ഫ്ലോറിഡ: ഡിസ്നി വേള്ഡ് നിര്മിച്ച ഫെയറി ടെയില് പരിസരത്തിനുസമീപം ഭാര്യയെയും മൂന്നു മക്കളെയും വളര്ത്തുനായയേയും കൊലപ്പെടുത്തിയശേഷം മൃതദേഹങ്ങള് ആഴ്ചകളോളം വീട്ടില് സൂക്ഷിച്ചതായി ഓസ്കോല കൗണ്ടി ഷെരീഫ് റസ് ഗിബ്സണ് ബുധനാഴ്ച പറഞ്ഞു. 44 കാരനായ ഭർത്താവ് ആന്റണി ടോഡിനെതിരെ നിരവധി നരഹത്യകള്, മൃഗങ്ങളോട് ക്രൂരത എന്നീ കുറ്റങ്ങള് ചുമത്തിയിട്ടുണ്ട്. ഭാര്യയുടെയും മക്കളുടെയും മൃതദേഹങ്ങള് അവരുടെ വീട്ടിലാണ് കണ്ടെത്തിയത്. മൃതദേഹങ്ങള് തിരിച്ചറിഞ്ഞിട്ടില്ലെന്നും എന്നാല് അവ ഭാര്യ മേഗന് ടോഡും ദമ്പതികളുടെ മൂന്നു മക്കളായ അലക് (13), ടെയ്ലര് (11), സോ (4) എന്നിവരുടേതുമാണെന്ന് അന്വേഷണ ഉദ്യോഗസ്ഥർ പറഞ്ഞു. ഡിസംബര് അവസാനത്തോടെയായിരിക്കാം സംഭവം നടത്തതെന്നും അന്വേഷണ ഉദ്യോഗസ്ഥര് സംശയിക്കുന്നു. കുടുംബത്തെ കാണാതായതില് ആശങ്കാകുലരായ ചില ബന്ധുക്കൾ നൽകിയ പരാതി പ്രകാരം ഫെഡറല് അന്വേഷകര് വാറണ്ട് നല്കാന് തിങ്കളാഴ്ച വീട്ടിലെത്തിയപ്പോള് ആന്റണി ടോഡ് തന്നെയാണ് വാതില് തുറന്നതെന്ന് ഗിബ്സണ് പറഞ്ഞു. വീടിനകത്ത്…
Read MoreCategory: NRI
കടുത്ത വരൾച്ച ; അമിതമായി വെള്ളം കുടിക്കുന്നു; ഓസ്ട്രേലിയയിൽ 5,000ലേറെ ഒട്ടകങ്ങളെ വെടിവച്ചു കൊന്നു
സിഡ്നി: കടുത്ത വരൾച്ച നേരിടുന്ന തെക്കൻ ഓസ്ട്രേലിയയിൽ അഞ്ച് ദിവസത്തിനിടെ കൊന്നൊടുക്കിയത് അയ്യായിരത്തിലേറെ ഒട്ടകങ്ങളെ. അമിതമായി വെള്ളം കുടിക്കുന്നതിനാലാണ് ഒട്ടകങ്ങളെ കൂട്ടത്തോടെ കൊന്നത്. ഹെലികോപ്റ്ററിൽ നിന്ന് പ്രൊഫഷണല് ഷൂട്ടര്മാരാണ് ഒട്ടകങ്ങളെ കൂട്ടത്തോടെ വെടിവെച്ചു കൊന്നത്. കാട്ടുതീയിൽ ഓസ്ട്രേലിയയിൽ 50 കോടിയിലേറെ മൃഗങ്ങൾ ചത്തൊടുങ്ങിയെന്നാണ് കണക്കുകൾ. കാട്ടുതീയുടെ പിന്നാലെ ഓസ്ട്രേലിയയുടെ പലഭാഗങ്ങളും കടുത്ത വരൾച്ചയിലായി. വരള്ച്ച നേരിടുന്ന മേഖലകളിലുള്ള വീടുകളിലേക്ക് വനപ്രദേശങ്ങളില് നിന്ന് ഒട്ടകങ്ങള് വന്തോതില് എത്താന് തുടങ്ങിയതോടെയാണ് ഒട്ടകങ്ങളെ വെടിവെച്ചു കൊല്ലാനുള്ള തീരുമാനത്തിൽ എത്തിയത്. തെക്കൻ ഓസ്ട്രേലിയൻ സംസ്ഥാനങ്ങളെയാണ് വരൾച്ച രൂക്ഷമായി ബാധിച്ചത്. 