ലിവർപൂൾ എഫ്സിയുടെ പരിശീലകനായ ജർഗൻ ക്ലോപിനു പിഴശിക്ഷ. ലിവർപൂൾ ഡെർബിയിൽ എവർട്ടണെതിരേ ജയം സ്വന്തമാക്കിയശേഷം ക്ലോപ് നടത്തിയ ആഹ്ലാദ പ്രകടനമാണ് ശിക്ഷയ്ക്കു കാരണം. സ്റ്റോപേജ് ടൈമിൽ ഡിവോക് ഒറിഗി നേടിയ ഗോളിൽ ലിവർപൂൾ 1-0നു ജയിക്കുകയായിരുന്നു. ഒറിഗിയുടെ ഗോൾ പിറന്നപ്പോൾ മൈതാനത്തേക്ക് ഓടിക്കയറിയ ക്ലോപ് സെന്റർ സർക്കിളിനടുത്തെത്തി ഗോൾ കീപ്പർ ആലിസണിനൊപ്പം ആഹ്ലാദം പങ്കിട്ടിരുന്നു. എഫ്എ (ഫുട്ബോൾ അസോസിയേഷൻ) ആണ് ക്ലോപ്പിനു ശിക്ഷ വിധിച്ചത്. 7.21 ലക്ഷം രൂപയാണ് (8,000 പൗണ്ട്) പിഴയൊടുക്കേണ്ടത്. അങ്ങനെയൊരു പ്രവൃത്തി ചെയ്യാൻ ഉദ്ദേശിച്ചിരുന്നില്ല. സമാനമായ സംഭവം ആവർത്തിക്കില്ലെന്ന് ഉറപ്പു നല്കുന്നു. തെറ്റുകൾ പറ്റുക സ്വാഭാവികമാണ്. അതിൽനിന്ന് പാഠമുൾകൊള്ളുകയാണ് എന്റെ പതിവ് – ക്ലോപ് പറഞ്ഞു.
Read MoreCategory: Sports
വരുമാനത്തിൽ കോഹ്ലി ഒന്നാമൻ
മുംബൈ: ഇന്ത്യൻ കായിക താരങ്ങളിൽ വരുമാനത്തിൽ മുന്പൻ ക്രിക്കറ്റ് നായകൻ വിരാട് കോഹ്ലി. ഫോബ്സ് പ്രസിദ്ധപ്പെടുത്തിയ പട്ടികയിലാണ് കോഹ്ലി ഒന്നാമതെത്തിയത്. അതേസമയം, ഏറ്റവും അധികം വരുമാനം നേടുന്നതിൽ ഇന്ത്യയിൽ ബോളിവുഡ് താരം സൽമാൻ ഖാനു പിന്നിൽ രണ്ടാമതാണ് കോഹ്ലി. 228.09 കോടി രൂപയാണ് കോഹ്ലിയുടെ വാർഷിക വരുമാനം. 101.77 കോടി വരുമാനമുള്ള എം.എസ്. ധോണിയാണ് കായിക താരങ്ങളുടെ പട്ടികയിൽ രണ്ടാമത്. ഇന്ത്യയിൽ അഞ്ചാം സ്ഥാനത്താണ് ധോണി. സച്ചിൻ തെണ്ടുൽക്കൽ (80 കോടി), പി.വി. സിന്ധു (36.5 കോടി), രോഹിത് ശർമ (31.49 കോടി), ഹാർദിക് പാണ്ഡ്യ (28.46 കോടി), ആർ. അശ്വിൻ (18.9 കോടി), ഭുവനേശ്വർ കുമാർ (17.26 കോടി), സുരേഷ് റെയ്ന (16.96 കോടി), സൈന നെഹ്വാൾ (16.54 കോടി) എന്നിവരാണ് കായിക താരങ്ങളുടെ വരുമാനത്തിൽ തുടർന്നുള്ള സ്ഥാനങ്ങളിൽ.
