ലണ്ടന്: നഴ്സുമാര്ക്ക് രണ്ടു വര്ഷത്തെ പ്രത്യേക പരിശീലനം നല്കി സര്ജിക്കല് കെയര് പ്രാക്ടീഷണര്മാരാക്കാനുള്ള പദ്ധതി ബ്രിട്ടനിലെ എന്എച്ച്എസ് പ്രഖ്യാപിച്ചു. ശസ്ത്രക്രിയകളില് നേരിട്ടു പങ്കെടുക്കുന്നതിനുള്ള പരിശീലനമാണ് ലഭ്യമാക്കുക. സര്ജന്മാരുടെ ദൗര്ലഭ്യം നേരിടുന്നതിനും ഉള്ളവരുടെ ജോലി ഭാരം കുറയ്ക്കുന്നതിനും ലക്ഷ്യമിട്ടാണ് ഇത്തരമൊരു പദ്ധതി. വിദേശ നഴ്സുമാര്ക്ക് ഉള്പ്പെടെ ഉള്ളവർക്ക് ഇതിന്റെ ആനുകൂല്യം പ്രയോജനപ്പെടുത്താന് സാധിക്കും. അടിയന്തര ശസ്ത്രക്രിയകള് നടത്താന് പോലും രോഗികള് ദീര്ഘകാലം കാത്തിരിക്കേണ്ട അവസ്ഥയാണ് രാജ്യത്ത് നിലനില്ക്കുന്നത്. പുതിയ പദ്ധതിയിലൂടെ ഇത് ഒരു പരിധി വരെ പരിഹരിക്കാന് സാധിക്കുമെന്നാണ് എന്എച്ച്എസ് അധികൃതരുടെ പ്രതീക്ഷ. മൈനര് സര്ജറികള് പലതും സര്ജിക്കല് കെയര് പ്രാക്ടീഷണര്മാര്ക്ക് ഒറ്റയ്ക്ക് ചെയ്യാന് സാധിക്കും. ഹെര്ണിയ, സിസ്റ്റ്, തൊലിപ്പുറത്തുള്ള ഗ്രോത്തുകള് തുടങ്ങിയവ നീക്കം ചെയ്യുന്നതു പോലുള്ള പ്രക്രിയകളാണ് ഇവരെ ഏല്പ്പിക്കുക. ഒപ്പം അവയവ മാറ്റം അടക്കമുള്ള സങ്കീര്ണ ശസ്ത്രക്രിയകളില് കൂടുതല് നിര്ണായകമായ പങ്കും ലഭിക്കും. റിപ്പോർട്ട്: ജോസ്…
Read MoreCategory: NRI
വൈദ്യുതി കമ്പിയില് കുടുങ്ങിയ പാരാഗ്ലൈഡര് രക്ഷപെട്ടത് തലനാരിഴയ്ക്ക്
വൈദ്യുതി കമ്പിയില് കുടുങ്ങിയ പാരാഗ്ലൈഡറെ ഏറെ നേരത്തെ പരിശ്രമത്തിനൊടുവില് രക്ഷപെടുത്തി. കാലിഫോര്ണിയയിലെ ഒലിവ്ഹര്സ്റ്റിലുള്ള യുബ കൗണ്ടി എയര്പോര്ട്ടിന് സമീപമാണ് സംഭവം നടന്നത്. ഈ പ്രദേശത്തേക്കുള്ള വൈദ്യുതിബന്ധം വിച്ഛേദ്ദിച്ചതിന് ശേഷമാണ് ഇയാളെ രക്ഷപെടുത്തിയത്. രക്ഷാപ്രവര്ത്തനം ഏകദേശം മൂന്ന് മണിക്കൂര് നീണ്ട് നിന്നു. ഇയാള്ക്ക് ഗുരുതര പരിക്കുകളൊന്നുമില്ലെന്നാണ് റിപ്പോര്ട്ടുകള് സൂചിപ്പിക്കുന്നത്.
Read Moreസ്വകാര്യമേഖലയിലെ പ്രവാസികളുടെ താമസരേഖ പുതുക്കൽ ഓണ്ലൈനാക്കുന്നു
കുവൈത്ത് സിറ്റി: സ്വകാര്യമേഖലയിലെ പ്രവാസികളുടെ റെസിഡൻസി പുതുക്കൽ മാർച്ച് ഒന്ന് ഞായറാഴ്ച മുതൽ ഓണ്ലൈൻ വഴിയാകുമെന്ന് ആഭ്യന്തര മന്ത്രാലയ അസിസ്റ്റന്റ് അണ്ടർ സെക്രട്ടറി മേജർ ജനറൽ തലാൽ മറാഫി പ്രഖ്യാപിച്ചു. രാജ്യത്തെ മുഴുവൻ സേവനങ്ങളും ഡിജിറ്റലൈസേഷൻ ചെയ്യുന്നതിന്റെ ഭാഗമായാണ് പുതിയ നീക്കം. ഓണ്ലൈൻ സംവിധാനം ഒരുക്കുവാൻ പരിശ്രമിച്ച പബ്ലിക് അതോറിറ്റി ഫോർ മാൻപവർ, ആരോഗ്യ മന്ത്രാലയം, സിവിൽ ഇൻഫർമേഷൻ ഫോർ പബ്ലിക് അതോറിറ്റി, ആഭ്യന്തര മന്ത്രാലയത്തിലെ ഇൻഫർമേഷൻ ആൻഡ് കമ്മ്യൂണിക്കേഷൻസ് ടെക്നോളജി സെക്ടറുകളെ മറാഫി പ്രശംസിച്ചു. സർക്കാർ മേഖലയിൽ ജോലി ചെയ്യുന്ന വിദേശ താമസരേഖ കൈവശമുള്ളവർക്കായി ഇലക്ട്രോണിക് രീതിയിൽ പുതുക്കൽ സേവനം ഉടൻ ആരംഭിക്കുമെന്നും റസിഡൻസി അഫയേഴ്സിന്റെ ജനറൽ അഡ്മിനിസ്ട്രേഷൻ എല്ലാ മന്ത്രാലയങ്ങളുമായും സർക്കാർ ഏജൻസികളുമായും ബന്ധിപ്പിക്കുമെന്നും അദ്ദേഹം കൂട്ടിച്ചേർത്തു. ആഭ്യന്തര മന്ത്രാലയത്തിന്റെ വെബ്സൈറ്റ് (www.moi.gov.kw) സന്ദർശിച്ച് ഇ ഫോംസ് എന്ന ബട്ടണിൽ അമർത്തിയാൽ പുതിയ സേവനങ്ങൾ…
Read Moreവിവാഹാഭ്യര്ഥന ഗൂഗിള് മാപ്പില് തെളിഞ്ഞു, അമ്പരന്ന് യുവ മിഥുനങ്ങള്; പിന്നെ…
ബര്ലിന്: ജര്മൻകാരന് തന്റെ കാമുകിക്കു മുന്നില് വച്ച വിവാഹാഭ്യര്ഥന ഗൂഗിള് മാപ്പില് തെളിഞ്ഞു വന്നതോടെ ഇരുവര്ക്കും അമ്പരപ്പ്, പിന്നെ ആഹ്ളാദം. കൃഷിക്കാരനായ സ്റ്റെഫാന് ഷ്വാര്സ് തന്റെ ചോളപ്പാടത്താണ് ‘വില് യൂ മാരി മീ’ എന്നര്ഥം വരുന്ന ജര്മന് വാചകം തെളിച്ചിട്ടത്. ഇത് ഗൂഗിള് മാപ്പിന്റെ ഏരിയല് പിക്ചറില് കൃത്യമായി തെളിഞ്ഞു വരുകയായിരുന്നു. പാടത്തിനു മുകളിലൂടെ ഡ്രോണ് പറത്തി ഫോട്ടോ പകര്ത്തിയാണ് കഴിഞ്ഞ വര്ഷം മുപ്പത്തിരണ്ടുകാരന് വ്യത്യസ്തമായ വിവാഹാഭ്യര്ഥന