ജക്കാർത്ത: ഏഷ്യൻ ഗെയിംസ് വനിതാ വിഭാഗം 200 മീറ്ററിൽ ഇന്ത്യൻ താരങ്ങളായ ദ്യുതി ചന്ദ്, ഹിമ ദാസ് എന്നിവർ സെമിയിലേക്ക് യോഗ്യത നേടി. ഹീറ്റ്സിൽ ഒന്നാമതായി ഫിനിഷ് ചെയ്താണ് ദ്യുതി സെമിയിൽ ഇടം പിടിച്ചത്. 23.37 സെക്കൻഡിലാണ് ദ്യുതി ഓട്ടം പൂർത്തിയാക്കിയത്. അതേസമയം, ഹീറ്റ്സിൽ നാലാം സ്ഥാനത്തെത്തിയാണ് ഹിമയുടെ സെമി പ്രവേശനം. 23.47 സെക്കൻഡിലാണ് ഹിമ ഫിനിഷ് ചെയ്തത്.
Read MoreCategory: Sports
കബഡിയിൽ ഇരുട്ടടി!
ജക്കാർത്ത: ഏഷ്യൻ ഗെയിംസ് ചരിത്രത്തിൽ ആദ്യമായി ഇന്ത്യൻ പുരുഷന്മാർ കബഡി സെമിയിൽ പുറത്ത്. ഏഴ് തവണ സ്വർണം നേടിയ പുരുഷന്മാർ സെമിയിൽ ഇറാനു മുന്നിലാണ് കീഴടങ്ങിയത്. സ്കോർ: 18-27. കബഡി മത്സര ഇനമായി ചേർക്കപ്പെട്ട 1990 ബെയ്ജിംഗ് ഏഷ്യൻ ഗെയിംസിൽ മുതൽ ഇന്ത്യക്കായിരുന്നു സ്വർണം. എന്നാൽ, ചരിത്രത്തിലാദ്യമായി ഇന്ത്യ ഇത്തവണ വെങ്കലത്തിൽ ഒതുങ്ങി. സെമിയിൽ കൊറിയയോട് പരാജയപ്പെട്ട പാക്കിസ്ഥാനും വെങ്കലംകൊണ്ട് തൃപ്തിപ്പെട്ടു. ഇന്ത്യയെ കാഴ്ചക്കാരാക്കിയാണ് ഇറാൻ താരങ്ങൾ കളത്തിൽ തകർത്തുവാരിയത്. 2014ൽ ഇഞ്ചിയോണ് ഗെയിംസിന്റെ ഫൈനലിൽ ഇറാനെ ശക്തമായ പോരാട്ടത്തിലൂടെ കീഴടക്കിയായിരുന്നു ഇന്ത്യ സ്വർണം നേടിയത്. കബഡിയിലെ ഏഷ്യൻ ശക്തികളിലൊന്നായ ഇറാൻ കഴിഞ്ഞ രണ്ട് ഗെയിംസിലും വെള്ളിയിലൊതുങ്ങിയിരുന്നു. ഇത്തവണ സ്വർണ പോരാട്ടത്തിൽ ഇറാൻ കൊറിയയെ നേരിടും. പ്രോ കബഡി ലീഗ് താരങ്ങളുടെ കൊന്പുകോർക്കലായിരുന്നു ഇന്ത്യ – ഇറാൻ പോരാട്ടം. ഫസെൽ അട്രാചായ്, അബോസർ മിഗ്ഹാനി എന്നീ പ്രോ…
Read More29 മിനിറ്റിൽ ഒന്പത് ഗോൾ!