Read Moreഇന്ത്യ @ അഡ്ലെയ്ഡ്
വിജയത്തേക്കാളുപരി ഇന്ത്യൻതാരങ്ങളുടെ വ്യക്തിഗത നേട്ടങ്ങളാണ് അഡ്ലെയ്ഡിനെ ശ്രദ്ധേയമാക്കുന്നത്.ടെസ്റ്റ് ക്രിക്കറ്റിലെതന്നെ ഏറ്റവും പഴക്കമുള്ള മൈതാനങ്ങളിലൊന്നായ അഡ്ലെയ്ഡ് ഓവലിൽ 11 ടെസ്റ്റുകളാണ് ഇന്ത്യ കളിച്ചത്. ഒരേയൊരു വിജയം മാത്രമാണ് ഇന്ത്യയുടെ പേരിലുള്ളത്. ഓസീസ് ഏഴു ടെസ്റ്റുകൾ വിജയിച്ചപ്പോൾ മൂന്നെണ്ണം സമനിലയിൽ അവസാനിച്ചു. ഈ മൈതാനത്ത് ഇന്ത്യ മൂന്നു തവണ തോറ്റത് അന്പതിൽ താഴെ റണ്സിനാണെന്നതും ശ്രദ്ധേയമാണ്. 1948ലാണ് ഇന്ത്യ ആദ്യമായി ഇവിടെ കളിക്കുന്നത്. ആ ടെസ്റ്റിൽ ഇന്ത്യ ഇന്നിംഗ്സിനും 16 റണ്സിനും തോറ്റു. പിന്നീട് 1967, 1978, 1981, 1985, 1992, 1999, 2003, 2008, 2012, 2014 വർഷങ്ങളിലാണ് ഇന്ത്യ അഡ്ലെയ്ഡിൽ ടെസ്റ്റ് കളിച്ചത്. വിജയ് ഹസാരെ 116, 145 1948ൽ അഡ്ലെയ്ഡിൽ ഇന്ത്യയുടെ ആദ്യ ടെസ്റ്റിൽ ഇന്നിംഗ്സ് പരാജയം നേരിട്ടെങ്കിലും രണ്ട് ഇന്നിംഗ്സിലും സെഞ്ചുറിയുമായി വിജയ് സാമുവൽ ഹസാരെ തലയുയർത്തി നിന്നു. ഇതിഹാസ താരം ഡോണ് ബ്രാഡ്മാന്റേതടക്കം…
Read Moreഗൗതം ഗംഭീർ അന്താരാഷ്ട്ര ക്രിക്കറ്റിൽനിന്നു വിരമിച്ചു
ന്യൂഡൽഹി: മുൻ ഇന്ത്യൻ ഓപ്പണർ ഗൗതം ഗംഭീർ അന്താരാഷ്ട്ര ക്രിക്കറ്റിൽനിന്നു വിരമിച്ചു. ഒൗദ്യോഗിക ട്വിറ്റർ അക്കൗണ്ടിൽ പോസ്റ്റ് ചെയ്ത വീഡിയോയിലൂടെയാണ് ഗംഭീർ വിരമിക്കൽ പ്രഖ്യാപിച്ചത്. ക്രിക്കറ്റിന്റെ എല്ലാ വിഭാഗങ്ങളിൽനിന്നും വിരമിക്കുകയാണെന്നും അടുത്ത ദിവസം ഫിറോസ് ഷാ കോട്ലയിൽ നടക്കുന്ന ആന്ധ്രയ്ക്കെതിരായ രഞ്ജി മത്സരം തന്റെ അവസാന മത്സരമായിരിക്കുമെന്നും അദ്ദേഹം അറിയിച്ചു. ഇന്ത്യക്കായി 58 ടെസ്റ്റുകളും 147 ഏകദിനങ്ങളും 37 ട്വന്റി മത്സരങ്ങളും കളിച്ച താരമാണ് ഗംഭീർ. രണ്ടു ലോകകപ്പുകൾ നേടിയ ടീമിൽ ഗംഭീർ അംഗമായിരുന്നു- 2007-ൽ ട്വന്റി 20 ലോകകപ്പും 2011-ൽ ഏകദിന ലോകകപ്പും. 154 ഐപിഎൽ മത്സരങ്ങളിൽനിന്ന് 4217 റണ്സും അദ്ദേഹം നേടിയിട്ടുണ്ട്. അടുത്തിടെ ഡൽഹി ഡെയർ ഡെവിൾഡ് ടീമിൽനിന്ന് ഗംഭീറിനെ ഒഴിവാക്കിയിരുന്നു. കഴിഞ്ഞ കുറച്ചു വർഷങ്ങളായി ഗംഭീർ ഇന്ത്യൻ ടീമിനു പുറത്താണ്. അടുത്തിടെ ഡൽഹി രഞ്ജി ടീമിന്റെ നായകസ്ഥാനത്തുനിന്ന് അദ്ദേഹം ഒഴിവായിരുന്നു.
