ഒപ്പം കളിച്ചിട്ടുള്ളതിൽവച്ച് ഏറ്റവും സ്വാർഥനായ കളിക്കാരനാണ് സ്റ്റീവ് വോയെന്ന് ഓസ്ട്രേലിയൻ മുൻ താരമായ ഷെയ്ൻ വോണ്. ഓസീസ് മുൻ ക്യാപ്റ്റനായ വോ എപ്പോഴും ആശങ്കപ്പെട്ടിരുന്നത് ശരാശരി 50 റണ്സ് എങ്കിലും എടുക്കുന്നതിൽ മാത്രമായിരുന്നു എന്നും വോണ് തന്റെ ആത്മകഥാ പുസ്തകം ദ ടൈംസിൽ വ്യക്തമാക്കുന്നു. 1999ൽ വെസ്റ്റ് ഇൻഡീസ് പര്യടനം നടത്തവേ വോ തന്നെ പ്ലേയിംഗ് ഇലവനിൽനിന്ന് ഒഴിവാക്കിയപ്പോൾ തളർന്നുപോയെന്നും വോണ് പുസ്തകത്തിൽ സൂചിപ്പിക്കുന്നു. ഉപനായകൻകൂടിയായിരുന്ന തന്നെ നാലാം ടെസ്റ്റിൽ കളിപ്പിക്കാതിരിക്കാനുള്ള തീരുമാനം വോ ടീം സെലക്ഷൻ മീറ്റിൽ പറഞ്ഞപ്പോൾ പിന്നീടൊരിക്കലും തിരിച്ചുവരാൻ സാധിക്കുമെന്ന് കരുതിയില്ല- വോണ് എഴുതുന്നു. വിംബിൾഡണ് ടെന്നീസ് വേദിയിൽ ഓസ്ട്രേലിയൻ ടെസ്റ്റ് ക്രിക്കറ്റ് ടീമിന്റെ പച്ചത്തൊപ്പി അണിഞ്ഞ് പോകാതിരുന്നത് അനുചിതമായി തോന്നിയതിനാലാണ്- വോണ് വ്യക്തമാക്കി. സ്റ്റീവ് വോ, ലാംഗർ, ആദം ഗിൽക്രിസ്റ്റ്, മാത്യു ഹെയ്ഡൻ തുടങ്ങിയവരെല്ലാം പച്ചത്തൊപ്പി അണിഞ്ഞായിരുന്നു വിംബിൾഡണ് വേദിയിലെത്തിയത്.
Read MoreCategory: Sports
ദൗർഭാഗ്യം!
ക്വലാലംപുർ: ഒരു നിമിഷം ഇന്ത്യയെ നിർഭാഗ്യം പിടികൂടി. ആ ഒരു നിമിഷം മതിയായിരുന്നു ദക്ഷിണ കൊറിയയക്ക് ഇന്ത്യയുടെ വലയിൽ പന്ത് നിക്ഷേപിക്കാൻ. എങ്കിലും പൊരുതി കീഴടങ്ങിയ ഇന്ത്യൻ കൗമാര താരങ്ങളെ രാജ്യം ധീരന്മാരെന്ന് വിളിച്ച് പ്രശംസിച്ചു. നിങ്ങളിൽ ഇന്ത്യയുടെ ഭാവി കാണുന്നതായി സുനിൽ ഛേത്രി ഉൾപ്പെടെയുള്ളവർ പറഞ്ഞു. ദൗർഭാഗ്യം കൂട്ടുകൂടിയപ്പോൾ ഇന്ത്യ ഏഷ്യ കപ്പ് അണ്ടർ 16 ഫുട്ബോൾ ക്വാർട്ടറിൽ 1-0ന് കൊറിയയ്ക്ക് മുന്നിൽ തോൽവി സമ്മതിച്ചു. അതോടെ അടുത്ത വർഷം ചിലിയിൽ നടക്കുന്ന അണ്ടർ 17 ലോകകപ്പിൽ നേരിട്ട് യോഗ്യത നേടാമെന്ന ഇന്ത്യയുടെ സ്വപ്നം വിഫലമായി. 