ചത്ത് തീരത്തടിഞ്ഞ തിമിംഗലത്തിന്റെ വയറ്റിൽ നിന്നും നീക്കം ചെയ്തത് 100 കിലോയിൽ അധികം മാലിന്യം. സ്കോട്ട്ലൻഡിലെ ഹാരിസ് ദ്വീപിലെ കടൽത്തീരത്താണ് കഴിഞ്ഞ ദിവസം 20 ടണ് ഭാരമുള്ള തിമിംഗലത്തിന്റെ ശവശരീരം അടിഞ്ഞത്. പോസ്റ്റുമോർട്ടം നടത്തിയപ്പോഴാണ് മാലിന്യങ്ങൾ കണ്ടെത്തിയത്. ബാഗുകൾ, പ്ലാസ്റ്റിക് കപ്പുകൾ, മീൻ പിടിക്കൂവാൻ ഉപയോഗിക്കുന്ന വലകൾ, കയർ തുടങ്ങി നിരവധി പ്ലാസ്റ്റിക്ക് ഉൽപ്പന്നങ്ങളാണ് തിമിംഗലത്തിന്റെ വയറിനുള്ളിൽ ഉണ്ടായിരുന്നത്. പ്ലാസ്റ്റിക്ക് വസ്തുക്കൾ ആമാശയത്തിനുള്ളിൽ നിറഞ്ഞതോടെ ദഹനപ്രക്രീയ നടക്കാതെ വരികയും തിമിംഗലത്തിന് സഞ്ചരിക്കുവാൻ സാധിക്കാതെ വരികയുമായിരുന്നു. ഇതോടെ തിമിംഗലം മരണത്തിന് കീഴടങ്ങുകയായിരുന്നു.
Read MoreCategory: NRI
നീണ്ട 26 വർഷം! ഒരു ദിവസം പോലും അവധിയെടുക്കാത്ത അധ്യാപികയ്ക്ക് ആദരം
ഇരുപത്തിയാറ് വർഷത്തിനുള്ളിൽ ഒരൊറ്റ ദിവസം പോലും അവധിയെടുക്കാതെ സ്കൂളിൽ അധ്യാപനവൃത്തിയിൽ ഏർപ്പെട്ട 84 കാരിയായ അധ്യാപിക ഷാരോൺ ബ്രാഡ്ലിയെ ഗാർലന്റ് ഐഎസ്ഡി ആദരിച്ചു. പതിവുപോലെ ഡിസംബർ 2 നു സ്കൂളിലെത്തിയ ഷാരന് അധ്യാപകരും വിദ്യാർഥികളും അപ്രതീക്ഷിത സ്വീകരണ ചടങ്ങാണ് സംഘടിപ്പിച്ചത്. നാമാൻ എച്ച്എസ് (NAAMAN H.S) ഫോറസ്റ്റ് ഹൈസ്കൂളിലെ ഹെൽത്ത് സയൻസ് അധ്യാപികയാണ് ഷാരൺ. വിദ്യാർഥികളെ സംബന്ധിച്ചു ഷാരൺ എന്നും ഒരു മാതൃകാ അധ്യാപികയാണ്. പാരമെഡിക്, ഫ്ലൈറ്റ് നഴ്സ് എന്നീ നിലകളിൽ പ്രവർത്തിച്ച ഷാരൺ 26 വർഷം മുമ്പാണ് ഐഎസ്ഡിയിൽ അധ്യാപികയായി ജോലിയിൽ പ്രവേശിച്ചത്. ഡാളസിൽ ജോൺ എഫ് കെന്നഡി വെടിയേറ്റു ഗുരുതരാവസ്ഥയിൽ പാർക്ക് ലാന്റ് ആശുപത്രിയിൽ എത്തിയപ്പോൾ ഷാരൺ അന്ന് എമർജൻസി റൂമിൽ പ്രവർത്തിച്ചിരുന്നു. ഭർത്താവ് മരിച്ചിട്ടും കഴിഞ്ഞ ഒക്ടോബറിലെ ചുഴലിക്കാറ്റിൽ വീടിനു നാശം സംഭവിച്ചു അവിടെ നിന്നും മാറി താമസിക്കേണ്ടി വന്നിട്ടും ഒരൊറ്റ അവധിപോലും…
Read Moreപാക്കിസ്ഥാൻ സൗന്ദര്യറാണി സനിബ് നവീദ് ന്യുയോർക്കിൽ അപകടത്തിൽ മരിച്ചു
