അബുദാബി: ഇരുപകുതികളുടെ അവസാന നിമിഷങ്ങളിൽ ലഭിച്ച രണ്ട് അപ്രതീക്ഷിത അടികളിൽ ഇന്ത്യ അടിതെറ്റി വീണു. എഎഫ്സി ഏഷ്യൻ കപ്പ് ഫുട്ബോളിൽ ഗ്രൂപ്പ് എയിൽ ഇന്ത്യക്ക് ഏകപക്ഷീയമായ രണ്ടു ഗോളിന്റെ തോൽവി. ആതിഥേയരും റാങ്കിംഗിൽ മുന്നിലുള്ള ടീമുമായ യുഎഇയോട് ഇന്ത്യ പൊരുതിത്തോറ്റു. കളിയുടെ 41 ാം മിനിറ്റിൽ ഖൽഫാൻ മുബൈറക്കും 81 ാം മിനിറ്റിൽ അലി മബ്ഹൂതും നേടിയ ഗോളിനായിരുന്നു ആതിഥേയരുടെ വിജയം.റാങ്കിംഗിൽ 18 സ്ഥാനം മുന്നിലുള്ള എതിരാളികളെ വിറപ്പിക്കാനായെങ്കിലും തായ്ലൻഡിനെതിരെ പുറത്തെടുത്ത പോരാട്ടവീര്യം ഇന്ത്യക്ക് ഇന്ന് നഷ്ടമായി. ഫുട്ബോൾ ഈശ്വരൻമാർ നീലപ്പടയെ കൈവിടുക കൂടി ചെയ്തതോടെ ദുരന്തം പൂർണമായി. ഉറപ്പായ നാല് ഗോൾ അവസരങ്ങളാണ് ഇന്ത്യക്ക് നഷ്ടമായത്. അതിൽ രണ്ടെണ്ണം ക്രോസ് ബാറിൽ തട്ടി അവിശ്വസനീയമായ രീതിയിൽ പുറത്തേക്കുപോയി.കളിയുടെ തുടക്കത്തിൽ ആത്മവിശ്വാസത്തോടെ പന്ത് തട്ടിയ ഇന്ത്യ പലവട്ടം ഗോളിനടുത്തെത്തി. ആഷിഖ് കുരുണിയൻറെ ഉൾപ്പെടെ മൂന്നു ഷോട്ടുകൾ യുഎഇ…
Read MoreCategory: Sports
ഒസാക്കോ ഡബിളിൽ ജപ്പാൻ
അബുദാബി: എഎഫ്സി ഏഷ്യൻ കപ്പ് ഫുട്ബോളിൽ ജയത്തോടെ ജപ്പാൻ ശുഭാരംഭം കുറിച്ചു. ഗ്രൂപ്പ് എഫിലെ പോരാട്ടത്തിൽ ജപ്പാനെ വിറപ്പിച്ചശേഷം 2-3ന് തുർക്ക്മെനിസ്ഥാൻ കീഴടങ്ങി. ആദ്യ പകുതിയിൽ അമനോവിന്റെ (26-ാം മിനിറ്റ്) ഗോളിൽ തുർക്ക്മെനിസ്ഥാൻ മുന്നിലായിരുന്നു. യുയ ഒസാക്കോയുടെ ഇരട്ട ഗോളാണ് ജപ്പാനെ ജയത്തിലേക്ക് കൈപിടിച്ചത്. അഞ്ച് മിനിറ്റിനുള്ളിൽ രണ്ട് ഗോളടിച്ച ഒസാക്കോ ജപ്പാനെ 2-1നു മുന്നിലെത്തിച്ചു. 56, 60 മിനിറ്റുകളിലായിരുന്നു ഒസാക്കോയുടെ ഗോളുകൾ. 71-ാം മിനിറ്റിൽ റിറ്റ്സു ഡോണ് ജപ്പാന്റെ ഗോൾ വ്യത്യാസം 3-1 ആക്കി. എന്നാൽ, 79-ാം മിനിറ്റിൽ ഗോളി സ്യൂചി ഗോണ്ഡയുടെ ഫൗളിനു പെനൽറ്റി വഴങ്ങേണ്ടിവന്ന ജപ്പാൻ ഒരു ഗോൾ തിരികെ വാങ്ങി. ഗ്രൂപ്പ് എഫിലെ മറ്റൊരു മത്സരത്തിൽ ഉസ്ബക്കിസ്ഥാൻ 2-1ന് ഒമാനെ കീഴടക്കി മൂന്ന് പോയിന്റ് സ്വന്തമാക്കി. ഗ്രൂപ്പ് ഡിയിൽ ഇറാനു പിന്നാലെ ഇറാക്കും ജയം നേടി. രണ്ട് തവണ പിന്നിട്ടുനിന്നശേഷം ഇറാക്ക്…
Read Moreബുംറയെ അനുകരിച്ച് ഓസീസ് പയ്യന്റെ ബൗളിംഗ്