23000ത്തോളം പേർ താമസിക്കുന്ന ഓസ്ട്രേലിയയിലെ എപിവൈ പ്രദേശത്ത് ഇപ്പോൾ വരള്ച്ച രൂക്ഷമാണ്. മനുഷ്യവാസ സ്ഥലത്തേക്ക് ഒട്ടകങ്ങൾ കയറി അമിതമായി വെള്ളം ഉപയോഗിക്കുന്നുവെന്ന് പരാതികൾ വ്യാപകമാണ്. ഒട്ടകങ്ങളുടെ എണ്ണത്തിലുള്ള വര്ധവാണ് പ്രദേശത്തെ പ്രശ്നങ്ങള്ക്ക് കാരണമെന്ന് അധികൃതർ വ്യക്തമാക്കുന്നത്. പതിനായിരത്തോളം ഒട്ടകങ്ങളെ കൊന്നൊടുക്കാനാണ് അധികൃതരുടെ തീരുമാനം…
Read Moreറാസല്ഖൈമയിൽ മലയാളി ബാലിക പനി ബാധിച്ചു മരിച്ചു
റാസല്ഖൈമ: യുഎഇയിലെ റാസല്ഖൈമയിൽ അഞ്ചു വയസുകാരി മലയാളി ബാലിക പനി ബാധിച്ചു മരിച്ചു. തൃശൂര് അഞ്ചേരി തട്ടിൽ വല്ലച്ചിറക്കാരൻ വീട്ടിൽ ജോബിന് ജോസഫിന്റെയും ജിനി ജോബിന്റെയും മകള് ദിയ റോസ് ആണ് മരിച്ചത്. റാക് ഇന്ത്യൻ പബ്ലിക് സ്കൂൾ കെജി ടു വിദ്യാർഥിയായിരുന്നു ദിയ. ഞായറാഴ്ച വൈകുന്നേരം പനിയെതുടർന്നു ശാം ആശുപത്രിയിൽ ദിയയെ പ്രവേശിപ്പിച്ചു. പനി മൂർച്ഛിച്ചതിനെ തുടർന്ന് റാക് സഖർ ആശുപത്രിയിലേക്ക് മാറ്റി. രാത്രി പന്ത്രണ്ടോടെ മരണം സംഭവിച്ചു. നാലര വയസുകാരൻ ജോൺ ജോബി സഹോദരനാണ്. ജിനി ജോബിനാണ് മാതാവ്. പിതാവ് ജോബിൻ റാസല്ഖൈമ സ്റ്റീവന് റോക്കില് ജോലി ചെയ്യുകയാണ്.
Read Moreജോലിക്കെത്തിയില്ല; ജർമൻ മന്ത്രിയുടെ ഭർത്താവിന്റെ ജോലി തെറിച്ചു
ബർലിൻ: നിയമം നിയമത്തിന്റെ വഴിയ്ക്കുതന്നെ നീങ്ങി. ഭാര്യ മന്ത്രിയായിട്ടും കാര്യമില്ല, ഭർത്താവിന്റെ ജോലി തെറിച്ചു. സംഭവം ജർമനിയിലാണ്. ജോലിയ്ക്ക് എത്താത്തതിന്റെ കാരണത്താൽ കുടുംബക്ഷേമ മന്ത്രി ഫ്രാൻസിസ്ക്ക ഗിഫിയുടെ(എസ്പിഡി) ഭർത്താവ് കാർസ്റ്റണ് ഗിഫിയുടെ ജോലി പോയി. 2019 ഡിസംബർ 12 ന് ബർലിൻ അഡ്മിനിസ്ട്രേറ്റീവ് കോടതി നടത്തിയ വിധി കഴിഞ്ഞദിവസമാണ് മാധ്യമങ്ങൾക്ക് വാർത്തയായി ലഭിച്ചത്. വിധിന്യായത്തിൽ കാർസ്റ്റണ് ഗിഫിയെ സേവനത്തിൽ നിന്ന് നീക്കം ചെയ്തതായിട്ടാണ് പറയുന്നത്. മൃഗവൈദ്യനായ ഗിഫി ആരോഗ്യസാമൂഹിക കാര്യങ്ങളുടെ സ്റേററ്റ് ഓഫീസിലെ ഉദ്യോഗസ്ഥനായി ജോലി ചെയ്യുകയായിരുന്നു. എന്നാൽ ഒരു മൃഗവൈദ്യൻ എന്ന നിലയിൽ ജോലിയിൽ കൃത്യനിഷ്ഠയില്ലായ്മയും, നടത്താത്ത യാത്രയുടെ പേരിൽ യാത്രബത്ത വാങ്ങിയെന്നുമുള്ള ആരോപണം ശരിവച്ചുള്ള നടപടിയാണ് ജോലി തെറിയ്ക്കാൻ കാരണമായത്. മന്ത്രി ഫ്രാൻസിസ്ക ഗിഫിയ്ക്ക് എതിരെ മുൻപ് ആരോപണം ഉയർന്നിരുന്നു. ഡോക്ടറേറ്റ് എടുക്കാൻ വളഞ്ഞവഴി തേടിയെന്ന ആരോപണത്തിന് അടിസ്ഥാനമില്ലെന്നു കണ്ടെത്തിയ ആശ്വാസത്തിലിയ്ക്കുന്പോഴാണ് ഭർത്താവിനെ കോടതി…
Read Moreബൈബിൾ പഠന തർക്കം! വെർജിനിയ ദന്പതികൾ ധാരണയിലെത്തി
വെർജിനിയ: എവർഗ്രീൻ സീനിയർ ലിവിംഗ് അപ്പാർട്ടുമെന്റിലെ ഒരു മുറിയിൽ നടന്നുവന്നിരുന്ന ബൈബിൾ ക്ലാസ് അധികൃതർ നിർത്തിവച്ചതിനെതിരെ വൃദ്ധ ദന്പതിമാർ സമർപ്പിച്ച പരാതി ഒത്തുതീർപ്പായതായി അറ്റോർണി ലിയ പറ്റേഴ്സൺ അറിയിച്ചു. ഇതനുസരിച്ച് റൂമിൽ നടന്നുവന്നിരുന്ന ബൈബിൾ പഠനം ആഴ്ചയിൽ ഒരു ദിവസമായി നിജപ്പെടുത്തിയതായി അറ്റോർണി പറഞ്ഞു. അതേസമയം കഴിഞ്ഞ വർഷത്തെ ബൈബിൾ പഠനം നിരോധിച്ചുകൊണ്ട് ഡിപ്പാർട്ട്മെന്റ് അധികൃതർ ഉത്തരവും പുറപ്പെടുവിച്ചു. ബൈബിൾ ക്ലാസ് നടത്തിയതിന്റെ പേരിൽ കെൻ, ലി ഹൂഗ് എന്നിവരെ അപ്പാർട്ടുമെന്റിൽനിന്നും പുറത്താക്കുമെന്നു ഭീഷണിപ്പെടുത്തിയിരുന്നു ഇതിനെതിരെ ഫസ്റ്റ് ലിബർട്ടി ലൊ ഫേമാണ് ലൊ സ്യൂട്ട് ഫയൽ ചെയ്തത്. വിശ്വാസ സംരക്ഷണത്തിനുള്ള അവകാശമാണ് നിഷേധിക്കപ്പെട്ടതെന്നു ചൂണ്ടിക്കാണിച്ചായിരുന്നു കേസ്. റിപ്പോർട്ട്: പി.പി. ചെറിയാൻ
Read Moreഫ്ളാറ്റിന്റെ ഷെയ്ഡിൽ കൂടി പിഞ്ചു കുഞ്ഞിന്റെ സാഹസിക നടത്തം; ഞെട്ടിക്കുന്ന ദൃശ്യങ്ങൾ
ഭൂമിയിലെ ഏത് ആനന്ദത്തേക്കാളും ആനന്ദമാണ് കുട്ടിക്കുറുമ്പുകൾ. എന്നാൽ കണ്ണൊന്നു തെറ്റിയാൽ കൈവിട്ടുപോകുന്ന കുട്ടിക്കുറുമ്പുകൾ നെഞ്ചിൽ തീകോരിയിട്ടെന്നുംവരും. സ്പെയിനിലെ വിനോദസഞ്ചാര മേഖലയായ ടെനെറൈഫിലുള്ള പ്ലായ പാരായിസോയിൽനിന്നുള്ള കാഴ്ച ഇത്തരത്തിലൊന്നാണ്. ബഹുനില കെട്ടിടത്തിന്റെ ജനാലയിലൂടെ പുറത്തിറങ്ങിയ പിഞ്ച് കുഞ്ഞ് ഷെയ്ഡിലൂടെ ഓടിക്കളിക്കുന്നതിന്റെ ദൃശ്യങ്ങൾ ആരുടേയും നെഞ്ചിടിപ്പിനെ പിടിച്ചുനിർത്തും. മാതാപിതാക്കളുടെ ശ്രദ്ധ തെറ്റിയപ്പോഴാണ് ഇത്തിരിപ്പോന്ന പെൺകുഞ്ഞ് ബഹുനില ഫ്ളാറ്റിന്റെ നാലാം നിലയിലെ ജനാലവഴി