ദുബായ്: പാക്കിസ്ഥാനി സൗന്ദര്യറാണി സനിബ് നവീദ് വാഹനാപകടത്തിൽ മരിച്ചു. ന്യുയോർക്കിലെ മെരിലാൻഡിൽ ഞായറാഴ്ചയുണ്ടായ അപകടത്തിലാണ് സനിബ് (32) കൊല്ലപ്പെട്ടത്. 2012-ൽ മിസ് പാക്കിസ്ഥാൻ വേൾഡായി തെരഞ്ഞെടുക്കപ്പെട്ട സനിബ് സഞ്ചരിച്ചിരുന്ന വാഹനം ഞായറാഴ്ച രാത്രി പതിനൊന്നരയോടെ, നടപ്പാതയിൽ ഇടിച്ച് നിയന്ത്രണം വിട്ട് മറ്റുവാഹനങ്ങളിലേക്കു പാഞ്ഞുകയറുകയായിരുന്നു. ഉടൻതന്നെ ഇവരെ വാഹനത്തിൽനിന്നു പുറത്തെടുത്തെങ്കിലും മരിച്ചിരുന്നു. സനിബാണ് വാഹനം ഓടിച്ചിരുന്നത്. ഇവർ മദ്യപിച്ചിരുന്നില്ലെന്നും കൂടുതൽ പരിശോധനകൾ നടത്തിവരികയാണെന്നും പോലീസ് അറിയിച്ചു. ലോസ് ആഞ്ചൽസിലെ പെമോണ സ്വദേശിയെ വിവാഹം ചെയ്ത സനിബ്, 2012-ൽ ലാഹോർ സിറ്റിയെ പ്രതിനിധീകരിച്ചാണ് മിസ് പാക്കിസ്ഥാൻ വേൾസ് സൗന്ദര്യമത്സരത്തിൽ പങ്കെടുത്തതും വിജയിച്ചതും. ഫിലിപ്പൈൻസിൽ നടന്ന മിസ് എർത്ത് സൗന്ദര്യമത്സരത്തിലും സനിബ് പങ്കെടുത്തിരുന്നു.
Read Moreകൈയിൽ കിട്ടുന്നതെന്തും എടുത്തു ബാലൻസ് ചെയ്തുകളയും; ഈ ബാലൻസിംഗ് മാൻ ആള് പുപ്പുലിയാണ്..!
മനുഷ്യർക്കാണെങ്കിലും മൃഗങ്ങൾക്കാണെങ്കിലും ബാലൻസ് ആവശ്യമാണ്. തടിപ്പാലത്തിലൂടെ ബാലൻസ് ചെയ്ത് നടന്നു പോയ അനുഭവം പഴയ തലമുറയ്ക്കുണ്ടാവും. സൈക്കിളും സ്കൂട്ടറും ബാലൻസ് ചെയ്ത് ഓടിക്കുന്നത് പുതിയ തലമുറയ്ക്കും പരിചിതമാണ്. എന്നാൽ പലസ്തീൻ സ്വദേശിയായ മുഹമ്മദ് അൽ ഷെൻബരി ബാലൻസിംഗിൽ പുലിയാണ്, വെറും പുലിയല്ല പുപ്പുലിയെന്ന് വിശേഷിപ്പിക്കാം മുഹമ്മദിനെ. ഒരു കാലിൽ കസേര നിർത്തുക, ഒരു കന്പിയുടെ മുകളിൽ നിർത്തിയിരിക്കുന്ന ഗ്യാസ് സിലിണ്ടറിന്റെ മുകളിൽ മറ്റൊരു സിലിണ്ടർ വയ്ക്കുക, കുപ്പിയുടെ മുകളിൽ ടെലിവിഷൻ ബാലൻസ് ചെയ്തു നിർത്തുക തുടങ്ങിയവയാണ് മുഹമ്മദിന്റെ വിനോദം. ഒരു വർഷം മുന്പാണ് മുഹമ്മദ് ബാലൻസിംഗ് പരിപാടി തുടങ്ങിയത്. യൂട്യൂബിൽ ഒരു കൊറിയൻ ആർട്ടിസ്റ്റിന്റെ പ്രകടനം കണ്ടിട്ടാണ് മുഹമ്മദ് ഈ രംഗത്ത് എത്തിയത്. ദിവസങ്ങളോളും പരിശീലിച്ച ശേഷമാണ് ബാലൻസിംഗ് സ്വായത്തമാക്കിയത്. ഇപ്പോൾ മിനിറ്റുകൾകൊണ്ട് ഏതൊരു സാധനവും ബാലൻസ് ചെയ്യാൻ മുഹമ്മദിനാവും. ആർട്സ് ഓഫ് ബാലൻസിംഗിനെക്കുറിച്ചുള്ള ഏതെങ്കിലും റിയാലിറ്റി…