ഓസ്ട്രേലിയയ്ക്കെതിരായ പരമ്പരയില് ഇന്ത്യ ചരിത്രവിജയം നേടിയപ്പോള് പേസ് ബൗളര് ജസ്പ്രീത് ബുംറയുടെ പങ്ക് നിര്ണായകമായിരുന്നു. ഓസീസ് ബാറ്റ്സ്മാന്മാരെ എറിഞ്ഞിട്ട ബുംറയ്ക്ക് ഓസ്ട്രേലിയയിലും ആരാധകരുണ്ടായി. ഇത്തരത്തില് ഒരു കുട്ടി ആരാധകന്റെ വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. വ്യത്യസ്ത ആക്ഷനില് പന്തെറിയുന്ന ബുംറയെ ഓസീസ് പയ്യന് അനുകരിക്കുന്നതാണ് വീഡിയോയിലുള്ളത്. അവന്റെ ഓട്ടവും പന്തെറിയുമ്പോഴുള്ള ആക്ഷനും തലയുടെ പൊസിഷനും ചലനവുമെല്ലാം ബുംറയെ അനുകരിക്കുന്നതാണ്. മൈക്കല് കര്ട്ടിന് എന്ന് പേരുള്ളയാളാണ് വീഡിയോ ട്വിറ്ററില് പങ്കുവച്ചത്. നിങ്ങളുടെ പരമ്പര വിജയത്തിന്റെ ഏക പ്രശ്നം ഓസ്ട്രേലിയന് ക്രിക്കറ്റിലെ പുതുതലമുറയെ നിങ്ങള്ക്ക് പ്രചോദിപ്പിക്കാന് കഴിഞ്ഞെന്നതാണ്. ബുംറയെ ടാഗ് ചെയ്തുള്ള ട്വീറ്റില് മൈക്കല് കര്ട്ടിന് കുറിച്ചു. കുട്ടി ആരാധകന് ആശംസയുമായി ബുംറ ട്വീറ്റ് ചെയ്തു.
Read Moreചാറ്റ് ഷോയിൽ കുടുങ്ങി പാണ്ഡ്യ, രാഹുൽ
ന്യൂഡല്ഹി: ചാറ്റ് ഷോയില് പങ്കെടുത്ത് സ്ത്രീകളെക്കുറിച്ച് വിവാദപരാമര്ശം നടത്തിയ ഇന്ത്യന് ക്രിക്കറ്റ് താരങ്ങളായ ഹാര്ദിക് പാണ്ഡ്യക്കും ലോകേഷ് രാഹുലിനും ബിസിസിഐയുടെ നോട്ടീസ്. വിമര്ശനം ശക്തമായതോടെ ഹര്ദിക് പാണ്ഡ്യ ട്വിറ്ററിലൂടെ മാപ്പപേക്ഷയുമായി രംഗത്തെത്തി. വിവാദപരാമര്ശങ്ങള്ക്ക് ഏവരോടും നിര്വ്യാജം ഖേദംപ്രകടിപ്പിക്കുന്നതായി പാണ്ഡ്യ ബിസിസിഐയുടെ കാരണംകാണിക്കല് നോട്ടീസിന് മറുപടി നല്കി. വിവാദ പരാമര്ശങ്ങളുടെ പേരില് ബിസിസിഐ ഇരുവരോടും വിശദീകരണം ആവശ്യപ്പെട്ടു. ക്രിക്കറ്റുമായി ബന്ധപ്പെടാത്ത ടിവി പരിപാടികളില്നിന്ന് കളിക്കാരെ വിലക്കുന്ന കാര്യത്തെക്കുറിച്ചും ബിസിസിഐ ആലോചിക്കുന്നുണ്ടെന്നാണ് വിവരങ്ങള്. ഇരുവരോടും 24 മണിക്കൂറിനുള്ളില് വിശദീകരണം നല്കണമെന്നാണ് ബിസിസിഐ ആവശ്യപ്പെട്ടിരിക്കുന്നത്. കോഫീ വിത്ത് കരണ് എന്ന ചാറ്റ് ഷോയില് പങ്കെടുത്ത് പാണ്ഡ്യയും രാഹുലും നടത്തിയ സ്ത്രീവിരുദ്ധ പരാമര്ശങ്ങള്ക്കെതിരേ സോഷ്യല് മീഡിയയിലും മറ്റും വ്യാപക പ്രതിഷേധമുയര്ന്നിരുന്നു. ലൈംഗിക ജീവിതത്തെ കുറിച്ച് ഹാര്ദിക് പാണ്ഡ്യ നടത്തിയ വിവാദ പ്രസ്താവനകളില് നടപടി വേണമെന്ന് ബിസിസിഐയിലെ ഒരു വിഭാഗം ആവശ്യപ്പെട്ടതായാണ് റിപ്പോര്ട്ട്.