Read Moreവിജയദാരിദ്യ്രം അവസാനിക്കാതെ ബ്ലാസ്റ്റേഴ്സ്; ജംഷഡ്പൂരിനോടും സമനില
കൊച്ചി: ബ്ലാസ്റ്റേഴ്സിന്റെ വിജയദാരിദ്യ്രം അവസാനിക്കുന്നില്ല. സ്വന്തം ഗ്രൗണ്ടിൽ ജംഷഡ്പുർ എഫ്സിയെ നേരിട്ട ബ്ലാസ്റ്റേഴ്സ് സമനിലകൊണ്ട് തൃപ്തിപ്പെട്ടു. കാർലോസ് കാർലോയുടെ പെനൽറ്റി ഗോളിൽ 66-ാം മിനിറ്റിൽ മുന്നിലെത്തിയ ജംഷഡ്പുരിനെ 77-ാം മിനിറ്റിൽ ലെൻ ദുംഗലിന്റെ ഗോളിൽ ബ്ലാസ്റ്റേഴ്സ് ഒപ്പം പിടിക്കുകയായിരുന്നു. ബോക്സിനു മുന്നിൽ ടിം കാഹിലിനെ ബ്ലാസ്റ്റേഴ്സ് ഗോളി ധീരജ് സിംഗ് ഫൗൾ ചെയ്തതിനാണ് റഫറി ജംഷഡ്പൂരിന് അനകൂലമായി പെനാൽറ്റി വിധിച്ചത്. എന്നാൽ ഇത് ഫൗളായിരുന്നില്ലെന്ന് റിപ്ലേകളിൽ വ്യക്തമായി. 11 മിനിറ്റിനുശേഷം ടീമിന് അനുകൂലമായി ലഭിച്ച കോർണർ കിക്കിൽ ബ്ലാസ്റ്റേഴ്സ് തിരിച്ചടിച്ചു. ജംഷഡ്പുർ ബോക്സിൽ ഉടലെടുത്ത കൂട്ടപ്പൊരിച്ചിലിനൊടുവിൽ ദുംഗൽ ലക്ഷ്യം കാണുകയായിരുന്നു. പത്തു മത്സരങ്ങളിൽനിന്ന് ഒന്പതു പോയിന്റാണ് ബ്ലാസ്റ്റേഴ്സിനുള്ളത്. ഏഴാം സ്ഥാനത്താണ് ടീം. 11 കളികളിൽനിന്ന് 16 പോയന്റുള്ള ജംഷഡ്പുർ ആറാം സ്ഥാനത്തേക്കു താണു. ആദ്യ മത്സരത്തിൽ എടികെയ്ക്കെതിരേ ജയിച്ച ശേഷം ഒരു കളിപോലും ജയിക്കാൻ ബ്ലാസ്റ്റേഴ്സിനായിട്ടില്ല.
Read Moreആഭ്യന്തര ക്രിക്കറ്റ് ഒഴിവാക്കുന്നു; ധോണിക്കും ധവാനുമെതിരേ ഗാവസ്കർ
മുംബൈ: എം.എസ്. ധോണിയും ശിഖർ ധവാനും ആഭ്യന്തര ക്രിക്കറ്റ് കളിക്കാത്തത് എന്തെന്ന ചോദ്യവുമായി ഇന്ത്യൻ മുൻ താരം സുനിൽ ഗാവസ്കർ. ഇവരെ ആഭ്യന്തര ക്രിക്കറ്റിൽനിന്ന് മാറിനിൽക്കാൻ അനുവദിക്കുന്ന ബിസിസിഐക്കെതിരേയും ഗാവസ്കർ വിമർശനമുന്നയിച്ചു. ഇന്ത്യൻ ടീമിന്റെ പ്രകടനം മികച്ചതാകണമെങ്കിൽ കളിക്കാർ ഫോം നിലനിർത്തേണ്ടതുണ്ട്. അതിനായി അവർ മത്സരങ്ങൾക്ക് ഇറങ്ങേണ്ടതുണ്ട്. ലോകകപ്പ് ലക്ഷ്യംവച്ച് നീങ്ങേണ്ട സമയമാണിത് – ഗാവസ്കർ പറഞ്ഞു. ഓസ്ട്രേലിയയ്ക്കെതിരായ ടെസ്റ്റ് ടീമിൽനിന്ന് ഒഴിവാക്കപ്പെട്ട ധവാൻ മെൽബണിൽ കുടുംബത്തിനൊപ്പം അവധി ആഘോഷിക്കുകയാണ്. വെസ്റ്റ് ഇൻഡീസിനെതിരായ ഏകദിന പരന്പര നവംബർ ഒന്നിന് അവസാനിച്ചശേഷം ധോണി ഇതുവരെ മത്സരങ്ങൾക്ക് ഇറങ്ങിയിട്ടില്ല.
