കെട്ടുകഥകളിൽ മാത്രമല്ല, സാഹചര്യങ്ങൾ സമ്മർദം ചെലുത്തിയാൽ സാധാരണ മനുഷ്യർക്കും സൂപ്പർ ഹീറോകളായി മാറാനുള്ള ഒരു അതിമാനുഷികശക്തി മനുഷ്യന്റെ ഉള്ളിൽത്തന്നെ ഒളിഞ്ഞുകിടപ്പുണ്ടെന്നു തെളിയിച്ചിരിക്കുകയാണ് മാലി സ്വദേശിയായ മാമൂദൂ ഗസാമ. പാരീസിൽ വലിയ കെട്ടിടത്തിന്റെ നാലാം നിലയിൽനിന്നു താഴേക്കു പതിക്കുമായിരുന്ന നാലു വയസുള്ള കുഞ്ഞിനെ അതിസാഹസികമായി രക്ഷിച്ചതാണ് ഗസാമയ്ക്ക് സൂപ്പർഹീറോ പരിവേഷം നല്കിയത്. നാലു നിലയുള്ള കെട്ടിടത്തിൽ വലിഞ്ഞുകയറി കുഞ്ഞിനെ രക്ഷിക്കുന്ന വീഡിയോ വൈറലായതോടെ ലോകം യഥാർഥ ജീവിതത്തിലെ സ്പൈഡർമാൻ എന്ന് ഗസാമയ്ക്ക് പേരുവീണു. കാര്യങ്ങൾ അവിടംകൊണ്ടും തീർന്നില്ല വീഡിയോ ശ്രദ്ധയിൽപ്പെട്ട ഫ്രഞ്ച് പ്രസിഡന്റ് ഇമ്മാനുവൽ മാക്രോൺ പ്രസിഡന്റിന്റെ വസതിയിൽവച്ച് ഗസാമയുമായി കൂടിക്കാഴ്ച നടത്തി. കൂടാതെ ഫ്രഞ്ച് പൗരത്വവും അഗ്നിശമന സേനയിൽ ജോലിയും വാഗ്ദാനം ചെയ്തു. പോലീസ് സൂപ്രണ്ട് ഗസാമയുടെ ധീരതയ്ക്കും അർപ്പണമനോഭാവത്തിനും പ്രശംസാപത്രം നല്കി ആദരിച്ചു. ഏതാനും മാസങ്ങൾക്കുമുന്പാണ് മാലിയിൽനിന്ന് ഗസാമ പാരീസിലെത്തിയത്. കഴിഞ്ഞ ദിവസം രാവിലെ നടക്കാനിറങ്ങിയപ്പോഴാണ്…
Read MoreCategory: NRI
വിവാഹമണ്ഡപത്തിലേക്ക് ബസ് ഓടിച്ച് വധു; യാത്രക്കാരനായി വരനും
വിവാഹ വസത്രമണിഞ്ഞ വധു അലങ്കരിച്ച ബസിനുള്ളിൽ ഭർത്താവിനെയുമിരുത്തി ബസ് ഓടിക്കുന്നതിന്റെ ദൃശ്യങ്ങൾ കൗതുകമാകുന്നു. ചൈനയിലാണ് ഏവരെയും ഒരുപോലെ അമ്പരപ്പിച്ച സംഭവം നടന്നത്. തന്റെ വീട്ടിൽ നിന്നും ബസുമായി പുറപ്പെട്ട വധു വിവാഹ മണ്ഡപത്തിലേക്കുള്ള യാത്രയിലാണ് ഭർത്താവിനെയും ഒപ്പം കൂട്ടിയത്. ഈ യുവതി ഒരു ബസ് ഡ്രൈവറാണ്. ബലൂണുകളും മറ്റ് അലങ്കാര വസ്തുക്കളും ഉപയോഗിച്ചാണ് ബസ് അണിയിച്ചൊരുങ്ങിയത്. വിവാഹത്തിന്റെ പുതിയ ട്രെൻഡ് ഇതിനോടകം തന്നെ വൈറലാകുകയാണ്.