കാമുകിയെ കാണിച്ചത്. ഇതാണിപ്പോള് ഒരു ബുദ്ധിമുട്ടുമില്ലാതെ ഗൂഗിള് മാപ്പിലൂടെ കാണാവുന്ന അവസ്ഥയില് തെളിഞ്ഞു കിടക്കുന്നത്. കനഡയിലുള്ള ഒരു അമ്മായിയാണ് സ്ക്രീന്ഷോട്ടെടുത്ത് തന്നെ ഇക്കാര്യം അറിയിച്ചതെന്ന് സ്റ്റെഫാന്. ഹ്യൂറ്റന്ബെര്ഗില് രണ്ടു ഹെക്റ്ററോളം സ്ഥലത്താണ് ഈ അഭ്യര്ഥന പരന്നു കിടക്കുന്നത്. ഏതായാലും അഭ്യര്ഥന കാമുകി നേരത്തെ തന്നെ സ്വീകരിച്ചിരുന്നു. വരുന്ന ജൂണില് വിവാഹം നടത്താന് ഇരുവരും തീരുമാനിച്ചിരിക്കുകയാണ്. റിപ്പോർട്ട്: ജോസ് കുന്പിളുവേലിൽ
Read Moreഇവിടെ മൂന്നിലൊന്ന് കുട്ടികൾ ജനിക്കുന്നത് വിവാഹ ബന്ധത്തിനു പുറത്ത്!
ബർലിൻ: ജർമനിയിൽ മൂന്നിലൊന്ന് കുട്ടികളും ജനിക്കുന്നത് വിവാഹബന്ധത്തിനു പുറത്തെന്ന് കണക്കുകളിൽ വ്യക്തമാകുന്നു. 1970ലെ കണക്കനുസരിച്ച് രാജ്യത്ത് ജനിക്കുന്ന കുട്ടികളിൽ ഏഴു ശതമാനം മാത്രമാണ് അവിവാഹിതരായ ദന്പതിമാർക്കു ജനിച്ചിരുന്നത്. 2017ൽ ഇത് 34.75 ശതമാനമായാണ് വളർന്നിരിക്കുന്നത്. രാജ്യത്തിന്റെ സാമൂഹിക ഘടനയ്ക്ക് ഇതു വെല്ലുവിളിയാണെന്ന് യാഥാസ്ഥിതികർ ആശങ്ക പ്രകടിപ്പിക്കുന്നു. ജർമൻ സമൂഹത്തിൽ വിവാഹത്തിന്റെ പ്രാധാന്യം കുറഞ്ഞതിനു തെളിവായാണ് ഇതു വിലയിരുത്തപ്പെടുന്നത്. റിപ്പോർട്ട്: ജോസ് കുന്പിളുവേലിൽ
Read Moreജർമനിയെ നടുക്കിയ അക്രമി വലതുപക്ഷ തീവ്രവാദി; മരിച്ചവരിൽ ഇയാളുടെ സ്വന്തം മാതാവും
ബർലിൻ: ജർമനിയെ നടുക്കി ചോരക്കളമാക്കിയ തോബിയാസ് ആർ എന്ന 43 കാരൻ ജർമൻകാരനായ വലതുപക്ഷ തീവ്രവാദിയാണെന്നു പോലീസ് സ്ഥിരീകരിച്ചു. ബുധനാഴ്ച രാത്രി മെഷീൻ ഗണ് ഉപയോഗിച്ചാണ് രണ്ടിടങ്ങളിലായി 10 പേരെയും വകവരുത്തിയത്. പിന്നീട് ഇയാൾ സ്വയം വെടിയുതിർത്തു ജീവനൊടുക്കുകയായിരുന്നു. മരിച്ചവരിൽ ഇയാളുടെ സ്വന്തം മാതാവും ഉൾപ്പെടുന്നു. കൃത്യം നടത്തിയ ശേഷം ഇയാൾ കറുത്ത കാറിൽ കയറി രക്ഷപെട്ടുവെങ്കിലും വീട്ടിലെത്തി 72 കാരി മാതാവിനെയും കൊലപ്പെടുത്തിയശേഷം സ്വയം ജീവനെടുക്കുകയായിരുന്നു.