Read Moreഇംഗ്ലീഷ് പ്രീമിയർ ലീഗ്; മാഞ്ചസ്റ്റർ സിറ്റിക്ക് പതിമൂന്നാം ജയം
മാഞ്ചസ്റ്റർ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റി അപരാജിതരായി മുന്നേറുന്നു. വിക്കറേജ് റോഡ് സ്റ്റേഡിയത്തിൽ നടന്ന മത്സരത്തിൽ വാറ്റ്ഫഡിനെതിരെ 2-1ന് സിറ്റി ജയം നേടി. 70 ശതമാനം പന്തടക്കവുമായി കളംനിറഞ്ഞ സിറ്റിക്കായി ലെറോയി സനെ(40-ാം മിനിറ്റ്) ആണ് ആദ്യം വലകുലുക്കിയത്. 51-ാം മിനിറ്റിൽ റിയാദ് മഹ്റെസ് ലീഡുയർത്തി. 85-ാം മിനിറ്റിൽ ഡൗകോറിന്റെ വകയായിരുന്നു വാറ്റ്ഫഡിന്റെ ഏക ഗോൾ. ജയത്തോടെ 15 മത്സരങ്ങളിൽ നിന്ന് 41 പോയിന്റുമായി സിറ്റി ലീഗിന്റെ തലപ്പത്ത് തുടരുന്നു.
Read Moreഅദ ഹെഗർബർഗ് പ്രഥമ വനിതാ ബാലൻ ഡി ഓർ ജേതാവ്
പാരീസ്: പ്രഥമ വനിതാ ബാലൻ ഡി ഓർ പുരസ്കാരത്തിന് ഒളിന്പിക് ലിയോണിന്റെ നോർവീജിയൻ താരം അദ ഹെഗർബർഗ് അർഹയായി. ഡെൻമാർക്കിന്റെ പെർനൈൽ ഹാർഡർ, ജർമനിയുടെ ലിയോണ് താരം സെനിഫർ മരോസൻ, ബ്രസീൽ താരം മാർത, ഓസ്ട്രേലിയയുടെ സാം കെർ എന്നിവരെയാണ് അദ പിന്തള്ളിയത്. നാമനിർദേശം ചെയ്യപ്പെട്ട 15 പേരിൽനിന്നാണ് അദയെ തെരഞ്ഞെടുത്തത്. നിർദേശിക്കപ്പെട്ടവരിൽ ഏഴു പേരും ലിയോണ് താരങ്ങളായിരുന്നു. ഈ വർഷം ചാന്പ്യൻസ് ലീഗ് നേടിയ ലിയോണിനായി 15 ഗോളുകളാണ് അദ അടിച്ചുകൂട്ടിയത്. 1956-ൽ ബാലൻ ഡി ഓർ പുരസ്കാര ആരംഭിച്ചശേഷം പുരുഷ താരങ്ങൾക്കാണ് ഫ്രാൻസ് ഫുട്ബോൾ എല്ലാ വർഷവും അവാർഡ് നൽകിയിരുന്നത്. എന്നാൽ ഈ വർഷം മുതൽ ആ പതിവ് തെറ്റിച്ച് വനിതാ താരങ്ങൾക്കും പുരസ്കാരം നൽകാൻ അവാർഡ് സമിതി തീരുമാനിക്കുകയായിരുന്നു.
