വാട്സ്ആപ്പിൽ ജെറ്റ് എയർവേസ് അവരുടെ 25-ാം വാർഷികം പ്രമാണിച്ച് എല്ലാവർക്കും രണ്ടു വിമാനടിക്കറ്റുകൾ സൗജന്യമായി നല്കുന്നു എന്ന സന്ദേശം പരക്കുകയായിരുന്നു. ഈ ലിങ്കിൽ ക്ലിക്ക് ചെയ്താൽ ടിക്കറ്റ് ലഭിക്കും എന്നു സൂചിപ്പിച്ച് ഒരു വെബ്സൈറ്റ് അഡ്രസും സന്ദേശത്തിനൊപ്പമുണ്ടായിരുന്നു. സന്ദേശം വൈറലായതോടെ ജെറ്റ് എയർവേസിന് വിശദീകരണവുമായി രംഗത്തെത്തേണ്ടിവന്നു. ഇത്തരത്തിൽ ഒരു ഓഫറും തങ്ങൾ പ്രഖ്യാപിച്ചിട്ടില്ലെന്ന് ജെറ്റ് എയർവേസ് ട്വിറ്ററിൽ കുറിച്ചു. പരക്കുന്ന വാർത്ത തെറ്റാണ്, ഉപയോക്താക്കൾ വിശ്വസിക്കരുത് എന്നും ജെറ്റ് എയർവേസ് ആവർത്തിച്ചു പറഞ്ഞു. കമ്പനി ഇത്തരത്തിലൊരു പ്രഖ്യാപനം നടത്തിയിട്ടില്ല. എന്തെങ്കിലും പ്രഖ്യാപനമുണ്ടായാൽ അത് കമ്പനിയുടെ ഒൗദ്യോഗിക വെബ്സൈറ്റിലോ സോഷ്യൽ മീഡിയ പ്ലാറ്റ്ഫോമിലൂടെയോ മാത്രമേ ഉണ്ടാകൂ എന്നും ജെറ്റ് എയർവേസ് പുറത്തിറക്കിയ വിശദീകരണക്കുറിപ്പിൽ പറഞ്ഞു. വാട്സ്ആപ് സന്ദേശത്തിലുള്ള www.jetairways.com/ tickets എന്ന ലിങ്കിൽ ക്ലിക്ക് ചെയ്താൽ കമ്പനിയുടെ ഔദ്യോഗിക വെബ്സൈറ്റിനു പകരം മറ്റൊരു സൈറ്റിലേക്കാണു പ്രവേശിക്കുന്നത്.
Read MoreCategory: NRI
കെട്ടിടത്തിൽ നിന്നും വീണ കുട്ടിയെ കൈപ്പിടിയിലൊതുക്കിയ വ്യാപാരി; വീഡിയോ വൈറലാകുന്നു
ബഹുനില കെട്ടിടത്തിന്റെ മുകളിൽ നിന്നും താഴേക്കു വീണ കുട്ടിയെ ഒരു വ്യാപാരി സാഹസികമായി രക്ഷിക്കുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. ചൈനയിലെ ചോംക്വിംഗ് നഗരത്തിലാണ് ഏവരെയും ഞെട്ടിച്ച സംഭവം അരങ്ങേറിയത്. കടയ്ക്കുള്ളിൽ നിന്ന് ഫോണ് വിളിച്ചുകൊണ്ടിരുന്നപ്പോൾ ആണ് സമീപമുള്ള കെട്ടിടത്തിന്റെ മുകളിൽ നിന്നും ഒരു കുട്ടി താഴേക്കു വീഴാൻ തുടങ്ങുന്നത് ഇയാളുടെ ശ്രദ്ധയിൽപ്പെട്ടത്. ഉടൻ തന്നെ ഇറങ്ങിയോടി വന്ന ഇദ്ദേഹം താഴേക്കു പതിച്ച കുട്ടിയെ തന്റെ കൈയ്യിലൊതുക്കുകയായിരുന്നു. അപകടത്തിൽ കുട്ടിക്ക് യാതൊരു പരിക്കും പറ്റിയിട്ടില്ല. സമയോചിതമായ ഇടപെടലിലൂടെ കുട്ടിയുടെ ജീവൻ രക്ഷിച്ച ഈ വ്യാപാരിക്ക് സോഷ്യൽമീഡിയായിൽ അഭിനന്ദനപ്രവാഹമാണ്.