16 വർഷത്തെ കാത്തിരിപ്പിനുശേഷമായിരുന്നു ഇന്ത്യ ക്വാർട്ടർ കളിച്ചത്. അന്നും ദക്ഷിണ കൊറിയ ആയിരുന്നു ഇന്ത്യയുടെ വഴി മുടക്കിയത്. ഇന്ത്യയുടെ ഗോൾ കീപ്പർ നീരജ് കുമാറിന്റെ ഉജ്വല സേവുകളാണ് ആദ്യ പകുതിയിൽ കണ്ടത്. നീരജിനു മുന്നിൽ തളർന്ന കൊറിയ ഒരു…
Read Moreഡാർസി ഷോർട്ടിനു റിക്കാർഡ്
സിഡ്നി: ഏകദിന ക്രിക്കറ്റിൽ ഏറ്റവും ഉയർന്ന മൂന്നാമത്തെ സ്കോർ എന്ന നേട്ടം ഓസ്ട്രേലിയൻ താരം ഡാർസി ഷോർട്ടിന്. ജെഎൽടി കപ്പ് മത്സരത്തിൽ ക്വീൻസ് ലാൻഡിനെതിരേ തകർപ്പൻ ഇരട്ട സെഞ്ചുറി നേടി വെസ്റ്റേണ് ഓസ്ട്രേലിയൻ താരമായ ഡാർസി ഷോർട്ട് ഞെട്ടിച്ചു. 148 പന്തിൽ 257 റണ്സ് ഷോർട്ട് അടിച്ചെടുത്തു. അതിൽ 15 ഫോറും 23 സിക്സും ഉൾപ്പെടും. സിക്സും ഫോറും മാത്രമായി 198 റണ്സാണ് ഷോർട്ട് നേടിയത്. ഏകദിനത്തിൽ ഏറ്റവും അധികം സിക്സർ നേടിയ റിക്കാർഡ് ഇതോടെ ഓസീസ് താരം സ്വന്തമാക്കി. ലിസ്റ്റ് എ ക്രിക്കറ്റിലെ ഏറ്റവും ഉയർന്ന മൂന്നാമത്തെ സ്കോർ എന്ന നേട്ടവും ഷോർട്ട് സ്വന്തമാക്കി. 268 റണ്സ് നേടിയ ഇംഗ്ലണ്ട് താരം അലി ബ്രൗണിന്റെ പേരിലാണ് ലിസ്റ്റ് എ ക്രിക്കറ്റ് ചരിത്രത്തിലെ ഏറ്റവും ഉയർന്ന സ്കോർ. 264 റണ്സെടുത്ത ഇന്ത്യൻ താരം രോഹിത് ശർമയാണ് രണ്ടാം…
Read Moreസൈന ക്വാർട്ടറിൽ പുറത്ത്
സോൾ: കൊറിയ ഓപ്പണ് ബാഡ്മിന്റണ് വനിതാ സിംഗിൾസ് ക്വാർട്ടറിൽ ഇന്ത്യയുടെ സൈന നെഹ്വാൾ പുറത്ത്. ജപ്പാന്റെ നവോമി ഒകുഹാരയോടാണ് സൈന പരാജയപ്പെട്ട് പുറത്തായത്. മൂന്ന് ഗെയിം നീണ്ട പോരാട്ടത്തിൽ 15-21, 21-15, 22-20നായിരുന്നു ഇന്ത്യൻ താരത്തിന്റെ പരാജയം. ആദ്യ ഗെയിം സ്വന്തമാക്കിയ സൈനയ്ക്ക് രണ്ടാം ഗെയിം നഷ്ടപ്പെട്ടു. നിർണായകമായ മൂന്നാം ഗെയിമിൽ ആദ്യം മാച്ച് പോയിന്റിനു വക്കിലെത്തിയത് സൈനയായിരുന്നെങ്കിലും ജയം നേടാൻ സാധിച്ചില്ല.