വെടിയുതിർക്കാനുപയോഗിച്ച ആയുധം ഇയാളുടെ മൃതദേഹത്തിനരികിൽ നിന്നും കണ്ടെത്തിയതായി പോലീസ് വെളിപ്പെടുത്തി ഫ്രാങ്ക്ഫർട്ടിനടുത്തുള്ള ഹാനാവിലും അക്രമി താമസിയ്ക്കുന്ന കെസൽസ്ററഡിലുമാണ് സംഭവം നടന്നത്. ബുധനാഴ്ച രാത്രി പത്ത് മണിയോടെ നടന്ന വെടിവയ്പിൽ അഞ്ച് പേർക്കു ഗുരുതരമായി പരുക്കേറ്റിട്ടുണ്ട്. ഇയാൾ വലതുപക്ഷ്ര തീവ്രവാദത്തിന്റെ വക്താവായിരുന്നതിന്റെ തെളിവുകൾ പോലീസിനു ലഭിച്ചിട്ടുണ്ട്. 24 പേജുള്ള ഫേസ്ബുക്കിൽ/കത്തിൽ ഇയാൾ കുറിച്ചതിനെപ്പറ്റി പോലീസ് കൂടുതലായി അന്വേഷണം തുടങ്ങി. ചില ആളുകളെ…
Read Moreകാണാതായ കോളജ് വിദ്യാർഥിനി മരിച്ച നിലയിൽ; കാമുകൻ അറസ്റ്റിൽ
ഫോർട്ട്വാലി (ജോർജിയ): ഫെബ്രുവരി 14 വെള്ളിയാഴ്ച മുതൽ കാണാതായ ഫോർട്ട്വാലി സ്റ്റേറ്റ് യൂണിവേഴ്സിറ്റി സീനിയർ വിദ്യാർഥിനി അനിത്ര ഗുനിന്റെ (23) മൃതദേഹം ത്രോഫോർട്ട് കൗണ്ടി റോഡിൽ വൃക്ഷനിബിഢമായ സ്ഥലത്തു നിന്നും കണ്ടെത്തി. ചില്ലികന്പുകൾ കൊണ്ട് മൂടപ്പെട്ട നിലയിലായിരുന്നു മൃതദേഹമെന്ന് ഫോർട്ട്വാലി പോലീസ് പറഞ്ഞു. ഫെബ്രുവരി 18 ചൊവ്വാഴ്ച ഉച്ചതിരിഞ്ഞാണ് മൃതദേഹം കണ്ടെത്തിയത്. ഇതുമായി ബന്ധപ്പെട്ട് അനിത്രയുടെ കാമുകൻ ഡിമാർക്കസ് ലിറ്റിലിനെ (23) ചൊവ്വാഴ്ച വൈകിട്ട് അറസ്റ്റ് ചെയ്തു. സൗത്ത് ഫൾട്ടണ് കൗണ്ടി വെസ്റ്റ് ലേക്ക് ഹൈസ്കൂളിൽ നിന്നും വിദ്യാഭ്യാസം പൂർത്തീകരിച്ചു, അഗ്രികൾച്ചർ, മേജറായി സ്റ്റേറ്റ് യൂണിവേഴ്സിറ്റിയിൽ ബിരുദപഠനം നടത്തിവരികയായിരുന്നു. ലോക പ്രണയദിനത്തിലാണ് അവസാനമായി അനിത്ര ആശംസകൾ അറിയിച്ചത്. പിതാവിന് ടെക്സ്റ്റ് മെസേജ് അയച്ചതും ദിവസത്തിൽ ഇടയ്ക്കിടെ ഫോണ് സന്ദേശം അയക്കുന്ന പതിവുള്ള അനിത്രയുടെ സന്ദേശം നേരം വൈകിട്ടും ലഭിക്കാതിരുന്നതിനെ തുടർന്നാണ് അന്വേഷണം ആരംഭിച്ചത്. ഇതിനു സമാനമായ സംഭവമായിരുന്നു…