Read Moreസ്ത്രീപീഡനക്കേസ്! ഹോളിവുഡ് നിര്മാതാവ് വെയ്ന്സ്റ്റെയിന് പോലീസിനു കീഴടങ്ങി
ന്യൂയോർക്ക്: ഹോളിവുഡ് സിനിമാനിർമാതാവ് ഹാർവി വെയ്ൻസ്റ്റെയ്ൻ സ്ത്രീപീഡനക്കേസിൽ ന്യൂയോർക്ക് പോലീസിനു കീഴടങ്ങി. ലൂസിയ ഇവാൻസ് എന്ന നടിയുടെ പരാതിയിലാണു നടപടി. ഇന്നലെ രാവിലെയാണ് വെയ്ൻസ്റ്റെയിൻ പോലീസ് സ്റ്റേഷനിലെത്തിയത്. നടപടിക്രമങ്ങൾ പൂർത്തിയാക്കി മൻഹാട്ടൻ കോടതിയിൽ ഹാജരാക്കി. 10ലക്ഷം ഡോളറിന്റെ ജാമ്യത്തിൽ കോടതി അദ്ദേഹത്തെ വിട്ടയച്ചു. ജിപിഎസ് മോണിറ്റർ ധരിക്കണമെന്നും വ്യവസ്ഥയുണ്ട്. അദ്ദേഹത്തിന്റെ യാത്രകൾ പോലീസിനു ട്രാക്ക് ചെയ്യാനാണിത്. കേസ് ഇനി ജൂലൈ 20നു പരിഗണിക്കുമെന്നു കോടതി അറിയിച്ചു. ഹോളിവുഡിലെ ഏറ്റവും ശക്തനായ വ്യക്തിത്വങ്ങളിലൊന്നായിരുന്നു വെയ്ൻസ്റ്റെയിൻ. അദ്ദേഹം 2004ൽ പീഡിപ്പിച്ചുവെന്നാണ് ലൂസിയ ഇവാൻസ് ആരോപിച്ചത്. തുടർന്ന് എഴുപതോളം സ്ത്രീകൾ പരസ്യമായി വെയ്ൻസ്റ്റെയിനെതിരേ ആരോപണം ഉന്നയിച്ചു. ‘മീ റ്റൂ’ എന്ന പീഡനവിരുദ്ധ കാന്പയിന്റെ തുടക്കം ഇവിടെനിന്നായിരുന്നു.ആരോപണങ്ങളെത്തുടർന്ന് വെയ്ൻസ്റ്റെയിന്റെ നിർമാണക്കന്പനി പാപ്പരായി.