ജക്കാർത്ത: അർജന്റീനയുടെ ലയണൽ മെസിയും പോർച്ചുഗലിന്റെ ക്രിസ്റ്റ്യാനോ റൊണാൾഡോയും അഞ്ചുതവണ ലോക ഫുട്ബോളർ പദവി നേടിയിരിക്കാം. എന്നാൽ, അവർക്ക് ഇതുവരെ സാധിക്കാത്ത ഒന്ന് ചൈനയുടെ ഷാൻഷൻ വാങ് എന്ന വനിതാ താരം മൈതാനത്ത് നടപ്പാക്കി. 29 മിനിറ്റിനുള്ളിൽ എതിരാളികളുടെ വലയിൽ വാങ് നിക്ഷേപിച്ചത് ഒന്പത് ഗോളുകൾ. അതും പകരക്കാരിയായി മൈതാനത്ത് എത്തിയായിരുന്നു വാങിന്റെ ഈ ഗോളടി മേളം. ഏഷ്യൻ ഗെയിംസ് ഫുട്ബോളിന്റെ ഗ്രൂപ്പ് ബി മത്സരത്തിൽ തജിക്കിസ്ഥാനെതിരായ മത്സരത്തിലാണ് വാങിന്റെ ഗോളടിമേളം അരങ്ങേറിയത്. മത്സരത്തിൽ ചൈന 16-0ന് ജയിച്ചു. 64, 73, 81, 83, 87, 88, 90+1, 90+2, 90+3 മിനിറ്റുകളിലായിരുന്നു വാങ് എതിർവല കുലുക്കിയത്. ഗ്രൂപ്പ് ബിയിൽ മൂന്ന് വിജയവുമായി ചൈന നോക്കൗട്ട് ഉറപ്പിച്ചു.
Read Moreബോൾട്ടിന്റെ റിക്കാർഡ് മറികടന്ന് ബേക്കർ
പുരുഷ 100 മീറ്റർ ഓട്ടത്തിൽ സീസണിലെ മികച്ച സമയം കുറിച്ച് അമേരിക്കയുടെ സ്പ്രിന്റർ റോണി ബേക്കർ. പോളണ്ടിലെ ചോർസോ മീറ്റിലാണ് സീസണിലെ വേഗക്കാരനായി ബേക്കർ സ്വർണം അണിഞ്ഞത്. ഇരുപത്തിനാലുകാരനായ അമേരിക്കൻ താരം 9.87 സെക്കൻഡിൽ നൂറു മീറ്റർ പൂർത്തിയാക്കി. 2014ൽ ജമൈക്കയുടെ ഉസൈൻ ബോൾട്ട് സ്ഥാപിച്ച മീറ്റ് റിക്കാർഡും ഇതോടെ പഴങ്കഥയായി. 9.98 സെക്കൻഡിൽ ഫിനിഷിംഗ് ലൈൻ തൊട്ട ബോൾട്ടിന്റെ പേരിലായിരുന്നു ചോർസോ മീറ്റിലെ ഇതുവരെയുള്ള റിക്കാർഡ്. ബേക്കറിന്റെ വ്യക്തിഗത മികച്ച പ്രകടനവും ഇതാണ്. ഈ മാസം 31ന് ബ്രസൽസിൽ നടക്കുന്ന ഡയമണ്ട് ലീഗിൽ ബേക്കറിന്റെ പ്രകടനം കാണാനാണ് അത്ലറ്റിക് ലോകത്തിന്റെ ഇനിയുള്ള കാത്തിരിപ്പ്.
Read Moreഏഷ്യൻ ഗെയിംസ്: തുഴച്ചിലിൽ ഇന്ത്യക്ക് വെങ്കലം
ജക്കാർത്ത: ഏഷ്യൻ ഗെയിംസ് തുഴച്ചിലിൽ വ്യക്തിഗത വിഭാഗത്തിൽ ഇന്ത്യക്ക് വെങ്കലം. ദുഷ്യന്ത് ചൗഹാനാണ് വെങ്കലം നേടിയത്. ലൈറ്റ് വെയ്റ്റ് സ്കൾസ് വിഭാഗത്തിലാണ് ദുഷ്യന്തിന്റെ നേട്ടം.
Read Moreമുരളി വിജയിക്കു പകരക്കാരനായി പ്രിഥ്വി ഷാ
ലണ്ടൻ: ഇംഗ്ലണ്ടിനെതിരായ നിർണായകമായ നാലും അഞ്ചും ടെസ്റ്റുകൾക്കായി രണ്ടു മാറ്റങ്ങൾ വരുത്തി ടീം ഇന്ത്യ. ഓപ്പണർ മുരളി വിജയിയേയും സ്പിന്നർ കുൽദീപ് യാദവിനെയും 18 അംഗ ടീമിൽനിന്നും ഒഴിവാക്കി. ഇവർക്ക് പകരമായി കൗമാരതാരം പ്രിഥ്വി ഷായേയും ഓൾറൗണ്ടർ ഹനുമ വിഹാരിയെയും ഉൾപ്പെടുത്തി. മോശം പ്രകടനത്തെ തുടർന്നാണ് മുരളി വിജയിയെ മാറ്റിയത്. ഇന്ത്യ അണ്ടർ 19 ലോകകപ്പ് ടീമിന്റെ ക്യാപ്റ്റനായിരുന്നു പതിനെട്ടുകാരനായ ഷാ. അഞ്ച് മത്സരങ്ങളുടെ പരമ്പരയിൽ ഇന്ത്യ 1-2 ന് പിന്നിലാണ്.