Read Moreദൈവത്തിന്റെ കരങ്ങള്! മൂന്നാം നിലയിൽ നിന്നും താഴേക്ക് വീണ രണ്ട് വയസുകാരൻ അത്ഭുതകരമായി രക്ഷപെട്ടു; വീഡിയോ
കെട്ടിടത്തിന്റെ മൂന്നാം നിലയിൽ നിന്നും താഴേക്ക് വീണ രണ്ട് വയസുകാരനെ സാഹസികമായി രക്ഷപെടുത്തി. ദാമൻ ആൻഡ് ഡിയുവിലാണ് സംഭവം. കുട്ടി കെട്ടിടത്തിന്റെ മുകളിൽ നിന്നും താഴേക്ക് വീഴുവാൻ തുടങ്ങിയത് കണ്ട നാട്ടുകാർ ഇവിടേക്ക് ഓടിയെത്തുകയായിരുന്നു. കുട്ടി കൃത്യം ഇവരുടെ കൈകളിലേക്കാണ് പതിച്ചത്. കുട്ടിയെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. കുട്ടിക്ക് പരിക്കുകളൊന്നുമില്ലെന്നാണ് റിപ്പോർട്ടുകൾ സൂചിപ്പിക്കുന്നത്. സമയോചിതമായ ഇടപെടീലിലൂടെ ഒരു ജീവൻ രക്ഷിച്ച പ്രദേശവാസികൾക്ക് അഭിനന്ദനവുമായി നിരവധിയാളുകൾ രംഗത്തെത്തിയിട്ടുണ്ട്. #WATCH Daman and Diu: A 2-year-old boy who fell from 3rd floor of a building was saved by locals, yesterday, in Daman. No injuries were reported. pic.twitter.com/bGKyVgNhyM — ANI (@ANI) December 3, 2019
Read Moreവിനോദസഞ്ചാരികളുടെ വാഹനത്തെ പിന്തുടർന്ന് കടുവ; ഞെട്ടിക്കുന്ന ദൃശ്യങ്ങൾ
വിനോദസഞ്ചാരികളുടെ വാഹനത്തെ കടുവ പിന്തുടരുന്നതിന്റെ ഭീതിജനകമായ ദൃശ്യങ്ങൾ സോഷ്യൽമീഡിയയിൽ പ്രചരിക്കുന്നു. രാജസ്ഥാനിലെ രണ്തബോർ ദേശിയ പാർക്കിൽ നിന്നുള്ളതാണ് ഈ ദൃശ്യങ്ങൾ. വൈൽഡ് ലൈഫ് സഫാരിയുടെ ഭാഗമായി വാഹനത്തിൽ സഞ്ചരിക്കുകയായിരുന്നവരെയാണ് കടുവ പിന്തുടർന്നത്. കടുവയുടെ ആക്രമണത്തിൽ നിന്നും രക്ഷപെടുവാൻ ഡ്രൈവർ അതിവേഗത്തിൽ വാഹനം മുന്നിലേക്കും പിറകിലേക്കും ഓടിക്കുന്നതും വീഡിയോയിൽ വ്യക്തമാണ്. #WATCH Rajasthan: Tiger chases a tourist vehicle in Ranthambore National Park in Sawai Madhopur. (1 December 2019) pic.twitter.com/CqsyyPfYn2 — ANI (@ANI) December 2, 2019