Read Moreയാത്രക്കാര് കൂടുതലെന്ന്! ടിക്കറ്റെടുത്ത രണ്ടു യാത്രക്കാരെ കയറ്റാതെ എയര് ഇന്ത്യ വിമാനം പറന്നു
ന്യൂഡൽഹി: യാത്രക്കാർ കൂടുതലെന്നു കാരണം പറഞ്ഞ് എയർ ഇന്ത്യ വിമാനം പറന്നത് രണ്ടു യാത്രക്കാരെ കയറ്റാതെ. ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ വെള്ളിയാഴ്ച വൈകുന്നേരമാണ് സംഭവം. രാജ്കോട്ടിലേക്കു പോയ വിമാനത്തിലാണ് ബുക്ക് ചെയ്തിരുന്ന രണ്ടു പേരെ കയറ്റാത്തത്. ലഭ്യമായ സീറ്റുകളേക്കാൾ പത്ത് ശതമാനം കൂടുതൽ ടിക്കറ്റ് ബുക്ക് ചെയ്യാൻ അവസരം നൽകിയിരുന്നു. അവസാന നിമിഷം യാത്ര റദ്ദാക്കിയാൽ അതു നികത്തുന്നതിനായാണ് ഈ അവസരം നൽകിയിരുന്നത്. എന്നാൽ, വെള്ളിയാഴ്ചത്തെ സർവീസിൽ യാത്രക്കാർ അധികമാണെന്നു കണ്ട് അധികമായവരെ വിമാനത്താവളത്തിലിരുത്തി വിമാനം പറക്കുകയായിരുന്നു. ഇവർക്കു പകരം സംവിധാനം ഒരുക്കിയെന്ന് എയർ ഇന്ത്യ വക്താവ് അവകാശപ്പെട്ടു. യാത്രക്കാർ പ്രതിഷേധിച്ചതിനു ശേഷമാണ് മറ്റൊരു വിമാനത്തിൽ സൗകര്യമൊരുക്കാൻ എയർ ഇന്ത്യ തയാറായതെന്നാണു റിപ്പോർട്ടുകൾ.
Read Moreരാജവിവാഹത്തിനെത്തിയ അതിഥികളുടെ വയറു നിറഞ്ഞു; ഇപ്പോൾ കീശയും..
ബ്രിട്ടീഷ് രാജകുമാരൻ ഹാരിയുടെയും മെഗൻ മാർക്കിളിന്റെയും വിവാഹത്തിൽ പങ്കെടുത്ത പലർക്കും ലോട്ടറിയടിച്ച മട്ടാണ്. ചരിത്രമുഹൂർത്തത്തിനു സാക്ഷ്യം വഹിക്കാൻ കഴിഞ്ഞതിന്റെ മനഃസംതൃപ്തിയുണ്ടായതിനു പുറമേ പണമുണ്ടാക്കാനുള്ള വഴിയും ഇക്കൂട്ടരുടെ മുൻപിൽ തെളിഞ്ഞു. ബ്രീട്ടീഷ് രാജകുടുംബത്തിൽനിന്ന് ഒൗദ്യോഗിക ക്ഷണം ലഭിച്ചവർക്കെല്ലാം കല്യാണചടങ്ങിന്റെ സ്മരണാർഥം രാജകുടുംബം ഒരു ബാഗ് സമ്മാനമായി നൽകിയിരുന്നു. ഈ ബാഗ് ലേലത്തിൽ വിറ്റാണു പലരും പണം കൊയ്യുന്നത്. കൊട്ടാരത്തിൽനിന്നുള്ള ഒൗദ്യോഗിക ക്ഷണക്കത്ത്, രാജമുദ്രയുള്ള ചോക്ലേറ്റ് നാണയം, ദന്പതികളുടെ ചിത്രം ആലേഖനം ചെയ്ത വിശുദ്ധ ജല ബോട്ടിൽ തുടങ്ങിയവയാണ് ബാഗിലുള്ളത്. ലേലത്തിൽ ബാഗൊന്നിന് 50,000 പൗണ്ടോളം കിട്ടുന്നുണ്ടെന്നാണ് റിപ്പോർട്ടുകൾ. ലേലങ്ങൾ പലതും ഓണ്ലൈൻ സൈറ്റുകൾ മുഖേനയാണ് നടക്കുന്നത്. ഹാരി-മെഗൻ ദന്പതികളുടെ കടുത്ത ആരാധകരാണെങ്കിലും ചടങ്ങിൽ പങ്കെടുക്കാൻ സാധിക്കാതിരുന്നവരാണ് വലിയ വിലകൊടുത്തു ബാഗ് ലേലത്തിൽ പിടിക്കുന്നതത്രേ.