Read Moreകുട്ടികളെ കാണാതായ സംഭവത്തിൽ മാതാവ് അറസ്റ്റിൽ! ഇപ്പോൾ കൂടെയുള്ള നാലാമത്തെ ഭർത്താവിനെ ഇതുവരെ പോലീസ് കസ്റ്റഡിയിൽ എടുത്തിട്ടില്ല
Friday, February 21, 2020 5:16 PM ISTക്വായ, ഹവായ: റെക്സ് ബർഗിൽനിന്നും കുട്ടികളെ കാണാതായ സംഭവത്തിൽ മാതാവിനെ പോലീസ് അറസ്റ്റു ചെയ്തു. 2019 സെപ്റ്റംബർ മുതൽ കാണാതായ ടെയ്ലിറയാൻ (17), ജോഷ്വവവാലെ (7) എന്നീ കുട്ടികളുടെ മാതാവിനെയാണ് ലോറിവാറലായെ പോലീസ് അറസ്റ്റ് ചെയ്തത്. ഐസഹോയിൽ നിന്നുള്ള വാറന്റെനെ തുടർന്നാണ് അറസ്റ്റ്. ഇവർക്ക് 5 മില്യൺ ഡോളറിന്റെ ജാമ്യം അനുവദിച്ചിട്ടുണ്ട്. എന്ന് കോടതിയിൽ ഹാജരാക്കുമെന്ന് പോലീസ് വ്യക്തമാക്കിയിട്ടില്ല. സെപ്റ്റംബർ മുതൽ അപ്രത്യക്ഷരായ കുട്ടികളെ ഉടൻ തന്നെ ഹാജരാക്കണമെന്ന് ആവശ്യപ്പെട്ട് കോടതി ഉത്തരവിട്ടിരുന്നു. ജനുവരി 30വരെയാണ് സമയം നൽകിയിരുന്നത്. കോടതി ഉത്തരവ് നടപ്പാക്കുന്നതിൽ ലോറി പരാജയപ്പെട്ടുവെന്നും പോലീസിന്റെ കൃത്യനിർവഹണം തടസപ്പെടുത്തിയെന്നും കുട്ടികൾക്ക് സംരക്ഷണം നൽകുന്നതിൽ പരാജയപ്പെട്ടുവെന്നും കാണിച്ചാണ് അറസ്റ്റ്. ലോറിയുടെ ഭർത്താവിനെ ഇതുവരെ പോലീസ് കസ്റ്റഡിയിൽ എടുത്തിട്ടില്ല. ഇവരുടെ നാലാമത്തെ ഭർത്താവാണ് ഇപ്പോൾ കൂടെയുള്ള ഡെബെൽ. കുട്ടികളെ കാണാതായതിനെ…
Read Moreഅഗ്നിശമനസേനക്ക് സ്വന്തമായി റോബോട്ടും; ഇനി തീയണക്കൽ വെറെ ലെവൽ
അബുദാബി: തലസ്ഥാനനഗരിയിലെ അഗ്നിശമന സേനയിലേക്ക് റോബോട്ട് എത്തി. തീയണക്കാനുള്ള സംഘത്തിൽ ഇനി റോബോട്ടും എത്തും. ടാഫ് 35 എന്ന റോബട്ട് കഴിഞ്ഞ ദിവസമാണ് ജോലിക്കു കയറിയത്. 