള വയലില്നിന്ന് കണ്ടെത്തി. നാട്ടുകാര് നടത്തിയ തിരച്ചിലിലാണ് കുട്ടിയെ കണ്ടെത്തിയത്. തിങ്കളാഴ്ച ഉച്ചയോടെ ഇടയം-കരിപ്പോട്ടിക്കോണം ഭാഗത്തു നിന്നാണ് കുട്ടിയെ കാണാതായത്. റോഡരികിലാണ് രണ്ട് വയസുകാരന്റെ വീട്. ഇതിനോട് ചേര്ന്നുള്ള റബര് തോട്ടത്തിന് സമീപത്ത് മറ്റ് കുട്ടികളോടൊപ്പം രണ്ട് വയസുകാരനും കളിക്കുന്നുണ്ടായിരുന്നു. അതിനിടെ ഇവരുടെ ബന്ധു എത്തി കുട്ടികളെ വീട്ടിലേക്ക് പറഞ്ഞയച്ചു. മറ്റു കുട്ടികള്ക്കൊപ്പം രണ്ട് വയസുകാരനും വീടിന് സമീപം വരെ എത്തി. എല്ലാവരും വീട്ടില് കയറിയെന്ന് കരുതി ബന്ധു മടങ്ങുകയും ചെയ്തു. എന്നാല് കുട്ടി വീട്ടിലെത്തിയില്ലെന്ന് മനസിലായതോടെ നാട്ടുകാര് തിരച്ചില് നടത്തുകയായിരുന്നു. ഇതിനിടെ അഞ്ചല് പോലീസും ഇവിടെയെത്തി. ഒരു മണിക്കൂറിന് ശേഷം പൊലിക്കോട്-അറയ്ക്കല് റോഡില് ഇടയം ഭാഗത്തെ വയലില്നിന്ന് കുട്ടിയെ കണ്ടെത്തി. അഞ്ചലിലെ പ്രാഥമിക ആരോഗ്യ കേന്ദ്രത്തില് കുട്ടിയെ പ്രവേശിപ്പിക്കുകയും ചെയ്തു. കുട്ടിക്ക് മറ്റു പരിക്കുകളോ ആരോഗ്യ പ്രശ്നങ്ങളോ…
Read MoreCategory: Loud Speaker
ആലപ്പുഴ-കണ്ണൂര് എക്സിക്യൂട്ടീവ് എക്സ്പ്രസില് തീവച്ച സംഭവം; അക്രമിയുടെ ലക്ഷ്യം തേടി പോലീസ് ; പ്രതിക്ക് പിന്നിൽ ആരൊക്കെ?
കോഴിക്കോട്: എലത്തൂരില് ആലപ്പുഴ-കണ്ണൂര് എക്സിക്യൂട്ടീവ് എക്സ്പ്രസില് തീവച്ചസംഭവത്തില് പ്രതിയെന്ന് സംശയിക്കുന്ന ഷാറൂഖ് സെയ്ഫിന്റെ വിവരങ്ങള് തേടി പോലീസ് ഉത്തര് പ്രദേശിലെ നോയിഡയില് എത്തി. കോഴിക്കോട്ടെ റെയില്വേ പോലീസുകാർ ഉൾപ്പെട്ട സംഘം പ്രതിയുടെ ബന്ധുക്കളുടെ മൊഴിയെടുക്കും. പ്രതിയെക്കുറിച്ചുള്ള വിശദവിവരങ്ങളും ശേഖരിക്കും. ആക്രമണം നടന്ന സ്ഥലത്ത് ട്രാക്കില് ഉപക്ഷേിച്ചനിലയില് കണ്ടെത്തിയ ബാഗില്നിന്നാണു പ്രതിയെന്നു സംശയിക്കുന്ന ഉത്തരേന്ത്യക്കാരനിലേക്ക് പോലീസ് എത്തിയത്. എന്നാല് പ്രതി ഷാറൂഖ് സെയ്ഫ് ആണെന്ന കാര്യം പോലീസ് ഔദ്യോഗികമായി സ്ഥിരീകരിച്ചിട്ടില്ല. പ്രതി കസ്റ്റഡിയില് ഉണ്ടെന്ന വിവരം പോലീസ് ഇന്നു രാവിലെയും