Read Moreക്രീപ്പിംഗ് ഡെവിൾ! ഇഴയും പിശാച് എന്നാണ് വിളിപ്പേരെങ്കിലും ആളൊരു സാധുവാണ്, ജീവിച്ചു പോകാൻ പാടുപെടുന്ന പാവം…
ഇഴയും പിശാച് എന്നാണ് വിളിപ്പേരെങ്കിലും ആളൊരു സാധുവാണ്, ജീവിച്ചു പോകാൻ പാടുപെടുന്ന പാവം… പറഞ്ഞുവരുന്നത് സ്റ്റെനോ കെറസ് എന്ന ശാസ്ത്രനാമമുള്ള കള്ളിമുൾച്ചെടിയെക്കുറിച്ചാണ്. മണ്ണിലൂടെ സഞ്ചരിക്കാൻ കഴിവുണ്ടെന്നതാണ് ഈ ചെടിക്ക് ഇഴയും പിശാച് ( ക്രീപ്പിംഗ് ഡെവിൾ ) എന്ന വിളിപ്പേര് കിട്ടാൻ കാരണം. മറ്റു കള്ളിമുൾച്ചെടികളെല്ലാം ആകാശത്തിനഭിമുഖമായി തിരശ്ചീനമായി വളരുന്പോൾ ഇഴയും പിശാച് പ്രതലത്തിനു സമാന്തരമായാണ് വളരുന്നത്. ആ പ്രത്യകത തന്നെയാണ് ഈ ചെടിക്കു മണ്ണിലൂടെ സാവധാനം നീങ്ങാനുള്ള കഴിവുകൊടുക്കുന്നതും. ചെടിയുടെ തണ്ടിൽനിന്നു വേര് മണ്ണിലേക്കിറങ്ങുകയും വേര് മണ്ണിൽപിടിച്ചു കഴിയുന്പോൾ ചെടിയുടെ ഒരു ഭാഗം അഴുകുകയും ചെയ്യും. അഴുകുന്ന സസ്യഭാഗം പുതുചെടിക്കുള്ള പോഷകാഹാരമായിമാറും. മെക്സിക്കോയിലെ ബാജയാണ് ഇഴയും പിശാചിന്റെ ജന്മദേശം. എന്നാൽ, ഇവിടെയും ഈ ചെടി വംശനാശ ഭീഷണി നേരിടുന്നവയുടെ പട്ടികയിലാണ്. കരിഞ്ചന്തകളിൽ ചെടിക്കു വലിയ വില കിട്ടുന്നതാണ് വംശനാശ ഭീഷണിക്കു പ്രധാന കാരണം.
Read Moreരാജകീയ വിവാഹത്തിനു പിന്നാലെ ലേലവും തുടങ്ങി
ലണ്ടൻ: ഹാരി രാജകുമാരനും മെഗാൻ മാർക്കിളും തമ്മിലുള്ള വിവാഹം കഴിഞ്ഞതിനു പിന്നാലെ വിവാഹവുമായി ബന്ധപ്പെട്ട വസ്തുക്കളുടെ ലേലവും തുടങ്ങി. ചടങ്ങിലും വിരുന്നിലും പങ്കെടുത്ത ചില അതിഥികളാണ് ഇതിനു പിന്നിൽ. വിവാഹത്തിനെത്തിയ എല്ലാവരും ഒരു സമ്മാനപ്പൊതി നൽകിയിരുന്നു. ഇവയ്ക്ക് ആയിരം പൗണ്ട് വിലയിട്ടാണ് ഇബേയിൽ വില്പന നടത്തുന്നത്. ഇത്തരത്തിൽ വിവാഹ പാർട്ടിക്കു പോയപ്പോൾ കിട്ടിയ വിവിധ വസ്തുക്കൾ 25 പൗണ്ട് മുതൽ 420 പൗണ്ട് വരെ വിലയിട്ട് വില്പനയ്ക്കു വച്ചിരിക്കുകയാണ്. വധൂവരൻമാരുടെ ഓർഡർ ഓഫ് സർവീസിന്റെ പിഡിഎഫ് വരെ അഞ്ച് പൗണ്ടിനു വിൽക്കുന്നു. എന്നാലിത് ഇന്റർനെറ്റിൽ സൗജന്യമായും ലഭ്യമാണ്. റിപ്പോർട്ട്: ജോസ് കുന്പിളുവേലിൽ