Read Moreമുതലകളുടെ ആക്രമണത്തിൽ നിന്നും വൈൽഡ് ബീസ്റ്റിന് തുണയായി ഹിപ്പോകൾ
വൈൽഡ് ബീസ്റ്റിനെ ആക്രമിച്ച മുതലയെ ഹിപ്പോകൾ നേരിടുന്നതിന്റെ ദൃശ്യങ്ങൾ പുറത്ത്. ദക്ഷിണാഫ്രിക്കയിലെ ക്രുഗർ നാഷണൽ പാർക്കിൽ നിന്നുമാണ് ഈ ദൃശ്യങ്ങൾ വന്നിരിക്കുന്നത്. വെള്ളം കുടിക്കുവാനെത്തിയ വൈൽഡ് ബീസ്റ്റുകളിൽ ഒന്നിനെയാണ് മുതലകൾ പിടികൂടിയത്. തുടർന്ന് വെള്ളത്തിലേക്കു വൈൽഡ് ബീസ്റ്റിനെ വലിച്ചിഴച്ച് കൊണ്ടു പോകുന്നതിനിടയിലാണ് ഹിപ്പോകൾ സംഭവത്തിലിടപ്പെട്ടത്. ആദ്യം രംഗത്തുണ്ടായിരുന്ന ഹിപ്പോകൾ ബീസ്റ്റിനെ രക്ഷിക്കുവാൻ ശ്രമിച്ചുവെങ്കിലും ഇവർ പരാജയപ്പെടുകയായിരുന്നു. തുടർന്ന് രംഗത്തേക്കു കൂടുതൽ ഹിപ്പോകൾ എത്തുകയായിരുന്നു. ഹിപ്പോകളുടെ ആക്രമണത്തെ ചെറുത്തു നിൽക്കുവാൻ സാധിക്കാതിരുന്ന മുതലകൾ വൈൽഡ് ബീസ്റ്റിന്റെ മേലുള്ള പിടി വിടുകയായിരുന്നു. മുതലയുടെ ആക്രമണത്തിൽ വൈൽഡ് ഇതിന്റെ കാലിനു സാരമായി പരിക്കേറ്റിട്ടുണ്ട്.
Read Moreഅഭയാർത്ഥി ക്യാമ്പിൽ നിന്നും കരളുരുകും രംഗം; ലോക ജനതയുടെ കണ്ണ് നിറയിച്ച ആ ചിത്രത്തിന്റെ പിന്നിൽ
യുദ്ധങ്ങളിൽപ്പെട്ട് വീടും കുടുംബവും നഷ്ടപ്പെട്ട് പലായനം ചെയ്യേണ്ടിവരുന്ന അഭയാർഥികളുടെ അവസ്ഥ സാധാരണക്കാർക്ക് ചിന്തിക്കാവുന്നതിലും അപ്പുറമാണ്. താമസിക്കാൻ പാർപ്പിടവും കഴിക്കാൻ ഭക്ഷണവും ഉടുക്കാൻ വസ്ത്രവുമില്ലാതെ കഷ്ടപ്പെടുന്നവർക്ക് മറ്റുള്ളവരുടെ വേദന അറിയാനുള്ള മനസുണ്ടാകുമെന്നാണ് ഹംബിംൾഡ് മെഡിക് എന്ന ട്വിറ്റർ യൂസർ കഴിഞ്ഞ ദിവസം പങ്കുവച്ച ചിത്രം സൂചിപ്പിക്കുന്നത്. കാമറയെ നോക്കി ഭക്ഷണം നീട്ടുന്ന ഒരു കുരുന്നിന്റെ ചിത്രമാണ് അദ്ദേഹം പങ്കുവച്ചത്. ഒരു അഭയാർഥി ക്യാന്പിൽ ആരോ നല്കിയ ഭക്ഷണം കഴിക്കുന്നതിനിടെ ഒരു മാധ്യമപ്രവർത്തകനാണ് ഈ കുരുന്നിന്റെ ചിത്രം പകർത്തിയത്. മാധ്യമപ്രവർത്തകന് വിശക്കുന്നുണ്ടെന്നു കരുതിയാണ് കുഞ്ഞ് ഭക്ഷണം നീട്ടിയതെന്നാണ് ട്വിറ്റർ പോസ്റ്റിൽ പറയുന്നത്. ഓരോ ദിവസവും നാം ഭക്ഷണം കഴിക്കുന്പോൾ ഇവരെപ്പോലെയുള്ളവരെ ഓർക്കണമെന്നും അദ്ദേഹം ട്വിറ്ററിൽ ആഹ്വാനം ചെയ്തു. എന്നാൽ, ഈ ചിത്രം എവിടെനിന്നുള്ളതാണെന്നതിൽ വ്യക്തതയില്ല.