Read Moreഫോർബ്സിന്റെ സമ്പന്ന താരങ്ങളുടെ പട്ടികയിൽ പി.വി സിന്ധുവും
ന്യൂയോർക്ക്: ഏറ്റവും കൂടുതൽ വരുമാനമുള്ള വനിതാ കായികതാരങ്ങളിൽ ഇന്ത്യയുടെ പി.വി സിന്ധുവും. ലോക ഒന്നാം നമ്പർ ടെന്നീസ് താരത്തെ കടത്തിവെട്ടിയാണ് ബാഡ്മിന്റൺ താരം സിന്ധു ഞെട്ടിച്ചത്. ടെന്നീസ് ലോക ഒന്നാം നമ്പർ സിമോണ ഹാലപ്പാണ് സിന്ധുവിന്റെ വരുമാനത്തിനു പിന്നിൽ രണ്ടാം സ്ഥാനക്കാരിയായത്. ഫോർബ്സ് മാഗസിനാണ് കായിക താരങ്ങളുടെ വരുമാനത്തിന്റെ കണക്ക് പുറത്തുവിട്ടത്. ഫോർബ്സിന്റെ പട്ടികയിൽ ഏറ്റവും കൂടുതൽ വരുമാനമുള്ള വനിതാ താരങ്ങളിൽ സിന്ധു ഏഴാം സ്ഥാനത്താണ്. ബാഡ്മിന്റൺ കോർട്ടിൽനിന്നു മാത്രമായി സിന്ധു മൂന്നരക്കോടി രൂപയാണ് (500,000 ഡോളർ) കഴിഞ്ഞ വർഷം സ്വന്തമാക്കിയത്. സ്പോൺസർഷിപ്പിൽനിന്നും എട്ട് ദശലക്ഷം ഡോളറും സ്വന്തമാക്കി. സിന്ധുവിന്റെ ആഴ്ചയിലെ ആകെ വരുമാനം ഏകദേശം ഒരു കോടി പന്ത്രണ്ട് ലക്ഷം (11247000) രൂപയാണ്. ഫോർബ്സിന്റെ കണക്കിൽ ടെന്നീസ് താരം സെറീന വില്യംസാണ് ഇത്തവണയും വനിതാ താരങ്ങളിൽ മുന്നിൽ. സെറീനയുടെ ഒരു വർഷത്തെ വരുമാനം 18.062 ദശലക്ഷം…
Read Moreഷൂട്ടിംഗിൽ ഇന്ത്യയ്ക്ക് വീണ്ടും സ്വർണം
ജക്കാർത്ത: ഷൂട്ടിംഗിൽ ഇന്ത്യയ്ക്കു വീണ്ടും സുവർണ നേട്ടം. വനിതകളുടെ 25 മീറ്റർ എയർ പിസ്റ്റളിൽ രാഹി സർണോബാതാണ് സ്വർണമണിഞ്ഞത്. ഇതോടെ പതിനെട്ടാമത് ഏഷ്യൻ ഗെയിംസിൽ ഇന്ത്യയുടെ സ്വർണമെഡൽനേട്ടം നാലായി.രണ്ട് സ്വർണമാണ് ഇതുവരെ ഇന്ത്യ ഷൂട്ടിംഗ് റേഞ്ചിൽനിന്ന് സ്വന്തമാക്കിയത്.