നിഷേധിച്ചു. നിലവിൽ പോലീസ് സംശയിക്കുന്ന ഷാറൂഖ് സെയ്ഫാണ് പ്രതിയെങ്കിൽ സ്വയം മരിക്കാന് പോലും തയാറായാണ് അയാൾ ട്രെയിനില് കയറിയതെന്ന വിവരമാണ് പോലീസ് കേന്ദ്രങ്ങളിൽനിന്നു ലഭിക്കുന്നത്. ഇയാള് ജോലിചെയ്തുവെന്ന് കരുതപ്പെടുന്ന കോഴിക്കോട് അശോകപുരത്ത് അന്വേഷണസംഘം രഹസ്യമായി പരിശോധന നടത്തിയിരുന്നു. സംസ്ഥാനത്താകെ ഇതരസംസ്ഥാനക്കാരുടെ ക്യാമ്പുകളിൽ വ്യാപക തെരച്ചിൽ നടത്തി വരുന്നു.…
Read More80 ലക്ഷത്തിന്റെ ലോട്ടറിയടിച്ചതിന് പാര്ട്ടി നടത്തുന്നതിനിടയില് യുവാവിന് മരണം ! സംഭവത്തില് ദുരൂഹത…
കേരളാ സംസ്ഥാന ഭാഗ്യക്കുറിയുടെ 80 ലക്ഷം രൂപയുടെ ലോട്ടറിയടിച്ച യുവാവിന്റെ മരണത്തില് ദുരൂഹത. സുഹൃത്തുക്കള്ക്ക് വേണ്ടി പാര്ട്ടി നടത്തുന്നതിനിടെയായിരുന്നു മരണം. സല്ക്കാരത്തിനിടയില് വീടിന്റെ മണ്തിട്ടയില് നിന്നും ദുരൂഹ സാഹചര്യത്തില് താഴേക്ക് വീണു മരിക്കുകയായിരുന്നു. പാങ്ങോട് മതിര തൂറ്റിക്കല് സജി വിലാസത്തില് സജീവ് (35) ആണ് മരിച്ചത്. ഇയാള്ക്ക് കഴിഞ്ഞ മാസം കേരളാ സംസ്ഥാന ഭാഗ്യക്കുറിയുടെ 80 ലക്ഷം രൂപ സമ്മാനമായി ലഭിച്ചിരുന്നു. ഇക്കഴിഞ്ഞ ദിവസമാണ് തുക ബാങ്കിലേക്കെത്തിയത്. തുടര്ന്ന് ഇക്കഴിഞ്ഞ ഒന്നാംതീയതി രാത്രി ഒമ്പതു മണിക്ക് സുഹൃത്തായ പാങ്ങോട് ചന്തക്കുന്നില് വാടകയ്ക്ക് താമസിക്കുന്ന രാജേന്ദ്രന്പിള്ളയുടെ വീട്ടില് ഇവര് ഒരുമിച്ചുകൂടി മദ്യസല്ക്കാരം നടത്തുകയായിരുന്നു. മദ്യ സല്ക്കാരത്തിനിടയില് വീടിന്റെ മുറ്റത്തു നിന്നും ഒരു മീറ്റര് താഴ്ചയിലുള്ള റബ്ബര്തോട്ടത്തിലേക്ക് വീണ സജീവിന് ശരീരം തളര്ച്ചയും ദേഹാസ്വാസ്ഥ്യവും ഉണ്ടായതിനെത്തുടര്ന്ന് തിരുവന്തപുരം മെഡിക്കല് കോളേജില് പ്രവേശിപ്പിക്കുകയുമായിരുന്നു. മെഡിക്കല് കോളേജില് ചികില്സയിലിരിക്കെയാണ് ഇന്ന് വൈകുന്നേരത്തോടെ മരണം…
Read Moreകേരളത്തില് ഇടിമിന്നലോടുകൂടിയ മഴയ്ക്ക് സാധ്യത; 40 കിലോമീറ്റർ വേഗത്തിൽ കാറ്റിന് സാധ്യത; ജനങ്ങൾ ജാഗ്രത പുലര്ത്തണം