Read Moreരാവിലെ ഒരു ഗ്ലാസ് ചായ നിർബന്ധം; സോഷ്യൽമീഡിയയിൽ വൈറലാകുന്ന കുതിര ഇതാ
രാവിലെ ഉറക്കത്തിൽ നിന്നും എണീക്കുമ്പോൾ തന്നെ ഒരു ഗ്ലാസ് ചായ ഭൂരിഭാഗമാളുകളുകൾക്കും നിർബന്ധമാണ്. എന്നാൽ ഈ ശീലം മനുഷ്യർക്ക് മാത്രമല്ല മൃഗങ്ങൾക്കുമുണ്ടെന്നുള്ളതിന്റെ തെളിവാണ് യുകെയിൽ നിന്നും ലഭിക്കുന്നത്. മേഴ്സിസൈഡ് പോലീസിലുള്ള ഒരു പോലീസ് കുതിരയ്ക്കാണ് രാവിലെ ഒരു ഗ്ലാസ് ചായ നിർബന്ധമായും വേണ്ടത്. ജേക്ക് എന്നാണ് ഈ കുതിരയുടെ പേര്. 20 വയസുള്ള ഈ കുതിര കഴിഞ്ഞ 15 വർഷങ്ങളായി പോലീസിന്റെ ഭാഗമാണ്. രാവിലെ ഒരു ഗ്ലാസ് ചായ കിട്ടിയില്ലെങ്കിൽ പിന്നെ ജേക്ക് ഒരു ജോലിയും ചെയ്യില്ല. അതുകൊണ്ട് രാവിലെ ആരെങ്കിലും ഒരു ഗ്ലാസ് ചായ ജേക്കിന് നൽകും. ജേക്ക് ചായ കുടിക്കുന്നതിന്റെ ദൃശ്യങ്ങൾ സോഷ്യൽമീഡിയയിൽ വൈറലായി മാറിയിരിക്കുകയാണ്. മറ്റ് കുതിരകളിൽ നിന്നും വ്യത്യസ്തമായി അസാധാരണ സ്വഭാവമുള്ള ജേക്കിനെ തേടി അഭിനന്ദന പ്രവാഹമാണ്. We have a new episode of #wintermorningwakeups featuring Jake. Jake…
Read Moreജീവന്റെ ജീവനായ “തൂവാല’ മോഷണം പോയി; പോലീസിൽ പരാതി നൽകി
നമ്മുടെ കൈയിലിരിക്കുന്ന തൂവാല ഒരു എളിയ ഉപയോഗ വസ്തുവായിരിക്കാം. എന്നാൽ നാഗ്പുർ സ്വദേശി ഹർഷവർധൻ ജിതെയ്ക്ക് അത് അങ്ങനെയല്ല. തന്റെ തൂവാല മോഷണം പോയെന്ന് ചൂണ്ടിക്കാട്ടി പോലീസിനെ സമീപിച്ചിരിക്കുകയാണ് അദ്ദേഹം. റെയിൽവേ ഉദ്യോഗസ്ഥനായിരുന്ന ഹർഷവർധൻ തിങ്കളാഴ്ച തന്റെ മുൻ സഹപ്രവർത്തകരെ കാണാൻ ഡിവിഷണൽ റെയിൽവേ മാനേജരുടെ ഓഫീസിൽ പോയിരുന്നു. ഇവിടെ നിന്നും മടങ്ങുന്പോഴാണ് കൈയിലെ തൂവാല കാണാതായ വിവരം അറിയുന്നത്. ഉടൻതന്നെ അദ്ദേഹം സർദാർ പോലീസ് സ്റ്റേഷനിലെത്തി തൂവാല മോഷ്ടിക്കപ്പെട്ടതാണെന്നും ആരെങ്കിലും അത് ദുരുപയോഗം ചെയ്യാൻ സാധ്യതയുണ്ടെന്നും പരാതി നൽകി. അതേസമയം, ഇതു സംബന്ധിച്ച് പരാതി സ്വീകരിച്ചെങ്കിലും കേസ് രജിസ്റ്റർ ചെയ്തിട്ടില്ലെന്ന് പോലീസ് അറിയിച്ചു.