Read Moreനീരവ് മോദി ലണ്ടനിൽ; തട്ടിപ്പുകാരന്റെ യാത്ര സിംഗപ്പുർ പാസ്പോർട്ടിൽ
ന്യൂയോർക്ക്: ബാങ്ക് തട്ടിപ്പുകാരൻ നീരവ് മോദി ലണ്ടനിലെന്ന് എൻഫോഴ്സ്മെന്റ് ഡയറക്ടറേറ്റ്. സിംഗപ്പുർ പാസ്പോർട്ട് ഉപയോഗിച്ചാണ് മോദി യാത്ര ചെയ്യുന്നത്. ഇയാളുടെ സഹോദരൻ നിശാൽ മോദി ബെൽജിയത്തിലെ ആന്റ്വെർപ്പിലുണ്ട്. ബെൽജിയത്തിന്റെ പാസ്പോർട്ട് ഉപയോഗിച്ചാണ് ഇയാളുടെ യാത്രകൾ. നീരവിന്റെ സഹോദരി പൂർവി മെഹ്തയ്ക്കും ബെൽജിയൻ പാസ്പോർട്ടുണ്ട്. ഇവർ ഇപ്പോൾ ഹോങ്കോംഗിലാണുള്ളതെന്നും ഇഡി വെളിപ്പെടുത്തി. പൂർവിയുടെ ഭർത്താവ് റോസി ബ്ലു ഡയമണ്ട്സിലെ മായങ്ക് മെഹ്ത ബ്രിട്ടീസ് പാസ്പോർട്ടാണ് ഉപയോഗിക്കുന്നത്. ഈ പാസ്പോർട്ടിൽ ഇയാൾ ഹോങ്കോംഗിൽനിന്നു ന്യൂയോർക്കിലേക്കു തുടർച്ചയായി യാത്രകൾ നടത്തുന്നുണ്ടെന്നാണ് ഇഡിക്കു ലഭിച്ചിട്ടുള്ള വിവരം. പഞ്ചാബ് നാഷണൽ ബാങ്ക് തട്ടിപ്പിൽ ഉൾപ്പെട്ട ഇവർക്കെല്ലാം ഇഡി നോട്ടീസ് അയച്ചിരുന്നെങ്കിലും ആരും ഈ നോട്ടീസുകൾ വകവച്ചിരുന്നില്ല. ഇന്ത്യൻ സർക്കാർ പുറത്തുവിട്ട വിവരങ്ങൾ അനുസരിച്ച്, പഞ്ചാബ് നാഷണൽ ബാങ്കിൽനിന്ന് 13,700 കോടി രൂപയുടെ തട്ടിപ്പു നടത്തിയ മോദി ജനുവരിയിൽ മുംബൈയിൽനിന്ന് യുഎഇയിലേക്കു കടന്നതാണ്. മാർച്ചിലെ മൂന്നാമത്തെ…
Read Moreഅഴുക്കു ചാലിൽ കൂടി ഒഴുകി പോയ കുട്ടിക്ക് തുണയായി സമീപവാസികൾ; ഞെട്ടിക്കുന്ന ദൃശ്യങ്ങൾ