കെട്ടിടത്തിന്റെ ഷെയ്ഡിൽ ഇറങ്ങിയത്. ഒരടിപോലും വീതിയില്ലാത്ത ഷെയ്ഡിലൂടെ ഓടി ബാൽക്കണിയിലേക്കുപോകുന്ന കുട്ടിക്ക് ഇവിടെ കയറിപ്പറ്റാനാവുന്നില്ല. ഉടനെ തിരിച്ചോടി ജനാലവഴി മുറിക്കുള്ളിലേക്ക് പ്രവേശിക്കാനും ശ്രമിക്കുന്നു. കാലൊന്ന് തെറ്റിയാൽ നാല് നിലകളുടെ താഴ്ചയിലേക്കാവും വീഴുക എന്നൊന്നും അറിയാതെയാണ് ഈ കുരുന്നിന്റെ വികൃതി. ഫ്ളാറ്റിന്റെ എതിർവശത്തുള്ള കെട്ടിടത്തിലെ വിനോദ സഞ്ചാരികളാണ് ഈ ദൃശ്യങ്ങൾ പകർത്തിയത്. സംഭവംകണ്ട വിനോദ സഞ്ചാരികളിൽ ഒരാൾ വേഗം ഓടി സുരക്ഷാ ഉദ്യോഗസ്ഥനെ വിവരം അറിയിച്ചു. വിനോദ സഞ്ചാരത്തിനായി…
Read Moreഹെൽമറ്റ് ധരിച്ച് വളർത്ത് നായയുടെ രസികൻ ബൈക്ക് സവാരി
ഇരുചക്രവാഹനത്തിൽ സഞ്ചരിക്കുന്ന രണ്ട് പേരും നിർബന്ധമായും ഹെൽമറ്റ് ധരിക്കണമെന്നത് വളരെ സുപ്രധാനമായ നിയമമാണ്. ഇപ്പോഴിത ഈ നിയമം മനുഷ്യൻ മാത്രമല്ല മൃഗങ്ങളും അനുസരിക്കുന്നുണ്ടെന്നുള്ളതിന്റെ ദൃശ്യങ്ങളാണ് ഏറെ വൈറലാകുന്നത്. തമിഴ്നാട്ടിലാണ് സംഭവം. വളരെ തിരക്കേറിയ റോഡിലൂടെ ഉടമ തന്റെ വളർത്തുനായയെ ഹെൽമറ്റ് ധരിപ്പിച്ച് ബൈക്കിന്റെ പിൻസീറ്റിൽ ഇരുത്തി യാത്ര ചെയ്യുന്നതാണ് വീഡിയോയിലുള്ളത്. സോഷ്യൽമീഡിയയിൽ കൈയടി നേടുന്ന ദൃശ്യങ്ങൾക്ക് പ്രതികരണമായി നിരവധിയാളുകൾ രംഗത്തെത്തുന്നുണ്ട്.
Read Moreആഡംബര കാർ വിട്ടുകിട്ടാൻ 27.68 ലക്ഷം പിഴയടച്ച് യുവാവ്
മോട്ടോർ വാഹന വകുപ്പ് പിടിച്ചെടുത്ത ആഡംബര വാഹനം തിരകെ കിട്ടാൻ ഗുജറാത്ത് സ്വദേശിക്ക് അടക്കേണ്ടി വന്നത് 27.68 ലക്ഷം രൂപ. രാജ്യത്ത് ഇതുവരെ അടച്ചതിൽ ഏറ്റവും കൂടിയ പിഴതുകയാണിതെന്ന് അഹമ്മദാബാദ് പോലീസ് വിശദമാക്കി. രഞ്ജിത്ത് ദേശായി എന്ന യുവാവാണ് ഇത്രയും ഭീമമായ പിഴയൊടുക്കേണ്ടി വന്നത്. പോർഷെ 991 സ്പോർട്സ് കാർ കൃത്യമായ രേഖകൾ ഇല്ലാതിരുന്നതിനെ തുടർന്നാണ് മോട്ടോർ വാഹന വകുപ്പ് പിടിച്ചെടുത്തത്. നവംബറിലായിരുന്നു കാർ കസ്റ്റഡിയിലെടുത്തത്. ഡ്രൈവറെ ചോദ്യം ചെയ്തപ്പോൾ കൃത്യമായ മറുപടിയോ രേഖകളോ ഇല്ലാതിരുന്നതിനാൽ വാഹനം പിടിച്ചെടുക്കുകയായിരുന്നു. പിന്നീടാണ് ഉടമയ്ക്കെതിരേ അധികൃതർ പിഴചുമത്തിയത്.