തിരുവനന്തപുരം: സംസ്ഥാനത്ത് ഒറ്റപ്പെട്ടയിടങ്ങളില് ഏഴുവരെ ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യത. 30 മുതല് 40 കിലോമീറ്റര് വരെ വേഗത്തിൽ കാറ്റുണ്ടാകും. മുന്നറിയിപ്പുമായി കേന്ദ്രകാലാവസ്ഥാ വകുപ്പ് . ഇടിമിന്നലോട് കൂടിയ മഴയുടെ സാധ്യത മുന്നിര്ത്തി സംസ്ഥാന ദുരന്ത നിവാരണ അതോറിറ്റി പൊതുജനങ്ങള്ക്കായി ജാഗ്രതാ നിര്ദേശങ്ങള് പുറത്തിറക്കി. ഇടിമിന്നല് ലക്ഷണം കണ്ടാല് തുറസായ സ്ഥലങ്ങളില് നില്ക്കരുത്. ജനലും വാതിലും അടച്ചിടണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം. അന്തരീക്ഷം മേഘാവൃതമെങ്കില് കുട്ടികളെ തുറസായ സ്ഥലത്തും, ടെറസിലും കളിക്കാന് അനുവദിക്കരുത്. ഇടിമിന്നലുള്ള സമയത്ത് ടെറസിലോ, മുറ്റത്തോ പോകരുത്. ഉയരമുള്ള സ്ഥലങ്ങളില് ഇരിക്കുന്നത് അപകടകരമാണ്. വൃക്ഷങ്ങളുടെ ചുവട്ടിലും നില്ക്കരുത്. ജലാശയത്തില് മീന് പിടിക്കാനും കുളിക്കാനും ഇറങ്ങരുത്. ഇടിമിന്നല് സമയങ്ങളില് വാഹനത്തിനുള്ളില് സുരക്ഷിതരായിരിക്കുമെന്നതിനാല് വാഹനമോടിക്കുന്നവര് അതിനുള്ളില് തുടരണം. വാഹനങ്ങള് മരച്ചുവട്ടില് പാര്ക്ക് ചെയ്യരുത്. സൈക്കിള്, ബൈക്ക്, ട്രാക്ടര് എന്നീ വാഹനങ്ങളിലുള്ള യാത്ര ഒഴിവാക്കണമെന്നും…
Read Moreകരിപ്പൂരില് വന് സ്വര്ണവേട്ട ! ഉംറ തീര്ത്ഥാടത്തിനു പോയ നാലംഗസംഘം മൂന്നരക്കിലോ സ്വര്ണവുമായി പിടിയില്…
കരിപ്പൂര് വിമാനത്താവളത്തില് വീണ്ടും വന് സ്വര്ണവേട്ട. ഉംറ തീര്ത്ഥാടനത്തിനു പോയ നാലംഗസംഘത്തില് നിന്ന് മൂന്നരക്കിലോ സ്വര്ണമാണ് കസ്റ്റംസ് പിടിച്ചെടുത്തത്. അബ്ദുള് ഖാദര്, സുഹൈബ്, മുഹമ്മദ് സുബൈര്, യൂനസ് അലി എന്നിവരെയാണ് കസ്റ്റഡിയിലെടുത്തത്. ഇന്ഡിഗോ വിമാനത്തില് ജിദ്ദയില് നിന്ന് കരിപ്പൂര് വിമാനത്താവളത്തിലെത്തിയ യാത്രക്കാരായിരുന്നു ഇവര്. പിടിയിലായവരില് രണ്ട് പേര് കോഴിക്കോട് കാരന്തൂര് മര്ക്കസ് വിദ്യാര്ത്ഥികളാണ്. കഴിഞ്ഞ ദിവസം ഉംറ യാത്രയ്ക്ക് ചെലവായ ഒരു ലക്ഷം രൂപ തിരികെ പിടിക്കുന്നതിനായി സ്വര്ണം കടത്തിയ യൂനസിനെ കസ്റ്റംസ് പിടികൂടിയിരുന്നു. മലദ്വാരത്തില് ഒളിപ്പിച്ചായിരുന്നു ഇയാളുടെ സ്വര്ണക്കടത്ത്.