Read Moreആൽബെർട്ടോ വരുന്നു: യുഎസിലെ മൂന്ന് സംസ്ഥാനങ്ങളിൽ അടിയന്തരാവസ്ഥ
ഫ്ളോറിഡ: യുഎസിലെ മൂന്ന് സംസ്ഥാനങ്ങൾ ലക്ഷ്യമാക്കി ആൽബെർട്ടോ കൊടുങ്കാറ്റ് വരുന്നു. ഫ്ളോറിഡ, അലബാമ, മിസിസിപ്പി എന്നി സംസ്ഥാനങ്ങളിലാണ് കൊടുങ്കാറ്റ് ഭീഷണി നിലനിൽക്കുന്നത്. ഇവിടങ്ങളിൽ അടിയന്തരാവസ്ഥ പ്രഖ്യാപിക്കുകയും ചെയ്തു. മണിക്കൂറിൽ 40 കിലോമീറ്റർ വേഗതയിലാണ് ആൽബെർട്ടോ തീരങ്ങളെ ലക്ഷ്യമാക്കി നീങ്ങുന്നതെന്നാണ് റിപ്പോർട്ട്. തിങ്കളാഴ്ചയോടെ യുഎസ് സംസ്ഥാനങ്ങളിൽ കനത്ത മഴയോടെ കൊടുങ്കാറ്റ് വീശിയടിക്കുമെന്നാണ് വിവരം.
Read Moreപെട്രോൾ വിലക്കയറ്റത്തെ പേടിക്കാത്ത ഒരു രാജ്യം
ദിവസവും ഇന്ധനവില കൂടുന്നതിനാൽ പൊതുഗതാഗത സംവിധാനത്തിൽ നിരക്ക് കൂടുമോയെന്ന ആശങ്കയിലാണ് നമ്മുടെ രാജ്യം. അപ്പോഴാണ് ഉത്തര യൂറോപ്യൻ രാജ്യമായ എസ്തോണിയയിൽനിന്ന് അന്പരപ്പിക്കുന്ന ഒരു വാർത്ത. ലോകത്ത് ആദ്യമായി സൗജന്യ പൊതുഗതാഗത സൗകര്യം ഏർപ്പെടുത്തിയ രാജ്യമായി മാറിയിരിക്കുകയാണ് എസ്തോണിയ. രാജ്യത്തെ ഏറ്റവും വലിയ നഗരവും തലസ്ഥാനവുമായ ടലിനിലാണ് ആദ്യമായി സൗജന്യ പൊതുഗതാഗതം ഏർപ്പെടുത്തിയിരിക്കുന്നത്.അധികം വൈകാതെ രാജ്യത്തെ ബാക്കി പ്രദേശങ്ങളിലും ഈ സംവിധാനം നിലവിൽ വരും. അഞ്ചു വർഷം മുന്പു രാജ്യത്തു നടന്ന ഒരു ജനഹിത പരിശോധനയിൽ സൗജന്യ പൊതുഗതാഗത സംവിധാനം നടപ്പാക്കണമെന്ന് ആളുകൾ ആവശ്യപ്പെട്ടിരുന്നു. ഇതനുസരിച്ചാണ് അധികാരികൾ ഇപ്പോൾ ഇങ്ങനെയൊരു തീരുമാനമെടുത്തത്.
Read Moreസൂര്യനിലേക്ക് പോകാൻ 11 ലക്ഷം പേരുകൾ!