Read Moreഹോക്കി ഇന്ത്യ പുതിയ പരിശീലകനെ തേടുന്നു
ന്യൂഡൽഹി: ഇന്ത്യൻ പുരുഷ സീനിയർ ഹോക്കി ടീം പരിശീലകൻ ഹരേന്ദ്ര സിംഗിനെ സ്ഥാനത്തുനിന്നും മാറ്റി. അദ്ദേഹത്തെ ജൂനിയർ ടീമിന്റെ പരിശീലകനായി പുനർനിയമിക്കുകയും ചെയ്തു. ബുധനാഴ്ച ഹോക്കി ഇന്ത്യ ഫെഡറേഷനാണ് ഇക്കാര്യം അറിയിച്ചത്. 2018 മെയ് മാസത്തിലാണ് ജൂനിയർ ടീമിന്റെ പരിശീലകനായിരുന്ന ഹരേന്ദ്ര സിംഗ് സീനിയർ ടീം പരിശീലകനായി ചുമതലയേറ്റെടുത്തത്. പരിശീലകസ്ഥാനത്തേക്ക് പുതിയ ആളുകളെ ക്ഷണിച്ച് ഹോക്കി ഫെഡറേഷൻ അറിയിപ്പ് നൽകിയിട്ടുണ്ട്.
Read Moreപൂജാര മൂന്നിൽ; പന്തിനു മുന്നേറ്റം
ദുബായ്: ഐസിസി ടെസ്റ്റ് ബാറ്റ്സ്മാന്മാരുടെ റാങ്കിംഗിൽ ചേതേശ്വർ പൂജാര മൂന്നാം സ്ഥാനത്ത്. നാലാം സ്ഥാനത്തുനിന്നാണ് പുജാരയുടെ കയറ്റം. ഓസ്ട്രേലിയയ്ക്കെതിരേയുള്ള ടെസ്റ്റ് പരന്പരയിലെ മികച്ച പ്രകടനമാണ് പൂജാരയുടെ റാങ്കിംഗ് ഉയർത്തിയത്. നാലു ടെസ്റ്റിൽനിന്നായി പുജാര 521 റണ്സാണ് നേടിയത്. വിക്കറ്റ്കീപ്പർ ഋഷഭ് പന്ത് 21 സ്ഥാനം മെച്ചപ്പെടുത്തി 17-ാം സ്ഥാനത്തെത്തി. 1973 ജനുവരിയിൽ ഫറൂഖ് എൻജിനിയർ നേടിയ റാങ്കിനൊപ്പം പന്തെത്തി. ഒരു ഇന്ത്യൻ വിക്കറ്റ്കീപ്പറുടെ ഏറ്റവും ഉയർന്ന റാങ്കാണിത്. മഹേന്ദ്ര സിംഗ് ധോണി 19-ാം റാങ്കിലെത്തിയിരുന്നു. ഒന്പതാമത്തെ ടെസ്റ്റിൽ പുറത്താകാതെ നേടിയ 159 റണ്സാണ് പന്തിനെ ആദ്യ ഇരുപതിലെത്തിച്ചത്. 59-ാം റാങ്കുമായാണ് പന്ത് ഓസ്ട്രേലിയയിലെത്തിയത്. പരന്പരയിൽ ആകെ 350 റണ്സും 20 ക്യാച്ചും പന്ത് സ്വന്തമാക്കി.ബൗളർമാരിൽ ജസ്പ്രീത് ബുംറ 16-ാം സ്ഥാനം നിലനിർത്തിയപ്പോൾ മുഹമ്മദ് ഷാമി 23ൽനിന്ന് 22ലെത്തി.