Read Moreഅക്രമി ലക്ഷ്യമിട്ടത് കൂട്ടക്കുരുതിയോ? ആക്രമണത്തിന് തെരഞ്ഞെടുത്ത സ്ഥലം പാലത്തിനു സമീപം; അക്രമിയെക്കുറിച്ച് ദൃക്സാക്ഷികള് പറയുന്നതിങ്ങനെ
കോഴിക്കോട് (കൊയിലാണ്ടി): എലത്തൂരില് ഇന്നലെ രാത്രി ഓടുന്ന ട്രെയിനില് അക്രമി തീയിടുകയും പ്രാണരക്ഷാര്ഥം ട്രാക്കിലേക്കു ചാടിയവരിൽ പിഞ്ചുകുഞ്ഞടക്കം മൂന്നു പേർ മരിക്കുകയും ഒമ്പത് പേര്ക്ക് പൊള്ളലേൽക്കുകയും ചെയ്ത സംഭവത്തിൽ തീവ്രവാദബന്ധവും അന്വേഷിക്കുന്നു. ആക്രമണത്തിന് തെരഞ്ഞെടുത്ത സ്ഥലം പാലത്തിനു സമീപമാണെന്നത് കൂട്ടക്കുരുതിയാണ് അക്രമി ലക്ഷ്യമിട്ടിരുന്നതെന്ന സംശയം ഉയർത്തുന്നു. ഡി-2 കോച്ചിൽനിന്നു ഡി-1ലേക്കു വന്ന അക്രമി, നേരേ ആക്രമണത്തിലേക്ക് കടക്കുകയായിരുന്നു. പെട്രോൾ ആളുകളുടെ ശരീരത്തിലേക്ക് സ്പ്രേ ചെയ്ത ശേഷം തീ കൊടുക്കുകയായിരുന്നു. അക്രമി മധ്യവയസ്ക്കനാണെന്ന വിവരമാണ് ദൃക്സാക്ഷികൾ നൽകുന്നത്. ടിക്കറ്റ് എടുക്കാതെയാണ് ഇയാൾ ടെയിനിൽ കയറിയതെന്നും അറിയുന്നു.ഇയാള് രക്ഷപ്പെട്ട ബൈക്ക് കേന്ദ്രീകരിച്ചാണ് അന്വേഷണം. അക്രമിയുടെ സിസിടിവി ദൃശ്യങ്ങള് ശേഖരിക്കാനുള്ള ശ്രമത്തിലാണ് പോലീസ്. അക്രമിയെ കണ്ടെത്താൻ കേരള പോലീസും റെയിൽവേ പോലീസും സംയുക്തമായാണ് അന്വേഷണം. സംഭവം നടന്ന ഡിവണ്, ഡി2 കോച്ചുകള് സീല് ചെയ്തു.അക്രമി ബാഗ് ഉപേക്ഷിച്ച് പോയത് കേസ്…
Read Moreവനിതാകണ്ടക്ടറെ സ്ഥലംമാറ്റിയ സംഭവം; തൊഴിലാളിയെ നാടുകടത്തുന്നത് പിണറായി മോഡൽ കമ്യൂണിസമെന്ന് വി. മുരളീധരൻ
തിരുവനന്തപുരം: ജോലിക്ക് കൂലിയാവശ്യപ്പെട്ടതിന് തൊഴിലാളിയെ നാടുകടത്തുന്നതാണ് പിണറായി മോഡൽ കമ്യൂണിസമെന്ന് കേന്ദ്ര സഹമന്ത്രി വി.മുരളീധരൻ. ശമ്പളം വൈകിയതിന് യൂണിഫോമില് പ്രതിഷേധ ബാഡ്ജ് ധരിച്ച് പ്രതിഷേധിച്ച വനിതാകണ്ടക്ടറെ സ്ഥലം മാറ്റിയതിലുള്ള പ്രതികരണമായി ഫേസ്ബുക്കിലാണ് വി. മുരളീധരന് വിമർശനമുന്നയിച്ചിരിക്കുന്നത്. പാർട്ടി സെക്രട്ടറിയുടെ ജാഥയിൽ പങ്കെടുത്തില്ലെങ്കിൽ കുട്ടനാട്ടിലെ കർഷകത്തൊഴിലാളികളുടെ തൊഴിൽ പോകുമെന്ന് ഭീഷണിപ്പെടുത്തിയതും ഇതേ സിപിഎം തന്നെയെന്നും തൊഴിലാളി വർഗ പാർട്ടിയെന്നതിനെക്കാൾ “തൊഴിലാളി വിരുദ്ധ പാർട്ടി’യെന്നതാണ് സിപിഎമ്മിന് ചേരുന്ന തലവാചകമെന്നും മുരളീധരൻ കുറിച്ചു. സമരങ്ങളുടെ പേരിൽ നിയമസഭയടക്കം കോടിക്കണക്കിന് രൂപയുടെ പൊതുമുതൽ നശിപ്പിച്ച ചരിത്രമുള്ള പാർട്ടി നയിക്കുന്ന സർക്കാരാണ് പ്രതിഷേധ ബാഡ്ജ് ധരിച്ചതിന് തൊഴിലാളിക്കെതിരേ പ്രതികാര നടപടി സ്വീകരിച്ചത്. പണിയെടുത്തു കൊണ്ടാണ് വനിതാ കണ്ടക്ടർ പ്രതിഷേധിച്ചത്.