ജൂലൈ 31ന് വിക്ഷേപിക്കുന്ന നാസയുടെ സൂര്യദൗത്യമായ പാർക്കർ സോളാർ പ്രോബിനൊപ്പം സൂര്യന്റെ സമീപത്തെത്തുന്നത് 11,37,200 ആളുകളുടെ പേരുകൾ. കഴിഞ്ഞ മാർച്ചിലാണ് സൂര്യനിൽ പേരെത്തിക്കാനാഗ്രഹിക്കുന്നവർ ഓണ്ലൈനായി തങ്ങളുടെ പേരുകൾ രജിസ്റ്റർ ചെയ്യാൻ നാസ ആവശ്യപ്പെട്ടത്. രജിസ്റ്റർ ചെയ്ത ആളുകളുടെ പേരുകൾ ഒരു മെമ്മറി കാർഡിലാക്കി പേടകത്തിൽ സൂക്ഷിക്കും. ഫിസിക്സ് ശാസ്ത്രജ്ഞനായിരുന്ന യുജീൻ പാർക്കർക്കായി സമർപ്പിച്ചിരിക്കുന്ന ഒരു ഫലകത്തിലാണ് ഈ മെമ്മറി കാർഡ് വെൽഡ് ചെയ്തു വയ്ക്കുക. അദ്ദേഹത്തിന്റെ പ്രശസ്തമായ ചില വാചകങ്ങളും ഈ ഫലകത്തിൽ രേഖപ്പെടുത്തും. സൂര്യനെക്കുറിച്ചുള്ള പഠനങ്ങൾക്കു ശരിയായ ദിശ നൽകിയ ശാസ്ത്രജ്ഞൻ എന്നാണ് യുജീൻ പാർക്കർ അറിയപ്പെടുന്നത്. അദ്ദേഹത്തോടുള്ള ആദരസൂചകമായിട്ടാണ് നാസ തങ്ങളുടെ ആദ്യ സൂര്യദൗത്യത്തിനു പാർക്കർ സോളാർ പ്രോബ് എന്നു പേരു നൽകിയിരിക്കുന്നത്.
Read Moreജിയോ മൊബൈൽ നെറ്റ് വർക്ക് യൂറോപ്പിലേക്ക്
ഫ്രാങ്ക്ഫർട്ട്: റിലയൻസ് ജിയോ നെറ്റ് വർക്ക് യൂറോപ്പിലും മിഡിൽ ഈസ്റ്റിലേക്കും പ്രവർത്തനം വ്യാപിപ്പിക്കുന്നു. യൂറോപ്യൻ വിപണി ലക്ഷ്യമാക്കി നീങ്ങുന്ന ജിയോ, ആരംഭമെന്നോണം വടക്കൻ യൂറോപ്പിലെ എസ്റ്റോണിയയിലാണ് ചുവടുവയ്ക്കുന്നത്. കുറഞ്ഞ നിരക്കുകളിൽ ഡാറ്റയും കോൾ ഓഫറുകളും നൽകി ഇന്ത്യൻ വിപണി കീഴടക്കി ജൈത്രയാത്ര തുടരുന്ന ജിയോ എസ്റ്റോണിയയിൽ തുടക്കമിട്ടാൽ മറ്റു യൂറോപ്യൻ രാജ്യങ്ങളിലേക്കും പ്രവർത്തനം വ്യാപിപ്പിക്കാനാകുമെന്നാണ് കണക്കുകൂട്ടൽ. എസ്റ്റോണിയയിൽ ഇന്ത്യയുടെ ഇ-ഗവേർണൻസ് സംവിധാനം സ്ഥാപിക്കാൻ താൽപര്യമുണ്ടെന്ന് അംബാനി പറഞ്ഞു. ഇതിന്റെ ഭാഗമായി മുകേഷ് അംബാനി എസ്റ്റൊണിയൻ സർക്കാർ പ്രതിനിധിയുമായി കൂടിക്കാഴ്ച നടത്തി. റിലയൻസ് 12.20 കോടി രൂപയാണ് ഇവിടെ നിക്ഷേപിക്കുന്നത്. അധികം താമസിയാതെ ജർമനി, ഫ്രാൻസ് എന്നീ രാജ്യങ്ങളിലേക്കും ജിയോ നെറ്റ് വർക്ക് വ്യാപിപ്പിക്കാനാണ് ശ്രമം. റിലയൻസ് ഇൻഡസ്ട്രിയൽ ഇൻവെസ്റ്റ്മെന്റ്സും ഹോൾഡിംഗ്സ് ലിമിറ്റഡും ചേർന്നാണ് പദ്ധതി നടപ്പിലാക്കുക. റിപ്പോർട്ട്: ജോർജ് ജോണ്
Read Moreവായ്പ അടച്ചില്ലേൽ ഫോട്ടോ തിയറ്ററിൽ കാണിച്ച് നാറ്റിക്കും..!