Read More15 ലക്ഷം വീതം സമ്മാനം: ബിസിസിഐ
ന്യൂഡൽഹി: ഓസ്ട്രേലിയൻ മണ്ണിൽ ആദ്യമായി ടെസ്റ്റ് ക്രിക്കറ്റ് പരന്പര നേടിയ ടീമിന് ബിസിസിഐയുടെ പാരിതോഷികം. ഓരോ മത്സരത്തിലുമിറങ്ങിയ പതിനൊന്നുപേർക്കും 15 ലക്ഷം രൂപ വീതം നൽകുമെന്ന് ബിസിസിഐ അറിയിച്ചു. ഓസ്ട്രേലിയയെ 2-1ന് പരാജയപ്പെടുത്തിയ ഇന്ത്യൻ ടീമിനെ അഭിനന്ദിച്ച ബിസിസിഐ എല്ലാ റിസർവ് കളിക്കാർക്കും സപ്പോർട്ട് സ്റ്റാഫിനും കാഷ് അവാർഡ് നല്കുമെന്ന് അറിയിച്ചു. കളിച്ചവർക്ക് 15 ലക്ഷം രൂപയും റിസർവ് കളിക്കാർക്ക് 7.5 ലക്ഷം രൂപയും നൽകുമെന്ന് ബിസിസിഐ അറിയിച്ചു. പരിശീലകർക്ക് 25 ലക്ഷം രൂപ വീതവും പരിശീലകരല്ലാത്തവർക്ക് അവരുടെ ശന്പളത്തിനും പ്രഫഷണൽ ഫീസിനും തുല്യമായ ബോണസും നല്കുമെന്ന് ബിസിസിഐ അറിയിച്ചു. നാലു മത്സര പരന്പരയിലെ ആദ്യത്തെയും മൂന്നാമത്തെയും (അഡ്ലെയ്ഡ്, മെൽബണ്) മത്സരങ്ങളിലാണ് ഇന്ത്യ ജയിച്ചത്. ഓസ്ട്രേലിയ പെർത്തിൽ നടന്ന രണ്ടാം ടെസ്റ്റിൽ ജയിച്ചു. നാലാം ടെസ്റ്റ് സമനിലയായി.
Read Moreഐപിഎൽ ഇന്ത്യയിൽത്തന്നെ
ന്യൂഡൽഹി: ലോക്സഭാ തെരഞ്ഞെടുപ്പിന്റെ പശ്ചാത്തലത്തിൽ 12-ാം പതിപ്പ് ഇന്ത്യൻ പ്രീമിയർ ലീഗ് ഇന്ത്യക്കു പുറത്തുനടത്തുമെന്ന അഭ്യൂഹങ്ങൾക്കും ആശങ്കകൾക്കും വിരാമം. ഈ വർഷത്തെ ഐപിഎൽ ഇന്ത്യയിൽതന്നെ നടത്തുമെന്ന് ഉറപ്പായി. ലീഗ് മത്സരങ്ങൾക്ക് മാർച്ച് 23ന് തുടക്കമാകും. ബിസിസിഐയുടെ ഭരണകാര്യങ്ങൾക്കായി സുപ്രീംകോടതി നിയോഗിച്ച കമ്മിറ്റി ഓഫ് അഡ്മിനിസ്ട്രേറ്റേഴ്സ് ഇന്നലെ ചേർന്ന യോഗത്തിൽ മത്സരങ്ങളെല്ലാം ഇന്ത്യയിൽതന്നെ നടത്തുമെന്ന് ഉറപ്പു നൽകി. ലോക്സഭാ തെരഞ്ഞെടുപ്പിന്റെ സമയത്ത് ഐപിഎൽ മത്സരങ്ങൾക്കും വേദികൾക്കും കളിക്കാർക്കും വേണ്ടത്ര സുരക്ഷ ഒരുക്കാനുള്ള അപര്യാപ്ത മുന്നിൽകണ്ടാണ് മത്സരങ്ങൾ ഇന്ത്യക്കു പുറത്തുനടത്തുന്നകാര്യം ആലോചനയിൽ വന്നത്. നേരത്തെ തീരുമാനിച്ചതുപോലെ മാർച്ച് 23ന് തന്നെ മത്സരം ആരംഭിക്കുമെന്നും വിശദമായ ഷെഡ്യൂൾ വേണ്ടപ്പെട്ട അധികൃതരുമായി കൂടിയാലോചിച്ച് തീരുമാനിക്കുമെന്നും ബിബിസിസി പത്രക്കുറിപ്പിലൂടെ അറിയിച്ചു. ഐപിഎലിന്റെ പൂർണമായ ഷെഡ്യൂൾ പുറപ്പെടുവിക്കും മുന്പ് കമ്മിറ്റി ഓഫ് അഡ്മിനിസ്ട്രേറ്റേഴ്സ് ഐപിഎൽ ടീം ഉടമകളുമായി ചർച്ച നടത്തും. ഇത്തവണ ഐപിഎലും ഏകദിന ലോകകപ്പിന്റെ…