തൊട്ടതിനും പിടിച്ചതിനും ദേശീയപണിമുടക്ക് പ്രഖ്യാപിച്ച് ജനത്തെ പെരുവഴിയിലാക്കുന്ന കമ്മ്യൂണിസ്റ്റ് പാർട്ടി കണ്ടു പഠിക്കേണ്ട പ്രതിഷേധ രീതി. മുഖ്യമന്ത്രിയുടെയും കുടുംബത്തിന്റെയും വിദേശയാത്രയ്ക്കും ആഡംബര വാഹനങ്ങൾക്കും യുവജന കമ്മിഷൻ…
Read Moreവൈക്കം സത്യഗ്രഹ ശതാബ്ദി ആഘോഷം: സി.കെ. ആശയെ ഒഴിവാക്കിയ സര്ക്കാര് നടപടിക്കെതിരേ സിപിഐ; ജില്ലാ ഘടകത്തെ തള്ളി കാനം രാജേന്ദ്രൻ
കോട്ടയം: വൈക്കം സത്യഗ്രഹ ശതാബ്ദി ആഘോഷത്തോടനുബന്ധിച്ച് ഇന്ഫര്മേഷന് ആന്ഡ് പബ്ലിക് റിലേഷന് വകുപ്പ് പുറത്തിറക്കിയ സപ്ലിമെന്റില് വൈക്കത്തിന്റെ എംഎല്എയായ സി.കെ. ആശയെ ഒഴിവാക്കിയ സര്ക്കാര് നടപടിക്കെതിരേ സിപിഐ. എംഎല്എയെ അവഗണിച്ച നടപടിക്കെതിരേ സിപിഐ ജില്ലാ നേതൃത്വം സര്ക്കാരിനു രേഖാമൂലം പരാതി നല്കി. ശതാബ്ദി സമ്മേളനദിവസം വൈകുന്നേരംതന്നെ സോഷ്യല് മീഡിയയിലൂടെ സിപിഐ നേതാക്കള് പ്രതിഷേധം ഉയര്ത്തിയിരുന്നു. പട്ടികജാതി വിഭാഗത്തില്പെട്ട എംഎല്എയെ അവഗണിച്ചെന്നായിരുന്നു പോസ്റ്റുകള്. സമ്മേളനത്തില് എംഎല്എയ്ക്ക് അര്ഹമായ പ്രാതിനിധ്യം കിട്ടിയെന്നും പിആര്ഡി പരസ്യത്തില് സി.കെ. ആശയുടെ പേര് ഉണ്ടാകേണ്ടതായിരുന്നുവെന്നും സിപിഐ ജില്ലാ സെക്രട്ടറി വി.ബി. ബിനു പറഞ്ഞു. സര്ക്കാരിനെ പരാതി അറിയിച്ചിട്ടുണ്ടെന്നും വി.ബി. ബിനു പറഞ്ഞു. അതേസമയം ഇതുസംബന്ധിച്ച് ഒരു പരാതിയും വന്നിട്ടില്ലെന്നാണ് സമ്മേളനത്തിന്റെ സംഘാടക സമിതി ചെയര്മാന്കൂടിയായ മന്ത്രി വി.എന്. വാസവന് പ്രതികരിച്ചത്. ഒരു വിവാദത്തിനും അവസരം നല്കാതെ ഒരു കുറ്റവും ഇല്ലാതെയാണ് പരിപാടി നടന്നതെന്നും പിആര്ഡിക്ക്…
Read Moreഉത്തരം മുട്ടിയപ്പോള് പാട്ടെഴുതി വിദ്യാര്ഥി; വൈറല് മറുപടി നല്കി ടീച്ചറും! വിദ്യാര്ഥിയും ടീച്ചറും നല്ല വൈബുള്ളവര്തന്നെയെന്ന് കമന്റ്