Read Moreഇനി ഐഎസ്എൽ പൂരം
കോല്ക്കത്ത: ഇന്ത്യക്ക് ഇനി ഫുട്ബോള് ആഘോഷ രാവുകള്. ഇന്ത്യന് സൂപ്പര് ലീഗ് അഞ്ചാം പതിപ്പ് ഫുട്ബോള് സീസണ് ഇന്നു തുടക്കമാകും. കോല്ക്കത്ത വിവേകാനന്ദ യുവ ഭാരതി സ്റ്റേഡിയത്തിലാണ് ഉദ്ഘാടന മത്സരം. ഉദ്ഘാടന മത്സരത്തില് മുന് ചാമ്പ്യന്മാരായ എടികെയും രണ്ടു തവണ റണ്ണേഴ്സ് അപ്പായ കേരള ബ്ലാസ്റ്റേഴ്സും ഏറ്റുമുട്ടും. ഐഎസ്എല് ചരിത്രത്തിലെതന്നെ ദൈര്ഘ്യമേറിയ ലീഗാണ് ഇത്തവണത്തേത്. ആറു മാസം നീണ്ടുനില്ക്കുന്ന ലീഗില് മൂന്നു ഇടവേളകളുണ്ട്. ഇതില് രണ്ടെണ്ണം ഫിഫയുടെ അന്താരാഷ്ട്ര മത്സരങ്ങള്ക്കും (ഒക്ടോബറിലും നവംബറിലും) ഒരണ്ണം ഇന്ത്യയുടെ 2019 എഎഫ്സി ഏഷ്യന് കപ്പിന്റെ തയാറെടുപ്പിനുമായാണ്. കഴിഞ്ഞ സീസണില് ബ്ലാസ്റ്റേഴ്സിനും എടികെയ്ക്കും മികവിലെത്താനായില്ല. എടികെയായിരുന്നു ഏറ്റവും മോശമായത്. പത്തു ടീമുകളുള്ളതില് ഒമ്പതാമതായിട്ടാണ് ഫിനിഷ് ചെയ്തത്. മൂന്നു പരിശീലകരെയാണ് കഴിഞ്ഞ സീസണില് എടികെ നിയോഗിച്ചത്. ഇത്തവണ കേരള ബ്ലാസ്റ്റേഴ്സ്, ജംഷഡ്പുര് എഫ്സി ടീമുകളെ പരിശീലിപ്പിച്ച പരിചയസമ്പത്തുള്ള സ്റ്റീവ് കോപ്പലിനെയാണ് പരിശീലകനായി നിയോഗിച്ചിരിക്കുന്നത്.…
Read Moreഇന്ത്യക്ക് ഏഷ്യാകപ്പ് ക്രിക്കറ്റ് കിരീടം
ദുബായ്: ബംഗ്ലാദേശിനെ മൂന്ന് വിക്കറ്റിന് തോൽപിച്ച് ഇന്ത്യ ഏഷ്യാകപ്പ് ക്രിക്കറ്റ് കിരീടം സ്വന്തമാക്കി. അവസാന ഓവർ വരെ ആവേശം നിറഞ്ഞ മത്സരത്തിന്റെ അവസാന പന്തിലാണ് ഇന്ത്യ വിജയവും കപ്പും സ്വന്തമാക്കിയത്. ബംഗ്ലാദേശ് ഉയർത്തിയ 223 റൺസിന്റെ വിജയലക്ഷ്യം പിന്തുടർന്ന ഇന്ത്യ 50ാം ഓവറിന്റെ അവസാന പന്തിൽ ഏഴ് വിക്കറ്റ് നഷ്ടത്തിൽ ലക്ഷ്യം കാണുകയായിരുന്നു. നായകൻ രോഹിത് ശർമ (48)യുടെയും ദിനേഷ് കാർത്തിക്കിന്റെയും (37) മഹേന്ദ്ര സിംഗ് ധോണിയുടെയും (36) പ്രകടനങ്ങളാണ് ഇന്തയ്ക്ക് വിജയം സമ്മാനിച്ചത്. നേരത്തെ, ഓപ്പണർ ലിറ്റൺ ദാസിന്റെ (121) സെഞ്ചുറിയുടെ കരുത്തിലാണ് ബംഗ്ലാദേശ് 222 എന്ന ഭേദപ്പെട്ട സ്കോർ സ്വന്തമാക്കിയത്.