അഴുക്കു ചാലിൽ കൂടി കുത്തിയൊലിച്ചു വരുന്ന വെള്ളത്തിൽ വീണ പതിനൊന്നു വയസുകാരനെ സമീപമുണ്ടായിരുന്നവർ സാഹസികമായി രക്ഷിക്കുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. ചൈനയിലെ സെജിയാംഗ് പ്രവശ്യയിലെ ക്വസ്ഹുവിലാണ് സംഭവം നടന്നത്. റോഡിനു സമീപത്തുകൂടി നടന്നുപോയ ഈ കുട്ടി അഴുക്കുചാലിൽ വീഴുന്നത് കണ്ട് ഉടനെ കാറിൽ വന്ന യാത്രികരും മറ്റു കൂറച്ചു പേരും ചേർന്ന് കുട്ടിയെ രക്ഷിക്കുവാനുള്ള ശ്രമമായി പിന്നെ. കുറച്ചു ദൂരം മുന്പോട്ട് ഒഴുകി പോയ കുട്ടിയെ അഴുക്കു ചാലിലുള്ള ഒരു ദ്വാരത്തിൽ കൂടിയാണ് പുറത്തെത്തിക്കാനായത്. സമീപത്തെ സിസിടിവിയിൽ പതിഞ്ഞ ദൃശ്യങ്ങൾ ഇതിനോടകം തന്നെ വൈറലായി മാറിയിരിക്കുകയാണ്.
Read Moreബ്രിട്ടനിലെ ഇന്ത്യൻ വംശജ ജെസിക്കയുടെ കൊലപാതകം: ഭര്ത്താവ് അറസ്റ്റില്
ലണ്ടൻ: ബ്രിട്ടനിൽ ഇന്ത്യൻ വംശജയായ യുവതി കൊല്ലപ്പെട്ട സംഭവത്തിൽ ഭർത്താവിനെതിരേ കൊലക്കുറ്റം ചുമത്തി. മിതേഷ് പട്ടേൽ എന്ന ഇന്ത്യക്കാരനെതിരേയാണ് കൊലക്കുറ്റം ചുമത്തിയത്. അറസ്റ്റിലായ ഇയാളെ ടീസിഡ് മജിസ്ട്രേറ്റ് കോടതിയിൽ ഹാജരാക്കി. കഴിഞ്ഞ തിങ്കളാഴ്ചയാണ് ജെസിക്ക പട്ടേൽ യുവതിയെ മിഡിൽസ്ബറോ നഗരത്തിലെ ലിൻതോർപ്പ് പ്രാന്തത്തിലെ വീട്ടിൽ കൊല്ലപ്പെട്ട നിലയിൽ കണ്ടെത്തിയത്. ബ്രിട്ടനിൽ ഫാർമസിസ്റ്റായി ജോലി നോക്കുകയായിരുന്നു ഇവർ. ഭർത്താവ് മിതേഷിനൊപ്പം അദ്ദേഹത്തിൻറെ ഉടമസ്ഥതയിലുള്ള സ്ഥാപനത്തിലാണ് ജെസിക്ക ജോലി നോക്കിയിരുന്നത്. എന്നാൽ മരണകാരണമുൾപ്പെടെയുള്ള കൂടുതൽ വിവരങ്ങൾ പുറത്തു വിട്ടിട്ടില്ല. ഒന്നര വർഷത്തിലേറെയായി ഇവർ ഈ വീട്ടിൽ താമസിച്ചു വരികയായിരുന്നുവെന്നും എന്നാൽ ഇവർ തമ്മിൽ പ്രശ്നങ്ങളൊന്നും ശ്രദ്ധയിൽപ്പെട്ടിരുന്നില്ലെന്നും അയൽക്കാർ പോലീസിനോടു പറഞ്ഞു. മാഞ്ചസ്റ്റർ സർവകലാശാലയിൽ പഠിക്കവെയാണ് ജെസിക്ക മിതേഷിനെ പരിചയപ്പെടുന്നത്. ഇവർ പിന്നീട് വിവാഹിതരാകുകയായിരുന്നു.
Read More