Read Moreപൊന്നുംവിലയ്ക്ക് പിടയ്ക്കണ ട്യൂണ; ഒരു മത്സ്യം ലേലത്തിൽ പോയത് 18 ലക്ഷം ഡോളറിന്
മത്സ്യപ്രേമികളുടെ ഇഷ്ട വിഭവമായ ട്യൂണ മത്സ്യത്തെ വൻ തുകയ്ക്ക് സ്വന്തമാക്കി റസ്റ്ററന്റ് ഉടമ. പ്രമുഖ ജാപ്പനീസ് സുഷീ ചെയിൻ റെസ്റ്ററന്റ് ഉടമയായ കിയോഷി കിമുരയാണ് 18 ലക്ഷം ഡോളർ തുകയ്ക്ക് ട്യൂണ മത്സ്യത്തെ സ്വന്തമാക്കിയത്. 276 കിലോ ഗ്രാം ഭാരമുള്ള ഈ മീനിനെ ടോക്കിയോയിലെ മീൻ മാർക്കറ്റിലാണ് ലേലത്തിന് വച്ചത്. നോർത്ത് ജപ്പാനിൽ നിന്നും പിടികൂടിയ ഈ മീൻ പുതുവർഷത്തിന് ശേഷം നടന്ന ആദ്യത്തെ ലേലം വിളിയിലാണ് വിറ്റു പോയത്. കഴിഞ്ഞ വർഷം 3.1 മില്യണ് ഡോളർ തുകയ്ക്കാണ് കിമുര, ട്യൂണ മത്സ്യത്തെ സ്വന്തമാക്കിയത്. വലിയ തുകയ്ക്ക് മത്സ്യങ്ങളെ വാങ്ങുന്നയാൾ എന്ന ബഹുമതി കിമുരയുടെ കൂടെയാണ്.
Read Moreഹൈതം ബിന് താരിഖ് അല് സെയ്ദ് ഒമാന്റെ പുതിയ സുൽത്താൻ
മസ്കറ്റ്: ഒമാന്റെ പുതിയ സുൽത്താനായി ഹൈതം ബിന് താരിഖ് അല് സെയ്ദ് ചുമതലയേറ്റു. സുല്ത്താന് ഖാബൂസ് ബിന് സയിദ് അല് സയിദിന്റെ നിര്യാണത്തെ തുടർന്നാണ് ഹൈതം ബിന് താരിഖിനെ പുതിയ ഭരണാധികാരിയായി തെരഞ്ഞെടുത്തത്. രാജകുടുംബത്തിന്റെ ഫാമിലി കൗണ്സില് യോഗം ചേര്ന്നാണ് മുന് സാംസ്കാരിക മന്ത്രി കൂടിയായ ഹൈതം ബിന് താരിഖിനെ പുതിയ ഭരണാധികാരിയായി പ്രഖ്യാപിച്ചത്. ശനിയാഴ്ച രാവിലെ ഫാമിലി കൗൺസലിനു മുന്നിൽ ഹൈതം ബിന് താരിഖ് സത്യപ്രതിജ്ഞ ചെയ്ത് അധികാരമേറ്റു. തന്റെ പിൻഗാമിയുടെ പേരെഴുതി സുല്ത്താന് ഖാബൂസ് സൂക്ഷിച്ചിരുന്നു. ഈ കത്ത് തുറന്നാണ് ഹൈതം ബിന് താരിഖിനെ പുതിയ ഭരണാധികാരിയായി നിശ്ചയിച്ചത്. എല്ലാ രാജ്യങ്ങളുമായും സമാധാനപരമായ സഹവർത്തിത്വവും സൗഹൃദ്ബന്ധവും സ്ഥാപിക്കുമെന്ന് അദ്ദേഹം രാജ്യത്തോടായി നടത്തിയ സന്ദേശത്തിൽ പറഞ്ഞു. സുല്ത്താന് ഖാബൂസ് പുലർത്തിയ നയങ്ങൾ തന്നെയാവും രാജ്യം തുടരുകയെന്നും അദ്ദേഹം കൂട്ടിച്ചേർത്തു. സുൽത്താൻ ഖാബൂസിന്റെ നിര്യാണത്തിൽ അനുശോചിച്ച് ഒമാൻ…
Read More