Read Moreമെസി, റൊണാൾഡോ യുഗം അവസാനിച്ചു; മോഡ്രിച്ചിന് ബാലൻ ഡി ഓർ
പാരീസ്: ബാലൻ ഡി ഓർ പുരസ്കാരത്തിന് പുതിയ അവകാശി. ക്രിസ്റ്റ്യാനോ റൊണാൾഡോയെയും ആൻത്വാൻ ഗ്രീസ്മാനെയും പിന്തള്ളി ലൂക്ക മോഡ്രിച്ച് ബാലൻ ഡി ഓർ പുരസ്കാരത്തിൽ മുത്തമിട്ടു. ഒരു പതിറ്റാണ്ടായി നിലനിന്ന ലയണൽ മെസി- ക്രിസ്റ്റ്യാനോ റൊണാൾഡോ തേരോട്ടത്തിന് ഇതോടെ അന്ത്യമായി. 2007-ൽ ബ്രസീലിയൻ താരം കക്ക ബാലൻ ഡി ഓർ നേടിയതിനുശേഷം മെസിയും റൊണാൾഡോയും മാത്രമേ ഈ പുരസ്കാരം നേടിയിട്ടുള്ളൂ. റഷ്യൻ ലോകകപ്പിൽ ക്രൊയേഷ്യയെ ഫൈനൽ വരെ എത്തിക്കുകയും ടൂർണമെന്റിന്റെ താരമായി തെരഞ്ഞെടുക്കപ്പെടുകയും ചെയ്തതാണ് ലൂക്ക മോഡ്രിച്ചിന് കാര്യങ്ങൾ അനുകൂലമാക്കിയത്. ഫിഫ ബെസ്റ്റ് പ്ലെയറും യുറോപ്യൻ ഫുട്ബോളർ ഓഫ് ദ ഇയർ പുരസ്കാരവും ഇതിനോടകം മോഡ്രിച്ച് കരസ്ഥമാക്കിയിരുന്നു. ഈ പുരസ്കാരം നേടുന്ന പഴയ യുഗോസ്ലാവിയൻ മേഖലയിൽനിന്നുള്ള ആദ്യ താരം കൂടിയാണ് മോഡ്രിച്ച്. 1991ൽ യുഗോസ്ലാവ്യയുടെ സാവിസെവിക്ക്, പാകേവ് എന്നിവർ ലോതർ മത്തേവൂസിനൊപ്പം രണ്ടാം സ്ഥാനം പങ്കിട്ടിരുന്നു. മോഡ്രിച്ചിന്…
Read Moreമിതാലിയെ പുറത്തിരുത്തിയത് കൂട്ടായ തീരുമാനം; ബിസിസിഐക്ക് ഹർമന്റെ കത്ത്
ന്യൂഡൽഹി: ഇന്ത്യൻ വനിതാ ക്രിക്കറ്റ് ടീം പരിശീലകനായ രമേഷ് പവാറിനെ നിലനിർത്തണമെന്ന് ആവശ്യപ്പെട്ട് ട്വന്റി 20 വനിതാ ക്രിക്കറ്റ് ടീം നായിക ഹർമൻപ്രീത് കൗറും ഉപനായിക സ്മൃതി മന്ഥാനയും ബിസിസിഐക്ക് കത്തെഴുതി. ട്വന്റി 20 ലോകകപ്പ് സെമി ഫൈനലിൽ മുതിർന്ന താരം മിതാലി രാജിനെ പുറത്തിരുത്തിയത് കൂട്ടായ തീരുമാനമായിരുന്നെന്ന് കത്തിൽ ഇരുവരും വ്യക്തമാക്കി. 15 മാസത്തിനുള്ളിൽ ട്വന്റി 20 ലോകകപ്പ്, ന്യൂസിലൻഡ് പര്യടനം എന്നിവ വരുന്നതിനാൽ പവാറിനെ നിലനിർത്തണമെന്നാണ് ഹർമനും സ്മൃതിയും കത്തിൽ ആവശ്യപ്പെടുന്നത്. പവാറിന്റെ കീഴിൽ വനിതാ ടീമിൽ വൻ മാറ്റങ്ങളാണ് സംഭവിച്ചതെന്നും ഇന്ത്യൻ വനിതാ ക്രിക്കറ്റ് ടീമിന്റെ മുഖംമാറ്റിയത് പവാറാണെന്നും ഇരുവരും കത്തിൽ പറയുന്നു. മുതിർന്ന താരം മിതാലി രാജുമായി വനിതാ ട്വന്റി-20 ലോകകപ്പിനിടെ ഉണ്ടായ അസ്വാരസ്യവും തുടർന്ന് ഇരുവരും നടത്തിയ പ്രത്യക്ഷ പ്രതികരണങ്ങളും പവാറിന്റെ പുറത്താകലിനു വഴിവച്ചിരുന്നു. വനിതാ ക്രിക്കറ്റ് ടീം പരിശീലകനായ…
Read More