പരീക്ഷ ഹാള് മിക്കവരുടെയും പരീക്ഷണശാല കൂടിയാണ്. കൈയിലേക്ക് ഭവ്യതയോടെ ഏറ്റുവാങ്ങുന്ന ചോദ്യക്കടലാസ് പൊള്ളിക്കുന്നത് മിക്കപ്പോഴും അത് വായിച്ചുനോക്കുമ്പോഴാണ്. എവിടെയോ കണ്ടുമറന്ന മുഖങ്ങളെ പോലെ ഉത്തരങ്ങള് ചിന്തയുടെ കണ്വെട്ടത്ത് കിടന്ന് കറങ്ങും. അതിനെ കണ്ടെത്താന് ശ്രമിച്ച് ഒടുവില് പലരും പലതും അങ്ങെഴുതും. ചില വിരുതന്മാര് ഈ സമയം കലാകാരന്മാരായി മാറും. അവര് കഥകളും പാട്ടുമൊക്കെ കുത്തിക്കുറിക്കും. അത്തരത്തില് സ്വന്തം ഉത്തരക്കടലാസില് സിനിമാപ്പാട്ടെഴുതി എയറിലായ ഒരു വിദ്യാര്ഥിയുടെ കാര്യമാണിത്.ചണ്ഡീഗഡ് സര്വകലാശാലയില് നിന്നുള്ള ഒരു വിദ്യാര്ഥിയാണ് കക്ഷി. പരീക്ഷയില് ഉത്തരം ഒന്നുമറിയാത്ത ടിയാന് ആകെ മൂന്ന് ചോദ്യങ്ങള്ക്കാണ് ഉത്തരം എഴുതിയത്. എന്നാല് ഈ ഉത്തരങ്ങളൊക്കെ ചലച്ചിത്ര ഗാനങ്ങളായിരുന്നു. ആദ്യത്തെ ഉത്തരം ത്രീ ഇഡിയറ്റ്സ് എന്ന സിനിമയിലെ ഗീവ് മീ സം സണ്ഷൈന്, ഗീവ് മീ സം റെയ്ന് എന്ന ഗാനത്തിന്റെ വരികളാണ്. രണ്ടാമത്തെ ഉത്തരം അധ്യാപികയെ ഒന്ന് പുകഴ്ത്തിയതാണ്. താങ്കള് മികച്ച…
Read Moreകലാലയ കാലം ആഘോഷമാക്കാനുള്ളതുതന്നെ..! കുക്കറും ബക്കറ്റും ഹാംഗറുമായി പഠിക്കാനെത്തുമ്പോള്; കാരണമിതാണ്…
ഒരു മനുഷ്യന്റെ ജീവിതത്തിലെ നല്ലയോര്മകള് മിക്കപ്പോഴും അവന്റെ പഠനകാലവുമായി ബന്ധപ്പെട്ടുള്ളതാകും. ജീവിതത്തിന്റെ ഉത്തരവാദിത്തങ്ങള് ഏറ്റെടുക്കും മുമ്പ് സ്വാതന്ത്ര്യത്തിന്റെ ഒരു ഘട്ടം എന്ന നിലയില് പലരും ഈ കാലയളവിനെ കാണാറുണ്ട്. വ്യത്യസ്ത ആശയങ്ങളും ചിന്താഗതികളും വിപ്ലവങ്ങളും പൊട്ടിത്തെറിയും ഒക്കെ ഇക്കാലയളവില് ഉടലെടുക്കാറുണ്ട്. ഇപ്പോഴിതാ ഒരുകൂട്ടം വിദ്യാര്ഥിനികള് “നോ ബാഗ് ഡേ’ കൊണ്ടാടുന്നതാണ് സമൂഹ മാധ്യമങ്ങളില് വൈറലാകുന്നത്. ചെന്നൈയിലെ വിമന്സ് ക്രിസ്ത്യന് കോളജിലെ വിദ്യാര്ഥിനികളാണ് ബാഗില്ലാതെ കോളജില് എത്തുന്നത്. ദൃശ്യങ്ങളില് ഇവര് ബാഗിന് പകരം കുക്കറും, ട്രോളിയും ഹാംഗറുമൊക്കെ ആയിട്ടാണ് എത്തുന്നത്. ഈ കാഴ്ച നെറ്റിസണിലും ചിരിപടര്ത്തി. നിരവധിപേര് വിദ്യാര്ഥിനികളുടെ ക്രിയേറ്റിവിറ്റിയെ പ്രശംസിച്ച് കമന്റുകളുമായി എത്തി. “കലാലയ കാലം ആഘോഷമാക്കാനുള്ളതുതന്നെ. പഠനത്തിനൊപ്പം ഇത്തരം ഭാവനകളും ചേര്ക്കുമ്പോള് കോളജ് ഡേയ്സ് മനോഹരമായിരിക്കും’ എന്നാണൊരാള് കുറിച്ചിട്ടുള്ളത്.
Read More