Read Moreപരാതി പറച്ചിൽ അസഹനീയമായി; പരാതിക്കാരൻ അറസ്റ്റിൽ
പരാതി പറയാൻ കസ്റ്റമർ കെയറിൽ സ്ഥിരമായി വിളിച്ച് ശല്യപ്പെടുത്തിയയാൾ അറസ്റ്റിൽ. ജപ്പാനിലാണ് സംഭവം. 71 വയസുകാരനായ ഇയാൾ ജപ്പാനിലെ പ്രമുഖ ടെലി കമ്യൂണിക്കേഷൻ കമ്പനിയായ കെഡിഡിഐയുടെ ടോൾ ഫ്രീ നമ്പരിലേക്കാണ് പതിവായി വിളിച്ചത്. കഴിഞ്ഞ രണ്ട് വർഷത്തിനുള്ളിൽ 24,000 പ്രാവശ്യം ഇയാൾ വിളിച്ചുവെന്നാണ് കമ്പനി പോലീസിൽ നൽകിയ പരാതിയിൽ പറയുന്നത്. കമ്പനി നൽകുന്ന സേവനങ്ങളെപ്പറ്റി പരാതി പറയുന്ന ഇദ്ദേഹം മാപ്പ് പറയുവാനും ജീവനക്കാരോട് ആവശ്യപ്പെടും. ഒരു ദിവസം 33 പ്രാവശ്യം വരെ ഫോണ് വിളിക്കുന്ന ഇയാൾ വലിയ തലവേദനയായി മാറിയതാണ് കമ്പനിയെ ഇത്തരമൊരു നടപടി സ്വീകരിക്കുവാൻ പ്രേരിപ്പിച്ചത്. ഇദ്ദേഹത്തിന്റെ പ്രവർത്തി കാരണം മറ്റ് കസ്റ്റമേഴ്സിന്റെ പരാതികൾ ഫലപ്രദമായി പരിഹരിക്കുവാൻ ജീവനക്കാർക്ക് സാധിച്ചിരുന്നില്ല. ഇദ്ദേഹത്തിന്റെ ശല്യം ഒരു വിധത്തിലും പോകില്ലെന്ന് മനസിലാക്കിയതോടെ കമ്പനി അധികൃതർ പോലീസിനെ ബന്ധപ്പെടുകയായിരുന്നു. കഴിഞ്ഞ മാസം അറസ്റ്റിലായ ഇദ്ദേഹം പോലീസിന്റെ നിരീക്ഷണത്തിലാണ്. സംഭവം പുറത്തായതിനെ…
Read Moreമാര്പാപ്പായ്ക്ക് ക്രിസ്മസ് സമ്മാനമായി റെനോള്ട്ട് ഡസ്റ്റര്
വത്തിക്കാന്സിറ്റി:യൂറോപ്പിലെ യൂട്ടിലിറ്റി വാഹന നിര്മാതാക്കളുടെ പട്ടികയില് വിലക്കുറവിന്റെ ദാതാക്കളായി മാറിയ ഫ്രഞ്ച് റെനോള്ട്ട് കമ്പനിയുടെ റൊമേനിയന് ഉത്പന്നമായ ഡാഷ്യ കമ്പനിയുടെ ഡസ്റ്റര് മോഡല് മാര്പാപ്പായ്ക്ക് ക്രിസ്മസ് സമ്മാനമായി നല്കി. അഞ്ചു സീറ്റുകളുള്ള പാപ്പാ മൊബൈലില് എല്ലാ സവിശേഷതകളും ഏര്പ്പെടുത്തിയിട്ടുണ്ട്. പൊതുസന്ദര്ശനവേളയില് പാപ്പാ ഉപയോഗിക്കുന്ന വാഹനത്തില് ആധുനികതയുടെ എല്ലാ സാങ്കേതിക സംവിധാനങ്ങളും ഡസ്റ്ററില് ഉള്പ്പെടുത്തിയിട്ടുണ്ട്. വലിപ്പമേറിയ സണ്റൂഫ്, മേല്ക്കുരയില് ഘടിപ്പിച്ച ഗ്രാബ് ഹാന്ഡല്, പാപ്പയെ വ്യക്തമായി കാണാന് സാധിക്കുന്ന തരത്തില് സ്ഫടിക കാബിനറ്റ് തുടങ്ങിയവയും ഡസ്റ്ററില് സജ്ജമാക്കിയിട്ടുണ്ട്. വെള്ള നിറത്തിലുള്ള ഡസ്റ്ററിന്റെ ഇന്റീരിയര് തുലണിഞ്ഞതാണ്.പാപ്പയ്ക്ക് അനായാസം കയറാനും ഇറങ്ങാനും സഹായകമാവും വിധത്തിലാണ് ഡസ്റ്റർ നിര്മിച്ചിരിക്കുന്നത്. റെനോള്ട്ട് ഗ്രൂപ്പ് റൊമാനിയ മാനേജിംഗ് ഡയറക്ടര് കിറ്റോഫ് റിഡിയും ഗ്രൂപ്പ് റെനോ ഇറ്റലി ജനറല് മാനേജര് സേവിയര് മാര്ട്ടിനെറ്റും ചേര്ന്ന് പോപ്പ് മൊബൈല് ഡസ്റ്റര് പാപ്പയ്ക്ക് വത്തിക്കാനില് കൈമാറി. 2016 ലെ അര്മേനിയ…
Read More