Read Moreഇന്ത്യയ്ക്ക് 203 റണ്സ് ജയം
നോട്ടിംഗ്ഹാം: മൂന്നാം ടെസ്റ്റിൽ ഇംഗ്ലണ്ടിനെ 203 റണ്സിന് തകർത്ത് ഇന്ത്യ ടെസ്റ്റ് പരന്പരയിൽ ശക്തമായ തിരിച്ചുവരവ് നടത്തി. ജയത്തോടെ അഞ്ച് മത്സരങ്ങളുടെ പരന്പര 1-2 എന്ന നിലയിലായി. ആദ്യ രണ്ടു ടെസ്റ്റും ഇംഗ്ലണ്ട് വിജയിച്ചിരുന്നു. ഒരു വിക്കറ്റ് മാത്രം അകലെയായിരുന്ന ഇന്ത്യയുടെ വിജയം തടുക്കാൻ ആൻഡേഴ്സണ്-റഷീദ് സഖ്യത്തിന് ആകുമായിരുന്നില്ല. അഞ്ചാം ദിവസം മൂന്നാം ഓവറിലെ അഞ്ചാം പന്തിൽ ആൻഡേഴ്സണെ വീഴ്ത്തി അശ്വിനാണ് ഇന്ത്യയ്ക്ക് ജയം സമ്മാനിച്ചത്. 33 റണ്സുമായി ആദിൽ റഷീദ് പുറത്താകാതെ നിന്നു. ഇന്ത്യയ്ക്ക് വേണ്ടി ജസ്പ്രീത് ബുംറ അഞ്ച് വിക്കറ്റ് വീഴ്ത്തി. ഇഷാന്ത് ശർമ രണ്ടു വിക്കറ്റ് നേടി. 311/9 എന്ന നിലയിലാണ് ഇംഗ്ലണ്ട് അഞ്ചാം ദിനം ബാറ്റിംഗിനെത്തിയത്. ഇന്ന് ആറ് റണ്സ് കൂടി മാത്രമാണ് ഇംഗ്ലണ്ടിന് ചേർക്കാൻ കഴിഞ്ഞത്. നേരത്തെ നാലാം ദിനം സെഞ്ചുറി നേടിയ ജോസ് ബട്ലർ അർധ സെഞ്ചുറി നേടിയ…
Read Moreചരിത്രം കുറിച്ച് നൊവാക്ക് ജോക്കോവിച്ച്
സെർബിയൻ പുരുഷ സിംഗിൾസ് ടെന്നീസ് താരം നൊവാക് ജോക്കോവിച്ച് പുതിയ റിക്കാർഡിൽ. മാസ്റ്റേഴ്സ് ടൂർണമെന്റുകളിലെ എല്ലാ കിരീടങ്ങളും നേടുന്ന ആദ്യ താരമെന്ന റിക്കാർഡാണ് ജോക്കോവിച്ച് സ്വന്തമാക്കിയത്. സിൻസിനാറ്റി മാസ്റ്റേഴ്സ് ഫൈനലിൽ സ്വിറ്റ്സർലൻഡിന്റെ റോജർ ഫെഡററെ കീഴടക്കി ജോക്കോവിച്ച് കിരീടം കരസ്ഥമാക്കി. ഇതോടെ ഒന്പത് മാസ്റ്റേഴ്സ് കിരീടവും സെർബ് താരത്തിന്റെ പേരിൽ കുറിക്കപ്പെട്ടു. 6-4, 6-4നായിരുന്നു ജോക്കോവിച്ചിന്റെ ജയം. സിൻസിനാറ്റിയിൽ ആദ്യമായാണ് എനിക്ക് കിരീടമുയർത്താനായത്. എനിക്ക് ഏറ്റവും പ്രിയപ്പെട്ട മുഹൂർത്തമാണിത് – ജോക്കോവിച്ച് പറഞ്ഞു. സിൻസിനാറ്റി മാസ്റ്റേഴ്സ് സിംഗിൾസ് ഫൈനലിൽ നേരത്തേ ജോക്കോവിച്ച് അഞ്ച് തവണ എത്തിയിരുന്നു. ഫെഡറർ സിൻസിനാറ്റി കിരീടം ഏഴ് തവണ നേടിയിട്ടുണ്ട്. ഇതോടെ അടുത്ത തിങ്കളാഴ്ച ആരംഭിക്കുന്ന യുഎസ് ഓപ്പണിൽ പൂർണആത്മവിശ്വാസത്തോടെ ജോക്കോവിച്ചിനു പങ്കെടുക്കാം.
Read More