Read More‘ശ്രീ’ശങ്കർ!
ഭുവനേശ്വർ: കേരളത്തിന്റെ ശ്രീയായി പാലക്കാട് കഞ്ചിക്കോടുകാരനായ എം. ശ്രീശങ്കർ എന്ന കൗമാരതാരം. 58-ാമത് ദേശീയ ഓപ്പണ് അത്ലറ്റിക്സിൽ പുരുഷന്മാരുടെ ലോംഗ് ജംപിൽ ദേശീയ റിക്കാർഡോടെ സ്വർണം നേടി ശങ്കു എന്ന ഓമനപ്പേരുകാരനായ ഈ പത്തൊന്പതുകാരൻ. ആഴ്ചകൾക്ക് മുന്പ് ഇന്തോനേഷ്യയിൽ നടന്ന ഏഷ്യൻ ഗെയിംസിൽ ഇന്ത്യക്കായി ലോംഗ് ജപിൽ 7.95 മീറ്റർ താണ്ടി ആറാം സ്ഥാനത്ത് ഫിനിഷ് ചെയ്തപ്പോൾ ഈ കൗമാരതാരം ഒരു വാക്ക് പറഞ്ഞിരുന്നു: ഞാൻ തിരിച്ചുവരും. അതെ ശ്രീ തിരിച്ചെത്തി അതും ഒരു സ്ഫോടനാത്മക പ്രകടനത്തോടെ. 8.20 മീറ്റർ താണ്ടിയാണ് എസ്. ശ്രീശങ്കർ ലോംഗ്ജംപിൽ സ്വർണം നേടിയത്. മീറ്റിൽ കേരളത്തിന്റെ ആദ്യ സ്വർണമാണിത്. ഇന്ത്യയുടെ മുൻ ട്രിപ്പിൾജംപ് താരം എസ്. മുരളിയുടെയും 800 മീറ്റർ ഓട്ടക്കാരിയായിരുന്ന കെ.എസ്. ബിജിമോളുടെയും മകനാണ് ശങ്കു എന്ന ഓമനപ്പേരുകാരനായ ശ്രീശങ്കർ. യൂത്ത് അണ്ടർ 18ൽ ലോക അഞ്ചാം റാങ്കുകാരനായിരുന്നു ശ്രീ.…
Read Moreകൊറിയ ഓപ്പൺ: സൈന ക്വാര്ട്ടറില്
സിയൂള്: കൊറിയ ഓപ്പണ് ബാഡ്മിന്റണില് ഇന്ത്യയുടെ സൈന നെഹ്വാള് ക്വാര്ട്ടറില്. പ്രീക്വാര്ട്ടറില് കൊറിയയുടെ കിം ജാ യുനെ തോല്പ്പിച്ചാണ് മുന് ലോക ഒന്നാം നമ്പര് സൈന ക്വാര്ട്ടറിലെത്തിയത്. 37 മിനിറ്റ് നീണ്ട പോരാട്ടത്തില് 21-18, 21-18നായിരുന്നു ഇന്ത്യന് താരത്തിന്റെ ജയം. ക്വാര്ട്ടറില് ജപ്പാന്റെ നൊസോമി ഒകുഹാരയെയാണ് സൈന നേരിടുന്നത്.