300 മീറ്റർ അകലത്തിലിരുന്നു വെള്ളവും പതയും സ്പ്രേ ചെയ്ത് എത്ര വലിയ തീ കെടുത്താനും ടാഫിനു സാധിക്കും. റിമോട്ട് കണ്ട്രോളിൽ നിയന്ത്രിക്കപ്പെടുന്ന റോബട്ട്, ഉദ്യോഗസ്ഥരുടെ നിർദേശം അനുസരിച്ചു ഓടിയെത്തി പ്രവർത്തനങ്ങളിൽ ഏർപ്പെടും . സന്ദർഭത്തിനനുസരിച്ച് പ്രവർത്തനങ്ങൾ സ്വയം നിയന്ത്രിക്കാനും ശേഷിയുണ്ട് എന്നതാണ് പ്രധാന പ്രത്യേകത. ദുരന്തത്തിന്റെ വ്യാപ്തി മനസിലാക്കി അതിനാവശ്യമായ ശക്തിയിലും വ്യാപ്തിയിലും വെള്ളം ചീറ്റി നിമിഷങ്ങൾ കൊണ്ട് തീയണക്കുമെന്നു സിവിൽ ഡിഫൻസ് ഉപമേധാവി മുഹമ്മദ് ഇബ്രാഹിം അൽ അംറി പറഞ്ഞു. കെട്ടിടങ്ങൾ, ഭൂഗർഭ പാത, ഓയിൽ റിഫൈനറികൾ, കെമിക്കൽ ഫാക്ടറികൾ, ഇലക്ട്രിക് സബ് സ്റ്റേഷനുകൾ തുടങ്ങിയ ഇടങ്ങളിലെ തീ കെടുത്താൻ ഏറെ സഹായപ്രദമാകും ഈ റോബോട്ട് . ഇറ്റാലിയൻ…
Read Moreപാമ്പുകൾ കൂട്ടമായി ഇണചേർന്നു; യുഎസിലെ പാർക്ക് ഭാഗികമായി അടച്ചു
ഫ്ളോറിഡ: പ്രണയദിനം ആഘോഷിക്കാൻ അമേരിക്കൻ ജനത ഒരുങ്ങുന്നതിന് ഒരു ദിവസം മുൻപു പാന്പുകൾ കൂട്ടമായി പ്രണയദിനം ആഘോഷിക്കുവാൻ ഒരുങ്ങിയത് ലേക്ക്ലാന്റ് സിറ്റി പബ്ലിക് പാർക്കിൽ. തുടർന്ന് പാർക്ക് ഭാഗികമായി അടച്ചിടുവാൻ അധികൃതർ നിർബന്ധിതരായി. ഫെബ്രുവരി 13 വ്യാഴാഴ്ചയായിരുന്നു സംഭവം. ലേക്ക്ലാന്റ് സിറ്റിയിലെ ലേക്ക് ഹോളിംഗ്സ് വർത്തിൽ നിന്നും ഒരു കൂട്ടം പാന്പുകൾ ലേക്ക്ലാന്റ് പാർക്കിൽ ഒത്തു ചേർന്ന് ഇണചേരൽ ആരംഭിച്ചു. അസാധാരണമായ സംഭവം ശ്രദ്ധയിൽപെട്ടതോടെ പാർക്ക് അധികൃതർ അപകടം സൂചിപ്പിക്കുന്ന റിബണുകൾ പാന്പുകൾക്ക് ചുറ്റും മറച്ചു പൊതുജനങ്ങളെ അവിടെ നിന്നും അകറ്റി നിർത്തി. ആദ്യം അധികൃതർ ഭയപ്പെട്ടത് ഈ പാന്പുകൾ വിഷമുള്ളവയാണെന്നായിരുന്നു. പിന്നീടുള്ള അന്വേഷണത്തിൽ ഇവ വിഷമുള്ളവയല്ലെന്ന് കണ്ടെത്തിയെങ്കിലും ഇവയെ ഇണ ചേരൽ സമയത്ത് ശല്യപ്പെടുത്തുന്നത് കൂടുതൽ പ്രകോപനം സൃഷ്ടിക്കുമെന്നതിനാൽ പാർക്കിനു സമീപം പൊതുജനങ്ങൾ പ്രവേശിക്കുന്നത് തടയുകയായിരുന്നു. ഇതു വർഷത്തിലൊരിക്കൽ ആവർത്തിക്കുന്നതാണെന്നു പാർക്ക് അധികൃതർ പറഞ്ഞു. പാർക്കിന്റെ…
Read More