Read Moreമുഹമ്മദ് സല ആഫ്രിക്കൻ ഫുട്ബോളർ; നേട്ടം തുടർച്ചയായ രണ്ടാം തവണ
ഡാകർ: ഈജിപ്ഷ്യൻ താരം മുഹമ്മദ് സല തുടർച്ചയായ രണ്ടാം തവണയും ആഫ്രിക്കൻ ഫുട്ബോളർ പുരസ്കാരം സ്വന്തമാക്കി. സെനഗലിന്റെ ലിവർപൂൾ താരം സാദിയോ മാനെ, ആഴ്സണലിന്റെ ഗാബോണ് സ്ട്രൈക്കർ എംറിക് ഒൗബമയാംഗ് എന്നിവരെ പിന്തള്ളിയാണ് സലയുടെ പുരസ്കാരനേട്ടം. സെനഗലിലെ ഡാകറിൽ ഇന്ത്യൻ സമയം ചൊവ്വാഴ്ച പുലർച്ച പുരസ്കാര ജേതാവിനുള്ള പുരസ്കാരം സല ഏറ്റുവാങ്ങി. കുട്ടിയായിരുന്നപ്പോൾ മുതൽ സ്വപ്നം കണ്ടിരുന്ന പുരസ്കാരം രണ്ടുവട്ടം നേടാൻ കഴിയുന്നത് സന്തോഷിപ്പിക്കുന്നെന്ന് സല പറഞ്ഞു. 2017-18 സീസണിൽ ലിവർപൂളിനായി 44 ഗോളുകൾ സല അടിച്ചുകൂട്ടിയിരുന്നു. റഷ്യൻ ലോകകപ്പിലും സല ഈജിപ്തിനായി ലക്ഷ്യം കണ്ടു. ഇതോടെ, തുടർച്ചയായി രണ്ട് തവണ ആഫ്രിക്കൻ ഫുട്ബോളർ പുരസ്കാരം നേടുന്നതിൽ ഐവറികോസ്റ്റിന്റെ യായ ടുറെ, കാമറൂണിന്റെ സാമുവൽ എറ്റു, സെനഗലിന്റെ എൽഹാദി ദിയോഫ് എന്നിവർക്കൊപ്പം സല എത്തി.
Read Moreതായ്ലൻഡ് പരിശീലകനെ പുറത്താക്കി
എഎഫ്സി ഏഷ്യൻ കപ്പ് ഫുട്ബോളിലെ ഗ്രൂപ്പ് എയിൽ തങ്ങളുടെ ആദ്യ മത്സരത്തിൽ ഇന്ത്യയോട് 4-1 ന്റെ കനത്ത പരാജയമേറ്റുവാങ്ങിയ തായ്ലൻഡ്, പരിശീലകൻ മിലോവാൻ റജെവാക്കിനെ പുറത്താക്കി. പരിശീലകനെ പുറത്താക്കുകയാണെന്ന് തായ്ലൻഡ് ഫുട്ബോൾ അസോസിയേഷൻ ഒൗദ്യോഗിക പ്രഖ്യാപനം നടത്തി. ടീമിന്റെ താൽക്കാലിക പരിശീലകനായി സിറിസാക് യോദ്യാർദ്ധ് തൈയെ നിയമിച്ചു. 2010 ഫിഫ ലോകകപ്പിൽ ഘാനയെ ക്വാർട്ടർ ഫൈനലിലെത്തിച്ച പരിശീലകനാണ് റജെവാക്. ഖത്തർ, അൾജീരിയ ദേശീയ ടീമുകളെ പരിശീലിപ്പിച്ചിട്ടുണ്ട്. 2017 ലാണ് തായ്ലൻഡിന്റെ പരിശീലക സ്ഥാനം ഏറ്റെടുത്തത്.
Read More