Read Moreറൊണാൾഡോയ്ക്ക് ഒരു മത്സരത്തിൽ വിലക്ക്
മിലാൻ: ചാന്പ്യൻസ് ലീഗ് ഫുട്ബോളിൽ വലൻസിയയ്ക്കെതിരായ മത്സരത്തിൽ ചുവപ്പ് കാർഡ് കണ്ട യുവന്റസിന്റെ പോർച്ചുഗീസ് താരം ക്രിസ്റ്റ്യാനോ റൊണാൾഡോയ്ക്ക് ഒരു മത്സരത്തിൽ വിലക്ക്. യുവേഫയാണ് റൊണാൾഡോയുടെ വിലക്ക് ഒരു മത്സരത്തിൽ മാത്രമായി ചുരുക്കിയത്. റൊണാൾഡോയുടെ ചാന്പ്യൻസ് ലീഗ് കരിയറിലെ ആദ്യ ചുവപ്പ് കാർഡ് ആയിരുന്നു അത്. വലൻസിയയ്ക്കെതിരായ എവേ മത്സരത്തിൽ റൊണാൾഡോയ്ക്ക് ഇറങ്ങാൻ സാധിക്കില്ല. ആദ്യ പാദത്തിൽ യുവന്റസ് 2-0ന് ജയിച്ചിരുന്നു. റൊണാൾഡോയുടെ മുൻ ക്ലബ്ബായ മാഞ്ചസ്റ്റർ യുണൈറ്റഡിനെതിരേ താരത്തിന് ഇറങ്ങാൻ സാധിക്കുമെന്ന് ഇതോടെ വ്യക്തമായി. ഒക്ടോബർ 24ന് ഓൾഡ് ട്രാഫോഡിലാണ് യുണൈറ്റഡും യുവന്റസും തമ്മിലുള്ള ആദ്യ പാദ പോരാട്ടം.
Read Moreപോഗ്ബയെ നായകനാക്കില്ലെന്ന് മൗറിഞ്ഞോ
ലീഗ് കപ്പില് ഡര്ബി കൗണ്ടിക്കെതിരായ തോല്വിക്കു പിന്നാലെ യുണൈറ്റഡില് ആഭ്യന്തര കലഹം മുറുകുന്നതിന്റെ സൂചനകള് നല്കി പരിശീലകന് ഹൊസെ മൗറിഞ്ഞോ. ഫ്രഞ്ച് സൂപ്പര് താരം പോള് പോഗ്ബ ഇനി ടീമിന്റെ വൈസ് ക്യാപ്റ്റന് സ്ഥാനത്തുണ്ടാകില്ലെന്ന് മൗറിഞ്ഞോ മത്സരശേഷം വ്യക്തമാക്കി. എന്നാല് അതിന്റെ കാരണം വെളിപ്പെടുത്താന് പോര്ച്ചുഗീസ് പരിശീലകന് തയാറായില്ല. ഈ സീസണ് തുടങ്ങിയതിനു ശേഷം മൂന്നു മത്സരങ്ങളില് പോഗ്ബ മാഞ്ചസ്റ്റര് യുണൈറ്റഡിനെ നയിച്ചിരുന്നു. വോള്വ്സിനെതിരായ പ്രീമിയര് ലീഗ് മത്സരത്തില് സമനില വഴങ്ങിയതിനു ശേഷം മൗറിഞ്ഞോയുടെ തന്ത്രങ്ങളെ പോഗ്ബ വിമര്ശിച്ചതിനെ തുടര്ന്നാണ് താരത്തെ ടീമിന്റെ വൈസ് ക്യാപ്റ്റന് സ്ഥാനത്തു നിന്നും ഒഴിവാക്കിയതെന്നാണ് സൂചനകള്. പോഗ്ബയുമായി പ്രശ്നങ്ങളില്ലെന്നു വ്യക്തമാക്കിയ മൗറിഞ്ഞോ താരത്തെ ഉപനായകനാക്കിയത് താനാണെന്നും ഇപ്പോള് താന് തന്നെയാണ് താരത്തെ ആ സ്ഥാനത്തു നിന്നും മാറ്റുന്നതെന്നും പറഞ്ഞു. അതിന്റെ കാരണങ്ങള് നിങ്ങളോടു വിശദീകരിക്കേണ്ട കാര്യമില്ലെന്നും മൗറിഞ്ഞോ മാധ്യമങ്ങളോടു പറഞ്ഞു.
Read More