പണി പലതു പയറ്റിയിട്ടും സർക്കാർഏജൻസികളിൽനിന്നെടുത്ത വായ്പത്തുക തിരിച്ചടിക്കാതെ വിലസി നടക്കുന്നവർക്ക് ഉഗ്രൻ പണികൊടുത്തു ചൈനീസ് അധികൃതർ. തിയറ്ററുകളിൽ സിനിമാ പ്രദർശനം നടക്കുന്നതിനിടെ പണം അടയ്ക്കാത്തവരുടെ ചിത്രം പ്രദർശിപ്പിച്ചാണ് അധികൃതർ ’കണക്കുതീർക്കുന്നത്’. ആളിന്റെ ഫോട്ടോയോടൊപ്പം കക്ഷി അടയ്ക്കാനുള്ള തുകയും തിയറ്ററിൽ പ്രദർശിപ്പിക്കും. ജപ്തി നോട്ടീസ്, മറ്റു നിയമനടപടി അങ്ങനെ പല വഴികളും പയറ്റിയിട്ടും വായ്പയെടുത്തവർ കടം വീട്ടാതെ വന്നതോടെയാണ് ഇങ്ങനെയൊരു പോംവഴി കണ്ടെത്തിയതെന്ന് അധികൃതർ പറഞ്ഞു. ചൈനയിലെ ഹിജാംഗിലുള്ള പ്രാദേശിക കോടതികളാണ് ഇത്തരമൊരു നടപടിക്ക് ഉത്തരവിട്ടത്. ആളുകളെല്ലാം പകൽമാന്യന്മാരായതിനാൽ സംഗതി വിജയം കാണുന്നുണ്ടെന്നും പണം തിരിച്ചടയ്ക്കാനുള്ള പലരും നാണക്കേടു ഭയന്നു പണം തിരിച്ചടച്ചെന്നും ഹിജാംഗിലെ ഡയറക്ടർ ഓഫ് എൻഫോഴ്സ്മെന്റ് ലി ക്വിവാംഗ് പറഞ്ഞു.
Read Moreന്യൂയോർക്കിൽ ആദ്യ സിഖ് വനിതാ പോലീസ് ഓഫീസർ
ന്യൂയോർക്ക്: ന്യൂയോർക്ക് പോലീസ് ഡിപ്പാർട്ടുമെന്റിന്റെ ചരിത്രത്തിൽ ആദ്യമായി ടർബൻ ധരിച്ച സിഖ് വനിതാ പോലീസ് ഓഫീസർ ചാർജെടുത്തു. ഗൗവർഷോ കൗർ എന്ന ഇരുപതുകാരി ന്യൂയോർക്ക് പോലീസ് അക്കാഡമിയിൽനിന്നും മേയിലാണ് ഗ്രാജുവേറ്റു ചെയ്തത്. നാസു കമ്യൂണിറ്റി കോളജിൽ അക്കൗണ്ടിംഗ് മേജറായി പഠനം തുടരുന്ന കൗർ, ഒൗക്സിലറി പോലീസ് ഓഫീസറായിട്ടാണ് ചാർജ് എടുത്തിരിക്കുന്നത്. പഠനം പൂർത്തിയാകുന്ന മുറയ്ക്ക് ഫുൾടൈം ഓഫീസറായി പ്രവർത്തിക്കാനാണ് ഇവരുടെ ആഗ്രഹം. ന്യൂയോർക്ക് പോലീസ് ഡിപ്പാർട്ടുമെന്റിൽ 19 സിഖ് പോലീസ് ഓഫിസർമാരിൽ 10 പേർ വനിതകളാണ്. 2016ലാണ് സിഖ് ഓഫീസർമാർക്ക് ന്യൂയോർക്ക് പോലീസിന്റെ ലോഗോയോടുകൂടിയ ടർബൻ ധരിക്കുന്നതിനുള്ള അനുമതി ലഭിച്ചത്. കൗറിന്റെ ചരിത്ര നേട്ടത്തിൽ അമേരിക്കയിലെ സിഖ് സമുദായംഗങ്ങൾ ആശംസകൾ നേർന്നു. സിഖ് ഓഫീസേഴ്സ് അസോസിയേഷൻ വൈസ് പ്രസിഡന്റും ന്യൂയോർക്ക് പോലീസ് ഓഫീസറുമായ ഡിലെയർ റാത്തൂർ കൗറിന്റെ നിയമനത്തെ സ്വാഗതം ചെയ്തു. റിപ്പോർട്ട്: പി.പി. ചെറിയാൻ
Read More